2004 年 2 月 10 日 星期二 【颳風】

今日上完英文堂， 就去左尖沙咀同旺角換信用卡既禮品， 不過的禮品都係比屋企人用架啦！ 之後再到新世紀睇下有冇得買書， 點知冇呀， 要返番去學校買呀， 因為驚冇得買嘛！ 行到青衣運動場既時候， 見到Christina同埋Vicky， 原來Christina岩岩剪左頭髮呀， 不過我就唔係好覺啦！ 之後我地一行三人就去食Tea， 食到差唔多四點， 我就繼續我返學既行程啦！ 由於七點半要到YWCA開會， 所以決定係學校Print將會用既Notes， 然後再拎去幫的同學影印， 點知要到成五點半先FreeLab！ 到左五點半， 終於可以係FreeLabPrint野啦， 但可能係學期頭既關係， 有好多人都係度PrintNotes呀， 攪左好耐先Print到的Notes， 當我Print完既時候已經係FreeLab夠鐘既時間， 不過我自己的野就唔記得左啦！ 之後再到YWCA， 但的組員個個都遲到， 要比原定時間遲半個鐘先開始個會， 今次好彩係講個小組既問題， 唔駛我點用腦去諗野， 不過傾過個的野就要以後跟住做啦！

>>February 11, 2004 at 3:58:21 PM GMT+8

2004 年 2 月 9 日 星期一 【颳風】

今日係Year2Semester2開始既大日子， 但係就要返八點半， 真係差的起唔到身呀！ 上完MAFLecture就同Ceci、Ivy、阿Ling同阿蘇， 仲有今日生日既主角Anthea去西九龍食壽司！ 當我地食得都幾飽既時候， ManMan同Stanley又到啦， 佢地帶左個蛋糕黎， 個蛋糕好靚呀！ 成餐Lunch入面仲出玩左好多個“仔”呀！ 之後再到油麻地唱K， 雖然係K房入面咋， 但大多時間都係度吹水， 仲有用大話骰玩TruthOrDare， 俾人知道左我一的野， 當然我都有知道人地更多野啦！

>>July 23, 2004 at 3:57:48 AM GMT+8

2004 年 2 月 8 日 星期日 【乍雨乍晴】

今日本來係DayOff架， 但因係要返學校PrintNotes聽日用， 迫住冇得係屋企度過呢一日啦！ 返到學校Print完Notes就拎出去印， 之後又到Department睇Notices， 見到有好多新野呀， 但呢的都冇E-Mail俾我地， 全部都係Johnny既科， 係唔係其他的Miss阿sir都會E-Mail俾的同學架！ 夜晚同Mandy玩桌球， 發現佢手風好唔順， 可能係病左既關係啦！ Mandy你要早的好番呀 同我一較高下呀！

>>February 9, 2004 at 2:07:17 PM GMT+8

2004 年 2 月 7 日 星期六 【乍雨乍晴】

下晝無聊下睇睇個時間表， 發現有一科換左人教呀， 唔知個Miss會教成點呢！ 夜晚收到Mabel打黎既電話， 雖然唔係傾左好耐， 但講左的好多無聊野， 仲講左一的佢覺得好好笑， 但我覺得原完唔好笑既野， 點解會咁既， 唔通我同佢既思想真係相差咁遠！ 同埋我要澄清我冇講過話Mandy差架！ 十一點半Online個陣， 突然Carmen係ICQSend句野黎話我未寫日記， Carmen你居然Check我， 太過份啦！（Carmen話要寫佢check我架！）

>>February 8, 2004 at 3:46:05 PM GMT+8

2004 年 2 月 6 日 星期五 【乍雨乍晴】

朝早Kimmy同阿Ling打電話黎， 話下晝去旺角行街， 不過阿蘇就佳人有約唔得閒去！ 點九出到去旺角， 但係Kimmy仲塞緊車， 我同阿Ling就去搵左個地方坐低等佢， 決定係仙跡林飲杯野先！ 之後再係旺中同新之城兜左個圈， 再搵左一間舖食Tea， 當食完既時候已經係六點啦， 跟住我就同佢兩個返屋企食飯啦！

>>February 7, 2004 at 11:42:00 AM GMT+8

2004 年 2 月 5 日 星期四 【乍雨乍晴】

今日係屋企冇野做， 係坐係部電腦前睇各好友既網上日記， 但有的用英文寫既就唔係好明啦！ 之後再重聽番冇聽幾集既“光明頂”， 同時再係Yahoo玩桌球， 點知就輸左好多場， 因而又走左去拆磚仔！ 但唔知點解知短短四個鐘， 隻眼已經好疲倦， 都唔明點解有人可以連續坐係部電腦度架！

