2004 年 2 月 7 日 星期六 【雷雨】

嘩...login左好多次先得..真係好多人...><

嘩..話說今朝早早起身就衝左落去...點知班車o岩o岩走..(點解次次都係咁...><)..
於是今日補習..遲到......
唷..終於講listening....哈哈..份paper勁搞笑...都低b ge..雖然一d都唔難做..
補完習...仲有大把時間....去寶湖玩下先...
咦..見到...都係冇野喇...

終於等到阿媽黎...去左大埔墟食...咦..點解貴左gei..是但啦...
食完..仲有好多時間.....去麥記坐左一陣..先返教會..
今日查經..果然少左人..哈哈哈........
查約翰一書呀...只係頭兩章已經查左好耐...好深奧呀...
發現約翰寫ge野好正.....如果套於paper 1當中..一定拎b拎a...
玩遊戲...都好無奈.....唔俾我睇..只可以摸...點知呢樣係乜黎呢...><

摺程序表.....手都軟呀...支力都爆...
就快到7點..係時候走lo..............要去中心團拜呀.....
出到去....無奈..落大雨...把遮俾左阿媽用...阿詩又走左........
(本來諗住阿詩會同我一齊去..會有人遮我..XD)
打俾阿詩...打唔通..打俾dolphin..又打唔通..打俾bb..打通..不過都冇用..都係搵唔到阿詩..
算啦..冒雨........淒風冷雨.........好在bb分散我注意力......好似冇咁凍....不過電話費就.....

去到中心...發現濕晒..thx susanna's 衫衫毛巾...
阿詩終於打黎..終於黎到....如果唔係我就嬲架喇..哈哈哈..
都好齊章呀今日...sphere爭三個冇到咋...好感動..
好多義工呀.......好暴力呀...差d以為今日開片...仲要係三級暴力片...
食野...好開心好開心呀~~~哈哈哈..
yeah...sphere拎中心第七名義工小組呀..(以工作時數排名..)
玩遊戲....睇片..由頭笑到尾.....個遊戲俾班人搞寸晒...

呼~~~走lo......

>>February 8, 2004 at 12:22:13 AM GMT+8

2004 年 2 月 6 日 星期五 【乍雨乍晴】

兩日運動會.....都冇參加過一頂賽事..
今年又冇得守更..悶上加悶..
哈哈..今年prefect好慘架..捉唔到人過社......嘻嘻..
第一日落晒雨咁...以為要取消啦..
點知開完幕之後就停雨lo........that's great..
不過我都冇乜點睇比賽..到係行黎行去多...
途中屈下田田請食野...點知佢俾我一屈就入左toilet..(唔通喊..?)
原來佢入去鬧人........但係最後都係屈唔到...
lunch之後...差唔多係訓覺咁滯.........訓下醒下..悶悶悶..
於是決定第二日唔返lo...
訓到11點半....諗諗下..都係返下午啦...
於是搵左勞逸佢地食lunch...之後就返運動會..
恭喜晒勞逸拎獎啦~..林大佬勁到爆..3000拎第3..
我有幫手打氣架..哈哈哈.....

返到屋企..又係時候學琴...........唔..
食完飯.....去廣福打波..
打打下....無啦啦有一個小妹妹同一個小弟弟黎左借波打..
個小妹妹無啦啦望住我話我好熟口面..............原來係我帶camp時ge組員..
真係勁耐冇見......佢話佢學跆拳道喎...我信架..因為我俾佢地當左係喇沙仔咁打同踢..
乜學跆拳道ge人會暴力d咩.....
個小弟弟就鍾意扯住阿芹屈佢同佢跑步....哈哈哈...

夜晚...得番自己一個走之時....突然落雨...
果然好應景.........

>>February 7, 2004 at 10:03:04 AM GMT+8

2004 年 2 月 4 日 星期三 【晴】

寫少d先...

