|
2003 年 10 月 18 日 星期六 【晴】
星期六喇~~~一早---１０點幾起身繼續努力織我既頸巾。我突然間唔想送比佢﹐因為......
我亞媽呢２日唔知做咩起度同我講愛情.....佢話做女仔唔好做到咁賤﹐自己送上門﹐男仔唔會有咩損失格。
又話如果女仔愛個男仔﹐多過男仔愛個女仔﹐咁其實呢段感情唔會長。佢話如果係個男仔追自己既話﹐
可能一開始既時候﹐個男仔愛你９成但你只愛佢１成﹐如果你比個男仔感動到﹐就會變成你愛佢３佢愛你７﹐
到結婚既時候可能係５５波。結婚之後﹐你生埋個仔自然疊埋心水跟佢一世﹐就會變成你愛佢７佢愛你３﹐
到佢睇厭左你既時候﹐就會變成９１。所以你話佢追自己到最後都會淡﹐如果自己追佢既話﹐
一開始已經係我９佢１,咁.....但係我同肥波講﹐結果比佢話---你織到而家先話唔送呀?
咁又係既...織左成個禮拜﹐手臼都甩咁滯﹐而家先話唔送......算啦~講返今日先~
織左一朝﹐出去同肥波同ｓｔｅｐ去補習。我發覺肥波識人真係幾勁﹐好快就同ｓｔｅｐ既舊同學熟落。
相比之下﹐我既交際手腕真係弱.....哈哈~補完習之後返屋企﹐同亞媽落樓下食魚旦粉。
發覺果度有個男仔幾好樣﹐亞媽話係果間魚旦粉鋪既太子仔ｗｏｒ..叫我去溝人返黎﹐咁就有免費魚旦粉食。
但係我認為佢講呢句之前應該先望清楚我﹐邊有咁既能力唧?食到超級飽﹐之後就返屋企繼續織頸巾。
一個鐘之後﹐執野落去做ｇｙｍ。一落到去見唔到佢。但係換完衫開始做運動既時候佢就出現啦~
嘩卡卡~我當堂興奮到傻笑呀自己起度。然後拿拿臨做完一部機﹐扮晒返入廁所咁經過佢隔離﹐
然後撩佢講野。原來佢上個星期同我一樣病左呀~所以無返一星期工。唔怪得啦﹐我幾驚佢係無做呀。
今日見到佢當堂鬆晒!之後我仲扮晒講笑﹐其實係講真咁話"２個星期無見你﹐好掛住你呀~"
同佢講完野之後我已經急不及待打電話比肥波報喜﹐邊傻笑邊講﹐哈哈~做完運動之後就返屋企繼續織。
突然﹐我又想送返比佢喇~哈哈~仲想整埋蛋糕呀~不過唔知佢食唔食得呢....
同埋會唔會有其他人買/整比佢食呢?佢又食唔食呢種蛋糕既呢....咁整唔整好呢?
【決定要做的事情 不要輕易受打擊 今天不行 還要明天可以
決定要談的愛情 不要輕易就放棄 幸福全部要靠自己努力去爭取 】
一於照送~>.<ｃｈｅａｐ咪ｃｈｅａｐ囉!
>>October 19, 2003 at 11:01:46 AM GMT+8
2003 年 10 月 17 日 星期五 【晴】
又到左一個星期中最後一個ｓｃｈ ｄａｙ。星期五﹐比平日興奮﹐亦比平時累。
我發覺自己今個星期每一日都有打日記~比人話完﹐唔知點解每一日都想寫~哈哈~~
天氣方面我覺得已經回暖﹐我已經著返冷背心ｉｎｓｔｅａｄ ｏｆ長袖冷衫返學。
同平日一樣一早起身返學!今日既早餐又係公司三文治。真係唔錯~夠飽﹐可以挨過ｒｅｃｅｓｓ唔落去。
頭２堂=ａ/ｃ---陳同學又試圖色誘林同學去後面同佢坐。一入到班房就開大前面個風扇﹐
比個藉口林同學去後面坐。其實我唔想調去後面囉~一黎上左成個月堂都坐前面﹐無啦啦調去後面﹐
前面２個位空左﹐好怪!二黎﹐調左去後面位要坐開﹐佢地２個實唔理我啦~
呢堂遲放﹐所以ｒｅｃｅｓｓ無落去。之後係２堂ＵＥ﹐成堂都起度ｄｅｖｅ粒我地既ｓｋｉｌｌ。
其實ＵＥ堂都幾易過既...坐肥波隔離﹐有計傾嘛~然後佢叫ｄｉｓｃｕｓｓ野﹐其實都唔多清楚要傾咩﹐
但係都圍埋一堆咁啦~自己玩自己野~林&陳成日都恰Ｈｉｄｙ﹐Ｈｉｄｙ真慘~
１２點---ｌｕｎｃｈ!本來話去般咸到食飯﹐但林潔瑩同陳奕嘉話食燒味﹐起初我地打算分開食﹐
但當我地見到２０蚊一碟飯我地就即刻同意食呢間~點知...都係果句---世事豈能盡如人意呀......
