2004 年 6 月 8 日 星期二 【酷熱】

今日去荃灣既城門谷
望下靚仔救生員，靚仔泳客，真係一件好賞心悅目既事，哈哈～
之後就行荃灣，一直都冇行過，我真係好鬼ｏｕｔ
行到荃灣既新之城既時候
見到ｖｉｖｉｅｎｎｅ既耳環，好吸引呵！
ｅ～你都係睇中左呢對耳環？
咁不如我地每人一隻啦，好唔好？
你又睇中左個ｐａｔｒｉｃｋ　ｃｏｘ袋？
買啦買啦～～～

>>June 18, 2004 at 10:07:21 AM GMT+8

2004 年 6 月 7 日 星期一 【晴】

今日我肩負起教阿寶打牌既重任，我會好好努力！
哈哈，其實我打牌都係得半捅水，而且又成日唔記得，你唔好介意呀～
攪到成日，我終於將自己識既野都教晒你
希望你之後會記得，而且仲識得打啦～

我地之後就出左旺角周圍睇，而且仲去左好景
去到好景最好笑既就係ｏ係好景門口，仍然搵到個阿伯
呢個阿伯勁騎呢架，我幾年前都已經知道佢專門係好景門口叫好口號，而且ｄ口號仲．．．
真係覺得佢好勁，做左咁多年都仍然做緊，非常敬業樂業！
之後就返左新蒲崗去買ｐｓ２　ｇａｍｅ
買完就返屋企ｌｕ～

>>June 18, 2004 at 9:54:39 AM GMT+8

2004 年 6 月 6 日 星期日 【酷熱】

夜晚睇左「大佬愛美麗」
雖然我係去過戲院睇，但係可以見到奠文蔚，睇多次都抵～～
之後就返屋企食飯

＊其實咁耐之前既事，我都開始唔記得啦．．．＊

>>June 18, 2004 at 9:38:58 AM GMT+8

2004 年 6 月 4 日 星期五 【晴】

每日下午既時候，我老豆就特別鍾意由公司逃走返屋企，今日亦都唔例外
本來諗住佢大約四點至五點先返，所以．．．
點知我老豆突然三點幾就返到，點算好！？
我地唯有．．．之後．．．好彩之後都冇事
嘩，真係嚇死我呀＞＜

夜晚就同阿寶去左葵芳睇「莫斯科馬戲團」
真係好多謝ｋａｔｙ，如果冇你，我就冇得睇架啦～
入到去黑媽媽，點知行行下，阿ｙａｎ好大聲咁叫我「AMIE～」
哈哈，我完全俾你嚇死呢．．．
「莫斯科馬戲團」都幾好睇，其中有一男一女巫走出黎同觀眾玩，佢地勁抵死～
另外仲有空中飛人，騎馬表演，狗表演足球．．．其他我都唔知點講

一段勁廢既說話：
「ｅ～你做咩咬爆左人地七個波呀？」
「我只不過用個龍門掃底個主持者～」
之後我地兩個講完之後，就笑到收唔到聲．．．～

之後就返左慈雲山食糖水，好滿足呢^o^

>>June 18, 2004 at 9:35:28 AM GMT+8

2004 年 6 月 3 日 星期四 【晴】

好無條件咁係屋企等到六點
因為要等ｋａｔｙ放工之後一齊出尖咀行街
我地行左好多地方，而且大家都買左好多野
藍色閃下閃下既星星，唔知靚唔靚呢？
但我就覺得好靚，所以就即刻買左～
之後就去左食italian tomato buffet
食狙好多件蛋糕，好滿足呵～
之後就陪ｋａｔｙ去買衫，佢好勁呀，買左好多件
最後就返屋企ｌｕ～

>>June 17, 2004 at 5:59:40 PM GMT+8

2004 年 6 月 2 日 星期三 【酷熱】

今日係去海灘既大日子，好期待～～～
我地６個人呢個組合好奇怪＆攪笑
我同阿ｋｉｔ知道肥谷既特別之處，當然．．．
哈哈，肥谷佢真係好好笑，真係好後悔咁遲先識到佢
＊肥谷，我地其實好善良架＊

個海灘既水都好清，而且個海灘好似冇人咁，得我地幾個玩晒
我地幾日借左水泡諗住游出浮台，點知．．．
佢地幾個唔知點解落左水之後就游唔到，只係攬住個水泡
之後就玩排波，繼續游水
玩到大約四點就走
真係好累但又好開心既一日

