2003 年 8 月 7 日 星期四 【晴】

感謝主，今日同積奇仔傾電話，佢竟然請我幫佢祈禱！放左學好開心，攪惦左一科埋～　今日測了經濟，這科的最後一個測驗，都做得唔錯呀．Edmond Sir又告訴我們，佢Line 4 class有２５人，只有８個人在前日的電腦測驗合格～　好正常呀．．．又有些安慰，不只是我一個唔識做．．．

放學時下雨呀，我冇返屋企，去了買電話卡打電話～　又因為個測驗做得唔錯，買了咖啡比自己，reward一下．記得前幾日我在學校做數，做到時同自己講：‘Good Boy!’，Maggie話我使唔使咁讚自己．．．Encouragement對我好重要架！有時我都成日同人講我學習的進度，都係想要一些支持．

六點幾返教會開會，同Oscar仔傾左一陣．係呀，在我未返回澳門前，Michelle去了中國讀書，現在積奇仔又話走．．．在澳洲真係好開心，是因為我的教會嗎？我好唔想返去，不過我好掛住佢地呀！

我都打左個電話比梁太～　哈哈，雖然我唔係一個好女兒，但馮生生日，我都想佢開開心心，所以我請左琴行的朋友仔幫我攪馮生的生日，飲餐茶～　不過同梁太傾左好奈，＄１０電話卡用曬了．撞佢隻鬼，過幾日安仔哥哥生日，我唔想又買電話卡呀！



>>August 10, 2003 at 11:58:26 PM GMT+8

2003 年 8 月 7 日 星期四 【晴】

今晚有粥吃！顛架，澳元＄６呀～～如果唔係我病到七彩，煮唔到飯，都唔會買．下午又坐了＄１．５電車返學～　好想打比積奇仔，唉，不過我喉嚨發炎呀，講唔到野，吸氣都係用個口咋，好辛苦．今次病了的代價都幾大！上兩次玩完火鍋後，我都冇再胃痛了，感謝主！不過晚晚都有一些胃氣～　我放學買粥的時候，都會想到我吃了粥有冇可能會嘔．呵呵，嘔返＄６出黎，好唔惦架！

過兩日Cihco仔生日～　不過佢在葡萄牙，唔知幾時會在澳門見返曬我所有的好好朋友呢～　如果積奇仔去了Taiwan，咁我點呀．．．不如問下Joy’s去唔去，我地三個在 Taiwan 再從出江湖！大家各有各行．．．我只望到了最後，大家可以在天家一起！係啦，我也同加拿大的 Edna 仔約好玩 exchange，仲有畢左業同安仔哥哥去流浪一番！Alice仔問我是否想攪ＰＲ．．

三個人．．．Joy + Jackie + Emily, Edna + Hazel + Emily, Christine + Alice + Emily, Ivan + Alice + Emily, May + Jenny + Emily...發覺我中小學年代都有好多三人小組～
唔知 Edna 仔仲記唔記得．．．

‘太陽出左黎未呀？’‘太陽出左，便秘好返曬！’好似小五時Hazel &我們玩的暗號，哈哈！大個女喇，大家都唔知玩乜了～



>>August 8, 2003 at 5:36:29 AM GMT+8

2003 年 8 月 6 日 星期三 【晴】

姑姐打比我，問我可唔可以sacrifice一個星期六幫佢睇小朋友．本來都ＯＫ，不過月底教會有野攪，我唔想錯過個崇拜，想想下，我星期六早上又有課程要上，我推左佢．．．有些不好意思啊．．．不過我知道‘主大過天！’

>>August 8, 2003 at 5:30:02 AM GMT+8

2003 年 8 月 6 日 星期三 【晴】

Derek~ 我估您會睇我的日記仔...想同您講．．．I will reply your mail later~~


Oh gosh~ I don't want to go to school this morning!!!!!!!!!!!!!!
Terribly sick ~~ Mrs Earle was quite kind to me during my piano lesson, Thanks God!
But having finish off my HW and revision.
Gotta do my Maths HW after this and return home for the Computer Test Revision.
I now realized that my timetable is so great~

Break - Music
Break - Maths
Break - Break
Eng - Computer
Break - Economics

In actual fact, although I have not done much except piano yesterday,
I have all these break before the lesson to do my HW, haha~~
No worries, I won't let you guys down with my marks.
I will survive as a student, and as a Christian.
As a friend... oh well~~ learning to...

　

>>August 7, 2003 at 12:13:48 AM GMT+8

2003 年 8 月 5 日 星期二 【陰】

大家知唔知和興白花膏可以用於頭痛，傷風．咳嗽等的治療架！？三點左右我醒左，my throat sores！飲水都飲得好辛苦，喉嚨好痛呀～　手頭上有一堆藥，不過都唔知用哪一隻藥好．．．又Penadol咩！？

飲水前，發覺呀權請我吃的口交仲係我個口到．唔只一次，成日都係咁便睡了．返澳門一定要找劉生睇牙．仲有阿波，cut hair ~


>>August 6, 2003 at 3:34:57 AM GMT+8

2003 年 8 月 4 日 星期一 【晴】

今日坐自行車返學呀．下午測了電腦practical，後日仲有written test．測完在電腦室見到Fiona，佢成績好似幾唔惦．．．都唔明點解其他人話基礎年好輕鬆．我自己都讀到死下死下咁．後來有電腦冇人用，我便上了網～

