2005 年 4 月 26 日 星期二 【晴】

今日一放工就出左去銅鑼灣搵connie,因為今日又應承左做佢既model俾佢練化妝......今次既手勢確實係好過上次既.....不過仍然夾親我隻眼囉......痛死我喇.......>_<"

練完之後,同左connie去搵德仔......well.......今次佢地轉左新地方,第一次去,感覺好過靈精,起碼冇咁煙,又好似地方大dd......不過篤篤機都係靈精既好d~~ ^^

玩左陣之後,我同connie兩個人去左食車仔麵,正呀!! 好耐都未去過果間食架喇......記得上一次去食已經係好耐之前既事.......果時仲要係同健威,家姐去食添.......

食完之後,connie陪我去等170......哈哈......竟然咁好彩俾我見到阿騏既女朋友,頭先係機鋪我都已經冇行埋去見阿騏,費事再有任何接觸.......少見d好,connie話佢女朋友認得我,仲望住左我地......well.......多得阿騏俾我幅相佢女朋友睇啦......不過今次我都係第一次見到呢個傳說中既"乾妹".......唔知係咪始終知佢係咩人......我對佢感覺始終唔好......講真唔太喜歡佢......(可能係個"豬咀"問題啦......haha.....connie,我知你明白我想講咩既~~)

今晚好開心,好耐未試過同connie一齊有講有笑左成晚喇!!! 今晚話題特別多呢~~ ^_<

connie......講樣野你知丫~ 分開未必唔好架......分開左睇到既野其實仲多,諗亦冇用架......找個真心專一對自己好既先最緊要.......因為呢個人係要對一世架~你明嘛?! 何況今晚之後,我對我地既自信心提升到頂點呢......haha........我相信你一定可以找到個比現在既更好架!!! right?! 永遠企o係你果邊架~ \^0^/

：：：：：：：：：：：：：：：：：：：：：：：：：：：：：：：：：：：：：：：：：

豬豬知道鵬鵬唔會唔理自己......琴日係豬豬唔o岩.....亂發左脾氣,諗錯左第二邊.......
對唔住呢......豬豬以後會小心d......會多d企o係老公仔立場去諗架喇........
豬豬知錯了.......希望老公仔繼續愛錫豬豬啦~~

>>April 27, 2005 at 1:35:55 AM GMT+8

2005 年 4 月 25 日 星期一 【酷熱】

今晚去左鵬鵬屋企食飯......係第一次去佢屋企食飯呢.....好緊張......好怕自己又出醜呢.....= ="
好彩鵬媽媽好好人~安全finish成個食飯過程......^^;;

聽日鵬鵬唔駛番工......所以今晚可以送我返屋企.......不過今晚好唔開心.......第一次見到鵬鵬唔理自己,唔出聲既表情.......我好想表達俾佢知我想點.......但我已經講唔出,只係識得喊........第一次o係鵬鵬面前喊,忍唔到........其實真係唔想俾佢見到我喊.......所以呢次亦係最後一次,我唔會再俾自己咁冇用再俾人見到我喊架!!

今晚既心情......
生氣+失望=喊
喊+乙水乙水=又喊又笑

>>April 27, 2005 at 1:50:07 AM GMT+8

2005 年 4 月 24 日 星期日 【晴】

難忘既一天.....
無諗過原來可以係咁支力既呢.....

＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄

無無聊聊計過自己呢個月既OT鍾數.......嘩~~半個月開既OT已經超過左上個月既成績......加埋黎緊呢個月尾既例行加班.......哈哈......真係不敢想像.......不過呢個月用多左,下個月又要俾多D,母親節父親節,媽咪生日.......愈諗愈多,有冇攪錯?!點解可以咁多開支架?! >_<........唉........算啦,都係早DD訓吧啦........(無奈)

＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄＄

WELL......夏天已經來臨........我又要同我最憎既脂肪怪作戰喇........v_v;;
不過28號之後先啦!!!

>>April 24, 2005 at 10:48:05 PM GMT+8

2005 年 4 月 19 日 星期二 【酷熱】

今日7點放工就帶左阿威出銅鑼灣搵Gloria做Facial,今次係阿威既第一次呢~haha.....估唔到佢都幾忍得痛!!! ^^" 做完之後,阿威帶左我去灣仔一間由張堅庭開既餐廳食飯(個名叫"表哥"呀~),d野麻麻地啦......唔係想像中咁好味......食完之後阿威陪我搭地鐵......11點半番到屋企.......

