2006 年 9 月 22 日 星期五 【微冷】

三十二天了

等左兩個多星期的聚會終於都來臨啦......
今晚係中一B班十週年晚會呀!!!
等我宣讀一下名單啦 :
阿發/阿立/阿曾/ALAN/佩佩/佩華/佩盈/周傑/阿邦/彭華/阿盧/阿孫/肥威/文仔/穎怡/斯雅/阿華/鄧老師/梁SIR=19人
真係開心的日子呀~~轉眼間就十個年頭啦,估唔到今天都可以大家聚會埋一齊---難得難得
真係多謝阿發---發起人,令咁多人回想起已經十個寒暑了
更需要多謝既係咁多位同學仔都百忙之中搵個時間食餐飯呢??
起初大家由於都係耐冇見面啦,所以都冷清清咁的,更住就融洽了不少啦
今晚BOOK左客仔黎生灣仔間鋪攪個小PARTY,真係THANK YOU佢呢??
返到屋企第一時間就係要打出自己既感想啦.....真係高興呀
雖然始終都約唔齊人,但都已經好開心啦
傾下計,食餐DINNER,玩下GAME都OK啦.......
唔知道十年之後又能否再聚一會呢??
真叫人期待啦.......
最後都真係---難得難得,KEEP住呢份中一二既友情真叫人懷念呢??
成功唔成功我唔知道呀~~至少知道既係大家都有穩定既工作,開心,還記得對方呢??

最後再一次感謝多位同學仔既到來啦.......
真係開心呀!!!

>>September 23, 2006 at 5:17:36 PM GMT+8

2006 年 9 月 21 日 星期四 【微冷】

三十三天啦

起身冇著衫.....已經感受到涼意啦,秋天已靜悄悄黎左啦.......

終於都放左中行+天津仔啦
反之仍然留守住永嘉
同埋入股---中海石化學

呢三日都同阿立食LUNCH呀~~
大家都係研究緊星期六之聚會呢??
星期六係浸中1B班聚餐呀~~真係期待啦
十週年了

收左工行左一陣啦
上左去賓洲度買波衫---諗住(最後忍得手)
而且行下諗住買野俾愛人呀!!!!

呢排返工都冇咩心機WOR
或多或少都因為旅行接近啦
所以......都冇咩動力了
個心已經去左日本+沙巴呢??
加上今個月真係好淡好淡.......

越來越想......好想.....希望盡快可以果一樣野啦
HEEEEE.......
'' MY HOUSE ''
我要每個月多賺更多既$$$$$$$$$$$$$$呀!!!!

>>September 22, 2006 at 2:33:58 PM GMT+8

2006 年 9 月 20 日 星期三 【酷熱】

三十四天......

同周傑講聲生日快樂先~~
今日係佢既牛一呀
又大一歲,大個仔了!!!

今日我要返工呀~~大雄放假同左佢玩呀
收左工同埋懿懿周傑大雄唱歌......
點知.......
我一首歌都未唱就叫我埋單LOR~~FXXK OFF
真係快呀~~我唱咁耐K第一次未唱過歌就要俾錢呢??
其實因為佢地唱緊先,所以我收工先黎.......咪冇得唱LOR
我又不停食野呢??

唱完就行石春路啦.......
真係爽呀--->懿懿怕怕WOR
我都好累啦.....所以都冇咩精神了

會唔會冇得去旅行呢??
仍然係一個迷
好迷
迷過阿曾果一個迷......

>>September 22, 2006 at 2:27:07 PM GMT+8

2006 年 9 月 19 日 星期二 【酷熱】

三十五天......

又要打番星期三既日記先啦......

