2006 年 5 月 15 日 星期一 【晴】

病了......

>>May 15, 2006 at 1:29:14 PM GMT+8

2006 年 4 月 29 日 星期六 【晴】

這個日記的存在價值是什麼?
請告訴我

>>April 29, 2006 at 8:40:37 PM GMT+8

2006 年 3 月 28 日 星期二 【晴】

它說要delet我的日記,但我為什麼會有不捨的感覺?
我決定也寫寫它吧

>>March 28, 2006 at 7:16:20 PM GMT+8

2005 年 6 月 24 日 星期五 【颱風】

琴晚同豬去左睇【BATMAN：BEGINS】
原來呢套film都妻係幾好睇，不過最衰係坐我前面既男人！
佢個頭全程都阻左個畫面少少，咁樣其實都唔緊要，因為我可以坐過另一邊少少
但係到左最後最緊張既時候，佢竟然成個人坐左起身，完全阻左成個畫面！
我真係勁憫，嬲到爆
佢前面就冇阻礙，睇得清清楚楚，但係佢有冇諗過佢後面既人？
攪到我全程都好似俾野咬，完全坐唔定．．．

講返套film先～
呢套野都幾驚架，我俾佢嚇左幾次
而最辛苦既，當然就係豬隻手臂啦，簡直係青筋暴現，哈哈～


聽晚我就會同ｓｂｃ既同學女一齊去ｄｉｎｎｅｒ
真係好期待呀～～
因為今次係去食我最愛既Italian Tomato，我一定會勁食！
好啦豬！我答應你，我會幫你食一件「士多啤梨忌廉蛋糕」同「明太子墨魚天使麵」～
同埋呢個暑假我一定會同你食一次架！

>>June 24, 2005 at 1:06:45 PM GMT+8

2005 年 6 月 21 日 星期二 【乍寒還暖】

由今天開始便與媽咪，婆婆，唔媽返大陸玩２日
今次既目的地係新會＆古兜（我真係唔知呢２個係咩野地方）
全程最好既就係溫泉同埋酒店
因為間酒店真係好靚好舒服，而個溫泉四周環境勁靚
其中一個泉聲稱可以提高ｘ功能，所以勁多男人浸，攪到我都唔敢浸，哈哈～
另外仲食左好多荔枝，多到食到傻左．．．
不過最衰既就係部旅遊車唔好坐＆衛生差

係呢個ｔｒｉｐ入面，最好笑既竟然係我有「艷遇」！！！
係最後一日，我地去左一間酒樓食晏
其間有一個侍應（簡稱甲）不停咁望住我，而佢個ｆｄ（簡稱乙）亦不時望住我
攪到我鬼死咁唔自然，而我媽咪亦都ｆｅｅｌ到有人望住我
到食完晏，我準備去洗手間時，乙竟然俾左張紙我
上面寫住甲＆乙既手提電話ｎｏ同埋「交個朋友嗎？我們兩個想做你好朋友啊！」
我睇完即刻笑左出黎．．．（我真係太衰，不過冇計啦，哈哈～）
之後我俾左我既ｅｍａｉｌ佢地，叫佢地ｓｅｎｄ　ｅｍａｉｌ俾我
但我之後諗諗下，發現．．．佢地好有可能係冇電腦，咁又點ｓｅｎｄ　ｅｍａｉｌ呢？
總之就係個笑字～
其實我又點會打電話俾佢地呢？真係攪笑到爆～
之後我同導遊講呢件事，佢竟然唔信喎！
仲話帶過咁耐團，都未見過咁既事，哈哈～～～

>>June 23, 2005 at 3:38:17 PM GMT+8

2005 年 6 月 20 日 星期一 【酷熱】

今天係１６個月的大日子～
與豬做了一次我平時不會的事－－－ｇｕｍ
原來真的會很累很累呢，不過很快樂
走的時候，雙腳也十分軟，而且肚子很餓呢，哈哈～～

不過回到家發了脾氣
我明白現在我是在放假，但放假便要做好所有家務？
放假＝十分空閒？
我不可以靜靜的坐在家休息嗎？
休息的時候一定要掙錢嗎？
就算是上學的時候也要掙錢嗎？
我不可以出去玩嗎？
我寧願每天也上學．．．
我什麼也不知道了

找不到另一份兼職很氣餒
我明白已經有份應該很快樂，但是我做不到．．．

不想再說難過的事
今天是我們１６個月大月子
我希望我們永遠可以開開心心，嘻嘻哈哈
好嗎？

>>June 20, 2005 at 10:40:06 PM GMT+8

2005 年 6 月 12 日 星期日 【酷熱】

呢幾日真係好鬼忙呢～
因為要陪媽咪周圍買，另外我最近２晚都去左睇演唱會
＊極度莫文蔚演唱會２００５＊
呢個演唱會我真係期待左好耐好耐，因為係我鍾意佢以來第一次睇
所以我真係好鬼興奮＆緊張＆開心
第一晚我就同ｋａｔｙ睇，而第二晚就同豬睇

