2004 年 2 月 22 日 星期日 【晴】

嘩..今日一起身就發覺屋企電腦上唔到網
而家o係中心呀..

朝早去左飲茶...然後去自修室中途見到杰佬..
然後出左隧道..未知向左走向右走之時..又見到坤儀姐姐..(團契導師)
佢笑我向左向右走黎走去呀..><
然後幫左街邊幾個人影完相之後..佢陪我行去自修室.
中途講左好多問題...幾有得著yo..
跟住佢幫我祈禱啊~thxthxthx
溫書...溫書....~^^~

>>February 22, 2004 at 5:44:58 PM GMT+8

2004 年 2 月 21 日 星期六 【晴】

星期六lu..
一早起身...去補習...今堂遲左到添...而且又好悶..too bad.
補完習...食完lunch之後...就返孫方中小學喇..
今日阿妹要返去打波呀..舊生對新生....
好慘呀..阿妹跌傷左呀...
搞掂完阿妹傷勢..又係時候返教會..
我都係決定左做組長囉..今日早少少返去聽下要做乜.
點知只係講左15分鐘..就俾我地自己睇聖經喇...
vow..
今日團契又有新人lu...so good..有1個仲係我地學校守5樓ge prefect添..good~
咦..咁多遊戲gei?
哈哈..之後我rap經文呀...好搞笑呀...rap到我面都紅晒..=.=
團契完左...就同左組入面幾個人去左睇大城小事lo..
加埋我..都有6個人..唔算多唔算少咁啦...
大城小事唔知算唔算好睇..但係景勁靚....歌勁正...算係咁啦
睇完戲...去kfc食dinner...就返屋企lu
好眼訓....~^^~
哈哈...bb話估唔到我究竟係乜性格wor..真係搞笑
不過佢覺得我係悲觀ge人。
+++++++++++++++++++++++++++++++++++++++++++++++++++++++++++++++++++
我諗我都係諗錯掛..哈哈.
不過而家都唔緊要lu
我都發覺自己有少少做錯..too bad
遲d先算啦..

>>February 22, 2004 at 5:46:06 PM GMT+8

2004 年 2 月 21 日 星期六 【晴】

太差了。
昨晚十二點多想再寫日記，誰知寫完後，loading的時候突然斷線。
甚麼也沒有了。
哈哈，看看記得多少，就寫多少吧。
++++++++++++++++++++++++++++++++++++++++++++++++++++++++++++++++++++++++

我們要一起高歌快樂上學去。
我們是耶和華最寵愛的兒女。
++++++++++++++++++++++++++++++++++++++++++++++++++++++++++++++++++++++++
現在這樣算是好嗎？
也許吧，至少我禱告了，也知道主有看顧我。
縱然主所應允的，不完全就是我所祈求的。
但如一切都如我祈禱中的所發生，那未免太盡如我意了。
這不失為考驗。雖然我知道，我不算得開心。
現在這樣算是好吧。
祝福自己。
再禱。
++++++++++++++++++++++++++++++++++++++++++++++++++++++++++++++++++++++++
「你根本就是在寫自己。」王子說。
我承認了，在當他和我說為何我作文會這樣快時。
我平日的一切可以騙得過人，但作文，我只能寫出自己。
就如昨天我寫日記，寫出自己對於關心的感受。
這天作文，題目也是關於關心。我就直直的抄了我自己的日記。
以及我自己心中所思所想。因為我想關心你，你和你。
作文可能已經離了題，但我不介意，因為我滿足。
我寫出了自己。
++++++++++++++++++++++++++++++++++++++++++++++++++++++++++++++++++++++++
好像甚麼事也瞞不了王子。
可是其實對著他時，我曾經也因甚麼問題而心虛。
但是不說會比說更好。說了更多人不開心。
我總覺得王子很聰明。(我也覺得身旁有很多聰明的人，就如我常也說阿詩聰明。)
所以我好怕。
++++++++++++++++++++++++++++++++++++++++++++++++++++++++++++++++++++++++
「求主興起禱告的心」

在這片乾旱土地　沒有豐足的收穫
願你察看施憐憫　賜春雨滋潤大地
是你永看顧的恩義　叫我眾永不驚惶
現我以信心回應　獻上迫切的禱告

求主興起禱告的心　在你沒有難成的事
藉已成就的禱告　讓我開始認識主大能
求主興起禱告的心　像戰士激發熱心
顯明你是獨一的主　是你永遠作王
　
「我們的禱告是永不落空的。天父會顧念我們，正因為天上小鳥不種也不收，天父尚且顧念牠們，更何況我們是他的兒女。 」
++++++++++++++++++++++++++++++++++++++++++++++++++++++++++++++++++++++++
最逼切的禱告。
++++++++++++++++++++++++++++++++++++++++++++++++++++++++++++++++++++++++
無懼受折磨 也不管對錯
++++++++++++++++++++++++++++++++++++++++++++++++++++++++++++++++++++++++

