2004 年 3 月 4 日 星期四 【晴】

嘩哈哈..終於login到..
今日真係要寫日記呀...因為今日勁癲呀..嘩哈哈哈哈哈哈........
嘩哈哈哈..尋日鬧鐘一響就俾我解決左...阿媽打左十幾次電話黎都叫我唔醒..
好在最尾都識醒..今日差唔多又係咁樣..遲左15分鐘起身...too bad..
返到學校好似悶悶地咁..但係一上堂就high晒lo..
嘩..我篇反文點解傳左咁遠gei~
變態呀對面海..d人將d紙飛黎飛去...獸師真係獸師..飛英文字典...勁呀..嘩哈哈..
我地就勁影相囉~maymay都冇理我地..(都理唔到啦..)
小息於是乎冇落去拉記.....因為仲係係咁影相....
maths堂靜左...o岩o岩high完而家靜...好down...冇野做....唔想溫書..訓覺先..
訓醒一覺精神晒...又係小息喇...........

嘩哈哈...期待已久ge田田演唱會今日搞得成喇~
佢入黎之前我地將所有燈熄晒...十幾部相機對住門口..佢一入黎..閃呀閃呀閃咁..超正..
然後有人上去拎簽名...勁正呀..
派test......田田o係每張test paper上面都簽左個名..仲幫我簽左3個添呀~~嘩哈哈...
個個出去唔係握手就係抱抱..唔係抱抱就係咀咀......哈哈..笑死我地喇..
之後大家一齊拍枱叫佢唱歌..起先佢唔肯..又話冇歌詞又話聲沙..
然後我地幾條友去左開電腦....display d歌詞o係黑板screen度..
仲將田田張poster整做桌面..嘩哈哈...download埋mp3...田田走唔甩喇..
唱左一起走過的日子同無間道....正都爆呀......bug問國輝借左支咪..仲正
班人將聖誕淨低ge佈置都整晒去田田身上....好靚仔呀....~~~^^~
田田告別演唱會就係咁樣搞成功左喇..嘩哈哈哈哈...........
搞到下一堂遲左..
下一堂re..搵左個乜野阿添黎講野...佢係咁講黑社會d野..搞到我都唔知自己學左乜..
點解佢識咁多gei?唔通佢......咪住..佢教我地咁多做乜呀~

lunch...............豪一d...成班人去左凱旋門食...嘩哈哈哈哈..
要落禮堂聽野.....好悶......尤其係assm...一眼望去....50% ge form 5...訓覺中。
好壯觀呀~~~未見過咁多人一齊訓覺~~
做准考證.....咦...冇一次o係莫記gei...??嗚嗚...
最早考oral係我啦....1/6 4點....明明c班搵到個又係1/6..點知卻係5點幾...
真係冇人早過我...???

放學又係咁影相喇..哈哈哈哈.......
我係咁俾人bully呀.慘慘慘
落埋金魚池去左好多地方影...好多張添..
影影下...無啦啦有個校工走黎話我地踩爛左校務處前面個垃圾桶蓋..
仲搵埋梁廣煒sir黎同我地講..
但係我地冇掂過個垃圾桶bor....分明係一早爛左而家黎屈我地啦..
跟住出去睇金魚池上面個垃圾桶蓋..又係爛架bor..係唔係又入我地數?
5a門口出面ge牆都有裂痕wor..係唔係又....哈哈哈..
不過冇計...梁sir出黎同我地傾...仲要我地落去富善街買番個垃圾桶蓋添..
佢仲出左20蚊..嘩哈哈哈......................咁咪買喇..當係玩下..
於是同倩、謙、yammie、曾清、mandy去買垃圾桶蓋...陳七同maggie又一早走左..
bugbug去唔知死左去邊..(後記..原來佢走左去阿倩屋企...................樓下.)
最後一人出左一蚊.......買左個垃圾桶蓋返學校...
問梁sir借左支筆....o係入面寫晒名咁留念....正呀..yammie仲畫公仔添呀..哈哈哈..
之後我地拎住個新蓋影相~
最後..一路唱校歌一路進行換蓋儀式...o係一片歌聲中..換左個蓋~
奇遇呀...正呀........................~^^~
(註：我地個蓋靚過學校o個d架~~~)

各散東西~~~~~~~~yeah...
打返屋企..先知原來勞逸係咁搵我......記得佢地約左打波..
於是就飛返富亨..打左一場波..就走人lo..
要返去食飯..夜晚出自修室.......



