2003 年 11 月 2 日 星期日 【晴】

已經到1點，但係我仲未訓(廢話...)，打緊日記(廢話)。
o岩o岩做左少少功課，先發現原來自己...平時真係冇上堂咁.......
勁衰。
唉。

諗起補習d野。
F.Shum個豬頭我就一定唔再補架喇..
KK.Wong條變態佬就真係好正，一定要補落去...
MC.Chan...............我應該會轉去沙田補掛..
唔知呢..總之以後就煩啦..
會考會考..一個會考..就用左我(我父母)唔知幾多錢。
究竟值唔值呢..?

今日有人同我講左少少野。
我心諗，其實，值唔值呢又？
原來，值唔值，係當事人ge感覺，
其他人覺得唔值得，可能佢會認為值得，
而且，冇得改變，因為好多人都係固執ge。
我都有自己一定ge原則，所以我好困死自己。
其他人又何嘗唔係？睇住你地做ge野，打d野，
其實，可能又有人已經困住自己。
應該係自己去控制番自己。

終有一日，我會打破自己困局，等住黎啦。
(唔知要幾耐)

++++++++++++++++++++++++++++++++++++++++++++++
其實，有d人 ge心事，有d人 ge情緒，並非他人所能看穿。
努力關心身邊ge人ge同時，亦多少少放開自己，去俾其他人感受自己。
陪伴，其實係一種最好ge安慰。尤其當人地好傷心時。
未必要識tum人先可以去安慰人，唔好因為tum唔到人而失去自信。
有時，有d事等人地自己解決啦，你旁觀去偷偷協助，陪伴佢走過，
已經做足晒應該做ge事。無須太過在意。
+++++++++++++++++++++++++++++++++++++++++++++++
奇怪，玩icq，9成9都係我hi人地先，9成9都係人地唔出聲先。
我好悶咩..(又好似係，不過冇計)
+++++++++++++++++++++++++++++++++++++++++++++++
你，何必咁激動呢。
安守自己角色本份啦。
「明明身心經已重傷 扮皮外傷」
睇化少少啦。人係咁架喇。哈哈。
+++++++++++++++++++++++++++++++++++++++++++++++
哈哈~~....

我甚麼都不是 + 我甚麼都沒有 = 我甚麼都(不是+沒有)
+++++++++++++++++++++++++++++++++++++++++++++++
離開牢籠..............


亂虹


>>November 2, 2003 at 1:14:56 AM GMT+8

2003 年 11 月 1 日 星期六 【晴】

玩到咁夜...起身真係勁辛苦。
巴士站見到逸，就一齊上去英皇。
今堂kk wong live班...
佢又變態..拎隻血手出黎玩..哈哈。
沈偉勁慘..俾kk wong玩..
叫佢扮鴨叫..simon梗係唔肯..
kkwong好似仲好high咁叫佢扮狼..
「你到月圓之夜會點叫丫？」
「點解要我？」
「你最似囉。」
哈哈...笑到我地幾個傻左..
(唔好打我..)

之後返屋企..
巴士站見到細妹..幫佢拎結他返去。
訓左兩個鐘..結果冇返教會..好差呀！

去補習..今次見到沈偉。
上到去...mc chan真係好似一似變態過一次..
傻晒..好悶...><

放左...見到勞逸帶足球..就諗住上學校下面個場打波。
未到之前，沈偉好激..路上一腳踢個波去個路過ge阿伯度，
阿伯停o係度，輕聲爆粗...但係沈偉好似唔識死..
一腳仲大力咁一野踢中阿伯，好應，
阿伯勁爆：「X你XX，仲踢？」

踢波...踢左一陣..就走...

返到屋企..又冇得溫書做功課添
有人黎我屋企。
聽日慘喇。


>>November 1, 2003 at 8:23:32 PM GMT+8

2003 年 10 月 31 日 星期五 【晴】

返學上堂...
lunch時唔知做乜事做左外賣仔..
同heiman一共買左10個外賣送上MST...