嘩~今日勁凍呀..........
出門口..又係決定坐車...哈哈..
返到學校...兩堂econ.................我o係度玩摺紙..
之後兩堂amaths..死啦...我習慣左每日第三四堂訓覺呀..
今日又訓左40幾分鐘..成個in冇聽到呀...慘喇..點解咁..
physics堂...又係摺紙..
摺摺下..問田田：「你有冇摺心俾老婆架？」
田田：「冇呀...你有摺俾你女朋友?」
我：「我都冇女朋友。」
曾清：「戒指都摺左呀。」
田田一手拎走，話：「太好喇，多謝晒，情人節唔駛咁愁喇。」
我：「仲有呢個心呀。」
田田：「多謝，你都用唔著架啦，俾埋我啦。」又拎走左..
無言....
FP...講建議...又亂黎喇..哈哈
lunch同左幾個人去左間唔知乜野度食...幾正丫....係囉..
返到黎差唔多打鐘...............
RE堂...冇野做~傾計一堂..........
然後我將士多啤梨變做番茄...再變做南瓜..又變做蘋果..最後變紅辣椒...哈哈
摺紙真係好搞笑...
ASSM...........-,-
之後去左達熙Sir「達A補課班」.....幾正丫..~
放學..走人...

好頭痛..訓下先..................

>>February 4, 2004 at 6:15:34 PM GMT+8

2004 年 2 月 3 日 星期二 【暴雨】

今朝起身已經覺唔係好掂..決定坐車仔算數..
果然...返到學校就真係唔掂...好唔舒服...
Econ堂中文堂我都唔知做過乜...
第一個小息就落左去輔導室...好暖........
走之時仲搶左個cushion上班房...........
跟住兩堂英文...我終於破左我上堂訓覺紀錄...60分鐘...
呼..爽呀.....上英文堂訓覺果然特別正...
又幾好彩喎..佢冇行過埋黎我呢兩行...叫人出去又叫唔中我..太好..

訓醒...醒晒...個胃當堂冇咁痛...由於開心..落多次輔導室還cushion先..
還完上返黎...chem lab...
今日我又冇做exp. 呀..都唔知做乜添..哈哈
去左傾計...=.=
呼..之後返課室"教書"....做練習..由於做完...就開始亂諗問題..

lunch...落毛毛雨..同andy去八番撐枱腳...等左幾耐...
食完野...個胃完全唔痛lo...太好喇...又上返去輔導室..
哈..死啦..我教壞左一個form 2 呀....
係咁教佢上堂訓覺食野..太差喇..哈哈
(其實仲好有成功感...^^)

maths堂...stat.....又玩calculator喇.....
嘩..PE呀..凍死人喇...
咦..個pe sir真係好似進進喎..又係姓黃..
教學風格都似到十足十..都係唔知佢講乜...都係冇乜人理佢.....
做體操...要分組....死..十年冇分過組...個個都唔記得自己邊組..(記得都扮唔記得..)
隨隨便便亂分組...嘻嘻....
之後上禮堂做地獄訓練......先要跑步...嗚..地下滑到傻...結果爭d p...
然後要做sit up又做掌上壓....地板好硬...整到好痛...
咦..睇黎阿sir唔識十進制..係咁吋吋聲...搞到我地都唔知即係幾多..
又要訓低抬高雙腳離地一手掌位.....好似幫我地練腹肌..哈哈...

落堂...唔知做過乜........去左susanna度吹水..
今日好多人喲......我隻手背又花晒lo...
嘩...咁就吹到五點幾..........跟左susanna返中心..放低書包..然後就去等補習.......
補完...又係時候返中心拎番d野.....無啦啦eric拎左張cert俾我...
係義工ge獎狀..我一睇...2002年....唔..都好耐下bor....
再一睇....唔...................我知道我又多一張寫錯我名ge獎狀喇.....
乜我個名真係咁特別咩....

返屋企.......好眼訓啊~~~

聽日凍死都似~~

>>February 3, 2004 at 11:54:12 PM GMT+8

2004 年 2 月 2 日 星期一 【晴】

http://mng.anitime.com/animator/masic/tuneoff-007-snowwhite-loading.swf

白雪公主的真實故事版本...

