|
2005 年 4 月 8 日 星期五 【炎熱】
為左慶祝鵬鵬搵到新工,今日我特別番早放早d去同佢慶祝一番!! 6點放工,準時既鵬鵬已經到左公司樓下等我,之後我地就同埋kathy,vic,carrie一齊搭的士去新城市喇~
由於已經聽左鵬鵬講佢想買個大袋番工用好耐.....而聽日就要開始佢工作既第一天,所以我決定送佢一個袋做"鼓勵的禮物"~~前幾天聽見佢話o係lafuma睇中左個斜"咩"袋,前日去視察過.....唔....not match呢~~我覺得我老公仔可以"咩"個更加型既袋呢!!於是我前日自己一個行暈晒成個沙田,去晒咁多間賣男仔袋既鋪頭,最後o係double-park睇中左個黑色既布袋,簡單得黎又型!!完全係我心目中既型袋類型!!!為免老公仔唔鐘意個袋,所以今日放工拉埋佢一齊去睇多次,睇左好多間之後,好彩佢最鐘意都係我睇中果個呢~~就咁我就送左呢個袋俾鵬鵬喇.......(笑)
聽日就係老公仔返工既第一日,真係有開心有唔開心呢.....開心既係鵬鵬終於搵到工,唔駛再為錢而煩惱,又唔駛再o係屋企咁悶,對佢係一件很好既事呢,因為令佢變得上進勤力!! 唔開心既係以後唔可以話想見就見呢....少左時間相處,我怕我會唔慣......第時又會少接到佢電話,又唔可以出夜街......好多好多唔可以.....我怕我有好多好多唔習慣......雖然我知道呢個係個必經既階段,鵬鵬亦冇可能一世唔返工咁陪住自己呢.....(雖然我把口成日都話想鵬鵬快d搵到工.....但人就是咁矛盾架呢......>_<)點都好啦.....為左我地既將來,我知道我要變得更明白事理同體諒別人呢......我會努力的......
見到鵬鵬開心到成個細路仔咁.....我都好開心呢!!
我發覺o係呢個世界上,我最鐘意既係牛奶味......(笑)
>>April 9, 2005 at 12:07:46 AM GMT+8
2005 年 4 月 4 日 星期一 【微冷】
今日係兒童節呢....本來plan好左開開心心咁去慶祝一番....不過冇法呢....又有意外發生.....還是等下次好了.....
因為夜晚冇地方去,我決定左今日留o係公司OT,不過今日係公司發生左件令我好唔開心既事呢.....唉~d人為左個"利"字真係咩都做得出.....點解要咁呢?!個細既係咁....個大既仲衰!! 我真係忍唔住呢種咁既惡行呢!! 平時可以同你玩得好埋傾到下偈,有起事上黎句句有骨!! 我唔會為左d咁既同事講大話囉.....亦唔會向佢地屈服!!雖然今日俾人屈到我想喊呢....但我係唔會喊俾果d衰人睇架!!依家除左阿筠,阿威,kathy同polly之外.....其他人我都唔會信架喇~
眼紅紅的一天....v_v
～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～
今晚上網玩ＩＣＱ.....知道左何家偉終於考到警察.....真係好登佢開心呢~支持左佢咁耐,佢終於都成功左!! 我亦完成左要有個警察朋友既心願~
>>April 4, 2005 at 11:57:27 PM GMT+8
2005 年 4 月 3 日 星期日 【微冷】
幾日冇見鵬鵬.....呢兩日終於有時間可以見下喇~ ^0^/
星期六一放工我就搭車番新城市等鵬鵬佢地......鵬鵬星期六下晝同左肥中阿傑出尖咀行街買衫呢~真係羨慕死我喇!! 諗番起.....我都仲未買過夏天衫呢今季.....v_v" 出糧之後我一定要出去大掃貨!!
