2006 年 1 月 25 日 星期三 【颳風】

巨無霸


今日冇返工呀~~
琴晚睇左曼聯+華倫.....
今日十點起身啦
更住就落去睇''楊煒''啦~~
俾佢卒兩野真係好痛呀~~但痛完就好舒服,D根鬆晒咁呀!!!
照舊啦~~$180兩濟藥
包到好誇呀~~由菠蘿蓋到小腿咁大笵圍呢??
更住返上去好好休息啦......
食左野就訓啦
一訓就訓到七點至起身
更住DINNER+白白+打日記+打機......

應該要決定啦
一就一
二就二
決定左冇得後悔
決定是甚麼,我都會撐既

聽晚收五呀~~之後上山,少林寺碌兩HIT先
六點前平呀!!
更住團年啦

斑馬王子---DEL PIERO


>>January 27, 2006 at 2:57:29 AM GMT+8

2006 年 1 月 24 日 星期二 【微冷】

肥仔---費爾


今日又係水靜河飛呢??
客仔去左邊呀??
結果今日又係冇單開的一天......
唯一既希望係快D收工鬆人過維記打波啦!!!
今晚約左幾位朋友仔打波~~
同事阿LAM+大雄+阿華(踢波果個)+JABE男友+祖明+二叔+我
第一場就對小朋友啦,輕鬆取勝
第二場對賓佬,勢均力敵,最後加時取勝
第二場輸番俾實佬啦......
之後都係自己友對自己友咋.....
突然大雄俾我隊左佢一野呀,成隻雄訓左落地呢??
哈哈哈哈......
更住大雄同阿華爭籃板又整親腳指~~????
真係禍不單行啦~~
之後打多場就鬆人啦,隻腳都撐唔到啦.....
突然好害怕......
聽日決定.....

更住就同懿懿去食南記啦
之後回家白白+上網+打日記
更住訓啦~~早D起身睇醫生呀!!

新左閘---艾華


>>January 25, 2006 at 4:36:06 PM GMT+8

2006 年 1 月 23 日 星期一 【陰】

EASON LEE


今日又係冇客仔~~收埋d尾數佢都差不多要收爐啦!!!
收左工同埋cb機票部幾條友仔去食餐---''團年飯''啦
真係特別呀~~去左燈籠街度食大排鐺咋.....
叫左好多野食呀~~我都食左好多飯呀!!!
加加埋埋都只係$357咋~~都幾抵呀
更住就同SAMSON去左打HOUSE OF THE DEAD啦
揸左鋪車啦~~我識得''飄移孖寶''啦~~勁型呀
更住就搭VAN回家啦
白白+睇卡通+打日記+打勝利......
等唔等波好呢??
阿仙奴VS韋根

文仔電左個髮,唔知道幾銀呢??
型仔唔型仔冇??

聽晚打波呀~~
好耐冇打過波,真係期待呀!!!

辛苦啦---周傑


>>January 24, 2006 at 3:36:23 PM GMT+8

2006 年 1 月 22 日 星期日 【暴雨】

年少得志


碌左五局~~第五局第六球先完全領悟得到~~
雖然係遲左D但都好既,總算叫做成功,突然好有成功感呀!!!
哈哈哈....我果然係一個天才呀(一套籃球漫畫人物既口頭蟬)

更住就去左買雞脾,入大球場睇港隊首課操練~~哈哈哈.....
$220定$150呀~~年初四決賽??

更住就去世貿啦~~做咩??
都係果樣嫁啦~~HOUSE OF THE DEAD
今HIT同文仔終於過到豬豬啦~~
大雄都黎埋......最後一人一HIT自己打.....真係幾嚇鬼嫁WOR!!

更住去食KFC~~
威威隊長都黎埋
吹左兩吹就回家啦......
白白+上網+打機+傾電話!!!
三點幾就訓啦!!

祝''維迪''好運啦


>>January 24, 2006 at 4:26:57 AM GMT+8

2006 年 1 月 21 日 星期六 【陰】

新一年新開始


我已經PLAN好左聽日行程啦~~
八點起身跑過去黃記先
更住操練一下D球技
返屋企食過早餐,白白,訓一陣......
出發篤野+碌野WITH文仔
(希望我起得到身啦,有心人請打個電話俾我叫我起身吧!!!)

