2005 年 4 月 6 日 星期三 【晴】

上個禮拜由賣藝男子買返黎既CD,雖然激似翻版碟,但真係好好聽,呢幾晚都開著黎上網.
呢幾年買落既碟,就算有D俾樂評擊節讚賞,但好多時聽落都唔覺得特別好聽.
呢隻膽粗粗買返黎,名不見經傳既Munay樂隊,反而俾到我驚喜.
佢地玩既唔知係祕魯定加勒比海之類既拉丁音樂,雖然西班牙文唔知佢唱乜,但感覺到歌曲既輕快,熱情,一貫拉丁風格.
最近開始鍾意D比較傳統,富有民族氣息既音樂.
始終覺得,有特色,唔太複雜既音樂,先至可以擺脫潮流,唔會因年代唔同而變得過時.

今日聽返Blur既Parklife,原來隻碟真係幾好聽.
之前睇雜誌介紹話隻碟首首都係精選,但匆匆聽過一次又覺得冇乜野.
今日大佬突然話想聽D快既英文歌,求求其其揀左呢隻碟俾佢.
聽返又覺得其實唔錯,原來確實唔係浪得虛名.
有時聽歌就係咁,第一次聽冇乜感覺,要聽多幾次先開始識欣賞.
反而有D歌第一次聽覺得好搶耳,但聽多幾次就冇乜心機再聽落去.

唔知人係唔係都係咁既呢?
如果係,我一定係聽耐左先識欣賞一類.

>>April 8, 2005 at 11:44:23 AM GMT+8

2005 年 4 月 3 日 星期日 【晴】

今日睇左"For A Few Dollars More"(獨行俠之江湖伏霸).

1965年既片,同好多舊片一樣,個節奏比較慢.
四十年前既Clint Eastwood好後生,好型,同而家差好遠.
雖則話牛仔戲唔洗有咩劇情,但D橋已經好過無線編劇多多聲.
最驚喜既係,Clint同Lee Van Cleef高手過招既情節,竟然有D似黃易小說既意境.
一對一決戰時,仲令我諗起"氣機牽引".

不過最精采既一集始終都係"The Good, The Bad And The Ugly".

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
錯過了就是錯過了,無可挽回,Let it be.

>>April 5, 2005 at 9:17:46 AM GMT+8

2005 年 4 月 2 日 星期六 【晴】

今個禮拜得兩晚o係屋企食飯,晚晚都鬼咁夜訓,勁累.
今朝雖然返到第一堂,但祈禱會就全程釣哂,撞鬼......

教宗病逝了,代表著甚麼意義呢?

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
最近心情有點灰,生活實在枯燥.

對於工作,我從來沒有甚麼期待,尤其只是替僱主賺錢的工,更令我覺得乏味.
工作以外,也沒有甚麼事能令我提得起勁.
對於文化藝術,我是有興趣的,但總覺離自己太遠.
跟朋友約會雖可使心情好一點,但朋友總不能刻陪伴自己吧.

也不知是好事還是壞事,我早就習慣了孤獨.
突破嗎?不是不想,只是沒有強烈的衝動與欲望,實在我所真正追求的也的確很遙遠.

忽然想念起中學同學,不知何故,就是很想重新認識他們.
或許平淡久了,想找些新刺激.

噢!我在說甚麼?真笨拙......

>>April 3, 2005 at 12:47:47 PM GMT+8

2005 年 4 月 1 日 星期五 【晴】

終於到我既最愛松隆子出場:



http://www.matsutakako.jp/some/img/photo8.jpg



http://www.matsutakako.jp/news/img/lamancha2.jpg


松隆子未拍"同一屋簷下"同"Love Generation"就已經知道有呢個人,第一眼望見就覺得唔錯.
後尾睇過佢既電視劇就更加鍾意,但又唔可以話迷上,畢竟我係唔會追星既.