琴日7點幾o係bodyshop集合埋吳浚文之後,我地一行5人去左一間之前未試過既"阿拉麵館"食dinner~由於肥中出左花紅,所以咁餐佢請呢!!hehe......正呀~d野食都尚算ok.....不過不失咁啦~食完dinner佢地成班男仔既餘慶節目當然又係去篤波啦~今次鵬鵬好叻呢~篤4鋪贏足4鋪!! ^^ 其間同左connie傾電話....好攪笑,呢個小情人又幫我改左個新名...."陪波女郎".....OH NO.....呢個名唔多掂呢~haha....^^"
篤完波.....我既爛玩細胞話俾我知我仲未夠呢~加上好耐好耐冇試過玩通宵喇~真係好想好想去痛快玩番晚呢!!咁o岩阿傑又提議去唱k.....of cos!! 我當然奉陪到底啦!!原來吳浚文係唔唱k淨係會飲酒架呢.....雖然我唔飲得多果隻呢....但對住佢,我決定一於同佢"豪飲".....haha......^^" 鵬鵬佢地原來唔係咁識玩"色鐘"呢~真係有少少出奇.....平時我對住出面既人都係慘敗果個黎架呢....仲要係輸到我飲唔到要人代我飲果隻~今次竟然飲得最多果個唔係我係吳浚文!! (笑) 睇見吳浚文飲酒果樣就真係笑死人.....haha.....都唔知佢係真醉定假醉.....= =" 而肥中同阿傑最後都飲到high high地呢....我就因為好耐冇飲過....飲左少少之後就有d "wingwing"地.....無法呢....冇練好耐lu~鵬鵬雖然都有飲但佢都幾好酒量(好似.....)唔覺佢有咩異樣呢.....仲唱左成晚歌添~(笑) 自琴晚聽過鵬鵬唱歌後.....覺得佢唱歌技術又進步左呢!! 有幾首仲唱得唔錯添.....good good~我相信佢係有潛力架呢!!
唱k唱到朝早6點,帶著少少醉意既我地o係間茶餐廳食左個早餐之後,就各自番左屋企lu~~(當然我盡責既鵬鵬送埋我番屋企先走呢!!)
一訓我就訓到今日2點幾....鵬鵬唔打黎俾我,我諗我都會一直咁訓落去.....冇計啦~可能我好耐都冇試過訓咁耐可以咁晏起身喇~下晝4點幾鵬鵬佢地4個男仔又約左去源禾路打籃球,我就o係屋企上下網download下我好久冇聽既新歌~中間仲同左connie,哥哥佢地玩icq.......haha......好開心呢~竟然今日俾哥哥讚我依家個look ok~仲話比起以前我真係"thin"左好多.....呵呵~少有呢!! 平時對我一啖沙糖廿啖屎架嘛.....依家竟然.....@0@;;......well.......妹妹明白呢~哥哥既諗法......都o岩既~正所謂經一事長一智嘛!!
沖完涼扮完靚靚之後,大約6點幾我就出去睇鵬鵬打籃球,欣賞下我呢個"好man"既老公仔球技~等佢地打完波之後,我,鵬鵬,肥中同吳浚文4個去左紅豆子食野~我同鵬鵬一齊叫左個二人珍寶拉麵,真係好大碗呢.....兩個人真係食唔晒架.....我都唔敢食咁多.....唔想好似上次咁嘔呢...怕怕囉~
食完之後,由於我地有兩張見鬼10既免費戲飛,於是我地就一齊去睇喇~呢套野真係.....唔多掂呢~勁多笑位囉真係!!睇到我都笑左好多野......