P.S. 點解有人以為我時間好似好多咁ge呢...?

>>March 5, 2004 at 12:21:32 AM GMT+8

2004 年 3 月 3 日 星期三 【晴】

嘩哈哈哈哈...真係兩日冇寫日記...
回憶番尋日...有個低form小朋友好得意咁問我...
年年mock卷係唔係一樣...
咁叫我點答佢好呢..估唔到呢個世界仲有人會咁天真可愛...
嘩哈哈哈哈...去買左好多好多張紙仔呀..嘩哈哈..
寫死你地先....記得問我拎黎寫呀...雖然我都祝大家會考成功個個返到mst~^^~

後悔俾自己hea左o個兩日...搞到自己唔夠時間喇...早知就唔hea啦..
但係我唔想架...鬼叫我連續5日頭痛咩....好在而家好番晒~
thx god~

講下今日.
熙文文冇返呀...嗚嘩嘩嘩......技術性請假?
堂堂都咁悶gei好似...
最正就pe堂~打波~yeah~

唔打喇都係..算啦...
mock黎緊喇...加油各位~

>>March 3, 2004 at 11:25:22 PM GMT+8

2004 年 2 月 29 日 星期日 【晴】

勁後悔俾自己"hea"左兩日，完全冇溫過書。
死啦..而家溫唔晒..都係自己衰..亂諗野..唔關人地事。
咁都好gei..知多少少...。

hea左兩日....諗住滾去自修室俾自己安靜一下..
都唔係為左溫書..只係為左要令自己清醒番少少咁多..
見到阿冰...勁耐冇見佢...仲係咁好玩..哈哈..
之後..同勞逸去左打波...(都係放棄令自己清醒.....)
愈黎愈唔清醒喇............

hea完喇..仲有一個星期..仲hea得起咩..
補番hea左呢兩日....於是決定呢兩日唔寫日記
寫埋呢篇就算數..係咁啦。

>>March 1, 2004 at 7:29:11 AM GMT+8

2004 年 2 月 28 日 星期六 【晴】

今日都係溫唔到書...聽日加油啦..
今日好慚愧.....覺得自己好衰好衰..
too bad...

哈哈..今日補完習之後同勞逸and謝祉聰諗住去甜緣蜜語食..
點知..冇開...丫真係丫..寫明11點開架bor...12點都過左..仲唔開?
於是去左麥記食...食食下...望向下一層...咦..甜緣蜜語開左喇bor..
果然玩野..哈哈哈........

今日精神好差..仲好頭痛..差d唔想返教會...唔得..講過要返多一次..就返多一次..
結果禱讀時爭d訓左............原來好多人都係咁樣..個個今日精神都唔好...too bad.
今日佢地寫左張卡俾我..講對我ge感覺..同覺得我ge投入度..
嘩....10分入面拎左9分半咁呀....太睇得起我...咁正面...
好在有一句係負面少少~
咁我又再講一次...我正經ge時候..係真係好正經架..我邊有成日玩玩下呢..
於是我將自己對自己ge睇法講晒出黎.....一個完全唔似我ge我囉..
哈哈..我之前係唔係呃到好多人呢..哈哈哈...俾你地知下我係點囉咪..

張卡背後係一段經文：不要效法這個世界，只要心意更新而變化。
too bad...又好邪好邪呀~哈哈..我筆袋入面張火柴人書簽又係呢段經文..
我得兩張火柴人書簽之嘛.....但係我收到ge兩張人地送俾我ge卡..
就咁o岩就係呢兩張火柴人書簽上面ge經文....真係正喇~~
yeah...坤儀姐姐說：呢d係主對我說ge話語。
我不要效法這個世界。

之後走人..約左阿妹食dinner...途中遇見補完習ge勞逸林俊輝benben沈偉..
呵呵呵...食唔飽我...

