2007 年 4 月 28 日 星期六 【陰】

久違既行山樂終於又行啦今日
是日出席者多呀~~加埋成12個人仔呢??
哈哈~~有大雄/文仔/ALAN+懿懿/懿爸+懿妹/九哥+九嫂/虛樹+馬鞍山ALAN/肥鵬+鵬嫂
真係多人呀~~叫人難得的一天呢??
是日行程 : 北潭凹 ---> 赤徑 ---> 咸田 ---> 西灣
大家係太古JOIN埋搭698R入西貢先
可惜係起步時唔記得拍張照添......今日既行程都幾理論課嫁
帶大家睇一睇''紅榭林'' , 06年HK最靚之風景區---咸田 , 經過蚺蛇尖
中午之時係咸田作個LUNCH先~~係行獨木橋大家應該係最雀躍的一刻了
哈哈哈......仲請埋隻狗仔食骨添呢??
行埋上西灣就完成今天行山樂了......大家辛苦嗎??
希望大家都會喜歡啦......多謝出席者每一位的辛勞啦

更住就出番市區DINNER啦~~金滿亭
大家都食左$78啦.....算係咁啦,又唔太過貴既
更住就7:30PM鬆人了......
射左陣籃球添呀~~哈哈哈哈
最後就帶著疲軟既身軀回家了.......

好開心......再次行山
明白妳既辛苦
但希望有天妳會喜歡大自然的感覺......!!!

>>May 1, 2007 at 5:04:06 PM GMT+8

2007 年 4 月 27 日 星期五 【陰】

當天同一友人下午茶小聚一刻
若果唔係周傑講我知我都唔知佢唔開心有問題......
佢又一次傷左隻手啦
唉......問世間情為何物呢??
收早JOIN埋懿懿兩個子入去搵佢啦
大家都傾傾計~~嘗試解決問題啦,我所講既野希望佢會有幫助啦
唔希望佢一直落去咁.......令自己越來越辛苦呢??

更住就過番ABERDEEN啦同懿懿
去睇左間行山鞋鋪WOR係ABERDEEN
入到去真係地方雖小但乜都齊全呀
而且我所唔知道唔明白既事情佢都可以一一咁講晒俾我知
我上了一課充實有用的理論堂呢
真係唔可以馬虎~~行山行山真係有好多好多既學問呢......
更住就同懿懿食南記LOR~~自己都好耐冇吃LOR......
最後就送懿懿搭巴士......真叫我依依不捨呢,但明天又見面LOR
哈哈哈哈......
臨返屋企前去左百佳買野為明天既行山活動作好準備先

>>May 1, 2007 at 4:56:09 PM GMT+8

2007 年 4 月 26 日 星期四 【清涼】

同樣係久違的友賽星晨
自己幫左星晨隊~~做左二五添
自己既狀態差呀,但控球方面係我的想像之中
因為由前夜已經諗好自己的踢法---花巧
因為C.7令我需要自己花巧
好境不想~~兩大問題
1.)菠蘿蓋每下愈況.....聽完上次腳指講令自己留下陰影,幾球都不快跑,而且怯了
2.)右腳腳腕扭一扭,痛痛地添......
返到屋企白完又係啪啪聲的菠蘿蓋.....令我痛......直達心中
琴日早上更住痛醒了自己.......
決定做手術嗎ALAN??
問過公司請假問題~~可以有120天的最多休息......但會留下永不磨滅的隆
菠蘿蓋上的兩個小隆......珍惜踢波+行山吧ALAN

今場波冇波入~~一中柱=可惜呀
往往係星晨隊度都係提不起勁的
可能面對藍風令自己更不認真,抱持太輕鬆心情呢??
加上係星晨隊方面最重要既係冇位置
試問連自己都唔知踢咩位置既球員係場上又點會有好表現呢??
加上影響力不多令自己更不認真
反之藍風令我有位置既重要性,這就是動力
因為我抱持堅守藍風精神~~踢起黎都認真而且勁好多
哈哈哈~~士多都多D啦

>>April 27, 2007 at 5:37:40 PM GMT+8

2007 年 4 月 25 日 星期三 【酷熱】

久違既太陽伯伯終於回來了.......
可惜返工冇得出外玩呢??
但等巴士俾太陽曬一曬既感覺真係不同WOR

今晚聽左新香蕉的一個好好既TOPIC --- 姣
話時話~~十個男仔九個半都喜歡女性姣既一面
哈哈哈哈......
有好多時係街上面,朋友度都會見到某D女性特別姣既,而男士大多都會目不轉睛的
更住女朋友就話 : 你咁鍾意姣既女仔,就鍾意佢LOR
男朋友大多都會話 : 唓,我都唔鍾意既,咁鬼死姣
老實講呀~~男仔咁講一黎為左自己既感情,最重要既係姣既對象唔係自己緊係眼紅一點嫁啦
哈哈哈哈......
某情度上如果身邊既女朋友姣下的話都幾好嫁
當然啦~~係對自己先好姣,咪鬼向其他男仔姣嫁
女性既朋友,下次妳地一於試下呀~~包妳個男友慾仙慾死呢
哈哈哈哈......
有樣野幾特別~~當中一位主持人就講自己認為姣既女星啦,咁岩佢既答案同我既係一樣
不如又俾大家估下呀 : A.)薜凱琪 B.)余斯曼 C.)廖碧怡

