2006 年 12 月 21 日 星期四 【微冷】

今日正正時......冬至
一於送呢首歌咁大家啦

差不多冬至 一早一晚還是有雨
當初的堅持 現已令你很懷疑 很懷疑
你最尾等到 只有這枯枝

苦戀幾多次 悉心栽種全力灌注
所得竟不如 別個後輩收成時
這一次你真的很介意

* 但見旁人談情何引誘 問到何時葡萄先熟透
你要靜候 再靜候 就算失收 始終要守

# 日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透

應該怎麼愛 可惜書裡從沒記載 終於摸出來
但歲月卻不回來 不回來 錯過了春天 可會再花開

一千種戀愛 一些需要情淚灌溉
枯毀的溫柔 在最後會長回來
錯的愛 乃必經的配菜

repeat * #

想想天的一邊 亦有個某某 在等候
一心只等葡萄熟透 嚐杯酒

別讓 寂寞害你傷得一夜白頭
仍得不需要的自由 和最耀眼傷口
我知 日後 路上或沒有更美的邂逅
但當你智慧都蘊釀成紅酒
仍可一醉自救 誰都心酸過 那個沒有
___________________________________________________
冬至冇得收早D真係一件PK仔既事情呀
應該政府立法每條友仔冬至都需要回家DINNER呀!!!

收工搵懿懿更住行一陣陣
再更住就回家睇阿初啦......
聽晚大結局啦......
唔知最後會點既呢??
今集最後一幕好叉型呀!!!
突然令我諗起大雄=阿暢 / 老西=阿初呢??
哈哈哈~~睇到上腦呀......
更住DINNER啦~冬冬面+肥牛+雲吞
再更住就睇返東方之珠既大結局啦!!!
(SORRY呀~~老西,因為睇緊電視所以冇同你吹水添,明早打返電話俾你呀)
更住就白白+打日記啦

最後多謝周傑的聖誕卡啊......
祝大家冬至快諗樂呀!!!

>>December 22, 2006 at 4:48:41 PM GMT+8

2006 年 12 月 20 日 星期三 【颳風】

天氣好返DD咁多多啦~~
至少冇前果兩三日咁叉凍呢??

今日返工都係等收工
今個月都係等下個月由頭開始過多嫁啦......
今個月個個都死死氣呢??
搵個客仔都難啊.....
慶幸既係今日收左九位去大阪既~~新年果陣時
$4950 x 9 + $569 x 9
真係救番醒我呢??
未計呢單野我都只係18萬幾咋.....加埋呢單都過意得去少少咁啦!!!

今日流姑娘火併MR.吳呀~~哈哈哈
果個流姑娘收工我過左個傻婆攪一攪佢都好呀!!!
哈哈哈......

返到屋企DINNER---打邊爐呀
正呀.....
睇埋賭場風雲先
最後就包埋D聖誕禮物俾各方好友呀......
希望佢地個個都喜歡啦!!!
小小心意唔成敬意呀!!!

>>December 22, 2006 at 4:42:27 PM GMT+8

2006 年 12 月 19 日 星期二 【乍雨乍晴】

呢幾日都真係凍叉到死人咁.......
著少件衫都唔知點頂呢??

先講返星期日先啦......
當晚係入冬以黎最凍的一夜.......12度
果晚要同藍風波友踢波呀~~!!!
真係咁叉凍先黎踢波~~吹脹呢??
但冇計啦~~鬼叫自己身為藍風一份子加上係自己堅持參加比賽咩??
雖然自己既傷勢仍未好番晒但都冇計
作為隊中主力,比賽在所難免......出席更係避冇可避
當我仍可以走動時我仍會踢足球,仍然會參加藍風活動的.......
最後雖然都係輸......大敗0-7
但己隊只係踢六個......已經係最好既借口了

真係希望自己既球技可以更上一層樓
更加之好波......
唔希望球隊在落得如此下場!!!