睇完鬼戲....知道鵬鵬會驚呢~所以決定今晚早d放佢走.....haha.....=^^=
＊＊我講過我係個痴身既女朋友呢～耐左我會成日要見要一齊既人黎架.....接受到就最好呢!! 如果有一天當你接受唔到既時候.....一定要話我知呢.....>_<"
>>April 4, 2005 at 2:08:49 AM GMT+8
2005 年 3 月 31 日 星期四 【暴雨】
由28號開始直到今日.....日日都要加班呢.....冇10點都唔走得.....不過冇所謂呢!! 當賺多d錢~第時有得玩豪d~ haha......^^"
今日好開心因為lunch果時哥哥打黎同我傾電話,好例牌咁我地又互送高帽寒暄一番~~haha.....不過講開感情問題,我就覺得有時d野專一係好呢~但都要睇下對什麼人......要是對住一個已經唔再鐘意自己既人,就算再對佢幾咁專一對佢幾咁好都好啦.....佢都唔會有任何感動(我相信....),無論男又好女又好,我都覺得感情要付出得值得先好囉......所以我知哥哥咁聰明會明白妹妹既想法呢~
＊＊我發覺我坐公司果張椅既時間仲長過訓自己張床!!真係有冇攪錯呢....= =" haha.....學阿威話pccw先係我地既家呢!! (笑) 每日都對住咁多個電話number.....又打咁多個電話number.....唔唔......冇錯.....打電話怕怕呢~~ >_<"
＊＊唔知點解今晚我心情起左變化.....究竟我既問題定我真係o係不知不覺間影響了我身邊既另一伴呢?!記得同阿騏一齊既時候,果時佢又要搵工,但果時佢一直都掛住去玩冇去好好咁搵....直到我地第一次分開之後,佢至搵到工....到第二次一齊番佢又唔好好咁去做工,反而玩得仲多......之後到同阿貴一齊,果時佢又同我講佢唔想做原本果份想轉工幫哥哥手,都唔知係咁o岩定真係整定呢......同時阿貴既爸爸又要退休,屋企既擔子又由佢一個人負責晒,人工因為之前經濟唔好既關係只得番以前既一半.......時常都為左錢而擔憂冇錢同我出街而唔開心......兩次遇到呢種事情,我都幫唔上手呢.....唉~我好想令我既男朋友變得積極有上進心,所以我會同自己講我都要好好工作......即使係掛住對方都好.....都唔可以咁貪玩成日要男朋友陪住自己周圍去......今晚聽過鵬鵬既電話裡既語氣後,不禁令我又有番果種感覺,好想令佢振作呢.....但又唔知可以說什麼好.....突然覺得自己好冇用呢.....再一次幫唔到手......(哭)
或者大家唔見一排會好些呢.....雖然很掛心.....但可以令我既老公仔專心些搵工.....我願意咁做架~
>>April 1, 2005 at 1:59:09 AM GMT+8
2005 年 3 月 27 日 星期日 【綿綿細雨】
<<兩日一夜澳門開心之旅2>>
3月27日第二天......
由於琴晚玩到5點既關係,今朝大家都訓死晒呢~而我可能一個人訓既關係,8點幾就已經醒左,自己訓下醒下咁灘o係床度直到9點幾.....心裡面終於忍唔住要起身~因為好想走去睇下鵬鵬豬訓緊覺豬個樣呢~~ ^^"於是我起左身之後就靜雞雞咁偷入左男仔房喇.....入到去,鵬鵬同阿傑仲一齊訓緊,訓到好甜呢!!佢地個訓覺樣好可愛添呀.....haha.....跟住我仲攀過阿傑近距離望我既鵬鵬呢,不過唔小心整醒左鵬鵬.....>_<" 嚇死我呢果時!!鵬鵬個樣唔多滿意咁.....我都知係因為攪醒左佢既原固架喇~好彩當我準備退後離開返自己房費事阻住鵬鵬訓之際,鵬鵬伸出佢既手手攬攬我o者~ +^-^+ 就咁我地又過左個愉快既早上......
