2006 年 8 月 23 日 星期三 【晴】

六十二日啦仲有......

首先講一講星期二既野先啦!!!

日頭都係冇咩野好講啦~~都係果D啦
返工既客仔咁樣子
講下收工吧......

收工打俾九屎華~~睇下佢係邊啦
諗住叫佢陪下我去睇下魚魚+裝置咁啦
我們搭丁丁過去啦~~途中都講番唔少既野
(真係辛苦你啦,玩完大隻仔搭左車仲要番轉頭陪我,真係感謝呀!!!)
之但係去到都收鋪啦......
好趕咁買左一棵水草+碎石仔
真係好想澎澎聲返屋企攪得靚靚啦!!!
更住又搭丁丁過去維記啦......做乜??
哈哈哈~~偷野呀.........''石春''

更住就過左祥仔度食野啦.......
之後JOIN賓洲仔打機啦......
佢地兩個一見面又嘈又打架啦
真係服左佢地啦.......兩個又唔肯拎多$4蚊,得$46~~幾七呀
更住打網球+足球......
差不多12點就回家啦!!!

返到屋企緊係幫D魚魚好好咁大裝潢啦
哈哈哈~~都攪左成個鍾呀!!!
靚晒......攪掂......
望住佢地真係好開心呀!!!

係WOR~~都未講......
今日又叫左屋企人買多六條魚仔啦
正呀~~卡陣有八條啦......
唔同顏色添呀!!!

>>August 23, 2006 at 2:42:17 PM GMT+8

2006 年 8 月 22 日 星期二 【晴】

仍有六十三日

突然想起呢一個話題 : 你會想起誰??

唔知道你地會唔會見到某些事物就會想佢某一個人呢??
聽歌??物件??道路??時間??事情.......
我講先啦~~同大家分享一下吧~~!!!!

見到紅豆冰我一定會想起周智傑的(話說當年中學時係東村大家樂周傑叫左杯紅豆冰走冰的東西,我同文仔即時捧腹大笑起來呢??周傑仲怪怨人地職員LOR,哈哈哈哈)

美心月餅會諗起黎志威啦(因為佢卡陣做緊AR MA,而且每每中秋都會問題同一問題 : 有冇平呀D月餅)

阿根廷名將巴迪斯圖達就會諗起領隊巴迪斯圖明啦(當年由敵人變成為隊友,一齊踢波既日子真係快樂滿足呢???)

聽到幾多EGG我一定會諗起曾超悅啦(因為由識佢到卡陣每每講個億字都會道成幾多''EGG''嫁,唔信下次試下吧!!!)

每每見到燒春雞都會想起江兆華的(由小學五年級隔個週六既童軍完左都會同佢齊齊去東村既大家樂品嚐美味既燒春雞呢,諗起都想食啦!!)

勞工處就會想起林偉雄(又要講番四件前既野啦,當時兩個相失日日都去灣仔國衛,搵工......搵完食吉仔打機唱歌~~真係好好既回憶呢??)

長洲會想起樊偉文(當年又冬又大風教文仔踏單車,個個人都好支持+教導~~最後唔洗多講啦,炒車呀,都唔係既~~卡陣已經進步左好多好多啦,未試過又點知得唔得呢??)

有線睇波會諗起郭子鵬(當年時不時夜麻麻都走落去肥鵬屋企睇波......真係佩服自己呀,果陣時真係睇波狂態呢??)

遲到一定係陳憲立啦(由中學到卡陣返工都係遲到係佢既商標,唔係遲到既就唔係阿立,真係佩服佢點解可以成日都遲到既呢??)

>>August 21, 2006 at 6:15:48 PM GMT+8

2006 年 8 月 21 日 星期一 【晴】

六十四日啦......

琴日同一個女同事LUNCH~~聽佢一點點事情
佢同一個拍拖年半左右既男朋友出黎同居搬出黎住啦......
真係有點替佢高興呢??
但同時都擔心佢既負擔.......
同我一樣年齡的~~男朋友仍在求學階段~~大學YEAR ONE咋......
真係吃力啦計起上黎.......

