2003 年 10 月 14 日 星期二 【晴】

「勁」理論..

屋企有齊咁多年ge Past Paper ----厲害
屋企完全冇Past Paper ---- 勇敢

屋企有齊咁多年ge Past Paper而做晒 ----極之勁
屋企完全冇Past Paper但係做晒所有題目 ---- 變態
屋企有齊咁多年ge Past Paper而做唔晒 ---- 正常
屋企完全冇Past Paper而做唔晒所有題目 ---- 都係正常

屋企有齊咁多年ge Past Paper而做晒，最後拎A ---- 意料中事
屋企有齊咁多年ge Past Paper而做唔晒，最後拎A ---- 天才
屋企完全冇Past Paper但係做晒所有題目，最後拎A ---- 勤力的成果
屋企完全冇Past Paper而做唔晒所有題目，最後拎A ---- 天才中的天才

屋企有齊咁多年ge Past Paper而做晒，最後拎8A ---- 變態架！你有病呀！
屋企有齊咁多年ge Past Paper而完全唔做，最後竟然都拎8A ---- .......唔該送佢入醫院丫....


所以呢...Past paper究竟重唔重要呢........

>>October 14, 2003 at 10:44:52 PM GMT+8

2003 年 10 月 14 日 星期二 【晴】

有時想寫d野..
但係又唔敢寫.......
(鬼咩....寫出黎會好大件事...)
總之好似o係度倒帶......
時光似倒流但未倒流
角色像依舊卻非依舊
類似ge劇情好似一早發生
無論夢中生活上...
總之一切凌亂啦...

有時其實都好懷疑自己係唔係有思覺失調...
有時又覺得自己可能人格分裂(究竟我係邊個...我係邊個...我係乜野人呀...??)
好辛苦咁過每一日
但係又充滿希望咁過每一日
可惜，希望愈大失望愈大....

我最憎最恨的
係我自己。

因為連我自己都唔明白自己................................
++++++++++++++++++++++++++++++++++++++++++++++++++++++++

打緊呢篇日記時，
心諗緊：點算呀..未溫書未做功課呀................

係咪呢？
真係唔明白自己點解咁.......

可能好似meimei話齋..
我已經中左online 病毒......
死啦......
我又食克痛食上癮...又中online病毒..
睇怕今次又真係要去戒毒中心喇...=.=

+++++++++++++++++++++++++++++++++++++++++
咁又一日喇...............................

座右銘：「豈能盡如人意，但求無愧於心」
可惜，真係「豈能盡如人意」，邊有咁易做到「但求無愧於心」丫.....
仲有....我其實有愧於心............
+++++++++++++++++++++++++++++++++++++++++
唉.

>>October 14, 2003 at 10:07:45 PM GMT+8

2003 年 10 月 14 日 星期二 【晴】

是日金句：
「你地打還打，唔好搞到我個勞逸呀！」 by AAA
「Leo呀～黎啦～」 by BBB

(唔好打我...............)
+++++++++++++++++++++++++++++++++++++++++++++++++
尋晚愈溫愈忟......連revision exercise都冇做...
...
好在今朝返到黎Test...都識識地咁ge...
希望高分啦...

Chem堂派test....
死...勁低分...差d唔合格...
「劉浚濂，你要努力d喇」 by Chem sir...
唉....咁都得...??

Lunch落左東江雞買飯盒...
上到黎食....打開睇...
豉油多過乜....好似水浸咁...勁難食...

Bio 又派test...唔高唔低算好好啦
但係同璋璋比...又係低分...

Physics睇怕係最無聊ge兩堂...
仲要係lab添......兩堂行黎行去...

放學.......自己一個搭車返屋企...><

P.S. 今日凍左好多...
++++++++++++++++++++++++++++++++++++
yeah...
download晒「當四葉草碰上劍尖時」第一集至第四集lu...
++++++++++++++++++++++++++++++++++++

其實....聽到呢句真係好唔開心囉
我難得用左咁多心力咁多心機去面對去忘記
你竟然割開我個傷口........
好痛...
=======================================
果然人黑起上黎就真係頭頭碰著黑..
果然有禍不單行呢件事...
話說我沖沖下涼....沖緊身之時，
突然熱水爐唔知乜事熄左....熱水即時變凍水...............
好凍呀~~~
點知之後撻極都撻唔著個熱水爐....
..................玩死........好凍呀....
=======================================

>>October 14, 2003 at 6:40:08 PM GMT+8

2003 年 10 月 13 日 星期一 【晴】

今日隻腳唔知乜事勁痛..
要專車接受返學......><

返到黎...
數學堂..完全唔知學過乜..
之後守更..好辛苦...
英文test..做完都唔知o岩唔o岩..><

Lunch...同leo出去左唔知邊間度買外買..
入到去..點知見到kiki...
之後阿芹一干人等都入埋黎.....
真係人齊...

