2007 年 3 月 29 日 星期四 【晴】

返埋今日就係一連十日大大大大假期了~~
真係開心呀~~諗定點善用呢個假期吧ALAN

今日同大家分享既故仔係---快樂在身邊
有一個傳聞~~話玉桂山上面埋藏左一個大大既寶藏,話係張保仔所留低的
於是大雄,文仔,江少,周傑就組隊發掘呢個寶藏啦
初時大家都有充沛既氣力+鬥志
但搵左好耐好耐都係冇收穫既~~過完一個又一個山頭都係搵唔到寶藏
當中大雄,江少,周傑都諗住算嫁啦~~都係冇行嫁啦
正當打消呢個念頭之制~~江少就問文仔啦 : 我地搵左咁耐都係冇收穫,但點解你仍然都冇半點失望可惜之情既??
文仔就答啦 : 雖然我們今次既目標達唔到,得唔到我們需要既野,你們睇下四周圍既景色幾咁美麗,正因如此我都已經忘掉自己既失望咁感LOR,反而係欣賞大自然景色呢~~你們又試下吧
故事就係咁嫁啦~~講完嫁啦
其實想引出意思係我們做任何事情大多都係有目的//目標既
雖然唔係一定可以成功的,失敗左//唔成功都唔係大問題的
反之如果可以係''過程''之中能夠找到更多既快樂,咁唔係最好既收穫嗎??
細心留意途經//過程既事物~~我諗多多少少都有所得著的

我下次行山會多留意身邊既景色+用心去認路的
漸漸明白OR睇通左自己原來有好多野都係擦身而過~~浪費左不少呢??

>>March 28, 2007 at 3:11:27 PM GMT+8

2007 年 3 月 28 日 星期三 【晴】

好耐之前有一報導~~係厄瓜多爾一名富商想知道自己死後有幾多人拜祭
於是諗左一條橋就係發假消息話自己係意外中過身啦
當中佢邀請左四十幾人左右啦,當中有唔少眼中好友的
到葬禮當天自己就躲在一二邊觀察一下自己既祭治
好可惜當時眼中所見的令佢自己廿分之失望情境呢??
只有佢媽媽到場......效埋佢最後一程
哈哈哈~~佢自己都唔知係好笑的苦笑啦~~諗住玩下大家,睇下過身後係點
誰不知換來既係極大傷心......
早知如此情願真係過身算了,至少唔洗親眼看見事情呢??

又同大家分享一個小故事呀
上次去旅行時~~正當有飛機餐食啦
咁靚女大波至索空姐實問你要咩餐既(多數都係得兩款)
佢就問我啦 : 阿RAIN你想食牛肉定雞肉飯??
我就答 : 牛肉啦,可以大隻D呀
更係大波空姐就問埋我旁邊另一位乘客啦,先生你想要BEEF OR CHICKHEN ??
先生因為岩岩訓醒所以就答 : 是但啦
咁大波空姐就拎左份雞肉俾佢啦......
我果份牛肉好正呀~~又多汁又日本肥牛
至於我身旁既友仔就碟碟不休咁話雞肉好難食又呢樣果樣~~不停埋怨個大波空姐
但我就會咁諗啦~~其實你話係別人選擇俾你而令你食得咁辛苦咁唔好味的,但別人做的事情係冇錯既,因為係你自己將選擇既權利俾左別人,由別人黎幫你下定論既,所以再係難食辛苦都只好怪自己當時既決定---是但

其實此故事所帶出既意思大家都應該會明白既
但往往係日想生活中~~我們大多數都會發生同樣既錯呀
對不對~~你是否有埋怨過別人幫你選擇某東西??
停一停,諗一諗~~或許會幫到自己的

>>March 27, 2007 at 4:59:14 PM GMT+8

2007 年 3 月 27 日 星期二 【晴】

距離2008年北京奧運仲有500天咋~~
大家既心情如何呢??
興奮~平平無奇~緊張~雀躍~是但......呢??
我的目標---可以親身到場感受一下現場氣氛呀!!!
唔知道可不可以呢??

你們知道成語''一技之長''係點樣子黎嫁??
等我話俾大家知啦......
春秋戰國時期~~趙國君主趙王有一天出外狩獵啦
突然有一個衣破褲爛既人話加入趙國幫手打江山WOR
咁趙王就問呢位人兄啦 : 你有咩過人之處呢??
那人就話 : 我說話大聲,就算係好遠既都可以令對方聽到其聲
咁趙王就收歸己用啦
再過一天~~趙王出海遊樂啦,黃昏之時正當回宮之制
發現自己身處對岸啦,於是就叫船家車輛船過黎啦~~但眾人叫極都叫不到船家
突然趙王一諗,剛剛收歸己用之人正好大派用場啦~~召佢過黎
於是一聲大叫,不消多久船家聽見就車船接走趙王啦
就係呢個故事而出現了''一技之長''的成語啦

聽起黎有點兒戲,但真有其事的
大家唔好我吹得就吹呀......
其實無論任何人都總有佢既個人之處的
只不過係何時發展出來令世人明白知道呢??
正一如此~~自知有某能力//事情比他人優勝既都要好好利用''一技之長''啦

>>March 27, 2007 at 4:45:16 PM GMT+8

2007 年 3 月 26 日 星期一 【陰】

足足等左九日咁多啦~~
終於見到有人留言俾我啦.....
仲要係有三個新留言呢??
哈哈哈......
你們知道嗎~~留言是一種小動力呢??

