|
2004 年 1 月 28 日 星期三 【晴】
日記正式轉過去呢度~~
http://mcq.com.hk/diary.php?id=misukilove
大家請移玉步~~麻煩晒~
>>January 28, 2004 at 8:20:32 PM GMT+8
2004 年 1 月 26 日 星期一 【乍雨乍晴】
新年假既第七日﹐亦都係年初五。天氣仍然好凍。(都唔知邊條粉腸話今日回暖~)
今朝十一點起左身﹐好耐無試過咁早起身喇。真係好早呀呵？係呀呢...我都覺呀~
早起身既原因,係因為今日要補習。起身之後﹐擦牙洗面換衫﹐搞完之後已經搭九(都唔知點解搞左咁耐~)
然後就落樓下幫亞媽入票。仲撞到兜面添~不過無打招呼呀﹐事關大家又唔多熟﹐而且佢又見我唔到。
排左半個鐘隊﹐再用左五分鐘入票﹐走既時候已經搭４。但係我約左大家搭半起金鐘度等。
最終我遲左一個字搭７先到。以為自己已經好遲﹐點知係第一個到。仲要等到搭９﹐隻西先出現。
遲到啦~又抄唔到金句﹐不過是但啦~因為我都無帶本薄去抄。今日又有測驗﹐
我又係做唔切﹐我有半份Ｐ-Ｒ無做到。測完之後就落堂喇已經。出去排隊交學費﹐
期間打比ｊａｍａｎ﹐睇下佢地起邊。因為會去搵佢地。係喇~我補完習之後就出左去搵舊生會Ｄ ｆｄ﹐
嚴格黎講﹐其實係小學隔離班既同學﹐佢地全部都６Ａ﹐得我一個６Ｃ咋嘛~
起ｔｉｍｅｓ ｊｏｉｎ埋佢地﹐然後就一齊行左陣。其實同佢地行街真係幾無聊~
真係齋行囉~無乜點入過Ｄ鋪頭。一開始既時候﹐有隻"女交"妖一齊行﹐
佢一直都同２個男仔一齊行﹐聽聞佢頭先唱Ｋ已經係咁﹐仲出到聲叫人請佢睇唔知邊個演唱會。
不過實有人受呢套既...咁多人鍾意佢﹐係咪先？佢走左之後﹐２個男仔同我地行左陣﹐
可能覺得無左佢無乜意義掛﹐於是就走左喇。我地跟住就去ｒｂｔ食野。呢個係我既第一餐。
食完野﹐行多幾個商場﹐我就走先喇~我諗我唔多想再同男仔&''女交'妖行街。
好似最後咁淨返果４個就非常好喇~今日最大既收穫係見到好耐無見既ｊａｍａｎ﹐
同埋重頭認識過２個小學隔離班既同學囉~散左之後我返左北角睇醫生。醫生話我係普通感冒﹐
佢見我個鼻損晒﹐仲比左盒藥膏我搽添~睇完醫生之後返屋企﹐等埋亞媽一齊食晚飯。
食得真飽。之後同老媽一齊睇電視﹐之後咪沖涼+聽收音機+打日記囉~
>>January 27, 2004 at 2:23:20 AM GMT+8
2004 年 1 月 25 日 星期日 【乍雨乍晴】
尋晚老媽霸住部電腦打牌﹐所以寫唔到。不過都唔緊要呀﹐尋日係新年假既第五日﹐
亦都係初三赤口﹐無得拜年﹐成日都起屋企吽﹐係無聊既一日﹐所以寫唔寫都無乜關係。
至於今日---新年假既第六日---年初四。其實都係無聊既一日。１２點幾比老都抄醒叫我食藥。
