2004 年 2 月 20 日 星期五 【微冷】

由於有好多野令到我唔開心， 搵人傾偈但人地又唔得閒理我， 眼淚終於係踏入零時既時候流左出黎！ 上晝上完MAFLecture， 就同的同學過海去灣仔食野， 再到會展睇Exhibition做功課！ 今次我地要睇“教育及職業博覽2004”呢個Exhitbition， 去到我地成班人都覺得好多野睇， 為左方便大家睇野， 就分左兩組去睇！ 睇到職業個邊， 先知道淨係讀呢個HighDiploma係唔夠， 可能仲要幫襯考試局， 考好個英文呀！ 之後再坐船去尖沙咀陪幾位同學飲酒， 全程我都係度做一個唔好既Listener， 因為我唔係好識比反應呀， 不過經Kimmy既努力， 終於令到各人都舒發到自己既情緒， 希望個個都會開開心心啦！

>>February 21, 2004 at 4:40:41 PM GMT+8

2004 年 2 月 19 日 星期四 【微冷】

今日成日都傻下傻下咁過， 上堂唔知的阿Sir講乜， 早知今日唔返啦！ 五點半係學校要開會， 內容都係講前排StudentInterview既FreedBack， 出席者仲有BSM既高層， 但的回應好官腔， 都唔明開黎做乜架！

>>February 20, 2004 at 4:35:40 PM GMT+8

2004 年 2 月 18 日 星期三 【微冷】

今日上唯一用中文教既CBS， 發現呢科都幾無聊架喎， 以後都唔知上唔上好啦！ Lunch就同Gaby去左青衣城食野， 之後再到青衣圖書館， 點知發現今日圖書館休息呀， 攪到要返學校！ 返到學校就一個人坐係Canteen度， 好似傻左咁呀！ 好辛苦等到三點半要上SPM， 點知係LectureTheatre門口見到Johnny， 仲要比佢點埋相！ 唉！ 以後冇好日字過啦！ 放左學上Department搵Johnny， 點知佢要我做既野比我想像中多， 搵佢既同時仲要攪到遲好多先到巴士站， 令到人地遲好多先上到車， 真係唔好意思呀！

>>February 19, 2004 at 3:26:49 PM GMT+8

2004 年 2 月 17 日 星期二 【微冷】

今日要做英文既OralAssessment， 就同的組員早的返學做Prepare， 冇諗過原來係有的難度架！ 到做Assessment既時候， 俾我抽到一個我覺得好少野講既Post， 點知到真係開始時個個都係度係咁講， 而我就唔知講乜， 到最後只係講左幾句野！ 不過好彩James話今次個個都Pass， 但真係唔想低分呀！ 由於今日係Kinki生日， 放左學之後就同Helen、Kathy、Kimmy、阿Ling同阿兜同主角去食飯， 本來會有好多人去食架， 但因為某的原因有部份同學去唔到呀， 攪到比我原本估計少左一的人呀！ 雖然叫左幾碟野食， 但食飯前Kimmy同阿Ling買左個細細既蛋糕慶祝， 攪到食唔晒的食呀， 真係有少少浪費呀！ 食完飯再返學校睇Notices同埋睇下有冇NotesPrint， 點知多左好多Notes呀， 但又唔知駛唔駛Print， 好彩最後得知唔駛咋， 唔係又要煩多樣野！ 係今日Print左SPM既Outline， 好開心呢科唔駛考試， 既係話今個Semester只係考BDA同埋MAF咋， 但呢兩科對我黎講都有的難度呀！

>>February 18, 2004 at 9:11:25 AM GMT+8

2004 年 2 月 16 日 星期一 【微冷】

今朝諗住一早搵James睇下聽日做Assessment既分組， 點知佢早我一步去左上堂， 攪到我係Canteen呆坐左成半個鐘直至Stanley打救我！ 之後上EEM既Seminar， 今日上呢堂係講下近期有冇去過的乜野Event或者Exhibition， 而我就好少去的咁既野， 攪到只可以講下年卅十晚去年宵咋！ 食完Lunch就上BDA， 個阿Sir講野超級悶呀， 好彩今日佢有事淨係上一個鐘咋， 唔係就死啦， 呢科仲要買書， 又要花一筆啦！ 之後再到Canteen傾英文聽日既Assessment， 但係個結果就好似冇乜結果， 可能係Oral既關係啦！