食完之後上２堂中化......上完之後我地全部人一係肚屙﹐一係腸抽筋﹐一係肚痛...總知大部份都唔舒服。
以後都係唔好去呢間﹐至衰都係陳奕嘉同林潔瑩...哈哈~無啦啦叫人食果間~
放學之後我即刻返屋企趕工呀~條頸巾到而家為止只係織到一半------擔心中......
織左一陣我就出去ｔｒａｄｅ少少野﹐返黎屋企再繼續織。再織多陣就去左嘗試我既第一次。
第一次整"ｔｅ呢咩傻"好緊張......唔識落D野~底餅落得太多咖啡﹐哈哈~好彩D餅有剩﹐
可以整過另外一底唧~唔知成唔成功呢?聽朝就知~嘩卡卡.........
>>October 18, 2003 at 1:11:30 AM GMT+8
2003 年 10 月 16 日 星期四 【晴】
唔覺唔覺又到星期４喇~一個星期又已經過左一大半﹐呢個星期都係渾渾噩噩地過~
平時７點出門口既我﹐今朝７點２先起身。一望到個鐘見到呢個時間﹐心裡面暗暗講左句:大煲!
即刻彈起身飛奔去廁所屙尿擦牙洗面﹐然後又跑返房換衫戴ｃｏｎ﹐塞晒Ｄ野入書包﹐
然後飛快地落樓﹐７點３---我已經起樓下等緊巴士~我都覺得自己幾厲害~將平時２０分鐘裡面做既野﹐
濃縮到起５分鐘裡面完成。返到學校仲要無遲到﹐只係無時間食早餐而已。都係條頸巾累事。
我尋晚織到成點先訓﹐比平時遲左成個鐘訓。不過無計﹐星期一就係啦~真係怕織唔切~唔勤力D都唔得~
頭一堂---美女Ｐｒａｋａｓｈ堂。ｏｒａｌ。佢坐起我地果組度話要聽我地ｄｉｓｃｕｓｓ﹐
聽完之後佢比左好多評語﹐但係除左第一句係讚既之外﹐全部都係踩。連漏左ｓ佢都聽到~好!
之後係２堂ｅｃｏｎ﹐最用心上既一堂。之後係上完會發惡夢既ｅｔｈｉｃｓ堂。胡太真係...好得人驚~
得人驚在講野又悶﹐又成日問人問題﹐又成日遲放﹐今日又遲左３個字~討厭!
ｌｕｎｃｈ---又係東方~好悶!牛腩飯﹐都幾好味既~好過無咁啦!
又返學校上最吸引男士既陳老師堂。無咩特別﹐我同肥波都無帶書﹐唔係......我係無帶﹐佢係無買~.~"
問隔離位借份２份用!可能係飯氣攻心,有Ｄ眼訓。２點８---放學!迪比的龜屎黎左~
佢有D似何韻詩~１０個似有６個似呀我覺得~一行５人搭的士落銅鑼灣﹐先陪肥波報補習。
我地讀５科﹐肥波有一半都有補習。唔知佢遲下會唔會補埋中化同ＣＡ呢?哈哈~
跟住ｓｔｅｐ走左﹐剩返我同肥波。我地２個行左大約２個鐘銅鑼灣。我同佢去左買野整"ｔｅ呢咩傻"。佢要整比人食。
我見佢話好易整﹐就無聊地買盒玩下。聽日先試玩~行完返到屋企已經差唔多７點。準備野落去做ｇｙｍ。
今晚落到黎都係見唔到佢。我開始擔心佢係咪無做或者放大假!我扮晒蟹咁問亞ｓｔｅｖｅ點解咁耐見唔到佢,
佢話可能係返早ｗｏｒ......有無成日都返早呀......?!死啦~如果星期一你無返,咁咪唔可以正日送比你囉?
