2004 年 9 月 18 日 星期六 【晴】

抱擁這分鐘 鄭秀文

忘記了世界這分鐘 跌進了這愛的裂縫
燃亮燭光 祗管相擁 來佔據了這晚星空
捉緊一剎那的認同 如夢的將來 儘管一點不懂

完全明白是放縱 但是祗得這刻可相信
未來又怕會 終於都撲空

你叫我最快樂 你也叫我最心痛
愛在迷惘中 你叫我最渴望
卻也叫我猜不中 誰可以這樣折衷

曾與你愛過卻匆匆 過去己有太多類同
誰在心中 怎猜得準
能跌進這晚愛火中 彷彿一切已經共同
仍是不敢祈求 熱戀多一分鐘

要說永遠愛吧 卻怕仍然未相信 永未能看通
要說這晚算吧 卻覺愛己經失控
寧願再繼續抱擁

>>September 18, 2004 at 2:06:05 PM GMT+8

2004 年 9 月 9 日 星期四 【綿綿細雨】

「自由自在中」

每日既生活真係好～開～心～
真係想繼續咁過一上呢種頹廢生活，哈哈
但另一方面，又好期待返學
好矛盾呢．．．

小婷：
生日快樂～
要記得打牌搵埋我呀

ｋｉｔ：
好擔心你呀．．．
有咩就同我講啦

>>September 9, 2004 at 1:19:56 PM GMT+8

2004 年 9 月 4 日 星期六 【晴】

喜歡戀愛 鄭秀文

其實我係喜歡你,定係因為我喜歡戀愛呢?
但係有一樣野可以好唔同,我可以好喜歡戀愛.
但係唔喜歡你,但係唔喜歡你,我又可能好喜歡你但係根本完全唔喜歡,
什至乎係驚左戀愛,或者我應該先要諗通一件事,
就係點解呢個人會係你,其實我係黠解開始喜歡你?
而呢種感覺又係咪真正既戀愛?
0係識你0個晚,交換電話號碼,拉過左成個禮拜,
睇下最後個結果,邊個先忍唔住打比邊個先呢..
定係因為佢係一個已經絕左種仲會用手巾仔既30幾歲既男人,
又或者係我覺得佢0個隻手唔知點解好似我第一個男朋友咁,
所以我就好想好想好想比佢拖住,其實唔知係咪因為咁,我就開始喜歡左你..

談什麼戀愛 無需深愛
情非都不必急於痛改
難得到你的將來 誰會覺得意外

誰人都可愛 誰也可不愛
被我喜歡的都離開 但是沒有害
麻木的我與你暗中往來
殘酷的卻是我太喜歡戀愛

我記得我曾經問過一個朋友,問佢最大既興趣係咩野,
佢既答案竟然係談戀愛, 佢就即係補充話並唔係剩係鐘意戀愛帶比佢
0個種好甜又溜愛到死既感覺,
仲包括埋戀愛裡面不可劃缺既猜疑同妒忌,
盲目同沉悶,佢都照單全收, 因為如果要真正戀愛,
佢就知道會搞到自己又喊又笑,有開心,有傷心,有憤怒,
佢話咁先係戀愛喎, 其實我地每個人都需要戀愛.
但係好多時都缺乏0係面對愛情既時候所必須要既一份勇氣,
而0係我地身邊四周圍大多數人都因為曾經戀愛遍體鱗傷,
所以就算我地咁鐘意戀愛,就算真係咁好彩,比你撞到0個一個,
我地最後問自己既改變...
其實並唔係愛唔愛,而係敢唔敢愛...

談什麼戀愛 無需深愛
情非都不必急於痛改
難得到你的將來 誰會覺得意外

誰人都可愛 誰也可不愛
被我喜歡的都離開
但是沒有害 麻木的我與你暗中往來
殘酷的卻是我太喜歡戀愛

＊呢首歌既第２段讀白真係好正＊

>>September 4, 2004 at 11:06:16 PM GMT+8

2004 年 8 月 30 日 星期一 【綿綿細雨】

＊大嶼山２日１夜頹廢ｃａｍｐ＊

晨早９：３０就去到中環碼頭坐快船入去
哈哈，其實我都覺得快船係好貴，但係我坐慢船就會嘔，所以．．．
入到去就即刻租屋～
本來我都想租貝澳既渡假屋，但係比較遠，而我又好鬼懶
所以．．．都係租返梅窩既屋，點知都係＄２００，好平呀～～～
ｃｈｅｃｋ完ｉｎ就放底ｄ野．即刻出去行下，同埋買野食
去到第一間茶餐廳，佢地竟然得好少野食冇得揀，所以就即走，去過第２間
食完之後就去大嶼山唯一既２間超級市場－－百佳，惠康
買完野做返屋休息下．．．
呢間屋真係好攪笑，因為可以租碟睇架，而且仲好新添～
哈哈，我呢個超級ｏｕｔｄａｙ既人好似未野戲都未睇過咁～～
我地只要俾＄２０就可以任睇ｖｃｄ，好平好平～
所以我呢個＊大嶼山１日２夜頹廢ｃａｍｐ＊就不停咁睇戲
我既晚餐就係大大小小既罐頭，麵包同生果，因為我地真係太懶啦

今日既我非常自由自在安全，好成功咁做到我呢個暑假最想做既事
雖然今日唔可以落水，但係我可以慢慢咁係沙灘上面上行黎行去
用腳去感受一下好耐冇見既海灘，用頭髮去接觸一上濕淋淋既海風．．．
咁樣既生活真係好寫意，真係好想之後既日子都可以係咁樣

