2004 年 5 月 19 日 星期三 【綿綿細雨】

一起身就好辛苦啦＞＜
全身既骨都好痛，今次真係病啦
因為驚自己由少病變為大病，所以就走左出去睇醫生
去到尖咀睇完醫生之後，媽咪就話不如剪頭髮，所以就去左搵ｔｈｏｍａｓ
佢剪左我好多頭髮，攪到宜家短左好多
之後就陪媽咪睇手袋．．．（其實好累呢．．．）
睇左好耐，佢竟然買左ｐａｔｒｉｃｋ　ｃｏｘ
真係好驚訝，因為我估唔到佢都鍾意呢個牌子
哈哈，咁我又有得用ｌｕ～

究竟發生左咩事？
我開始唔清楚你既諗法．．．

>>May 19, 2004 at 10:09:37 PM GMT+8

2004 年 5 月 18 日 星期二 【微雨】

今日係我去ＨＫＵ面試既大日子
其實都覺得好奇怪，因為身邊好多人都有揀ＨＫＵ
但就唔洗面試，點解呢．．．？

前幾日，我已經埋首係地圖度，因為我完全係香港島白痴
唉，搵到又點呀，都唔知搭咩車好．．．煩！
最後，竟然係蔡ＳＩＲ幫我搵搭乜車，真係好攪笑呢～
＊真係好多謝曾經幫我搵過地圖既朋友＊

晨早七點幾就起身，攪到八點就出門口
去巴士站真係好無奈，等左好耐都唔覺有巴士路過，灰．．．
去到我面試既呢個學系，原來有好多人，不過冇乜男仔
全部既打扮都好ｃａｕｓａｌ，好彩者，我幾驚ｄ人著晒ｓｕｉｔ
一去到就識左個女仔，其實係佢主動同我打招呼
面試既時候，完全好似文化口試咁，分開個人短講同小姐討論
不過個人短講就有少少攪笑，係有其他工具－－－鋁條
我地就要用呢幾條鋁條黎介紹自己
到小姐討論既時候，就係講香港教育問題
做完最驚既面試，之後就同ｄ大學生傾計，我地仲好攪笑咁要參觀ＨＫＵ
哈哈，攪到我地好似大陸既鴨仔團，而且仲俾人望住晒，煩
＊竟然有２個女仔話我好熟面口，唉，我呢ｄ平凡樣係周圍都有架啦．．．＊

面試之後，就去左搵我媽咪，再ｊｏｉｎ埋其他親戚飲茶（唉，又飲茶．．．）
本來諗住飲完之後就去旺角搵蔡ｓｉｒ，但係當我打俾佢既時候，佢已經上左車走左
哈，佢出旺角又唔通知聲，攪到我成日拎住本書周圍走，好疲倦呀＞＜
唔理呀！
返屋企之後返左ｓｂｃ，將本野放低左係佢抬面就算

返到屋企真係成個人都散晒，又累又病．．．
之後成晚就呆呆滯滯，都唔知做左乜

＊仲有聽日，加油！＊

>>May 19, 2004 at 9:25:04 PM GMT+8

2004 年 5 月 14 日 星期五 【微雨】

晨早就同ｃａｒｒｉｅ慶祝生日
呢次係我地好秘密咁進行，當事人係完全唔知
我地３個好神秘咁去到ｃａｒｒｉｅ屋企
之後見到佢訓到成隻死豬咁，而且個睡姿仲好豪放添～
神智不清既ｃａｒｒｉｅ醒左之後就不停咁傻笑「哈哈．．．．．．」
個樣真係好好笑～
最衰就係冇帶相機，冇得影你個攪笑樣
跟住佢地就去飲茶，而我就返屋企
Ｈappy Ｂirthday，又老一年快高長大青春常駐～

之後成日都同阿寶一齊
又一城，黃一仙．．．
呢度行下個度行下白白痴痴嘻嘻哈哈
＊仲有５日，比心機呀～＊

>>May 15, 2004 at 3:00:18 PM GMT+8

2004 年 5 月 13 日 星期四 【酷熱】

呀，我間房實在太亂啦！！！
攪到５點，我放棄啦．．．．
夜晚就同阿仔，出去「扒王之王」
仔，真係掛住你呀，你仲瘦左好多呵～
記得要ｋｅｅｐ住！
之後就去左搵ｉｒｉｓ，你又瘦左呀！
第一次去到你返工既地方，真係好熱好辛苦
唉．．．

>>May 15, 2004 at 2:48:22 PM GMT+8

2004 年 5 月 12 日 星期三 【酷熱】

今日好忙呢．．．
首先晨早就入左大埔
大約攪到１點，就去沙田，搵親戚飲茶
飲到大約３點就走
之後，就去左「宜家家私」買膠盒
因為我間房既野，真係好耐冇收拾過，亂到喊呢
我諗我一定要整幾日
買住一袋二袋咁，就回家～
返到屋企就即刻落返樓下，去報旅行團－－泰國
夜晚就打排波，好耐冇打過，有少少生疏
跟住社長同章魚就走左過黎
我地傾到成點鐘～

＊今日真係好疲倦，但無無聊聊咁，都真係幾ｒｅｌａｘ＊

>>May 15, 2004 at 2:24:08 PM GMT+8

2004 年 5 月 11 日 星期二 【酷熱】

今日好神奇，我父母都係屋企
所以就同佢地去左荷里活
呢度行下，ｏ個度行下，好舒服．．．
媽咪仲買左一條短褲＆短裙俾我，太好啦～
行行下既時候，見到好多ｓｂｃ既女仔同男仔
佢地好勁討厭！
一見到我，就同佢地既朋友係遠處，指住我黎講
佢地真係有問題架囉，我又冇野得罪你，同親人行下街者！
仲要唔係一次，係兩次
我真係唔覺得我自己有咁多話題俾人地講，而且我又唔係乜野名人
佢地真係有病架！
好討厭呀！！！！！