補番今個月月中所行的吊手岩+牛押山+馬安頭俾大家啦
希望大家會喜歡啦.....
計計下原來今個月我都已經行左三個地方了
真叫人滿足呀~~哈哈哈......

起點---馬安山燒烤場


對面是馬鐡烏溪沙站


危險通告


涼亭篇號


吊手岩---就要爬呢個壁


大霧得很.....


帶點思情畫意


大自然的美麗


叫人贊歎


重見天日啦


由下面爬上黎的


DISCUSS行山朋友


野杜鵑送俾咁多位讀者


>>March 26, 2007 at 2:12:39 PM GMT+8

2007 年 3 月 25 日 星期日 【陰】

多謝懿懿到場睇小弟踢波先呀......
兩次既黎臨兩次都有入波呀~~HEHEEHEHEHEH
真係LUCKY ALAN呀~~抵錫呀!!!
華哥//偉仔//腳指//文仔//威威快快帶埋女友黎吧!!!!

是晚比賽VS~~肥仔魚腩隊
文仔係出發前起名 : 向勝利出發
結果 --- 帶著勝利回家LOR,真高興呢??
今晚到場既隊員都係得八個~~唉......可惜可惜其他隊員唔可以一齊分享勝利的感覺
上半場踢起來太過小心翼翼啦~~所以和波半場
係十分鐘左右同腳指調位踢啦~~要谷前D壓前D啦
有一球中場帶波推進先,連過兩個禁區頂起腳~~可惜被對手閘到(應該再CUP多下多左腳SHOOT)
係臨尾阿KEN篤個直線~~禁區頂K角位勁射遠柱~~高出左
半場休息大家都知道問題所在---''需要個波放住地下黎踢''
下半場作出改變~~同偉仔係前場焗波~~令對手KEEPER開差的死球
換走華哥冇耐~~打一突擊
偉仔大步推,我突然CUT入半刀單情況下左腳作勢射一CUP,右腳一趟~~GOAL GOAL
1:0啦~~大家等左好耐既1:0......
大家都好努力咁守住最後的比數......
有球同對手五五波一撞~~打個關斗呀,好彩冇事姐~~
如果可以快多半步就可以橫傳偉仔啦~~可惜呀!!!
有兩三球同偉仔夾得幾好的~~只係我走前左,漏過左~~可惜呀
佢自己都差D入波呀~~但唔夠快搵個波姐
又有一球小禁區罰球的~~可惜冇晒位,處理得比較差呀(應該呃一呃再起腳的)
當吹完場雞時大家都好開心呀......
大家既努力都冇白費呀!!!

懿懿話問心都大叫一聲WOR
哈哈哈~~
好彩妳睇到我入的一球姐......

>>March 25, 2007 at 4:23:24 PM GMT+8

2007 年 3 月 24 日 星期六 【陰】

難得既係星期日放假呀~~可以忙裡偷閒---偷走上半日既時間去走一走山先
今次既目的地---利東村既水庫玉桂山啦
一早7:30AM到東業樓下JOIN埋肥鵬兩支公上山啦
你們冇睇錯係---肥鵬,估都估唔到呢??
哈哈哈......
上山只係用左15分鐘度既時間但另一邊落山就長LOR原來~~
仲可以過到對面既小島(周傑成日講既連小島沙洲)
行到半路最攪笑既係---肥鵬爆呔呀,因為佢著長褲而且係風褸料更加易爆呀
我見到真係笑死我啦~~因為佢爆既位正正係實周仔果個位~~成條白底都見晒呀
面積仲要係唔野少添呀......落山時搵路走
佢游水過對面WOR~~哎呀~~真係服左佢啦~~成個人濕晒---哈哈哈哈
我就爬崖上番山啦~~諗起都好危險的真係(大家可以睇相)
最後係真光鬆人搭車回家食KFC啦!!!