唔好玩啦......
>>October 17, 2003 at 12:50:57 AM GMT+8
2003 年 10 月 15 日 星期三 【晴】
無聊的一天~照舊---返學。好眼訓﹐由上車訓到落車。車站行返學校途中買個早餐。
今日食公司三文治﹐夠大份﹐0岩晒我呢Ｄ大食怪。
上到課室﹐知道肥波整"ｔｅ呢咩傻"成功左~當然要試食啦~整得唔錯~
１０個好食有８個。肥波整比佢食應該無問題。我相信佢會一個人食晒~哈哈~
首先２堂ＵＥ...好悶...附近３條友成日起度各自ｓｅｎｄ ｓｍｓ...我又無人要ｓｅｎｄ~
接住既係２堂ａ/ｃ...好認真地上堂架~不過上到第二堂已經頂唔順--恰眼訓~好彩林潔瑩撞醒我~
如果唔係我會ｍｉｓｓ好多野~今堂佢仲要教新野~最後１０分鐘﹐派測驗卷---如我所料---８分~唉...頹﹗
放學之後去返工~今日既午餐好抵食﹐＄１３.８一個四寶飯﹐而且仲幾好食既添~
放工之後打算去望下D黑色既外套買黎著返學﹐但係一係就D款唔掂﹐一係就太貴~
唔去望下都唔發覺其實左丹奴呀﹐巴蘭奴呀﹐波先妮呀......呢Ｄ咁既牌子都唔少野~
都＄２５０+一件架~同無印差唔多...一件ｐｌａｙｂｏｙ都係４百幾...咁我使乜買呢Ｄ牌子呢......?
死啦~我開始有D擔心織唔切條頸巾啦...而家一半都無呀~得１/５度咋...但下星期一就係啦~
>>October 16, 2003 at 12:33:50 AM GMT+8
2003 年 10 月 14 日 星期二 【晴】
呀~比Ｄ同學話完我唔寫日記之後﹐唔知發咩癲日日都寫﹐覺得自己有D犯賤...哈哈~
唔話都唔寫~(各位同學:我既意思並唔係叫你地話我,注意注意~)
今日同平日一樣晨咁早爬起身返學。起學校附近果間茶餐廳買舊餐蛋治先返學。
Ｄ餐肉有Ｄ咸~下次都係唔食呢個~不如搵日買個火腿通返學校食呀...?
之但係食唔食得切呢?返到學校搭半啦ｗｏｒ......十分鐘......都係搵日試下先~
ｅｃｏｎ......哎呀~我而家先醒起我今日ｒｅｃｅｓｓ要搵ｍｉｓｓ５拎返張ｗｓ添~
ａ/ｃ......陳奕嘉同學好衰呀...佢想叫林潔瑩過去同佢坐﹐丟低我一個~>.<
林潔瑩開口話我一個人坐會好慘﹐佢就叫我左隔離果行~(ie佢地坐雙行,我自己坐隔離)
(注意:呢個位同時係ａｎｇｅｌ既後面)
ｃａ......愉快地上左２堂網......但當佢話下ｃｙｃｌｅ要ｔｅｓｔ﹐大家臉色一沉......
放學~但同學們下晝有堂﹐唔走得~於是我同Ｄ同學食埋飯先搭小巴返歸。
返到屋企做埋２條ａ/ｃ﹐條頸巾織到多２行﹐時間已經黎到下晝３點１０﹐
我約左人４點起灣仔﹐以為自己遲硬~點知條友放我飛機。好彩我唔係特登出去架姐~
之後要去補ｅｃｏｎ﹐有Ｄ眼訓又有Ｄ沉悶咁過左個半鐘。補完就同亞蕉行過銅鑼灣。
行左陣就返屋企準備落去做ｇｙｍ。滿心歡喜落去以為會見到你﹐點知又係空歡喜...
你都係唔起度......幾時先會再見到你呢?條頸巾會唔會送到比你呢?
我而家又覺得好似光明正大咁送比你會好Ｄ,如果唔係,萬一遲Ｄ比人發現係我送咁咪仲明顯?
