2008 年 1 月 16 日 星期三 【乍雨乍晴】

暖笠笠o既床舖超好訓，原來上UGB一樣咁好訓，由頭訓到尾
所以UGC同SY都冇訓，Pol Econ好似幾深，不過想俾心機長sit

踢完政政盃，肚餓都唔食飯，等食宵，Billy生日，小型組聚火炭食宵
做乜飲完啤酒仲咁凍？凍到唔想繼續玩，即刻埋單走人，宿舍暖o的

＊－＊－＊－＊－＊－＊－＊－＊－＊－＊－＊－＊－＊－＊－＊

《2008政政盃揭幕戰　關菊英 vs 勝利五人》

快o的影完啦！開波喇！好凍呀！


馬嶽主持開球禮


「關菊英」由細O組「關菊英」的男丁，另加組外友好阿諾組成，而「勝利五人」則以三年級
同學為主，再加tutor Steve(佢其實都係三年級，研政三)成軍。勝利五人今年接連流失同樣到北
美exchange的Stanley、Cutter和Andy，實力明顯受損，反觀關菊英有洪爺押陣，加上超聯首戰
表現可人的馬仔，防線頗堅固，加上有田徑底子的樁鵬作反擊，或者能擦出火花，唯一隱憂是
找來新手F把關

雙方正選陣容

關菊英：F (GK)　馬仔　阿諾　洪爺　樁鵬
勝利五人：Eric (GK)　立爺　施源　Steve　傑仔



洪爺中場拍甩立爺腳下球後長軀直進，門將出迎將佢撞跌


呢球其實可以紅牌，不過政政盃呢o的場合，奶誠鬆手，黃牌




初段，勝利五人採取主動，由Steve和施源在兩邊發動攻勢，但清道夫立爺不敢貿易出擊，進攻
完全唔入肉。關菊英擺出先求防守的格局，洪爺、馬仔鎮守防線，阿諾上前搶截，樁鵬在最前
等機會，戰術頗奏效。每次立爺試圖出擊上腳，必定洪爺主動招呼，搶掉皮球反客為主，造成
上面三幅圖的情況，幸好一係立爺死纏不放，一係小弟及時犯規

但始終不敵洪爺的全能，禁區頂控定，輕易轉身避過傑仔，推入禁區單刀，射破遠柱。第一球
只能惡夢的開始，Spruance入替傑仔(政政盃無限換人)，關菊英亦有柏琦入替阿諾。洪爺後吊
到禁區頂，Spruance忽然漏頂，柏琦快腳，小弟來不及反應，這不算強勁的射門已溜入網窩；
城池瞬間被兩度攻陷，，嘗試反撲，立爺更進取地盤扭和分波，卻沒人頂替last guard位置，對
方一個長傳，樁鵬大步推過小弟射入空門，半場勝利五人落後0比3

其實，關菊英由外行人F把關，點解上半場唔嘗試考考佢？七人場大小的門框，根本應該多點起
腳，見門即射，因此下半場不問比數，嘗試做多些攻勢，先求破蛋。未知關菊英是否預知我們
的對策，下半場換上洪爺守龍門！結果大家都更放膽起腳，但一係Steve球球炒機，一係施源乖
巧"chalk"離柱被洪爺表演，一係立爺未起到腳已被兩三人重重包圍！背城借一，全軍出擊，兼
任清道夫，負責更大的場區，關菊英大部分反擊都被小弟及時出迎瓦解，但就係一球，又俾樁
鵬跑快半步爆過，轉身都追唔到，又係射空門，4比0

繼續貫徹搶攻，不要捧強而回，但破蛋的是萬萬想不到的一人。Steve左路被壓迫，全無去路，
唯有回傳俾小弟，又唔夠力，都衝到中線附近接應，無人壓迫(同我踢開波都知，你一壓我就會
亂，一亂就甩)，睇定斬，立爺去到門前，叫我斬俾佢，於是嘗試半斬半射。一出腳已經發覺太
大力，但洪爺判上小弟不只一次犯上的失誤，企前兩步先發覺太出，結果皮球直笠入網！全場
嘩然起哄！破蛋居然都要靠龍門，應該係正式比賽史上首次以門將身份入波，我都唔知可以做
咩慶祝動作，抑或追返1比4究竟值唔值得慶祝