．．．．．．．．．．．．．．．．．．．．．．．．．．．．．．．．．．．．．．．．．

今晚媽咪同我講爸爸做野果度好受氣,成日俾人鬧.....做得好唔開心,依家想辭職......叫我要生性d......媽咪仲話爸爸最擔心果個就係我......成日怕我冇啦啦攪單大獲野出黎,又怕我跟左d壞人,擔心呢樣擔心果樣......講到呢度媽咪仲眼濕濕咁......唉......嚇死我喇......我知我以前唔乖呢......但我依家已經好努力咁做番個乖女.......我亦知道呢個屋企自己都有份,要多d為呢個屋企.......其實聽見爸爸年紀咁大確實唔應該再受氣(鬧我爸爸果D人正pk黎架!!唔好俾我o係街見到添呀!!>_<).......唔做都o岩既......應該係時候要休息一下.......下個月我決定會俾多d屋企......我要更加努力開多d OT!!

>>April 20, 2005 at 12:20:07 AM GMT+8

2005 年 4 月 18 日 星期一 【酷熱】

返左咁多日工,鵬鵬終於今日放假喇~~為左可以同佢一齊,我今日都請左半日假呢!!
12點就放工,鵬鵬已經係我公司門口等緊我,為左慳錢,今日決定番屋企煮野食~幸運既老公仔已經嘗試過我既手勢兩次.....下次......我一定要試番老公仔既手勢呢!! >:)

sweet sweet完之後,我地就一齊搭巴士出旺角,去左百老匯電影中心買"哈爾移動城堡"既飛~行左陣旺角,鵬鵬帶左我去一間叫車品品既小食店度食dinner,雖然呢間係一間好細既鋪仔,不過d野食勁正~勁多人幫襯!!!特別係個"咖喱撈"......試左一啖,辣死豬咁滯......haha......仲攪到豬豬飲水"俗"襯呢.....出晒醜.....醜死豬喇.....>_<" 不過我會再去多幾次呢!! 我要試晒所有野食為止~(笑)

"移動城"都唔錯呢.....不過真係好似"千與千尋"好睇d.....好彩有木村配音......正!!真係好鐘意佢把聲!!勁man!! 又有感情喎!! 加上"哈爾"實在太靚仔有型喇~~最鐘意佢金頭髮果時既look呢!! 反而今次個女主個冇想像中畫得咁標緻......仲有"卡西化"好可愛呢......hehe.......今晚好滿足呀!!

一日裡面食左2次雪糕.......well.......下次唔可以再咁放縱自己呢......= ="
不過老公仔除外.......3杯.......ok丫!! (笑)

>>April 20, 2005 at 1:17:45 AM GMT+8

2005 年 4 月 17 日 星期日 【微冷】

番左半日工.....2點就放工走人.....去左馬安山同阿魚食lunch行街街.....行左陣發現都係新城市多d野行.....搭車出番沙田兜~買左件衫同哥哥份生日禮物之後,就同魚番左屋企同我成家一齊食飯慶祝我哥哥生日!!今日樂樂同嵐嵐都有黎呢.....又同佢地玩左成晚......真係開心死我喇~ ^0^/

食完飯影下相等嵐嵐佢地走左之後都已經成9點幾......鵬鵬已經同傑,肥中,浚文o係娛樂城篤緊波得緊我,阿魚未正式見過我老公仔既真面目呢....今晚決定帶佢見下.....haha.....唔知阿魚對我鵬鵬既評審高唔高呢?!well......不過以阿魚依家既狀況......應該咩異性生物都睇唔見架喇.....呵呵.....(笑)點都好......好事黎既~最緊要自己開心嘛!! ^_<

本來今晚老公仔答應去睇"移動城".......不過睇見老公仔咁想篤波......而佢又好似好耐冇見過傑佢地咁.......我又更加唔想佢令人覺得佢重色輕友.....所以今晚冇得睇雖然有d失望唔開心......不過我知道應該要體諒對方,唔可以咁小家子呢......始終鵬鵬開心即係琪琪開心!!

>>April 20, 2005 at 12:53:46 AM GMT+8

2005 年 4 月 16 日 星期六 【微冷】

過左咁多日,今日終於可以見下鵬鵬喇~
本來今晚約左o係旺角.....不過我今日唔舒服,鵬鵬想送我番屋企,所以改左o係沙田食飯睇戲.....^^

今晚既晚餐o係m記度攪掂!! 好味呢.....只要同老公仔一齊食.....邊度都咁好味!!