而且如果比著我係佢﹐有一日我檯面無啦啦有條頸巾話比我﹐
我都唔知戴唔戴好啦...與其咁樣﹐倒不如直接送比你啦~不過都係織得切先算啦~哈哈~
>>October 14, 2003 at 11:21:48 PM GMT+8
2003 年 10 月 13 日 星期一 【晴】
今日其實無咩特別野~都係一朝早起身返學。今日病情已經好轉!
每個字都出到聲﹐簡直字字鏗鏘呀~但係都係好多鼻涕...上堂既時候依然係騷擾住隔離附近D人~
１２點幾---放學!放左之後同豬西、迪比＆ｓｔｅｐ去左金鐘食飯。食完一餐豐富既午餐之後﹐
就行果去返工。好不容易先挨過果４個半鐘﹐打算放工之後可以去做ｇｙｍ﹐
見下佢之餘又可以減下肥~點知......世事豈能盡如人意呀......Ｄ姑媽無啦啦殺晒上黎﹐
無得落去做ｇｙｍ不特止﹐仲要調返轉食餐勁既~唉~前晚辛苦減去既１ｋｇ﹐
猶如搭火箭一樣﹐飛快地回來我身邊﹗Ｄ姑媽而家仲風流快活咁起廳度打牌﹐
難為我起房裡面為呢２磅肥肉惆悵。無論如何﹐我聽日一定要落去架啦~
至多補完習即刻飛奔返黎架唧﹗
>>October 13, 2003 at 11:05:38 PM GMT+8
2003 年 10 月 11 日 星期六 【晴】
今日一朝早９點幾就自己起左身。疏洗抹擦之後就繼續努力織我既頸巾﹐
好辛苦織左一大截之後突然間多左針......都唔知自己點解可以咁勁~
明明起４０針,織織下竟然有４１針﹐我又唔識點搞返佢變４０ｗｏｒ,又無人起附近可以幫我,
唯有全部拆晒佢再黎過~成朝既心血就咁樣無晒啦~再咁樣落去我真係驚織唔切呀
呢條頸巾我已經又織又拆左好多次架啦~起針都唔知起左幾多鑊...真係好想放棄。
但係我又好想織到然後送比佢做生日禮物ｗｏｒ,所以最後都係由頭起針再織過~
約 左ｓｔｅｐ&豬西１２點３起金鐘一齊報&補英文。１１點幾出門口。
唉~出門口之前都只係起左針咋~準時１２點３到﹐第一個到。
無幾耐之後豬西就到左喇~佢返病呀~本來已經好返既佢﹐賴返我傳染佢~
根本就係佢傳染我﹐之後佢Ｄ病菌未清﹐所以先病多次咋嘛~哈哈~~
上到去補習果度我地就排隊報名鬼咁多人,報得黎已經開始上緊堂啦~
超多人補呢條友...其實佢教得唔錯既...不過好快囉~都跟唔切~報完之後豬西要去搵D重要既人,
於是我就返屋企。返到屋企先知原來黃筠筠今晚就走啦~竟然而家先話我知~
本來打算臨走前同佢聚一聚,可惜佢唔夠時間﹐所以最後都無出到去~
不過可能係件好事黎既﹐因為如果出左去既話﹐可能大家都會喊到變豬頭。
自己買左個杯麵同７-１１既點心返屋企食﹐食飽飽就落去做ｇｙｍ。
但係佢又唔起度~我已經好耐好耐﹐成個禮拜咁耐無見過佢啦~究竟點解呢?