戰情其後拉鋸，F重新守返龍門，洪爺帶動反擊，但幾次試射一係柱邊，一係被小弟沒收。補時
階段，關菊英長傳反擊右路的樁鵬，傳得直去，相信可以衝出去剷出界，誰知樁鵬以驚人的速
度和我同時趕到皮球落點，幾乎同時出腳，兩人上下五寸略有碰撞，結果樁鵬又快半步，又一
次面對空門，個人大演帽子戲法。球證消防員鳴笛，關菊英5比1大勝勝利五人

缺少三名去了exchange的球員，影響甚大，尤以Cutter為甚，根本沒人能在前場控球帶動攻勢，
要立爺做齊攻守，太吃力，而且他不在最佳狀態。天氣太凍，不停走動都未能令身體進入最熱
血沸騰的狀態，幾次疾跑出迎都比平時略慢。人丁單薄，落敗無話可說，只是意想不到如此大敗

最後，多謝關菊英全隊上下咁俾面，全部選我做我方最佳球員！

>>January 17, 2008 at 7:03:24 PM GMT+8

2008 年 1 月 15 日 星期二 【乍雨乍晴】

半夜三更天寒地凍整香茅雞翼……

暫定星期三day-off，終於約得成intern聚，一拖再拖終於約得實
唔怪得今日要打邊爐啦，好多冷到痺o既IQ題呀……咁都諗得出
兩位Candy，好多o野只可以意會，不可以言傳，返去領略下啦

Johnny碟辣椒豉油想點？




留意，呢o的係竹蔗水，唔係啤酒


但係佢好似飲醉咁囉……




咪住！Derek今日o既造型一定要show全身！


＊－＊－＊－＊－＊－＊－＊－＊－＊－＊－＊－＊－＊－＊－＊

牧師問一對夫婦：如果五分鐘後就到世界末日，你們想做什麼事？

丈夫興致勃勃地回答：想做愛！

太太白他一眼幽幽地說：那剩下的四分鐘幹什麼？

＊－＊－＊－＊－＊－＊－＊－＊－＊－＊－＊－＊－＊－＊－＊

總統阿扁希望提高自己的聲望，想要發行一款有自己肖像的郵票，發行過了一個多月之後，阿
扁想要視察看看銷路如何……

阿扁：「銷售情形怎麼樣？」
郵政總局局長：「還算不錯，只不過常常有人抱怨黏不牢！」
阿扁：「怎麼會呢？」
阿扁隨手拿了一張郵票，塗了一點口水在郵票背面，便試貼在信封上……
阿扁：「這樣不是黏得很緊嗎？」
郵政總局局長：「可是…大家…都把口水吐在正面啊…」

>>January 16, 2008 at 6:23:19 PM GMT+8

2008 年 1 月 14 日 星期一 【颳風】

UGC遇見sit堂大恩姐！真係好耐冇見7A仝人，各位都行將畢業喇
完全同意Indiana，呢科絕對係濃縮精簡版4030，連reading都重疊

蔡生未免太厲害，12:45開始講書，13:05先o黎講「好喇，返入正題喇」
唔應該假設人人都聽過格流、些路迪係乜東，但係再介紹就似乎太沉悶

取2345棄2375，超血腥，先播候賽因問吊，再播香田證生俾阿蓋達斬首
好多人都擰埋一邊唔敢睇，我都掙扎一陣先敢睇哂成個過程，十級恐怖
UGB真係好很悶呀，明目張膽望住天花板訓覺，但係走堂又驚有o野miss

＊－＊－＊－＊－＊－＊－＊－＊－＊－＊－＊－＊－＊－＊－＊－＊

Eric有信心重奪錦標

政政系足球隊門將Eric對於重奪政政盃冠軍感到信心十足。

Eric今屆繼續與政政隊長立爺聯合組成「勝利五人」出戰政政盃，他認為由上屆冠軍「政一聯
盟」為骨幹的「政二聯盟」有洪爺自行組隊參賽，實力有所削弱，對己方有利。而且他感到自
己近況不俗，加上立爺鎮守後防，故此繼續以「不失一球下封王」為目標

Eric又指出政政盃其中一個作用是讓球員提升狀態，準備下半季的中大超級聯賽。政政系尚有四
場分組初賽，他對爭取歷來首度衝破小組賽感到樂觀，但強調身處的D組正處於大亂局，還有
太多未知之數