+++++++++++++++++++++++++++++++++++++++++++++++++++++++++++++++++++++++++++++++++++
今日係第一日返學....唔慣咁早起身.......好眼訓呀......
一路之上...撞到charles同沈偉...最後得返charles同我行返學校..點解呢..呵呵呵..
返到去..發覺自己冇做到英文作文添...ws又冇做...是但佢啦...抄到就抄..抄到唔就算..
maths堂....咦..原來真係maths而唔係amaths...冇帶maths書添.......算啦...都唔諗住用..
結果成堂o係度玩calculators...唔知幾個小趣+幾個bugbug會出幾多個SD呀..咁...
英文堂.....悶.........

兩堂中文堂..派作文呀..哈哈....勁低分呀....得50咋..哈哈..
睇黎我真係唔o岩作論說文...下次都係作下其他算數..
兩堂睇人地ge作文..有d真係作得好靚架..

chem堂...只係用左一堂黎教書...第二堂俾我地做自己野..
咦..後面真係唔教喇..??
走火警...><噢噢噢....
出到課室..發現樓梯俾其他人block晒..........冇路走添..
只好又望下出街下...吹下水咁囉..
落到去都走得咁滯lo

今日andy生日...於是九條友跟住佢去食鴻強..
(問題...:點解佢會一枝箭咁飛入去呢...嘿嘿)
本來諗住加十七條腸俾佢慶祝架...個伙記仲話得架...
點知伙記之後詐唔記得..哈哈哈..
咦..點解andy生日...但係會唔出聲呢..

食完野..開始胃痛...上到去..頂唔順咁..
於是bio堂要休息一下....乜都冇聽咁滯..
physics仲勁後悔冇帶枕頭去訓...
因為真係好唔知做乜...
連佢講緊乜都聽唔到..唔該整個loudspeak o係後排丫..

悶完兩堂...放學......返屋企....由於太悶.....開左陣電腦就入房訓左一陣.......
醒返..屋企人已經返晒....

夜晚..玩icq...忽然俾人問左一條我唔識答ge問題..

嗚....

>>February 3, 2004 at 7:30:31 AM GMT+8

2004 年 2 月 2 日 星期一 【晴】

http://www.washingtonpost.com/wp-srv/flash/photo/travel/northernlights/Main_NorthernLights.swf
好靚呀....


~^^~



估唔到仲有人記得...><搞錯....
一時錯手添..
anyway...thx....^^

>>February 2, 2004 at 7:36:38 PM GMT+8

2004 年 2 月 1 日 星期日 【晴】

今朝屋企人去左雲泉食齋...我唔想去..於是就唔去...
訓到12點鐘...係時候起身.....
去左剪髮..然後去廣福食lunch...
去左間大元茶餐廳...食野.....好飽..不過我睇錯野..結果竟然食左30蚊..=.=
或說張野寫住「奉送啡、茶或油菜」..咁我咪點完油菜又點啡囉..
點知啡要另加11蚊...=.=....點解唔揀油菜另加呢...咁會比較平..=.=
食完野...又入自修室...又係好多人...今次要入2464..
癲左...一日之內諗住做晒所有假期功課...結果發現原來真係得ge..
(英文除外..我都唔知點做....痴線架.....同會考都冇關係gei...)
發現Bio MC 1996同2000之後都比較容易....1997-1999就難d..+.-
amaths同maths..都係唔係好識做..><

溫完....諗住搵下susanna吹下..但係諗諗下都係唔好..
因為要趕返屋企.....姑媽一家又黎左我屋企..


2月lo.........................開始應該上少d網..唔可以再日日上網lo...
可能.....平時會係上午呢段時間上得多d啦...夜晚可能冇乜機會見到我lo....

>>February 2, 2004 at 7:30:28 AM GMT+8

2004 年 1 月 31 日 星期六 【晴】

一月最後一日lu...開心事好多..但係開心唔到ge一日..

