2003 年 9 月 16 日 星期二 【晴】

舊日回憶的山丘 容祖兒

作曲：矢野真紀　作詞：藍奕邦
編曲：梁偉基　監製：王紀華／Terry Chan

你我八歲某日裡 手牽手一起歡笑
於這山丘曾幻想變一雙飛鳥
你老了我也大了 想飛始終飛不了
這山丘被埋沒於鋼筋不太緊要
就算摩天建築也可於一轉眼之間永沒再
讓記憶只記載 風景美好過
當它並未塌下來

* 就當所有痛楚 成長的經過
能夠學在回憶中止痛亦算不錯
若我心愛的歌 明天都不再播
能夠腦內重溫聽多次亦會溫暖我

明白經歷太多 樂與悲我永不可操縱
讓記憶中只記最好 忘記當中所有痛

你試過記過罰企 我試過欠交功課
扭起耳朵 仍學不會將功補過
我跌過你挫敗過 放棄過放聲哭過
收起記憶最苦的才是寶貴一課
沒有斧頭 那麼華盛頓
永不懂勇敢的 去認錯
讓記憶只記載 花瓣再開
來忘掉大樹塌下來

Repeat *

沒有起跌痛楚 成長怎麼過
能夠學在回憶中止痛亦算不錯
若你不辭而別 留低這一個我
求你記住甜筒都跟我共吃一個

無論怎樣結果 避免不了箇中的差錯
讓記憶中不記太多 剩最好的經過
就算山丘不再美好 在記憶中它美好過



+++++++++++++++++++++++++++++++++++++++++

加油喲..........................

回憶中縱使有痛過傷過，
現在還可以重新爬起，
能堅強地回顧這一切，
那就是極好的了。
最痛都會過去都會散去都會退去，
我們如何仍然能活下去。
看你的了。

跌倒並不可怕，
跌倒後攀不起來才是最可怕。

人要先學會面對自己，
才可以懂得面對其他人。

我並不勇敢，可是我信自己。
「今朝有酒今朝醉，明日愁來明日當。」
只要過得開心就可以了。
進一步未必更好，退一步未嘗不妥。
原地踏地或會最好。
自己的路是自己選擇的，
不要後悔，因為世界上並沒有如果，
只有結果以及後果。

>>September 16, 2003 at 11:10:03 PM GMT+8

2003 年 9 月 5 日 星期五 【晴】

宣州謝脁樓餞別校書叔雲　李白

棄我去者，昨日之日不可留。
亂我心者，今日之日多煩憂。
長風萬里送秋雁，對此可以酣高樓。
蓬萊文章建安骨，中間小謝又清發。
俱懷逸興壯思飛，欲上青天攬明月。
抽刀斷水水更流，舉杯銷愁愁更愁。
人生在世不稱意，明朝散髮弄扁舟。



真的好正的一首詩！

>>September 5, 2003 at 11:55:56 PM GMT+8

2003 年 9 月 3 日 星期三 【陰】

你的特質是動如脫兔，靜如處子，擁有高智慧和雙重人格的傾向，而你最大的優點是懂 得如何發揮自我潛力。但聰明的你耳根子特軟，經常會因為燈光美、氣氛佳、以及別人的刻意逢迎而棄守原則。你最速配情人天真、單純、會撒驕或深情溫柔的類型。

＊人生忠告:不要因為一時的心軟而誤了大事，或壞了一生的清譽，多多運用智慧選擇朋友。



7月29日 天生的分析
宮位：獅子座 5-7 獅子座 一 固定的 火像



7月29日出生的人非常客觀，善於分析周遭人的個性、潛力、道德觀與才華，此外，他們還有一項令人非常激賞的才能，就是能準確預言自己家庭、社會或組織的發展過程。因此，今天出生的人很適合從事和商業、政治、政府公職或軍事有關的工作，因為他們所擁有的精準判斷力，能夠正確評估國外情勢或反對勢力。
當然，這一天出生的人也有其缺點，例如在觀察其他國家的文化、民俗與民族性時，往往會受刻板印象或先入為主的觀念所影響。許多出生於今天的人在這方面都相當固執。由於對自己身屬的組織難免存有觀察上的盲點，所以他們對其他團體的觀察經常會比對自己的團體要正確許多。也就是說，他們的客觀性其實還是會受到“愛國主義”左右。

當然，這種愛國情操也可以轉換成其他形式的忠誠，例如對運動團體、公司或社團組織等的擁護。在他們身屬的圈子裡，7月29日出生的人是很好的組織者與計畫者。此外，他們很重視家庭親情倫理，對自己的小孩子、配偶與親人經常是百分之百的支援，也樂於參與各種家庭聚會。出生於這一天的人特別會保護家庭，會盡一切努力以使家人不受物質匱乏或家庭破碎的威脅。

由於他們對團體特性有深刻的了解，因此在面臨紛爭時，往往是最佳的仲裁者。一旦了解對方代表或談判者的文化背景，他們會立刻明白應該怎麼去接近對方，包括各式各樣的合適禮節。這一天出生的人特別適合擔任教師、社工人員、勞工仲裁者或政黨工作人員。

不過，由於7月29日出生的人傾向於將個人擺在團體之下。因此，他們常會忽略個人的差異性。若是升級當了父母，就必須注意，得將小孩視為不同的個體來看待，並鼓勵孩子發展出自己的特性來。由於天生忠誠，這一天出生的人或許會忘了自己也是具有自由意志的個體，得在個人生活上果斷一些。通常，在犯錯誤時，他們都會說是自己的責任，而在成功時，又會將功勞歸於所屬的團體。長期下來，他們很可能會失去個人的理想，甚至無法發展出自己的意識形態。