１）當我地行過一間賣童裝既鋪頭，阿媽：「不如入去睇下有冇衫岩你啦～」
２）我老豆見到ｓｂｃ既女仔個個都好高大
老豆：「阿妹，你睇下～人地都就黎高過你啦～～」
真係吹漲．．．
不過呢２個就係我父母

>>May 15, 2004 at 2:14:00 PM GMT+8

2004 年 5 月 10 日 星期一 【酷熱】

今日就係我最後一科－－－文化口試既大日子
唔知點解，總係覺得考之前練一練係比較好
所以下午就返左學校搵蔡ｓｉｒ
今日練得好唔係好多，一次個人短講＆一次小組討論
之後就去左荷里活搵阿寶
我完全估唔到，閃兔會由你褲袋走出黎，真係好開心^o^

跟住，我就出發去試場，同上次一樣，我今日都係搭的士去～
唉，去到又要等，真係好鬼煩，等到我成個人呆晒．．．
個人短講既題目：
豐子愷既一幅漫畫（一盆盆景，隔離有個人被人綁住）
我第一次個人短講既時候用得咁盡，只係淨返十幾秒，我諗自己既表現都ｏｋ既～
小組討論既題目：
「身為學校時事學會既會員，試找出香港由２００３至現今最重要既三件新聞。」
我就揀左七一大遊行，沙士，同埋自由行
因為頭先係學校既時候，記得蔡ｓｉｒ講過自由行，否則我都唔知講咩好，嘻嘻～
其實七一大遊行同埋沙士就一定入選，只不過最後一個比較難揀
但係其他ｏ個４個人，佢地既選擇就係禽流感，維港巨星匯，皇馬訪港，保護維港海岸
我聽完真係成日人都呆左．．．
揀維港巨星匯，皇馬訪港同埋保護維港海岸呢３個人，都唔知佢地想點
但係講禽流感ｏ個個人死都話自己講既「禽流感」係最重要
我講到個口都就黎爛，佢都堅持己見，我頂佢！
個題目叫我地搵３件新聞，但最後都搵唔到．．．
不過我覺得今日口試，如果要死既，我諗應該都未到我既～
走既時候就勁無奈囉，又唔識路，又肚餓，搵左好耐先搵到地鐵呢

今晚好出奇咁，我同左屋企人出街食飯，因為平日無論點都好，都會係屋企食．．．

＊我好清楚對我黎講，宜家最緊要就係阿寶，其他既野，根本唔重要＊

>>May 11, 2004 at 12:59:49 PM GMT+8

2004 年 5 月 9 日 星期日 【晴】

好驚訝．．．！

相似咩？我完全唔覺
我覺得你地不同既地方，多過相同既地方
你地最主要既分別就係「性格」
另外，我既心意都好重要
你有太多好處，但你唔覺．．．

原來幾年前，我真係估得岩
但係當時我冇開口講出黎，因為我完全唔知對方既諗法
另外，呢野樣，我的確唔在行
我覺得每次呢ｄ機會，都會係我身邊流走
知道左，反而覺得舒左一口氣出黎．．．
宜家就算俾對方知道我當年既心意，我都覺得冇所謂

>>May 11, 2004 at 12:57:25 PM GMT+8

2004 年 5 月 8 日 星期六 【晴】

好忙碌既一日呀！！！

下午，我就返左學校練中文ＯＲＡＬ
其他人因為朝早落大雨，所以就唔黎，最後只係得３個人練
哼，好討厭ｄ人冇口齒
答應左蔡ｓｉｒ返學校練，但竟然唔出現
一諗起如果我地３個都唔出現，覺得蔡ｓｉｒ好慘．．．
呢幾個小時入面，我練左４次個一短講，勁呀！

接住，我就約左幾朋友去見工
阿棠，唔好意思呀，我下次一定唔會攪到要你等咁耐，ｓｏｒｒｙ．．．
今次見工，我真係完全唔驚～
因為ｉｎ我地既就係我既朋友，熟口熟面

見完工就即刻飛去旺角，同媽咪既親戚食晚飯
唉，又遲到，真係好對唔住呢．．．

>>May 9, 2004 at 6:51:47 PM GMT+8

2004 年 5 月 7 日 星期五 【晴】

夜晚，等埋ｋａｔｙ放工，我地就出左銅鑼灣行街
我地好似癲左咁，見到乜都買，好似冇理過要幾多錢
戰利品：
１）ｎａｎａ漫畫（其實係ｋａｔｙ之前一早幫我買定既）
２）水晶耳環（媽咪既禮物）
３）珠珠頸鍊
４）鞋
５）大量壽司
６）ａｎｎａ　ｓｕｉ止汗濟（好香！）
之後我就肚滿腸月巴咁返屋企ｌｕ～

我地食緊壽司既時，究竟俾ｋａｔｙ見到ｄｏｌｌｙ既紅色氣球
如果我地未食之前去左ｔｉｍｅ　ｓｑｕａｒｅ就可能會拎到架！！！
ｄｏｌｌｙ香水真係勁香呀
攪到我都好想買．．．

原來我，你，阿ｖｉｃｋ，係有呢ｄ咁攪笑既關係，哈哈～～～

>>May 9, 2004 at 6:28:45 PM GMT+8