2004 年 6 月 20 日 星期日 【清涼】

今日下午同阿寶行旺角，之後就再去左樂富
買左２件衫俾我父母
換ｓｉｚｅ，接我媽咪放工，陪佢買野，幫佢拎野
最後返屋企

雖然冇咩實際做過野，但係就好累．．．

>>June 23, 2004 at 11:28:05 AM GMT+8

2004 年 6 月 19 日 星期六 【清涼】

起身都成１１點幾，就落樓下食晏
點解ｄ侍應見到我咁驚訝既？
食完晏就同阿寶一齊走，你就去教水，我就返屋企
途中返到荷里活打俾ｋａｔｙ，原來你同阿ｖｉｃｋ都係荷里活
所以即刻走左黎搵你地囉～
第一次見到阿ｖｉｃｋ佢冇戴眼鏡，原來都好得意架，哈哈～
之後，我就返屋企等ｋａｔｙ＋ｖｉｃｋ一齊出街
當然一返到屋企就即刻俾我老豆罵，而且我仲同佢對罵左好耐．．．

我地首先就出左尖咀周圍行，但主要都係幫ｋａｔｙ睇涼鞋
我地２個人女仔行街既時候，好似完全冇理會過阿ｖｉｃｋ
不停睇手袋化妝品鞋首飾野食玩具閃免孖星
（第２次係ｖｉｖｉｅｎｎｅ度見到ｋｅｎｎｙ～）
所以攪到佢好似激悶咁，真係唔好意思呢．．．
ｋａｔｙ你就有錢啦，去到ｆａｃｅｓｓ既ａｎｎａ　ｓｕｉ即刻買唇膏，有錢人．．．
買完野就去左金太郎食壽司～
呵呵，死啦，我愈黎愈似ａｎｎｉｅ，成日都要食壽司～
食完野就出左旺角繼續睇涼鞋，終於係波鞋街買到

而且我就係旺角睇衫，竟然俾我睇中左條褲
但係得中碼冇細碼，攪到我買唔到，好失望．．．＞＜
希望第日會返貨啦

最後佢地２個就陪我返屋企，ｔｈａｎｋｓ^^
ｋａｔｙ，你幾時變左我屋企既路人甲？
點解我唔知既，哈哈～～～

>>June 23, 2004 at 11:51:43 AM GMT+8

2004 年 6 月 18 日 星期五 【清涼】

「返工等放工」就係當老細出ｔｒｉｐ時，我既格言！
我真係好無聊，完全唔知想點，成日都係上網，寫日記．．．
大家覺唔覺得我好勁呢，我可以一日之內就寫返晒ｄ日記，其實因為我太閒啦

放工之後就去左觀塘搵埋阿寶一齊返屋企
估唔到我老豆今日咁就返左屋企，仲開埋冷氣等我地，哈哈～
唔知我屋企既野好唔好食？會唔會攪到你肚痛？
之後就去左阿寶屋企打機，睇波
本來開頭我地打機都好專心，但之後我地就心不在焉，又食糖水睇電視
攪到３點幾，連波都未睇完就走左去訓，仲訓到成１１點呢
哈哈，原來你訓著既時候，個樣好攪笑，而且你會「褲」被架～

>>June 22, 2004 at 1:52:09 PM GMT+8

2004 年 6 月 17 日 星期四 【酷熱】

好辛苦好辛苦．．．
一返到公司就知道幫老細ｂｏｏｋ既酒店出現左問題
要即刻ｂｏｏｋ過第二間，但係已經冇咩公司願意同我地ｂｏｏｋ
所以真係好驚呢．．．
之後我用晒所以方法，搵之前既同事，搵ａｕｎｔ
最後都攪掂左，不過都用左我成朝時間呢．．．
ｂｏｏｋ到酒店之後，成個人即刻鬆晒～

下午，我老細就要飛去吉隆坡，１９號先返
聰日可以勁ｆｒｅｅ啦，勁開心～～～
老細走左之後，我地都即刻玩刑癩晒，咩都唔想做．．．

放工之後，就去同父母＆親戚食飯

>>June 18, 2004 at 12:23:19 PM GMT+8

2004 年 6 月 16 日 星期三 【酷熱】

估唔到我第三日返工就要早走＞＜
我條腰突然之間勁痛，痛到我隻腳都軟埋，而且個人又忽冷忽熱
真係好辛苦，所以就決定要返屋企
返到屋企條腰持續勁痛，所以唯有訓係張床度等運到．．．
等到大約６點先起身睇醫生
個醫生又係講埋之前講既類似廢話「你冇乜事架，休息多ｄ就冇事架啦～～～」
完全吹漲．．．．
夜晚就同阿寶上左慈雲山食糖水，開心開心～～