重演住每星期六要做ge事..
落到去..又係跑住追巴士...結果又係追唔到..
算啦..唔會遲到....
我o係度諗...如果我明知已經遲左..我仲會唔會追呢?
又如果明知仲有好多時間..我又會唔會追呢.
唔知道..因為時間唔係自己定ge.....每分鐘..世界不斷更新...
下一步..又會如何...?

見到沈偉...坐車去新達...哈..佢話好耐冇見勞逸..以為佢死左..
咁又係...佢又唔寫日記..我點知佢而家點呢..
突然好掛住佢添...哈哈...然後...唔識出聲..
去到英皇....坐定定..今堂live..
唔知點解..今日唔夠膽坐第一行..唔知呢...可能因為冇人陪掛
我一向缺乏安全感...缺乏信心...不論係對人定係對自己..
可能係陰影啦...好難克服..至少我仲未做到交個心出黎俾人..
總係覺得...自己知..自己苦就算數........反正又唔係受唔起..
而且.................

哈哈....聽書.....kkwong講到拎abc勁難..搞到我驚添..
又講到班marker好冇人性......搞到我又驚添..
睇黎佢對我地學校都幾情有獨鍾...哈哈....
而..睇黎佢對謙謙更加情有獨鍾添....搞到謙又面紅.
哈哈........

補完習......醒起要幫阿妹同自己買lunch...
於是o拿o拿臨走左去麥記買外賣...
丫...真係好貴...
落到巴士站....前面見唔到人..
我第六感話我知有車....於是......一追再追~
終於追到.....上車...咦~見到勞逸bor..哈哈

返到屋企餵飽阿妹同自己...訓左一陣玩左一陣...
又係時候返教會lu...
落樓...行去巴士站....咦...點解好似有個好熟口面ge女仔行埋黎gei.....
原來係阿皮....佢都好野啦.....原來唔記得落車....佢都要趕住返教會..
於是傾左兩句就走lu...
上巴士----到站----落車.........回頭一望..又見到個好熟口面ge女仔行緊埋黎..
不過好遠..認唔清楚.....咁我又冇乜理由站定定等佢架...於是繼續行..
忽然第六感話我知佢離我已經好近..於是回頭望.....終於認得出係mia..
但係佢好似仲認唔出我...望左又望右.........最後終於認得我..
原來佢一早見到有人回頭望佢..但係認唔出係我....所以扮晒望左望右咁...哈哈...搞笑...

時間o岩o岩好行到去教會...咦..今日好少人呀..
冇計啦....form 7 就快mock....form5都差唔多啦...於是好少人....
yeah...到2004叱吒微沙頒獎典禮~我地組好多人拎獎呀...
阿強已經拎左唔知2個半定3個半獎...
阿詩拎最人見人愛獎....嘩哈哈哈哈......(無言以對..)
總之就頒就好搞笑啦~~~~~~~~~

分組...傾下自己點睇其他人..又聽下其他人點睇自己..
原來我俾其他人ge印象就係樂天、勤力同善交際...
我就覺得..我未必係咁樂天...未必係咁勤力..未必咁識交際..同其他人溝通..

突然.....電話響...傳來噩耗.......................................
可能...算係一種解脫...卻留低傷心俾我地..俾親人..
我唔識諗.....有d亂...有d激動.....
多謝全組為我同我屋企人祈禱...多謝咁多人關心我同我屋企人..
好warm架....但係一warm..我會更加激動..我知我好震.........
但阿ling同坤儀姐隻手好重....重得可以平伏我.
歸家一刻...好感動....但係亦好難受..

其實或者我同佢都冇幾多傾...或者係冇乜機會傾到幾多句..
但係印象會好深....一路都好替佢難受.....如今得到解脫.....好掛..
我未必真係全部傷心...而係震驚成份居多....
始終係親人.....發生於自己身邊..同睇電視完全唔同......
雖然唔係第一次...但係感受依然咁深......突然..一切都太突然..
o個一刻..其實我唔信....
我唔開心.....但非悲傷...然而...........

原來人ge生命比chemistry更配稱為化學..



