|
2003 年 12 月 4 日 星期四 【晴】
嘩~呢幾日都寫唔切日記添~你望下寫既時間...呢篇都係星期五返緊工寫既時候蛇王寫架咋~
其實我又唔算好忙喎﹐但係每次想寫既時候硬係有Ｄ阻滯。唔係亞媽要用電腦就係要做功課溫書。
其實而家我都係冒住好大危險去寫架~事關全公司最高級果個經理就坐起我後面果間房﹐
間房仲要係得返玻璃隔住﹐即係佢會睇到我做咩。我見佢咁勤力做野﹐應該無咁得閒望我做咩掛~
好喇~講返先~星期四呢一日﹐都係照舊早起身返學啦~早餐如果無記錯應該係返回腸仔包既懷抱﹐
都唔錯架~抵食~今日要早會。一大班未訓醒既豬頭炳棟晒起個操場度祈禱同唱歌。
一上到課室已經見到ｍｉｓｓ ｎｇ部機已經ｓｅｔ好晒﹐睇黎佢都好趕呀下。ｅｃｏｎ堂真係好悶~
不過因為我要做功課﹐所以第一堂都無乜理佢亦無乜聽書﹐所以我相信ＩＣ呢課我係唔會識架~
第二堂既時候我已經做晒功課﹐而且佢比左個十分鐘既休息時間我地﹐訓左陣﹐訓醒之後就極度精神﹐
所以第二堂我有聽書架~唉~所以話呢...老師們應該比個長少少既ｂｒｅａｋ﹐等我地抖夠﹐
自然就會好留心聽書。唔好以為十分鐘個ｂｒｅａｋ好長呀...２個幾鐘得２個字休息真係唔多架啦...
接住既係ｒｅｃｅｓｓ﹐我食左個菜肉包﹐唔錯架~跟住如果無記錯好似係撞到隔離班既人﹐
剛開學既時候仲以為佢地好串好討厭架添~點知原來佢地都幾ｎｉｃｅ呀~大家都幾好傾。
唔知會唔會有一日﹐我地２渣人會一齊玩甚至一齊出街呢？如果係都應該會幾好玩喎...咁大班人~哈哈~
小息之後係美麗動人豬陳堂。佢兩堂都係用黎講新聞稿。事實上係有點兒悶既。
第二堂有人黎睇堂。我相信佢會仲悶過我地。我地都仲有Ｄ活動玩下﹐
但係果條友只係坐起度齋睇。真係戥佢慘。平時既Ｄ３我地係早放架嘛~
點知今日英文要留低測驗。１點４要返到學校。我地為左快﹐決定重回東方呢個舊竇。
好耐無食啦~不過始終都唔係好鍾意。食完飯就返學校﹐會我既印度西施ｐｒａｋａｓｈ。
又要搬臺又要調位﹐又要隔行...搞呢搞路搞左超級耐先開始測驗。
隔離班個ｃａｎｄｙ睇晒成份報紙佢都未開始測。佢比左好多時間我地測。
我用左ｍｉｓｓ Ｔａｎｎ教既方法做﹐真係幾有用。唔知係咪因為咁﹐我有２０分鐘剩。
原本今日返工架...無啦啦要人測驗﹐搞到我賺少百二蚊...麻煩~無得返工唯有返屋企。
為左慳錢﹐同同學們行落去中環搭地鐵。落車之後因為想去廁所﹐所以搭電梯既時候我係行上去的。
行到一半有幾個男仔阻住左我既去路﹐其中一個發現阻住我就同佢Ｄ同伴講「喂~阻住人呀~」。
然後佢Ｄ同伴望一望我然後話「由得佢啦~」嘩~有無要咁呀~你話如果我係靚女﹐
佢地一定即刻讓啦~唉~又一個事例證明我係樣衰~事件過後﹐我有一股想整容既衝動。
難道我真係要攬住個會過一世？我開始有點兒擔心嫁唔出，預訂左既灶罅會用得著~
而家連西西都排第二﹐即係有機會退會啦...難道我真係要孤獨終老？
因為今晚要去做運動﹐所以一返到屋企就開始做功課。但係只係做左ｅｃｏｎ功課﹐
執埋個ｆｉｌｅ﹐就已經差唔多要落去﹐中文都做。返黎先做啦~
然後就落左去。起初都見唔到佢。通常我都係大約８點做到９點９或者１０點就走。
今日佢起８點尾出現﹐心跳當堂加速......佢真係好得~哈哈~但係我無同佢打招呼呀~
因為基本上我都唔敢同佢有眼神接觸...無幾耐之後佢就走左啦...
