2004 年 4 月 20 日 星期二 【炎熱】

夜晚係屋企趕CBS份Assignment， 攪左三個鐘頭先至攪掂晒， 真係唔明做份咁既野會學到的乜呀！

>>April 22, 2004 at 10:30:10 AM GMT+8

2004 年 4 月 19 日 星期一 【炎熱】

上MAFLecture個陣個阿Sir又玩針對， 我一出聲就話我， 又唔見佢話下其他人喎！ 好開心今日EEM唔駛Present呀， 而Vincy仲同我地講左份Assignment既內容添呀， 突然間覺得份野淺左好多呀， 不過都係唔想做成份野！ 但係當Vincy講完份IndividualAssignemet之後， 佢就講份GroupAssignment啦， 但由於好多同學都去左溫書， 而且仲未分組， 攪到係傾唔到份GroupAssignment呀！ 而今日BDATest之前， 大家都搵好位坐， 好快的好位就Full晒啦！ 但今日既題目我唔係好識， 的MC仲係睇阿Ling， 坐係隔離既Cherry又睇我個的答案喎， 三份MC答案都係一樣架！ Test完之後同Kimmy同阿Ling再到葵芳吉野家食Tea， 我叫左個碗飯Kimmy居然睇唔到有， 見佢唔想食咁多肉， 我就同佢換左碗飯！ 食飽再加埋Cherry同阿蘇行左陣， 再黎多個雪糕之後就返屋企啦！

>>May 1, 2004 at 8:35:33 AM GMT+8

2004 年 4 月 18 日 星期日 【炎熱】

零時開始係諗CBS份IndividualAssignment既Topic， 雖然有人Send左的好有用既資料俾我， 但都係唔知做唔做一定會有好多人做既WTO好呀！ 朝早返學溫書前收到一個不幸既消息， 突然覺得要對身邊既人好的， 因為機會唔係成日都會存在！ 雖然今日唔駛返學， 但由於聽日要TestBDA， 所以就返學校溫書！ 不過由於上堂個陣冇乜點聽書， 唔係好明的PowerPoint講乜， 只係得一課Normalization我係識既！ 但其他同學對呢科野一的都唔識， 我可以教佢地Normalization， 仲分開三次講比五個唔同既同學知， 對呢課都算好熟呀！ 五點半鐘開始同同學吹水， 但的同學講既野真係好野笑， 例如阿蘇話“有茶飲水飽”同阿Ling既“得就唔得”， 笑足一個鐘之後就一齊離開學校各自返屋企啦！

>>May 1, 2004 at 8:36:31 AM GMT+8

2004 年 4 月 17 日 星期六 【炎熱】

本來今日諗住溫BDA， 但由於冇人陪我出去溫書， 就係屋企訓足成個下晝！

>>April 18, 2004 at 11:30:15 AM GMT+8

2004 年 4 月 16 日 星期五 【溫暖】

今朝Test既SPM雖然的貼士中晒， 但係由於尋晚冇溫到， 好快就做完份卷啦！ 之後Johnny仲同我地上多次尋日堂EEMLecture， 雖然比尋日個堂快速同清簡， 但係都用多左成個鐘， 攪到個個同學仔都好肚餓， 最後一行六個人係葵芳食飯呀！ 食完飯再到Delifrance度坐， 坐坐下因為唔肯食野而要俾人訓話， 不過最後我都係冇食度野！ 跟住再到旺角， 睇下有冇Finance本書， 可惜冇得買呀， 可能要返學校買呀！

