2006 年 6 月 24 日 星期六 【酷熱】

最後一屆啦


16強報告 : 主辦國德國以2:0輕取打少一個球員既瑞典,瑞典下半場得一12碼,耐何老將拿臣一飛衝天送俾球迷呢??第二場墨西哥先開紀錄下自己又擺番個烏龍下迫和阿根廷1:1,加時上半場由洛迪古斯一腳世界波解決墨西哥!!!

星期日要返工呀~~因為琴晚既加時令我今早起身都要加時先至得呀!!!
哈哈哈~~結果又一次遲半粒鍾啦!!!
返到公司都未醒啦個人,已經有客仔等緊我啦,洗唔洗咁早呀??
更住都唔係太多野做的今天......
都係上網多啦~~得一消息 : 明天要8:30AM到公司,頂呀~~
甚麼裝潢完要剪綵WOR~~FUCKING THERE ASHOLE
收左工澎澎聲回家啦~~好眼訓
打日記+食飯+打機+睇波......
睇完頭場要訓一陣要撐尾場呢??

的下波仔


>>June 25, 2006 at 11:44:21 AM GMT+8

2006 年 6 月 23 日 星期五 【酷熱】

NOW有得睇


交代番琴晚先~~返工既野唔多講啦
收左工同左懿懿去拎老身先,我果張不知幾咁靚仔呀!!!
懿懿果張就包包啦.......
更住就搵野食啦~~結果JOIN埋立+曾+長洲去左間乜冬冬度食海鮮野呀!!!
一路睇波一路食野真係人生一大樂事之一呢??
飽飽就搵埋大雄過去灣仔篤野啦!!!
大雄話要SURE WIN,贏番失去既野WOR
今晚我狀態都係麻麻地~~應入唔入,唔應入又入左,入唔到既又俾我符碌入左
哈哈哈......篤左三板,結果~~一個仙都唔洗俾呀
我要感謝大雄+阿立+阿曾呢??
更住就訓啦......好彩星期六放假唔洗撈姐........

星期六訓到點幾兩點起身啦,發呆咁啦
更住等埋懿懿收工就去包玉剛啦~~爽呀
好開心懿懿陪我一齊日光日白曬到死去SWIMMING呀
佢都好叻呀~~游左七HIT,至於我---都係泡下溫泉+曬太陽呢??
怕一陣游游下嘔埋D公仔面出黎呀!!!
哈哈哈.......
游完回家睇VCD啦......有人睇到喊LOR
更住就睇老母日記+丁丁男啦(下星期六ENDING啦,非睇不可呢??)
更住就睇波啦~~16強開波啦!!!

由球員--->教練的成功例子


>>June 25, 2006 at 11:30:09 AM GMT+8

2006 年 6 月 22 日 星期四 【晴】

移左民過墨西哥


F 組 : 巴西順理成章成為首名啦......但呢三場波都俾唔到世人好大既信心,或許是留力掛,希望巴西盡快谷起狀態啦,朗拿度一度令人擔心其狀態,幸好最後一場波回勇呀,世界杯入球紀錄更超越比利呢；澳洲你會聯想起係亞洲定大洋洲?由今屆開始叫做亞洲啦,由希丁克所帶領,班波本身實力有限但教練廿分之有料所以......我好佩服；克羅地亞頭場一球小負而且踢得不俗,耐何關鍵之戰日旦未能勝出,怪就怪自己吧,多多少少都令好多人跌眼鏡呢；最後既日本啦,薜高其實有幾多斤兩作為球員都心中有數啦,日本所謂既黃金中場大跌WATT呀,前線入唔到波更住問題所在

G 組 : 有點意外既係瑞士竟然首名出線,瑞士以活力+穩守見稱,更成今屆世杯零失球之球隊,以世青杯既人腳作為主力---一絕；貴為98世杯盟主,竟然要係最後一場波先宣告出線,真係令人婉惜不少,係實力所限定係教頭問題?我認為係教頭啦......而且最後一仗個人認為法國佬係收買左多哥呢；南韓---兩個字---可惜,諗住冇問題出線16強啦但.....最後一仗敗陣而回,都係同一問題---教練唔係有料之人；最後係新丁仔多哥啦,最為人熟悉既係---艾迪巴約,但此子始終欠供應,真正威脅---沒有的!!!