松隆子帶俾人既感覺就係溫柔帶D跳脫,骨子裡又有種剛毅.
其實佢唔係特別靚,唱歌唔係特別好聽.
不過佢亦從來唔會勉強做自己做唔黎既事,唱歌如是,做戲如是,一直以黎佢都保持自己一貫既風格.
或者有人會話佢唔夠進取,唔會突破自己既界限.
但我就一向都唔覺得係咩一回事,點解一定要改變?
可能我係自私咁希望佢永遠都保持住我心目中既形象啦,但有一日佢要變,我亦唔會因為咁而唔再鍾意佢.

松隆子清秀既面孔背後,或者真係會有好多野隱藏住.
一直都有種感覺,食煙既女人背後,都會有種不為人知既一面.
亦正因為有種睇唔穿既神祕感,先至更吸引我.

>>April 2, 2005 at 2:10:45 PM GMT+8

2005 年 3 月 31 日 星期四 【晴】


http://www.lcsd.gov.hk/CE/Museum/Arts/webkit/graphics/book_cover.jpg


愚人節一D都唔想俾人愚弄,好在返工既生活唔會遇到咁既事.

今晚冇返培靈,一條友去左香港藝術館睇Impressionism畫展.
個場細,又多人,熱之餘仲企到隻腳幾累.
繪畫技巧我就唔識架啦,不過都試下逐幅畫睇,感受下畫家既感興.
藝術其實係開放既,唔同既人就睇到唔同既野,各取所需.
當然識得箇中奧妙最好,但好似我地呢D門外漢,其實得閒一睇無妨.
你話附庸風雅又好,咩都好,總好過成日掛住搵錢同吃喝玩樂先啦.
睇到夠鐘收皮先走,買左本紀念畫冊.

走黎都唔急住返屋企,過左海傍吹左陣海風.
跟住返過北京道經過隧道時,有個唔知咩國籍既男人o係度唱西班牙歌,好好聽.
以我有限公司既英文同佢買左隻CD,佢話佢住台灣,而家幫下佢朋友賣碟.

過北京打左幾鋪機,跟住例牌去麥歪記食碗雲吞麵就返屋企.

>>April 1, 2005 at 4:27:52 PM GMT+8

2005 年 3 月 29 日 星期二 【晴】

一改再改,同Vicky餐飯終於食得成.

收左工打兩鋪機,跟住過去上海街空間展覽室睇展覽.
今次既主題係"牆",用既係剪紙.
製作者呂勝中將一張張剪成青蛙圖案既剪紙構成一幅牆,用唔同既厚薄程度造出磚牆既紋理.
一隻隻紅色既剪紙青蛙貼o係牆上,隨風飄揚,令人諗起風吹,草動,又或者血液流動.
甚至令我諗起,如果真係有咁多真既青蛙黐住幅牆,個情景會係幾核突下.
一個剪紙作品可以帶出咁多面既訊息,都幾犀利下.



http://www.shout-art.org/images/index_r2_c2.jpg


跟住去朗豪坊等Vicky,諗住例牌約行旺角都唔會死得人.
點知同佢講起先發覺,佢同我一樣都係鍾意行尖沙咀既,Oh no~
陪Vicky行左陣街,搵唔到佢想搵隻錶,但大家又唔覺肚餓,上左恆勝八樓間cafe坐.
話哂都識左咁耐,加上佢又唔係唔講野既人,所以都傾左成兩粒鐘先走.

朋友們,請原諒我越黎越懶得主動去keep關係,不過其實我並冇忘情.
如果想搵我,隨時歡迎,暫時我都仲好得閒.

>>March 31, 2005 at 4:40:59 PM GMT+8

2005 年 3 月 28 日 星期一 【晴】

四點幾就收左工,今晚七點幾先開cell,而家o係Pacific Coffee度hea緊:


忽然望見咖啡店內的"Thought For The Day"板上寫著:
"Action may not always bring happiness; but there is no happiness without action."

我每天的生活就是上班,下班,上網,消費......
我在想,這種日子可以過多久呢?
其實我可以一生也過著這種生活,事實這種日子也實在易過.

我若一直做著現在的工作,將來我會升職,加薪.
領著一份在我來說算是不錯的薪金,快快活活的過日子.
我仍可做個有用的人,假如我能夠甘於平淡的話.