＊何唔到俾你講中左，返工冇耐就要請假早退．．．＊

>>June 18, 2004 at 12:05:38 PM GMT+8

2004 年 6 月 14 日 星期一 【酷熱】

今日係第一日返工，唔知道公司係點，有少少緊張．．．
今次我係代替公司一個秘書姐姐，而佢今日就陪我返工，等我熟習一下公司既野
點解要行咁遠既？點解要行條咁長既斜坡？點解要咁熱？點解公司唔搵一個更加好既地址？
一路行返公司，自己就一路諗呢幾個問題
返到公司，真係好感到，因為唔洗再熱
第一日返工我就要早走，因為今日就係我既謝師宴
匆匆忙忙咁返到屋企，阿ｋｉｔ就接住黎我屋企
幫完佢之後，我‘地就ｊｏｉｎ埋小婷，花，ｓｏ　ｓｕｉ，鴨比，ｐｅｇｇｉｅ一齊去

去到酒店見到好多同學仔都著到好隆重，男仔著西裝，女仔著連身裙
反而我就．．．返工衫，真係唔好意思，因為今日我實在太累

呢度既自助餐都唔錯，幾好食架～
之後我地就玩遊戲＆抽獎
玩左一陣，老師就話要走，有ｄ同學都一齊走
但係有ｄ就留底繼續玩－－－「非洲話事啤」
好彩我冇中招，因為ｄ懲罰好變態～
其中我覺得阿奶佢好慘．．．
玩完之後，我就即刻閃走左，因為我真係好好好累呢
＊公司既長命斜簡直令我畢生難忘＊

>>June 18, 2004 at 11:51:18 AM GMT+8

2004 年 6 月 13 日 星期日 【酷熱】

今日係我返工之前最後既假期，我一定要好好珍惜
所以就搵左ａｎｎｉｅ陪我出旺角買衫返工
見到ａｎｎｉｅ佢買得非常興奮，我其實都好想好似佢咁呢
但唔知點解，個人都冇乜ｍｏｏｄ，唉．．．
好彩最後我都買左幾件衫同一對鞋
之後就返屋企ｌｕ～

＊返左工就唔可以成日出去玩，好坎坷呀＞＜＊

>>June 18, 2004 at 11:25:16 AM GMT+8

2004 年 6 月 12 日 星期六 【酷熱】

今日係我呢一生人最後一次既畢業典禮
一起身就即刻搵件校服，因為過左咁耐冇著校服既日子
我真係唔知將佢放左係邊呢．．．
攪掂個人就出門口搵阿寶
佢一見到我就即刻勁笑，你笑乜野？你冇見過我著校服咩？
你自己一陣都著校服架啦，我一定會笑返你囉～
哈哈，果然你仲騎呢過我，件校服好似原本唔係你著開咁，怪～～～～
ｅ，同埋．．．你件校服唔係冇校章架咩？
出左門口冇耐就見到肥谷，哈哈，又有得玩啦～
未去到學校門口，就已經見到蔡ｓｉｒ捉緊校服不整齊既人
到我地一入到去，果然你就即刻俾佢捉左出黎
入到課室好開心，見到好多好耐冇見既同學
而且大部份既女仔都電晒頭髮＆染晒髮，佢地即刻成個大左好多呀～
成個畢業典禮都玩得好盡興，好開心^^

攪掂晒整個畢業典禮，我，ｋｉｔ，阿寶，葉文輝就去左食糖水
嘻嘻，我終於可以同你影到相啦～

>>June 18, 2004 at 11:19:16 AM GMT+8

2004 年 6 月 10 日 星期四 【晴】

因為我就快要返工，所以我決定今日都係整蛋糕＆ｃｏｏｋｉｅｓ
我由今年開始就已經有好多個蛋糕仲未整俾朋友
我再唔整就俾佢地殺死呢．．．
我相信第一個會殺死我既就係ｋａｔｙ，因為佢係二月生日

你既蛋糕，我會加好多草莓落去，希望我會整得好食啦～
另外，你要既ｃｏｏｋｉｅｓ會有好立克味同牛油味
呢２個味係你自己揀架，冇得話唔好食！
仲有呀，個蛋糕同埋ｃｏｏｋｉｅｓ都一定要同我食晒佢，唔可以留低～
最後，食完之後記得俾ｄ評語我～
我要整得愈黎愈好食，哈哈～

今日真係整到好累，我要早ｄ訓呢．．．

>>June 18, 2004 at 10:35:48 AM GMT+8

2004 年 6 月 9 日 星期三 【晴】

成朝都勁無聊，唔合做乜好，亦都唔知有乜可以做，好呆滯．．．
之後阿寶就好醒咁提我，叫我整野食
係喎！！！
我都好耐冇整過蛋糕＆ｃｏｏｋｉｅｓ
所以成個下午就埋首係蛋糕＆ｃｏｏｋｉｅｓ度

夜晚我就將我今日既製成品俾左阿寶
唔知你覺得好唔好食呢？
如果你食到肚痛，我乜都唔知架．．．^o^

今日傑作：
牛油味＆朱古力粒ｃｏｏｋｉｅｓ

>>June 18, 2004 at 10:24:56 AM GMT+8