2008 年 2 月 26 日 星期二 【微冷】

UGC可以令人朝早都訓得著，睇怕呢個sem得4030可以用心讀
蔡子強又乘機抽我水喇，我幾肯定以前守龍門難過依家100倍

2345又講體育與政治，每次探討呢o的議題，總係感覺到俾人屈緊機
UGB Forum始動，第一組頹o左少少，個個pre都讀稿，答哂題目就訓

社會科學院歌唱比賽，連續第三年參賽，揀o左劉浩龍《思覺失調》
唔算太差啦，不過早知今年可以唱哂全首，我一定會揀Eason盡情唱

同阿女Christina前後腳出場


Yr 1 Doriane自彈自唱何韻詩舊作


Yr 1 William唱李克勤《情非首爾》


臨出場前，不知幾緊張


還是我太犯賤或是我太介意太過膚淺～～


阿女揀王菲《棋子》，真係幾得！


合唱組，Vivian + Gapda + 阿包 + Anthony唱《勁歌金曲》頭五分鐘


搞咩呀Gapda......


Anthony真係有效率～～～


P.S.咁o既八公都可以做台長，小弟都應該可以撈返個足總主席

＊－＊－＊－＊－＊－＊－＊－＊－＊－＊－＊－＊－＊－＊－＊



上週五會員大會通過的青年公民執委會名單，已獲公民黨執委正式確認

余冠威(Thomas)(主席)
張可兒(Real)(新界東支部召集人)
黃曉楓(Wendy)(新界西支部召集人)
胡柏麟(Felix Wu, 阿胡)(港島支部召集人)
戴志聰(Jay)(九龍西支部召集人)
徐國峰(Eric)(九龍東支部召集人)
吳謦燃(獅子)(CPTV負責人)
彭誠昌(Trigo)
李秉禧(Felix Lee)
曾建峰(Phillip)(顧問)

>>February 27, 2008 at 3:18:16 AM GMT+8

2008 年 2 月 25 日 星期一 【晴】

Daniel : 去到台灣，可以分唔清男女廁，就係唔可以搞錯藍綠色！



＊－＊－＊－＊－＊－＊－＊－＊－＊－＊－＊－＊－＊－＊

跑 馬 地 63% 居 民 贊 成 建 港 鐵 站

【 本 報 訊 】 跑 馬 地 居 民 對 是 否 興 建 港 鐵 跑 馬 地 站 反 應 不 一 ， 自 由 黨 一 項 調 查
發 現 ， 63% 跑 馬 地 居 民 贊 成 興 建 跑 馬 地 站 ， 30% 持 反 對 意 見 ， 反 對 興 建 跑 馬
地 站 的 受 訪 者 主 要 擔 心 車 站 建 成 後 會 引 入 大 量 人 流 到 該 區 ， 影 響 跑 馬 地 寧 靜 。

反 對 者 憂 破 壞 寧 靜

自 由 黨 港 島 區 支 部 主 席 劉 健 儀 表 示 ， 賽 馬 日 跑 馬 地 交 通 比 較 繁 忙 和 擠 塞 ， 希
望 港 鐵 公 司 詳 細 研 究 在 跑 馬 地 增 設 港 鐵 站 的 可 行 性 。 調 查 結 果 亦 會 遞 交 運 輸
署 和 港 鐵 公 司 。

調 查 在 上 月 進 行 ， 成 功 訪 問 了 1,009 名 跑 馬 地 居 民 ， 77% 表 明 若 南 港 島 線 落 實
增 建 跑 馬 地 站 ， 日 後 車 站 落 成 後 ， 他 們 會 使 用 該 站 ； 反 對 興 建 的 居 民 則 擔 心
破 壞 跑 馬 地 寧 靜 ， 部 份 亦 認 為 並 無 實 際 需 要 。