嗚嗚～～　雖然唔知安仔哥哥同佢女朋友仔攪成點，不過Hero仔好似濫用左Penny個留言板．．．感謝主，我學校的電腦睇唔到HKflash board的中文～　所以我都唔知佢地講乜．

睇野唔好睇得咁清楚．．．

女人做乜要知咁多，自己會辛苦了吧！

放左學返到屋企拍車時，呀權就打比我了．哈哈，今晚上了Kate到吃飯．And then呀權同我溫習．佢好勁呀～　我知佢唔係讀書的人，不過佢好有耐性同我由六點溫到十點幾．佢條友仔明天又話唔返學了．．．

我唔明點解佢會咁聽女朋友仔話．這兩個星期同佢玩埋左，佢話如果佢女朋友要佢返學，佢會返，要佢吸小一些煙，佢又會．．．不過問題係佢現在冇女朋友仔呢．我想進一步了解佢多一些．不過自己都要小心，個出發點不是為了傳福音．要在建立個友誼當中傳福音，不是為了福音同佢友好．


>>August 6, 2003 at 3:33:32 AM GMT+8

2003 年 8 月 3 日 星期日 【晴】

電話！呀權！

嘩，平時好小做夢的我今晚做了個惡夢呀！做夢時同我醒來不久後我都好驚呀！唔知點解，我想比個電話呀權～　安慰下啊．．．可能太累了，未驚完就再睡了．

Linda最後都冇打比我．我返了學就ＳＭＳ佢．哈哈，星期三可以同佢玩，幫手做野．仲有下星期二啦，都唔使返學～　睇下會唔會同Julian 和阿Kate佢地去唱ｋ，撞鬼，文-ly幾時開始去ｄ咁樣的地方架．．．

前幾日，我啦，呀權，Julian 和阿Kate玩Big2．Lost左要飲酒，呀權幫我飲，阿Kate 幫Julian飲．後來我飲左小小，想起安仔哥哥同我講．．．“您呀，去到澳洲唔好學bad呀！”我仲好有信心回答佢“車，澳洲冇乜夜生活架！”不過佢又話“冇夜生活都可以學bad架！”

唔．．．冇左安仔哥哥睇住我．．．冇左Linda日日夜夜提醒住我．．．又冇左Biscuit弟兄引領住我．．．有些怕呀．．．


>>August 6, 2003 at 3:31:43 AM GMT+8

2003 年 8 月 2 日 星期六 【晴】

條友仔好似話打比我架，不過到現在我都等左十二個鍾了！我會一直等．．．

今日Ｍ到，在這一些日子，好小心情都仲係咁好架！今日真係好開心呀，感謝主！去了飲茶，貴到嘔！我告訴了媽媽知我飲茶用了＄１６，不過佢都冇乜野，唔．．．下午仲有行街街啦，睇衫，睇野～　在車上阿權話我大學好far away，佢同Julian都比左一些hope我去MelbourneUni．今期成日都同阿Kate佢地玩，呵呵～

佢地開始找到‘真正’的我了．積奇仔，您記得嗎？您告訴過我知，有好多些同學仔問過您，點解可以同我咁熟．．．

對Derek有些唔好意思，因為佢約左我～　不過佢又唔定好個時間，吊住我的時間，好難做．點都好啦，對不起啊！

在我等待她的電話當中，媽媽同姑姐都打比我．．．


>>August 4, 2003 at 12:11:10 AM GMT+8

2003 年 8 月 1 日 星期五 【晴】

早上七點醒左，大概昨晚做完靈修便fallen asleep喇．．．有個來至姑姐的未接來電．唔．．．

有幾樣大事想同大家講下．．．
１ 今晚吃了飯去了阿Kate屋企睇movie，佢地後來教識我玩Big 2．．．
２ 基督徒可唔可以講粗口？我不斷地向其他人講基督教的事的同時，見到自己的第兄姊妹在教會一個人格，出了去又有另一個品德呢！大約一星期會見大家一次，有個姊妹次次都講錢，她好像作了錢的奴隸呢．但我們是要當神的僕人！我唔知點去幫佢地做返好一些呀～　祈禱吧！
３ 上上次我拍拖的時候，係玩玩下玩出火花來的．自己冇念去拍拖，點知．．．
這一個星期都好似玩緊一些火花．．．我唔sure呀～　不過好sure我與他這時不可在一起！男朋友仔第一大條件：基督徒！


>>August 4, 2003 at 12:09:30 AM GMT+8

2003 年 7 月 31 日 星期四 【晴】

唔知Formal Dinner攪成點呢．佢地好奇怪，點解我作為其中一個攪手竟然唔去這個晚會．．．

過兩日家姐生日了．．．
８月１４日測數呀，不過哪天馮生生日呢～～

Alice仔今日好開心，唔知佢條友仔攪乜～　Ivan仲係好死咁，又唔吃飯了．．．佢話好sick，Gary推測佢心靈上有問題．再三問下去，佢停左冇睇聖經呀！
嗚嗚．．．

六點幾返教會，路上見到Linda呀，呵呵～～　＾．＾


>>August 4, 2003 at 12:08:27 AM GMT+8