>>April 17, 2004 at 1:37:43 PM GMT+8

2004 年 4 月 15 日 星期四 【雨】

今日的同學仔好多都係只係返BDA個Lab， 之後就返屋企或者去食飯， 跟住再係圖書館溫聽日個SPMTest！ 由於的同學想用多的時間溫書， 冇乜人上EEM個Lecture， 全班只得我同Kinki做代表， 成個LectureTheatre就有十七個同學， 岩岩多個BPE2C全班既人數！ 而Johnny上上下堂唔知做乜話要問下我地班上堂既， 願唔願意將今日呢堂LectureReschedule， 都唔明佢點諗架， 要上堂既自自然然會上架啦， Reschedule只會對我地呢的今日黎上堂既好唔公平呀！ 上完堂就走去圖書館， 但係就係個圖書館出出入入， 因為要搵Karen傾StudentInterview既事同埋去惠康買野！ 到左六點鐘就同Cherry去愉景新城， 拎Mandy係日本帶番黎比我地既野！ 我同Cherry去到愉景新城見時間尚早， 就行左陣惠康同埋零食物語睇下有冇好野食， 我今次既購物總共買左成六十蚊， 都算少有呀！ 好多謝Mandy份手信呀！ 返到屋企仲可以睇到伊朗對中國呢場波， 但係場波真係悶到死， 仲攪到我睇完之後勁眼訓， 走去訓覺， 早知唔睇呢場波而走去溫書啦！

>>April 17, 2004 at 1:52:10 PM GMT+8

2004 年 4 月 14 日 星期三 【陰】

今日上完CBS就去長康間麥記買外賣返學校食， 係學校一路睇“無頭東宮”一路食將軍漢堡， 真係一大享受！ SPMLecture既尾段， Belinda講星期六個Test既Information同埋會可能出乜， 發現個範圍由七課減至五課， 雖然話減左咋， 但係都要讀好多野， 希望呢次Test比上一次EEM個Test好的啦！

>>April 15, 2004 at 11:40:38 AM GMT+8

2004 年 4 月 13 日 星期二 【陰】

經過一番既努力， 終於知道邊度入錯數啦， MAF呢條數終於Balance到啦！ 九點錢就返學校Print呢份功課， 估唔今日都好多人都係度Print野交功課， 好彩早一步返到學校， 可以Print左先， 唔駛排隊等人Print完先有得Print！ 上完堂諗住同阿Ling係學校溫書， 就同佢出去買飯盒返學校食， 當食完飯之後發生左一件事， 好彩當時學校Canteen唔係好多人咋！ 之後就上左去StudyRoom溫書， 點知睇左三版Notes就想訓， 可能呢兩日太用神既關係啦！ 因為實在太眼訓， 就決定返屋企訓覺啦！

>>April 14, 2004 at 12:14:47 PM GMT+8

2004 年 4 月 12 日 星期一 【炎熱】

上完MAF就去左ProjectRoom攪份MAFProject， 點知上左去ProjectRoomFull左， 要等成半個鐘先至有做呀！ 不經不覺間就做到成點半， 又係時候要上堂， 攪到冇時間食Lunch呀， 只好係BDA放Break個陣買左份奶醬多食！ 之後再上EEMSeminar， 得七個人上咋， Vincy好似唔係好高興！ 而今堂的野同下一堂又有關喎， 都唔知下一堂點Present啦 返到屋企諗住休息一陣就做MAF， 點知就訓著左覺， 好彩有電話嘈醒我， 唔係就唔知訓到幾時啦！ 呢份野攪左好耐都係Balance唔到條數， 最後都係放棄繼續做， 好彩見到阿玉Online， 就Send過去俾佢Check， 好彩多得阿玉既幫手， BalanceSheet由差成十三萬幾變成差六千， 真係唔該晒呀！

>>April 14, 2004 at 12:13:12 PM GMT+8

2004 年 4 月 11 日 星期日 【炎熱】

經過尋日阿玉既教導， 今朝一早起身做MAF份Project， 點知做做下就出事啦！ 可能要做埋ManufacuringAccount既關係， 攪到的數好亂， 而且仲做唔到BalanceSheet， 最慘仲係今日先知IncomeStatement要做六個月咁多， 攪到好唔想做呀！ 夜晚同的組員傾過下個MAF， 決定改Topic， 與其攪到自己勁煩， 不如簡簡單單！ 唔理啦， 做完有得交就算啦！

>>April 14, 2004 at 12:12:08 PM GMT+8