幸運數字和守護星
7月29日出生的人會受到數字2（2+9=11，1+1=2）和月亮的影響。受數字2影響的人通常是很好的同事與伙伴，但絕非最佳領導人，這種特質非常適合今天出生者團體取向的價值觀，然而，它也可能成為個人創造力與行動上的阻礙，並帶來挫折。此外，這種特質又因月亮強烈的反省與消極的傾向而變得更加明顯，然而今天出生者活躍的一面也會因太陽（獅子座的主宰行星）的影響而得以強化。此外，數字11（2+9=11）則使7月29日出生者的概念取向變得較為踏實。
健康
有些7月29日出生的人會擔心自己將罹患與父母或兄弟姊妹一樣的遺傳性疾病，不幸的是，最後他們往往面臨同樣的命運。同時，他們也可能會把心理上的不安定、沉溺或缺憾視為家族性的遺傳。的確，他們有些疾病是來自於遺傳，但是出生於7月29日的人必須清楚一件事，生活方式與健康生活的選擇才是關鍵的因素，而治療、復原及戰勝疾病更和遺傳無關，完全要靠自己積極的心態去完成。這一天出生的人做事非常有計畫，因此，他們會樂於遵照特定的三餐調配及睡眠安排，這對維護健康有很大的幫助。
建議
不要一視同仁，記住，每個人都是不同的個體。不要忽略自己的想法。你可以自傲於前人所留下來的遺產，但千萬不要將自己整個人埋進去。
名人
錫奧多拉基斯(Mikis Theodorakis)希臘電影配樂、歌曲作曲家，代表作為《希臘左巴》(Zorba the Greek)，後在希臘軍事政變時，以共產黨員身份被逮捕入獄。
義大利法西斯獨裁者墨索里尼(Benito Mussolini)，他執政時，集大權於一身，試圖建立一個“義大利帝國”，後遭暗殺。
第一位爵士樂電子吉他手克利斯欽(Charlie Christian)，為“班尼古德曼樂團”(Benny Goodman Band)團員。
漢馬斯克德(Dag Hammarskjold)瑞士經濟學家，曾擔任聯合國秘書長，並獲諾貝爾和平獎，在一次飛機意外事件中喪生。
19-20世紀劇作家與小說家塔金頓(Booth Tarkington)，以擅長描繪中、西部小城市中產階級的生活而知名，著有《潘拉德與山姆》(Penrod and Sam)。
蘇格蘭電影導演佛塞斯(Bill Forsyth)，主要作品《本地英雄》(Local Hero)在坎城影展中大放異彩，並奪得彼得謝勒喜劇獎。
塔羅牌
大秘儀塔羅牌的第2張是"女祭師"，她坐在寶座上，看來自在平靜，有些高深莫測。她擁有靈性，可以讓隱藏的力量和秘密顯現，進而給予人們這些知識。所以當牌面正立時，顯示的是寧靜、直覺、含蓄以及謹慎。當牌面倒立時，則表示詭秘、猜疑、冷漠和遲緩。
靜思語
忘了去記得，記得去忘記。
優點
有觀察力、忠誠、概念取向。
缺點
獨斷、排外、畫地自限。
適合的戀愛對象
1月6日、1月30日、3月6日、5月11日、6月10日、7月27日、8月1日、9月27日、10月8日、11月16日、12月8日、12月15日。
適合的朋友對象
2月4日、5月12日、5月14日、5月24日、6月30日、7月13日、8月25日、9月15日、9月17日、10月23日、11月13日、12月3日。


>>September 3, 2003 at 4:52:45 PM GMT+8

2003 年 8 月 3 日 星期日 【晴】

雖然係8月3日ge日記，但係其實算係8月2+3日ge日記...
呢兩日我去左Bright Camp，學左好多野呀~~
而家一一記下。

八月三日，朝早九點四十分左右，我已經到左中心。
集合時間係十點正，當然冇乜人啦。
其實我今日精神體力都唔係咁好..
鬼咩，尋晚仲白痴到去游水，飲左d唔乾淨ge水，
結果即時肚痛，一路痛到返屋企。
都要多謝阿Dawn關心我啦。
最後我要痛到好夜都訓得到。

十點正，終於陸陸續續多左好多人到，
問過Sphere幾個人，先知原來Andy同Venus冇帶泳衣/泳褲。
Andy好豪咁話唔會返去拎(唔通佢想著底褲游水？)，
而Venus就決定一陣跑返去拎.....真係好強。

齊人之後，我地出左中心外面玩遊戲，
第一個係玩「天使魔鬼」，我一開始係做天使ge，
點知Gary實在好強，佢速度好快，我眼睛一眨，就已經被佢捉左舉起...
當然我變左做魔鬼之後都唔輸蝕啦，決定去捉人，
諗住捉andy...點知佢又幾勁...結果捉錯左Venus。
玩完呢個Game之後，就玩「靚仔靚女」...
我第一次玩呢個Game，都覺得幾好玩，不過幾亂。
最後我地全世界分左做四組，我係「雞」組，識ge有Simple。
Sphere都被分得好散。
=勞逸阿Dawn同Cathy
=我同Simple
=Venus同Andy
=Ada同Charles
九個人散晒~~唔知如果leo有黎..佢會係邊組呢~^^?

分左四組之後四組分別又玩「新版馬騮搶球」，
我地組個組長係阿聰同阿恆，
阿恆好靜...但係阿聰好嘈..
於是玩完呢隻game，我就記得晒全組人名喇~
阿Wing、阿Mei、嘉希、阿珊、Simple、阿奇、阿培、我。
嘉希係最細個..得14歲...(但係高過我囉)
開始頂唔順阿聰...佢話佢靚仔..同有180..
如果係咁，咁睇怕我都有180左右啦.. :P
嘻嘻。
然後係玩「心臟病」~

玩完呢隻Game，之後....唔係好記得..
是但啦，分開講。
我地玩「疊報紙」，我地組溝通好不足呀...結果衰左添><
唔緊要..仲有機會~~
又係玩「蒙眼」囉，即係全組人except一個外蒙晒眼，
一個搭一搭，由Simple指示走黎走去..
我前面係阿培，佢好冷靜，好似乜事都冇。
我後面係嘉希，佢好驚青，可能係我冇安全感...
最後都成功咁完成丫!

之後食飯時間，我地要諗組名、整組旗、諗組呼。
係喇，原來營歌同營呼都冇改..
營歌都仲係：
灰色的天空可以改，
要靠你靠我共尋覓，
開展新天空要共訴心聲，
英勇無懼怕。
營呼：
TP IT TP IT TPIT TPIT HEY!

好快就見到我地呢組人進步緊喇。
我地開始有合作同溝通，唔似疊報紙時咁傻..
開始諗野同分工，當然，都係女仔做.....
結果就係改左組名叫做「笑口組」，
口號...冇。
支旗..都唔錯丫~^^
努力！

而其他幾組呢，有「醬爆丐幫」(笑)，有「小蜂俠」，有「ANTS」，
醬爆丐幫我識ge呢，就有勞逸阿dawn同cathy仲有gary..
小蜂俠呢，就有venus同andy。
ants，就有ada同charles喇~

又係玩呢種「搭車仔」遊戲..果然冇估錯。
不過今次係我玩過以黎最難最辛苦ge...
又要set好個time又要做好tasks...
結果我地組好慘...遲左30分鐘..
底分都輸到傻左...分數： 負1650
唔緊要，其實我地組已經學左好多野！
例如，學識冷靜同溝通，因為我地一開始就冇睇清楚張紙，
又冇好好咁講好點做....
不過又要讚一讚嘉希先，佢好搏命搵錢搭車，
搵同學阿媽賣晒手上ge零食...有50蚊收，結果係因為跑得太勁而拉親條筋。
之後佢上到車又係咁背我地ge個人資料，
老實講，我其實都算係幾叻，但係我完全冇心機背呢d東東，
但係佢就真係好勁咁....背晒！我地組冇第2個人做到。
真係好有幹勁，年青人真係唔同d.....(我老喇..)
o係車上面，我地終於諗好個組呼..
就係「喂！笑一笑，世界更美妙！HEHEHE。」