>>February 17, 2004 at 2:31:47 PM GMT+8

2004 年 2 月 15 日 星期日 【微冷】

今日十一點半就去左City同Celia食飯， 但係就諗唔到去邊食好， 最後決定去石硤尾食！ 由於石硤尾真係冇乜野食， 就同Celia去左一間我以前好鍾意去既餐廳！ 但我一入到去， 發覺成間野都唔同晒呀， 冇晒以前個種好舒服既感覺， 因為成間野都光猛左， 同埋的坐位都改晒， 覺得冇以前咁高級啦， 不過的價錢仲係咁高！ 原來時間唔一定變好， 係可以變得更差架！

>>February 16, 2004 at 8:55:58 AM GMT+8

2004 年 2 月 14 日 星期六 【微冷】

今日全日都留係屋企， Download同聽鄧健泓隻新碟， 覺得隻碟好好聽呀！

>>February 15, 2004 at 12:40:14 PM GMT+8

2004 年 2 月 13 日 星期五 【颳風】

可能因為今日係情人節， 令到Kinki係凌晨時份於ICQ度彈左句“HappyValentine'sDay”， 我個陣唔知比乜反應佢好呀！ 下晝有幸得Mandy放工之後抽空陪我， 我地兩個人就去左新世紀間食壽司， 雖然去到新世紀都成兩點半， 但可能今日係情人節既關係， 都要等左頗長既時間先有位！ 食飽飽之後再到地下個層探返緊工既Cherry， 佢都真係好忙， Mandy要叫左佢兩聲先至應我地， 不過佢唔肯俾的禮物俾我地兩個呀！ 跟住再去睇金魚， 到今日先知原來Mandy對養魚係咁有研究架， 以後如果有機會養魚一定要搵佢幫手！ 我地兩人再係彌敦道同埋潮流特區行左陣， Mandy都差唔多要趕今晚既約會啦！ 今日好彩有Mandy肯陪我出街， 否則今日又要自己一個人係屋企過， 真係要多謝Mandy呀！

>>February 14, 2004 at 11:52:41 AM GMT+8

2004 年 2 月 12 日 星期四 【颳風】

今日十一點半就返到學校， 返去抄MAF功課， 不過好似有的無謂咁！ 之後就要上Johnny堂， 諗住今堂會好快過， 點知成堂係咁講癈話， 又話讀呢科幾有前途， 真係聽多陣都想死！ 之後再上MAF既Seminar， Florence果然犀利呀， 一個Semester冇見， 仲記得我地班咁多人， 不過佢講書都仲係咁悶， 到最後個半個鐘我都係度發夢呀！

>>February 13, 2004 at 3:21:04 PM GMT+8

2004 年 2 月 11 日 星期三 【颳風】

今日本來諗住唔出街， 點知下晝Celia急Call我出黎食Tea， Celia咁有誠意叫到唔出唔得啦！ 跟住諗住去幫Helen影印的MAF題目先， 點知間間影印舖都忙到唔可以即刻印， 仲有間話唔會印書， 都唔知點解佢仲可以生存到架， 仲攪到幫唔到Helen印題目啦！ 之後再到又一城同Celia去麥記食Tea， 係閒談中發現我既地位越黎越渺小！ 問佢十四號點， 佢就話係屋企， 咁我咪約佢十四號出街囉， 點知就一句覆個黎話唔會同我去街， 叫我約個第二個喎！ 唉！ 仲有邊個個日會得閒架！ 叫佢聽日同我係青衣食Tea， 仲叫埋阿邊個， 點知佢就話人地住咁遠， 點會肯黎， 究竟你知唔知我講邊個架！ 之後再同Celia行左一陣又一城， 佢就返番去City準備佢既Present， 我就返屋企啦！

>>February 12, 2004 at 2:06:59 PM GMT+8