上到去食野..一路食一路聽黎春個"食飯理論"，
之後出去KO晒所有Prefect...(扯臂章)
點知原來仲有一個遲到ge prefect未KO...

中文派文...
唉..勁低分..
冇乜自信心添..><

放學..
補習...
今日劉寶兒冇去..唔知乜事呢..
(好似聽過..但係唔記得左..)
補完習之後衝返富亨做Gym...
..
未溫好amaths添
聽日test...><

阿媽話我曳左....
話我成日遲返屋企...
玩野咩...又係你俾我補習俾我去自修室...
但係又鬧我遲返...><
怪..

>>October 13, 2003 at 8:18:29 PM GMT+8

2003 年 10 月 12 日 星期日 【晴】

今日好有意義..
原來...今日就係SPHERE成立一周年紀念日..
即係...今日係SPHERE生日呀~~

SPHERE生日快樂~~~^^
++++++++++++++++++++++++++++++++++++

尋晚好夜先訓..
搞到今朝唔想起身..

飲完茶...
就去左自修室溫書...
一個熟人都冇.....
集中精神溫書~~~~
(好多都唔識...><)

之後同Susanna傾左一陣...原來今日係sphere生日...
yeah............

咁..點首歌先...就方力申ge一周年啦..
+++++++++++++++++++++++++++++++++++++++++
一周年 方力申

曲：于逸堯@人山人海 詞：林夕

我最多 原諒你 在那櫥窗外走過
留下我 面對比我愉快的百貨
原諒你 在這一年 開心比我多
我一個 敵不過 耀眼燈飾太多
我最多 遺憾你 未唱聖詩便分手
連累我 每當天冷便要穿風褸
連累我 在這關頭 慌張一個走
這一晚 行人路滿目挽手

*忘記了忽然一周年
卻似失戀一萬年 那燈飾以為我開心一點
誰也在未分手之前 趁快樂痴纏*
原來這夜不見 我可以
天天都不見
我懂得 原諒你 就算毛管不溫暖
其實我 太多手套若我肯挑選
能共你 熱戀一年 此終不算短
最多怕 寒夜被困在戲院
Repeat*

寒流太耐不見 我早已 沒緣份
做你的戀人一周年 卻似失戀一周年
那燈飾以為我開心一點 全世界甚麼都痴纏
我卻未脫險
但求回家總可以 忘記你盡努力睡眠
++++++++++++++++++++++++++++++++++++++++
~^^

>>October 12, 2003 at 7:19:59 PM GMT+8

2003 年 10 月 12 日 星期日 【晴】

"Shining Friends" (當四葉草碰上劍尖時主題曲)
曲/編/監製 :陳光榮
詞 : Anders
唱 : Fiona Fung/Peggy Lee/Mathilde Chan

little faith, brightens are rainy day
life is difficult u can go away
don't hide yourselvies in a corner
you have my place to stay
sorrow is gonna say goodbye
opens up u see the happy sunshine
keep going on with yr dream
chasing tomorrow sunrise
the spirit can never die
sun will shine my friend
won't let you cry my dear
seeing you , share the tear
make my woe disappear
you never be alone in darkness
see my smile my friend
we are with you holding hands
you have god to believe
you are my destiny
we meant to be yr friends
that's what a friendship be

+++++++++++++++++++++++++++++++++
其實我好想睇「當四葉草碰上劍尖時」電視版
可惜時間唔o岩.........
上網download又慢到死~~
可以點呢

>>October 12, 2003 at 3:24:27 AM GMT+8

2003 年 10 月 12 日 星期日 【晴】

2:19，我坐o係電腦前面打日記...仲未訓..
(廢話..唔o係電腦前面點打日記...訓左點開電腦...)
嘩~好難得到而家仲未訓啊~
阿爸阿媽兩個上左大陸，阿妹一早就訓左，
我？都話o係電腦前面囉。