十一點幾十二點度,大家都開始逐個起身,吳浚文第一個起床~不過可能係因為佢上床果時太有衝勁既關係啦,竟然咁都俾佢撞到個頭仲起左個小瘤....haha.....我估都痛到佢訓唔到覺呢.....真係俾佢激死!!!(笑) 之後大家梳洗完食過早餐後又開始我地既澳門之旅........^0^/
今日既第一站係好出名既大三巴~可能係假期既關係啦.....激多大陸人囉....仲要係冇禮貌又霸道果隻囉~叫極唔該借借都唔聽.....成班好似撞聾咁.....激死我喇差d!!攪到我同鵬鵬幾經辛苦先影到幾幅相呢!! >_<" 見過大三巴後我地又去左附近既澳門博物館同炮台山行......影左幾幅靚相之後,我地就決定去搵地方醫肚.......今日唔知點解大家都好似幾想去飲茶咁,於是我地就去左一間叫"翠園"既酒樓飲茶,d野都ok好食同ok平......都算冇選擇錯誤~~
食飽飽之後本來諗住去買手信呢....沿途經過一間"青年桌球"既物體,呢班"篤波喜好者"又點會放過一顯身手既機會呢!! 於是我地又係果度玩左陣......今日鵬鵬好叻呢~玩兩鋪兩鋪都贏晒!! 掂呀~ v^0^v.....yeah~玩完之後我地去左鉅記買手信.....我今次又買左好多野呢!! 最重最大袋既係我呢.....呵呵......
買完手信之後,我地就搭的士返宿舍執野準備起程兼同uncle食番餐飯多謝佢既照顧,今晚我地去左一間萄國餐廳食晚飯,d野真係好好味呢~特別係個甜品.....直情要俾十個"正"佢呀!! ^_~ 道謝完uncle之後我地向我地最後一站"金莎"出發!!! 去到個feel真係好大好high呢.....我同鵬鵬今次又換左$60去玩老虎機......不過好呃人呢!! 用代幣都唔好玩既......贏左少少又拎唔番.....局住要繼續玩.....卒之我地輸晒$60呢~ >_<"
o係金莎玩完之後,都已經成10點幾了.....我地乘坐番金莎既尊車去碼頭搭十一點半船走.......就咁我地既澳門之旅就圓滿結束喇!!! ^-^
＊＊＊番到香港時已經係十二點幾一點呢......由於鵬鵬俾佢屋企人鬧既關係要盡快返屋企.....呢次亦係佢第一次冇送我返屋企呢!! 鵬鵬好擔心我因為咁既唔開心......其實我都冇所謂呢,反正意外呢樣野都唔會點發生o係我身上(我覺得.....),加上我知自己唔可以變得太依賴鵬鵬呢~咁樣對大家都唔好......所以我會明白係適當既時間要獨立呢!! ^_~
＊＊＊愛上了旅行的感覺了......希望快d有第二次就好喇!!
>>March 31, 2005 at 2:10:50 AM GMT+8
2005 年 3 月 26 日 星期六 【颳風】
<<兩日一夜澳門開心之旅>>
這是我們的第一個旅行.......