今屆政政盃只得三隊參賽，改以循環賽形式進行，揭幕戰是星期四黃昏由立爺擔任隊長的「勝
利五人」對洪爺領軍的「關菊英」，下星期一「勝利五人」會繼續挑戰奶誠做隊長的衛冕冠軍
「政二聯盟」，最後一場「關菊英」對「政二聯盟」則於再下星期上演

CU-Soccer 綜合報道

>>January 15, 2008 at 5:49:27 PM GMT+8

2008 年 1 月 13 日 星期日 【颳風】

4030正式上堂，劉兆佳o的文章真係幾悶，但係個個課題都要睇佢
好彩我present o個三篇都唔係佢寫，以我o既讀書速度，要開始喇

＊－＊－＊－＊－＊－＊－＊－＊－＊－＊－＊－＊－＊＊－＊－＊

《馬英九真係唔好咁老定》

立法院113席，國民黨獨得81席，民進黨只得27席，堂堂執政黨連1/4都保不住，因此「國民黨
大勝」成了傳媒幾乎口徑一致的論述。現時氣勢在國民黨一方，馬英九出戰3月的總統選舉可算
志在必得，但唔好咁老定，除了所謂「鐘擺效應」(某黨贏得一次選舉，下次選舉會像鐘擺般盪
回頭，由另一黨反勝)，只要看真國民黨如何「大勝」

今次立委選舉，是改制後的選舉，制度比從前作出不少變動，首先要作出少少介紹：

1)立法院總議席數目由225席銳減至113席，即所謂「立委減半」

2)立法院仍仍然分開兩部分：分區選舉和全國不分區政黨名單制

3)分區選舉由從前多議席單票制(每個選區選出若干立委，但選民只可投一票，最高票數的若干
候選人當選)，改為單議席單票制(最簡單，每區只選出一人，每人投一票，最高票數者當選)，
選出73人

4)從前的政黨名單制，是整合各政黨在分區直選所得的總票數，再按得票比例分配議席。現時
分拆出來，選民選出所屬選區心儀的候選人之外，還可再投票給心儀的政黨，政黨按得票比例
分配34席

5)仍然保留6席給原住民

國民黨、親民黨和新黨在分區選舉和原住民兩部分共79席中取得66席，的確夠狂風掃落葉，但
只要細心分析，原來國民黨在這兩部分共取得近530萬票，其實只佔總票數的約53.5%。不過，
單議席單票制最有趣的地方是，只要每區都贏少少，其實都可以將對手「清袋」，即使自己並
非壓倒性勝出；事實上，民進黨在這部分都取得約38.2%票數，只是在單議席單票制下被under-
represented。回到政黨名單那部分，兩黨的對比是51.2%對36.9%，轉化成議席就成為20席對14
席，差距比分區選舉細得多

可見，國民黨的確挖走不少不滿民進黨的票源，但兩黨的真正實力並非一如議席分佈般懸殊，
馬英九並非佔著壓倒性優勢。兩黨的真正差距只在15%左右，只要重新推高投票率(今次立委選
舉只有58%，台灣來說算偏低)，又有些游離票回歸民進黨，勝負其實難料

堂堂執政八年的陳水扁及民進黨政府，居然守不住40%選票，不能不說選民正在用選票向陳水
扁和民進黨宣洩不滿，但將於3月代表民進黨參選總統的是謝長廷。謝長廷前年年底參選台北市
長，在倒扁浪潮最高峰時仍能開拓新票源，僅以40%對53%之差不敵國民黨郝龍斌

謝長廷從參選台北市長到參選總統，一直都刻意跟陳水扁保持距離，清晰向選民呈現「謝長廷
是謝長廷，陳水扁是陳水扁」的訊息，避免陳水扁的惹火之軀禍及自己，力保淺綠票源，再向
中間選民埋手。故此，謝長廷的選情會否受民進黨立委選舉受挫牽連，目前言之尚早

馬英九當然是大熱門，但真係唔好咁老定，以為自己必勝，如果他那句「高興一晚就好了」是
出言真心，這當然最好。事實上，馬英九勝出，國民黨重奪執政權，台灣經歷第二次和平的政
黨輪替，象徵台灣民主大體上已順利紮根。另外，如果謝長廷爆冷勝出，民進黨保住「本土政
權」，他也要面對在野國民黨控制3/4議席的立法院，相信台灣又會再空轉多四年，所以都係馬
英九贏比較好