話說寫完日記之後去kiki個畫版度亂講野，
點知原來佢仲勁....
唉..竟然唔夠個女仔鬥....失敗..我投降喇...唉

o岩o岩睇完新買o個本「當四葉草碰上劍尖時」，
發現原來又真係幾好睇...
估唔到歐陽樂要死...><
學到少少野...
人唔應該為其他人生存..唔應該代其他人活..
咁樣實在太辛苦，太委屈自己，又吃力不討好..於事無補
人應該努力活著為自己而生活卻又要成日為別人設想..
活出精彩...............
總之正啦。

死............要做功課呀~~~~!!!!!

>>October 12, 2003 at 2:25:06 AM GMT+8

2003 年 10 月 11 日 星期六 【晴】

《愛是不保留》
常聽說世界愛沒長久，
哪裡會有愛無盡頭？
塵俗的愛只在乎曾擁有，
一刻燦爛便要走！
而我卻確信愛是恆久，
碰到了你已無別求；
無從解釋、不可說明的愛，
千秋過後仍長存不朽！
人受痛苦被懸掛在木頭？
至高的愛盡見於刺穿的手；
看！血在流反映愛沒保留，
持續不死的愛到萬世不休！
惟求奉上生命全歸主所有，
要將一切盡獻於我主的手；
我已決定今生再沒所求，
惟望得主稱讚已足夠！

++++++++++++++++++++++++++++++++++++++++++++++++++++++++++++

今朝去補kkWong..
佢今堂好喪喎....講看圖作文..
條題目有蛇ge出現..佢條白痴竟然真係拎條蛇出黎..
條蛇一d都唔大..不過佢就放到佢大一大咁..
最後仲俾條蛇咬親..真係搞笑..
成堂都o係度搞笑..笑到傻晒~哈哈好好玩呀..

之後同屋企人去左大中食野...食完野我自己一個行街..
買左本「當四葉草碰上劍尖時」，然後o係圖書館睇左陣書..
就去教會喇~
今次終於見到阿詩返..
咦~?原來今次到吳彤領詩
佢唱歌好好聽丫都
我兩首歌都好鍾意呀~
o拿，就係日記最上面o個隻..
仲有「全因為你」~
super正~~~
(吳彤好緊張bor..)
今次教會主題係溝通..
原來當我聽人地講心事時，我隻眼o係唔會郁ge。
但係講心事時，就好刻意咁逃避人地ge眼神..
Queenie同我一組..大家講心事...佢講講下講到喊起上黎..
嚇到我.......我未遇過咁ge情形架.......好在最後都係冇事..

真係慘..返返下教會就要早走..
要補習呀~唉..
好煩..要諗下solution先..
今堂MCCHAN好悶...又唔爆笑..
就快訓著..

落堂....去買少少野食先走..
返到屋企已經7點幾..
唉............
又要做功課溫書....><
++++++++++++++++++++++++++++++++++++
《全因為你》
常言道:人生像演戲
回看這生精彩: 因有著你
人在世永恆何在?
或如流星閃耀掠過
是你令我人生找到靠依

死蔭幽谷中, 你伴我過渡
歡欣裡, 風光裡你共我同在
當身處孤單傷痛, 來擁我入懷
你是我神, 是我奇妙救恩

全因為你, 令我一生都佳美
你令我生命從空虛, 化做傳奇
無論我壯如紅日, 或如黃昏般漸漸老
是你令我如鷹般高飛

全因為你, 令我一生都佳美
你令我生命從空虛, 化做傳奇
唯獨你是我拯救, 我總不至死
直到永遠, 從心底讚美!

>>October 11, 2003 at 8:23:28 PM GMT+8

2003 年 10 月 10 日 星期五 【晴】

x...今日又頭痛...
五日之內有四日頭痛...有少少久病厭世ge感覺......><

今日bio堂..有一堂時間係冇講到書...
Miss成堂o係度講我地d風氣..
我都覺得好多人都係咁...
當然，我唔多唔少都有少少ge....
人實有少少冷漠...尤其係而家ge我..
因為其實我都幾一無所有...
唉..要改~^^

MATHS test...
都算識識地掛..起碼撞MC都撞o岩左..
唔理佢lu..
應該幾好掛..><

英文...都唔知做乜野...
哈哈..完全冇理佢..~

LUNCh出去極速買東江雞..
太過份喇..換左人..動作都慢左幾十倍..
等左好耐呀!!
今日第一次去結他班..好似都有少少無聊.
繼唔繼續去好呢..hehe..