>>December 19, 2006 at 2:41:31 PM GMT+8

2006 年 12 月 18 日 星期一 【颳風】

歐聯ALAN見解PART TWO :

Roma - Lyon
超級黑馬里昂面對今季番生既ROMA......真係幾新鮮有味道呀,ROMA係主場真係要WIN多幾粒先至有機會呀,希望到時王子會有好狀態啦,條友仔始終唔太生性既,里即令人擔心既可能係前線啦,費爾收咧.....入波真係有D問題既,但呢隻黑馬實力絕對係ROMA之上呀,ROMA始終都係難以照顧兩線發展呢??早D出局專注聯賽仲好啦

Barcelona - Liverpool
呢一輪最令人拍手掌的一場波,好多人都唔會有咁既諗法掛??前屆一哥VS上屆一哥,真係幾咁有意思呀,果陣時ETO'O+MESSI應該都出番黎嫁啦,果陣時利記真係頭痕呢??哈哈.....以今季利記既防線要頂得住巴塞都真係幾難啦,相信呢兩回合都會大手交易的,利記始終欠缺一位''士哥手'',寄望到時賓帥有計仔啦,話晒教華倫時WIN過對手的

Internazionale - Valencia
同樣係前幾年既對決,仲記得果陣華倫狂插國米踢法消極,死守控波ONLY,咁又係WOR,場波我都有睇既,但今季既INTER睇怕都唔洗咁踢掛??真係令隊隊R底呢.....四名世界一哥前鋒,中場實力如此厚度,華倫要頂住都幾難啦.....希望主場可以保不失啦,同時發揮到兩翼既戰術啦,韋拿仔+維記+祖昆成為關鍵呀......後防失波冇計啦,前面入番多幾粒啦

Porto - Chelsea
上年莫帥鬆分俾波記出線.....今季又VS啦,睇下莫記仲會唔會俾波記晉級啦.....車仔上下最恨捧既係呢隻杯仔,相信波仔都唔會阻車既......舒夫真高到時真係要黎料呀,唔好再學似卡陣咁呢??波記算佢唔好彩啦.....抽到恩師,前前季都拎左一哥啦,今季算吧......答案好簡單 : 車仔WIN梗晉梗八強的

>>December 16, 2006 at 4:07:03 PM GMT+8

2006 年 12 月 17 日 星期日 【乍雨乍晴】

歐聯ALAN的分析+見解 :

PSV - Arsenal
牌面上個個都話仙佬冇問題SURE WIN啦,但PSV呢隊波都唔易攪嫁.....雖然唔係希丁克教咋,但今季仍保留住以往既實力呀,加上今季PSV主場成績優越呀,阿仙奴晉級與否好睇首回合呀,和波最好,回師主場就冇問題啦,但今季既仙佬始終未能俾人十足信心呀,睇好佢時就唔多掂,睇底情況反面更好成績,而且前線火力都係需要注意的

Lille - Man. United
上季分組賽已經見過面大家都但曼聯併唔係一面倒成績呢??一和一負,所以今場波都冇人肯定里爾SURE輸的,但以卡陣既曼聯黎睇要羸問題唔大但呢股氣又能否KEEP到2月呢??而且聯賽果陣時入到直路又會否有所拖累呢??里爾話晒都羸過AC(雖然AC陣容不整)真係唔可以睇少佢地呀,佢地既穩守真係幾穩下嫁

Real Madrid - Bayern
一場成日都睇既對決,哈哈哈~~記得之前兩隊都碰過面呢??但卡陣兩隊既面目都全非啦,所以都俾人新鮮既感覺呢??可惜既係兩軍領隊都唔係歐冠NO.1所以都冇話邊隊高D既(卡比路歐聯冇乜運仔,另一邊經驗都輸左一大段呢)拜仁個陣應該係比下去的,冇左波仔今季仍然谷唔起,皇馬始終怪怪地,後防問題要注意,個人黎講都會撐多少少皇馬既

Celtic - Milan
首次入16強.....會唔會學似上屆既維拉里爾呢??好有味道呀.....打主場波,所以首回合好關鍵的,但面對老狐狸AC都頭痕嫁啦,可幸既呢隻老狐狸今季問題多多,如果佢冬季入貨或許有料到既,但聯賽會令佢成一負擔呢??卡卡既狀態又成為問題......後防既老坑又撐得住??希望中村可以再創歷史啦,協助球隊入8強啦,再以罰球KO米蘭啦

>>December 16, 2006 at 3:50:21 PM GMT+8

2006 年 12 月 16 日 星期六 【颳風】

多哈A夢

作曲: 劉舜文 作詞: 劉舜文 編曲: jean michel ou
監製: 劉舜文/jean michel ou
主唱: 劉舜文 + 多哈A夢兒童合唱團

跣 跣倒跌親 全身傷疤都冇緊要
哼! 我有鑲鋼FEEL!
訓 訓覺鐘數 同食野餐單 要嚴格管制
哼! 信心未變調!