由呢件事件我更明白到自己需要更多既國庫儲備的
想要未來生活好,現在必須努力更努力
我都希望有自己既物業.......
祝我好運啦!!!

呀~~呢排喜歡睇中五既課程WOR
例如 : 兵車行//竹林深處人家//請客//老殘遊記//我看大明湖//唐山大地震.......
令我回想番一幕幕中學的片段.......
人就係咁樣子~~係讀完先至有興趣都有的??
哈哈哈......果陣時又唔用心~~!!!

車輪輪,馬蕭蕭,行人弓箭各在腰
天生我才必有用,千金散盡還覆復來
請客往往都係以''小往大來''的心態
遲下有機會的話再同大家討論一下吧.......

>>August 21, 2006 at 5:59:17 PM GMT+8

2006 年 8 月 20 日 星期日 【晴】

有一好消息~~終於買左兩條小金魚啦!!!
哈哈哈~~好得意呀!!
游染下咁樣子~~查實咁大個人都係第一次養魚的
又一次實現多年黎既希望~~
突然會有咁既諗法!!!
其實始終都係大人好點兒呀~~因為有好多野都可以慢慢地滿足自己
唔知道你們又認同嗎??
往日年少時的一切希望//想像~~慢慢地都可以實現到啦!!!

係沖涼既時候係度諗......
買乜野黎襯托個魚缸好呢??
好想攪到佢好靚~~等班魚仔都住得開心D呀......
哈哈哈~~有空出去買番D假山先
再買多幾條小魚仔先......
成個缸都係魚仔......真係何奇壯觀呢??

今日收左工同左懿懿DINNER呀~~唔記得乜叉野壽司啦
都係果句啦~~心入面已經係日本度啦
任何香港日本野都提不起勁呢??
更住行左一陣陣啦~~更住等埋賓洲仔拎藥WOR
打左鋪機咁啦~~我們都諗~~點解獲獲都係死仔隻''豬豬''爪上面呢??
心有不甘......
更住去左許留山.......
回家啦!!
上DISCUSS請教高人~~白白~~打日記......
呢個星期都係返晏啦........

還有六十五日

>>August 21, 2006 at 5:49:52 PM GMT+8

2006 年 8 月 19 日 星期六 【晴】

仲有六十六日

星期六~~英超又開鑼啦~~漫長既球季又展開啦!!!
星期六是豐收的一天
__________________________________________

星期日終於收左工都買左個魚缸啦
不過未有魚魚住呀~~
條友仔話要打D氣落水度~~一整個晚上
心情又幾開心又緊張呀~~!!!
唔知養乜魚魚好呢??
神仙魚不錯呀......

曼聯大炒~~妙極妙極

收左工回家....DINNER
個人累累地
而且又早左起身呢??
想早點休息算吧......

>>August 20, 2006 at 3:04:27 PM GMT+8

2006 年 8 月 18 日 星期五 【暴雨】

星期五.....放假
但冇乜點好好咁善用假期......
比起原先既計劃差好多好多.......

星期五終於都抽個時間去補埋隻牙仔先啦!!!
終於都KO左啦......放下心頭大石啦!!!
可以安心食野啦.......

今日掃下塵收拾一下房間咁啦
去左灣仔攪番張''天津仔''個名佢.......一星期後收到
更住去左偷溥左D頭髮佢~~唔洗咁厚呀
但收一收真係冇咩唔同左呀??
更住就上左公司一陣~~請左機票部全體一杯許留山
更住就過去左接懿懿啦
難得過去中環順便上埋去搵SAMSON啦~~小小的一罐汽水

接埋懿懿就過去東村啦
DINNER.......諗住整埋電腦既,之但係又上唔到網WOR??
奇怪......買左個大西瓜上去
鬆人時上左大雄屋企打雀~~一圈咁大把
其實諗住只係拎個西瓜俾佢食咋......搵阿杜志賢玩一陣添
又唔係樹WOR.......同雄媽雄爸吹吹水咁啦
哎呀~~唔叉見左隻白板都有既??
上次杜志賢玩左唔知去左邊??
哈哈哈......

鬆人回家時~~
勁大雨呀!!!
成身都濕透了.......
途中我仲除左件衫~~係咁跑
感覺都爽呀!!!