3月26日---第一天
趁住3月有個復活節假期(雖然我淨係放星期六日....好過冇啦~),我同鵬鵬同佢既朋友決定一齊去澳門玩下~26號既朝早我地約定10點半係中港城集合,原本plan好9點起身既我又訓死左....v_v"9點半先起身.....起身第一時間打俾鵬鵬報案.....冇計啦.....我都覺得唔好意思呢~~(笑)差唔多十一點我終於到達中港城~鵬鵬,傑,肥中同吳浚文已經到齊仲已經睇緊食咩早餐....最後我地o係"麵軒"叫左早餐食~不過唔知點解鵬鵬會話呢間叫"超軒"囉!! 真係俾佢激死.....^^"
十一點半我地終於正式上船開始我地兩日一夜既澳門之旅!! 入閘去過關果下feel真係好正呢~我同鵬鵬扮到好似去日本咁囉~勁興奮!!haha....傑佢地都冇我地咁好氣呢~~(笑)o係船上佢地四個男仔玩啤牌黎渡過船上既個幾鐘,我就開始拎住部相機影下相咁,玩啤牌果時,鵬鵬已經發現佢果日勁好運呢~成日都有靚牌!!嗯嗯.....冇錯呢~我都相信我地好好運呢一定會!! 呵呵.....黎到澳門已經差唔多一點lu~我地決定將d行李放低o係將會過夜既地方度先,所以我地就去左搵傑女朋友既爸爸媽媽先~去到先知原來Miriam既父母好利害呢~o係救世軍做野做到派去澳門關閘仲有屋住.....最犀利仲有銜頭~果然夠勁.....@0@;; 去左宿舍,auntie同我地講好夜晚黑既安排......男既一間房女既一間房......我咪即係要自己一個囉?! 唔制呢.....>_<"止時止刻,我真係覺得auntie想得太周到呢~~(哭)
第一站我地要去既地方就係auntie極力推介既大利來喇~呢間原來係一間好普通既士多,不過就好出名豬扒包!!每日只出一次,每日3點開始賣~我地搭巴士三點去到,人龍已經排到好長呢~~我地見到都不禁流左幾滴汗.....haha.....不過一埸黎到又點可以唔試下呢~就咁我地由三點排到四點半至有得食!!! 好彩呢個半鐘有吳浚文係度攪下笑,佢既獨特"包豬扒"理論真係笑左我好耐!!d"豬扒"想食豬扒就真係難囉~~haha.....所以呢個幾鐘唔算等得好苦呢~~ ^-^ 不過可能我一向都唔係話好喜愛食豬扒包呢類野,食過之後都係覺得咁.....冇咩特別.....(我一向都唔識食既其實....haha....我覺得食得我飽已經ok呢~~)但鵬鵬可能餓左好耐......所以佢反而覺得幾好味呢~~所以如果想知道係咪真係好食都係自己去親自試下好dd.....hehe......
食飽飽之後,原本我地決定去高卡車場玩,點知搭巴士唔識落車去左黑沙灣~~聽auntie講黑沙灣d沙係黑色好特別係個唔錯既沙灘呢~我幻想中都應該係個幾靚既沙灘,點知去到個沙灘比我想像中冇咁靚呢....d黑色似污糟多d....不過我發現d沙黑.....其實d海水仲黑....= =" 就咁我地o係沙灘影左幾幅相,我又同鵬鵬漫步左陣沙灘後就向高卡車場進發lu~
差唔多6點幾我地終於到達第三站---高卡車場~~原來玩一次呢d都幾貴呢~$180先玩得20分鐘.....鵬鵬,傑,肥中同吳浚文4個大男孩都好勇敢咁去試玩呢~我就....唔敢喇!!自己平時行路都可以無啦啦仆倒.....咁唔小心既人又點可以玩d要咁小心既野呢....自己知自己事....haha.....(笑)經過20分鐘既比賽之後,勝出叻仔既係吳浚文呢~原來佢手車真係唔錯呢~連鬼佬都要同佢握下手....^^" 第二叻既係阿傑,平安冇事完成比賽,第三係老公仔,炒左一次車呢,安全駕駛,唔錯!!最尾係肥中呢,炒左三次車,平安冇事,仲闖出新路......果然人不可貌相!! (笑)
玩完之後已經成8點半,我地乘番免費車出市中心搵野食,最後我地去左葡京附近既一間台灣野食晚飯,o係餐廳出面發生左段小插曲呢~當我地5個人企o係出面睇緊餐牌時竟然有個女人向鵬鵬派咸濕傳單!!冇錯....係咸濕傳單!!果時鵬鵬仲要係拖住我呢!!~_~" 果個女人真係唔知個"死"字點寫......點都好~好在我地成班男仔都夠定力o者!!冇受到d壞人影響~~(笑) 就咁,我同鵬鵬兩個人share魯肉飯,sweetsweet咁就一餐喇~~haha......