然而,如此我便一世也得不到我最想要的.

......

腦中忽現閃過一個念頭-讀社工.
這是我從未有過的想法,想來,也挺有趣,可以一試.

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
飲完咖啡去左機鋪打陣機,打鼓機俾勁過我既人霸住,費事埋去跟機.
唯有走去打下槍game,打到悶就去玩貨櫃車.
今日先發覺原來貨櫃車咁好玩,好鍾意渣住咁大個軑盤黎扭軑既快感.

五點幾阿陶打黎叫我去食野,去左吉之島陪佢買左兩隻雞翼.
返到新堂時丸仔佢地原來已經到左,上去等齊人就開cell.
原來當Q太郎混埋小吉同小丸子一齊嗌,就會變左史泰龍......

去椰林食埋飯就返屋企,個炒河漏到食唔哂.
今日受阿亨同阿包既委托,禮拜六幫佢地去獅子山霸爐.
係有少少搵笨架啦,但一場弟兄姊妹叫到,咪幫下手囉.

>>March 29, 2005 at 4:40:59 PM GMT+8

2005 年 3 月 27 日 星期日 【晴】

今日係我生日,約左Gary出尖咀lunch.

先去California Pizza Kitchen食野,跟住去睇衫,行Page One,HMV.
買左本Faces of Africa,Bloc Party既Slient Alarm,仲有幾隻DVD同VCD,洗左幾舊水,好貴呀......
買完野本來諗住散Band,但Gary突然又唔想返hall,於是決定直落踩埋夜晚.

去左Haagen-Dazs食雪糕,成間鋪都係男男女女,我地兩條麻甩仔坐落好礙眼.
咁o岩我今日又著左件紅色jacket,Gary話我地好似a pair of gays喎......
食完雪糕無無聊聊過左星光大道,都冇野睇既.
兩條友坐o係海邊睇住維港夜色傾偈,好悠閒,都好奢侈.
最後去左元祿食宵夜,入到去D友已經洗緊野,等收工咁既款.
冇乜野食,求其食左少少野就走啦.

今日又同Gary傾左好多野,又了解左佢多D.
越黎越發覺,我地既方向雖然唔同,但目標都係殊途同歸.

我會再加把勁,大家一齊為貢獻社會而努力,活得出色!

>>March 28, 2005 at 6:05:49 PM GMT+8

2005 年 3 月 26 日 星期六 【晴】

今日崇拜黃月英講道好悶,不過我都冇訓著.
收到多馬既生日禮物,係支Body Shop既淋浴露,橄欖味幾香,多謝哂!
乜Body Shop唔係淨係特約左姊妹既生日禮物咋咩?點解連我都係收Body Shop既?莫非......

朝早唔洗祈禱會,好鬼輕鬆.
成班友去左竹園飲茶,食左好多點心都唔洗三條野一個人.
等到兩點鐘有"羽毛球同樂日",哈哈,我都唔識打羽毛波既.

完左班女仔上凌鈺欣屋企,我都想去架,但成班女仔費事阻住佢地啦.
我地班麻甩仔又上左Geroge屋企打Winning,其實我對打機都唔係太大興趣,但上到去又冇理由唔打.
夜D又上去聯合道踢波,落雨絲濕,都唔知踢乜......

夜晚返到屋企開個ICQ,收到好多"生日快樂".
有成十分鐘msg係咁send過黎,我都應唔切,真係好耐未試過囉.
一路回一路對住電腦傻笑,我好白痴呀......