你放假?返早?唔會無做掛......點解呢?好想見到你!雖然見你唔到﹐
但係做完運動之後輕左1ｋｇ,今晚都叫落得黎有D價值啦~
>>October 12, 2003 at 3:16:05 PM GMT+8
2003 年 10 月 10 日 星期五 【晴】
咁又過左一個禮拜喇~我仍然病緊~仲係講唔到野添~
今日係學校既ｍａｓｓ,約左肥波,ｓｔｅｐ,ｄｅｂｂｉｅ,杰倫&依琳起上環蓮香樓飲早茶~
約左8點,點知我8點先起身~遲到~到既時候已經9點,大家都食得７７８８﹐
其實我只係食左３隻餃,1/5條腸粉,1.5個叉包,1/5個馬拉糕~$41對我黎講好似貴左D~
不過無所謂啦~因為真係好好食呀D野~尤其是個叉包,原舊叉燒放入去咁濟~
果度既一個靚仔伯伯仲請我地飲佢D私家茶添呀~而且幾好飲添架~
食完之後,我地就行返學校集隊然後過教堂。可能今朝食左藥﹐所以一開始我已經眼訓啦~
本來放學之後要返工﹐但係我地又想打牌wor~加上我又唔想返﹐所以用病黎做理由唔返~
跟住我地去左銅鑼灣飲野食飯﹐坐左好耐終於都記得要走~想打牌又3缺1~
最後叫埋亞蕉上黎我屋企同我,ｄｅｂｂｉｅ&肥波齊齊打~
但係打左無耐就個個都要返歸食飯~所以就散左啦~
打牌間,我比人話我寫得日記少......哎呀~咁日日都係咁過,無咩特別咪唔寫囉~
話我果本係月記......雖然有時真係......哈哈~~咁而家咪寫囉~
>>October 10, 2003 at 8:35:58 PM GMT+8
2003 年 10 月 9 日 星期四 【晴】
星期四---仲病緊~而且好似嚴重左~個鼻損晒﹐把聲都差Ｄ出唔到~幾時先會好返呢?
唔覺唔覺又已經差唔多過左一個星期喇~時間過得真係快~
大概係因為每日都過得開心既緣故~起初仲驚識唔到ｆｄ,要同林潔瑩相依為命﹐
但係而家我同其他新同學出街多過同林潔瑩﹐雖然我起而家呢班新朋友之中未必有地位,
不過有你地當我係ｆｄ,我已經好開心架啦~所以我起度要多謝晒我果堆其餘既７個ｆｄ~
仲有呀~隔離ＢＳ班Ｄ人都唔錯呀......比我想像中ｎｉｃｅ好多~希望大家可以做個朋友啦~
今日ＰＡ測驗呀~完全唔掂呀~測完之後佢即刻派答案,我就即刻頹晒~
我相信除左照抄果ｄ數之外都無乜幾多個數0岩~我計過,頂籠得８分/30分~你話死唔死?
我真係唔咁大大聲話比人聽我讀過ａ/ｃ囉~連goodwill and Revaluation都唔掂~
我好耐無試過放學之後直接返屋企啦...返到黎﹐見到老豆老母都起度~
佢地落去食野﹐我就起屋企織頸巾比人~有人月尾生日啦~雖然而家送頸巾好似早左Ｄ﹐
不過我同佢又唔熟﹐都唔知佢鍾意咩,唯有整Ｄ有Ｄ心意既野比佢囉~
我本來想整蛋糕架~不過一來好明啦,二來又唔知佢鍾唔鍾意蛋糕/鍾意咩味ｗｏｒ~
三來﹐生日蛋糕好似應該係D比較親密既人先會整比佢既......都無資格~~
我已經想到一個辦法可以送到比佢但又無人發現架啦~嘩卡卡~~希望成功啦~
頭先同陳奕嘉去做ｇｙｍ,亞ｓｔｅｖｅ竟然話佢瘦~卡卡卡...
雖然佢唔係好肥,但都唔可以話瘦架...下話?
我地其實好想玩D跳舞班,不過全部都唔適合我地既,一個舉重,一個跳扭ｐａｔ舞,點玩得落~
唯一一個想玩既係BoDy CoMbAt ﹐不過人地６點開始,我地搭７先到,都差唔多完啦,
呢個時候撞入去好似好核突咁,所以我唔肯陪亞嘉入~哈哈~結果我同平時一樣,
做夠１０００卡路里就去焗桑拿&沖涼 ,沖完之後打算走﹐但係比亞ｓｔｅｖｅ拉住﹐
目的就當然係要力勸亞嘉入會啦~都可以算係得逞既~起碼填左半張form咁囉~
聽日ｍａｓｓ,可以遲好多起身......可以遲成半個鐘,多到呢...無得頂啦~
>>October 10, 2003 at 12:30:08 AM GMT+8
2003 年 10 月 6 日 星期一 【晴】
星期一!係一個好既開始。但係一個星期開始就病就好似唔多好~
Ｓ６ＥＣ班繼ｓtｅp & 肥波病左之後﹐估唔到有我份...