無錯~我又病左喇﹗都係流下鼻涕+咳下咁囉~個鼻又損晒啦~不過至辛苦都係訓覺既時候鼻塞。
透唔到氣真係好辛苦。所以如果我第時要自殺﹐我都一定唔會揀跳海或者吊頸。真辛苦﹗
起身之後咪又係擦牙洗面洗頭囉。我呢期喜歡洗完頭之後包住個頭然後做面模。
咁樣Ｄ頭髮先唔會掂到塊面嘛﹗整完塊面老媽就起身喇。佢唔知點樣搞左個幾鐘之後﹐
終於執返個見得人既樣出黎。呢個時候老豆亦都返左黎﹐一齊落樓下茶餐廳食午飯。
食完飯之後﹐我地就返上樓執野﹐因為老媽今晚又約左人返黎打牌。新年期間﹐
我係絕對唔反對亞媽返黎打牌架~一次有三隻麻將腳﹐每人兩封﹐都咪話唔“和味”。
之後入房玩電腦。同亞西嗲開﹐發覺大家都起屋企發吽逗。於是我地就約左出黎行街睇戲。
今次終於唔再係銅鑼灣﹐而係變左去太古城。我地去睇鬼馬狂想曲。
個個ｆｄ都話一齊去睇﹐講講下又無左會事。我地行到去ＵＡ ｃｉｔｙｐｌａｚａ﹐
發覺佢得返頭３行Ｄ位。所以我地由太古城中心行左過康怡廣場果邊既百老匯。
呢邊有喇~起呢邊買完飛之後我地就順便行埋吉之島。食左個晚飯。好飽~２個人都食唔晒一個餐。
食完見仲有時間剩﹐就行返過太古城中心行下。不過唔知點解果度Ｄ鋪頭咁鬼早閂門﹐９點幾就閂。
見Ｄ鋪頭都閂得７７８８﹐又行返過康怡果邊。次次都係經地鐵站﹐２條友起個地鐵站既２個出口﹐
來來回回﹑走黎走去。我地睇１０點半﹐果度Ｄ人話好１０點５先可以入去。
但係我地搭１已經到左。唯有柄埋一邊嗲計。傾到一個纏繞我地好耐既問題﹐
就係點解會無人鍾意自己？其實呢個問題之前已經有同其他同學討論過。而佢地比亞西既結論﹐
係話亞西要求太高﹐唔型唔要。但係…(拿~佢自己話架下…)…而家唔係佢唔揀人喎﹐
而係無人揀佢。連搵個７既追下自己都無。其實我都唔明點解佢會無人追﹐
佢呢種開朗健談型既性格唔係應該好受男仔歡迎架咩？至於我自己點解無人要…
一字記之日﹕醜﹗或者我性格上都有Ｄ問題。我同熟既朋友可以玩得好埋﹐但係我好難同人混熟。
其實我係知自己衰起邊架啦~不過樣呢家野無得變架…我唔會去整容架~至於性格…好難改既~
所以相信我都係無伴終老﹐孤獨一生架啦…都係時候儲定錢買姑婆屋囉﹗
呀~如果有人發現其他導致我無人要既原因﹐都不妨話聲我聽呀…
傾完呢Ｄ咁嚴重既問題﹐都差唔多夠鐘入場喇~雖然無乜劇情可言﹐又有Ｄ９唔搭８﹐
但都不失為一套可以接受既笑片既。而且真係好好笑。５分滿分﹐我比３.５分啦~
都值得去笑下既~散場既時候已經係１２點幾﹐出到戲院門口有旺角小巴﹐就咁亞西就走左喇~
至於我﹐本來打算搭巴士﹐點知等左好耐都無車﹐就打算轉搭丁丁。又係等極都無﹐
最後都係決定搭返地鐵…無錯~再一次落地鐵站……