此 外 ， 公 民 黨 青 年 事 務 部 青 年 公 民 發 起 「 爭 取 港 鐵 全 面 提 供 學 生 優 惠 」 網 上
聯 署 行 動 ， 聯 署 網 站 http://hk.to/mtr 本 月 21 日 啟 動 ， 直 至 昨 日 早 上 11 時 已 錄 得
513 名 學 生 參 與 聯 署 。

＊－＊－＊－＊－＊－＊－＊－＊－＊－＊－＊－＊－＊－＊

我想要伊度奧手上o個部影出o既相


＊－＊－＊－＊－＊－＊－＊－＊－＊－＊－＊－＊－＊－＊

車仔破滅，非兵不利，戰不善，弊在廢帥；廢帥而硬膠，破滅之道也







唔該，我想知佢究竟有咩建樹？


應該點踢？你問我我問邊個？






盃賽之神！




＊－＊－＊－＊－＊－＊－＊－＊－＊－＊－＊－＊－＊－＊



《唔專心就唔好賴三賴四》

昨夜西甲，皇馬主場0比1不敵基達菲，榜首優勢銳減到只有兩分，網上不少皇馬迷「小朋友」
批評球證執法失當。皇馬的入球越位在先，被判「詐糊」，多名皇馬球員群起圍著球證抗議，
基達菲沒有理會，即時開波策動反擊。球證容許比賽繼續運行，基達菲四人帶足大半個球場都
只有兩名皇馬中堅抵擋，兩三次互傳就由烏治一箭定江山

「小朋友」不滿球證沒有先吹停比賽，容許基達菲趁機偷襲得米。「小朋友」，魯爾在基達菲
禁區內越位，罰球離皇馬龍門足足有100碼之遙，你唔好話我聽，離門100碼都要球證吹雞先開
得！帶足100碼你都守唔住，怨得邊個？

理論上，呢種罰球係守方拎到個波就即刻可以開，球證甚至唔會停錶，比賽一直在沒有任何停
頓下進行，點解要因為你們的集體舉止而暫停比賽？要怪就怪球員漫不經心，點解人家帶足100
碼，兩閘和防中一直都未回防？輸波，打死無怨，唔好再賴

>>February 26, 2008 at 3:04:40 AM GMT+8

2008 年 2 月 24 日 星期日 【微冷】

今日太多同類新聞，冇記者o黎我o地記者會……


公 民 黨 網 上 簽 名 　 爭 港 鐵 學 生 車 票 優 惠
2008-02-24 HKT 16:30

公 民 黨 發 動 網 上 簽 名 ， 爭 取 港 鐵 所 有 線 路 提 供 學 生 車 票 優 惠 ， 過 去 幾 日 收 集
了 500 多 名 學 生 簽 名 ， 當 中 超 過 一 半 人 住 在 新 界 。

公 民 黨 指 兩 鐵 合 併 後 ， 港 鐵 無 視 學 生 訴 求 ， 未 有 在 馬 鐵 、 東 鐵 、 西 鐵 及 輕 鐵
線 提 供 優 惠 。

另 外 ， 公 民 黨 希 望 港 鐵 ， 放 寬 羅 湖 及 落 馬 洲 特 價 證 的 申 請 資 格 ， 讓 跨 境 學 生
受 惠 。


上文摘自港台，今次行動至今主力係青年公民呀……

＊－＊－＊－＊－＊－＊－＊－＊－＊－＊－＊－＊－＊－＊

傑哥生日BBQ Party，九華徑舊村，各方友好加加埋埋約30人出席
明明主角係傑哥，點解仲係阿胡做話題人物？會唔會講足一世？













>>February 25, 2008 at 2:35:15 AM GMT+8

2008 年 2 月 23 日 星期六 【雷雨】

《中大超級聯賽　政治與行政系(GPA) vs 計量金融系(QFN)》

2月才進行第二場超聯賽事，QFN全組實力最弱，GPA理應可以取勝，但希望盡快拉開比數，可
以換人試陣之餘，此場賽果有可能成為決定出線權的關鍵之戰(註)