呢日真係可以話係我呢個暑假過得最開心最開心最開心～～～
身心都可以得到休息，而且仲有意外收穫．．．
＊總之今次去ｃａｍｐ真係好難忘＊

>>September 3, 2004 at 11:03:01 AM GMT+8

2004 年 8 月 26 日 星期四 【乍寒還暖】

我老闆真係激死我啦！！！
竟然痴心妄想，諗住一日之內完成２份報告
但係我覺得最奇怪就係「點解佢之前唔提前做好準備，又或者早幾日做定先？」
不過佢最勁就係「臨急抱佛腳」，我又可以點做呢？
唉，最慘既當然就係－－－我啦

一份報告裡面既每一張紙，至少起碼要改５～６次
而且每一次改完之後，都要ｐｒｉｎｔ出黎俾佢過目
我真係覺得好浪費紙張！佢係佢又冇咩反應，佢係老闆，我可以點？唉．．．
晨早開始做，做到直到５點半先做完第一份（我只係做完我ｏ個個部分，其他唔知）
之後佢就同我講「ａｍｉｅ，你可唔可以留多３０分鐘？我想你幫我手，做埋第２份報告」
嘩．．．．你唔好講笑啦，老細！
你一份都可以做成日，咁做多份我咪唔洗返屋企？！
啞口無言既我當然冇任何反抗既餘地．．．
做到６點半（已經做多左半個鍾）佢仲仍然不停咁俾野我做
我真係唔知佢想點呀～～～～？？？！！！
忍唔住口都要同佢講「我其實６點半就要走囉．．．」
佢就話「你做埋呢ｄ文件先走啦～」
唉．．．又做又幾個字．．．
其實我唔係話唔願意加班，但係我都好希望佢諗一諗理想與現實既分別
唔好成日講一ｄ冇可能實現既事
＊其實我都有少少私心，因為你今日返黎，我想早少少走，可以早少少見到你～＊

你冇肥冇黑冇變樣，只係多左個紋身～
嘻嘻，你攪到我都好想紋呵^o^
手信：５支潤唇膏，一件衫，一支洗面膏＆ｃｒｅａｍ，藥丸盒
嘩，好開心，呢個冬天唔洗驚冇潤唇膏用ｌｕ～～～～～
＊今晚見到你真係好＊

佢冇啦啦做咩又同你講埋呢ｄ咁既野？
好驚事件重演．．．

>>August 27, 2004 at 10:25:12 AM GMT+8

2004 年 8 月 26 日 星期四 【雷雨】

份工做埋聽日（星期五）就辭職，好期待可以日日做自己野既日子～～～
我要訓晏覺，睇電視，打機，去街，睇書，收拾房間，整野食．．．．
希望我可以全部做晒^0^
＊期待假期～＊

你今晚返黎，好想快ｄ見到你呀～

>>August 26, 2004 at 2:04:08 PM GMT+8

2004 年 8 月 24 日 星期二 【乍寒還暖】

問答題：
「記得食藥呀～」ｘ１００００００次－－－我宜家中西藥一齊食，希望快ｄ好返
「有冇用護膝？」－－－有呀，但係今日都痛＞＜
「你老細有冇蝦你？」－－－有呀，佢係咁俾野我做．．．

仲有好多野想同你講呢
我好累好眼訓好想睇電視好想同你悠悠閒閒咁一齊笑．．．（其實仲有好多）
雖然今日得好少時間同你傾計，但係我真係好開心
因為你記得打電話俾我，搵我
真係真係好掛住你．．．
快記得ｄ返黎．．．

＊２次驚喜，多２次牽掛＊

>>August 24, 2004 at 11:11:17 PM GMT+8

2004 年 8 月 22 日 星期日 【乍寒還暖】

教完小朋友做手工，即刻急不及待返屋企
我真係太眼訓啦～～～～
由起身一刻開始，個人好似夢遊咁：食野，出門口，搭車．．．
我要放假呀！！！
返到屋企即刻入房訓覺，到起身既時候發現喉嚨好痛＞＜
又病啦．．．

唔知道泰國宜家係唔係仍然好熱？
佢既河粉係唔係仍然咁好食？
人妖姐姐仍然咁靚咁正？
海灘仍然水清沙幼？
呀．．．．．～～～～
泰國呀～～～～
＊快ｄ返黎呀，我已經好掛住你啦．．．＊

>>August 23, 2004 at 10:42:26 AM GMT+8

2004 年 8 月 21 日 星期六 【乍寒還暖】

究竟什麼叫做「發脾氣」？

>>August 21, 2004 at 2:29:31 PM GMT+8

2004 年 8 月 21 日 星期六 【乍寒還暖】

愛是最大權利 Pink PunG

可不可與你放膽嬉戲　忘掉日與夜那些限期
不管身邊幾多無聊道理

手拖手與你演齣好戲　遊行直到夜晚多淒美
爭取這一次　走幾千百里

沿途留心　掌心的知覺也著緊
我認我認我愛得太過份
人群漸近　想改寫你我命運
任天塌下亦前行　哪怕你說我天真

憑我徹底的勇氣　愛是最大權利
不理場面不偉大　我共你始終同遊生死
還有哪一種結尾　花光一切在乎你
沒有想過太多　我只需要你

路到盡頭也置之不理　寧願為愛著你不捨棄
爭取多一次　我身邊有你

沿途祈禱　始終一天我會望到
你是你是我的所有態度
無從預告　多曲折每斷路
路中幾多的勸告　我怕我會聽不到

憑我徹底的勇氣　愛是最大權利
不理場面不偉大　我共你始終同遊生死
還有哪一種結尾　花光一切別嫌棄
若已想過太多　我只知愛你

>>August 21, 2004 at 2:10:01 PM GMT+8