＊誰人會愛我這種孤兒仔 流落到谷底
恐怕我已是個熱戀的後遺
無人前來認領骯髒的身體 若想抱抱就等下一世
誰要我這種孤兒仔 誰贈我安慰
當我至愛路過 亦不想拾遺
誰在從前話我貧窮但美麗 但想抱抱就等待轉世 我這種身世＊
>>January 26, 2004 at 2:27:08 AM GMT+8
2004 年 1 月 23 日 星期五 【乍雨乍晴】
新年假已經到左第四日﹐即係一半啦~時間過得真係快。其實新年要做既野真係唔多﹐
所以每日既日記都好短。今日再一次訓到２點。嘩~真係將開學以黎蝕左無訓到果Ｄ﹐
一次過訓返晒~起身之後就擦牙洗面洗頭﹐然後再叫醒埋老爸同老媽。等佢地搞掂晒之後﹐
老媽就去煮飯﹐再整埋屋企裡面既剩餘物質﹐再一次一家人圍埋一齊食飯。
食玩飯之後就換衫去亞婆度。每年既年初二都會全部人返晒亞婆度。
今年都唔例外既...係多左大舅父個女友囉~逗晒咁多個姨媽舅父既利是之後﹐
就去左住大街既四舅公度﹐食左好多年糕﹐逗左兩封利是咁啦~
坐左一陣我地就返左婆婆屋企食晚飯。食左好多野﹐好飽唷~~
唉~又要做返一輪運動先減得返啦...食飽飯之後Ｄ姨媽姨丈起度賭錢﹐不過玩得好細~
佢地玩下魚蝦蟹﹑三公﹑廿一點…啦~原來都玩左好多款喎~不過我老媽只係贏左十蚊。
好過無啦~大舅父贏左﹩１５０呀~勁﹗二姨丈竟然做莊都可以輸錢﹐仲勁﹗
到１１點幾老豆就黎車我地返屋企。返到黎咪沖涼ｏｎ９＆睇四葉草囉~~
＊繁星流動和你同路 從不相識開始心接近
默默以真摯待人 人生如夢朋友如霧
難得知心幾經風暴 為著我不退半步 正是你 ＊
>>January 24, 2004 at 1:59:04 AM GMT+8
2004 年 1 月 22 日 星期四 【乍雨乍晴】
新年假既第三日啦...今日係大年初一。我起呢度祝大家想要乜就有乜。新年快樂呀~~~
每年既年初一﹐其實我地都係留守起屋企﹐唔會出去拜年。今年都係一樣。
由於尋晚玩通頂既關係﹐今日係好似一隻死豬咁訓到３點先起身。起身既時候發覺自己鼻塞﹐
唉~又病﹗而且個死人頭仲痛緊。起擦緊牙既時候﹐三姑媽一家就殺到上黎。年年都係咁架喎~
上黎之前又唔通知聲﹐淨係黎到樓下先話比我地聽已經到左樓下~成家都未起身架嘛~
最後咪著住件可愛既ｐｃ狗睡衣同佢地拜年囉。佢地走左之後﹐我地就開始準備食飯。
年年年初一都會一家人食飯---一定會齊人。今日全日都食齋。老爸既朋友送來一個南宇粗齋煲。
唔夠用黎做午飯﹐所以我同細佬落去齋鋪買多Ｄ返黎。一家人齊齊整整一齊食餐飯﹐真溫暖﹗
今晚老媽的朋友會上黎開枱。今日都已經有唔少收穫。係一個好既開始呀~~
亞媽Ｄ ｆｄ黎晒之後佢就開始打牌﹐我就好無聊咁起房玩電腦睇電視。
