|
2004 年 9 月 10 日 星期五 【微冷】
從今日起........我要學習做個上者..........
＃＃～＃＃～＃＃～＃＃～＃＃～＃＃～＃＃～＃＃～＃＃～＃＃～＃＃～＃＃～＃＃～＃＃
如何能膽小 看到處風浪大
只怪我命大 被嚇大
你大路 我有世界
我細但我是名牌 不太希罕你買
我大無畏 面臨大煩惱 越變大
若別人買 別人都看小 偏開了大
>>September 13, 2004 at 10:44:42 PM GMT+8
2004 年 9 月 6 日 星期一 【清涼】
自從上星期六晚同某某o係電話度鬧翻左之後........一直都冇再聽過電話講過任何說話,我明白你有你既喜好,但我何嘗沒有我既尊嚴丫?! 一句話唔想就好像將所有既錯都推落到我身上一樣,點解我唔可以出現?!就係因為你一個咁既理由?!我真係好唔明白........什麼叫"呼之則來揮之則去"?! 我深深咁感受到.........或許你覺得我依家咁既態度係因為我好小器,好多心,但我其實唔係每一個人都會放心機落去,每一個人都會去著緊..........但偏偏你就覺得呢d令你最煩擾最討厭.........
或許我真係唔識得做個討人喜歡既女仔啦...........
＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊
許多旁人說我不太明瞭男孩子
不受命令就是一種最壞名字
笑我這個毫無辦法管束的野孩子
連沒有幸福都不介意.........
>>September 13, 2004 at 10:16:15 PM GMT+8
2004 年 9 月 4 日 星期六 【清涼】
今晚我學懂面對自己既過去.......
我發覺o係呢個世上最可恥既唔係一般世俗人眼中所謂果種唔見得光既過去,每個人既人生行既路都會唔同,有d行既係直路,有d行既係彎路,更加有d係兜左一個大圈........途中,果d自以為自己行o岩路既人往往非常睇唔起那些沒有跟他們行同一樣路既人!!!更視佢地為罪大惡極..........不可原諒不受尊重..........
但在我來看,這班人其實比其他生存o係呢個世界上既人更加可悲.........他們每一個都讀左很多很多書,用了父母很多很多錢,但他們在學校最需要學到亦係最基本要學會既一樣野---"尊重別人",用左21年時間都未學懂.......佢地對唔住養育佢地多年既父母!! 在學校裡每每犯錯既時候,因為害怕老師懲罰自己,往往o係心中不停咁祈禱希望老師會原諒自己所犯既大錯,可惜他們用了21年時間仍未設身處地地去學懂一樣野---"容納別人".......佢地對唔住教育佢地多年既老師!! o係社會上,人們為左自己既利益,往往忘記一個人應有既品德,爾虞我詐,什麼朋友不朋友都可以出賣可以眼巴巴地看著他死,甚至想推多一把,對自己有益既則努力擁護,這些所謂既"生存之道",佢地唔使用上21年時間馬上全部學懂.........佢地對唔住一直視他們為朋友既所有朋友!! 他們花一生既時間,大概只會學懂一樣世界上最自私既野---"只愛自己"!!
這晚我接受了我既過去............亦發覺佢原來係好可愛架~因為佢,令我清楚明白自己是個有用既人!!!
>>September 6, 2004 at 1:17:05 AM GMT+8
2004 年 8 月 29 日 星期日 【乍寒還暖】
今日朝早起身,照鏡後突然有感而發...........
努力減肥左差唔多個半月.........每晚做運動半個鐘以上對於我黎講已經唔再係件難事~反而已經成為左我生活既一部分!!依家唔做好似去唔到訓覺咁添.......哈~ ^^"
d專業既人雖然成日講既野都係果d,不過真係好有佢既道理既~(或者呢d其實自己一早就知不過就係唔去做......哈!!=D)我呢段時間一日三餐都食足!!只係冇大飲大食同狂食零食而已........加埋每日keep住做運動,用左個半月就已經減左12.5磅lu~~ \^0^/ (笑)真係冇諗過可以有咁既成績呀!! 以前食呢隻藥食果隻藥,又節食又飲茶........都係減唔到,減到既又好快肥番,而且又攪到個人好病好冇體力!!>_<" 以前又冇咁大既恆心,keep住日日做成30分鐘以上既運動........減唔到肥都係抵既~(笑)
不過雖然瘦左.......著衫靚左(我自己覺得o者^^"),但因為我每次一瘦都係由塊面開始瘦先,瘦得最多既亦係o係塊面度!!唔知係唔慣定呢個係事實..........差唔多每個人都同我講同一番說話"夠喇~唔好再減喇!!你瘦左冇唔靚喇.......你睇你塊面細左幾多?! 以前肥d靚d呀~" 唉.........其實我自己都有咁既感覺,我鐘意深田恭子都因為佢塊面肥肥地睇起下黎好可愛嘛~但我真係唔知點可以只減個身而減唔到塊面!!! (哭)
不過我係唔會放棄架.......因為我仲想減多幾磅!!依家呢個仲未係我既目標~ >:)
但有冇人可以話我知點令塊面肥番d呢?! (無奈.......)