仲有六十七日

>>August 18, 2006 at 5:41:42 PM GMT+8

2006 年 8 月 17 日 星期四 【晴】

還有六十八日.......

星期三同懿懿去左睇葉文輝演唱會.......

俾蚊蚊咬完勁痕呀~~山頂D蚊越來越毒啦!!!

>>August 16, 2006 at 4:01:56 PM GMT+8

2006 年 8 月 16 日 星期三 【晴】

星期二既六合彩......又只係中左兩個半字咋......
真係唔好彩呀!!!
中多三個半字都唔得......

今日收工都係返屋企休息咋......
冇去街~~一黎收夜二黎儲錢

距離日本之旅仲有六十九日
真係等待又等待呢??

古語有云 : 玉不啄不成器也
其實正好比喻人一樣
從年少之時到中年時再更住係成年時最後係年老時
其實當中咁多個階段都係一種體驗黎的
每每都有一定既困難&得著的
若果冇的話就真係失敗~~咁講絕不嚴重呀
難道人的一生就是平淡,安穩渡過嗎??
正是呢一D問題&困難~~好好咁俾自己一個挑戰&考驗
成功與否當中好睇自己點樣子解決&看化
個人認為有挑戰係一件好事,絕不會容易放棄的
總之盡力+努力=過得到自己

唔好因為咁小事而唔開心
唔好因為咁小事而增添自己更多麻煩
唔好因為咁小事而令自己既生活欠缺色彩

>>August 15, 2006 at 4:43:15 PM GMT+8

2006 年 8 月 15 日 星期二 【清涼】

仲有七十日

岩岩個星期一晚上......
一收工即打波啦......
等左好耐啦~~好耐都冇打過波啦......
今晚分左兩隊~~小學隊VS中學隊
小學隊 : 大雄+江少+肥鵬
中學隊 : ALAN+阿曾+阿華
最終打左四場.......分別如下.......
頭場熱身~~但我已經一早撻著左啦,攻入五六分之多=WIN
第二場輪到阿曾發威啦~~JUMP-SHOOT好得呀=WIN
第三場阿華+阿曾齊齊黎料啦,阿華仲爆七江少=WIN
最後一場兩隊都咬得好緊,可以敵方內鬨以致敗陣=WIN
四戰全WIN呀......
臨走都打多場......唔洗多講~~又WIN
大家都好耐冇打啦,氣力都大大不及以前啦.....射波都唔準
大家都老了.......
好累呀~~出左一身汗,真係爽呀!!!!
真係好滿足呀......有得打波~~十足當年小學中學咁樣子呢??

都係老毛病~~射波唔準=浪射
體力大大倒退中
防守又係唔多貼身
欠缺以往既爆炸力.......
KEEP得住既只有剷籃

往往當我同江少唔係同一隊時~~他都會MARK住我的
哈哈哈......
對住佢好有挑戰性的,好有意思呀

>>August 14, 2006 at 4:11:18 PM GMT+8

2006 年 8 月 14 日 星期一 【酷熱】

仲有七十一日

突然唔多想訓.......想打日記......

前日同一位友人傾左小小計......
關於野心
日前我中左三個NO.的六合彩呀~~
2-9-10-23-18-28(大家都幫我留意下吧)
興幸我中左$20但我個人認為仍未滿足的,我既目係頭獎
或許又一次話我~~ALAN乜你咁妙想天開嫁,有$20都好啦
但試諗一下~~你買六合彩出於甚麼??
之唔係果三千幾萬咋MA.......所以大家的目標同野心都係一樣
為左一筆好可觀的橫財呢??
對於我黎講~~知足並不是往往都常樂
當我達成某個目標後需要做的不是享受而是下一個目標
達成目標固之開心+滿意
但新一個目標都隨之而黎~~這樣子人才會有進步的
我不會固步自封~~我情願博一博OR冒險一點黎換取更好的東西
人就係咁樣子~~渴求才會進步,現今社會正是如此的
我並不甘心目前~~我需要追求更美善的將來

終於都眼訓起來了.......

>>August 14, 2006 at 4:02:49 PM GMT+8