＜第一晚＞
第一場就好好彩，我地由本來睇＄１００變左＄４００呀～
因為ｋａｔｙ拎到２張免費＄４００飛，真係好多謝你喔＾＾
所以多左出黎既２張＄１００飛就俾左ｋａｔｉｅ＆迪，希望你地會ｅｎｊｏｙ啦～
＊另外，多謝豬幫我四周圍搵人去睇＊
我同ｋａｔｙ仲買左螢光棒去支持莫文蔚
一入到去原來我地係坐正台既第３行，同個台好鬼近呵～～
而且仲見到蔣怡＆佢男朋友，不過佢就ｃｏｏｌ＆瘦到死．．．
係演唱會既中途，蔣怡竟然冇啦啦拎個粉盒出黎補粉
（其實冇人會係演唱會中途影佢相囉，佢又唔係主角．．．）
之後睇睇下演唱會既時候先發現，原來黃日華坐左係我隔離！！！！
我即刻將自己瘋狂既行為稍為收歛些少
另外，係整個演唱會入面，我２次捉到ｋａｒｅｎ隻手，真係開心到震～～～
今晚既嘉賓分別係劉德華＆古巨基
真係好鍾意ｋａｒｅｎ扯開劉華件衫ｏ個度，正爆！
＊後來先知道原來黃日華係讀ｓｂｃ，早知就同佢講啦，哈哈～～＊

＜第二場＞
呢場我就同豬睇＄２００，ｋａｔｙ同ｖｉｃｋ就睇＄１００
我係入場之前竟然見到ｋａｒｅｎ既哥哥，我即刻尖叫左＾ｏ＾
最衰我隔離坐滿晒人，如果唔係我就可以同佢地一齊坐＆一齊玩ｌｕ．．．
因為我知呢場係坐遠左，所以就叫豬拎望遠鏡俾我，等我可以再一次近隔離望到ｋａｒｅｎ
ｔｈａｎｋｓ豬＞３＜
呢場又可以同ｋａｔｙ影相啦～
不過冇同ｖｉｃｋ影呢．．．．同埋我地４個都冇一齊影呢．．．．少少失望．．．．
另外，因為我地知道今次既Pong Bong Stick第一次有adidas既logo，而且好靚
所以我拎左好多個呀，哈哈～
唔知係咪睇左第一場，知道晒佢大約既野，所以我呢場主要聽佢唱歌
但係聽聽下，突然俾支Pong Bong Stick打中左，原來因為後而既女仔太激動呢．．．
不過我都好激動咁成日大叫～
今晚既嘉賓分別係吳彥祖＆Ｅａｓｏｎ
當吳彥祖出場既時候，我ｆｅｅｌ到全場既女性都為佢而大叫，當然我．．．都一樣，哈哈～
我仲影到ｋａｒｅｎ扯吳彥祖件衫，簡直係太型呀！！！

睇完呢２場演唱會，發現原來冇咩人買螢光棒，所以覺得其實冇咩氣氛
ｄ人只係拎住支Pong Bong Stick
另外，我最鍾意既係莫文蔚對腳，同埋佢腳上既高跟鞋，真係好正．．．
而且有一ｐａｒｔ唱「Close to you」我都好鍾意呢～
因為全部係腳所組成既一ｐａｒｔ舞

希望佢可以快ｄ係ｈｋ再開演唱會，而我就會再去睇架啦～

豬～
唔知我琴晚有冇嘈爆你對耳仔呢？哈哈～～

>>June 12, 2005 at 6:29:50 PM GMT+8

2005 年 6 月 8 日 星期三 【晴】

我既暑假已經開始囉～
係呢個暑假入面，我ｐｌａｎ左好多野想做
去：ｃａｍｐ，２次海洋公園，行旺角尖咀銅鑼灣，探公公爺爺，搵『女麻女麻』，返工
食：好多好次壽司，itialian tomato自助餐，ｋｆｃ
買：衫褲鞋襪首飾禮物
＊當然包括搵我既朋友去玩啦，嘻嘻～～＊

豬由呢個星期開始要考試啦，你要加油呀，知ｍａ？
我會無限量支持你架～～
ｉ　ｌｕｖ　ｙｏｕ

係呢個星期五＆星期六２日，我會去睇ｋａｒｅｎ莫文蔚既演唱會
而且我仲將會睇晒２場呀，真係好開心呀！！！
除左係睇莫文蔚之外，我仲係睇嘉賓
好似話有吳彥祖＆古巨基，我真係好興奮呀～～～

>>June 8, 2005 at 7:46:48 PM GMT+8

2005 年 6 月 3 日 星期五 【清涼】

悶了很久，不知自已想寫什麼．．．
昨日剛剛考晒試，不過就剛剛遇到女仔痛
很不開心，很痛，而且吃了止痛藥也沒有用
步進試場，好像一舊雲似的，完全不能用腦
但我要考ｑａ，即係計數呀！！！
好慘好慘的便過了一日

>>June 3, 2005 at 5:10:34 PM GMT+8

2005 年 5 月 21 日 星期六 【微雨】

「如何在對方做了錯事，或傷害了我們之後，依然深愛對方？」
首先，要明白，就算是靈魂伴侶也不完美
因此犯錯是必然的，若你明白了這個道理之後
你便擁有原諒對方的心
要知道就算你放棄舊的人，換上新的人
新人是仍舊會犯錯的
你只可選擇分手或者原諒
你不可選擇一起之後，卻又永不原諒對方

「為什麼會出現相愛過後的變心與分離？」
對方變心即代表他不再是你命運中的導師
你須要在他身上學的東西已經學完
所以導師是時候要離開
而不久之後，命運便會安排另一位的導師出現

「什麼才是世界上最偉大的愛情？」
自愛是一切上所以偉大愛情的根源
只有自愛過後，才能激發出愛別人的能量
因此愛著別人的同時，別忘記自愛
另外，只有自愛的人，才有能力去糾正對方在愛情的錯誤
自愛的人是最清醒最有力能，最有能力的愛情導師

＊以上係當我睇緊《二姝夢2》時，覺得好正既部分＊




以上係2004年4月8日我日記既內容

>>May 21, 2005 at 3:58:44 PM GMT+8