>>May 16, 2004 at 3:35:05 AM GMT+8

2004 年 2 月 4 日 星期三 【乍雨乍晴】

今日係Mabel飛去澳洲既日子， 晏晝係又一城同Celia會合之後， 再到石硤尾公園對開同Cherry一齊搭巴士去機場！ 好彩等左唔係好耐就有車， 不過的車費就好貴啦， 一程要成十八蚊呀， 但可能個總站係藍田既關係， 所以我地三個人差的冇位坐， 坐左九個字之後， 就到達目的地機場啦！ 到左機場之場就係咁Call主角Mabel， 但係我地三個都冇人搵到佢， 當阿玉會合我地再由佢打比Mabel， Mabel終於聽電話啦， 不過佢仲未到機場呀！ 由於個個都有的肚餓， 就去左食拉麵！ Mabel攪掂晒的手續後， 亦都黎同我地食野添呀！ 送完Mabel機， 我地四個一齊去左東薈城睇野， 但係佢地三個係咁叫我試的衫同化妝品， 真係唔寫個服字比佢地都唔得呀！

>>February 5, 2004 at 3:23:14 PM GMT+8

2004 年 2 月 3 日 星期二 【乍雨乍晴】

今日拎左部舊字典去尖沙咀整， 點知先要比百五蚊比佢檢查呀， 希望整番唔駛再要錢啦！ 之後同Mabel去左高登買電腦野， 不過佢見到高登有咁多款MP3， 覺得好可惜， 因為佢尋日已經買左啦！ 跟住仲去左許留山食野， 好多謝Mabel呢餐呀， 希望你去到澳洲生活愉快啦！

>>February 4, 2004 at 10:24:08 AM GMT+8

2004 年 2 月 2 日 星期一 【颳風】

今日係BBM考識既大日子， 但由於屯門公路塞車既關係， 個開考時間比原定既遲半個鐘呀！ 今次份卷比想像中既大路， 可惜的題目就係比我Skip左冇溫個的， 因為有的係上年出左架！ 當我做左個半鐘左右， 我識既已經答晒， 之後就坐左係度周圍望， 發現開始有人走啦！ 雖然咁早做晒， 但係我都冇諗過早走喎， 係咁見的同學走下一個， 走下又一個， 到收卷個陣， 發現自己個班只係剩低五個同學咋！ 不過真係唔明點解要用三個鐘， 分野要答既野唔多， 攪到成點幾鐘先走得！ 考完之後就即刻CallCelia， 諗住搵Celia出黎食飯， 點知個陣打比佢個陣佢仲訓緊覺， 令到我嘈醒佢， 最後都約左三點鐘係青衣站等！ 我、Celia同Mabel一行三個到旺角搵野食， 由於我死都要食粥， 攪到由旺中行去家樂再行去旺中附近， 先搵到間粥舖， 最後仲由Celia埋單添呀！ 之後我地仲去左影貼紙相， 但因為部機太先進既關係， 攪到成日按錯掣，（呢句CopyAndPasteFrom人地個日記！） 花左成百幾蚊走去學影呀！ 跟住再行下的舖頭， 睇下有冇MP3機Mabel係岩， 等佢可以係澳洲可以聽到香港既流行曲， 仲可以見到傳說中既Yvonne， 今次都算行旺角都算有的收穫呀！ 夜晚再加埋Cherry、Mandy、朱雄同埋家姐細妹一齊去食韓燒， 點知一見到Mandy就嚇左一跳， 因為佢戴左個口罩呀！ 原來佢病左呀， 希望佢快的好番啦！ 可惜我地九個人分開左兩張抬， 話就話係隔離抬者， 但都唔係一齊食， 又冇得合埋兩張抬， 搞到佢地講乜野， 發生乜野事我地都唔知， 我地講笑時佢地又唔知， 真係可惜！（呢段CopyAndPasteFrom人地個日記！） 期間係度影相， 仲有人係咁偷影左好多生活照， 我都不幸地被人偷影左添！ 到左九點半， 就各自返屋企， 今日除左BBM之外， 都過得好開心呀！

>>February 4, 2004 at 10:26:15 AM GMT+8

2004 年 2 月 1 日 星期日 【微冷】

今日去左一個離地鐵站好遠既自修室溫書， 希望唔會因為近地鐵站而返屋企， 令到自己可以專心的溫書！ 開頭溫書都覺得個進度幾好架， 點知Lunch之後就急轉直下， 溫溫下仲訓埋添呀！ 醒左先發現自己又流口水， 今次仲要係條褲度， 希望冇人知道啦！ 阿玉你好快的教我訓覺既技巧， 等我唔駛再流口水呀！ 讀到夜晚七點， 因為發覺個MarginalOutput已經去到零， 咁就搭番車返屋企食飯同睇電視， 同埋約的同學聽日既行程呀！

>>February 4, 2004 at 10:22:20 AM GMT+8