>>January 23, 2004 at 1:19:08 AM GMT+8
2004 年 1 月 21 日 星期三 【乍雨乍晴】
新年假既第二日。亦都係年三十晚。天氣好凍。今日訓到２點先起身﹐真係一日遲過一日。
起身之後搞呢搞路﹐搞到３點幾先出去食飯。去亞媽公司ｊｏｉｎ埋亞媽一齊食飯。
今日食鹵味。好味~仲好飽添﹗之後亞媽就陪我買衫。因為尋日拎晒Ｄ拜年著既衫出黎比亞賓燙﹐
先發現拎比佢燙既５件衫褲裡面﹐得一件係衫﹐其他全部都係裙或者褲。
由於唔打算成個新年淨係著一件衫﹐所以就叫亞媽同我再買多次衫喇~
比亞媽話我大使﹐今日買左４件衫+一對鞋都只係﹩３ｘｘ﹐但係我尋日自己買左１件衫+２條裙﹐
都已經用左﹩５ｘｘ。是但啦~總之有新衫過年就得啦。買完衫之後﹐就搭的士出銅鑼灣。
去搵亞西睇戲。難過的士司機話銅鑼灣塞到爆﹐所以我最後就返左炮台山再轉地鐵返 銅鑼灣囉~
遲左少少到﹐不過都仲趕得切。去呆Ｂ果間戲院度睇﹐佢今日有返工﹐仲請我地食爆谷添~哈哈~
套戲真係幾好睇﹐雖然我唔鍾意鄭秀文﹐但係我都覺得佢大部份既造型都好令。
而言承旭亦都仍然好令仔。劇情都好呀...好幸福。睇完之後８點﹐時間尚早。
同亞西去食野打機﹐磨到１２點先過去金百利ｊｏｉｎ埋其他人﹐準備一齊去行年宵。
杰倫遲左足足半個鐘。齊人之後﹐我地就行過去維園草地搵亞凱同佢Ｄ朋友。
點知搵完之後﹐又要兜一個大圈先可以入返年宵﹐又打晒蛇餅﹐等左成個鐘先入到去行。
入到去真係超級逼﹐逼到都睇唔到野﹐而且又無乜野睇﹐最終行左３/４條街就走左喇。
行完個年宵之後﹐真係完全打擊我自信。我地遇到２個豬到震既扒扒﹐
今日拖住一個唔係太差既男仔。個男友仲要間唔中輕吻佢個額頭。難道我連呢Ｄ扒扒都唔及？
之後起維園側邊坐左陣&凍左陣﹐然後就上左黎我屋企﹐睇左套周星馳﹐就已經６點啦。
好耐無玩通頂啦﹐真係好難頂架。本來打算落去樓下同Ｄ同學飲早茶既﹐
不過人又凍﹐個頭又痛﹐實在係有心無力。佢地走左之後我就拿拿臨沖涼除ｃｏｎ﹐
然後就飛上床訓。真係好ｔｉｒｅｄ……
>>January 22, 2004 at 11:10:59 PM GMT+8
2004 年 1 月 20 日 星期二 【乍雨乍晴】
今日係新年假既第一日。再一次好幸福地訓到１２點幾先起身。起身都仲未訓夠。
我係比西個電話嘈醒架﹗１２點幾佢打黎問我出唔出街。我今日「本身」約左我亞媽﹐
打算行街叫佢買新衫過年。但係當我推左佢地之後﹐我亞媽同我講話佢唔想太早出﹐因為好凍。
而且佢又病左。所以我都無謂叫佢出街。淨係叫佢比錢我自己買囉~其實都係第一次自己買。
一向都係佢同我一齊買既~然後我就打返比亞本身西話佢聽都係同佢地出去啦~
幫亞媽落一落銀行﹐之後就返上樓食午飯。同細佬一齊食公仔麵。死佬賓~飯都懶得去煮。