去到烏溪沙...都好遲啦...。
去到E座個 Hall (以後叫E Hall)，放低行李之後，
玩「反枱布」，我地9個人...真係好多..
阿奇ge身形即時變左優點，因為夠重..支撐住我地..
我地個個都扯住佢.....
我ge動作就好似係挾持嘉希，搞到佢大叫話「差d窒息」，
好在最後我地~~~得左！
我玩左幾次反枱布，第一次得咋！真係好開心。
好開心，見到組員們玩搭車仔衰左之後冇氣餒到，
而更加積極去玩，好多人俾左意見，溝通好左好多，
最後真係成功左！好開心！

去食DINNER啦，成組人排排坐，好開心~~~^^
食飯唔係食飯咁簡單，要諗野架！
因為之後有「營火會」，我地要排練...表演！
要表演營歌營呼、組呼、仲有要解釋組旗...
我地組今次又好合作，營歌諗左好多idea，
有朗誦，有粵曲，最後都係揀左唱山歌...:P
營呼係人形字母，組呼呢...就係..搞笑野:p
搞笑，當然係搵組長黎「較飛」啦...嘿嘿嘿。
其實阿聰已經好慘，由一開始俾我、simple同嘉希一路寸一路笑到而家，
而家仲要搵佢出黎扮傻仔跳舞，但係佢又肯喎！
其實佢都好好架喇~^^有呢個組長，其實都唔錯。
好開心大家都好投入去諗投入去做啦，
不過呢...........就係唔記得左諗點樣去解釋組旗...
冇時間！最後都係..冇諗到。
大家都o係度逃避，其實都唔係好事。

之後玩「坦克車」(又名「風火輪」)，又係玩報紙呢，
唔知點玩就問我啦~
結果我地組大勝呀，好開心！好開心！好開心！
由朝早到而家，笑口組已經完全唔同晒！
當時我地好少絲帶(獎勵)，但係而家已經多左好多好多喇！
大家都分晒工，合作做事工，唔同晒，
唔會有人企o係一二面唔做野，大家都有幫組員打氣，
關係好左好多，我都覺得好Warm呀！
我地成功左之後，都幫其他組打氣~
笑口組，勁呀！

之後係「水彈大戰」，又係拎布黎將水彈打黎打去呢，
我同Simple一Team，好勁，好少失分，
因為我地都好有技巧囉~^^
結果唔駛問~當然係贏左！！！！！！！！！！！
好威呀~
遊戲，由「唔贏」到「贏左」，呢種感覺好正。
組員，由「唔識」到「熟晒」，呢種感覺仲正！
其實我地士氣都勁高添呀，我地有幾個組員搞到喉嚨痛..(我係其中一個)

入番E hall營火會.....唱歌跳舞，
好好玩架！雖然好多歌都唔識..
乜野「路邊的野花你不要采」、「狂歡」..等等，
但係有d歌，例如「茶壺歌」、「my bonnie」，我地都識ge。
結果當然係玩到癲晒啦~好癲添呀。

睇其他組present，我地組又諗番起，原來我地未諗好個組旗，
結果我俾人推舉左(即係推)出去講，
咁睇得起我我當然開心，不過最大ge感覺係，驚。
從來呢種事都唔會係由我黎做。

睇住醬爆丐幫ge present，好激又好勁，
阿dawn又出招.....
gary仲勁，「降龍十八掌」添...
勞逸無啦啦俾人打左落地....好勁ge武打場面。

好，我地present喇！
唱山歌同做手勢都唔錯，
但係...終於到考我急才ge時候.......................
我講過乜呢？唔記得喇，總之好似好有吹水feel...仲有d亂講野ge感覺。
其實我腳震。
但係都算幾成功，組員(除組長外)都好支持我，同鼓勵我，
我好感動...
原來，我都幾有急才(佢地講ge)，我都係而家先知..
先發現原來個個人都有d佢自己都唔知ge優點、長處未被發揮、發掘，
但係都左一定時機(例如俾人逼)，就會發揮到出黎，
仲會意想不到。
我開始諗到我老師ge一句：天才，係逼出黎ge。
冇錯，係真ge。我都覺。
唔好以為得我一個講野，就係得我一個投入、參與，
其實佢地個個都望實我(就係咁我先驚)，
目光中盡是支持及鼓勵，好nice。
落左台，佢地會同我講：你好得呀！
呢一刻，真係好感動、激動，仲好開心。

完左營火會，係MISSION IMPOSSIBLE III，
我地要過兩關........
第一關係蜘蛛網...
好嚴呀，郁到少少都唔得=.=，結果幾個人都死左。
年青人嘉希又發揮佢ge大無畏有幹勁精神，
過網....過到呀！第一個！
可惜....「啪」ge一聲，佢成個跌左落地..受好重傷..
要搵人扶起身...好慘。
(以後要小心一d)
第二關係..唔知叫乜。
今次我太激動同急進，完全冇俾組員有溝通ge機會，
就衝左去玩.....好衰，結果呢次又係衰左...
唔只我啦，今次MI3，其實好多人都好唔冷靜，
因為大家都俾時間框死左，好急。
o岩o岩贏番黎ge信心又冇晒...有dd hurt..
全組返房等阿聰黎檢討，但係嘉希真係開始唔係好得..
但係佢好好囉，完全冇講乜野。
我地組員都好好呀！！
阿Mei、阿珊、阿Wing佢地幾個女仔都衝去幫佢搵藥酒，
雖然最後搵唔到，但係都搵到支消毒膏................幫佢捽，
嘉希都應該好感動啦。
唔只佢，我都感到組員之間呢種支持同關懷。
我忽然心諗：我地只不過識左14個鐘都未有，
但係就好關心大家，好合作好合群，
八個組員都對其他人好好，和睦共處。
但係呢，我地自己班呢？
識左好耐好耐，但係點解反而冇呢種感覺？
我完全感覺唔到！
一年喇，我o係4a班都一年喇，但係識到ge人又有幾多？
真係了解到我ge又有幾多？
或者，同學知我ge，都未必有我組員知我ge咁多。
起碼佢地曾經黎關心我支持我了解我認識我。
但係同學，無論係Old 3e定係4A，
都未必有咁多人知道我感覺到我。
仲會有人當我唔存在，有人會唔妥我，甚至係憎我。
但係我自問冇做過d乜，人就係咁。
算。講番個camp。

冇耐阿聰黎到，我地開檢討會。
阿珊好有觀察力呀，佢雖然好少野講，
但係就將我地一眾人ge優點缺點數晒出黎。
等我綜合一下啦...
阿Wing：極少出聲(我認唔出佢把聲)，但係唔係唔投入，
佢係會落力去做，但係少咁d意見..
阿Mei：多野講d，多意見，會中point。
嘉希：超落力搏命有幹勁，不過衝動。
阿珊：觀察力強，細心，投入，會發表意見。
Simple：領袖角色，中肯客觀，極為投入。
阿奇：唔出聲，不過會旁觀而睇到一d野，一鳴驚人。
阿培：默默耕耘，沉默是金。

