2006 年 9 月 12 日 星期二 【乍寒還暖】

四十二天

星期二結果都係射波的一天啦......
起身食藥,食完即訓~~D藥性太勁啦
真係頂唔得多過一個鍾呢??
接懿懿收工結果......
又食藥又訓過
夜麻麻訓醒起身睇歐聯更住又食藥又訓過........

星期三
返工~~都唔知道自己返緊乜野啦
太累太冇精神啦
只係想快快收工快快回家訓啦
食DINNER更住食藥即訓......
夜麻麻又起身睇歐聯又食藥又訓過......

希望病毒快快遠離我吧
突然令我想起一首歌 : 身體健康

我只想身體健康
要活到過百歲不需拐杖都可跟妳相擁......

>>September 15, 2006 at 4:56:55 PM GMT+8

2006 年 9 月 11 日 星期一 【暴雨】

四十三了

13場入19球=1.461538球呀
(已包括今次同同事踢上次係黃記踢果次的)

星期一同久違的同事踢波......於樂富摩士公園的人造足球場
今晚有成27-8個人黎左呀
所以都分左三隊黎踢呀~~但我一分鐘都冇停過
踢完一隊若果輸左都即刻幫另外一隊啦(因為我太想踢波啦)
今日踢左兩個位置---1.)左閘 2.)前鋒
主要黎講係踢前鋒的今個晚上我......
第一球已經由我入啦~~右路傳中,少有既頂頭除,可惜中眉但我反應怏,即刻補番腳先(左腳)
GOAL~~GOAL~~久違既入球呀,對上一次入波已經係七月份既事情呢??
大大話話都已經有兩個月入球荒啦(你們又記得自己既上一次入球係幾時嗎??)
第二球把握對手既一次犯錯~~對手回傳''醫院波''右腳快篤--->GOAL GOAL !!!
本來可以帽子戲法嫁......可惜錯過左三次既機會
冇左以前既當機立斷,諗都唔諗射左先算......或許真係耐冇踢波呢??
唉......
但都有一個助攻呀~~總結今日二個入球一個助攻,不錯呢??
而且今晚我既表現真係好似F.恩沙基呀,哈哈哈~~!!!
雖然係遠左D但都好開心呀~~至少有得---踢足球呢??
澎澎聲搭老地回家啦......即白白+打日記
真係回味呀~~真係想踢多兩三個小時呢??
呼.......
藍風呀藍風......幾時有得踢波呀??

最後有一點比較失望的是......
一年有十二個月,到目前為止只係踢左13場波......
唉.....真係失望
踢波真係咁難先踢到一次嗎??
難道真的是一個月一次嗎??
年輕人唔係年輕時玩咁難道係老伯伯時先黎玩嗎??
唉........

>>September 14, 2006 at 12:45:53 PM GMT+8

2006 年 9 月 10 日 星期日 【晴】

四十四天了

前排係報紙+電視又見到阿拉登兄WOR
真係佩服呀~~佢仲未死呀!!!
但佢都老左好多咁啦,個人都殘左不少呢??
佢既錢睇怕都用得七七八八呢??
佢話911再玩野WOR~~
唔知道係堅定係流呢??
真係想睇下佢會攪邊科呀~~??

我個病仍未好番呀~~真係好辛苦WOR
又咳多左
又流鼻涕
又喉嚨痛
頂佢個肺呀.......
真係唔叉知道幾時先至好番呀!!!
希望快快好番咁樣子至有動力去旅行
玩到玩得開心D呢??

我決定左購買---JUVENTUS波衫(上季果件)
主場---簡拿華路
主場---杜林
作客---森保達
** 非買不可 **
星期六&日每當我睇見祖記球員穿上另一隊波衫時都好傷心
由其係以上三位......
不禁地流下眼淚呢??

>>September 10, 2006 at 1:57:19 PM GMT+8

2006 年 9 月 9 日 星期六 【陰】

四十五天......

今年既生日食得特別多既蛋糕WOR~~
前前後後加加埋埋都已經有四個呢??
當中更有三個係同一款---''嗲李乜殊''
第一個--->公司同事於生日當天一早送俾我食的,真係第一次咁早食蛋糕呢??
第二個--->生日後一天,兩位人兄九屎華+賓洲仔送上來的一個驚喜!!!
第三個--->我的愛人親手整的一個蛋糕,更加之好味道呢??
第四個--->星期六好堂妹所買給我的......
** 真係難忘呢?都係果句啦,生日冇蛋糕又點算是生日呢? **