自己做完運動都走喇~返屋企做功課。不過做左無耐就比亞媽搶左張臺﹐
要我出廳做﹐無晒ｍｏｏｄ﹐所以最後都係留返聽日返學校先做。
《一位位知己拍拖 一加一雙雙探戈 大螢幕K歌三角誌廣播 無人向我四處附和
沒玩伴怎麼踢波 沒玩伴怎麼探戈 換場地當天好友撇低我 情人摯友很想分得一個 》
>>December 5, 2003 at 10:59:09 PM GMT+8
2003 年 12 月 1 日 星期一 【晴】
又係一個月既第一日啦~新一個月>>>新開始呀下~
今日爬起身返學。超級凍﹐好彩尋晚醒﹐放定件晨褸起床頭﹐如果唔係就會遲到﹐事關要等我解凍。
做埋Ｄ循例上做既野﹐就出門口返學喇~今日細佬唔洗返學﹐但係唔知點解佢同我一齊出門口。
今日早餐又係提子包。好味呀...我唔介意日日都食佢。哈哈~有幸地今日第一堂就係ＵＥ。
對住我們的ｐｒａｋａｓｈ﹐我真的不知怎樣去形容我興奮無比的心情。不過呢堂忙住做ｅｃｏｎ都無乜點理過佢。
然後係ｅｃｏｎ堂囉...一黎就係ｑｕｉｚ。望住第一題﹐我已經係擘大個口得個窿。都無溫ｍｒｓ...
正確黎講係無溫過。好彩下面係Ｔ/Ｆ比我執分。ｑｕｉｚ完之後﹐又教書...眼訓......
２堂之後係ｅｔｈｉｃｓ。佢講左一陣道理之後﹐臨尾播碟。喂~唔好講笑﹐幾好睇喎~
第一次唔願落ｅｔｈｉｃｓ堂。午飯時間。今日午飯係千禧既貢丸水餃米+茶走...正點~
食飽飽就返去上堂。呢堂中化做聆聽訓練﹐唔會恰眼訓﹐非常容易過既１堂。
放學之後就返歸。玩左陣電腦﹐老豆就返左黎﹐同佢落樓下食下午茶。食完返上樓搞呢搞路﹐
搞到７點就又做我既最常做既動作---執野落去左運動喇~一落到去就見 到佢啦~都係用對眼打個招呼就算啦~
今日成日都見到佢起我附近出現呀...不過每次都係帶住個客﹐忙到傻~真辛苦...不過...
佢真係好型又好靚仔又好大隻呀~嘩卡卡....我就快傻架啦~仲記得自己講過﹐我鍾意佢同佢唔會鍾意自己係無衝突既。
我有我鍾意佢﹐鍾意只係感覺黎姐﹐又唔痛既...