夜晚開icq...好感動...收到BB ge msg...起碼令我知道..
好多人識關心人...會為我祈禱...
thx a lot...雖然我知道你..同埋其他組員都唔會睇到
我ge感謝...靠天上ge父為我傳送......

望住功課..我做唔到落去....
腦海太多浪濤..不斷拍打我思想..

>>February 1, 2004 at 12:50:22 AM GMT+8

2004 年 1 月 30 日 星期五 【晴】

今朝成11點幾先起身...
又係空無一人...幾空虛添..
冇乜野做..落左去大家樂買外賣食..
上黎就係咁聽歌..
俾我搵到以下ge野......真係好乜野乜野囉..=.=
http://www.mpweekly.com/htm/20031224/mco1.htm
http://streaming01.metroradio.com.hk/showbiz/song/supersuperfans_cream.wma
唔靚..唱歌又唔好聽....發生乜事..

飲歌
作曲/監製/編曲：伍樂城@RNLS 詞：林夕

G+C: 我們要一起高歌快樂上學去
我們是耶和華最寵愛的兒女
我們在時代與金曲之中失去
愛侶及同伴哪年再共聚

C: 曾遇上幾多歌要天天唱六次
留下了幾多首我喜歡到現時
G: 到最後明白最好不應得一次
G+C: 曾伴我捱大過 應該會知

@ C: 一開心唱飲歌 G: 不開心唱飲歌
G+C: 當中紀錄我這麼長大過
C(2x)G: 每次也貪到這首那首還要唱
G+C: 很多是你麼 ?
C: 一失戀唱飲歌 G: 入肉的都算多
G+C: 今天卻後悔最初竟表達錯
G(2X)C: 終於都了解犯過錯以後才清楚
G+C: 什麼感情易唱出我

C: 還幸你在場 G: 令我不至蕩
C+G: 失於這漂亮遊樂場(來現場) 同伴成長 (不必緊張)
C: 人大了珍惜今次不可有下次
G: 成熟了每天都要精彩過舊時
G+C: 過去但求亂唱得怎麼都可以
G: 這次當對著前度要他高舉姆指

REPEAT @

G+C: 捨不得有幾多 得不到有幾多
G: 這感覺大概你都遭遇過
G+C: 你也要緊記這手那手誰與你的手拍著拖
請一起唱飲歌 但願懂得更多
C: 不想再後悔最初怎麼犯錯
G+C: 經典的紀憶熱唱過以後才清楚
大家怎樣伴我走過
昨日曾愛過什麼 得你教曉我

練琴.....冇乜心機添..都唔知乜事..
落去學琴...交學費....咦..點解加左價gei?
唔夠錢添...大件事...結果要召喚阿妹落黎俾錢..
學完琴上黎幫阿爸手煮下飯..(其實係愈幫愈忙..)..
然後飛快食飯...去左打波..
今日少左好多人bor..唔知乜樹呢..
唔.........
悶悶地...又有少少頭暈作嘔...睇怕我係有左喇...><
於是努力d打波....諗住打埋胎...
早左走.....於是開始諗..直接返富亨定行下先呢...
都係行下先啦....
行到返屋企...早得滯...食下野沖埋涼就online lu..
死啦..未做過功課...又未靈修添..><

好耐冇post article lu...