最後令我明白到姣---原來係男人都會喜歡的,話唔喜歡既應該九成都講大話嫁啦
但同時間令我都明白
女性既姣係一種特質
何謂特質 : 正因為呢個姣至會有更多的裙下之臣,更証明自己的明媚

>>April 27, 2007 at 5:30:09 PM GMT+8

2007 年 4 月 24 日 星期二 【乍寒還暖】

又係古仔倫出場既時候啦~~今日講既古仔係.....香

溫女雄有一天到訪人人敬重既威威大師
溫女雄就同大師講 : 威威大師我近日愛上第二個女子呀,咁點做好呀
威威大師 : 你好愛佢,咁佢是否你人生最後的一個女人呢
溫女雄 : 梗係啦,我好愛佢嫁卡陣
威威大師 : 咁你一於同佢一齊,同玩時既老婆''老焯''離婚啦
溫女雄 : 但我都好愛我老婆都捨不得WOR,而且離婚後佢一個子會好可憐的
威威大師 : 不會不會,你錯啦,佢不會傷心而你就會傷心啦
溫女雄 : 點會呀?離婚後佢一個人咋WOR,而且冇左我係佢身邊添
威威大師 : 非也非也,佢仍然對你存在愛的感覺,反之你就失去了果份既愛,論可憐點都係你的 ; 當日係教堂前你同佢的一段說話仍記得嗎?難道你已經忘掉了嗎?
溫女雄 : .........沈默了一時
威威大師 : 你面前有三支香,你睇得出邊支所發出既煙係最多呢??
溫女雄 : 點Q知呀,唔好玩啦大師
威威大師 : 拎起中間一支擺係溫女雄面前再問邊支香最多煙現在??
溫女雄 : 二話不說就話,梗係呢支啦大師,你係唔係化嫁
威威大師 : 放回香更住同溫女雄講,其實你眼前的愛只是現在的一刻 ; 最愛係因為擺近左係面前而令你有所誤解姐,其實三支香大家都係一樣的煙咁多
溫女雄 : 威威大師我明白啦,我知道我最愛既係邊個啦
威威大師 : 看破而不道破 , 善哉善哉

>>April 26, 2007 at 2:26:51 PM GMT+8

2007 年 4 月 23 日 星期一 【颱風】

多甚大的暴雨啊......本來約左DISCUSS朋友仔行山既
可惜可惜~~下次先啦,射少日波留番下次先啦
但好耐冇行山腳仔真係痕痕痕呢~~??





企係72巴士站等緊巴士時所影的
真係似世界末日呢~~哈哈哈

>>April 26, 2007 at 2:08:39 PM GMT+8

2007 年 4 月 22 日 星期日 【乍寒還暖】

上次講過一個關於飛機既故事,今日又同大家講多個飛機既故事吧

兩名主角 : RAIN + 江笑華
兩位主角咁岩坐埋同一班機過HK工作,咁岩又係左右兩個位
初時大家都冇咩問題的~~但途中江笑華訓著左時產生巨大鼻寒時
RAIN就同空姐投訴啦 : 麻煩妳幫我換過另一個位吧,身邊既人令我訓唔著覺呢
但空姐回答 : 不好意思呀,因為今班機非常之FULL所以都冇多餘位可以換啦
空姐唯有拍一拍江笑華叫佢唔好咁大聲訓覺啦......
但冇耐又試黎過啦......
RAIN呢位麻煩巨星又嘈啦 : 阿乜水空姐呀,叫你個機司出黎,我要換過個位佢呀,叫我點訓呀
四周既人都對RAIN不太好感啦,此時空姐就說 : 我同機司講一講先啦,請等等
10分鐘後空姐就出黎講 : 咁好啦,現在我就轉過個位啦,剛才既事情真係唔好意思呢??
於是阿RAIN個粉友就起身之制......
空姐就拍醒江笑華起身同佢講 : 同機司商討完啦,現在換頭等席俾你作個睡覺
此時機艙內四周均發出歡愉的聲音了

其實呢個故仔好普通的~~或許有人都已經聽過啦,加上自己講解得唔太好
當中既意思大家都應該明白掛~~??
係現今既社會中有好多自視過高的人,往往都出現呢類情況的
看不起別人,只有少少襯不起自己身份的大都不會交朋友甚至望一眼
所以做人應該做得大方點,不要常常頭望向天而不望下面的