我好需要滿足感覺 所以我心跳
再辛酸再痛都識笑
發揮真正亞洲本性 真正最緊要
YES YES YES YES YES! YES! 我有亞洲血 YES!

踩呀踩 YOUNG呀YOUNG 衝呀衝呀衝
打呀打 攻呀攻 擊走西北風
心雄雄 搗黃龍 為著實現這
多...多...多哈A夢!!

發揮真正亞洲本性 OOSH! OOSH! HEY! HEY! HEY!
發揮真正亞洲本性 YES! YES! 我有亞洲血! YES!

踩呀踩 YOUNG呀YOUNG 衝呀衝呀衝
打呀打 攻呀攻 擊走西北風
心雄雄 搗黃龍 為著實現這
多...多...多哈A夢!!
亞洲本性! YES!
_________________________________________________________
以上呢首歌係剛剛既多哈亞運期間~~有線不停咁播放
真係幾叉攪笑既呢??
舜民兄又一巨作呢??

今日就同大家討論一下香港隊(亞運篇)吧
首先既係鼓掌,香港改寫歷史,獎牌總少數多於歷屆,金牌多是最多之冠
令人再一次認同香港不是水貨,係亞洲始終未至於包艇呢??
但我會有這樣的想法如下 :
奪得此成績固然之係開心但當心始終咪又係國緩幫拖為主呢??
老老實實當中既獎牌又有幾多個真係由MAKE IN HONG KONG所奪得呢??
乒乓波的而且係奪金但係國緩貨呢,BADMINTON既金銀好威水但又係國緩呢?
唉.....所以佢地奪金我會開心但唔會特別興奮的,阿寶同樣都係國緩但時間耐左沖淡了港人的觀念姐,香港既人材始終都係差人一級嗎??至少令人真正鼓舞既係風煩,桌球,壁球,單車都可以交出不俗成績為MAKE IN HK既港人爭一番顏面呢??

>>December 16, 2006 at 3:13:32 PM GMT+8

2006 年 12 月 15 日 星期五 【晴】

近接一連兩天的假期吧ALAN......

結果.....訓到12點先識起身呢??
真係凍左好多呢??
更住就出門啦.....去接大公主啦.....
更住就去LUNCH~~燕泙(第N咁多次去食了)
更住就四圍行下咁啦......
直到等阿''啫啫雞''打黎......
因為大公主約定佢傾大獲野呢??
約一個小時就散會了......去交交水費先
更住就搭丁丁去大公主既皇宮DINNER啦(打邊爐......)
睇下書咁啦~~自己好有書卷味呢??
一連兩個多小時重新回味兩本書---每天進步多一些//我選擇快樂
更住就打日記啦.......(大公主因為博殺中)

琴日早上睇左一篇文章---內容大致 :
聖誕卡的分類有三種 :
1.) 冇味道的聖誕卡,只係一張MERRY CHRISTAMS & HAPPY NEW YEAR卡,往往呢D卡都係出於公司寄來的,大多都係由機械覆印的,當自己睇完都會好順手掉了算吧
2.) 頭尾聖誕卡,呢類卡會好少少既,因為至少知道寫俾邊個先呀,左上角的暑名右下角自己既名......都係冇咩味道嫁啦,但至少有心先呀,睇完都係掉了算.....不會收藏的
3.) 暖意聖誕卡,由信封面已經感受到快樂,因為全部都出於親筆的,內容不單是聖誕快樂而且多的是暖意,何謂暖意?當你係凍冰冰既聖誕節睇完此卡不覺得凍就是暖意呢?此卡大多都係情侶互送的,但如果自己肯花少許時間將呢份暖意送俾家人,朋友,同事.....可能已經係聖誕節最好的禮物呢?不計價錢,在乎既係心......呢類卡往往會令人收藏起來的,對不對??