叫佢煎埋Ｄ蘿蔔糕出黎﹐就形成今日既午飯喇﹗匆忙地食過午飯之後就去洗頭換衫執袋﹐
出門口去銅鑼灣搵佢地~(又係銅鑼灣﹗~.~")落去間機鋪度搵佢地。之後就開始行街。
行左陣﹐終於起亞西好鍾意果間野度買到新衫。一條裙+一件衫。咁就去左四百幾銀喇~
行到去銅地﹐嘉哥話肚餓﹐咁咪去唔知仙跡岩定仙蹤林囉~點知野食都未黎就走左去交收﹐
一去就去左成個鐘。仲唔係試埋貨先返？仲叫我地食埋佢舊野再自己行住先。
行埋ｓｔｙｌｅ ｈｓｅ同宜家傢私佢先ｊｏｉｎ返我地。之後又再話肚餓﹐於是又陪佢去食。
去左世貿果間老麥。佢真係好餓﹐食左個餐加個漢堡包﹐仲想再叫魚柳...好彩最後都無叫到。
之後就上左五樓。無錯﹐又打機~仲撞到亞凱哥仔添。佢等緊朋友﹐同佢嗲左陣﹐
比我地知道一個事實﹐呢個事實﹐實在令人失望。起世貿出黎已經八點幾。
成日都出左街﹐係時候返屋企睇下我病左既老媽。而西都要返旺角搵佢Ｄ朋友仔﹐
「亞ｒｕｂｙ......」又要睇戲﹐所以就散左喇~返到屋企咪睇我偶像阮兆祥囉~
第一次睇一支梅﹐麻麻地唧﹗之後去沖涼同打呢篇野囉~~
＊不怕醜 扭呀扭 保證你可激瘦 未曾害怕跳爆扭扣 想要穿得性感 俊男逐個吸引 別忘掉這修身寶訓 ＊
>>January 21, 2004 at 12:06:32 AM GMT+8
2004 年 1 月 19 日 星期一 【乍雨乍晴】
今日﹐超級無敵凍﹗極度唔願意起身返學。不過都要爬起身。今日係新年前最後一個ｓｃｈ ｄａｙ。
雖然係咁﹐但係同平日起身無咩分別。早餐仍然係起京滬既菠蘿包。買既同時撞到ｓｔｅｐ。
佢因為朝早落雨所以搭另一架車而早左返黎。一齊買完早餐就行返學。兩條友都無帶遮﹐
一齊淋住雨返去。好彩唔算好大雨。返到去等齊人就上去接受第一個殘酷既現實。
今日第一科派既係電腦應用科。「 班神」蛇講完晒Ｄ答案先派卷﹐仲鎖晒我地Ｄ機﹐
逼我地聽佢講書。其實站起先生既立場﹐我認為呢個做法係有效既。因為我真係有聽。
不過ａｓ 一個學生﹐就當然從自己利益出發﹐當然唔贊成鎖機上堂啦。講左一輪終於講完。
其實都唔知應唔應該高興。派卷﹐及格啦~不過唔高囉~得５字頭…班裡面個個都係７字頭﹐
豚姐仲要爭Ｄ就８０。佢似乎係傻既~麻煩搵人幫我叫車黎拖走佢呀﹗有乜理由會咁呀？
起我記憶裡面﹐我好似自從升中之後都已經無試過考試有７字頭。
而杰倫就唔知係咪食左屎﹐又係７字頭。相信佢會考得好過我好多,應該起１０名以內。
豚姐直頭係考第一添啦~之後係小息﹐我食左舊好耐無食過既牛肉球﹐好味~
接住落黎既係精彩無比既ｅｃｏｎ堂。吳老師一早話左比我地知我及格~
派完卷啦~真係全班最高﹐但係其實仍然係擔心架~因為都只係得６６分。其實都唔係高...