>>January 14, 2008 at 7:21:14 PM GMT+8

2008 年 1 月 12 日 星期六 【暴雨】



Doris又帶埋隻狗仔出o黎～～～


佢最終都出現












＊－＊－＊－＊－＊－＊－＊－＊－＊－＊－＊－＊－＊－＊－＊

Completed Transfer this week :

安歷卡(法國前鋒)　　　from保頓　　　　to車路士　　1500萬鎊
史卡圖(斯洛伐克後衛)　from辛尼特　　　to利物浦　　650萬鎊
沙華治(威爾斯中場)　　from布力般流浪　to打比郡　　150萬鎊
羅拔(法國中場)　　　　from利雲特　　　to打比郡　　自由轉會
賀森加利(埃及中場)　　from熱刺　　　　to打比郡　　借用
安格文(芬蘭門將)　　　from布力般流浪　to卡迪夫城　借用

＊－＊－＊－＊－＊－＊－＊－＊－＊－＊－＊－＊－＊－＊－＊

英超各球會要離隊參加非洲國家盃的球員

阿仙奴：伊保、高路托尼(科特迪瓦)、阿歷山大桑治(喀麥隆)
阿士東維拉：／
伯明翰：查迪、拿夫迪(突尼西亞)、京遜(迦納)
布力般流浪：莫高拿(南非)
保頓：迪奧夫(塞內加爾)、美迪(科特迪瓦)
車路士：杜奧巴、沙洛文卡勞(科特迪瓦)、艾辛(迦納)、奧比米基爾(尼日利亞)
打比郡：／
愛華頓：派安拿(南非)、耶古堡、耶保(尼日利亞)
富咸：卡馬拉(塞內加爾)
利物浦：施素高(馬里)
曼城：／
曼聯：文奴祖(安哥拉)
米杜士堡：梳基(埃及)
紐卡素：比耶(塞內加爾)、戴安尼菲爾(塞內加爾)、謝列美(喀麥隆)、馬田斯(尼日利亞)
樸茨茅夫：柏巴迪奧普(塞內加爾)、簡奴、烏達卡(尼日利亞)、蒙達利(迦納)
雷丁：貝奇(喀麥隆)、法爾(科特迪瓦)、桑高(塞內加爾)
新特蘭：艾度曉(尼日利亞)
熱刺：索高拿(科特迪瓦)
韋斯咸：亨利卡馬拉(塞內加爾)、賓素(迦納)
韋根：／

>>January 14, 2008 at 3:10:31 AM GMT+8

2008 年 1 月 11 日 星期五 【晴】

公民黨10公里苦行爭民主，由太古城行去西環中聯辦

出發前宣言


銅鑼灣鬧市小休一陣


據講係九西支部吉祥物


金鐘高等法院對出


14:30起步，行到天黑18:30先到上環，離隊，出觀塘E-Print拎貨
唔使call貨車咁大陣象，不過要都截的士先返到屋企，出公數！

>>January 13, 2008 at 3:34:31 PM GMT+8

2008 年 1 月 10 日 星期四 【陰】

睇o黎蔡生真係同公民黨幾大牙齒印，咁都要乘機串我兩咀
齋聽theory好悶，又講錯fact，英超邊度有咁多倫敦球會？





＊－＊－＊－＊－＊－＊－＊－＊－＊－＊－＊－＊－＊－＊

《反方向才是正路》

季中已經唔係轉會的好時機，尤其重要大賽前的季中更加唔係轉投大球會的時機，偏偏不少在
上半季非常搶鏡的球員喜歡在季中「實現夢想」，賣甩可以做「山寨王」的中小型球會，跳槽
到豪門球會

保頓上半季靠安歷卡單天保至尊，勉強逃離降班區域，但安歷卡始終唔甘心踢小球會，一直嚷
著希望效力大球會。終於如願以償，車路士以1200萬鎊將安歷卡收歸旗下，補充現時極度短缺
的前鋒兵源

