|
2005 年 6 月 26 日 星期日 【微雨】
離開你是傻是對是錯
是看破 是軟弱
這結果 是愛是狠 或者是甚麼
如果是種解脫 怎麼會還有眷戀在你心窩
那麼愛你 為甚麼?
>>June 26, 2005 at 11:11:07 PM GMT+8
2005 年 6 月 25 日 星期六 【微雨】
燈光也暗了 音樂低聲了
口中的棉花糖也融化了
窗外陰天了 人是無聊了
我的心開始想你了
電話響起了 你要說話了
還以為你心裡對我又想念了
怎麼你聲音變得冷淡了
是你變了 是你變了
燈光熄滅了 音樂靜止了
滴下的眼淚已停不住了
天下起雨了 人是不快樂
我的心真的受傷了
我的心真的受傷了
>>June 26, 2005 at 11:12:50 PM GMT+8
2005 年 6 月 24 日 星期五 【颱風】
對你的思念是一天又一天 孤單的我還是沒有改變
美麗的夢何時才能出現 親愛的你好想再見你一面
秋天的風一陣陣的吹過 想起了去年的這個時候
你的心到底在想些甚麼 為甚麼留下這個結局讓我承受
最愛你的人是我 你怎麼捨得我難過
在我最需要你的時候 沒有說一句話就走
最愛你的人是我 你怎麼捨得我難過
對你付出了這麼多 你卻沒有感動過
>>June 26, 2005 at 11:10:02 PM GMT+8
2005 年 6 月 23 日 星期四 【乍寒還暖】
愛上左睇"奪命真夫",
愛上左洗碗,
傻左......
polly要走......好好人既寶哥上任,做我地support team既阿head~聽日有個新既小妹妹黎,今次又由我黎教新人,之後呢個新人都會跟我做我既野,同開我一齊part既阿筠就要out番出黎出order,真係唔捨得阿筠呢......我地兩個o係公司係孖公仔黎架嘛......>_<
希望唔好同阿筠分開坐啦~~
希望我聽錯.....
>>June 23, 2005 at 10:12:54 PM GMT+8
2005 年 6 月 22 日 星期三 【乍寒還暖】
努力工作,充實既一天,
放工時阿筠哥哥車埋我番屋企~
慳左程車錢......yeah!!
>>June 22, 2005 at 9:16:52 PM GMT+8
2005 年 6 月 21 日 星期二 【溫暖】
FIGHTING~~~~~~~~~!!
不可倒下....
今晚竟然敗o係一支歌手下.......
小兒.....你好野~
>>June 22, 2005 at 12:27:13 AM GMT+8
2005 年 6 月 19 日 星期日 【酷熱】
10點起左身,媽咪陪我去睇最後一次醫生,好開心~
我隻耳仔終於好番!!依家聽野好清楚~
終於可以重返歌壇喇!! (笑)
姑娘幫我磅重....最新體重103磅.....
額頭生左兩粒暗瘡......十年一潤.....是禍是福?= ="
下午郭太打黎問左我一些升學既問題,不經不覺郭曦文已經升到中四要選科,仲要同我一樣選讀商科,郭少航則上年已經讀完書,但因為未夠18歲好多地方都唔請迫住待在家中,還記得我呢個補習姐姐由小學5年級看著他們,每個星期都會見到佢地,妹妹就補晒完科,哥哥就補英數,兩個都好聽話,補這兩個學生係最舒服同開心的,仲有阿B,一個好得意既BB,每次我一黎到,佢都要走黎爬上張椅度學埋一份,不知不覺教到佢地升上中學幫手選科......看住兩個學生原來已經開始踏入社會,心裡面有種好奇妙既感覺,開心在佢地終於都大個喇......擔心既係希望呢個社會肯俾機會佢地,好讓佢地可以順利踏入呢個社會做事,學習人生既另一個階段.......願主保佑
琴晚同吳浚文玩icq.......講起我地5個人一齊去酒店食既果餐.......好懷念呢!! 好想快d睇到d相呀~^_<
每個人在卿卿我我、含情脈脈地談戀愛時，誰都不願「愛情死了」，也不會料想到「情人」竟會變成「仇人」；事實上，有許多人只想轟轟烈烈和她「談戀愛」，卻「不懂得愛」，而且也忘記了愛是需要學習的──學習「愛在心頭口常開」、學習「多聽、多讓、多關懷」、學習「愛我愛人所愛的人與事」、學習「退讓與寬容」。
曾有人說：「男人的頭比女人容易禿，證明男人比女人『多用腦』；女人的胸部比男人大，證明女人比男人『多用心』！可是，如果不懂得「愛」，也不懂「包容、忍耐」，即使「禿光了頭」，也不表示「會用腦」；相同地，一個「超級波霸」也不見得「多用心」啊！
我印象很深刻：有一個女孩說，和男友吵架時，她經常告訴自己──「忍住氣、數秒數」，一、二、三、四、五數到二十、三十、四十。為了愛他，我必須忍，我要數秒數，讓自已『慢慢生氣、快快忘記』！是的，因著愛，我們要學習「關懷、退讓」、「數秒數、不動怒」、幫他放洗澡水、順便擠愛的牙膏」、「幫他拔白頭髮、為他歡喜為他憂」只要能「少點怨、多些感謝」，則甜蜜的愛情，將永遠不死！
其實，不是只有對情人才要學會〝包容、忍讓〞!!!
珍惜眼前人.......