H 組 : 西班牙係唔太有威脅下取得首名,而且更打破以往攻擊力不足既問題,頭場更係代表之作,4-3-3真係現今足球新貴啦,個人認為西班牙今屆起碼入到四強的；烏克蘭頭場預左輸嫁啦,幸好兩連WIN取得次名出線,作為新丁有份踢16強都算係咁啦,但16強都應該緣盡嫁啦；突尼西亞係賽前我個人都幾睇好佢嫁,有98冠軍教頭在陣,可惜都係整體實力所限,失望呀；沙烏地阿拉伯同樣有近三屆既特色---梗有一場波輸起碼四蛋的?哈哈哈......都係果句,球員整體質素有別呀,有一分都算係咁啦!!!

荷蘭豆最多喼帽---雲達SIR(又會大左肚既??)


>>June 24, 2006 at 8:04:45 PM GMT+8

2006 年 6 月 21 日 星期三 【晴】

意大利波衫決定---F.NZAGHI 18


琴晚發夢江華俾個小妹妹跟住呀~~唔係人而係鬼呀
我同佢講又唔信,同大雄講又唔信,同埋佢阿哥講都唔信......
更住發夢又上左山頂打波......有大雄+江少,之後我走人先既,更住回頭一望
佢地兩個搭晒博頭咁幾FRIEND呀.......哈哈哈
最後既係夢同文仔+阿立+周傑同我齊齊食野鬥食得多呀!!!
周傑佢話 : 我羸緊啦,我食好多野嫁
文仔就話 : 嘩~~食咁多野死人嫁
而我就冇出聲.......

C 組 : 賽前大家都話呢組係死亡之組~~結果......阿根廷第二場相信係大家覺得最好睇既一場波,因為入球多呢?今場波阿根廷真係想點就點呀,但我覺得係塞黑問題姐,唔可以真正反映出阿根廷真正實力,我始終覺得阿根廷後防係最大問題呀；荷蘭今屆防守出色呀,但已經失去以往既全能足球啦,入球唔係必然,而且踢法都冇咁機動啦,只係守得下,我諗佢都危危扶嫁啦；科特迪瓦呢隻大笨象本身就好波既,大有機會發圍既但衰就衰在係之前曝晒光啦,令列強對佢諸多防範而且賽程唔好令佢更加難發圍呀,不過算係咁啦~~係兩強都入到一球波；塞黑就真係......失球最少之外圍賽隊伍,現在已經成為失球最多既決賽週隊伍啦!!!

D 組 : 葡萄牙勝在球員既腳法都有番咁上下,而且賽程都好有利呀,先對初哥再對傻仔野最後先硬野,三戰全WIN.......黑馬真係唔可以睇少佢,但我覺得最大功臣係---史高拉利,冇佢就冇今日既葡萄牙；墨西哥頭場踢得好好尾場都OK好中場就唔太好.......但死球真係好叉好,我諗墨西哥係32支隊伍發揮死球戰術最好的一隊,最攪野都係教頭---食煙仔俾足協警告；安哥拉今屆踢世界杯都好呀,唔洗三零部隊先呀,當交下學費先啦,感受一下世界杯氣氛吧,守---佢地守得到,但攻---完全唔掂啦；伊朗---亞洲排名佢應該排第幾呢?越來越水皮咁既?初初我都諗住佢有機會16強呀,點知.......下屆都唔知仲有冇得踢啦,中國勁定伊朗勁呢?

E 組 : 今屆真正既死亡之組原來係呢一組,意大刮頭場真係踢得好好,作為意大利FANS點都會抬高佢既,團結+信心已經係致勝之道,VS美國真係失色,更住兩場都算係咁啦,迪羅斯睇怕今屆都唔洗見到佢出場啦；加納---頭場已經唔係野少啦,只係欠經驗姐,第三場聰明左好多啦,少浪射多組織=WIN捷克,令非洲爭取番唔少既面子呀,條中場線真係勁呀；捷克我會用呢四個字形容 : 成也高拿,敗也高拿,虎頭蛇尾嗎?又唔係呀,怪就恢怪班波太依賴高拿啦；美國以今屆世界杯黎睇......令好多人對佢失望呀,完全擔不起世界排名咁高位置呀,美國都係打破唔到係歐洲國土頭場羸波呀!!!

邁向16強啦!!