開完檢討會，我地都好累，於是沖涼~
班女仔好快就唔見晒，得番我、simple、阿奇同嘉希。
阿奇話想睇一晚電視，而我同simple就要去開會...sphere.
好多謝嘉希啦，請我飲蔘蜜(估唔到佢真係會請..)。
之後我、simple、ada、勞逸同gary去左行一行..
勞逸同gary踢籃球，結果整唔見左個波.....雖然我地唔知個波係邊個ge。

之後返番去，終於開會。
食杯麵~~~好想訓。
等齊人，傾傾sphere前途............
個個都有意見囉，唔同ge方案，最後sphere都係要停。
係暫停。會考後再見。
講番一年之間都乜野改變。
其實我變左好多架，如果唔係加入sphere，
而家ge我，會唔同晒囉。
好多謝各位sphere成員，好多謝susanna，
一年之間改變我咁多野，我學識左好多野，
幫左好多人，做左好多事，其實係好好架。
好想講ge一句，就係：好感激你地。
好多回憶都係朋友，都係sphere帶俾我ge。
sphere每一個成員都係我ge朋友，甚至有幾個係我ge好朋友。
sphere常我在心！！^^
(突然好感慨)
呢一刻，我感到自己大個左好多。(雖然身高身型一樣)
一年，足以改變一個人。

四點半，佢地都想去訓喇，
都唔阻佢地，不過simple、我同venus就傾計囉~
入到房，完全唔理andy訓左o係上面，我地3個坐o係度就傾~~
之後ada入黎.....訓...我地都冇理:p
結果傾到6點幾....
之後ge事唔講咁多...廢事引起不必要ge誤會同誹聞。

七點幾起左身，好累..
落返組房執野，就出去做早操~~
食早餐之後，我地執好野，換好衫，
準備去游池。
去游池做乜？當然係玩水啦~
水上面我地玩左幾隻game...

原來嘉希真係游泳健將，受左兩處傷都俾我快好多..
我完全唔係佢對手...=.=仲話想掩護佢....跟都跟唔上...
然後係拉水抱運人.....我地有大力士阿奇，又有游泳健將嘉希，
真係唔贏都唔得~~當然係大贏啦~~^^
之後係水中練舞..(?!)，又係搵嘉希「較飛」，個人表演。
最後係將個池分成四分，將水上ge波推去人地o個邊..
我同嘉希負責深水區(真係好深...6呎5..真係「我沒有6呎高」...)..
結果我有幾次差少少浸死....而同時証明緊張真係會沉。
當然最後又係我地贏啦~~^^!!!

呢次水上大作戰，完全見得我地組有進步有成長，
再唔係尋日唔冷靜唔識溝通唔識商量ge笑口組。
阿奇o係岸上，嘉希o係水上ge表演都好勁。
我一直以後阿奇ge身型對task係不利，
但係果然係「人人皆領袖」，o係不同場合，需要ge，真係不同ge領袖。
進步左好多。

食完野，沖完身，
玩X-programme同「我心目中的領袖」。
又係協急才..於是又係搵我玩，
當然我會不負所托！o係組員進步ge同時，我都會有成長，
有所得著，有經歷先會有進步嘛~^^

坐車車走，好快返到。
去到廣崇中心填野同唱歌跳舞。
我都好鐘意首「分享」，歌詞幾有意思。
之後我地組要寫野俾其他組員，
我寫得快，就同sphere影相啦~~~
原來無限活力，改左做無限暴力...真係好恐怖:p
對住sphere，我都係好開心架~^^
「與你分享的快樂 勝過獨自擁有 至今我仍深深感動」

好累~~走~~



呢個camp其實我學識左好多野。
點講呢...~~有時我會好有自信，但係有時又會好自卑，
心理唔係咁平衡，但係camp教識我「人人皆領袖」囉，
每人都有長處，有優點，唔同場合有唔同ge發揮，
無論係邊個，都總會有機會。
而且，笑口組最欠缺，就係冷靜同溝通。
我自己都好唔識冷靜，我都係一個好衝動ge人，
我學識去改進。學識要溝通。
溝通唔只係單方面，而係雙方發揮，互補不足同發表意見，
而達成共識，極之重要。
而自信，當然唔會少得。冇左信心，做乜事都唔成功。
信心唔只對自己，仲要對其他人有信心，要信賴他人。
要知道合作同合群唔同。
合作，加上溝通，先會有合群。
而合群，加上共識，先可以合作。
一組人可以完全分工合作而互不認識，冇合群。
但係只有合群又會好似變左小圈子，未必可以有所建樹。
呢兩樣野，都係必須ge。
勇氣都要有，有勇氣先會創新、嘗試，先可成功。
當然，要有勇氣，先要成熟。
好似嘉希，有幹勁，不過欠左少少成熟同冷靜，
有勇氣都變左有勇無謀，有幹勁都變左衝動。
雖然我自己都係咁。
人要從錯誤中學習，呢樣都係學history ge目的。
要學習錯過ge野，改善自己，帶番出自己學過ge、識得ge落去入面，
再加上同其他人ge合作合群，溝通冷靜，勇氣信心，
先會進步，先會成長，先會學到野，先會成功。
要贏人，先要贏自己。
冇錯，你先要克服到自己ge缺點，發揮自己長處，先會贏到人。

結果我地組，並未有輸俾任何一組。
數一數絲帶數目，或者仲會係最多ge。
當然，絲帶唔可以代表乜野。
好似搭車仔咁，我地輸晒，但係我地學左好多野。
其實冇人會輸，人生呢個遊戲，玩唔完架。

呢個camp，真係好開心！

>>August 6, 2003 at 1:04:35 AM GMT+8

2003 年 7 月 1 日 星期二 【晴】

今日回龜，點都應該寫下日記。
不過，以下呢篇日記同回龜完全無關。

今日要去西貢灣仔Site-visit，都知今日熱架喇，
點知真係好熱，未出發(，先興奮)，o係中心門口等左九個字...已經差唔多熱死。
講真，今日無論係邊個，都著得好sexy。<==個人意見
原來Dawn姐轉行性感路線，識左佢就快四年，未見過未見過......(不過都冇乜野睇)
早知我唔著衫啦....:)
最誘惑大獎.......................梁熙文！

等左九個字，其實因為Susanna遲左半個鐘......
入到去傾左一個鐘，執好野，就出發。

搭車轉車，同Susanna、cathy傾計，
搭車搭到就快想嘔...Cathy話係心理作用喎....都唔知信定唔信好。
ada就好孤獨咁坐o係度訓...

去到北譚涌去下toilet食下野再塗下蚊怕水(會唔會俾Bug鬧？)同太陽油..
就搭的士出發。
當時情況--
我地：司機唔該跟前面架車丫。
司機：如果跟唔到點呀？
我地：．．．．．咁照去海下灣啦。
(一分鐘之後，果然俾前車拋離)
我地：真係跟唔到添。
司機：唔緊要！五分鐘之內就追到。(即時踩油，去到時速90公里，的士搖擺不定...好驚)
(唔夠兩分鐘，見到前面架車尾)
司機：咦唔駛五分鐘喎，一分鐘就得喇！(又上演生死時速，飛車亡命記)
果然，我地仲快過前面架車ge朋友落車......