我唔明點解安歷卡咁急轉會，如果他想加盟一支能襯得起自己實力的球會，夏天轉會都未遲。
車仔現時前線告急，杜奧巴離隊代表科特迪瓦出戰非洲國家盃，舒夫真高要養傷，只餘比沙路
一個前鋒，安歷卡加盟後可以立刻大派用場，但杜奧巴歸隊，單刀傷癒後呢？車仔用單箭頭戰
術，杜奧巴先係首席中鋒，單刀近期回勇，應該係次選，除非安歷卡在這段時間如有神助，迅
速融入球隊，否則最多只能跟比沙路爭奪第三前鋒的位置。一旦他無法在球會有固定的上陣機
會，狀態下滑，隨時會落選歐洲國家盃法國大軍

大賽前的季中，通常是被雪藏的球員為了保住國家隊席位，轉投較弱的球隊尋求穩定的上陣機
會保持狀態，因此圍繞列文的轉會傳聞才從來沒停過。反其道而行，加盟實力更強的球會，只
能希望你自求多福

話說回頭，現時有三名在自己球會淪為後備的門將，只要得到常規正選的機會，必定是所屬國
家隊的正選門將，包括列文、杜迪克和伊薩臣，相信他們必定在找新東家，且看1月31日後他們
會跑到哪裡

>>January 11, 2008 at 6:13:33 PM GMT+8

2008 年 1 月 9 日 星期三 【暴雨】



UGB兩個lecturer真係好很有聊，搞爛gag唔使本，又知o的唔知o的
路過烽火台，逸慶廿二開幕禮，醒起自己上年都係OC…冬逸戀曲

UGC 2865B　Hong Kong Society　香港社會

打算放棄HIS 3313，轉take呢個，lecturer用google map係咁講典故
呢科應該易o的handle，騰多o的時間攻major，雖然都唔會點讀書

GPA 2450　Introduction to Political Economy　政治經濟學入門　馬樹人

唔使郁，繼續NAH 213，果然SY堂例爆，SY教返老本行Pol Econ
我知SY想玩乜，以前玩過海盜分金幣，邊個寫呢個銀碼俾我？
無意take，但係有意長sit，想認識Pol Econ，又怕其實唔o岩呢瓣

>>January 10, 2008 at 6:12:42 PM GMT+8

2008 年 1 月 8 日 星期二 【晴】

宿生每年呢個時候都可以公然受賄，今朝係唔知溝咩醬o既燒賣
SY o係1020同我o地傾過，不過同學眼中真係who fxxking cares

GPA 2375　Asian International Relations　亞洲國際關係　鄭赤琰

政政系老牌教授Dr.井「退休」後其實都繼續o係政政系教書，退而不休
半班exchange，Dr.井果然一如其他人所講，次次講書都唔知講o左去邊
諗緊讀唔讀，o係沈旭輝2345同呢科之間抉擇，都係等week 1完先諗啦

返總部，年宵籌備最後階段，為救獅子、歐飛兩命，年宵project要幫拖
秘書處人事變動，原來真係搞到其他人踢哂腳，鑊鑊都搵著我o黎問？



>>January 9, 2008 at 6:37:37 PM GMT+8

2008 年 1 月 7 日 星期一 【晴】

點解o係宿舍總係冇o係屋企訓得咁好？

HIS 3313　Sino-Foreign Relation in Last 200 Years　近二百年之中外關係

臨畢業前揀返科HIS eletive，獅子話呢科唔錯，香港人就唔好用普通話教啦
一睇syllabus就嚇破膽，又書評又呢樣又o個樣，真係要慎重考慮take唔take

GPA 1016　Politics of Sports　體育運動政治學　蔡子強

唔知add唔add到，超多人take同sit，見到份course outline，個個都仔細咀嚼
唔只蔡生教，有o的topic會轉介俾馬嶽、SY或者Preston負責，SY又帶睇戲
幾有趣，從社會分層、種族、全球化等切入點睇體育，加開03:00 tuto啦？

GPA 2345　International Politics　國際政治　沈旭輝

唔知揀乜2字頭好，暫時take住呢個先，都幾啃，group projet勁複雜最危險
o係呢科同2375之間取捨，聽日sit埋2375先決定要唔要再做一次add / drop

UGB 222 EB　Natural Hazards　自然災害

別無選擇o既大通，明知demanding都要死頂，不過相信大通要求唔會太高
大通都有相似o既模式，將mid-term拆散成幾個quiz，迫你唔可以走堂，冏

P.S.(1)今次想唔絕望都唔得……
P.S.(2)夏德、彭拿路、蔚山現代，賀歲盃入座率必定再創新低

>>January 8, 2008 at 7:06:21 PM GMT+8