今年生日禮物 :
足球公仔+足球機(反斗城)+澳門茶餐廳的一餐---文仔周傑肥威
KEROKEROKEROPPI親手整的咕順+好味蛋糕---愛人懿懿
海賊王路飛+耐美公仔---SAMSON兄
G2000格仔衫一件+珊瑚堡雜扒(正)---契媽
利是一封($XXX)---大姑媽
晨早蛋糕---CB同事咁多位
ADIDAS波衫---二伯
JUVENTUS波褲(想買好叉耐)---賓洲仔
生日卡(大A)+罐頭十叉幾罐---九屎兄
親手畫的一幅水彩畫---堂妹恩恩
** 真係多謝各位好友既禮物呀 **

>>September 10, 2006 at 1:48:14 PM GMT+8

2006 年 9 月 8 日 星期五 【晴】

四十六天

''甚麼叫快樂'' --- 有以下一個小小的比喻 :

有一天蘇格拉娣的學生就問老師一個問題 : 老師 , 甚麼叫做快樂呢 ?
蘇格拉娣沒有正面回答呢一個學生 , 反而叫左其下既學生花一整天時間來作一隻船
其學生都好用心好勞碌好辛苦咁造作呢隻船 , 當船完成後就叫老師坐上去 , 大家都興高彩烈地談天說地 , 回想番造船之過程 , 這時間蘇格拉娣就問學生 : 你們現在快樂嗎 ?
眾學生均說 : 我很快樂了 !

你們明白當中既奧妙嗎??
想得到快樂是一回怎樣的事情嗎??

呢個比喻令我立即回想起若多年前同周傑二人所參加的一次福音營呢??
相信長期既讀者都應該聽過我與周傑的呢一個回憶的
當時~我與周傑參加了一個福音營,其中一天的活動就係要制作一隻船出海,材料只係幾支有長有短既竹,同埋繩........真係有一定既難度呀,如果口講既話,相信有好多人都唔會認為整得到的,但原來唔去試下又真係唔知道自己係有咁既能力做到的.....最後既結果係點唔洗多講啦,當然係同周傑開開心心咁出海啦,享受辛勞得來的喜悅呀........仲記得阿水源哥哥仲話 : 得唔得嫁,會唔會散嫁?我唔識游水嫁WOR.......最後~~一來一回絕冇問題,哈哈哈哈!!!!

原來快樂~~就係咁簡單咋MA.......

>>September 10, 2006 at 1:35:44 PM GMT+8

2006 年 9 月 7 日 星期四 【晴】

四十七天了........

講一講星期三先~~
而係生病當中,仍未好轉,哎呀~~真係辛苦呢??

但都有好既事情發生的~~
就係我幸運地抽中左永嘉國際一手2000股咁大把啦!!!
哈哈哈~~隻野一出就升啦!!!
卡陣已經有3.0既價位啦~~真係高興呢??
真係要好好咁揸住呢隻野呀!!!
唔理咁多啦~~呢個星期要放左天津伙同埋中行佢啦
兩隻野簡直係毒藥呀~~沽左佢購入新貨---招行吧!!!

另外岩岩公司又出左六月份既commission啦
真係爽呀~~旅行資金又多D啦
HEEEHEEE.......
星期三HK最後都只係同烏記打和零比零咋........
出線又有點危機啦!!!!

病---真係好影響個人呀!!!
反應~~說話~~諗野都大大退步中的

>>September 6, 2006 at 2:19:58 PM GMT+8

2006 年 9 月 6 日 星期三 【晴】

四十八了

生病~~唔大唔小的
好多鼻涕~~(左邊個隆塞塞地)
少許既咳(本來冇既??)
喉嚨痛好番點點.......(得果定=有D效WOR,THANK YOU VERY MUCH)
希望快快好番啦.......
都係早點休息算了

星期一射波~~太辛苦啦
真係要休息休息呢??
結果令同事們都忙著我的BOOKING~~辛苦晒啦

星期二上班......仍未好番~~
想多抖一天
但唔可以呀!!!
唉.......
忙碌番自己既BOOKING
我既狀態已經慢慢地下降了
漸漸地個心去左旅行果樹啦.......

收左工去左.......占丁丁度
聽大雄講話準WOR~~一於去占一占先啦
問左兩條問題~~結果......
一字記之若 : 11
回家食冬冬+白白+打日記+食藥+訓覺啦.......