之後我地去UA睇"藉著雨點說愛你",唔錯呢~拓司又好cute又活潑~澪又靚又清純~仲有阿巧......佢個性格傻更更咁.....我覺得佢有d似老公仔呢.....haha.....不過我鐘意!! (笑)

聽日鵬鵬仲要番工.....今晚繼續要早d訓呢.....

>>April 20, 2005 at 12:33:10 AM GMT+8

2005 年 4 月 14 日 星期四 【微冷】

老公仔工作已經差唔多一星期......呢個星期可算是我最難過,過得最慢既一個星期......好似做極都仲未到星期六咁......加埋聽日,已經有5日冇見過老公仔喇......以前都未試過咁多日冇見既.....(哭)

呢個星期我每日都有諗過出去玩,好似以前咁,出去識多d新朋友,見下新地方,務求放工後都要過得充實同開心......其實拍拖之後,為左鵬鵬,已經冇再日日出去亦冇再落吧玩.......生活雖然冇以前咁豐富,但多了很多甜蜜,我都已經好滿足了.......為左令自己唔好忘記呢種感覺,我都唔敢再出去玩呢.....因為我怕自己出去玩得多.....會再次玩"闖"左個心.....唔識番屋企.....習慣冇鵬鵬o係身邊.....我唔想我會變成咁呢!! >_<

睇住老公仔每日都咁辛苦做野......我覺得我都要陪佢,等佢知道佢辛苦我都會陪佢一齊辛苦!! 所以呢個星期差唔多每日都加班呢~~haha.....^^

＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋＃＋

琴日睇左醫生.....煩死喇.....又耳仔發炎....又要食好多藥同滴藥水.....唉......滴左藥水又聽唔到野.....好唔方便呀!! 最慘係又痛過......嗚......求神拜佛唔好再痛落去呀......如果唔係殺左我吧啦.....= ="
醫生仲話我既淋巴腺(我都唔知係腺定核喇.....)又大左.....怕係d唔好既細胞黎呢.....建議我入醫院抽d細胞出黎化驗......如果唔正常就要入院做手術割左佢......well......我覺得個醫生講得好誇張呢......我已經好怕打針.....依家要我做d會"割開"我d皮既手術,唔痛死我都嚇死我啦......我完全冇心理準備囉......所以依家我都係選擇左食藥先......其他野我死都唔會諗住呢!!!

>>April 15, 2005 at 12:02:20 AM GMT+8

2005 年 4 月 11 日 星期一 【酷熱】

點解好似樣樣野都唔順利咁既?!
唉.....好唔開心呢.....>_<

仲未睇到"哈爾移動城",由上年年頭我知道之後已經開始想睇.....期待左好耐呢......

耳患又發作.....唱唔到歌.....要無限期休戰......唱歌係我生命既一部份呢......

公司愈來愈多是非精......做野冇以前咁開心呢......

好似愈來愈冇時間同鵬鵬見面......要見好似要做booking咁......與其每次只可以見段短時間,我寧願唔見喇......短聚只會令人更唔捨得呢......

呢排有肥番......又要再努力減過......如果唔係夏天著衫唔好睇......唔可以再食我鐘意既朱古力,糖同雪糕住......好失落呢......

妹妹第一次見到哥哥咁落寞既樣呢......好想見番哥哥開心充滿自信既笑容呀......真係好希望個個都有人要有拖拍呢......

icq又死埋.....uninstall完再install過十幾廿萬次都唔得.....又上唔到......d history又冇晒.....激唔開心呢!!

唔制呀~~~黑色4月呀!!!!!!!!!! (哭)

>>April 12, 2005 at 12:45:33 AM GMT+8

2005 年 4 月 9 日 星期六 【酷熱】

今晚望住個日記版好耐先落到筆.....因為我都唔清楚自己依家是怎麼樣既心情呢....腦袋好似總是空空的.....

不過今晚我才知道我在不知不覺間流露左我不信任你既一面,希望你唔好自責呢....因為呢個始終係我既問題.....其實我係個超級沒有安全感既女仔,每當我擁有一樣野既時候,我要完全擁有佢,我先感覺安心,放心.....或者我知道你心目中既第一位仍然係你既前女朋友啦.....我知時間係我最大既敵人,始終我地都係開始了沒多久,所以我是明白的.....