同其他同學相差唔遠囉~下學期只要其他同學稍為出Ｄ力就一定爬頭。
最後既係ａ/ｃ堂。講埋最後２條就收工。余太話我加埋平時分應該可以拉得返。
乜唔係應該拉低左咩？如果真係拉到就好囉~咁就全部及格喇﹗派晒卷之後﹐
我有一殺那既衝動﹐決定下學期要發憤讀書。因為實在係考得太差啦~但係下完我既決心之後﹐
我就同亞西＆ｂｉｌｌ出街喇﹗仲有呆Ｂ﹐不過一齊食完飯就走左喇。我地既午餐係三文治。
我又發揮我大食既本性﹐食３層高既公司三文治。食完之後好滿足。呆Ｂ走左﹐我地去行街。
行到咁上下﹐我地去左買飛睇魔幻廚房。但買完飛既一殺﹐老媽打黎鬧我。
話佢病我都要躝街唔理佢﹐試又唔係考得好﹐成日掛住玩。本來打算唔理佢繼續行。
但行多兩行就想返去睇下佢點﹐因為佢頭先把聲「萌」到位都聽唔到佢講咩。
但係又買左飛﹐唯有厚住面皮返去換飛。換後日既飛。好彩果個人肯咋~
要西陪我遲Ｄ睇同要佢地２個陪我「火羅」﹐真係唔好意思喇。
飛返屋企陪亞媽睇醫生﹑買屋企野。同時我係好順便咁比亞媽逼我打防感冒針。
買買下野﹐西西打比我﹐同我講佢見到型左既日本仔﹐同個女仔一齊起旺角出現。
雖然無拖手﹐但係都相信係女朋友。唉~世界上又少一個單身型男了...可悲~~
亞媽見我飛返去陪佢﹐佢好開心呀~相信加零用錢有望喇~不過我飛返黎唔係為呢Ｄ既~~
買完野之後已經９點。過對面酒樓食團年飯。好豐富﹐不過好肥。聽日肯定肥死呀~
食飽飽返到屋企就開始執野。我終於將混亂既書架執返好。雖然唔算極度整齊﹐
但係以我一個咁屎懶既人黎講肯動手制﹐都算唔錯架啦~乾乾淨淨過新年嘛~
制野執到而家﹐沖埋個涼+寫買呢篇野﹐我已經好眼訓啦~都係早Ｄ訓啦~~
Ｔｏ ｍｕｍ……
※從沒有講你知 這故事其實我知 童年就算不見得豐庶
但我所需要的 從沒你未能給予 縱使整整一季 你沒有新衣※
>>January 20, 2004 at 2:36:56 AM GMT+8
2004 年 1 月 18 日 星期日 【晴】
寫完→禁錯制→無晒→谷鬼氣,唔寫啦~好巴閉咩~
>>January 19, 2004 at 12:31:20 AM GMT+8
2004 年 1 月 17 日 星期六 【颳風】
其實時間唔係少,我尋日４點既放學就返左屋企﹐但係都係寫唔到日記。
不過尋日都無咩特別姐~尋日係ｎｏｒｍａｌ ｓｃｈ ｄａｙ,今日派卷。
一朝早返學接受殘酷既現實。呢日派左中英文同ａ/ｃ。ａ/ｃ比我預期中好﹐有４字頭。
不過一定會比平時分拉低晒既﹐所以起成績表裡面應該得３字頭喇~至於中英文﹐中文作文爭半分﹐
豬豬話會比到５０架~英文ＲＬＳ個分唔及格﹐但係計返比例就及格。暫時都算係全部及格咁啦~
不過中文未派最有威脅性既文化問題﹐英文未派作文同ｐｓ。所以好明顯我地係仍然未度過危險時期架~
星期一派ｅｃｏｎ&ＣＡ,仲危險~願上帝保祐囉~
以下係今日既日記︰
今日又係星期６﹐又係一個要返學既星期６。今日一早返學考ｃａ既practical,亦都即係ＴＡＳ。
可惜做得唔好。我每一頁至少有３個錯處。真大煲~考完之後同呆Ｂ一齊等車返屋企。
點知又係咁,等左半個鐘都無車﹐把幾火咪落去搭地鐵囉~激死我！搞到我勁遲先返到屋企。
得３個字換衫﹐食野同做補習份功課。之後就要趕出去補習。不過都係遲到。
今日真係好眼訓﹐今日補ｍｉｓｓ.Ｔａｎｎ都恰眼訓。所以抄得好慢﹐甚至抄唔到。
補完習之後﹐就同西去左尖咀同旺角行街。其實見到好多野都好令﹐不過唔捨得用自己錢買。
都係遲Ｄ叫亞媽去行街先。行左成日我都無收穫。淨係買左周星馳既賭聖。
行完街就返屋企同細佬睇~笑到我痴線。跟住睇埋色慾都市就訓喇~
>>January 18, 2004 at 11:46:38 PM GMT+8
|
![]()
莫泊桑說:
愛情的花朵不會突然綻開
所以一見鐘情是靠不住的。
|
|
廣告 |
|
|
讀者留言 |
| 路人留言
|
 hello
<br>nice t
>>January 21, 2006 at 3:26:30 AM GMT+8
Hihi~你好呀
<br>我係響
>>December 4, 2005 at 6:04:43 PM GMT+8
美人,你有做了一些惹人討厭的事嗎
>>November 29, 2005 at 11:28:22 AM GMT+8
我發覺我同你諗d野都幾似=)
<
>>October 29, 2005 at 12:24:06 AM GMT+8
下?你係邊個呀?