放學，入一入susanna間房，然後就走。
返到去，又係icq時間....
icq完一輪，得知，原來外表好開心ge人，又未必真係咁開心...
其實，人地ge心事，有幾多係我地知呢...
而且，又係唔係真係咁準呢..
仲有，你有冇去主動關心一下呢..
有時，只要一句話，一個笑容，其實已經好足夠。
你做得好好啦，係嗎？

練琴.............................................................
練完琴，落去搵一搵joyce同sinsin，佢地今日黎富亨做助選團..(?!)
落到去，見到佢地已經收晒工咁，只係同個乜乜袁潔貞傾計。
我坐埋去冇耐，袁議員已經好客套咁同我握手...
之後問左我幾句，得知我唔係佢個選區ge人之後，就趕時間走...
(真係丫........)
joyce同sinsin話要送我去琴行...送送下見到林大佬做完Gym落黎..
成身汗咁..哈哈哈~~~

學完琴，返屋企食野....
就出發去中心個萬聖節Party..
點知去到廣福搵阿芹阿皮佢地時，忽然見到今日多左好多人..
又多一個阿lim?sinsin今日又有黎...最後joyce又黎..
10個人...打全場......
(死..完全唔記得要去中心..)
10點幾...佢地走..我先衝去中心..
見到阿詩、dawn、逸、venus、charles、andy、alan、冰、晶、暴龍等人。
join埋去，冇耐，就要諗鬼故。
勞逸講番兩年前3e camp入面bryant ge一個鬼故，
嚇到dawn尖叫幾秒衝左出房..(真係勁..)
哈哈~~~

之後化妝啦~~~
我都唔知自己化左做一隻乜野..勞逸就變左關公..
謝聰聰變左吊死鬼..暴龍變左紙紮公仔..
阿詩變左...黃面婆?!
化化下變左大戰...係咁整其他人頭髮..
染紅佢~~~
阿詩隻衫就真係好慘喇..><

出發去鬼屋.....阿詩、venus、dawn三個分別入左去...聽住佢地尖叫..
唔知入面點樣..
之後到我衝入去....
其實..好多地方都估到鬼o係邊...
問題就係要向鬼問路....
廁所隻鬼好似俾我嚇番轉頭...
最驚驚就係gary鬼喇~一出隧道就伸隻手出黎...><
(佢唔扮鬼已經得人驚啦..)
玩到兩點...落妝....好辛苦...洗唔乜頭髮d色...
之後逸、venus、andy、andy話要食宵夜，
我同dawn、ada唔食..咪走先囉~~

唉..近3點先返到屋企..好累..
不過真係好好玩呀~~~~~~~~~~~~~~~!!!!!
><


>>November 1, 2003 at 9:55:05 AM GMT+8

2003 年 10 月 30 日 星期四 【晴】

今朝Bio test，點知個個ｇｅ答案都唔同ｂｏｒ，哈哈。
第二個小息要守更，但係又肚餓，於是諗住衝落去買野食。
俾ｋｆｃ話我（窒我）效率高添……
英文堂又係無聽書（佢都冇講書，點聽？）
ｏｒａｌ好ｄ，有得吹水，但係我地自己改左ｔｏｐｉｃ……哈哈
搞到ｋｉｔｔｙ好唔高興，同我講：「你係唔係想我俾０分你？」
因為今次到我帶ｏｒａｌ。
不過你知啦，哈哈，唔知講乜添。
ｌｕｎｃｈ～衝左出八番食。
謝祉聰陪我食，點知原來佢得１０蚊。
真係玩我，好在我帶夠＄＄，唔係你就死。

最後一次例會。
其實好唔捨得，話晒做左兩年ｐｒｅｆｅｃｔ，
唔多唔少有少少歸屬感，少少都有丫。
入到禮堂，感覺好怪。
因為由聽日開始，我就冇乜機會入禮堂喇。
（除非我入到原校＋做到ｐｒｅｆｅｃｔ＋想做ｐｒｅｆｅｃｔ）
ｗｅｎｄｙ都有唔捨得掛，睇佢個樣。
哈哈，我地逼ｔｏｅｓ大叫：「我愛第三組，我要努力讀書。」真係超正。
笑死～～～
哈哈。

最後一塊

曾到我們手 以為永遠擁有
浪費了才知不夠永遠擁有
像吃光了那盒藍罐的曲奇
才驟覺 好的時光 最後...
還是從黑暗裡溜走
告別摯愛朋友
臨散去才知 共誰最最親厚
但我想趁最後 還有這溫馨滋味
能讓你分一塊牽走