但是我想講我不是不信任你呢.....只是我唔想再好似之前咁愛得太盲目太過份罷了......以前我就是覺得自己太要清楚另一伴既行蹤,太纏人,甚至想佢所有的時間都留俾自己,心目中只有我一個,我要做佢既第一位.....最後終於令人討厭自己,縑自己煩,根本做唔到一個女朋友應有既表現......加上太信任一個人也不是一件好事,一句"我沒有出去玩呀....我只會講一次,你信就信唔信就算!!"已經令我痛苦左好耐......眼見電話裡既msg,發訊者唔係自己既名字,而係來自不同女仔既名字,再看著自己既男朋友兇惡同認真地講這番話既樣子,我唯有同自己講要相信......我承認我的確被阿騏影響很大......佢令我改變左我對男仔既看法......甜蜜美好既說話誰都會講,行動卻是最能睇到人真正一面既鏡子.......我知我依家可能自私左,但我相信理性點會令我自己幸福快樂些......

我明白你是與其他的不同的......可能我仲未相信自己咁幸運,竟然可以找到個這麼好既男朋友呢......

但你已經是我的第一位了......明白嘛?!

>>April 10, 2005 at 1:56:59 AM GMT+8

初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。 讀者留言 |  路人留言   | 小情人..睇到你有Y仁呢個咁好o >>March 10, 2009 at 10:54:18 PM GMT+8 雖然張卡普普通通..但係我用左九 >>March 10, 2009 at 1:15:04 AM GMT+8 我都要好多謝你送既情人節禮物.. >>February 15, 2009 at 10:26:49 PM GMT+8 其實經過今次旅行，你既日語能力應 >>April 8, 2008 at 12:39:11 AM GMT+8 不知不覺你又成個月無寫日記 >>February 13, 2008 at 2:59:37 AM GMT+8 連續幾篇日記都係遊同係咁食... >>October 17, 2007 at 12:16:11 AM GMT+8 呵呵呵~~ <br>老婆你今次一 >>October 16, 2007 at 12:07:08 AM GMT+8 你講到我咁偉大//,, <br> >>July 25, 2007 at 6:28:24 PM GMT+8 好～～早２日同你講生日快樂先 < >>March 4, 2007 at 1:04:28 AM GMT+8 咁爛訓既我..專登唔鬼訓我都留言 >>February 19, 2007 at 1:46:41 AM GMT+8 哈哈~~見到你同ryry咁開心. >>February 6, 2007 at 10:36:45 PM GMT+8 06就過去喇~~唔開心一掃而空 >>December 31, 2006 at 12:15:24 AM GMT+8 hehe...thanks! >>November 7, 2006 at 9:27:15 PM GMT+8 "不是愛傷害了我們 <br>是時 >>October 30, 2006 at 7:03:18 PM GMT+8 嘩!!~哈哈~我最近都聽緊呢隻電 >>May 26, 2006 at 5:15:19 AM GMT+8 吊!!!咩撚人黎架?!咁撚樣衰都 >>May 10, 2006 at 1:06:16 AM GMT+8 收禮物呀~! >>March 22, 2006 at 12:21:33 AM GMT+8 咪理佢咁多啦~清者自清, 心數自 >>February 20, 2006 at 5:45:36 PM GMT+8 其實星期六晚我都好想喊... < >>February 15, 2006 at 11:14:39 PM GMT+8 i agree with u t >>January 15, 2006 at 7:20:45 PM GMT+8 好&#24543;好&#2454 >>November 14, 2005 at 6:35:56 PM GMT+8 等我加手字先.... <br> >>October 26, 2005 at 3:56:19 PM GMT+8 叫動物家族好唔好呀﹖ >>September 5, 2005 at 11:29:01 PM GMT+8 路人甲行過 >>August 15, 2005 at 12:29:00 AM GMT+8 hihi....今日真係好開心呢 >>July 8, 2005 at 4:02:17 AM GMT+8 快d入黎我公司做啦！ <br> >>June 5, 2005 at 11:27:19 PM GMT+8 又唔駛錫晒o既,俾阿鵬鵬好"d" >>April 30, 2005 at 1:55:32 AM GMT+8 傻啦，豬豬，我又點捨得嬲你呢。 >>April 27, 2005 at 9:56:25 PM GMT+8 而!乜你又改左名叫小矮人咩 @_ >>April 24, 2005 at 11:17:23 PM GMT+8 我感覺到呢篇完全係發自內心寫 o >>April 11, 2005 at 2:14:17 AM GMT+8 依家除左阿筠,阿威,kathy同 >>April 4, 2005 at 11:49:50 PM GMT+8 哥哥知阿妹o既話係出於關心,安慰 >>April 1, 2005 at 11:40:50 PM GMT+8 我們不擁有任何人,相愛是一種默契 >>October 29, 2004 at 12:06:33 PM GMT+8 我都相信karma，重咩因，就會 >>September 7, 2004 at 2:30:39 PM GMT+8 最緊要問心無愧！