《你也不想這樣 但別講出真相 各自纏着你才會馨香 我放得開你最理想 要繼續受內傷 好過無法可分享 》
>>December 2, 2003 at 12:16:34 AM GMT+8
2003 年 11 月 30 日 星期日 【晴】
星期日啦...又係一個星期最後一日唔使返學...真係要好好珍惜。
之前成日都聽唔到鬧鐘響﹐相信都係因為我年紀大﹐聽覺開始退化。但係唔知係咪做得多運動﹐耳都靈埋。
尋日同今日我都聽到鬧鐘響呀~不過聽到又點呀…都係唔願起身﹐都係遲左少少。十一點先起身。
今日又見到西西~約左佢一齊去跳舞。而家一個星期見足七日…見佢仲多過見我亞媽。
十一點先起身﹐以為自己會遲。因為要１１點９到佐敦﹐要搭３出門口。但係搭２既時候﹐
西打黎話佢仲未捨得起身。咁我就知道﹐我可以慢慢黎...佢又要洗頭﹑又要搞呢搞路﹐仲話想沖埋涼。
我磨下磨下就搞到搭五先出門口。但係我都仲要早過西﹐不過都係少少姐。
今堂雖然只係教左個半八拍但係都已經唔多跟到﹐而且Ｄ動作仲有點兒樣柄。不過接著既應該會型既...哈哈~
跳完之後﹐就陪西去旺角買佢本開左學３個月之後先肯去買既文化專題應試訓練。
我地由尖沙咀行到過去旺角。原來都唔係好遠﹐半個鐘就到。同為由銅鑼灣行返屋企差唔多。
行道到一半就覺肚餓﹐去食飯先。今日既午餐又係叉燒瀨。我呢Ｄ叫做明知山有虎偏向山中行。
明知自己唔識食瀨粉﹐就要連續兩日都食。不過其實幾好味架喎~食完就繼續行。買完本書之後仲行左陣添。
然後大家各自返屋企喇~返屋企之前﹐我去左北角果邊幫西西問下有無佢想要果隻錶。
個老細話叫我叫亞西去買呀﹐因為出面求人都無呀~咁我咪打去叫佢去買囉~咁就連累左ａｕｎｔｉｅ無左＄５０００+啦~
真唔好意思~哈哈~之後就返屋企上下網﹐睇下電視﹐食下野...咁就過左大半日。到９點幾我先的起心肝做功課。
由於太遲開始既緣故﹐所以只能夠完成中文功課﹐而ｅｃｏｎ功課係無左同埋ｑｕｉｚ係無溫架~
但係都做到１２點幾。所以都係訓吧啦~長命功夫長命做呀嘛~聽朝先算啦~
>>December 1, 2003 at 11:29:18 PM GMT+8
2003 年 11 月 29 日 星期六 【晴】
今朝好勁﹐竟然聽到鬧鐘響起身>>>十點起左身。本來十二點半補習唔需要咁早爬起身。
之但係我想做左補習果份功課﹐咪打算十點起身做囉。十一點十點出門口﹐有個幾鐘都應該夠啦掛~
一起身見到老媽子執行李﹐先記得佢今日飛去台灣做野。賴下床﹑擦下牙﹑洗下面﹑幫亞嗎執下野﹐
搞下搞下已經搭十咁制。再換埋衫﹑食個包﹑落埋銀行拎埋錢﹐已經搭五喇~作得幾行就已經要出門口。
最後都係無得交既篇文。其實我好想交架…但係平時又忙﹐得閒又唔記得喎﹐每次都係星期五晚先記得。
唔得~下一篇我一定要交到﹗搭４到金鐘。等埋西西就一齊上去補習﹐今日又見到ｍｉｓｓ Ｔａｎｎ真人﹐真好~
今日講ｃｏｍｐｒｅｈｅｎｓｉｏｎ﹐唔好講笑﹐真係學到野。今日先發現以前做既方法完全係低Ｂ的。
好快就補完~之後打算同西西一齊行去太古廣場食飯。點知原來我同西係同類---路痴。兜左個大圈先過到去。
第一次食ｍｒｓ.ｆｉｅｌｄ既曲奇﹐好似好大鄉里呀呵﹐而家先第一次食~哈哈~