>>August 29, 2004 at 12:52:38 PM GMT+8
2004 年 8 月 20 日 星期五 【酷熱】
今晚connie約左yuki佢地去基哥哥度飲野,好耐冇見過yuki既我都想睇下佢依家點,所以放左工都上左去~哈哈.......yuki自從唔使晚晚喪飲之後,轉左係旺角一棟商業大廈其中一間公司度做OL,著住既OL衫真係成個feel都唔同晒~依家真係肥左又靚左!! +^^+
不過最吸引我既都係果個傳說中connie既緋聞男友!! (笑)哈哈......我一入到去,yuki就好抵死咁話"呢個叫阿傑呀~阿傑哥咪係connie條仔囉!!呢個就係connie既老爺......"就咁我識左"connie條仔"阿傑(講笑咋),阿老爺,阿公同埋鏘哥~
>>September 6, 2004 at 1:19:26 AM GMT+8
2004 年 8 月 18 日 星期三 【酷熱】
今日放左工之後,我地support team表姐,polly,輝哥,阿威同埋我一齊去意粉屋食飯補祝輝哥16/8既生日~~輝哥雖然係個已經踏入三字頭既一個男人,不過佢唔似一般既男人!!
記得我初入到PCCW做野既時候,輝哥只不過早我個幾星期入去,但我有咩唔識,佢都可以好快咁教到我~不過之後有一段時間知道佢原來係個死肥仔老細既朋友之後,我地對佢真係好避忌,(因為果時肥仔對我地係好不滿架~成日都雞蛋裡挑骨頭!!)所以我地飯都唔會同佢食,野都唔會問佢,同佢就梗加唔會玩!!!依家諗番起真係覺得自己果時好衰呢......輝哥果陣一定係好慘好孤獨架喇.......>_<雖然我地果時咁對佢,但佢都冇對我地發過咩大脾氣,反而繼續一個人默默工作!!一個成熟既人真係唔同d~隨住我地相處既時間多左之後,我地慢慢發覺輝哥其實唔係我地想像中咁既一個人,反而原來佢一早已經對佢果個死肥老細朋友失望,甚至覺得佢做野既方法,待人既態度真係好有問題,每每實施d新制度既時間,都冇嘗試站過o係員工既位場度諗過!!現在輝哥已經係我地既人~哈哈........仲有時一齊對付個死肥老細添喎!!勝利永遠都企o係正義果邊既~ =D
直到今日.......八月十八號.........我剛剛係PCCW做滿左一年!! 係我正式出黎o係第一間公司做野既第一年!! ^0^/
依家我地support team相親相愛~常常團結一致抵抗"外敵"!!!雖然做既野每日都一樣,又成日都要開OT,外人可能覺得我地好慘,工作苦悶........但我一D都唔覺得~可能我地已經學會一路做野一路傾偈一路玩啦!!旁人以為我地咁樣一定會令工作進度慢左,但反而我地做得快左之餘,仲有時做多左添~哈......我地係唔會俾人睇死架!!呵呵........^0^
加上我有個好睇住我既表姐,成日同我打交既阿威,好錫成個support team既polly,同埋好凡事都好照顧我既小Q輝哥!! 9月開始仲會轉老細,以後唔會再係果個死肥仔睇我地,新老細係一個好nice成日笑同好有闊太薛家燕影子feel既太太黎架~由於呢個太太以前都係由support開始做上黎既,所以凡事佢都好明白我地既情況~識得體諒我地!!雖然我唔知可以o係呢度做到幾時,不過我唔會再講求d咩,或要搵好多好多錢,呢一刻........我只知開心就滿足了~ ^_<
>>August 29, 2004 at 3:17:55 PM GMT+8
2004 年 8 月 16 日 星期一 【酷熱】
俾人誤會...........感覺真的好難受.............唔想再俾人誤會落去,但又不知為此可以做些什麼...........
究竟係我對待朋友既方式一直都是個錯誤?! 或是我一直都以為了解我既好朋友原來一點都不了解我呢?!
係我心目中,所有我認定係我呢一生既好朋友,我都好想常常為佢地帶來快樂,當佢地有困難時為佢地帶來鼓勵...........對於呢樣野,我覺得為佢地每次都花一點點心思,一點點支持是應該的,甚至我更喜歡給我既朋友很多驚喜............從小到大,我以為這樣做會令我每一個朋友都感受到開心,或者我實在太單方面去諗喇.............忽略左朋友亦有朋友既底線............這是我預料不到亦是一直忽略左最重要既一點...........>_<
被人誤會實在係疚由自取.............現在我只想快點雨過天晴!!!