>>April 24, 2007 at 2:42:05 PM GMT+8

2007 年 4 月 21 日 星期六 【陰】

今早起身睇左有線電影一台的一套戲 : 省港奇兵第三集
問題就黎啦~~
呢套戲係由邊位歌手做男主角既呢??
俾D選擇大家 : A.)黎明 B.)郭富城 C.)張學友 D.)劉德華

套戲個名好土氣呀~~哈哈哈......
但睇完之後都帶點悲哀呢??
其實套戲個名都講左俾大家聽大致上係關於咩啦---省港奇兵LOR
唔知呢個專有名詞係大家心目中係點解呢~~??
相信睇完呢套戲之後都會帶點體諒吧了......
男主角來港都只不過為過點好既生活~~但點都估唔到因為救自己既愛人而做錯好多野
本身係唔想打劫的~~但為左愛人冇辦法被壞人所利用
一次再一次既威脅~~迫於無奈
而且身邊既朋友都失去埋......
其實係途中多多少少都唔太想睇啦
真係唔忍心呢
唉......
最後主角二人都可以過著最終想既生活,都算是美滿的
原來往往人做緊既事情其實不一定係自己想做的事情
可以選擇的話最好唔做但奈何有陣時係自己都控制不了呢??

>>April 22, 2007 at 4:21:53 PM GMT+8

2007 年 4 月 20 日 星期五 【晴】

''靴''

係歐洲好耐之前好耐之前~~國王TOM.FAN26世出外打獵啦,由於郊野啦所以地面都係石仔,泥沙,木枝的,令國王TOM.FAN26世咩癮都冇啦,打道回宮啦唯有,但回到宮中就有軟綿綿既牛皮鋪地啦,令自己雙腳唔洗咁辛苦了,但國王TOM.FAN26世眼見街上自己既子民卻需要每天赤腳咁行石仔,沙泥路真係心痛不而了,於是就派左肥威將軍命令用牛皮將會個王國鋪滿牛皮,唔洗子民咁辛苦啦,但每鋪一地時就要殺一牛啦,由於咁樣子王國既牛都殺得七七八八了,都只係鋪左十分一既地方,呢個問題令TOM.FAN26世真係煩惱不少呢??此時士兵''賓周傑''就建議 : 我王TOM.FAN26世,不如將牛皮直接包住人民雙腳吧,咁樣子會唔會有更好收效呢??於是全國上下就用此方法啦,大大令人民不再辛苦了西1王TOM.FAN26世都鬆了一口氣呢??

大家唔好以為我吹水呀~~
我唔係吹水魔呀!!!
以上故仔係真嫁~~其實我們所著緊既鞋,最元早的是由牛皮製造成靴再進代成卡陣既鞋呀!!

呢個故仔講既意義好簡單~~其實好多事情都可以由自己做出發點的
以最貼身最需要的來去解決問題
解決問題由自己出發先往往令問題更快更容易解決呢!!!

>>April 20, 2007 at 6:02:27 PM GMT+8

2007 年 4 月 19 日 星期四 【炎熱】

呢兩天都不錯......都太陽出真係難得
最好的是去行山---可惜既係要返工呢??
可惜可惜......
星期五因為出左COMMISSION~~所以拎左舊錢送份禮物俾我愛人啦
NDS~~希望佢喜歡開心啦......
星期日本來的行山~~最後消息
有點失望
但冇計啦~~冇得強求的......NEXT TIME吧!!!

好耐冇同大家講故仔啦~~今日又講番篇啦
''最幸福的人''

江少同君君都結左婚一段日子啦,最後生左''江智賢''出黎啦~~有一次江智賢見到其他同學仔係喜怡抽獎中左部單車,於是就回家同老豆江少榜水啦~~每抽一次均需要$10,係六七十年代真係好多既金錢啦,但老豆江少為左兒子既快樂決定俾佢$10去抽一次啦,兒子''江智賢''好雀躍咁去嘉怡抽獎啦,可惜抽中的只係一支珍寶,兒子就帶著失望+失落既心情回家啦,而且覺得自己係個冇運的人,由於江少份人太善良啦,眼見兒子咁唔開心決定俾多$10''江智賢''抽多次啦,兒子澎澎聲走去抽啦~~(此時老虎君扭七江少耳仔啦)~~今次''江智賢''拎埋部單車回家啦,好開心好興高彩烈同江少君君兩公婆一齊玩啦,同時都覺得自己唔係想像之中咁黑仔咁冇運的

其實今次兒子抽中單車並唔係真正由兒子所抽到的,而係爸爸佢一早同嘉怡買左部單車,俾自己既兒子中獎的
當中既故事其實道出一個小小道理
如果小時候做任何事情都認為自己唔LUCK唔幸運的話,漸漸係成長過程中就會令自己既自信大大咁減退啦,而且令往後日子都會認為自己做任何事都唔能夠成功了
反之如果身邊既朋友//伴侶可以從中幫呢D認為自己黑仔既朋友的話,的而且係件好事的,無論信心,自信,往後日子都會事半功倍的

>>April 20, 2007 at 5:48:16 PM GMT+8