其實尋日個鼻已經痛痛地,都知大煲喇~今朝起身個鼻塞左!但係一朝早都唔算辛苦~
總算挨過左上堂時間啦~放學之後為左$120去左scan野,本來打算放工之後去做gym架~
不過真係頂唔順,返左屋企,到而家~聽日仲有好多功課交。我而家拼左條老命黎上網寫呢篇野~
其實我今日好想落去做gym架~因為今晚佢通常都係返夜﹐即係會見到佢架~
不過真係唔得,我行到屋企樓下有D見頭暈呀~哈哈~所以都係唔啦~聽晚先啦都係~
況且今晚多功課呀,都係應該唔去既~
頭先放工返黎既時候,鉛路見到好多情侶,然後我唯有獨自概嘆,點解呢個世界咁多情侶﹐
而自己偏偏無人要呢?病左有人提食藥,提著衫都幾好呀~哈哈~
>>October 6, 2003 at 8:31:43 PM GMT+8
|
![]()
莫泊桑說:
愛情的花朵不會突然綻開
所以一見鐘情是靠不住的。
|
|
廣告 |
|
|
讀者留言 |
| 路人留言
|
 hello
<br>nice t
>>January 21, 2006 at 3:26:30 AM GMT+8
Hihi~你好呀
<br>我係響
>>December 4, 2005 at 6:04:43 PM GMT+8
美人,你有做了一些惹人討厭的事嗎
>>November 29, 2005 at 11:28:22 AM GMT+8
我發覺我同你諗d野都幾似=)
<
>>October 29, 2005 at 12:24:06 AM GMT+8
下?你係邊個呀?
>>October 5, 2005 at 3:33:56 PM GMT+8
你可唔可以話我聽吳漪琪嘅icq
>>October 4, 2005 at 9:11:09 PM GMT+8
halo..
<br>我係個bb
>>February 12, 2005 at 9:21:11 PM GMT+8
也許我真的太無聊吧，剛才在你的X
>>January 5, 2005 at 7:03:29 PM GMT+8
hey/... po kei__
>>September 21, 2004 at 7:30:47 PM GMT+8
我都話準ga la 死o野
<b
>>February 4, 2004 at 8:29:22 PM GMT+8
好掛住你呀!!!
<br>幾時出
>>January 14, 2004 at 6:19:10 PM GMT+8
你終於都打返日記喇 呀..唔係
>>January 13, 2004 at 11:19:56 PM GMT+8
新一年 新年快樂!!!
<br>
>>January 2, 2004 at 2:13:47 AM GMT+8
wahaha
<br>happy
>>January 1, 2004 at 11:16:17 AM GMT+8
Prakash 之形容
<br>
>>December 10, 2003 at 6:30:45 PM GMT+8
我係路痴西。hahahahaha
>>November 30, 2003 at 10:44:17 PM GMT+8
kung hei!!!
<br>
>>November 26, 2003 at 4:23:12 PM GMT+8
我終於明你今日上堂講咩喇!
<b
>>November 24, 2003 at 10:46:45 PM GMT+8
ha>>見阿嬸留__我又要留
<
>>November 24, 2003 at 8:07:38 PM GMT+8
雖然暗戀係好辛苦,但係自己開心咪
>>November 24, 2003 at 1:12:44 AM GMT+8
ngo gok duc ngo
>>November 19, 2003 at 9:25:09 PM GMT+8
我知架!你同我成日扮有緣!我知你
>>November 17, 2003 at 11:15:46 PM GMT+8
我塊面好痛呀..........
>>November 12, 2003 at 3:11:55 PM GMT+8
darling*送俾你架...
>>November 4, 2003 at 11:13:17 PM GMT+8
唔使多謝我wor!我唔開心o個陣
>>October 22, 2003 at 8:36:06 PM GMT+8
回頭當那天的我永遠未叫座~~
<
>>October 21, 2003 at 11:23:12 PM GMT+8
我整的tiramisu當然好味啦
>>October 16, 2003 at 10:20:40 PM GMT+8
darling
<br>我堅持我
>>October 13, 2003 at 10:44:53 PM GMT+8
你當然重要啦~梅姐~
<br>
>>October 10, 2003 at 10:34:41 PM GMT+8
hello ar!我都係今日先第
>>September 22, 2002 at 5:29:06 AM GMT+8
|
|
人氣: 17898
Design & Scripting by ShowHappy.Net
|
星期六喇~~~一早---１０點幾起身繼續努力織我既頸巾。我突然間唔想送比佢﹐因為......
又到左一個星期中最後一個ｓｃｈ ｄａｙ。星期五﹐比平日興奮﹐亦比平時累。