>>June 22, 2006 at 4:44:19 PM GMT+8

2006 年 6 月 20 日 星期二 【微雨】

東岸兩大中鋒


世界杯分組總結之我見 :

A : 主辦國德國係意料之內中取得首名,頭尾三場分組賽令我對德國國家隊有所改觀,係奇哥帶領下踢出漂亮既足球,更以有前冇後打死擺就既踢法,我真係幾喜歡呀,但後防真係好豆腐；次名既厄瓜多爾真係令唔少人跌眼鏡呢?其踢法以體力為主,其實防線都麻麻地咋,但諗番轉頭,都只係賽程有利姐......所以真正既考驗係16強；波蘭真係行人止步啦,初初既期望只會令佢地更多壓力,結果.......第三；哥斯達黎加係聰仔既早家,係頭場三腳埋門已經入兩頭啦,唔穩守但有效率既反擊呢?哥斯達黎加亨利都交到功課嫁啦!!!!

B : 英格蘭可算是近廿六年黎最人腳齊整既一年啦,但真正踢出黎既感覺係---合格,未有太大既驚喜,係留力定係有心冇力呢?頭兩場都真係有點老鼠拉龜之感覺,對住死守球隊就是這樣嗎?但願不是吧.......；瑞典人係唔係容易D吵架既呢?大敵當前都係要唔團結既?頭場怪就怪自己輕敵啦,第二場真係好彩咋,最後一場終於俾人睇到番D野啦,死球+角球戰術真係唔可以睇少呀；巴拉圭其實好有力可以出線的,其部署都係頭兩場和,最後一場WIN的,但事與願違呢?頭兩場守得幾好都係假,輸自己；有人說千里達打得好好,我覺得既係入得世界杯決賽週起碼咁上下啦,所以對佢既評價唔高,但睇見約基咁勤力都係件好事的?爆啫啫果下至開心呀!!!!

我著十號 只因喜愛邊個
著去球場 不擔心無位坐
我撐隊隊 不必另唱國歌
由細到大 都關心踢波

你著十號 交波不會交錯
超級後衞 幾多都扭得過
裡應外合 我會為你唱歌
贏輸都開心興奮過

努力向前衝 像有金鐘罩 像有金剛炮 殺敵過河
努力去防守 滴雨都不怕 滴血都不怕 踢出火
留名於金杯只有一個

熱火致勝三人組


>>June 22, 2006 at 4:22:47 PM GMT+8

2006 年 6 月 19 日 星期一 【暴雨】

越老越可愛


今日一早就收左單BOOKING啦~~諗住有好開始啦,頂呀!!!
串串咁樣子......有錢大晒咩??
更住就有獲野啦~~唔係我既,係同事的,但攪著我都真係麻煩呀!!!
更住LUNCH就同星晨阿媽LUNCH啦......講起黎真係有點誇張呀!!
但好多同事都係咁講---你阿媽呢??
冇計......
收左工又係靚女接收工呀~~去左星際買MINI SD CARD呀!!!
爽呀~~1GB野可以睇VCD+卡通片啦!!!
過左去花園街食$20魚彈=好味呀(真係好勁呀.....)
更住就食野啦......''香港仔魚彈粉''---地仲俾少左錢添!!!
更住食完就搭車回家啦.......勁累呀!!!
係車度訓得著呀......
返到屋企即白白+上陣網就訓啦
真係頂唔得多呀......老矣老矣

唉.....成日吵架


>>June 22, 2006 at 2:02:57 PM GMT+8

2006 年 6 月 18 日 星期日 【陰】

大家記住每個月25號啦


今天返旺角呀~~都係一個唔錯既感覺呀!!!
新鮮呀~~!!!
今早起身都幾辛苦呀~~一早起身就搭VAN過旺角啦!!!
但話時話又真係幾快嫁WOR~~四個字KO
我9:15AM起身刷牙洗面
9:25AM出門口
9:30AM開車......
9:55AM到公司啦---一個字''快''
話晒都唔係自己主場呀~~點都驚驚地既,而且D人又唔太熟悉呢??
今日都OK啦~~有兩單細雞野但今日都幾忙碌下呀......
澎澎聲一心希望---收工
今晚有靚女掁收工呀~~爽呀
去左行下咁啦,食魚彈+豆花爽呀??(小心一陣肚子痛呀!!!)
更住就過去筲箕灣DINNER啦......蠔餅真好味呀!!!
更住就回家啦......白白+睇陣波啦!!!
早早訓聽日又開工......又係旺角呀!!!