由上球場前的樓梯走前行小路上山


回望主場---水庫


深灣果頭既景


有繩引路的


終於到頂啦


遠望南丫島


可惜天色唔靚


呢張型仔呀(未爆褲)


企在最高處


成個東村全景


前往連島小沙洲


落山路都幾好玩


小小的石陣


回望落山路


呢張送俾周傑(佢最喜歡的連島小沙洲)


可惜既係垃圾處處


身處位置


由對面既下面慢慢爬過去的


超級危位---跌落去死得


>>March 25, 2007 at 5:26:59 AM GMT+8

2007 年 3 月 23 日 星期五 【晴】

剛剛既星期四~~同懿懿去左睇---再造人之戀
真係一套難明白既戲~~
唔怪之得連本土韓國人都唔明白套戲講乜冬冬啦??
我諗左兩日......足足兩日,其實套戲係反映出甚麼呢??
最後得出些少既諗法 :

其實每個患有精神病的人都有佢獨特的想做既野以及希望
以主角一順為例---話需佢係傻但其實佢好喜歡幫助別人的,令身邊既朋友解除痛苦的,而且佢本身都有自己的感人故事(多多少少似''海賊王''咁樣子,每個人均有個感人故事),因為自己喜歡偷野就一於用偷黎幫助別人啦......令大家都解脫不少呢??反之另一主角英君同是有個感人故事的,為了外婆~~至親的家人保護唯一的物件,其實佢係唔係再造人都係其次,呢個再造人角色只係一個名字---實則上是反映出於精神病院的病人

可以的話大家就唔好入去睇啦~~
睇完唔明白係正常的
哈哈哈......

>>March 23, 2007 at 5:33:18 PM GMT+8

2007 年 3 月 22 日 星期四 【陰】

剛剛一星期睇左兩則文章都想同大家分享一下的~~
兩則都係比較HK女同JAPAN女的
多謝大家觀賞

1.)
原來日本既女仔分手時比較特別的,同香港的大有不同,日本女性對分手唔會學似香港既女性咁大叫大釀著的,不會叫生又叫死~~日本女性反之會約出黎請男方食餐DINNER,言謝~~道謝一番男方呢段感情的照顧,哈哈哈......而且仲話會多多改善的,你地話係唔係叫香港的男孩眼紅呢??相比香港既女性真係天壤之別~~有的死硬派,有的死纏,有的自殺......真係需要多多向日本人學習一番呢??

2.)
去過日本既人都會發現日本既女性往往都係迷你裙的,越迷你越正,再加埋大波低胸真係叫唔少既香港男士唔望多幾眼都對唔住自己呢??哈哈哈.....但其實咁樣子望法反而令日本女性更加開心的,因為佢地著到咁正是表現出自己,更加有自信地表現我吸引到男士的,越望得多就好開心,哈哈哈~~又會咁都有既??反之如果係香港你望多一陣果個著樽領牛仔褲既女仔呀,佢會唔會話你變態定咸濕啦??兩個國家既女性都真係大分別呢??

>>March 23, 2007 at 3:38:34 PM GMT+8

2007 年 3 月 21 日 星期三 【晴】

10場入18球---岩岩既比賽日都計埋佢啦
更住星期二的VS星晨入左一粒11場入19球

剛剛既星期二終於都攪掂果張大雄所謂既''揼骨通行証''啦
哈哈哈......
一早起身去拎籌先,更住LUNCH放棄食野又走去北角攪埋D手尾佢LOR
但懿懿佢去左睇醫生更住早走啦
因為佢琴晚食得太飽WOR~~我就冇事啦,因為我係再造人---一順呀!!!

收工澎澎聲過東村先~~上去打左陣邊爐食少少野啦
JOIN埋華可上水庫LOR
我們兩個子諗住早D上去早D練習一下,互相幫助一番
其實我都幾喜歡呢一種感覺的~~早D到場熱身,提點對方問題加以改善
今晚入左一粒WOR~~但出現左久違的老抽呀!!!
你地話呀~~有幾可聽見ALAN會係賣老抽既??
哈哈哈......仲要係兩隻腳呢??
今晚對自己表現真係差勁呀~~一句講晒---進退失據呀!!!
偉仔既提醒加埋華哥既一語道破~~形成卡陣的自己
自己應該加點果斷以及認真以及快放......
星期五如果再踢的話我一定會認真起來既!!!
但要我認真起來都需要一點刺激呢~~??
就似對上三場的五入球戰役

>>March 20, 2007 at 4:26:32 PM GMT+8

2007 年 3 月 20 日 星期二 【晴】

雄哥牛一~~真係年中大事之一呢??
今個月華哥同雄哥兩位大阿哥都係生日~~真叫我呢個老死兄弟辛苦啊
辛苦的不是破費買禮物陪DINNER~~而係諗不到送甚麼東西好呢??
哎呀~~真係真係......諗大左自己個腦呢??
結果送華哥一本足球練習書//雄哥就係大雄一個+蛋糕
越來越難諗添......都係時候諗定下年送乜好LOR
哈哈哈哈.......

懿懿所介紹的---時代金滿亭都真係不俗WOR
好味道有新鮮感---下次大家又多個選擇呢??
抵錫呀......
再一次被妳看破了我的心窩嗎??
真係進一步了解清楚明白我呢??

是次大雄生日會所出席既人數唔少WOR~~
加加埋埋都有十個之多呀~~獨欠威威+周傑呢??
連久違的''滑啫啫''都有來WOR~~哈哈哈.....新名黎嫁(文仔諗的)
而且又幫寶寶諗左個新名---鑽地八

>>March 19, 2007 at 5:11:30 PM GMT+8