前排左起：消防員 -> 馬仔 -> 阿傑 -> 阿賢 -> Simon -> Avan
後排左起：Eric -> 阿諾 -> 奶誠 -> 洪爺 -> 立爺


上場戰勝SEM的原班人馬：84.Eric(GK)　3.立爺(c)　5.馬仔　6.洪爺　13.Simon　21.Avan　23.奶誠

一個好開始。開賽不足三分鐘，洪爺右路連過兩關沿底線殺入禁區，傳中給小禁區頂的Simon輕
鬆撞入，閃電打破悶局。整個上半場都控制戰局，不乏增添比數的機會，但總是跟門框有仇。
立爺中線開罰球，太大力，門將判斷出錯，快將被笠死之時，皮球中楣彈出；Avan亦嘗試近門
起腳，中柱

這個角度似係洪爺篤立爺後腦，叫佢彈開




隊友對洪爺的支援仍嫌不足，經常出現洪爺以一敵三四


QFN質素所限，給予我們的威脅少之又少，門將非常空閒，最驚險只得一次要出迎瓦解單刀，
以及兩三次開龍門球。後防始終嫌「標波」太多，幸好對方組織力弱，上半場1比0領先

半場檢討


1~2~3~政政！


立爺防守稱職，兼顧分波反攻


要爭取「燕梳球」，下半場繼續採取主動。洪爺左輔位突破殺入禁區，被QFN後衛掃腳球證阿
呆吹罰點球！立爺見狀即時上前，小弟有不祥預感，佢yr 1有宴客前科！洪爺見立爺係隊長份
上，自己搏回來都讓路給立爺操刀

攝影師Joey捕捉timing簡直perfect~~~佢～又～射～失～喇～～～


Avan帶病上陣，交足功課，功成身退，7.阿傑入替，首度登場




點球宴客後不久，QFN後場胡亂橫傳，洪爺把握時機中途打荷包，扣過last guard單刀，輕鬆拉
開比數，終於取得「燕梳球」。QFN下半場換了人，踢得反而比上半場更頹，再失一球，士氣
崩潰，無力反擊，GPA更控制戰局，但GPA剛剛換了人，中前場隊型欠奉，未能入得更多

Simon微傷，無謂再捱，消防員(右二)debut


阿傑開角球，球球斬唔起


GPA是洪爺的一人球隊，尤其進攻方面，絕不為過。又一次個人突破，又一次以一敵眾，又一
次推到禁區起腳，又一次梅開二度！今屆兩場入四球，兩年累計六場入七球，厲害！第三個換
人，32.阿賢入替馬仔，阿賢踢左閘，奶誠移到右閘。尾段QFN得到罰球，由於七人場冇越位，
派出一人纏在小弟身邊。罰球毫無威脅，高出，但小弟移步時，條茂利從後又拉又扯，毛手毛
腳，球證居然唔吹！

點都好，演出並非完美，但總算3比0清脆勝出，兩戰六分，小組第二，落後多打一場的計算機
科學系(CSC)一分。下週六，第三場，出戰人類學(ANT)，對手越來越強，不能鬆懈

