2006 年 10 月 2 日 星期一 【陰】

星期二LOR~~~
對我黎講都冇分星期幾啦~~都已經返左成兩個星期啦
真係莫晒啦個人.......
反之越來越珍惜收工所餘下的時間呢??
哈哈哈.......
慢慢明白到大人既夜生活是如何呢??

今晚收成差不多九點呢??
埋埋條數佢又要.......
收左工澎澎聲回家啦~~但諗諗下原來今日係星期二WOR
所以......
吉田買一送一既優惠又黎啦
哈哈~~老闆黎一個吉列豬扒拉面先啦
真係正啦......
第二碗已經勁飽呢??

更住返屋企白白+打機啦
懿懿去左唱歌真係開心呀!!!
我都好想唱呀~~
餘震幾時又可以再唱多HIT呢??

更住早早訓啦~~聽日返早......
越來越接近悠長假期啦!!!

>>October 4, 2006 at 3:29:48 PM GMT+8

2006 年 10 月 1 日 星期日 【陰】

琴晚返到屋企訓著左係次所度WOR
真係笑死人啦~~

今早起身真係爽呀~~舒服呀
叉足晒電啦
但周身都有少少疼WOR~~琴日踢完波今日開始先發啦
今日又遲到啦.......
今日冇咩野好做啦
又係等收工

收左工有D野玩啦~~
同左個同事魚蛋去左篤波(應該都有D人認識的)
佢話自己係火箭奧蘇利雲WOR~~所以我咪會一會佢LOR
我話自己係小李呀~~哈哈哈
結果.......唔洗俾錢又有得篤野啦

更住佢地叫我去飲酒呀
但我推左......因為我唔識LOR
佢地話男仔要識飲至得WOR
真係冇計啦.......我本來都想去一去既(唔係飲酒,食DINNER吹吹水都好呀)
但最後決定唔去啦~~回家啦
呢排都好想唱---餘震

我班同事成日去飲酒成日收左工都去玩......
慢慢地覺得香港人點解成日俾人話係夜鬼啦
真係越夜越好玩呢??
我都要學習一下做個大人啦!!!!

>>October 2, 2006 at 2:00:18 PM GMT+8

2006 年 9 月 30 日 星期六 【陰】

14場20球=1.42857

久違既藍風足球隊.......終於今早有得踢啦!!!
雖然最後到來既人唔齊但......已經心滿意足呢??
琴晚成五點先訓,更住......
今日又八點起身
真係攞命啦,但我對足球既熱誠~~所以今日點辛苦都要去既

今日入左一球~~為今日既國慶足球日打開序幕啦
後場唔記得乜水長傳右路K角位
我左腳一痴右腳隨即起腳咬腰起腳---遠柱--->GOAL GOAL!!!
又一球靚波啦......
更住今日大多時間自己都係前線的,老爾老爾.......
到到十點就即鬆人啦~~因為要趕返屋企白白+返工呢??
冇錯呀~~今日的而且係要上班呢??
真係辛苦啊........
沖個靚涼成個人散晒~~所以今日返工都冇黎精神啦
只係想......快快收工吧

收左工過左去寶林呀~~HEEEEE
俾我見到SAMSON原居民LOOK呢??
但佢見我唔到........
等埋懿懿就上去JABE個CLUB HOUSE啦
今晚國慶PARTY呀~~雖然人唔多但玩下都好既
而且可以同很久不見的華仔聚一聚呢??

今晚食左唔係太多野~~或多或少都因為個人累啦......
到到抽獎應該係最開心的一刻
大家又互相抽對方既禮物啦
我果份好野由好友---TOM FAN抽到呀
KEROKEROKERO.......哈哈哈
而我就抽到華仔果份~~真係物輕情義重呢??
到到十點就鬆人啦.......
越來越有中秋既氣氛啦
真叫人開心呢??

>>October 2, 2006 at 1:55:45 PM GMT+8

2006 年 9 月 29 日 星期五 【晴】

今日返工都唔太如意呀!!!

收左工去左買JR PASS......

大家樂火煱又黎啦!!!

>>September 30, 2006 at 3:23:21 PM GMT+8

2006 年 9 月 28 日 星期四 【微冷】

二十六日

今日返工冇咩好做
plan下日本行程咋

>>September 29, 2006 at 1:23:33 PM GMT+8

2006 年 9 月 27 日 星期三 【微冷】

二十七天

呢兩三日都係冇咩心機......