給我所有的好朋友...........<<拍住上>>
那次你出局 就連帶我也屈辱
跟你彷如至親沉痛 要抱著你哭
我進了一步 像提你也要趕路
想領先想對方遲到 我們做不到
如兩個永遠得一個慢 怕早晚都失散
情侶 有了高下怎麼玩
共你一起拍住上揚威 定要一起美麗 我先美麗
若誰 失手了 不要計哪個不抵
就算一起拍住會沉底 沒有分先與後 無論高矮
好友 也像拍拖 難得會拍一世
離開 再會亦是投契
各有各的命 若然你較我好命
差距反映美好的人性 替同伴高興
>>August 17, 2004 at 1:09:58 AM GMT+8
2004 年 8 月 7 日 星期六 【酷熱】
<<導盲人小慧&小琪>>............^^"
今晚真係玩得好痛快呢~(玩到我腳指抽筋.....= =")哈!!咁大個女都係第一次拖住隻"狗"係新城市周圍行~最正就係冇人捉我地喎!! 仲有勁多人鐘意佢,又摸佢又同佢影相,d小朋友行過又好好奇咁望佢喎~~真係好攪笑架個場面!!"佢"同阿剛養既一樣(我chose架喎!! ^0^)都係蠟腸狗黎架,個身又圓又長,果4隻腳又短喎!!所以行起路上黎好攪野~望住佢行路個樣都攪到我同vickie笑左好耐!!哈哈.......後尾我同vickie仲同佢改左個名,叫"飄兒"(飄移)~佢行路真係行到好似飄緊咁架........
由於"飄兒"佢出世唔係好耐.........好多野都唔識,所以我同vickie都做左佢既導盲人~望住"飄兒"成日扎扎跳,做出一d令人難以想像既動作時,真係好想佢係自己既狗呢~真係好唔捨得佢呀!! 雖然我同vickie都預左佢既生命一定比正常既短好多倍,甚至可能唔會再有救番既機會,anyway,希望佢既主人同佢既朋友可以好好咁對佢啦~
>>August 10, 2004 at 12:53:48 AM GMT+8
2004 年 8 月 1 日 星期日 【酷熱】
上星期約左vickie去唱k,終於o係今日實行左!! haha.......本來諗住去neway,奈何我一早已經俾greenbox門口既"日文曲8000"吸左去~估唔到Big Echo執左之後,可以o係勁近既greenbox度唱番!! hoho........實在太開心喇!!!不過可惜唱得果兩個鐘就cut歌...........唉............"兩粒鐘"?! 我地用黎熱身架咋喎!!! 激死.........>_<;;
＊後記＊
當我今日寫日記既時間,嚇見原來已經係8月1號...........太快了吧?! 2004年原來已經過左一大半!! v_v" 我仲有好多野未做好多事未實現架!!!!!!!唔通我要同自己玩"六樓后座"既現代版"三樓前座"入面既遊戲"u must dare"?! OH MY GOD~~~ @0@" 唔得!!!!! 我要努力d ~~唔可以輸架!!! 哼.........
別人常常說快樂既時間過得最快,但我覺得番左工,時間過得仲快!! 咁係咪即係我番工好快樂呢?! 哈哈........呢個問題.........值得去諗諗..........不過其實都幾開心既~ hehe.......+^^+
>>August 1, 2004 at 8:01:23 PM GMT+8
2004 年 7 月 6 日 星期二 【酷熱】
"喂~阿琪?!我返左黎喇~"
7月6號.....下晝當我o係公司做緊沉悶工作,不停望住個電話諗緊佢會幾時響既時候,突然佢真係響左起來!!! 係一個未見過既來電........我立刻放低晒所有野,接聽呢個電話,一把好熟識既聲音......係我至喜愛既好好好好好.......朋友Daniel呀~~開心死我喇!!!!Daniel仲要一落機就打俾我喇~hoho!!!!
好想快d快d見到佢呀!!! yeah~
>>July 14, 2004 at 12:41:28 AM GMT+8
|
![]()
初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。
|
|
|
人氣: 37259
Design & Scripting by ShowHappy.Net
|
從今日起........我要學習做個上者..........
自從上星期六晚同某某o係電話度鬧翻左之後........一直都冇再聽過電話講過任何說話,我明白你有你既喜好,但我何嘗沒有我既尊嚴丫?! 一句話唔想就好像將所有既錯都推落到我身上一樣,點解我唔可以出現?!就係因為你一個咁既理由?!我真係好唔明白........什麼叫"呼之則來揮之則去"?! 我深深咁感受到.........或許你覺得我依家咁既態度係因為我好小器,好多心,但我其實唔係每一個人都會放心機落去,每一個人都會去著緊..........但偏偏你就覺得呢d令你最煩擾最討厭.........
今晚connie約左yuki佢地去基哥哥度飲野,好耐冇見過yuki既我都想睇下佢依家點,所以放左工都上左去~哈哈.......yuki自從唔使晚晚喪飲之後,轉左係旺角一棟商業大廈其中一間公司度做OL,著住既OL衫真係成個feel都唔同晒~依家真係肥左又靚左!! +^^+
<<導盲人小慧&小琪>>............^^"