註：中大超級聯賽賽制，如果出現同分，分計算相關對賽成績，未分高下則計算面對組內最差
　　球隊的賽果，因此對弱旅亦最好力求大勝

＊－＊－＊－＊－＊－＊－＊－＊－＊－＊－＊－＊－＊

落完波，同觀眾出沙田食tea，好多yr 1趣聞都唔知道添！

>>February 25, 2008 at 1:42:35 AM GMT+8

2008 年 2 月 22 日 星期五 【暴雨】

生日快樂！

咦？終於開新topic喇？不如競猜學期尾要補返幾多堂先追得到？
學生生涯最後一次assembly，繼續訓，總結文瀾堂比SRR好訓o的

終於輪到我o地呢個yr喇


Carrie影完相，聽日飛北京喇，千葉真一好耐冇咁「齊」！


思穎唔係讀四年咩？


三星期後到大講堂喇


唔係唔招呼Patrick嘛？




碌咭


香檳大戰，作為專業o既戰地記者，搵把遮做盾牌，繼續影


Gapda vs Patrick


Patrick vs Erica


3月14日(三星期後)到Shaw喇！各位中大朋友記得o黎搵我影相呀
日軍o係南京玩「百人斬」，我當然冇咁冷血，我玩「百人拍」！

＊－＊－＊－＊－＊－＊－＊－＊－＊－＊－＊－＊－＊－＊－＊

青年公民週年大會，其實同一般會議冇乜分別，因為都係呢批人
一將執委呢個銜頭攬上身，就要要更多commitment，要再投入o的

＊－＊－＊－＊－＊－＊－＊－＊－＊－＊－＊－＊－＊－＊－＊

果然係孔sir出品！



>>February 23, 2008 at 2:47:10 AM GMT+8

2008 年 2 月 21 日 星期四 【晴】

上輪UGB quiz成績唔錯，不過今次應該差o的，溫唔熟書
點解……好似……仲未開始傾forum o既？唔夠一個月喳





＊－＊－＊－＊－＊－＊－＊－＊－＊－＊－＊－＊－＊－＊－＊

咦？化妝出來的政客，乜你有資格講人虛偽咩？

Regina Ip's Notes

床照啟示錄(二)：包裝出來的偶像

這次床照風波中，市民有一個大發現。原來一些玉女明星的清純形象，是徹頭徹尾的商業包裝
產物。這位鍾小姐在床照中的表現，跟平日在公開活動的言行大相逕庭。她在06年因為於後台
被偷拍，多次灑淚人前，又誓言會追究到底。其實，她自願拍下的床照，比那些偷拍照片大膽
很多。

鍾小姐的那段一分鐘聲明，相信是由經理人調教下說出的。她說自己「很天真，很傻，但現在
已經長大」。正如一位學者所說，採用這些「可愛」的字眼，就是為了把床照反映的真面目及
引起的聯想輕輕帶過。

觀乎這位女星平日的形象和在記者會的交代技巧，她的成功正是香港商品化市場的成功例子。
她的歌藝平平，但憑著年輕美貌，加上經理人公司的包裝，成為不少人的偶像。不過，這些露
骨的照片給公眾的印象太深刻了，縱使今次她所屬的公司嘗試用公關技巧淡化這件事情，恐怕
也難成功。

相信在這事件後，很多家長和年青人都會更留意哪些偶像只是包裝成功的商品，哪些才是值得
學習的模範。我就覺得香港不少運動員，如黃金寶、李麗珊等，都是憑刻苦幹勁獲取成就，值
得青少年學習。





>>February 22, 2008 at 1:20:33 AM GMT+8

2008 年 2 月 20 日 星期三 【晴】

請將之廣傳～～～～



「爭取港鐵全面提供學生優惠」聯署

於去年12月地鐵(MTR)跟九鐵(KCR)完成合併，成為香港鐵路有限公司(下稱港鐵MTR)。合併後港
鐵立即為乘客提供票價優惠，但港鐵一直無視學生的訴求，未有在現時的東鐵線、西鐵線、馬
鞍山線及輕鐵提供學生半價優惠。我們對於港鐵在合併後實施「一鐵兩制」表示強烈不滿。

學生優惠原則理應繼續執行

地鐵在合併前一直在旗下路線(包括東涌線、觀塘線、港島線、荃灣線、將軍澳線)提供學生半
價優惠，由此可見，地鐵公司當時都認同為學生提供半價優待的營商原則。我們認為港鐵在合
併後，管理層理應繼續執行該項原則，並在所有線路繼續提供學生半價優惠。兩鐵合併前，有
不少學子都支付九鐵的成人票價，昂貴車費對學生造成沉重負擔。莘莘學子一直期望港鐵在合
併後可以透過節省成本、惠及市民的方式，在舊有九鐵轄下的路線全面提供學生半價優惠，但
現時港鐵卻實施「一鐵兩制」，實違返其社會企業的精神。