晚飯過後,我地就去葡京見識一下,我同鵬鵬一齊換左$70玩老虎機,一向賭咩都冇運既我竟然同鵬鵬一齊擦出左火花!!haha......幸運之神竟然肯黎到我身邊呢!! 我地勁中呢~最後我地total贏左$180添呀!! \^0^/ 正所謂見好就收,贏左錢我就決定唔再玩落去lu....拉住鵬鵬離開葡京之後,諗住搵的士搭返宿舍,行行下俾我地發現左間機鋪,鐘意玩既我地又點會放過玩既機會呢,於是我地又去左見識下喇~澳門既機鋪同香港既差唔多呢~不過好抵玩就真!! 全部用香港一半既價錢就可以玩到~d game又唔舊喎!! d人仲好靜好詩文呢....因為我發覺竟然冇乜人講粗口架囉.....^^"
返到宿舍已經12點幾,auntie已經一早訓左覺,uncle就一直睇電視等我地門,我地逐個沖完涼之後都成3點,難得去旅行,真係唔想咁早訓呢,加上又係吳浚文,有佢o係度我地個口真係唔駛停呢~係咁笑.....佢既"仆街"理論又攪到我地笑到肚痛!!!就咁我地幾個玩啤牌玩到成5點食埋auntie煲既瑤柱粥先肯走去訓呢....^^"
>>March 29, 2005 at 3:05:23 AM GMT+8
2005 年 3 月 19 日 星期六 【颳風】
今日鵬鵬特登黎第一城同我食lunch~真係好開心呢!!第一次見到我d同事......我諗一定嚇親佢~~haha......因為我估佢冇諗過我係同緊一班咁"多口"既同事一齊做野呢~~(汗)
食完lunch之後,鵬鵬同傑傑就去左我公司附近既足球場踢波,我就唯有返公司繼續做野~真係好想去睇下鵬鵬踢波時個樣呢.....最衰佢又唔俾我去睇....>_<"成日怕我悶.....不過我知佢為我好呢~但如果我可以睇佢一次就好喇!! ^^"
就咁鵬鵬一路踢波一路等到我放工~去到球埸終於見到佢著波衫個樣呢!!好可愛呢~~haha....踢左成日波個身臭臭,我就同左鵬鵬返佢屋企沖涼先,因為夜晚約左vickie肥中同阿傑去唱dinner k呢~^0^/ 今次係我第一次去鵬鵬屋企!! 好興奮好期待呢......佢屋企o係我心目中已經可以列入為high既一類呢~~去到邊都要用o吉"do"!!仲要有club house~正呀!! (笑) 鵬鵬真係住得好高呢!! o係佢間房度向下望左幾望之後都唔敢再多望落去....^^"不過鵬鵬間房真係唔錯呢~完全係我心目中既小小天地!!我都真係好想快d有自己既小小天地呀......唉~v_v
等鵬鵬沖完涼後我地就起程返沙田greenbox唱k~真係好攪笑呢~鵬鵬佢地聽到vickie開聲就目定口呆咁....^^" (雖然我第一次聽既時候都係.....)鵬鵬仲同我講"俾錢黎聽人唱歌都抵呢".......真係俾佢激死~~不過點都好啦......自從今晚呢次dinner k之後,我決定特訓我既鵬鵬幻化做個女生,以後冇女仔陪我唱k既時候,我一定搵鵬鵬同我合唱所有女仔歌!! (笑)
dinner k好快唱到十一點半就cut左呢....真係唔夠喉.....=="不過冇計啦!! 聽日唔駛返工又點可以咁早返屋企呢~之後我地梗係去左依家成日出現既地方"娛樂城"啦......^^ 今次係我第一次篤通宵波呢~真係愈夜愈多人.....冇諗過篤波既地方有咁多女仔去玩呢~~真係對篤波呢個地方愈來愈另眼相看~~haha....