>>October 5, 2005 at 3:33:56 PM GMT+8
你可唔可以話我聽吳漪琪嘅icq
>>October 4, 2005 at 9:11:09 PM GMT+8
halo..
<br>我係個bb
>>February 12, 2005 at 9:21:11 PM GMT+8
也許我真的太無聊吧，剛才在你的X
>>January 5, 2005 at 7:03:29 PM GMT+8
hey/... po kei__
>>September 21, 2004 at 7:30:47 PM GMT+8
我都話準ga la 死o野
<b
>>February 4, 2004 at 8:29:22 PM GMT+8
好掛住你呀!!!
<br>幾時出
>>January 14, 2004 at 6:19:10 PM GMT+8
你終於都打返日記喇 呀..唔係
>>January 13, 2004 at 11:19:56 PM GMT+8
新一年 新年快樂!!!
<br>
>>January 2, 2004 at 2:13:47 AM GMT+8
wahaha
<br>happy
>>January 1, 2004 at 11:16:17 AM GMT+8
Prakash 之形容
<br>
>>December 10, 2003 at 6:30:45 PM GMT+8
我係路痴西。hahahahaha
>>November 30, 2003 at 10:44:17 PM GMT+8
kung hei!!!
<br>
>>November 26, 2003 at 4:23:12 PM GMT+8
我終於明你今日上堂講咩喇!
<b
>>November 24, 2003 at 10:46:45 PM GMT+8
ha>>見阿嬸留__我又要留
<
>>November 24, 2003 at 8:07:38 PM GMT+8
雖然暗戀係好辛苦,但係自己開心咪
>>November 24, 2003 at 1:12:44 AM GMT+8
ngo gok duc ngo
>>November 19, 2003 at 9:25:09 PM GMT+8
我知架!你同我成日扮有緣!我知你
>>November 17, 2003 at 11:15:46 PM GMT+8
我塊面好痛呀..........
>>November 12, 2003 at 3:11:55 PM GMT+8
darling*送俾你架...
>>November 4, 2003 at 11:13:17 PM GMT+8
唔使多謝我wor!我唔開心o個陣
>>October 22, 2003 at 8:36:06 PM GMT+8
回頭當那天的我永遠未叫座~~
<
>>October 21, 2003 at 11:23:12 PM GMT+8
我整的tiramisu當然好味啦
>>October 16, 2003 at 10:20:40 PM GMT+8
darling
<br>我堅持我
>>October 13, 2003 at 10:44:53 PM GMT+8
你當然重要啦~梅姐~
<br>
>>October 10, 2003 at 10:34:41 PM GMT+8
hello ar!我都係今日先第
>>September 22, 2002 at 5:29:06 AM GMT+8
|
|
人氣: 17902
Design & Scripting by ShowHappy.Net
|
日記正式轉過去呢度~~
寫完→禁錯制→無晒→谷鬼氣,唔寫啦~好巴閉咩~