2004 年 4 月 10 日 星期六 【炎熱】

今日翩翩叫我出街， 我見係屋企又冇電腦用， 所以咪出去睇下有冇野可以攪下！ 估唔到一出荃灣， 見到呃我錢個班人， 都唔明點解咁多人唔見， 但都會見到佢地架！ 原來翩翩出黎既目的係整電話， 係Nokia放低個電話之後就行左陣荃灣， 一個鐘頭後就返番去拎電話， 都唔知翩翩部電話做乜事， 攪到成半個鐘都未拎得， 當拎得電話既時候我都係時間返屋企食飯啦！ 好彩得阿玉既幫忙， 知道MAF個Project應該點做， 不過的問題聽日先改啦！

>>April 12, 2004 at 4:53:43 AM GMT+8

2004 年 4 月 9 日 星期五 【微冷】

今日收到既電話都關係於MAF個Project， 但真係估唔到濤哥都打黎， 而佢係想對下我個份功課同佢個份既分別！

>>April 10, 2004 at 11:00:15 AM GMT+8

2004 年 4 月 8 日 星期四 【微冷】

今日返學同Cherry、Kimmy、阿蘇同阿Ling傾MAF個Project， 但由於今日係假期， 所以成間學校都冇乜人同好靜！ 呢份Project都唔算難， 但係決定做乜Product個度就要諗諗， 因為要有CreditSales同CreditPurchase呀， 但好彩又有外援Rayman幫手， 係大家再BrainStorming之下， 咁我地就由賣糖變做賣魚蛋， 好彩之前Set開既Assumption就冇乜點變！ 我就做Assumption呢Part， 但係呢Part好似Set題目咁， 要Set好多Requirement黎令到其他既組員做呢個Project， 好似出題目咁呀！ 而Set好晒的野分配工作之後就轉移陣地去葵芳食飯！ 我地到左維園食Tea， 坐到一個“嬲”字同一個“姦”字， 而阿蘇仲講左的我唔明既野， 唔通我真係轉得好慢！ 食完飯再到MrsFields度傾SPM個Project， 好快就決定度做邊幾個Product既SalesPromotion， 再等埋Belinda既Approval， 又要開工啦！

>>April 9, 2004 at 1:45:38 PM GMT+8

2004 年 4 月 7 日 星期三 【微冷】

可能係我既失職， 令到有人唔知發生緊乜事， 希望大家都會原諒我啦！

>>April 8, 2004 at 12:14:11 PM GMT+8

2004 年 4 月 6 日 星期二 【陰】

今日陪阿媽去大埔， 到姑姐屋企拎野， 點知係長沙灣淨係等巴士都等左成半個鐘！ 到左姑姐屋企坐左一陣就走啦， 我同阿媽一共要拎三袋野， 但係都幾重架， 由富享行去文娛中心可以用艱辛黎刑形容呀！

>>April 7, 2004 at 10:25:05 AM GMT+8

2004 年 4 月 5 日 星期一 【微冷】

今日同Celia加埋阿玉去唱K， 而Celia又可以俾上次的相我同阿玉， 真係一舉兩得呀！ 收到的相， 先至發覺原來上次我同阿玉係冇合照架， 而今日Celia又有帶相機， 我一定要同阿玉有張合照呀！ 唱K途中我就點左一首“笑中有淚”， 不過就係張智霖唱既， 唔知係唔係有好多歌都係同名既原因， 當張ListShow到係“笑中有淚”， Celia以為係楊千嬅既版本， 就拎住支咪諗住唱！ 但當佢知道係張智霖版時， Celia就鬧鬼我， 仲叫我以後唔好聽“笑中有淚”呀！ 今日總共唱左三首蔡依林既歌， 就比Celia話我係蔡依林既Fans！ 我只不過係諗唔到有乜歌呢期好聽而我又識唱之嘛！ 臨走前同阿玉黎張合照， 我地既合照終於係Celia部DC同佢部電腦出現啦， 仲要記得仲要晒返相比我地呀！ 笑中有淚 我沉醉　難道你不想每晚共對 我憔悴　還是我不知應否再追 沒法解釋面前你是誰 往往笑中會有淚 似情侶　又怕只算是伴隨 我沉醉　難道你不想再醉下去 我懷裡　如停留待你將心窩寄居 沒法解釋面前你是誰 往往笑中會有淚 我陶醉　但你可會是夢蕾 為何讓我動情與著呆 彷彿不知所措是應該 愛你愛得我似在浮載 在那夢裡的愛海 其實若你真的開始在乎你未來 應否不知不覺像分開 我怕最終會再讓別人意外 我沉醉　難道你不想再醉下去 我懷裡　如停留待你將心窩寄居 沒法解釋面前你是誰 往往笑中會有淚 我陶醉　但你可會是夢蕾 為何讓我動情與著呆 彷彿不知所措是應該 愛你愛得我似在浮載 在那夢裡的愛海 其實若你真的開始在乎你未來 應否不知不覺像分開 我怕最終會再讓別人意外 為何讓我動情與著呆 彷彿不知所措是應該 愛你愛得我似在浮載 在那夢裡的愛海 其實若你真的開始在乎你未來 應否不知不覺像分開 我怕最終會再讓別人意外