>>February 21, 2004 at 9:54:56 AM GMT+8

2004 年 2 月 20 日 星期五 【晴】

。只我一個在擁抱破碎的夢。


趕住學琴..寫得幾多得幾多啦。

今日返到學校..就拎左個小趣飛彈出黎玩.....散左幾次添..><
知識版權俾人抄襲呀..不過是但啦...反正咁簡單..話咁易一分鐘就學識..
amaths堂...今日終於趕得上阿sir ge進度喇....好感謝阿sir今日唔飛得咁快...
計左幾條數..又開始亂諗野喇..我後面條友仲變態啦...1 ge無限次方係幾多呢..
原來真係唔可以係1 bor....詳情..自己問kfc去。
小息...收左阿芹件擦膠入小趣飛彈度...咦..幾好玩wor...
我愈黎愈覺得件飛彈似HIV病毒....
英文...哈哈...bug今日又俾人收書..又係chem...真係慘喇..連續兩日lo...
邊個叫你咁明顯..哈哈哈.....又唔見vera同謙俾人收?..
listening星期一要交添..死喇..慘慘慘慘慘.....=.=
econ堂..做chem past paper...乜得呢年錯得咁勁架....搞錯搞錯呀..!!
physics....繼續自己做自己野.....問田田chem...佢用form 6 ge野黎解答..
然後....最後...我都係唔明。
lunch去左明皇..d野難食左又唔同左...><
返到上黎....又係時候上maths堂...又係計數..
中文作文呀....咁多條題目..條條都唔想作....咁難gei..
爭d俾條題目陰到..(其實可能都係陰左..)..總之有少少覺得自己仲有少少離題啦..
作完一篇....無所事事....作第二篇..用文言文..
結果俾德明寸之......死喇..早知就唔交啦...哈哈..有d不自量力..
不過算啦..「未試過點知自己唔得呢？」人地教我。
咁於是乎我而家已經知道自己唔得囉。

last day 學琴lo...

>>February 20, 2004 at 4:45:19 PM GMT+8

2004 年 2 月 19 日 星期四 【晴】

金庸小說神鵰俠侶中黯然銷魂掌的十七招掌法：
心驚肉跳、杞人憂天、無中生有、拖泥帶水、徘徊空谷、力不從心、行尸走肉、
庸人自擾、倒行逆施、廢寢忘食、孤形隻影、飲恨吞聲、六神不安、窮途末路、
面無人色、想入非非、呆若木雞。
咦...咁似形容緊我gei？

每日心驚肉跳，常常杞人憂天，恐怕別人無中生有，憎恨自己拖泥帶水，
有如徘徊空谷，只感力不從心，猶如行尸走肉，實則庸人自擾，
一切倒行逆施，為此廢寢忘食，仍然孤形隻影，只得飲恨吞聲，
一朝早已六神不安，到夜晚如窮途末路，心驚而面無人色，心亂則想入非非，
遠望天際，呆若木雞。


今日好頹廢呀好頹廢呀好廢呀..
到而家仲有好多野未做。
未靈修，未讀經，未溫書，未做功課，唔知今晚點算。
聽日係我會考前最後一日學琴，唔知會考前仲有d乜野係要drop 呢?
可能，首先應drop左自己。
其實我都仲唔係好知自己係乜人，樂觀乎？悲觀乎？自負乎？自卑乎？勇敢乎？無膽乎？
我一向都覺得自己係表面遠比內心樂觀，而樂觀之中帶有少少悲觀，一悲起上黎就好悲咁樣，
而大部份時間就比較自卑，但係自卑之中帶點自負，自負中又有少少自卑，
勇敢得黎又勁無膽，細膽但係又幾夠膽，有膽時又有時冇乜膽量……(精神分裂中...)
我唔係玩架，我講真架。
我覺得冇乜人係100%樂觀/悲觀/自負/自卑/勇敢/無膽，只不過係我比較平衡..樣樣50%咁之嘛。
唔好以為我癲啦................其實我真係癲架。呢樣我可以100%肯定。
不過我認真起上黎又會勁認真.....
好記得有人同我講過：如果你認真少少就勁掂喇。
我心諗：其實我一向都好認真去對付每一件事，好認真咁做事，好認真咁玩。
其實呢，我都好想去關心一下其他人架...
又記得有人識我冇耐時話覺得我對人親切幽默醒目口才好同識tum人，
(唔知我而家其實係唔係已經粉碎左佢對我ge第一個印象呢？)
我想講返，其實o個個人咁睇我，我覺得好開心囉，雖然唔係樣樣講中晒，但都講中幾樣掛，我估。
識tum人....我唔知點算識tum人..冇乜人唔開心會搵我講，我點識走去無啦啦tum人呢？
我想講，我會無啦啦打電話俾一個人，唔係因為我真係咁無聊(雖然有少少)，
而係我想聽下你地把聲，想你地講下d野俾我，分享一下，開心唔開心都得，
唔開心我都可能聽下安慰下，然後試下我係唔係真係識tum人。
可惜未試過做到...反而似係我俾人安慰番轉頭。
我都想去關心人地架，無奈好多人都鍾意封閉自己個心。
丫，忽然諗起..男仔係唔係比較難tum呢..