#誰離開誰連戲 誰人必須執行李
共你都分享過 這年夏季 曲奇的美味
重提起 仍甜美 來年各有各遠足幾百萬里
願記憶成為營養 倦了補充你力氣
(願這曲奇成為你 行過深谷那力氣)

和你吃茶點 那時我最愉快
愉快到未知 經已最尾一塊
直到知道快樂 無法再取之不盡
才學會珍惜第一塊

Repeat #

來日有多幾百樣美點 同樣誘惑你
賣相很精美 然而也代價不菲 沒法比
當時年紀 粗糙也任性 那滋味
那些不必添加 自製的甜美

Repeat #

有一句好正，我好鐘意：「我希望我們都懂得珍惜現在所有的，記住過去最好的。」 by wendy wong

放學，同ｌｅｏ、ｓｉｎｓｉｎ、ｊｏｙｃｅ去許留山食。
原來ｓｉｎｓｉｎ個身份証ｎｏ．有４個４同２個８。
ｌｅｏ有３個４。
而今日星期四。
點知ｓｉｎｓｉｎ冇帶身份証。
哎呀，我整親ｊｏｙｃｅ添，慘慘慘。
飲完野，各散東西走人～

返到屋企，唔知點解開唔到機。於是訓覺。
訓到７點幾，起身，打機。
打打下機俾人搶左機，於是食飯。
食完飯又打下機咁。
完全冇溫英文囉。
是但啦，算數啦，實在夠喇。
夜晚做左少少ｂｉｏ　ｐａｓｔ　ｍｃ，就訓左。

＊我甚麼都不是 我是二等兵士
因國捐軀都難記於正史
我是九等天使 我做甚麼天都懶知
我甚麼都不是 帶著自己心事
想告解只可請教牧師
然後便答我 你們再苦也如玩意＊




>>November 1, 2003 at 9:35:22 AM GMT+8

2003 年 10 月 29 日 星期三 【晴】

今朝當人人都唔駛返學時，我要。
今日PREFECT送舊迎新呀～仲要早少少返去排舞。
隻舞其實唔係好識點跳，是但跳住先啦。
謝聰聰真係唔ｏ岩……又遲到。
約左８點，８點４５分都未見人。
電話內容：
我：「喂唔該謝祉聰丫。」
謝母：「哦，你等一陣丫。」
我：「……（仲未出門口？！）」
（一分鐘後）
謝：「喂……」
我：「謝祉聰呀，小趣呀，尋日海洋公園玩得開唔開心呀？」
謝：「做乜呀，幾啦。」
我：「咁你知唔知今日要返學校呀？」
謝：「我知。」
我：「咁你知唔知幾點呀？」
謝：「九點丫嘛。」
我：「九點？你傻架？約左八點架。」
謝：「九點集合丫嘛，你地就八點返。」
我：「即係你遲到啦。」
謝：「唔，係呀。」
我：「……………」
我：「遲到呀，咁有野俾你做喎。」
謝：「咁我可能唔返。」
我：「………你就想！我衝上錦石新村搵你！」
………………
真係過份。

排完舞，上去禮堂ｌｕ。
玩遊戲，真係佩服一下ｇｐ４，ｄ遊戲明顯比上次好玩好多～～～
雖然我輸左一次。
玩其中一個遊戲，係剪報紙時，先發現原來低調有低調ｇｅ好處。
同埋原來世人都係落井下石ｇｅ。
低調少少，未必唔好。將事情收埋收埋，都未必唔好丫。
記住啦～～估唔到玩遊戲都諗到野，真係喪。
突然望到隔離個女仔個樣，咦，原來係ｂｕｇ女朋友，呵呵呵。

到我地表演。
由於頭三組表演都好正，搞到我地幾有壓力，
其實我仲唔記得晒點跳，好在有人推我……哈哈。
算係幾感人啦。
「郭子健，我愛你！」當全組一齊叫時，我諗ｔｏｅｓ一定死而無憾。

ｈｐ分享時，我竟然衝左出去攬實ｔｏｅｓ，哈哈，原來我都幾勇敢同幾無聊。

開餐，食野，影相。
拎禮物，多謝ｔｏｅｓ。
我竟然拎左乜野最佳口才獎，實在名不副實。
收到ｈｐ張卡，上面寫左少少野。
嗯............................唉。