>>September 29, 2006 at 1:22:58 PM GMT+8

2006 年 9 月 26 日 星期二 【炎熱】

二十八天

慢慢地我已經進入化境之狀態啦
唔知點解......
當事情差不多完結之時先向大家解說一番吧!!!
我希望妁成績來換取別人的目光
只許成功不許失敗~~我已經定下目標
玉皇大帝都阻我唔到嫁啦~~!!!
勇往直前才會成功.......

話咁快又差不多一個月啦
今個月真係好叉多人生日呢??
自己+君君+婷婷+周傑+阿曾+俊俊.......
生日月呢??
下個月月頭又有幾條友仔生日啦.......

呀~~足球小將奧運版幾時先再出第三期呢??
又係等左好耐好耐呢??
唔係又爛尾AR FA ??

好耐冇見江少啦......
十月一號有機會見面啦終於都.......

原來意大利聯賽精華會播番祖記既比賽嫁
真係開心呀.......

>>September 27, 2006 at 3:20:35 PM GMT+8

2006 年 9 月 25 日 星期一 【晴】

廿九天

收左工上左賓洲雄果度呀~~
買左一件褸仔+毛巾呀
兩樣野都係我愛隊JUVENTUS嫁......真係開心呀!!!
爽呀.......
加埋都只係$350咋.......
更住回家~~食一食拉面先
由於今日係星期二所以......有買一送一WOR吉田果樹
真係正呀~~連食兩個面真係正斗啦!!!

今早返工冇耐就穫左單野啦~~又係俾人CUT左個機位呢??
頂呀......好彩最後都俾我度得掂點拆姐......
呼......
屋企人既十一月旅行已經八八九九啦
酒店已經BOOK好晒啦,真係爽呀......
連去三個地方 沙巴--->日本--->曼谷--->返工

懿懿今晚問左我一個問題
點解我成日都唔返屋企食飯既??
諗諗下又係呀~~成日出街食真係窮到死啦
午餐又係晚餐又係......冇錢啦
要改一改啦!!!

>>September 26, 2006 at 3:17:53 PM GMT+8

2006 年 9 月 24 日 星期日 【微冷】

三十天

越來越接近啦......
心情都越來越開心緊張呢??
不停咁問同事問題~~日本點嫁,應該買乜,有咩平靚正呀??
真係成個小朋友咁樣子呢??
但每每聽佢地所講的,自己都好期待~~期待明天就出發呢??

今日起身既時候都幾辛苦WOR~~因為琴晚睇埋西甲大戰LOR
華倫真係不俗呀.......我喜歡呀!!!
幾時先可以買到件大衛韋拿仔呢??

今日都唔係太忙碌姐......
上下網咁啦......睇住個市先!!!
等收工.....同埋文仔DINNER啦
佢話有野請教我WOR,真係唔敢當呢??
希望對你有所我著啦.......
打陣機......就回家啦!!!

雄爺你早D鬆人啦~~餐餐都要我等你成五六七個鍾既!!!
真係變化石啦我.......
聽日同我留件華倫主場---韋拿大碼俾我啦!!!

>>September 25, 2006 at 3:46:39 PM GMT+8

2006 年 9 月 23 日 星期六 【陰】

三十一天啦=一個月啦!!!

今個月既星期日係豐收的一天呀~~!!!
成績不俗不俗呀,但仍需努力

今日放假呀~~由於琴晚睇波睇到成五點先訓
所以今日都成點先肯起身呢??
更住等埋懿懿過黎下午茶一番啦
更住就過東村整電腦~差D又開唔到門呢??
更住就租碟睇啦---''球愛可人兒''+''魔盜王一''
爽呀~~連睇兩套
睇完就去食珊瑚堡啦......爽呀
五成西冷真係正呀~~血淋淋呢??
唔知係唔係我著得太原居民呢,所以D人仔都唔多SHOW我LOR
真係當我係窮光蛋嗎??激死啦.......
飽飽就回家睇波啦~~爽呀!!!
打埋日記.....
睇埋西甲大戰....SLEEP啦
仲有幾日又出糧啦~~
話咁快又一個月呢??

>>September 24, 2006 at 6:05:35 PM GMT+8