我應該會變得好黑，因為我好少曬到好似今日咁勁
哈哈，我會成為泰妹呀～～

>>June 13, 2004 at 12:25:01 PM GMT+8

2004 年 6 月 1 日 星期二 【酷熱】

下午同ANNIE出左旺角行街
我地好似好耐冇一齊行過街啦，真係好掛住你～
買左拖鞋，衫，食左好多壽司，好滿足

夜晚阿寶黎左搵我
突然間飛龍由你個袋度走左出黎，真係估唔到，好開心～～
我今次會好好保存佢，唔會俾佢唔見

>>June 13, 2004 at 12:13:23 PM GMT+8

2004 年 5 月 31 日 星期一 【酷熱】

晨早就俾媽咪整醒，之後就同佢地去飲茶
呢間酒樓既野食好好味，仲好味過琴日夜晚ｏ個餐
之後，就去左搵我媽咪既朋友
佢地係一對上左年紀既夫婦，好似已經成七十幾
但佢地仍然好精靈，而且仲對我好好，當晒我係佢地既孫女
陪左佢地一陣之後又去食飯．．．
佢地竟然叫到成張桌都係，不過又好好味呵～
食左好多好神奇既食物，例如鯇魚剌物，炸牛奶，抄羊皮
仲有我成日都唔敢食既雙皮奶．．．
好飽好飽咁食完就返香港
去到香港海關既時候，佢地竟然要ｃｈｅｃｋ我行李＆問我野
有冇攪錯呀，我完全都唔似會有私運毒既人啦，唉．．．

返到香港，都唔知自己做左咩，只係唔想再食野．．．

>>June 13, 2004 at 11:37:32 AM GMT+8

2004 年 5 月 30 日 星期日 【酷熱】

一起身就即刻再收拾行李，因為去返大陸飲呢．．．
未出發之前，表弟黎左搵我幫佢手買生日禮物，呵呵，加菲貓～～～
去到酒店，已經累到死左床上面
有少少唔明就乜要返黎

休息左一陣，就換衫出發
新娘新郎都好靚，特別係佢地件禮服
之後就陪媽咪搵返佢好耐冇見既親戚，而我就負責「陪笑」，真係笑到好無奈
唉，開頭諗住食既野應該唔差，點知，仲差過自己係屋企整．．．
好難食冇味唔知想點，所以食左少少就已經放棄左

返到酒店，好快就訓著左，仲係去旅行以來第一日早訓

>>June 13, 2004 at 11:16:18 AM GMT+8

2004 年 5 月 29 日 星期六 【酷熱】

攪笑既團友～

２位靚姐姐
佢地２位由頭到尾都係自成一角咁，好靜（同我完全相反呢．．．）
而且佢地買野好豪呢，又買鑽石，大量手信．．．
唉，真係有錢人～
好記得佢地２個臨走既時候，竟然邀請我同佢地影相
哈哈，好開心好開心～～～

白雪雪姐姐＆佢男朋友
白雪雪姐姐係今團最白既其中一位
佢既皮膚真係白得令人羨慕，去左珊瑚島曬足成日都完全冇事，黑都唔黑
最多就係有少少紅，勁呀～～～
好記得去蛇園既時候，ｏ個間房好凍，而我冇帶外套
佢好好人咁借左佢ｏ個件俾我，真係多謝你^^
而且我同佢地２位仲有一段好攪笑既對話，嘻嘻．．．

四對勁潮既夫婦／情侶
係香港既機場，我已經留意呢八位團友
佢地由頭到腳都係名牌，而且都係戴住黑超，個勢有ｄ邪惡＆串
另外，佢地八位都係煙不離手
原來佢地係警察黎架，真係估唔到呢．．．
不過原來佢地都唔惡既，其中一位姐姐仲好主動咁同我傾計
哈哈，知道左知佢地係非常貪玩添～～

賤男２位
對於佢地叫乜名，我完全唔想知，只係知道佢地全程都係度溝女，勁討厭！
明目張膽，扮晒同其他女性好熟成日走去佢地身邊吹水
最頂唔順既就係，連團入面最細個既小朋友都唔放過，成日攪佢
如果我係佢既父母，我真係想開口罵佢！
另外，其中一位可以話係成個爆竹咁，一開口就講唔停，而且仲要講野勁大聲，勁煩囉．．．
乜都唔識但又要出聲扮晒野，完全係「冇學冇品」
睇人妖呢日，我都好不幸地成為目標呢，好坎坷＞＜
最後都俾佢地搵到一位女性埋手，真係冇眼睇．．．
其實如果佢地２個係靚仔既話都冇咁討厭，最衰就係佢地超衰
而且仲要係中年大肚地中海，天呀．．．

>>June 10, 2004 at 5:33:19 PM GMT+8