記得當天一早起身去左BOOK場先,所以遲左大到啦
足足三十分鐘之多呢??
返到公司都真係唔多好意思呢??
哈哈哈......
今日都冇咩心機返工啦~~

一於講收工既野吧~~!!!
收工......JOIN文仔+肥威+周傑齊齊預祝佢生日DINNER先啦
我們去左''燕泙''~~又食牛油雞翼啦
正呀.......
今晚文仔+肥威+周傑都好細食WOR,點解呢??
原來.......哈哈哈
周傑以為有得食蛋糕呀~~真係玩到周傑呢??
周傑仲同文仔講 : 留住個肥啦,一陣食好野啦......
哈哈哈......
因為我們送俾周傑既禮物搵左個蛋糕盒裝住,所以佢就當係蛋糕啦
誰不知入面既係---銀包一個+姚蝦多一包呢??
大家都好攪笑呢??
文仔又唔知周傑講乜,周傑又會錯意呢??

食完就上左世貿打機啦.......
喪屍硬係差少少先掂......
我們四個仲玩左好幾鋪頭文仔D呢??
爽呀.......

>>September 22, 2006 at 2:23:14 PM GMT+8

2006 年 9 月 18 日 星期一 【晴】

三十六日了

星期一收工回家.......
大姑姐同我講---買樓--->一百萬......
真係好想呀~~但佢話要返大陸呀,所以睇唔到樓住呀!!!
我自己真係想達成願望呀......
越來越接近啦
一百萬香港仔漁暉院.......底樓LOR
但係大單位~~成七百幾八百呎WOR
哎呀~~點解佢要返大陸呀??
但諗一諗卡陣都可以岩岩好俾得起首期先呀........
但又要去旅行~~真係吃力添
旅行點都要去嫁啦,現在需要想既係點樣子可以俾得起首期有餘呢??
真係一次難度挑戰呀........
為左層樓,為左將來,需要更加之努力呀........
今年之內唔知道可唔可以達成願望呢??
睇怕都難D啦......
但有心既,任何困難都可以解決的!!!

好一個漁暉院--->等我呀!!!

>>September 18, 2006 at 2:18:43 PM GMT+8

2006 年 9 月 17 日 星期日 【晴】

三十七天

係WOR~~琴日溜左樣野同大家講添......
原來琴日係小弟既舊曆牛一WOR,真係咁大個仔先至知咋
點解我今時今日先知~~??
因為ANGELA囉~~係佢幫我搵既,真係多謝晒呀!!!
所以佢地又再一次送左兩樣野俾我啦!!!
1.)童星點心面x2 2.)生日卡一張

今日都唔太忙碌呀~~但其他同事就忙到死啦
而我又一次俾AIRLINE CUT叉左個位啦
又要搵幫手啦
但好彩既係~~熟客仔,又勁好人呢??
所以佢都冇鬧我~~LUCK呀!!!
下次真係要小心啦.......
等收工~~上左賓洲仔度入貨
阿仙奴今季客場''路斯基''---NO.7 AC米蘭今季''卡卡''---NO.22
真係大出血啦......
唔係琴晚大勝一仗既話我都唔買啦!!!!

食左藥又眼訓啦......
呼.......

>>September 18, 2006 at 1:50:44 PM GMT+8

2006 年 9 月 16 日 星期六 【酷熱】

三十八日了

今日可能係2006年最後一次到香港的沙灘啦
因為已經踏入九月中啦
天氣都慢慢地轉涼呢??
正正如此我就更加之珍惜今天,需要玩盡今天啦!!!

今日放假~~早早上個月已經Q今日啦
今日同埋懿懿班IVE同學仔到石澳大玩特玩呀!!!
BBQ+SWIMMING
一到石澳即除衫--->第一件事就係跳落水先啦
一口氣游到去浮台去啦!!!
真係爽呀~但應該係耐冇游所以都比較氣力呢??
但辛苦過後往往都有回報的~~就係......''波濤洶湧''啦!!!
哈哈哈--->實俾懿懿鬧死啦
更住又一口氣跳落水即刻游番去啦,因為太肚餓啦......醫肚先
BBQ左好多野食呀~~但食極都唔飽咁既??
更住就出去再玩多之水啦,打排球呀!!!
哈哈哈~~又頂波又窩利真係攪笑呀.......爽呀!!!
但水開始凍啦,番去燒多陣就沖身啦~~!!!
往往沖身既水仲凍過海水的--->個人認為的
更住買罐汽水~~爽呀!!!
搭車LOR~~更住又搭巴士~~再搭巴士先回到家中
真係辛苦呀~~搭咁耐車......
返到屋企利車大戰更住係曼仙大戰--->真係正正正正呀!!!
哈哈哈~~~!!!!