>>September 5, 2006 at 1:45:31 PM GMT+8

2006 年 9 月 5 日 星期二 【晴】

仲有四十九日

講一講星期日先啦......
當天早早起身出發去碼頭啦--->長洲單車遊
到目的地啦~~天氣唔太曬但冇乜風
首先既都係租左車先啦--->老闆娘又認得我地啦
真係咁容易俾人點相嗎??
今日加埋有七個人TOGETHER玩呀~~九屎兄+九屎嫂+賓洲仔+BEBE+ALAN+懿懿+小婷(懿懿個朋友)
我們都係四周咁踏呀~~踏~~沿途食左好叉多野咁WOR
真係好味呀.......可惜既係我喉嚨,點都差少少既感覺呢??
當係保仔洞時應該係最開心之時啦??
又黑又濕大家一齊講---YET PAUL,哈哈哈.......
到到四點幾五點就鬆人啦~~鬆人之前我們仲玩飄移呢??
三輪車炒車之作.....但真係好吃力呢??
賓洲仔仲話鬥快---結果炒車LOR
係回程途中好多人都訓左啦~~真係累死人啦
之後就搵野食啦......越南野(OK好食呀,或許大家都肚子餓掛?)
好快就擦晒啦D野食........等埋周傑更住就去世貿打機啦.......
頭文字D......喪記......拖狗......好累啦
澎澎聲回家澎澎聲白白.......早點訓覺休息啦!!!

>>September 4, 2006 at 3:21:22 AM GMT+8

2006 年 9 月 4 日 星期一 【晴】

距離還有五十天

今日終於都到生日當天啦.......
哈哈哈~~仲記得上年.......話要等多365日呢??

今日要返工呀~~一早就買埋早餐啦
點知道......公司同事成大班一齊陪我返早同我慶生日WOR
真係好感人呀~~真係多謝佢地幾位呀!!!
有D係放假,有D係返晏都返黎陪我過生日~真係感激呀!!!
而且個蛋糕又幾好味幾咁靚呢??
多謝晒呀.......
今年既驚喜真係同上而有過之而冇不及呢??

更住就等收工啦.......
收左工原先話去BBQ既,但我唔想去,因為喉嚨痛啊........
唯有同懿懿過一個二人既生日啦
行呀行呀行.......食左一間好叉貴既餐廳,但入面既野食又幾咁好味呢??
之後我們又去左玩彩虹池啦~~我有兩次都差少少咋.......頂佢個肺呀!!!
更住就回家啦.......去左拎六合彩既$20雞,更住又買番$50雞x10期啦

係我想洗白白之制.......又一驚喜帶給我啦
原來係九屎華同賓洲仔送來的蛋糕呢??
真係又驚又喜啦......估佢地兩個唔到呀~~係之前仍然係冇聲又冇色的
最重要的是入左屋我都唔叉知道呢??
好一個''九屎倫的蛋糕''呀~~真係多謝晒小西+大西+西嫂(君君啦),好感激啦!!!
加埋大陸野---菠蘿啤=正呀
之後九屎兄眼訓啦,開始語無倫次啦~~澎澎聲回家吧,聽日仲要返呢??
最後真係白白啦~~更住訓啦,好叉眼訓呢??

都係果句啦.......
等多365日先至又大一歲啦

懿懿今年送上一份好有心思的禮物---KEROKEROKEROPPI手製咕順

>>September 3, 2006 at 1:20:17 AM GMT+8

2006 年 9 月 3 日 星期日 【晴】

五十一天了

生日的前一天.......過得比較平靜咁樣子WOR
由早至夜都係平平淡淡的
就有如一杯清水~~飲下去的感覺
但有點感動的是一大清早~~阿發竟然SEND信息俾我WOR
他說已經相識了十年啦.......估不到佢都記得的
真令人感動呀多多少少都~~!!!
係搭巴士途中我都盡一點既綿力黎提醒1B班既同班同學呢??
真是......感觸啊!!!

收左工.......拎野俾賓洲仔先
睇一睇波衫~~但最後都係冇買到,因為冇果種衝動呢??
行左個幾鍾啦一支公咁樣子.......諗住買份好好既禮物俾自己
但都係選唔中......真係可惜呀!!!
更住回家啦.......冇耐契媽就打黎叫我DINNER啦
都好呀~~起碼前夕都有點意思吧!!!
我+契媽+契爺去左香港仔新開既珊瑚堡呢??
又真係幾.......貴嫁WOR
但又OK好味啦.......
突然今餐飯令我回想起若多年前既一刻
契媽契老豆又係陪我過生日的~~帶左我去食尖咀既''巴西燒烤''呀!!!
好記得的.......因為新開的
哈哈哈......真係橋呀!!!
最後都總算叫做開心的.......
更住就回家白白.......打日記啦!!!

最後多謝契媽的禮物---T-SHIRT

>>September 1, 2006 at 3:51:01 PM GMT+8