去到......熱！累！曬！慘！渴！餓！...................
終於去到南營....見到一隻蜘蛛食緊飛蛾..(係唔係飛蛾呢)..
好似睇緊discovery channel...我地一行人睇完先走..
結果susanna就變左拍攝專家。
落到沙灘，見到隻狗仔沖涼..真係勁似睇discovery channel...

上到去，終於可以開餐！

食完野又行左一陣...勞逸拎左副好有型ge 太陽眼鏡出黎戴
果然靚仔！

分道揚鑣，我同勞逸先o係亭入面表演換衫，
之後就出行西營地。

辛苦..就快熱死...

上spot height.....遠遠見到阿Dawn同Leo ge背影，
於是極速追上去，到左spot height 終於追到......
好熱呀~~~~~~~
休息左一陣，終於走人。

落山中途，又見二牛相鬥，好激，簡直生死相搏，
塵埃飛揚，好正，當然又係discovery channel攝影機susanna出動之時。

趕到班船~
上到船，我地幾條友就上左去船頂吹風，
好過涼冷氣啦，
講講下講到好好笑呀~~~
總之就係好好笑啦~
Charles好野~! LEO好野~!
(點解我覺得Leo全程都係俾人玩gei..?)<==人..包括我

轉車，好多人訓覺。
開始勁佩服ada同勞逸...............咁都訓到？！
Venus頭痛，我醒左兩粒克痛俾佢，
點知佢話未吞落下，已經止左痛.....
強力推薦：克痛，無論乜痛都好(venus話ge)，都止得到。
又要轉車............
冇位添，要企~
結果dawn、cathy、ada等先後失手/失守~

一睇之下，哇~好多人噥左呀~
最噥唔知係唔係勞逸、Dawn同Venus呢
最奇怪就係Venus..已經夠黑啦..原來仲有得再黑，
結果佢最慘，黑中帶紅，兩個字：曬傷。
勞逸都唔差...後頸勁紅....手臂兩截色~
好在我冇乜事~^^
最冇事應該係charles........呢究竟有冇曬過呢？
仲好似愈黎愈白添呀....

返到去，沖涼，打完呢篇野，未upload，就食野喇。
食完野，就即時訓覺覺。
訓到10點半比人嗌醒，執好野，11點正...又訓~
一覺天光~~~^^

>>July 2, 2003 at 3:59:00 PM GMT+8

2003 年 5 月 23 日 星期五 【晴】

悲矣，四年以來...唔係..係十年以來，都未試過咁...

今日勁黑仔。



Bio堂，派test，低分啦，又俾joyce寸到傻左。
好在合格。

mmlc，哈哈，即場考我思考同打字速度，終於俾我地諗到一篇驚天地泣珍姐ge大作，
笑到全班包括我地傻晒~我都老懷安慰了。
都空俾篇原稿你地睇囉。
不過，就係因為講珍姐，搞到佢好唔likey，捉左我地四個去訓話，
超，人地董伯伯俾人唱衰左六年都冇事啦，你俾人唱左六分鐘之嘛，
就發晒爛渣咁。痴痴地。
又要逼我地作多次，仲要一人一篇，早知係咁就一早玩盡d。

amaths喇。就係我呢篇日記第一句喇。
五題，第一題冇做過，第三題只係做左a part，
即係至少冇左18分，其他唔代表arm晒。
即係我可能會唔合格。
睇番人地ge answer，原來咁Q簡單。
我第一題咁係咁compound formula，卻係考quadratic，
死晒，搞錯呀，咁easy我都唔識，
結果？我超down，呆晒。十年以黎，都未試過咁。
因為十年以黎我成績就算唔係最top都唔錯，
未試過驚成咁。
我仲未諗到邊個會有可能低分過我。
唉。
諗住打joyce發洩下，佢又唔俾，驚痛喎…

Chem堂，派test，總算有番少少優勢。
不過冇用丫，amaths一科已經令我死左。
「連同昨天所考的　一起衰晒了
amaths錯了　我已沒法笑
這一次是我衰　結果amaths衰晒　不必揭曉」

中文，仲down緊，小明教過乜呢？唔知。

FP，吹水堂，抄完人地i-file之後就玩碟。
用水筆label d CD-ROM，結果：
原來會透底，唔知仲用唔用到呢？

DOWNDOWNDOWNDOWN...
走。
唔想去籃球隊，丘聰話要去mmlc print野先。
因為我地俾珍姐玩囉！
賴春太過份，話要返去食野。
我地print一張野要幾耐呀.......食少五分鐘會死人？
點知入到MMLC，當然冇人啦，i-drive都俾人close埋添。
print唔到。算。
落lib，諗住copy，點知成班libriarian都冇影印卡。
好感謝英姑同JOyce姐幫我地撲卡。
好記得英姑幾句：
「你地做一次丫。」「同好威做囉。」<--唔明就算。
「你地小心落到去俾人強o都」<---指俾人逼捐$$
跟住佢又笑住講：「我尋日俾人強o都左」
真搞笑..俾人強o都左都咁開心..........變態
(死，心邪添)

返到去，arm arm 開飯，就收到林大佬ge msg「打波」
哇，我只好極速食飯…
去到，成班野我差唔多都唔識ge..
得林梓..李丁，同陳子彬(有冇打錯？)我係識ge..
仲有d乜話？羅(第一聲)記？王家駿？...etc
原來佢地都幾變態，玩除褲淋水...好在我冇事。

去左2個幾鐘，先打得3場，熱到傻左。
返屋企已經六點，沖涼練琴食飯學琴，咁就又做呢一日。
呢咁黑ge一日。

希望真係明天會更好啦，如果唔係真係要打去「殺馬利呀防子字殺會」..
(Joyce：你唔好死住呀，幫我寫埋先好去死。)<--冇人性。
(dawn：唱心淡啦。) <--愈唱愈衰。唱衰…


完。

>>May 23, 2003 at 7:09:52 PM GMT+8

2003 年 4 月 4 日 星期五 【晴】

就快受不了！！！
救命呀！！
咁對我！呀！！



「三國演義後現代激情篇之 華谷道前傳」

伏完拿著米高風，大聲說道：
「嗨，你地好，歡迎收睇三國大搜查，我係你地ge主持人伏完，剛剛收到消息，
曹操中招，八十三萬大軍變晒死屍，而家曹操帶住最後千幾人著草。」
「我地今日好榮幸邀請得漢朝第二十七代皇帝陛下漢獻帝大駕光臨，皇帝陛下，
你認為戰況會怎樣呢？」
漢獻帝：「朕當然希望曹老賊慘敗，最好快d死呀！」隨即拿出一個紙紮公仔，
貼上曹操的大頭照，然後拿出一根鐵釘，發狂的向著公仔不斷插，邊插邊怒吼：
「曹老賊你媽的快給我死！去死去死去死去死去死去死去死去死去死去死！」
伏完：「呃，不如我們先看看劉備那邊吧。」