>>June 19, 2005 at 9:12:29 PM GMT+8
2005 年 6 月 18 日 星期六 【炎熱】
好一對Mr and Mrs Smith~
坦白果然係解決兩人之間問題既關鍵;
值得學習......^^
>>June 19, 2005 at 2:02:30 AM GMT+8
2005 年 6 月 17 日 星期五 【晴】
爸爸,
I LOVE U~
父親節快樂.....本來諗住星期日正日慶祝,但打過電話問,冇晒位,哥哥又要番夜班,於是改O係今晚屋企食~今晚爸爸著左我送既衫......好開心!! 今晚哥哥同細佬都帶左佢地女朋友黎,好熱鬧~雖然今晚得我一個,但我哥哥好關心咁同我講左句"不用不開心,只是大家之間有小小誤會,爭吵是常發生,等一會會雨過天青,我同你嫂嫂都試過,兩個人最緊要係肯接納對方,諒解對方,有錯就要俾大家機會去改,唔可以咁容易就氣餒放棄架,知嘛?你想食什麼,我夾給你食?"這時我真的忍不住......我喊了出來.......我"嗯!!"的點了點頭.......放心呢,哥哥既說話我會好好記住,我相信你同嫂嫂可以咁多年都係因為你們有這樣的想法.......我會努力的........
今日哥哥同我講爸爸就快要退休喇!! 都應該既......下個月我同哥哥就會開始幫爸爸媽咪供保險,黎緊屋企既開支都會交由我地去處理,要更加努力工作先得........
之前看過想報既日文課程,但只係出左FOR小學生既暑假班......仲未有9月份既資料.......不過儲得錢黎都差唔多......唯有再等一下.......
我知道從小到大,我都好受人照顧........現在大了,開始拍拖開始工作開始認識都唔同既人.......爸爸開始退休,媽媽開始老........一個一個既責任開始降落到我手上,我曾經唔想去接住佢地,我想放手,因為我覺得呢D責任好重.......所以我出黎做野冇幾耐,我開始逃避.......經過一年既時間,我經歷左好多唔同既際遇,有得亦有失.......但有一點其實我係最清楚知道的.......O係呢個世界上所有人都會有機會害你,只有你既父母係唔會害你既........雖然我同我爸爸媽咪成日鬧咀,但我們大家心裡面都有大家的........到左今年2月,我因為小兒認識左一班朋友,佢地與我之前認識的人完全不同,我開始了解佢地........經過三個月既相處,吳浚文既離開,繼續O係外國努力生活,阿傑靠自己一雙手到外國讀書既事,小兒既生死........俾我睇到好多好多野,好多事情O係自己仍有能力既時候,其實好應該快點開始做,因為好多野過左就係過左,冇得番轉頭,O係阿傑離開香港果晚之後,鵬鵬同我傾了好多偈,好多好多將來.......
鵬,多謝你,其實係因為你同你既朋友,點醒左我,讓我知道應該要為自己同屋企既將來怎樣做才對,傑走的那晚是6月5號,自那晚之後,我諗了好多野,我知道我唔可以再慢下來,我要開始........所以我希望你明白到唔好因為我依家好似做了咁多唔同以前既野,以為我是為了你而改,我知你會覺得這樣就不是我,你會唔開心.......其實我想你知,我好清楚知道我是為自己將來而做的........我發覺原來這樣......我,屋企人,甚至我身邊的人會更加開心........所以我知道自己要積極努力下去.......為左自己,屋企人同另一伴的將來.........
>>June 17, 2005 at 10:02:06 PM GMT+8
2005 年 6 月 12 日 星期日 【酷熱】
失去過才知擁有既可貴...
我發誓我唔會咁易放棄,
因為我要好好珍惜...
今早我5點幾就醒了,待到10點許,我決定打日記,突然記起前天晚上既一件趣事....
那天,因為要同屋企人做節,我好快做完工作就準時7點收工趕車回家,那晚d"食送"好豐富,有我最鐘意食既三文魚刺身!! 令我開心得很....食飯過後,由於我地三兄弟妹已經一早準備了父親節禮物,(上個星期我同阿魚已經出左銅鑼灣既playlord買左件衫作為父親節禮物)我哥哥急不及待要送俾爸爸,爸爸好喜歡我地既禮物,特別係我買的那件衫,爸爸仲想快點試著,但佢竟然怕自己一身臭汗整污糟件衫,立刻走左去沖涼,之後先試.....著住我送既衫時,我爸爸對住我笑得好燦爛,我感動極了.......多謝鵬鵬教曉我,發自內心既孝順係最珍貴架.....
事後,哥哥問我,"playload"係咩牌子黎,o係邊度出....haha....我笑左佢一聲"乜你咁out架~playload依家咁出名你都唔識呀?!" 哥哥對住我傻笑.....因為鵬鵬,我至認識"playload",至留意到"playload"既衫係咁有款~
＊＊鵬鵬，其實上星期我同阿魚去銅鑼灣買禮物時,有順路留意過你遺失左果隻有好多種顏色既耳環,我見到一件好似架,細細粒正方形,唔知係咪你以前個款,等你有空放假,我帶你出去睇丫!!
今晚....特別的疲累.....
明天還要工作.....一定要橕下去......
>>June 12, 2005 at 10:52:09 PM GMT+8
|
![]()
初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。
|
|
|
人氣: 37261
Design & Scripting by ShowHappy.Net
|
離開你是傻是對是錯
愛上左睇"奪命真夫",
努力工作,充實既一天,
FIGHTING~~~~~~~~~!!
10點起左身,媽咪陪我去睇最後一次醫生,好開心~
爸爸,