2004 年 3 月 11 日 星期四 【炎熱】

今日既BDA因為等左兩個字阿Sir都未黎， 而隔離班既Manfred又話唔駛上， 等我地全部人都真係離開左個課室！ 過多半個鐘， 阿Sir打電話黎話因為佢記錯時間， 所以佢遲左去課室同埋問的同學仲係唔係學校， 因為太部份同學都係Canteen， 所以我地呢堂遲左成個鐘先開始呀！ 放學後本來可以同Celia、Cherry同埋阿玉食飯， 但Celia係三點半打黎話因為阿玉突然話唔去， 攪到冇得去同佢地食飯呀！

>>March 12, 2004 at 4:29:39 PM GMT+8

2004 年 3 月 10 日 星期三 【微冷】

今日CBS估唔到有好多同學返呀， 落左堂之後仲玩啤牌、竹戰同玩波子棋， 直至到兩點幾先食下午荼餐當Lunch呀！ 上完SPM之後有個Committee既選舉， 係關於之後攪Event既， 而我就好希望入呢個Committee， 但係係個選舉入面就輪得好轟烈， 得票係全部人最低既， 令我冇得係學校拎經驗， 我諗我都係係IVE畢業拎左張HighDiploma證書之後， 再向第二條路進法架啦！ 經過一輪既搵人後，（其實都只係搵過四個人！） 終於有人陪我去Test體能啦， 而呢個就係Mandy啦， 真係唔該晒Mandy既周日呀！

>>May 16, 2004 at 4:54:54 AM GMT+8

2004 年 3 月 9 日 星期二 【微冷】

今日淨係返SPM， 但係到十一點半都唔係好多人返左， 就連Belinda都未有出現！ 等到返左Kinki同Gaby返黎， 就駛左呢兩個同學仔去搵Belinda， 再過多一陣又唔見佢兩個， 我同Christina就再去搵Belinda， 但係Department又Belinda， 問的Staff先知原來Belinda病左， 但係就返緊學！ 過左一陣見到Belinda急急腳咁返黎， 真係佑唔到Belinda咁有責任心架， 不過就少左半個鐘既上堂時間啦， 但我覺得呢一堂多半個鐘同少半個鐘都一樣者！ 放左學之後同Stanley加埋阿兜上長康間麥記食野， 因為今日係星期三， 麥記有野送呀， 叫兩個餐三個人都夠食， 但呢餐都要多謝阿兜請我同Stanley呀！

>>March 10, 2004 at 1:31:16 PM GMT+8

2004 年 3 月 8 日 星期一 【微冷】

今日上MAFLecture真係谷氣， 個阿Sir居然話坐係我隔離既Carmen嘈， 即係間接話我嘈啦！ 都唔明呢個阿Sir點架， 明明成個LectureTheatre既人都係度嘈！ 雖然我同Carmen有講過野， 但都冇佢講得咁恐怖啦！ 全程係度講野既人， 成個LectureTheatre都只係得佢者， 但就淨係話我地呢邊， 即係玩針對啦， 呢個阿Sir實在太令我Disappointed啦！

>>March 10, 2004 at 12:24:25 AM GMT+8

2004 年 3 月 7 日 星期日 【微冷】

朝早去Cherry屋企幫佢整部電腦， 但係唔知點解裝唔到WindowsXP， 攪左好耐都係決定裝番WindowsME！ 十點半左右， Celia打電話比我問我係邊， 我都估到Celia搵我食飯架啦， 之後我就將個電話比Cherry聽， 原因係我唔係好得閒呀！ 十一點三Celia終於到啦， 三個人係咁傾偈， 傾傾下Celia開始眼訓， 坐係度訓著左啦， 到左十二點半先叫醒佢去食Lunch！ 由於石硤尾附近都冇乜好食， 我地就決定去南山食車仔麵， 之後我同Cherry就送Celia返學！ Celia真係幸福呀， 有兩個朋友送佢返學， 唔知我幾時又會有人送我返學呢！ 之後再返學校拎Transcripts， 考到既分數比我想像中高呀， 不過我覺得可能係的Miss阿Sir手鬆咋！ 之後再到圖書館諗住做到課， 但係個Assignment唔知點落筆好， 最終都係冇做到而走去聽收音機， 聽到冇野好聽就返屋企啦！ Semester1成績 Business Law - 69 Business-to-Business Marketing - 65 Event Project Management - 63 Multimedia Communication - 80