話說孔明聽得曹操慘敗，忙分派人手追殺。
「趙雲，你率三千騎繞到烏林背後，埋伏在樹林中，今晚半夜，曹操一定會經過，
到o個時你就即刻燒佢後欄！」
「張飛，你去葫蘆谷谷口等，聽日會落雨，雨停左曹操就會生火，你等佢地生晒火，
就即搶佢地兵器，佢地一定會大嗌阿媽，但係你地唔好話佢知你阿媽係邊個。」
「哈哈，搞掂食碗麵。」
劉備問：「咁我地做乜好呀？」
孔明：「係喎…不如我地一齊打麻雀丫。」
劉備點了點頭：「都好。一於打番廿四圈先好走！」
關羽：「喂！咁我呢？」
孔明：「你個名咁似呀邊個邊個，真係唔想叫你個名…算啦，你去華谷等佢黎啦。」
關羽：「哦。」

「三國演義後現代激情篇之 華谷道」

伏完：「好！睇一睇曹操o個邊先啦。」
(背後漢獻帝仍然拿著曹操的公仔發狂：「你這個不守婦道ge曹老賊去死去死去死去死去死！」)
曹操：「呀~~~好頭痛呀！」
張遼：「下？係唔係有人用釘拮公仔？」
曹操痛到傻左，大笑：「哇哈哈…哇哈哈…」
張遼立即遞上一樽飲品：「丞相，哇哈哈呀。」
曹操臉紅：「咩呀，我笑緊孔明之嘛，我笑佢唔識o係度埋伏呀！」
張遼：「丞相你唔係想飲哇哈哈咩？」
曹操心想：「頂你，玩野係咪呀。」大喝：「人黎，打佢三十大板。」
慘叫聲不絕…
突然一隊人走了出來，正是趙雲及其軍隊，
趙雲：「你arm arm 係唔係笑軍師？」
曹操心知大鑊，道：「唔係！係佢係佢(指住張遼…)。」
趙雲：「唔理喇，士兵們！同我上！」
「走呀…」曹操大叫。
(漢獻帝：「哇哈哈…做得好呀趙雲，哇哈哈…」)
曹操好辛苦咁著草，忽見前面森林冒煙。
曹操：「唔係下話？又整單野俾我玩？」
就在此時火已燒近，曹軍亂作一團。
張飛突然殺出，喝道：「曹操咪走！」
曹操抬頭一看，竟是張飛，嚇了一跳，大叫：「媽呀！」
張飛想起孔明的話，說：「死心啦，我唔會話你知我阿媽係邊個架！」
曹操一頭霧水，但要著草，便不問了。

曹操等人奔至華谷之前，突見前面有兩條路。
李典：「哇，左面條路有煙升起，不如行右面條路啦！」
曹操：「死蠢，有冇讀過兵法架，追則窒之，窒則追之。行左路！」
路中果然沒軍隊，只有二人在燒烤。
曹操：「係唔係？都話架啦，佢地燒烤之嘛。」

伏完：「原來有人燒烤，等我問下佢地意見先。」
燒烤人甲：「呵呵，呢度燒野食正d丫嘛，又可以睇現場戰況。」
燒烤人乙：「冇錯，我arm arm 先睇到關羽埋伏o係前面。」

此時曹操繼續前行，關羽竟真的殺出來！
關羽：「Er…你就係曹操喇？我叫關羽呀，可唔可以做個朋友呀？」
曹操心想：「頂，做乜朋友呀，你有病睇醫生啦。」說：「唔得！」
關羽紅色的面更加紅：「媽的！人來，給我殺！」
曹操即時跪有地上，求道：「唔好殺我啦，做喇做喇。」
關羽奸笑道：「咁咪好囉。」讓出一條路。
曹操等人一過，關羽立覺不妥，喝道：「咪住！」
曹操又跪在地上：「又點呀大佬，唔好玩啦，我好急呀。」
關羽笑道：「做咁俾人走過我咪好冇面？我記得你差我錢喎！」
曹操心想：「邊有差你錢呀，你叫屈羽咩？」
但只得說：「好好好…」說完遞上二十萬支票。
關羽點頭道：「好啦，唔好報警呀，唔係就殺左你！」
曹操心想：「邊有警察呀…」就這走了。

「三國演義後現代激情篇之 華谷道後傳」

孔明：「呵呵呵…做得好~」
士兵：「關羽關將軍回來了！」
孔明：「點呀關羽哥，有冇殺到曹操呀？」
關羽：「冇呀…」
孔明哼了一聲，說：「我神雞妙算，算得你收左曹操二十萬賄賂，
你以為呢度冇ICAC就可以亂黎呀？人黎，拉佢出去斬，錢錢我收…」
劉備：「咪住！」拉孔明於一旁：「孔明哥哥，唔好玩我啦，
我同關羽講好左同年同月同日死架，你叫佢死咪即係玩我？」
孔明：「車！你大晒加嘛，你講一聲唔殺，咪冇人敢殺囉。」
劉備：「但係會唔會影響我地個 將軍問責制 架？」
孔明：「梗係唔會啦，你睇下香港o個個梁x松買車事件，董x華講左一句就冇人敢出聲。」
劉備：「佢講左邊句？」
孔明：「佢話『其實梁屍長都有好多符忠(苦衷)』…」
劉備：「即係點解？」
孔明：「呢句係話，『我保佢，有邊個出聲就頂佢個肺，頂到佢有肺炎為止！』。」
劉備哦了一聲，轉身對大家說：「其實關將軍都有好多符忠架。」
大家：「哦…冇野喇。」
劉備低聲對關羽說：「今次我保你，下次唔好喇，嘿嘿，俾少少錢我包二奶得唔得呀？」
關羽哦了一聲，遞給劉備十萬，說：「多謝老兄。」

伏完：「就此，天下三分，三國『頂』立！」
漢獻帝拍掌：「呵呵呵…好野！曹操今次衰左！」

>>April 4, 2003 at 5:40:56 PM GMT+8

2003 年 4 月 3 日 星期四 【晴】

冇野做，寫下無聊小說囉。
係呀，兒童不宜架...