中文堂...先發現原來西山都唔係真係咁好..
只係一個逃避現實ge地方...
我唔鍾意逃避..但係成日都o係度逃避一d野..
明知逃避唔到..但係又要去逃避..
真係好傻......
ECON堂..
我今日好似癲左..勁問miss d白痴問題..\
問完擠提問陪葬...之後又問拋落海...
問下會唔會對money supply有effect..哈哈
有少少搞搞震ge feel..

放學..去輔導室
期間好多人呀..
我啦..dawn..leo...charles...louis...simple...cathy...pauline..keller.....
好熱鬧呀~~^^

要學琴..早少少走...
衝返屋企..練琴學琴...
嗚...咁就一日><

++++++++++++++++++++++++++++++++++++++++++++++++++++++++++++

人總是為了追尋面前的未來，卻忘了背後的過去。

不是嗎？
很多人為了追求一些未知是否存在的東西，
未知是否可以得到的東西、一件事、一個人，
卻忘了自己手裡本來抓緊的一切，
到了失去了的時候，才去後悔，才去想「如果當初」這些的一切。
世界是沒有如果的，只有後果，以及結果。
為了追尋更多而失去了的，未必可以再次覓得。

「沒料到我所失的 竟已是我的所有」 --一生何求 陳百強
可是他們去追尋了，去尋覓了，但卻失去了，
最後剩在手中的，又會是甚麼？最終抓得住的，又會是甚麼？

很多人總叫我們要忘掉過去，展望未來。
對，對未來有期望，有理想，是對的，這樣人才會有動力去幹一切的事。
可是，忘記了過去又如何了？
我倒認為應該要面對自己的過去，一味的去選擇忘記，那和逃避有甚麼分別？
你選擇去忘記的，是不是又真的可以忘記？
痛過的傷口，淌過淚的心，是否真的可以忘掉？
倒不如去面對過去，面對以前的一切，去從中學習，並好好選擇未來的路吧。

人總是為了追尋面前的未來，卻忘了背後的過去。

你去追求一件事，卻忘了自己做著的一件事。
你去覓尋一件東西，卻忘了自己已擁有的東西。
你去追求一個人，卻忘了身後也有對自己好，會關心自己的人。
覆水難收，好好珍惜現在有的一切吧。

人要面對過去，放下一切，才能踏上前路。
人要前行，只可向著一個方向走，
向左走向右走？那就要憑自己，憑過去，去選擇自己的路了。
人不可能，也不可以左右逢源，
沒錯，提步向一個方向走，視野只看到一面的景象，
如果嘗試向另一個方向走，可能發現一切完成唔一樣，
可是，沒有如果，也沒機會回頭了。
滿足於一方，未必不好。
知足，常樂。

人總是為了追尋面前的未來，卻忘了背後的過去。

>>October 10, 2003 at 9:57:18 PM GMT+8

2003 年 10 月 9 日 星期四 【晴】

又再點歌..
呢首歌..係除左花火之外..今日o係堂上係咁唱ge歌...


忘記傷害 - 林峰

當　這感覺未發生　不知道你光臨
我大概還可繼續散心

無奈我的心　不經意著了燈
為得不到的吸引　令我不糾纏亦不忍

當　他手放在你身
才想到我是好友永遠沒權利去傷感

＃忘記受過傷害 　施捨最假的愛
也會令我肯相信這段感情避不開
忘記如何忍耐
但期待一夜之間醒過來
我和你便已如戀人熱愛＃

想　想一世待你好　不需要有出路
那是我唯一快樂　

其實期望未算高　不擁抱便跌倒
付出的都不苦惱　被愛的當然未知道

好　即使我未夠好
連哭一聲都不配你便提示我怎做

ｒｅｐｅａｔ　＃



係呢..點解我地會上堂唱歌ge呢...???...><

>>October 9, 2003 at 9:54:26 PM GMT+8