奇哥帶領德國三戰全WIN


>>June 22, 2006 at 1:58:49 PM GMT+8

2006 年 6 月 17 日 星期六 【晴】

狀態麻麻咋WOR


由於琴晚玩到咁夜~~所以今日都訓得晏些少啦~~兩點起身!!!
起身就搵野食啦......
杯面+燒賣+蝦餃=我的午餐
更住就睇''HOUSE OF THE DEAD''啦~~呢隻野係大雄借我睇既
之前因為唔夠膽睇所以一直都冇睇呀~~眼見今日又冇咩野做咁咪睇啦
而且日光日白會冇咁驚呀......
平時我同文仔+江華+大雄係世貿中心打機就係呢隻GAME啦
套戲有點誇呀......原來個大佬咁七既
而且生救者D熗又係無限子彈既.....吹脹呀!!
但有樣野最令我摸不著頭既係喪屍原來識得游水既~~哈哈哈哈
睇完就打WINNING10+啦.......試下用里昂玩一玩LEG.先
隊波真係幾好洗好用呀~~中場人腳真係一流呀,難怪可以稱霸法甲
係後防中路守將水左D之外都不俗呀!!!
更住就DINNER~~睇波啦,頭場日本仔VS格仔軍呀!!!
悶和......更住就巴西VS澳大利亞啦!!!

聽日開始一連兩日都返......旺角

GET A LIFE


>>June 22, 2006 at 1:53:58 PM GMT+8

2006 年 6 月 16 日 星期五 【晴】

西岸冠軍


慢慢地睇見太陽啦.....睇見晴朗的天氣啦!!
成兩個幾星期都係天陰陰......真正既SUMMER黎啦喂......

今日返早呀~~一早就已經有條麻叉煩煩既打把仔啦!!!
真係......唉......

今日都唔太忙碌既~~但吸左好多塵LOR應該
因為CB裝潢啦~~勁多沙塵滾滾呀!!!
澎澎聲收工至係好方法~~收左工就JOIN文仔+懿懿+小婷去左睇戲啦!!!
本來話睇''SEA GOD BOAT''既~~但最後睇左''攪乜鬼奪命''.......$65都咪話平呀!!
始終睇戲星期二好D~~平靚正呀!!!
睇完都唔知去邊.......去左新記食車仔面,周傑過埋黎
食完就過左世貿~~打機......(周傑未俾錢呀)
更住阿曾過埋黎~~去左''君寶''又打雀啦......
但文仔周傑冇去~~只係阿立+阿曾佢地兩公婆LOR......
我都係想睇波多DD.......
加納真係好波呀......意大利真係.....捉到鹿唔識得脫角呀!!!
可惜可惜.......
更係打多版波先......我正+2呀,哈哈哈!!!
到到7AM就回家啦......真係人都傻呀!!!
返列屋企即白白+打日記先~~上多陣網就訓啦!!!

意大利FANS=我


>>June 22, 2006 at 1:54:30 PM GMT+8

2006 年 6 月 15 日 星期四 【晴】

買左你神射呀~~比心機呀


掛住妳丫~~妳去左邊呀??

今日都真係幾咁辛苦先起到身呀......
琴晚睇晒三場......龍格保遲來的入球呀!!!
早D入吧.....等左成88分鐘先入......但場波都真係快上快落呀!!
節奏明快呀......又一次唔叉中首名入球啦!!!
但周傑果個足球日記中左波膽WOR......

今日係公司都係冇野好做咁既??
係我問題定係點呢??
遊手好閒等收工咁既??
哎呀......真係死火啦!!!
等收工啦.....
收左工節目會豐富開心D既......首先JOIN江少+文仔+肥威+阿立
齊齊搵個地方睇波至得嫁......幾條柴真係男人世界90分鐘呢??
阿曾都過埋黎......
我地去左''有骨氣''打邊爐呀!!
又一次$88呀~~加埋啤酒=$135一個啦
比上次平左$10啦!!!
一路睇阿根廷一路打.....又一路隆WOR,哈哈哈~~勁大陣味呀!!!
死人呀......
今場我又買左首名~~又一次唔叉中列基美11倍OR基斯普6倍
獲獲都係咁既??
打完邊爐就回家啦.....大家都眼仔訓啦
返到去半訓半睇荷蘭豆......首名雲佩斯呀~終於都中啦
7.5倍~~都好過冇呀!!!
哈哈哈.......更住白白+睇波......大笨象真係可惜呀,有點唔抵添......
下屆努力過吧!!!
更住就打日記~~唔住撐唔撐到第三場墨西哥呢??

巴西睇你嫁啦


>>June 16, 2006 at 6:12:33 PM GMT+8