努力啦...。

其實我仲好驚...好矛盾架..一來想唔理件事..睇下我係唔係真係估o岩..
二來又怕其他人受傷唔開心....我應該點做呢..
係囉..日久左先算啦...
其實我真係乜都唔應該理...因為..根本唔關我事，好似。

>>February 28, 2004 at 11:01:54 PM GMT+8

2004 年 2 月 28 日 星期六 【晴】

可唔可以放任一下..唔溫書兩日呢..?
因為我真係完全冇心情..

但係冇左兩日...mock就死晒架喇..=.=


唔，點解會係咁ge呢。

>>February 28, 2004 at 9:36:59 AM GMT+8

2004 年 2 月 27 日 星期五 【晴】

星期五lo...

一切正常..但係又唔係咁正常..
總之vera返番學囉...不過少左講野..笑少左..
但係都仲識鬧我白痴..咁即係都冇乜事啦..
跟住有件事搞到好大好大囉..不過都係唔提喇..not so good..
希望你地冇事lor..
然後放學差d開片咁滯...海狗又抵死gei..
放學之後去左自修室溫書...mandy同謙都有去添..
傾計多過乜..=.=
之後返屋企..出街食完野又出過黎..
本來諗住去自修室搵暴龍架...好耐冇見佢..
但係我搵到暴龍之時...謙同mandy又跟埋出黎睇熱鬧....好白痴呀哈哈哈..
感動嗎暴龍？睇下我地組幾關心你~哈哈哈哈..
之後吹左好好好好好好好耐水....吹埋晒d唔會令人開心ge事..
但係呢種吹水方式卻令人開心囉..
唔知呀..
正如我今日係咁話.....我唔係想講人壞話..但係..日久見人心囉..
有時d野..唔好咁易信囉...尤其好傻瓜瓜o個d囉.
死lo..吹到唔記得左要去打波...都去見一見佢地啦...好似好耐冇見添..
之後..返屋企囉。

知道左好多野...又俾人知道左好多野..o岩ge..我平時都好少信人...
係時候都信一下囉..
但係知道ge野..都唔係咁開心..
主俾我知道..就係唔想我再煩落去...煩住自己..又煩住人地。
唔知我煩住左幾多人呢..
同埋呢..我俾佢地知咁多野..我都有少少驚添..哈哈哈..
是但啦...都死左咁耐..唔怕喇。

God Bless me.

>>February 27, 2004 at 11:41:26 PM GMT+8

2004 年 2 月 26 日 星期四 【晴】

Re 熙：
唔知bor...我同阿sir拗左好耐..佢都係否定1 ge無限次方係1...=.=

++++++++++++++++++++++++++++++++++++++++++++++++++++++++++++++++++++++++++=
今日係星期四...
愈黎愈覺得自己懶...好似呃左好多人添..
是但啦...你地以為我勁勤力..咁你地就會努力d..咁都係一件好事gei。
事實上，我不斷o係度做埋晒d無無聊聊ge野..
識我ge人都知架啦.哈哈..整埋d野都好似冇乜用..
不過我覺得值得咪得囉..有時d野..唔好咁執著計較..
值唔值得..好主觀架

返學..都預左見唔到曾美玲架喇..咁大件事..
不過佢走之時我都有少少感覺..因為我今日都要去喪禮。
所以..覺得世事無常囉..前一刻仲好地地咁笑住..下一刻....
可能我呢一刻同你講再見..又真係可能就冇下一次再會ge時候。

我而家突然好欣賞富亨..我覺得富亨好靚..
可能有人覺得我傻啦..(事實上真係有人咁認為丫嘛)
欣賞下欣賞下..就會好鍾意富亨...死啦.唔知我會唔會離開呢度呢
唔知我幾時會離開呢度呢..唔捨得架..

我成日都覺得自己唔太似一個正常男仔..
我都癲癲地ge...可能我真係一個好平凡ge男仔...平凡到有d唔平凡囉。

返學而家令我好辛苦.
但係有時辛苦可能係一種幸福..(用普通話黎讀..我會將辛苦同幸福讀錯！)
試一下返唔到學..可能我會好唔開心。

早放...係一件好事囉..起碼冇英文堂先丫.