健康提示
1)失眠時，好多人會飲鮮奶或數羊，但結果更難入睡。其實平常人呼吸的原理是吸氣短呼氣長，下次如想安睡，只要相反原理，吸氣長而呼氣短即可,在五分鐘內會入睡。
(2)一罐可樂有十二匙單糖，意思係飲下後會直接變成我們身體的糖分。
(3)有人減肥不吃早餐，事實所得效果相反，會更肥胖，因相隔晚餐時間太長，下次進食時會吃得更多。不吃早餐，令自己空肚，會很快生膽石，因為沒有食物在肚內，膽會排出一些分泌，久而久之，會變成石。而且不吃早餐，會減低新陳代謝，減肥的原理是加強新陳代謝，才可燃燒脂肪，所以無法減到磅。早餐是每天最重要，亦應是最豐富的。可吃粉、飯或麵包等，無須怕會熱量高，因為人體經過一天活動，自然會消耗掉，反而下午及晚餐要小心。
(4)牙醫推薦應該是吃完早餐才刷牙，因口腔是身體最不潔的地方，比肛門還差，尤其是進食後，最多細菌。
(5)如想改善胃病或腸胃病，可以生果為早餐，博士就是這樣而解決了他嚴重的十二指腸問題。每天只要進食五至七款不同顏色的生果，就不用進食維他命。
(6)最有效的進食生果時間是每天下午三時至五時，不是飯後。
(7)減肥的原理是增加肌肉，有肌肉才可以燃燒脂肪，否則只是減去水份。
(8)有肌肉的人，就算坐著看電視，也比一個無肌肉的人消耗更多卡路里，因為只要他有多你一磅肌肉，他身體會自然地燃燒五十卡路里，而無肌肉的人，反而要去做運動來燃燒這多餘的脂肪。
(9)美國及加拿大已經禁止蠔油進口，因驗出有致癌物，所以香港的蠔油近期大減價。
(10)鹽也不可吸收太多，因為鹽會幫助吸收糖份，少糖但吃鹽，也會幫助糖份的吸取。
(11)蜂蜜不要買來自國內的，盡可能選購外國產品。
(12)如想對付仇人，可叫他們去BBQ，食物經過燒烤會產生致癌物質，吃進肚內，不會排出，會長期積聚體內。
(13)無人能估計體內會積聚多少致癌物質，但當身體抵抗力較弱、年老、忙碌或壓力增加時，就會發出來。
(14)如無辦法，可用新鮮檸檬汁灑在肉上，會分解致癌物質。不好扮醒，檸檬茶是不可以的。
(15)纖維素不單有助排泄，也可以吸收脂肪再排出體外，所以如果想減肥，應該多吃。
(16)香港人要多小心肝，因我們比其他國家的人患肝癌的機會大三倍，飲酒的會更多；而且事前無特別病況，發病時通常已經是未期。
(17)每天進食四至五餐，是少食多餐的原則。徐可減輕胃腸負擔外，也因每次進食後，血液會集中在胃部，令人想睡和疲倦。
(18)可吃宵夜，因為肉類要用兩小時去消化，會致肥。肉類的選擇不是在於白肉或紅肉，而是在於肉的那個部位，雞髀很肥，但雞胸肉就比較少脂肪，較健康。
(19)肥胖會導致不育。決定生育前應檢查體重，因有遺傳基因，會生一個肥胖的子女，所以減肥不是只為自己，也為下一代。
(20)減肥可樂卡路里較低，但有酸性，會令自己肚餓，故會增加食慾，令自己更肥。
(21)煲湯只煲夠一次過飲就可，不可番滾湯，會致癌，每次番滾，會令湯內的分變質，影響健康。
(22)湯的維他命經一天後已經留失，飲下的只是脂肪、膽固醇等，所以煲湯只要足夠一次過飲晒就可以。
(23)如要加熱，可用微波瀘，原理是微波爐是加熱而不是翻滾，所以比較健康。時時檢查微波爐是否損壞，可在市面購買幅射測試錶，測試幅射外洩程度。如有便要更換，否則我們便會進食了含幅射的食物，影響下一代。
(24)翻滾的水也不可，但現今社會已難控制。翻滾的油就不好了，如油炸鬼。
(25)少飲用罐頭湯，因已經翻煲，會致癌。
(26)一星期兩次重量訓練，如舉重、啞鈐；一星期四次有氧運動，心跳在120上要減肥就要先做重量再做有氧，效果會好些。
(27)不可放棄任何一餐正餐，因為會令新陳代謝減慢，減不到脂肪。
(28)成年人每年會減少一磅肌肉，等如增加5卡路里，這是中年發福的原因，所以要不斷緞練肌肉。
(29)增加肌肉即淢少脂肪。進食天然食品，外國人進食薯仔時會連皮吃，只要清洗好，是一個好習慣，纖維素增加，有助健康。
(30)做重量運動時要進食麵包等，否則無力去舉重。做有氧運動時則相反，因做有氧運動是為減肥，吃下麵包去做運動就失效。所減的係那個麵包而不是身體內的脂肪，故此跑步前不可進食這類食物。肚空，才會燃燒體內脂肪，否則所減的只是那個麵包的能量。
(31)早上磅重會較輕，晚上會較重。將早上的磅數和晚上的磅數比較，如相差百分比二，就可以測出新陳代謝是否好，否則就証明代謝慢。
(32)三文魚壽司有蟲，每次進食會在體內積聚，在體內一日一日地長大。日本人比我們患胃癌的機會大三倍，因為wasabi是致癌物質。
(33)焗桑拿令心臟壓力加大，好傷心臟。
(34)咖啡會令骨質疏鬆，不可飲用.