其實之前唔食係因為成日經過聞到好大真牛油味﹐好似好肥咁﹐咪唔敢食囉~今日終於豁出去試。
食左舊唔知咩朱古力。係真係幾好食既~不過都唔似曲奇既﹐成舊都係朱古力咁制>>>好甜。
之後去左ｆｏｏｄ ｃｏｕｒｔ食野。我食叉瀨﹐叫完先有點兒後悔。唔記得自己唔多識食瀨粉。
好不容易先食完碗野﹐飲埋杯咖啡﹐好滿足地離開。同西西已經講好左﹐大家下一個目標﹐
就係ｈｉｄｙ果部ｍｐ３機。聖誕啦~你等我呀ｍｐ３機~見時間尚早﹐就同西西行左陣。
不過每一間都好貴價﹐我地唔多咁入去﹐於是每一間都係行過門口就算。哈哈~行到ａｇｎｉｓ ｂ﹐
終於有一間係買得起架啦~我地衝左入去~仲要有收穫添~我地一齊買左個筆袋﹐仲要係一樣架添~
其實我唔想撞架﹐不過得銀色﹑粉紅色同黑色﹐我同西都覺得銀色係最好睇架啦~所以咪一齊買銀色囉~
其實我好小可會第一次見一樣野就買架﹐但係呢個真係抵呀~我考慮左十分鐘就買左啦~
用ＥＰＳ比錢﹐自從西西既例子之後﹐我噤密碼既時候係特別小心架~有Ｄ陰影呀~哈哈~
買完大約３點幾﹐因為西西要學琴﹐所以返歸喇~返到黎打算做功課架…點知拎晒Ｄ野出黎之後﹐
先發覺唔覺得帶份功課返黎﹐做唔到﹐唯有上網啦~真難為......哈哈~玩到咁上下﹐
又係時候準備落去做運動喇~落到去過左陣就見到佢啦~仲有打招呼添呀~今日呢個招呼有笑架~
超級開心~果D以為自己已經忘記既感覺通通都返黎啦~我仲鼓起勇氣同佢講野添呀﹗
撩佢講野之前我有諗過講咩啦﹑應該用咩態度語氣同佢講啦……但係到真係講既時候就咩都唔記得啦…
表現得好差呀…都唔知自己講乜…好驚會惹你反感。唉~過左去唔諗啦…
《喜歡的不會喜歡我 我愛你但你不愛 單戀相戀到失戀 太耐了嗎 我愛你但你愛他 》
>>November 29, 2003 at 11:17:54 PM GMT+8
2003 年 11 月 28 日 星期五 【晴】
而家係星期五夜晚十一點幾﹐我再一次寫日記。一日寫兩篇日記﹐實在係有點煩厭。
但係又唔想聽日先寫返ｗｏｒ﹐因為…我會唔記得~今日下晝果篇我好辛苦地諗返尋日發生咩事架…
好喇~講返今日。又一個星期啦~真恐怖﹗「時間」係咪好趕呢？使唔使過得咁快呀？
唉~朝早Ｄ例牌野唔使講啦…不過有Ｄ特別既係今日一朝早６點幾黃補船打黎﹐佢今日ｓｐｏｒｔ ｄａｙ﹐
約左ｅｌｌｅｎ起我屋企附近食早餐﹐叫我一齊。當然就係唔得架啦~佢以為我返好晏﹐
其實我學校仲早過佢學校打鐘~ ~ ~聽完電話繼續換衫然後出門口搭巴士返學。
今日既早餐係提子包﹐都好好味~又抵〉〉〉＄２。以後都係食齋包同提子包算啦~
又平又飽肚又好味~今日頭兩堂係ＵＥ。對住我既女神ｐｒａｋａｓｈ。今日做ｌｉｓｔｅｎｉｎｇ。
做到我丟晒筆﹗放心﹗我只係向住本薄丟筆﹐唔係丟女神~~都唔知Ｄ人點讀架﹐完全都聽唔到﹗
兩堂係ＵＥ之後係一個ｒｅｃｅｓｓ~今日我食左個菜肉包。還可以啦~之後係兩堂係ａ/ｃ。
今日林生無返﹐陳生坐左上黎。呀~起度恭喜林媽媽畢業~恭喜恭喜~~好~講返ａ/ｃ堂。
余太都係保持住佢一貫既風趣本色﹐呢堂有好幾個笑位~然而﹐余太係叫錯左陳生做「ｋａｔｔｙ」架~
無錯佢係讀錯林生個名架~唔知會唔會其實係一直都叫錯架呢？但係平時都唔覺既~哈哈~
１２點~落堂~今日既ｃｌｕｂ ｍｅｅｔ唔使開﹐激好！成班人起５０３ｂ一齊嗲計。