唔知呀...可能我俾人ge印象係鍾意玩玩下咁啦。(但係我再講一次，我好認真架..)



其實我有好多時都好後悔某d事，後悔講左d唔應該講ge野出黎。
我在諗，如果冇發生咁ge事，係唔係會好d呢？
胡思亂想丫嘛，我最叻架啦，作文我都係咁作架，亂諗野囉。
結果諗得太悲時，得到一句評語：「過於感傷」

睇番睇番，當時可能好開心呢，不過而家睇番睇番就唔係咁lu。
可能你地都已經放棄左我啦。
「我心不死」....我n年前睇ge第一本半愛情小說...書名好正，好似我而家咁諗囉。
我心不死。只要我不死，我心亦不死。縱然我死，我心仍不死。
唔知呢d係唔係叫死心不息呢？

我想講多一樣野添呀，好多好多人估ge野，其實都好大好大機會係估錯架。
唔好輕信人言呀，知冇？
尤其好多好多人講ge野，都未必真係o岩架。
三人成虎，當好多好多人講ge時候、估ge時候，就唔只虎咁簡單lo。


咁呀..再講多一樣野添啦..
我發覺自己做野好唔理後果。
我未靈修，未讀經，未溫書，未做功課。
但係我都堅持打呢篇死野。
其實我唔係好識收埋自己。(摺埋就可能識)



「人渣。」我後面隔離今日同我講。
「低b，白痴，劉浚濂。」我隔離今日同我講。
「死趣。」我後面位今日同我講。
「衰人。」我後面ge左面ge左面ge左面ge左面ge左面ge左面ge左面o個個n日前同我講。
「傻仔。」遠在異國ge某一位舊同學n年前同我講。
「痴孖筋。」我同緊自己講。


好耐冇寫過隨筆，我都冇諗住寫。
咁就當呢篇死野係隨筆囉。

>>February 19, 2004 at 11:45:48 PM GMT+8

2004 年 2 月 19 日 星期四 【晴】

今日寫少d先...

今日bio test...第一堂就係喇......都係溫唔晒...
唔係咁識做..是但啦..
math堂...佢飛得好快bor..我都未知去到邊..佢就已經飛左去下一站...
english又眼訓過喇....><
lunch...買飯盒食..
中文..派作文講作文...一篇幾好一篇幾差...差ge一篇評語係「過於感傷」..所以就低分囉..
econ..派test...算幾好啦...
放學返屋企好想訓覺...

訓下先..

>>February 19, 2004 at 4:37:23 PM GMT+8

2004 年 2 月 18 日 星期三 【晴】

我好感恩...今晚o係自修室度收到洪成張心意卡..
「疲乏的，他賜力量。軟弱的，他加力量。」
第一個感受...「好邪呀」..
先排有個人icq度已經送過呢句俾我...
之後我去買火柴人書簽俾自己..第一張見到ge..又係呢一句..
巧合？當然唔係啦...聖經中起碼一千句金句..
1/1000 x 1/1000 x 1/1000 = 1/1000000000 ..........有冇咁好彩?當然冇
好明顯係主看顧緊我，用呢句經文提醒我，我唔駛驚乜野。
「唷~駛乜驚呀」我同自己講。
因為我實在疲乏..實在軟弱。我需要力量。


今日其實好似同尋日差唔多...都係又係唔記得同一件事..
都係同樣為同一件事開心...都係咁眼訓.