唔知道我過往送既聖誕卡,又有幾多朋友感覺到呢份暖意同埋收藏起來呢??
多謝......

>>December 16, 2006 at 2:53:19 PM GMT+8

2006 年 12 月 14 日 星期四 【暴雨】

差D遲到.....好彩岩岩好姐

唔太忙碌,等收工
又係樹睇行山網頁
有衝動一支公去行山
每星期都行一次山真係寫意......

收工''喜--->落''

搭順風車--->小巴回家(洗少幾銀野都好過冇)
一連兩日假期......放黎托七咩
都唔叉知有乜七野好做
唉......

廿六號未必有得聖誕DINNER,因為未搵到好地方呀
廿四五號又唔知有乜水去
少人又唔開心,多人都難過登天

返到家中剛好睇得切賭場風雲10分鐘
大DEE哥就放棄了

波衫既知音人只有男仔先會明白到的
型---我型不起
樸實---比較適合我

是夜行程 :
接收工--->買禮物--->澳門茶餐DINNER(可以睇電視)--->再SHOPPING(決定放棄賭場風雲)--->送回家--->自己回家
最後......只有頭尾相同,其餘只是空談

>>December 15, 2006 at 3:29:55 PM GMT+8

2006 年 12 月 13 日 星期三 【乍雨乍晴】

天氣越來越凍啦~~
而我都越來越唔喜歡呢種天氣呢??

琴日扎住返工......睇一睇楊偉的而且係幾好呀
D根鬆返晒之餘又可以醫治一下自己既舊患呢??

今日遲到呀~~鬼咩
琴晚睇埋車仔場波先死去訓......
哈哈哈......
起身時真係辛苦呢??
唔洗返幾咁好呢??
撐埋聽日啦......黎緊既星期六同日都放假.....爽呀!!!

今日係公司成日都唔知做乜野好啦
上下網咁啦
睇下D行山既網呀~~真係爽呀
突然挑起我行山之慾望呢??
獅子山好希望係下次可以KO既山呀......
特此向大家SELL一個網站啦
www.hkhikers.com
呢位人兄令我佩服.......

>>December 14, 2006 at 3:32:45 PM GMT+8

2006 年 12 月 12 日 星期二 【微冷】

行山真係唔係一件容易的事情呀!!!
琴日同周傑大雄三人行山呀.....
最初大家都決定左行程......誰不知行錯左添
足足係行多左兩個多小時呢??
哈哈哈......
最後路線 : 香港仔水塘--->山頂(貝路道)--->灣仔峽(盧吉道)--->黃泥涌峽(布力徑)--->大潭水塘--->石碑山--->搭車鬆人
可惜既係最後都去唔到終點站---龍脊
好可惜呀......我們三人都好唔抵呀.....如果唔係時間+體能限制既話都會行埋佢既
開始既時候周傑最有沖勁呀~~不停唱歌添......哈哈哈
途中大家都傾左唔少計呀~~有公事有私事又有人地既事
最多提及既係老西添......
講開老西~~一早起身打完俾大雄周傑叫起身之後就打打俾老西問好先??
結果佢一早就吊九我話我玩九佢電話啦......好惡呀!!
吹左陣就出門啦......

行完食野野餐真係開心+好好味呀!!!
行完等巴士時個個都話腳痛又點又成......
哈哈哈......
唔知道仲有冇下次呢??
暫定 : 123 // 111 =1月23日 // 1月11日 --- 有興趣者均可參與的
最後多謝周傑大雄既支持~~肯去行山吸收大自然既空氣啦

更住就過去接懿懿收工啦
應承左妳既我盡量做到的......
錫晒妳呀~~知道妳明白我累+辛苦
多番叫我回家算了
但我會陪妳DINNER的~~因為我都掛住妳
都想見多妳幾面的
去左意粉屋DINNER呀......正呀!!!
可惜既係我胃口麻麻呢??

>>December 12, 2006 at 2:49:19 PM GMT+8