>>May 7, 2004 at 1:59:01 PM GMT+8

2004 年 4 月 4 日 星期日 【微冷】

今日Kimmy約左我到荷里活廣場傾Project， 但係佢居然遲到， 攪到要我係仙跡岩等佢！ 雖然我地諗住坐係度傾野， 但我地坐左好耐都冇人Serve我地， 要向的Staff提出要Menu先至理我地， 咁既服務態度真係唔要等呀！ 由於呢個假期有好多GroupProject， 但係只得我地兩個， 攪到只係Individual個的， 即係睇EEM既Assignment， 可惜個IndividualAssignment實在太多英文， 攪到我地都唔想睇， 過左好耐Kimmy終於睇完啦， 但佢係冇解比我聽呀！

>>June 2, 2004 at 11:29:36 AM GMT+8

2004 年 4 月 3 日 星期六 【微冷】

下晝比Carmen叫左去做MAF個Quiz， 個Quiz要對住部電腦做， 都唔明點解唔係學校用紙同筆做架！ 個Quiz本身雖然只係得二十題咋， 但係都幾難做下， 又要搵紙係咁計， 而且只係得一次機會！ 因為有一兩題好難， 做左成個幾鐘先至做得晒的題目呀！

>>April 10, 2004 at 12:58:41 PM GMT+8

2004 年 4 月 2 日 星期五 【陰】

一大清早就要返去EEM既Test， 由於冇乜點溫過， 就上左Canteen同的同學仔吹水好過！ Test個陣坐左係Kimmy隔離， 仲問左佢兩題既答案， 雖然只係得六分， 但呢六分對我黎講真係好重要！ 而今次的題目真係Johnny尋日講個的， 可惜冇溫過， 希望合格啦！ 由於聽日係Cherry生日， 就同主角、Ceci、Kimmy同埋阿Ling去尖沙咀食野， 食完野就係咁吹水， 不過主角都唔老實既， 唔肯講傳說中既“Action仔”， 但我係尖沙咀地鐵站居然有幸見到呀！ 七點幾約左個好耐冇聯絡既舊同學， 點知黎舖大破財， 都唔知點算好呀！

>>April 3, 2004 at 4:45:33 PM GMT+8

2004 年 4 月 1 日 星期四 【陰】

今日BDA終於都教用Datebase既SofewareOracle啦， 雖然話今堂要用既OSL好易咋， 但我都有好多係問阿Sir！ 上完堂就去左Canteen食飯， 但係今日同我食飯既人有一半係食杯麵！ 之後再到圖書館溫聽日個EEM既Test， 但係睇左兩課就夠鐘上堂， 溫書進度非常之緩慢！ 而今日既EEMLecture比上個星期非常之少人， Kinki既分析結果係上星期Johnny講聽日個Test既貼士， 今日梗係溫書！ 而可能Johnny見呢科係BPE既主科， 再加上又係佢教， 所以講埋聽日個Test會出的乜， 雖然個個都話呢的貼士會好準， 但我覺得總會有的係假既， 命中率如何聽日就會知架啦！ 係MAF個陣Florence要我地將的答案寫出黎， 但我做既個題全班只係得我做左， 攪到我都唔知錯係邊， 最後都係要問Florence我的答案錯係邊度！ 放左學上左圖書館再溫書， 呢個Stanley居然係隔離班面前講我， 真係過份呀！ 返到屋企乜書都冇溫過， 食完飯就訓到唔識醒， 聽日都係死架啦！

>>April 3, 2004 at 4:29:05 PM GMT+8