唯一唔同係多左一點點感恩...多左一點點信心。

主啊，我知道你必看顧我。因為以賽亞書第40章第29節話：
「疲乏的、他賜能力。軟弱的、他加力量。」

三次見到呢段經文，兩次係朋友送俾我，一次係自己尋求，真係好warm好surprise架。




今日返到學校就醒起要phy test..是但啦..考天才...都係溫bio好過..
第一堂就test...是但啦..唔知幾多分呢..
biology堂...好係時候溫書喇...嘩哈哈...
bug好慘呀...上堂做chem搞到俾威威收檔..聽日有野睇..哈哈哈哈...(幸災樂禍中)
中文堂做閱讀理解...唔想做..於是每題寫幾句....點知中points喎~太好喇..
chem堂教書(?)......
lunch...去蔡潤..n年冇去........食完野就去7-11買雪糕...哈哈..林大佬噴雪糕呀~
返到黎...amaths堂國輝飛書。see me fly~~來吧伴我飛...不休不睡去飛..
英文...listening..............=.=
見到曾清整左個飛彈...我就整左個飛鏢.....=.=

放學返屋企執完野出自修室溫書溫到6點正出去食大家樂然後入返自修室繼續溫書。
無啦啦見到好多熟人例如charles、謙、暴龍、阿蘇、丁佩枝仲有洪成。
無啦啦覺得自己溫唔晒好想放棄於是出去買紙返黎摺黎摺去唔知摺乜好想摺埋返屋企。
好開心收到洪成張卡仔印住一段聖經經文，一段令我好深刻ge經文。
於是狠下心腸破釜沈舟決心立志繼續溫書溫到10點正就係時候走人。
都係溫唔晒咁都算數啦聽日識幾多就做幾多拎到二十分以上就極度開心十五分都好開心。
嘩而家都成十二點十五分係時候上床訓覺覺豬喇唔再打喇係咁先啦下次再見拜拜喇。

>>February 19, 2004 at 12:14:14 AM GMT+8

2004 年 2 月 17 日 星期二 【晴】

唔知呀......覺得自己算係幾善忘..
今朝明明要自己記得..點知都係唔記得..
下晝醒起..摑左自己兩巴...諗住之後會記得..
結果夜晚又係唔記得....點解會咁...
唔知呀......覺得自己算係幾細膽..
可能有人覺得我大膽囉...夠膽死做埋晒d咁ge野..
但係我好多野都唔咁再做.....一衰再衰..
唔知呀......覺得自己算係冇乜主見..
呢樣野發現左好耐...因為我太識遷就人掛..哈哈..
或者係習慣左逆來順受啦..

好感謝主俾到我於溫書溫到死死下之際都可以有個靈修時間囉
愈修愈精神...搞到而家仲有精神開機打日記添..哈哈哈..
主啊，我知道自己好不足......
「我說、你們當順著聖靈而行、就不放縱肉體的情慾了。
因為情慾和聖靈相爭、聖靈和情慾相爭．這兩個是彼此相敵、使你們不能作所願意作的。
但你們若被聖靈引導、就不在律法以下。
情慾的事、都是顯而易見的．就如姦淫、污穢、邪蕩、
拜偶像、邪術、仇恨、爭競、忌恨、惱怒、結黨、紛爭、異端、
嫉妒、醉酒、荒宴等類、我從前告訴你們、現在又告訴你們、行這樣事的人、必不能承受　神的國 」加拉太書 5:16-21
以上有d我真係冇乜辦法做得到...邊個做到完全冇忌恨他人？
我容易激動、衝動，所以我難以做到...
不過我會努力。
我知道好多事不如意，我知道我有好多敵人，我知道好多人假仁假義，我仲知道好多野
不過一切一切...我都得承受落黎....因為我ge擔子絕對不及基督背後十架之重。
我都唔願意去解釋，唔知愈描愈黑...我知道總會有人明白我，我知道我總有知心..
我只要我想佢明白ge人明白就得架喇...唔求咁多..

會考近了，may God bless and keep you.
不需擔憂，coz 主與你我同在..coz 我與你一起...coz you are not alone.

我想見到人笑。



thx god...今日終於算係幾開心ge一日..
起碼聽晚唔駛煩先啦...逃避下..到星期六先算...
其實我真係覺得自己諗錯哩...最好係咁啦..
今日開心當然唔只呢單野啦..