走。
返屋企，又係無聊。
不過第二日要ｂｉｏ　ｔｅｓｔ，要溫書。
可惜，我終於都係去左訓覺覺。
醒左，開機，見到有人ｏｎｌｉｎｅ，又變左ｉｃｑ。

到得醒覺，時間已晚，慘。
溫書溫書溫書～～～嗚。



>>November 1, 2003 at 9:34:10 AM GMT+8

2003 年 10 月 28 日 星期二 【晴】

海洋公園遊記~

今朝起身，記得應承左阿芹要去ａｓｔａ屋企聽佢練琴，就去聽下。
佢彈得好好丫，都。
武林高手過招，我呢個店小二，咪坐ｏ係度睇囉。
８：３５分，同ａｓｔａ飛的返學校，記得國輝講過９：００集合，
於是施施然，結果淒淒然，原來係８：４０，但係我地８：４２先到學校。
一入校門，就俾梁ｓｉｒ叫住，遲到，簽名。
一睇，好多人遲到，ｊｏｙｃｅ、ｋｅｌｖｉｎ、ｖｅｒａ、ｃｂｂ、ｖｅｎｕｓ、ｇｒａｃｅ……總之勁多人……
哈哈哈哈～～～～～～
呢一刻有少少俾陳ｓｉｒ玩左ｇｅ感覺，不過算啦。
（！）第二次遲到，唔可以有第三次喇！

出發～～～
車上鋤ｄ，唔知係唔係四葉草，總之勁好運，就算後面班友叫晒我ｄ牌出黎，
我都照連贏五鋪，連我自己都唔信。
四葉草～～～～～～～～～～～～～～～

去到，開始我自由行大計。
同ｈｅｉｍａｎ去ｔｏｉｌｅｔ之後，就諗住去搭吊車。
點知撞到ｇｒａｃｅ、ｍｉｋｅ　ｏ個班。
離隊，
之後同ｃｂｂ、ｍａｎｄｙ等人一齊搭。
（冇理由只係我同ｈｅｉｍａｎ兩個架．．．）

去到對面，就癲左咁玩喇～
玩玩下，記起我今次係要自由行，於是打俾阿詩，得知佢同ｃａｔｈｙ　ｏ係越礦飛車度，
於是脫離大隊（ｈｅｉｍａｎ唔同我一齊＞＜），自己一個去搵佢地。
冇地圖，結果行錯路……
自己一個行，其實都幾辛苦，幾慘，幾孤獨。
但係要習慣一下喇....

搵到佢地兩個，原來佢地想玩越礦飛車，但係ｃａｔｈｙ唔係好敢玩。
於是我奮不顧身咁……游說佢。
當然得左啦，不過幾慘，佢地兩個坐我後面，而我隔離冇人。
嗚～～～到我驚。
玩完，好大成功感，因為乜事都冇，影左相出黎，阿詩話我個ｌｏｏｋ好似打機……

之後睇海獅，勁好笑，原來海獅係會咬人同講野好大聲，同王阿詩一樣……果然冇改錯名……呵呵
好衰囉，一路上係咁講好掛住王孜衡，搞到我係咁打俾勞逸叫佢ｃａｌｌ王孜衡黎。
黎到，點知帶埋好多人黎。
結果又想自己一個走。不過唔知點解，走ｇｅ唔係我……＞＜

到最後，我、ｃｈａｒｌｅｓ、ｌｅｏ、ｗａｌｔｅｒ、ｃａｔｈｙ、ａｄａ六個人行。
玩下呢樣，行下ｏ個樣咁，最激氣就係俾人呃左１０蚊睇乜乜超動感乜乜，但係原來同兩年前一樣……
最後玩旋轉木馬…諗起一首歌。

「旋轉木馬的終端」
一路 一人 一千里 故事人物有沒有一起
一月 一日 一口氣 會在何地發現我的你

一萬 一百 一億個 這地球上對像有幾多
馬路 鞋尖 也踏破 對面誰在看著我走過

* 為何上帝 捨得阻擋你的臉
為何讓你 在我天涯裡擱淺
緣份未到 讓我等到那一天
迴旋下去 木馬終端再遇見
一步 一年 一感歎 看著緣份背著的轉彎
午後 黃昏 到夜晚 美麗存在過但 我眨眼