>>July 19, 2004 at 4:57:03 PM GMT+8

2004 年 3 月 6 日 星期六 【微冷】

今日去左沙田同Kimmy加埋阿Ling一齊諗下SPM個Assignment的Point， 但我去到只係吹水同埋諗下SPM應該要做乜Product， 淨係呢的時間都去左幾個鐘頭啦！ 到左近五點鐘， 我地三人係Delifrance度認認真真開始諗， 雖然只係諗左一個鐘度， 途中阿Ling仲因為個Product諗唔到點寫而換第二個， 但係識做個的Point係咁出晒黎！ 雖然話有晒Point應該點做， 但係返到屋企都冇咁既動力去做呢份Assignment， 可能係星期五交既關係啦， 不過我聽日應該會開始做架啦！

>>March 7, 2004 at 1:25:44 PM GMT+8

2004 年 3 月 5 日 星期五 【微冷】

下晝收到Celia既電話話去City食Tea， 而本身我仲差一次就搭夠十次地鐵， 梗係同Celia食呢餐Tea順便換張飛！ 今次Celia約我既原因係因為佢夜晚睇人踢波， 而佢Quiz完之後又唔想返屋企跟住又出返黎， 所以就搵我呢個朋友一齊Tea！ 食完Tea之後再係City既Bookshop睇下有冇BDA本書， 但係搵過都係冇， 究竟本書邊度先有得買架， 我要睇本書要幾多錢先買到呀！ 臨離開City既時候， Celia見到佢的City既朋友， 點知佢突然同佢位朋友講我就係某位高官， 真係頂佢唔順呀！ 夜晚同阿媽去姑姐屋企食飯， 但係因為第一次去， 係八號花園行去富享既時候， 幾驚行錯路， 因為去左咁多次大埔， 只係去過寶湖同埋大浦中心， 個目的都係溫書！ 不過好彩冇行錯路， 三個字之後就到啦， 食完飯同傾左陣偈， 就去返文娛中心搭巴士返屋企啦！

>>March 6, 2004 at 3:21:10 PM GMT+8

2004 年 3 月 4 日 星期四 【颳風】

零時卅分做“法網伊人”既最後一集， 雖然係重播咋， 但係成個戲都真係好好睇呀！ 晏晝同十一位同學去飲茶， 好耐都冇試過咁多人去飲茶啦， 席上的女仕們係咁貼貼紙， Kimmy連我部電話都唔放過呀！ 上MAF既Seminar唔知點解比上堂精神， 聽Florence講的題目令到自己明左Lecture4同Lecture5想教乜， 仲可以教其他同學仔添呀！

>>March 5, 2004 at 1:42:06 PM GMT+8

2004 年 3 月 3 日 星期三 【颳風】

終於決定到CBS同SPM做乜Topic啦， 雖然有的不愉快曾經發生過， 希望唔會影響到各位既友情同合作啦！

>>March 4, 2004 at 12:08:46 PM GMT+8

2004 年 3 月 2 日 星期二 【微冷】

今日英文因為學校改建太嘈， James好快咁講完就落堂， 比平時早放成個鐘呀！ 由於仲有成個鐘先上SPM， 大家都去左Canteen坐！ 而我就去左食早餐同埋玩啤牌， 我玩左幾鋪啤牌就已經夠鐘上堂， 時間過得真係好快！ 上SPM既時候， Belinda同各位同學討論個Assignment既問題， 但係我諗個的Topic好似都唔做得咁， 下個星期要交既Aassignment， 依家都未開始， 都唔知點算！ 返到屋企， 奉左組員既Order要搵CBS既Topic， 但係好似個個Topic都唔易做， 因為講珠江三角洲既網頁好散呀， 都唔明點解要做的咁既Project架！

>>March 3, 2004 at 9:34:06 AM GMT+8