...econ test..死得徹徹底底啦...
中文堂....哈哈....阿sir改文改得咁快gei...
乜李丁咁勁gei....背到咁多小平事跡...
o..兩堂英文....too bad...作文..咁都算數啦..唔駛聽佢講野..
但係真係幾煩..於是想叫隔離o個個變身出去搞掂佢..結果我俾人打..=.=
校園欺凌呀...
兩堂chem堂..做功課囉...冇喇..我一向懶懶散散..bad..
lunch計劃早退走堂..但係好似要搞好多野..而且要搵國輝..
當一個人病ge機會率係1/1000..咁如果五個人同時病ge機會率係幾多呢？
tends to 0....所以阿sir唔會信..所以都係算數吧啦..
pe...阿sir無啦啦同我講：呢一班你都搞唔掂..第時點出黎社會呀..如果你做特首咪大鑊？
無言.......................
以為有得打籃球....原來係真ge..不過係女仔..
結果成班男仔做做下體操..都要望下出面...因為真係好想打波..哈哈哈..

放學打左場波..就去左自修室..但係唔知點解唔想溫...於是返屋企訓覺..
訓醒又要補習lo......


唔知點解近排d作文都作得好悲..
唔通我個人悲左..?

>>February 18, 2004 at 12:14:21 AM GMT+8

2004 年 2 月 17 日 星期二 【晴】

緣起不滅

這四個字，是我看愛情小說時看到的。
當時的感覺，就是對這四個字有好深好深的感動。
緣起不滅，似易還難。
我在想，大家都同在同一班內上課，是有緣吧。
可是，卻不可能做到緣起不滅。

那次我們說了聲再見，轉過頭，各自各走，驀然回首，卻已失去你們的蹤影。
我在想，你們都是我的朋友，我希望可以做到，緣起不滅，哪怕最後曲終人散。
曲終人散，人散後，一鉤新月天如水，如水夜空會將一切感情、一切不滅的緣映照，
映照到每一個跟我緣起不滅的人的身上、心中。




我不知道有沒有人會明白，我只要自己明白。

>>February 17, 2004 at 12:19:23 AM GMT+8

2004 年 2 月 17 日 星期二 【晴】

做個浪漫貴族 轉貼

老師在私人講堂上勉勵同學，要認清自己生命行進的方向，他講了一個小
故事：

東方智者有一位很有錢的朋友，有天這朋友即將遠行，於是要求東方智者
幫他管理家業。他熱情地告知東方智者，可以盡情享受他所擁有的一切，
但是等他回來後就必須全部交還。

朋友走後，東方智者去上廁所，發現廁所很矮小、光線也不佳，跟這座豪
華的宅第非常不配。

他於是努力找來最好的工人，大興土木，想要把廁所整修得漂亮一點。

當他盡心地修廁所，即將完工時，朋友也回家了。

朋友問東方智者，他享受了些什麼？

有沒有看看花園漂亮的花？品嘗他最好的廚子做的美味佳肴？有沒有去大
廳好好享受寬廣的空間和高級沙發椅？看看其他房間的美麗設備？有沒有
聽聽立體音響的音樂、看超大銀幕的電影、參觀各類收藏品？

沒想到智者回答，這段時間，他一直在修廁所。

王老師要大家回去思考這個故事。究竟自己生命的方向為何？是努力修廁
所呢？還是盡情地享受豪華宅第？

我很認真地思考這個問題，不幸的是，我發現過去的年歲中，我的人生多
半的時間是在「修廁所」，而不在「享受豪宅」。

出生在鄉村，當我可以欣賞美麗的夕陽時，我卻擔心田裡農作物的生長，
無心欣賞美景；小學、中學、大學時，我應該好好讀書，什麼也不必想，
卻因為擔心學費沒有著落，拚命打工和寫稿，從來沒有嘗過求學期「無入
而不自得」的快樂。

現在年近四十了，我的工作穩定，卻整天想著上班如何增進效率，以及如
何出國進修等等。

而生活中，我幾乎從沒有好好跟兒子說過一句話，也很久沒有回去探望父
母，更遑論跟朋友好好聊天了。

可以想見，等我把上天借給我的時光用完，回到造物主身邊時，祂問我在
人世間遊賞了些什麼？我恐怕只能回答「沒有」。

我只能告訴祂，我做了什麼事。而祂卻要對我說：「那些都不重要，重要
的是，妳知道妳是什麼嗎？妳為何認為妳所做的事，比妳自己是什麼還重
要？」

這個小故事，令我我忽然懂得了何以孔子會說：「朝聞道，夕死可矣！」

「道」了然於心。從此我不再繼續「修廁所」，我決定學會「享受豪
宅」，做個「浪漫貴族」。

>>February 17, 2004 at 12:16:35 AM GMT+8