照顧跨越學童的需要

除了要求港鐵全面提供學生優惠外，我們亦希望港鐵照顧跨境學童的需要。現時有不少家
庭選擇在深圳地區定居，其子女則每天乘撘港鐵到香港上學，但現時由羅湖站乘撘港鐵到上水
站的車資為 $18.8。我們認為跨境車資對學童及家長都造成龐大財政負擔。現時港鐵正提供羅
湖/落馬洲特價證，讓居住於禁區的居民以本地線票價來回羅湖站，我們認為港鐵應該放寛羅湖/
落馬洲特價證的申請資格，讓跨境學童同時享有半價優惠及禁區優惠。據悉財政司司長將於二
月底發表財政預算案時會交代向殘疾人士提供交通優惠的計劃，我們敦促當局也一併考慮本港
學生及及跨境學童的鐵路交通優惠問題，為學生提供適當而公平的交通優惠．



發起：青年公民



>>February 21, 2008 at 12:44:23 AM GMT+8

2008 年 2 月 19 日 星期二 【晴】

UGB lecturer講o野有少少錯，可能只係觀點與角度o既偏差
睇埋北韓對葡萄牙，見識到尤西比奧更勝朗拿度o既爆炸力

畢業前三個月先唔見中大通，無端端使多$130領新咭，lib都未入得
幾經波折，Raymond加入2345 group projet小組，向車臣游擊隊出發
UGB group present搞成點？連改唔改日子都未定，係咪未免太頹？



《英超可以用安達臣，歐聯就一定要出史高斯》

歐聯重開，十六強淘汰賽首回合，曼聯明晚將作客出戰法甲里昂。曼聯已摸索到最佳陣容的其
中九個，門將雲達沙，後防右至左布朗、維迪、李奧費迪南和艾夫拿，傑斯在中前場自由走動
控制節奏，配合攻擊鐵三角C朗拿度、朗尼和迪維斯，問題只在一對中場中路組合，卡域克、
史高斯、安達臣和夏格維斯力爭兩個席位

有說史高斯養傷多月後復出，已踢不出上季的最佳水準，速度、反應俱不足，應該忍痛棄用。
誠然看了曼市打比，史高斯的確略有退步，但首先該場費格遜沒有派出正宗防守中場，安達臣
和史高斯作用太相似，才是排陣的最大敗筆，而且英超和歐聯是截然不同的比賽，應以另一種
角色思考排陣之道

英超節奏快，對史高斯這種老將(尤其剛傷癒，狀態未復)頗為吃力，安達臣勤於走動自然發揮
較佳。不過歐聯這種淘汰賽，是講求戰術運用、控球在腳和臨場應變的賽事，史高斯(以及傑
斯)這類「老波骨」就大派用場，尤其明晚要作客，一切先以穩健行先。安達臣今季的確相當搶
鏡，這仍未足以在歐聯淘汰賽這種大場面亮相，始終史高斯經驗較佳

至於最後一名較墮後的中場，夏格維斯和卡域克之間，宜用夏格維斯。對方里昂有P祖連奴擔任
進攻鎖匙人，要有人刻意墮後凍結，夏格維斯壓迫力和搶截力都在卡域克之上，而且他歐聯經
驗豐富，值得正選上陣

　　　　　　　　　　　　1.雲達沙
　　6.布朗　　　15.維迪　　　5.李奧費迪南　　3.艾夫拿
　7. C朗拿度　　4.夏格維斯　　　18.史高斯　　　11.傑斯
　　　　　　　　10.朗尼　　　　32.迪維斯

>>February 20, 2008 at 1:45:20 AM GMT+8

2008 年 2 月 18 日 星期一 【微冷】

一覺訓到11:30，中途完全冇醒過，但係上4030都係訓o左
2345正式tuto，荷蘭月亮(Holland Moon)，下星期到我pre喇

返宿先知今晚國宿開年飯，重點係抽獎，希望抽到頭獎小型雪櫃
搭膠康張檯，細獎唔好抽我呀，結果都係抽埋o的唔等使o既爛獎

MC : 依家抽o既獎品係……托盤！
JM(呂崇傑) : 托盤要o黎做咩？
Eric : 要o黎托！

我想要頭獎雪櫃呀～～～～～～


咁o既獎品，都唔知要o黎做乜(電話唔係獎品之一)