「三國演義後現代激情篇之 赤壁之戰」
(一睇個題目就知無聊啦)

話說赤壁之戰前，周瑜無故於軍中昏倒。
孔明前往探望，道：「哈哈哈，聰明ge我已經知道周司令點解病左喇。」
周瑜躺在床上，心想：「你又知？」口中道：「唔知孔明先生認為我何以會病？」
孔明低聲道：「欲破曹軍，宜用火攻，萬事俱備，只欠東風！」
周瑜心想：「媽的，你條粉腸點知我諗乜架，唔殺你都唔得啦！」口中道：
「是啊，可是現在的天氣…怎會有東風呢？」
孔明像猩猩般拍一拍心口，說：「好啦！我去借東風黎幫你手啦！」
周瑜奇道：「咩話？你昆水呀？風都借得到？你不如向美國借埋飛機大砲丫笨！」
孔明呆著：「……」
周瑜歉然說：「Sorry…(英文?)，唔係有心ge...」
孔明道：「好啦，就決定o係11月20日作法，一直都22日一連3日3夜！」
於是孔明就帶著500兵士兵去到南屏山山腰，在一個靠岸的地方，
命令士兵運來一大塊圓形鐵片，還有一些鐵線，當然不少得三塊長鐵條啦。
孔明道：「好！各位大佬！開工大吉喇！」
士兵們落手落力地工作，不到四個時辰，那件東西就做好了！
孔明一按制，登時東風大作，他笑道：「哈哈哈！這個大風扇怎麼樣？呵呵。」
士兵心想：「這叫借東風？！」可是東風卻真的不斷地吹…
孔明道：「啊，我要走了，唔係一陣周瑜就會派人捉我，呀係喇，士兵甲！」
士兵甲：「在！」
孔明：「電費入落周瑜賬入面，電費單你交俾佢啦！」
說完即跳入趙雲的船上。
此時，周瑜當真派了丁奉、徐盛二人追孔明…
二人來到江邊，見到孔明之船，大聲道：「孔明先生…周司令有請。」
孔明道：「我知周瑜搵我做乜，叫佢死心啦，我唔會鐘意佢架！」
丁奉道：「仲有呀！周司令叫你俾番些少電費呀！」
孔明哈哈笑道：「睬你都傻啦！電費單我已叫人俾左周瑜架喇。」就這樣逃去了。
周瑜一看電費單，嚇得差點昏了過去，喃喃道：「頂…二十幾萬蚊，我邊度搵俾佢呀。」

此時東風已起，孫權親自領兵出戰，黃蓋火燒曹軍水中要塞。
曹操：「哇有冇搞錯，羅貫中搞d咁ge野出黎玩我？」
黃蓋：「哈哈，曹操你今次仲唔死？」
曹操：「哼，而家雖有東風，不過我軍強大，一人一啖口水就淋熄晒d火啦。」
於是下令：「全軍吐口水！」
可是曹軍士兵會錯意，竟向曹操吐口水。
曹操：「媽的！唔係吐我呀，吐落d火度！」
曹軍開始吐水，火勢小了下來。
孫權心想：「今次大鑊！點算好呢？」突然靈機一觸，大喝：「傳甘寧！」
甘寧來到，孫權道：「睇你個衰樣，都知你識問米架喇，幫下我手啦！」
於是甘寧開始問米……
孫權唸道：「太上國忠…唔係，太上老君急急如律令！」
天上一陣驚雷，二人從天而至，
為先一人道：「孫權你呢個不肖子，無聊到搵阿爸黎搞？」
後面一人說：「父親大人不要生氣。」心想：「好在唔係搞我…」
正是孫堅及孫策，孫權裝作聽不到，說道：「文台老爹助我退敵！」
孫堅身不由己，仍然哭道：「你呢個不肖子…嗚嗚…」
噴一口氣，曹軍數百多人即時倒地慘叫：「哇啊啊…好臭呀，佢幾多日冇刷牙…」
吐口水的人少了，火勢愈來愈強…
程昱道：「丞相，走呀！再唔走唔駛走喇！」拉曹操上高台，說：「You Jump I jump~」
曹操心想：「哇呢度咁高，你想跌死我咩？」說：「You jump first I jump second!」
一把推了程昱下去，程昱就此跌死，曹操心想：「正！」也跳了去下，
剛好落在程昱屍身上，得以不傷，發狂地暴走。

孫權對士兵甲道：「傳周司令！」心想：「今次Sure Win啦！」
誰知士兵甲不久回來，說：「周司令佢死左！」
孫權驚道：「咩話？佢中左肺炎？」
士兵甲道：「唔知呀，好似係愛滋，
佢死之前仲拎住一張好似電費單ge紙仔，係咁講『既生瑜，何生亮』。」
孫權道：「下？乜話？原來係豬腳亮傳染俾佢架？」
心又想：「好在我冇搞佢…」

此時曹操已狼狽而逃，孫權趁機追擊，曹軍八十三萬大軍變左八十三萬死屍。

~ 完 ~


係唔係好無聊呢~~呵欠~
冇野做丫嘛.......><
下次改乜好呢？

>>April 3, 2003 at 6:21:28 PM GMT+8

2003 年 4 月 3 日 星期四 【陰】

大事：停課將延至21/4.....
我都唔知係開心好定係唔開心好喇。
停課見唔到班fd，又要悶於家中，而且可以要補課，
當然唔開心啦，
但係如果唔停課，我又做唔晒d功課喎，..........好矛盾~><

起身又係冇野做，對住本harry potter睇2個幾鐘先睇得50頁，
本書總共有366頁，如果我要睇晒，咪要20幾個鐘？！
天呀！點解你要咁對我。

好囉，又要悶喇。
落左少少雨，差d想叫人陪我打波，
因為有人認同我「落雨打波先有feel」ge變態觀。
不過落左一陣又停左，冇晒feel。

開電視睇，又無啦啦「由於節目調動關係……」..冇得睇，
開停課記招，宣佈話停到去21/4，…冇野講。

打機渡日。


今日Teeth生日，
雖然佢又係睇唔到，都o係度祝佢生日快樂啦。

**又有人認為我日記好無聊喇~點好呢，
但係冇返學冇見人只係留o係屋企，
又冇人約我出街街，多野寫極都有限啦，
留o係屋企又唔會有乜野感想ge，
有都一早寫晒啦…點好呢？


今日上網睇到篇會令基督徒更加信主，非基督徒信主ge剪報。
唔想睇ge人就唔好睇落去。
----------------------------------------------------------------------------------------------------------------
From 香港《文匯報》–1993 年 6 月 19 日

1993 年 6 月 19 日香港《文匯報》報導一篇題為《亞當夏娃骸骨並葬於一墓穴》的消息。內容說：考古學家在耶路撒冷附近挖掘文物時，發現了保存良好的亞當、夏娃的骸骨。經測試，此即被《聖經》稱作人類始祖的夫妻。專家們在兩具骸骨邊發現一張掛圖，經鑒定發現，圖中除提及亞當、夏娃名字外，還詳細描述兩人在伊甸園中務農和從事採集的情況。（由神作導師，亞當夏娃在這片沃土上嬉戲和興盛起來，顯示這片沃土就在這一帶。）

法國考古學家艾斯塔弗古爾具特博士說：“對我而言，此次挖掘中最令人驚奇的最有說服力的是，男性的骸骨少了一根肋骨，而女性則多了一根。沒有跡象表明男性的肋骨被截去或折斷。我是科學家，而非僅僅欣賞優美動聽的故事。這骸骨與現代人的骨架十分相像。