對得住自己，對得 >>September 7, 2004 at 2:26:09 PM GMT+8 其實辛苦先會肥 <br> <br >>June 22, 2004 at 2:31:08 PM GMT+8 終於肯update！ <br> >>February 27, 2004 at 1:12:37 AM GMT+8 厭食.......... <br >>November 28, 2003 at 3:33:43 AM GMT+8 原來你也喜歡[決定愛你]這歌呀! >>November 27, 2003 at 11:50:22 PM GMT+8 I miss daniel ~~ >>November 25, 2003 at 8:02:37 PM GMT+8 一字記之曰: 男人冇本心 ~ >>September 28, 2003 at 5:53:40 PM GMT+8 我重申我為人好低調,亦唔鍾意映貼 >>September 16, 2003 at 9:55:57 PM GMT+8 if ur life is as >>September 1, 2003 at 2:15:40 AM GMT+8 YEAH!!!!! tmr is >>September 1, 2003 at 2:14:17 AM GMT+8 失戀、負債、失業、失學唔一定係唔 >>August 31, 2003 at 3:37:54 PM GMT+8 哀莫大於心死！ <br> <br >>August 29, 2003 at 12:18:18 AM GMT+8 Time makes every >>August 28, 2003 at 10:56:13 PM GMT+8 唔知叫咩名果個叫肥聰(都係胡忠仔 >>August 13, 2003 at 10:26:53 PM GMT+8 一定可以既!!!! <br>加上 >>August 12, 2003 at 12:13:04 AM GMT+8 有心唔怕遲！！！！！ <br> >>August 2, 2003 at 12:44:04 AM GMT+8 有o的朋友會o係我地人生既路上因 >>July 24, 2003 at 11:51:24 PM GMT+8 鼓之達人...呵呵呵...我地不 >>July 14, 2003 at 6:42:31 PM GMT+8 睇下原來你有咁多Friends原 >>July 10, 2003 at 3:07:59 AM GMT+8 妹睇左你5/7 o既日記後我終於 >>July 5, 2003 at 11:12:37 PM GMT+8 邊個欺騙你 ar?!妹 <br> >>July 1, 2003 at 11:01:01 PM GMT+8 波波你唔好亂咁諗 la <br> >>June 30, 2003 at 12:07:13 AM GMT+8 傻妹~~ <br>你唔好想太多喇 >>June 21, 2003 at 9:47:04 PM GMT+8 波波你無野 ar <br>又唔開 >>June 13, 2003 at 1:10:23 AM GMT+8 Fate chooses you >>May 31, 2003 at 5:33:08 PM GMT+8 我地都冇耐冇見,每次到訪~咩你都 >>May 28, 2003 at 3:51:27 PM GMT+8 天上有彩虹等緊你呀!! <br> >>May 26, 2003 at 6:23:39 PM GMT+8 開心0的啦香港人!! >>May 22, 2003 at 9:39:54 AM GMT+8 我黎喇!^^ <br>你就好啦! >>May 20, 2003 at 4:12:22 AM GMT+8 "妹"你近排係咪好多問題ar? >>April 26, 2003 at 11:52:35 PM GMT+8 咁無恆心ga <br>真係就快變 >>April 14, 2003 at 4:04:55 PM GMT+8 "E"...... <br>嘩a >>April 7, 2003 at 5:16:18 PM GMT+8 我都知阿琪係一個好好好..... >>April 7, 2003 at 1:38:06 PM GMT+8 頂你ar..... <br>個阿 >>April 6, 2003 at 2:21:27 AM GMT+8 你都知你阿哥係咁賤格架喇.... >>April 5, 2003 at 3:18:32 PM GMT+8 阿哥一定會原諒你,因為你係我阿妹 >>April 3, 2003 at 2:38:02 AM GMT+8 阿哥一定會原諒你,因為你係我妹妹 >>April 3, 2003 at 2:19:59 AM GMT+8 哈哈~~ <br>咁都俾我知道你 >>March 29, 2003 at 6:04:37 PM GMT+8 成編日記得羊冇牛既!!哼! <b >>March 22, 2003 at 11:18:25 PM GMT+8

人氣: 37260

Design & Scripting by ShowHappy.Net