算啦。

>>February 26, 2004 at 11:41:46 PM GMT+8

2004 年 2 月 25 日 星期三 【晴】

too bad...尋晚由於太頭痛...食完克痛..飯都未食就訓左..><
而
今日好似發生好多事..又好似冇乜事發生..
總之5a好似冇我想像中咁冷..但係又只係一部份ge熱
希望有事ge人會好快冇事

今日講左好多心事出去囉..
差d連confidential ge都講埋...=.=
難得我肯講。
你諗下..幾難得呀..哈..><

其實我仲有野補充..
o係事情未一發不可收拾前..最好制止左先..
俾人知道..你都識有反應..你都識嬲..你都識唔開心..

希望大家開心。

>>February 25, 2004 at 10:54:25 PM GMT+8

2004 年 2 月 24 日 星期二 【晴】

我的一生

昔日玩笑不懂事，帶點土氣，這傻孩子。
沉默好學愛心真摰，從不會傷心失意，
怕束縛，獨愛一身粗布衣！

長大越覺不懂事，天真灑脫，太像孩子。
仍舊好學愛得真摰，如今懂傷心失意，
要衝破自我，小子要展翅！

舊事舊人隨歲數遷移，歡笑可記兩三事，
懷念最深，數那惡夢痛傷事。
辛酸苦澀嚐過無限次，今我述說太容易，
追想從前，一切全賴有主你扶持。

今日述說多驚異，主的看顧，靠近孩子。
讓我決定愛主真摯，由衷感激你心意，
要一世奉獻，傾出我恩賜。

舊事舊人隨歲數遷移，歡笑可記兩三事，
懷念最深，數那惡夢痛傷事。
辛酸苦澀嚐過無限次，今我述說太容易，
追想從前，一切全賴有主愛……
現實縱然殘酷求立志，
風雨讓我當閒事，因你同行，
給我無限壯志，願這生更合你意。



o個次週會..我仲記得係桷樟做司琴..
我記得呢隻歌桷樟好鍾意..我一聽..都勁鍾意~
舊事我做棋會組長...點名時..見到連桷樟個名.
見埋班人...覺得佢好細個..
今年見番...我變左團契組長..
但係覺得桷樟好大個..
唔同晒..........舊事舊人隨歲數遷移...

>>February 24, 2004 at 7:31:38 AM GMT+8

2004 年 2 月 23 日 星期一 【晴】

嘩..唔知點解突然覺得1個星期過得咁快呀..=.=
點解會咁架...
+++++++++++++++++++++++++++++++++++++++++++++++++++++++++++
返到學校..就要立即「做」功課啦...
終於o係打鐘前做晒...
math堂....我諗以而家ge進度..點死都教得晒掛..
不過英文堂真係勁無聊..
中文堂做語文運用同閱讀理解...寫黎寫去...唔知寫左d乜..
chem堂做卷....嘩..咁難gei?但係我溫左書架喎..
即係溫得唔熟...too bad...
做唔晒..
lunch又去左買飯盒食...a班冇乜人...只好去c班食..
然後見到王子o個張無敵紀念冊...><各位男同學要學下野喇..
興趣：打人(除了你...因為..)..
食物：只要係你整ge就得...
etc...幾恐怖呀....
bio對past paper...
physics堂.....咁多人走堂...田田竟然冇反應...
然後..我都落左去..........
放學..返屋企...訓覺...
溫書之時..竟然倒瀉水......用左我好耐去吹乾本書....><

唔知點解我唔識一分二用..=.=
+++++++++++++++++++++++++++++++++++++++++++++++++++++++++++
我好似成日令人誤會咁gei?
雖然人地都有令我誤會..但係我回想..
我會覺得自己做錯好多囉...
原來唔只咁少人誤會..好明顯今日發現原來更多人誤會..
我冇去解釋呀...解釋黎做乜..都冇用gei..
++++++++++++++++++++++++++++++++++++++++++++++++++++++++++++
雖然...

>>February 24, 2004 at 7:25:48 AM GMT+8