宗教領袖們喜出望外，認為經過這麼多年，最終可切切實實地證明了亞當、夏娃確有其人，可激發數以百萬男女信奉基督教。

一組馳名遐邇的考古學家，正在準備對掛圖進行研究。

梵帝岡已正式提出，一旦對骸骨測驗了結後，將把此掛圖運往意大利存放。

法醫官艾戴爾理查亞說：“男性骸骨 5 英尺又 6 英寸（1.676）米，女性骸骨有 5 英尺（1.524）高，兩人死因不明，但顯然是死于同一時間，由其后代把他們葬于洞穴，用掛圖記錄了生平，與死者培葬。”掛圖說：他們為乾旱所困，不得不離鄉背井。”現在考古學家們正把注意力集中到亞當、夏娃降世時的地址，以找到伊甸園之所在。保羅巴魯爾特相信：“囿於當時活動能力，出入全靠步行，伊甸園不會離洞穴太遠。”

這個消息的據實報導，震驚了世界，使基督徒們興奮不已。《聖經》中對人類起源的敘述，過去一直被許多人認為是神話故事。基督徒們從心靈上完全接受，聖經、這種人類起源的觀點，但無實體證據，而此次考古學家的發現，正為《聖經》的記載提供了考證的確切依據。這是巧合還是機遇？應該表彰科學家的功勳，但更關鍵的應該說這是神適時的安排。

1998 年第 9 期《科學博覽》雜誌，發表《尋找夏娃》一文，內容說：今年初，美國的，新聞週刊、發表了一篇很有意思的科學動態報導，題目為《尋找亞當和夏娃》，認為現代人類的祖先是出自同一位女人。今天地球上每個人的體內都有這位祖先的基因，也就是說世界上 60 億人彼此都有血緣關係，科學家稱這位女人為夏娃。

今天，新一代的人類學家，利用他們優越的工作條件和環境，使用先進的科學儀器，並依靠先進的分子生物學作指導，研究了人類遺傳的各種基因和突變，作出了許多重大發現。一位來自美國夏威夷大學的女科學家，作了一個有意思的試驗，她把分別取自亞洲、非洲、歐洲的 147 個婦女，甚至一位澳大利亞土著婦女的嬰兒的胎盤，放入一個大功率攪拌式離心器，破碎其細胞分子，最後得到含有純淨 DNA 的透明液體。（DNA 是脫氧核酸的簡稱，是儲藏、複製和傳遞遺傳信息的主要物質基礎，基因是 DNA 分子中的一個片段）。這種基因不是來自嬰兒的細胞核內部，而是細胞核外部，稱為線粒體基因。

從基因學說知道，線粒體基因具有維持細胞生命力的能力，這是最基本的功效。60 年代時，人們進一步認識到這裡面還含有人類的各種基因。到 70 年代後期，更發現它裡面含有自己的 DNA 和核糖體，這兩者在遺傳上都有相對獨立性，而且只有通過母體遺傳下去。科學家把 147 個嬰兒的這種基因，作了比較後發現，基因間的差異極小，而區分不出它的人種。這些說明了是夏娃的女兒們把基因傳下來的，因而他們就這樣提出了一個嶄新的觀點：現代人是起源於一個地方。

這個消息論述了最新科學的遺傳基因理論研究結果，發現全人類各人種有共同的祖先，也就是說都出自一個母親，這符合《聖經》。這位母親就是《聖經》中的夏娃，這一發現對進化論是極其嚴重的衝擊，進化論認為人類是由各種猿猴在各地進化而來的。

此次亞當，夏娃的骸骨在耶路撒冷發現，耶路撒冷是古猶太國的京城和現代以色列國的首都，以色列國在亞洲，亞當、夏娃無疑生活在亞洲，這個地方就是伊甸園。

古爾具特博士所說：“此次挖掘中最令人驚奇和最有說服力的是男性的骸骨少了一根肋骨，而女性則多了一根。”這一事實驗證了《聖經創世記二章》上神創造女人的描述，雖然文字敘述不同，而男性少一根肋骨，女性卻多了一根的事實是真實的。其次是骸骨與現代人的骨架十分相像，這就告訴我們：人從何而來！而且這次的發掘比較完整，更有掛圖說明，提供了骸骨的姓氏和生平事跡，都與《創世記》的敘述相符合，如務農、採集等原始生活與伊甸園中的生活寫照遙相呼應。

現在讓我們再欣賞《聖經》中對人類起源敘述的優美文字。，聖經創世記、前三章詳細描述了人類的起源，認為人的本質是“塵土和神的一口氣”，死後的肉體仍化為塵土，生氣復歸神，人類是由神創造、亞當夏娃傳生下來的。
----------------------------------------------------------------------------------------------------------------


>>April 3, 2003 at 5:28:03 PM GMT+8

2003 年 3 月 26 日 星期三 【晴】

今日唔係好開心…

羅盤失準，雷達失靈。那飛機還應該繼續飛行麼？
磁場太亂…太亂…
------
今日maths test..幾易丫...應該唔會錯好多掛。(希望係冇錯啦)
physics就正喇....田田做埋晒d demo...笑到我地幾個男仔..(唔係好野..唔好知)
丘聰仲要極之興奮咁......係囉係囉...
哈哈~同芝士練玉男心經...好白痴:P

中文堂..又錄野..今次終於冇爆到粗喇...

lunch同kelvin cbb eoeo一齊去川滬食..
我3年冇去過喇...仲記得3年前..同我一齊去ge人...
唉..傷心往事.......
點解會搞成咁ge?3年...3年..
好想返番3年前.。

english!!!慘！
雪雪今日做ge 3件事..我一件都冇做過...1.) WS 2.)short speech 3)color things..
short speech...林梓萌大玩爆肚暗寸老師..
佢做完喇..我...我...哈哈唔知點算..
mrs yu 開我準備好未，
我話...「er....er....er...」人急智生，見到面前一隻floppy...
就話「o係隻floppy 入面喎..mrs yu你而家有冇電腦呀？」
掂嗎？梗係~...好在o係我面前ge係floppy..
如果係聖經..我可能會講「我講ge野都o係晒聖經入面......」
如果係EO..我可能會講「我講ge野都o係晒HEIMAN腦入面，可唔可以解剖佢個腦俾我？」
佢放過我。

chem堂...傑傑又冇拎color chalk..
chem sir一句好正：「You are very good........................................for nothing」
超寸爆~勁呀！
GOLDEN SENTENCE!!
放學..放學....嗯..係囉...唉

------------------------
始終天真地認為，喜歡一個人，有feel就行了，
何以要有那麼多的理論....策略？
我情願相信「藍寶右的夜空」的情節好了。
又或者是只我太天真(至少沒試過)，甚麼也不懂。
但我真的不明白........................
消失一個星期...裝病....etc....不知說甚麼好了~
怎也好...加油啦...你們。

-------------------------
EOEO也要加油呢
不要再那麼的不開心了。
「要開心面對每一天」的確很難
但不開心留在心中，寫在日記上就好了。
不要讓那些不開心的事過於影響自己。
-------------------------

唉。
日記用於發洩。

------------------------
JOEY的新歌好正！
「他都不愛我」「心淡」「習慣失戀」<--推介~^^




今日發癲完畢。

>>March 26, 2003 at 4:59:17 PM GMT+8