>>February 19, 2008 at 1:59:07 AM GMT+8

2008 年 2 月 17 日 星期日 【微冷】

飲茶，隻八爪魚裡面都係沙，呢間酒樓位於深水埗營盤街、東沙島街之間某商場內！


觀塘派揮春 + 街頭簽名，要求月底財政預算案改善長者福利
越企越寒，開始大風，小露寶好快冇電，硬係覺得今日好頹

梁家傑、黃鶴鳴、余冠威




＊－＊－＊－＊－＊－＊－＊－＊－＊－＊－＊－＊－＊－＊



班士利門將Luke Steele係曼聯出品！


白頭佬Hassell又右閘又清道夫，寫個服字俾佢




＊－＊－＊－＊－＊－＊－＊－＊－＊－＊－＊－＊－＊－＊

上週曼市打比，拉登o係我屋企意氣風發，差o的想搵麻包袋
今鋪全世界都通緝拉登，做乜潛o左水？淆底？刮佢出o黎！









不招人妒是庸才！




文哥唔使灰心，唔係有你，貴廠肯定唔只四蛋！


＊－＊－＊－＊－＊－＊－＊－＊－＊－＊－＊－＊－＊－＊



《夢斷科索沃》

科索沃終於單方面宣佈脫離塞爾維亞獨立，成為分裂自前南斯拉夫的第七個國家。那些民族主
義谷血上腦，終日幻想「統一祖國」的愛國憤青們，看著隨風飄揚的科索沃國旗(抄足歐盟)，
你們也應該夢醒了

巴爾幹半島的斯拉夫族如何致力擺脫奧地利和土耳其的統治，追求民族自決，修過高中歷史，
讀過第一次世界大戰就不用多重複。1918年，南斯拉夫王國(Kingdom of Yugoslavia)成立，南歐
終於有個以斯拉夫族為本的民族國家；第二次世界大戰後，南斯拉夫變成不受蘇聯控制的社會
主義國家，但仍然是斯拉夫族建立的國家

1991年，南斯拉夫爆發內戰，國家解體，克羅地亞、斯洛文尼亞、馬其頓、波斯尼亞、黑山先
後自立門戶，獨立建國，貝爾格萊德政權只能代表塞爾維亞。見證著南斯拉夫由立國到解體的
歷史，應該要明白，民族主義不過是一時亢奮，實則空洞無物的口號

如果「南斯拉夫社會主義聯邦共和國」是由斯拉夫族組成的國家，為何國家最終會四分五裂成
多個新國家？明明是都斯拉夫族，為何克羅地亞、斯洛文尼亞要再求獨立？因為「民族」一詞
根本難以界定，你說居於克羅地亞和塞爾維亞的人都同屬斯拉夫族，他們應置於同一國度，但
他們怎樣想？克羅地亞人不覺得自己跟塞爾維亞人「同文同種」，你要對他們強加一個他們不
接受的身份嗎？

你可以堅持「台灣是中國神聖領土不可分割的一部分」，但台灣為數不少的人真的認為「台灣
中國，一邊一國」，你用槍迫他們跟你的調子嗎？民族主義說起來漂亮，但其內裡不過是大量
主觀情感，絕無客觀可言。別人的身份認同，你有資格橫加干預嗎？

事實上，當塞爾維亞和科索沃都力求加入歐盟，兩國最終因歐盟而再度整合，所謂科索沃獨立
不過是多一條邊界，有甚麼好大驚小怪？

愛國盲毛，民族主義落伍了，醒下啦，不過做得盲毛都應該唔會識醒

>>February 18, 2008 at 11:37:49 PM GMT+8