今晚同埋懿懿上左去東村DINNER呀!!
上到去有種陌生的感覺~~
今晚打邊爐呀~~有好多野食但我都唔係食左好多
魚魚唔喜歡呀!!!
到到十點鬆人,送懿懿返屋企自己都澎澎聲返屋企啦!!!
晚上條街真係凍啦~~返到屋企睇曼聯岩岩好呀!!!
里奧仔個球真係成個人彈起左呢??

周傑辛苦你啦.......
山長水遠啦!!!

聽日放假.....
要好好利用&休息
過多幾日新年啦!!!

凍呀~~卡比路


>>January 23, 2006 at 5:51:41 AM GMT+8

2006 年 1 月 20 日 星期五 【微冷】

踢皇馬真頭痕呀


百佳本週末優惠 :

伊面王 $2.8
卡樂B薯片 $12兩包
公仔點心 $11.9 三包
OREO $13.9
品客薯片 $8.8
利是薯片 $10.9

幾位好友既日記都打去JABE屋企開P啦~~我都打埋一份先
今晚節目係---JABE屋企開P呀!!!
收左工同埋懿懿一齊上去JABE屋企先啦~~我第二次上啦
記得細細個果陣上過一陣~~真係好細個啦....都冇咩印象呢??
今日有好多人呀~~名單如下 :
MR.蚊+MR.賓+MR.西& MRS.西+MR.倫& MRS.倫+JABE一家四口+未來女婿+慶玲
大家上到去有的打雀,有的唱歌,有的捉象棋有的煮野食......
今餐好豐富呀~~好多野食呀,例如 : 西華卷/比薩/瑞典雞翼/生菜/叉燒/沙拉
各位飽飽之後就遊戲時間啦~~引體上升先---做左八下(要努力一下至得)
更住就''大電視''啦~~我果組有MR.蚊+JABE+MR.西=SURE WIN啦
哈哈哈哈~~結果唔洗我多講啦.....有人輸左唔認數LOR
更住就玩''菠蘿彩仔邊個食''啦~~真係好好玩真係攪笑呢??
MR.西食到坐唔落.....MRS.西都食左好多,哈哈哈哈......
最後就抽獎啦~~我抽到MRS.西果份=各款出前一丁公仔面+午餐肉+魚魚
真係岩我心水呢~~消夜有著落啦!!!
MR.賓+MR.蚊最攪笑~~蕉+13''筆''祥,懿懿都有12隻蛋,慶玲就收華哥既''衣紙''
我買既''100包旺旺''由JABE女婿奪得.....
好夜啦~~一點左右鬆人啦,各人都帶著依依不捨既心情回家.....
但睇得出各人都開心既.....

3-POINT SHOOT


>>January 22, 2006 at 5:29:57 AM GMT+8

2006 年 1 月 19 日 星期四 【陰】

中國國家隊


環顧身邊眾多既朋友~~往往都有自己既問題
有陣時我好想幫助佢地~~經常鼓勵佢地,希望佢地會開心D
我明白到我做既野只係好皮毛未必解決到問題~~但我會盡自己既能力
''令我身邊既朋友快樂''
突然間覺得我既使命就係幫助朋友,令佢地快樂D,解決問題

他---成日都覺得自己好黑仔,咩野野衰野唔開心既野都會發生係佢身上,但如果他可以睇開D,唔好成日都覺得自己咁黑仔時,或者睇到既答案係有所出入,希望佢狗年能夠好運降臨啦!!!