>>March 24, 2005 at 12:20:26 AM GMT+8
2005 年 3 月 11 日 星期五 【颳風】
琴日鵬鵬同我出左旺角去買生日禮物俾阿威,今日臨放工我同阿筠就代表support team送呢份禮物俾阿威~~haha.....最攪笑係送禮果時阿筠,kathy同我都異口同聲咁警告阿威唔準俾佢隻豬訓我地送俾佢既床單上面,唔準佢隻豬整"污遭"張床單!!! 冇法啦.....我地一向對隻豬有偏見嘛~~ (笑)
>>March 13, 2005 at 4:20:16 PM GMT+8
2005 年 3 月 10 日 星期四 【颳風】
今晚本來想俾個驚喜鵬鵬豬.....不過鵬鵬豬唔聽話唔o係屋企等我.....>_<"
攪到我諗左好耐既大計冇左.....哼~~~下次唔鬼再諗驚喜俾佢呀!! (笑)
不過今晚我地發展有新突破.....haha......今晚我都好開心呢!! 我永遠都會記得鵬鵬豬個可愛樣架~~
＊＊＊好野!!遲d有人請我食超級大雪糕~~hoho.....^0^/
>>March 13, 2005 at 3:44:21 PM GMT+8
2005 年 3 月 7 日 星期一 【颳風】
＊＊＊我愛你＊＊＊
從今天起這是我們的主題曲.........
從你眼睛 看著自己
最幸福的倒影
握在手心的默契
是明天的指引
無論是遠近 什麼世紀
在天堂擁抱 或荒野流離
我愛你 我敢去
未知的 任何命運
我愛你 我願意
准你來跋扈的決定 世界邊境
偶爾我真的不懂你
又有誰真懂自己
往往兩個人多親密
是透過傷害來證明
像焦慮不安 我就任性
怕洩漏你怕 所以你生氣
我愛你 讓我聽
你的疲憊和恐懼
我愛你 我想親
你倔強到極限的心
我撐起所有愛圍成風雨的禁地
擋狂風豪雨 想讓你喘口氣
被劃破的信心 需要時間痊癒
夢想纏著懷疑 未來看不清
就緊緊的擁抱去傳遞
能量和勇氣 我愛你
哪裡都一起去
一起仰望星星
一起走出森林
一起品嘗回憶
一起誤會妒忌
一起雨過天晴
一起更懂自己
一起找到意義
我愛你
我不要沒有你
我不能沒有你
決不能沒有你
>>March 13, 2005 at 3:45:23 PM GMT+8
|
![]()
初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。
|
|
|
人氣: 37260
Design & Scripting by ShowHappy.Net
|
為左慶祝鵬鵬搵到新工,今日我特別番早放早d去同佢慶祝一番!! 6點放工,準時既鵬鵬已經到左公司樓下等我,之後我地就同埋kathy,vic,carrie一齊搭的士去新城市喇~
今日係兒童節呢....本來plan好左開開心心咁去慶祝一番....不過冇法呢....又有意外發生.....還是等下次好了.....
幾日冇見鵬鵬.....呢兩日終於有時間可以見下喇~ ^0^/
由28號開始直到今日.....日日都要加班呢.....冇10點都唔走得.....不過冇所謂呢!! 當賺多d錢~第時有得玩豪d~ haha......^^"
琴日鵬鵬同我出左旺角去買生日禮物俾阿威,今日臨放工我同阿筠就代表support team送呢份禮物俾阿威~~haha.....最攪笑係送禮果時阿筠,kathy同我都異口同聲咁警告阿威唔準俾佢隻豬訓我地送俾佢既床單上面,唔準佢隻豬整"污遭"張床單!!! 冇法啦.....我地一向對隻豬有偏見嘛~~ (笑)
＊＊＊我愛你＊＊＊