站起來的次數

一位父親很為他的小孩苦惱，都已經十五、六歲了，一點男子氣概都沒有。他去拜訪一位禪師，請求這位禪師幫他訓練他的小孩。禪師說：「你把小孩留在我這邊三個月，這三個月你都不可以來看他。三個月後，我一定可以把你的小孩訓練成一個真正的男人。」

三個月後，小孩的父親來接回小孩。禪師安排了一場空手道比賽來向父親展示這三個月的訓練成果。被安排與小孩對打的是空手道的教練。教練一出手，這小孩便應聲倒地。但是小孩才剛倒地便立刻又站起來接受挑戰。倒下去又站起來…如此來來回回總共十六次。禪師問父親：「你覺得你小孩的表現夠不夠男子氣概？」「我簡直羞愧死了，想不到我送他來這裡受訓三個月，我所看到的結果是他這麼不經打，被人一打就倒。」父親回答。禪師說：「我很遺憾你只看到表面的勝負。你有沒有看到你兒子那種倒下去立刻又站起來的勇氣及毅力？那才是真正的男子氣概。」

只要站起來的次數比倒下去的次數多一次就是成功。

>>January 31, 2004 at 12:44:37 AM GMT+8

2004 年 1 月 29 日 星期四 【晴】

太過份喇！！
勁嬲呀~
今朝起身...就發現門口有六隻鞋唔鬼見左..
呢六隻鞋分別屬於六對鞋...即係已經有六對鞋唔著得...
好在最後搵番兩對..但係仲有四對呀！
嗚....我對波鞋著左一個月咋........

之後去左粉嶺飲茶......因為今日六表姐同六表姐夫要走lo..
飲完茶...去陪呢班女人買野行街..(好悶呀..)
之後諗住同阿媽去粉嶺圖書館睇下...點知...星期四..冇開><
返大埔.............去左自修室.
嘩..今日好好好多人呀..成個自修室full晒...入2464...又係爆晒..
最後叫佢地幫我開503721......
咦!竟然見到阿ben黎~~
原來係林大佬同勞逸介紹佢黎..
之後帶佢參選一下中心...就溫書喇..
兩個人研究syllabus...竟然發現好多野係outsee...
...~^^~

六點lo......走人..
忽然醒起有個國際蘭花博覽會.......
於是同阿ben去.....嘩..原來要俾錢....於是......都要入去架啦..
d花花好靚呀~~正呀........好好睇呀~~
想買花...不過有d真係好貴......成千蚊....
最後同阿ben一人買左一枝蘭花.......扮怪俠一枝蘭...
哈哈...兩個傻佬呀......出街俾人望住晒......唔...
不過幾香丫..

返屋企..............~^^~
嘩..星期一返學喇.~未做過功課呀~~~~~~


後記：
嘩~~...話說掃垃圾ge阿姐話見到樓下垃圾房有我地ge鞋.
太好喇..於是同左阿爸落去搵....果然搵得返晒..

>>January 29, 2004 at 9:59:25 PM GMT+8