他---經常鼓勵別人但其他佢都好需要別人既鼓勵同支持,記得佢成日都講---要把握機會,過左就冇嫁啦,一陣後悔莫及呢?要珍惜眼前人,多謝佢既格言,狗年祝佢''夢想''成真,至少還有我陪你去實現

她---經常倒板於工作上,我明白到佢既苦處,耐何我幫唔到佢,自己都有點失落,冇辦法啦~~唯有默默咁鼓勵佢支持佢啦,將來我唔知道會點,但我會盡力維繫著之間既感情,狗年希望佢工作愉快

他---經常都埋怨自己一個人好悶,但其實都唔係呀,仲有我呀,其實係你既身上真係學習到不少既野,對自己信心大D,支持你呀,唔好成日話自己呢樣唔掂果樣唔好呀,大把時間俾你追

他---由細玩到大,大家都大個仔啦,有各自既事業,我清楚知道佢好希望轉工,事業會更上一層樓,我會支持你嫁,狗年就祝你轉到份新工啦,你要改掉自己一點點既毛病呀,身子要緊呀,小心小心

他---只可以用一個''西''字黎形容佢嗎?學佢咁講,做兄弟心照係冇用嫁,需要實質D既野,希望佢狗年會改變一下啦,祝佢狗年鑽地成功,快D成為大師傅啦,希望佢另一個兄弟都會原諒佢啦

他---越來越大隻啦,個樣都老左D殘左D咁既,希望佢休息多D啦

他們---希望會係狗年出黎多多一齊踢波啦,''我真係好喜歡踢波嫁'',祝佢地狗年球技更上一層樓

他&他---一個就唔好成日入長洲啦,傷身呢??另一個希望佢狗年篤波次次俾錢啦

最後既係''她''---又一年啦,二十三個年頭啦,唔知道妳現在生活如何呢?快樂嗎?或許已經忘掉了我,但是我真的是''忘不了妳''好想好想見一面吧.....

斑馬王子COME BACK啦!!


>>January 20, 2006 at 1:51:51 PM GMT+8

2006 年 1 月 18 日 星期三 【颳風】

最後都係要離開AC米蘭


今日睇見兩個衰仔有傾有笑都放心D......
我知道大雄仲未嬲完,仲未原諒華BABY既,但有計傾點都好過冇計傾既
希望華BABY都會經常出黎陪埋我地一齊玩啦!!!

晚上同埋各位朋友仔上少林寺碌野呀~~
第一局差勁呀---自己都冇眼睇呢??
第二局好番D,出手果下慢慢感覺得到.....
但始終唔係好成績~~
希望星期一可以練得成啦......星期一我要努力呀!!!
但是晚最攪笑既莫過於大雄佢''仆街''呀~~
出去條LING度拾番個水樽,澎的一聲......成個撻左係地呀~~
哈哈哈~~全場人都捧腹大笑呢??
就連其他賽道既人都好奇望一望乜事.....好型呀!!!

碌完野就過世貿打機啦~~又係HOUSE OF THE DEAD呀!!!
今日個個都打左一ROUND呀~~狀態麻麻,臨尾差少少呢??
激死人啦~~大雄佢去到第三排都瓜左
更住就去食車仔面+通菜=飽飽&好味道
更住搭VAN回家啦......
白白+打日記+上網+睇卡通.....SLEEP啦!!!
星期六&日都要返工呀~~辛苦啊.....

妳唔好唔開心啦~~
小心D,唔好做錯野啦~~
乖豬!!

JUVENTUS最多入球球員---DEL PIERO


>>January 19, 2006 at 5:27:36 PM GMT+8

2006 年 1 月 17 日 星期二 【暴雨】

下年先拎意甲冠軍啦


星期一返工勁累LOR~~好辛苦呀!!!
唔想出聲.....
只係想快快收工鬆人......
今日仲要係收夜,點頂呀??
收左工即返屋企呀~~等車途中有條友仔扑我個頭
望一望原來係MR.西.....
係車中吹左兩吹啦~~未爆住既
返到屋企即飯飯更住咩都唔做,即訓啦~~
衫都冇換到呢??

星期二
一早起身就白白啦......
數下手指~~加加埋埋我訓左12個小時呢??
成個人爽曬呀~~哈哈哈.....
起身食埋個杯面呢??
今日得我同安祖娜咋~~但好彩冇客仔,冇乜野做姐~~
SAMSON放假~~等埋ROCKIE返黎我要射波呀!!!
今日又係等收工啦~~因為......
收左工同埋MR.蚊+MR.賓+MR.西四條友仔去世貿打機啦~~
我地要攻陷HOUSE OF THE DEAD呀!!!
結果......都係唔掂,第二排既豬豬仔點攪呀??
途中我地仲打埋''乜乜乜乜''呀~~唔記得左乜名呀!!
打到咁上下我地去左食魷魚,更住再黎多HIT呀~~哈哈哈
四個人都上曬癮呢??
到最後.....12點關機,又係未打晒就鬆人呢??
呼......