Repeat *

緣份大概 就似花火的曲線
流動下去 滑過天涯才相見
緣份未到 讓我等到那一天
迴旋下去 木馬終端再遇見
緣份大概 未想這麼早發展

去左沙田ｋｆｃ食，好熱氣添。但係我冇乜食野。
點解？唉～～～
但係傾計傾得勁開心。

之後送ｃａｔｈｙ返屋企，然後又返屋企。


>>November 1, 2003 at 9:33:02 AM GMT+8

2003 年 10 月 24 日 星期五 【晴】

等左咁耐，終於有得上番日記，勁開心~
補番之前幾篇短短日記先~~~

夜晚學完琴唔係幾開心，唔知係因為隻歌難，定係我懶。
既然係咁，把心一橫，走出富亨。
忽然諗起阿芹同阿皮佢地好似打緊波，咪過去廣福撞一撞囉。
點知真係撞到。
阿芹、阿皮、阿皮男朋友，加兩個唔識ｇｅ人都ｏ係度。
我一埋去，咪六個人囉，ｏ岩ｏ岩好，可以鬥波……
原來阿皮個男朋友同我住同一座……好驚添，好在佢要送阿皮返屋企。哈哈哈~

(諗唔到寫乜好..)

>>November 1, 2003 at 9:28:52 AM GMT+8

2003 年 10 月 23 日 星期四 【晴】

Cathy生日快樂~~
+++++++++++++++++++++++

今朝打打下隨筆..又打到7:45先出門口..
勁慘..又係行得好快咁返學校...

英文mmlc堂超正
話就話上網，其實個個玩icq..
我有同susanna講icq bor哈哈
sin dogdog終於add左我，
傾左一陣，搞到我冇乜點做野...
終於都係做唔晒。

Recess 2 代toes守更..
點知好多人缺更..結果三個prefect守四班..
勁慘...

Lunch去八番食...時間o岩o岩好..
今個例會..係last two喇..好好珍惜..

上到去...數學堂唔知做乜..
然後就到PE...慘慘慘..circuits training...><
唉..隻左手勁痛...結果慢左好多...
成績算唔錯掛..><
放學之後唔識死..竟然敢去打波..
打時冇乜野..打完...隻手唔識郁...
仲要去拎影印..好重...><

返到屋企..又要準備出去...~^^


>>October 23, 2003 at 5:18:43 PM GMT+8

2003 年 10 月 22 日 星期三 【晴】

今朝起身..打完日記...再打埋隨筆日記..
做埋dawn friendtest..已經7:40...
慘慘慘..好耐未試過咁遲........
於是衝出門口...

路上見到沈偉.....一望對面隧道...見到阿dawn成個傻婆咁跑黎...
於是陪佢一齊跑...沈偉竟然又陪我地跑.........
跑跑下前面見到jessica~
於是四條友行返學校...

前面又見到vera bor...
呵呵...真係多人..

路上jess同我講左少少野..呵呵..
唔係掛......咁咪好好笑~?

尋晚訓左11個鐘..果然精神爽利...

德明冇返..又有兩堂free 堂..
結果變晒做吹水堂..

Lunch又係買好運..
返到黎食...........

bio堂差少少訓左...
Physics堂.......超正..
冇王管..我完全唔做實驗..只係玩玩玩玩玩~呵呵呵..

放學...去火車站搵屋企人..
然後就去fanling打針...><
打完針....返去大埔買番條褲褲..
搵左好耐bio pass paper..都係搵唔到..

然後返到屋企..又即時出大埔廣場..
影印倩Dogdog俾我ge書..
之後就買左條鏈.............

返到黎..7點...果然好累.......................

icq...
上網...
忽然搵到個website..
係幫人寫情信......
我終於都係寫左.............
不過係寫俾自己...我可以寫俾邊個丫~
給自己的情書~

~~^^

>>October 22, 2003 at 7:27:14 PM GMT+8

2003 年 10 月 22 日 星期三 【晴】

勁慘...
尋晚食完飯
未到8點正..
就頭痛到飛街...
坐o係度粒聲唔出...嚇到屋企人傻晒...
食完兩粒克痛，就上到訓覺覺...........

好開心...訓左差唔多11個鐘...
勁開心呀.....
(究竟係慘..定係開心..?)

尋晚勁做人地friendtest..
陳七個test得60分
jessica個test有81
carol個test有80分..
dawn個test有98分....
好似好勁呢..呵呵呵.......
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

>>October 22, 2003 at 7:18:09 AM GMT+8