>>March 28, 2005 at 3:52:56 AM GMT+8

2005 年 3 月 25 日 星期五 【晴】

為尼采所欣賞的彼拉多：


約 18: 28 眾人將耶穌從該亞法那裡往衙門內解去，那時天還早。他們自己卻不進衙門，恐怕染了污穢，不能喫逾越節的筵席。
約 18: 29 彼拉多就出來，到他們那裡，說：「你們告這人是為甚麼事呢﹖」
約 18: 30 他們回答說：「這人若不是作惡的，我們就不把他交給你。」
約 18: 31 彼拉多說：「你們自己帶他去，按著你們的律法審問他罷。」猶太人說：「我們沒有殺人的權柄。」
約 18: 32 這要應驗耶穌所說自己將要怎樣死的話了。
約 18: 33 彼拉多又進了衙門，叫耶穌來，對他說：「你是猶太人的王麼﹖」
約 18: 34 耶穌回答說：「這話是你自己說的，還是別人論我對你說的呢﹖」
約 18: 35 彼拉多說：「我豈是猶太人呢﹖你本國的人和祭司長把你交給我。你作了甚麼事呢﹖」
約 18: 36 耶穌回答說：「我的國不屬這世界；我的國若屬這世界，我的臣僕必要爭戰，使我不至於被交給猶太人。只是我的國不屬這世界。」
約 18: 37 彼拉多就對他說：「這樣，你是王麼﹖」耶穌回答說：「你說我是王。我為此而生，也為此來到世間，特為給真理作見證。凡屬真理的人就聽我的話。」
約 18: 38 彼拉多說：「真理是甚麼呢﹖」說了這話，又出來到猶太人那裡，對他們說：「我查不出他有甚麼罪來。」
約　18:39 「但你們有個規矩，在逾越節要我給你們釋放一個人，你們要我給你們釋放猶太人的王嗎？」
約　18:40 他們又喊著說：「不要這人，要巴拉巴！」這巴拉巴是個強盜。


約 19: 4 彼拉多又出來對眾人說：「我帶他出來見你們，叫你們知道我查不出他有甚麼罪來。」
約 19: 5 耶穌出來，戴著荊棘冠冕，穿著紫袍。彼拉多對他們說：「你們看這個人！」
約 19: 6 祭司長和差役看見他，就喊著說：「釘他十字架！釘他十字架！」彼拉多說：「你們自己把他釘十字架罷！我查不出他有甚麼罪來。」
約 19: 7 猶太人回答說：「我們有律法，按那律法，他是該死的，因他以自己為神的兒子。」
約 19: 8 彼拉多聽見這話，越發害怕，
約 19: 9 又進衙門，對耶穌說：「你是那裡來的﹖」耶穌卻不回答。
約 19: 10 彼拉多說：「你不對我說話麼﹖你豈不知我有權柄釋放你，也有權柄把你釘十字架麼﹖」
約 19: 11 耶穌回答說：「若不是從上頭賜給你的，你就毫無權柄辦我。所以，把我交給你的那人罪更重了。」
約 19: 12 從此，彼拉多想要釋放耶穌，無奈猶太人喊著說：「你若釋放這個人，就不是該撒的忠臣（原文作朋友）。凡以自己為王的，就是背叛該撒了。」
約 19: 13 彼拉多聽見這話，就帶耶穌出來，到了一個地方，名叫鋪華石處，希伯來話叫厄巴大，就在那裡坐堂。
約 19: 14 那日是豫備逾越節的日子，約有午正。彼拉多對猶太人說：「看哪，這是你們的王！」
約 19: 15 他們喊著說：「除掉他！除掉他！釘他在十字架上！」彼拉多說：「我可以把你們的王釘十字架麼﹖」祭司長回答說：「除了該撒，我們沒有王。」


太　27:24 彼拉多見說也無濟於事，反要生亂，就拿水在眾人面前洗手，說：「流這義人的血，罪不在我，你們承當罷！」


約 19: 19 彼拉多又用牌子寫了一個名號，安在十字架上，寫的是：「猶太人的王，拿撒勒人耶穌。」
約 19: 20 有許多猶太人念這名號；因為耶穌被釘十字架的地方與城相近，並且是用希伯來、羅馬、希利尼三樣文字寫的。
約 19: 21 猶太人的祭司長就對彼拉多說：「不要寫猶太人的王，要寫他自己說：『我是猶太人的王。』」
約 19: 22 彼拉多說：「我所寫的，我已經寫上了。」


彼拉多，我像你嗎？

>>March 26, 2005 at 4:12:27 PM GMT+8