今日好開心呀~~
同埋我三位好好好好好好好好好好朋友一齊打機,食飯,吹水,嘻嘻哈哈
最衰周傑又冇黎呀.....可惜可惜!!!
返到屋企即白白
食少少野打日記~~等睇卡通......
聽日要返工呀!!!
後日碌野有冇人去......??

藍色的緣份


>>January 18, 2006 at 7:27:55 AM GMT+8

2006 年 1 月 16 日 星期一 【微冷】

背樽SO COOL ~~


星期日既活動係---大尾篤單車一天遊
是日參加名單如下 :
MR.賓+MR.蚊+MR.ALAN+MRS LEE+MRS KONG+MR.CHILD+BABE+LEEDS黎既朋友+SEX.TSANG+長洲人
一行十條友仔,今日好疊馬呢??
一早起身落去''自在軒''食過早餐就搭170啦.....
去到大圍轉火車入大埔,好耐都冇去過大圍呢??轉變了不少啊......
除左SEX.TSANG+長洲人外,我地八條友仔入去大尾篤先呀!!!
一開波即租車先啦---$60全日
首先踏一轉水壩先啦,勁長呀~~好多阿叉放風箏呀!!!
又有個阿姐唱舊歡如夢呀~~叫佢N哥,真係N哥WOR
同大雄文仔即鬆人啦......哈哈哈哈

更住就出發由大尾篤TO大圍啦......
第一站---邦利士多,話說大雄食左條有血既雪條先既
發惡換過一條啦,點知.....第二條有既係''蚊''一隻
哈哈哈哈.....谷鬼氣掉埋添啦!!!
再出發啦~~但途中我同MR.賓典後既,點知.....
MR.賓一炒......爽呀,成個人坐左係路邊等人救援佢咁呢??
最攪笑既係佢車過左MR.蚊件外套呢??
不停咁笑.....係度笑......傻笑.....笑死人啦!!!

與此同時SEX.TSANG+長洲人就以光速既速度過黎搵我地啦......
佢地兩個手車真係好堅呀!!!
途中我地又上斜又落斜真係好好玩呀~~哈哈哈.....
更住就去左大埔墟食D小食啦......
$3串燒賣/$1串腸仔/$5兜蘿白......勁平呀!!至抵價呢??
飽飽又出發啦.....
冇耐MR.賓又車過左自己件外套一HIT啦~~哈哈哈哈......

大埔TO大圍係至長既一段呀~~
呢個時候我地幾個即鏈車啦~~
勁爽呀~~好快呀.....
途中補給---臭豆腐,正呀!!!
入到沙田我同大雄留後吹吹水慢慢踏啦.....
好舒服既感覺呀!!!
更住MR.蚊就出事啦......
一轉彎即鬆左單車鏈啦,冇計啦~~冇得玩啦......
慢慢行番去啦.....我借左我輛車俾佢揸
結果......炒車呀,哈哈哈~~MR.蚊以破世界紀錄跳車呀,時毫無損呢??
交車時仲俾老闆話---薯片形添呀,哈哈哈哈!!!
更住.....

THE NEXT STATION IS 灣仔''賓''洲紅
一行九件友仔齊齊高歌呀~~大家首先做既野係.....
拎野食~~因為個個都好肚餓呢??
哈哈哈......
更住唱歌啦!!!
到到咁上下佢地鬆人先,最後得番我同MR.賓
2:30AM鬆人~~返到屋企白白上網.....
訓覺LOR~~聽日仲要開工.....哎呀,唔返得唔得呢??
但野食BUFFER麻麻地咋,價錢又唔平嫁,係D歌新D之外啦!!!

大家仲記得呢套野嗎??


>>January 18, 2006 at 7:28:34 AM GMT+8