真係開心呀~~今晚又係豐收的一夜了!!!!

>>September 17, 2006 at 6:28:38 PM GMT+8

2006 年 9 月 15 日 星期五 【陰】

三十九啦

星期六返早......真係慶幸啦
星期六返早往往都係比較快過D既呢時間方面.......
其實我都想星期六日都放假,只係返五天工作呢??
耐何呢一行冇呢支歌仔唱呢??
今日都幾忙碌下既,都係問完唔叉買果D客仔啦!!!
收左工澎澎聲回家啦~~冇咩心機想行街WOR
加上琴晚都已經行左啦,又洗左唔少錢呢??
所以今日好好休息一番吧~~!!!

返到香港仔又去左買魚啦~~
上左去買左條叫做''清道夫''既魚仔WOR
唔知你地又聽過未呢??
呢種魚係保持魚缸之清潔的--->即係食屎啦
哈哈哈~~唔好睇少呢種魚呀~~都唔平嫁
動用左我成$15元正呢??
順便買埋個網仔先.......

更住DINNER啦,打陣機等睇波LOR~~
今晚好有鬥志睇波呀~~可惜既係是晚之戲碼不強呢??
可惜呀!!!
結果又食又睇又玩魚仔~~最後都係琪唔叉住--->要訓啦
聽日又要早早起身--->放假當然係要好好珍惜+利用嫁啦!!!

>>September 17, 2006 at 6:20:48 PM GMT+8

2006 年 9 月 14 日 星期四 【陰】

四十天

終於星期五啦~~今日係15號呀
代表兩樣野 :
1.)weekend黎啦,又可以輕鬆一番啦
2.)月中啦,撐多半個月就出糧啦
目前為止自己條數真係唔多好呀~~
有見及此,今日一於谷一谷佢出一出黎啦
結果聽日就知啦.......

收左工去左食燕平WITH懿懿~~正呀!!!
牛油雞翼,牛粒炒飯,生熟牛肉湯河,三色冰,黑米租品
正呀~~下次帶你地去吧!!!!
更住就過對面睇戲啦--->大丈夫
''女人唔滾,男人唔緊''---真係有意思呀!!
呢套野真係好回味呀~~好有當年招牌港產片,即係點?入場睇吧
總言之就唔會令你失望啦,包你笑住出黎啦!!!
小春有句 : 入睇除房,又入得睡房又何需去滾呢?
諗起呢套野真係笑一笑呢?
我俾~~75分啦
如果你有睇大丈夫1咁就不如睇埋大丈夫2啦!!!

>>September 15, 2006 at 5:21:52 PM GMT+8

2006 年 9 月 13 日 星期三 【颱風】

四十一

一落樓就濕叉晒啦
唔洗一陣陣就透了
今場雨真係唔野少WOR
死人天文台又唔叉掛八號OR黑色暴雨WOR
呢D都唔叫暴雨真係唔知咩先係暴雨LOR

返到公司都係唔想做野果隻嫁啦
澎澎聲收工算叉數啦
病人真係要好好留係屋企休息才岩呀
應該俾多兩三日假我就好啦
終於都等到收工的一刻~~都係回家
食藥~~即訓~~起身又食藥即訓

呢個幾兩個星期真係過得辛苦
撐得好難頂呀
食藥訓覺.....
又冇心機打機WOR~~哎呀!!!!

永嘉國際又升啦--->真係唔可以睇少佢
中行收佢個皮啦--->客人不淺
天津仔越來越好--->開始黎料啦
14號算多幾毫吧--->差少少就目標價
4號仔真係唔上唔落--->實力估,真係企硬不動
蒙牛乳業好好炒--->三四日=賺$700-900

>>September 15, 2006 at 5:05:08 PM GMT+8