傾定邊個假期去邊﹑傾下邊個去參加ｓｉｎｇ ｃｏｎ同埋傾下聖誕ｐａｒｔｙ點搞囉~
不過傾左無耐就放學啦﹐都傾唔到Ｄ咩。放學之後一行７人一齊去麥記食我地既午飯。
好多人呀今日﹐相信個個都係為左個搖搖薯條而黎架~但係其實又唔係真係話好好食喎~
之後就佢地返學我返工。返到去﹐當然要預備我既點唱啦~成功點完之後就繼續做野啦喎。
做做下就見有點兒無聊﹐就打返訓日既日記。今日好容易就過左過三個幾鐘。放工前打比西﹐
打算叫佢陪我買我心愛既西木袋。本來應承左架~不過因為佢今晚要幫老死慶祝生日﹐所以唔黎得。
咁0岩亞蕉打比我話佢起銅鑼灣﹐我咪索性叫佢陪埋我去買囉~我終於擁有到你啦﹐西木袋~
買完個袋順便行多陣就返歸啦~搭叮叮返黎。返到屋企咪睇下電視﹐上下網咁囉~~
《麻煩說多一次 只怪是我沒經驗 多得你使得心窩 只剩餘碎片
仍然陶醉 你恨心對待仍然很冀待 肯施捨你愛 誰又夠我想得開 ?》
>>November 29, 2003 at 12:34:13 AM GMT+8
2003 年 11 月 27 日 星期四 【晴】
而家係星期五既下晝兩點幾~身在公司~ｓｃａｎ左一陣野見無聊﹐就打返尋日既日記。
唔係尋晚唔想打﹐只係尋晚部機比亞媽霸住。十二點先比返我﹐打埋既話無１點都無得訓。
好喇~我印象中記得我尋日應該係一朝早起身返學啦~呢日既早餐係齋包﹐好味道~食完個早餐已經要上去上堂喇~
頭一堂係ｅｃｏｎ。越黎越難捱啦~真係好眼訓~臨落堂之前１５分鐘發覺要做ａ/ｃ功課。拿拿臨做返﹐
事關之後果堂就已經係ａ/ｃ。１５分鐘內完全~都還可以啦個速度~之後既ａ/ｃ堂﹐由於得一堂﹐所以唔算難過。
接住既係ｒｅｃｅｓｓ﹐好叻咁忍到口無食野呀~然後係全個中六課程最容易過既ＣＡ堂。
呢堂練習呢個既ＴＡＳ。我做既時候都唔多識﹐都唔知下個星期六點考。呢個分仲要計落Ａ-ｌｅｖｅｌ喎~
唉~一定要測好Ｄ呀~Ａ-ｌｅｖｅｌ考ｔｈｅｒｏｅｍ就死硬架啦﹐呢度都唔掂﹐咁呢科唔慌會及格。
我呢兩堂間唔中都有聽書架~我有ｄｒｏｐ ｎｏｔｅｓ架~不過幫助應該唔大~哈哈~
１２點半﹐準時放學﹗今日既午餐又係南方小廚食炒飯。好抵~每人＄２０食得飽飽的。
食飽後就去返工。ｓｃａｎ左３個幾鐘野之後(有一個鐘起度做自己野~)﹐就過去搵埋亞媽一起返屋企。
返到屋企已經７點半﹐要準備落去做運動喇~換套衫飲埋碗湯就落去~落到去已經八點啦~
一落到去換完衫出黎就已經見到佢啦~但係大家只係好冷淡地點下頭算係打左個招呼咋~你話佢使唔使咁ｃｏｏｌ呀?
又話當我係朋友﹐但係我連一個人對朋友應有既熱情都感覺唔到囉~無幾耐之後佢就放工走左啦~
唔通我地從此以後要變成陌路人？唉~......做完運動就返屋企囉~
《有心愛你卻愛不到……》
>>November 29, 2003 at 11:22:00 PM GMT+8
2003 年 11 月 26 日 星期三 【晴】
星期二晚比較忙﹐所以無時間寫~不過唔緊要啦~都係咁過姐﹐無咩特別~
講返今日。一個星期咁又已經過左一半啦﹐又到左星期三。朝早又係同平時一樣咁起身返學。
經過學校附近果間類似茶餐廳又似麵包鋪既地方買早餐。鋪頭既嬸嬸已經認得我。
我尋日一去到﹐佢就問我「又係腸仔包呀？」我話係呀咁囉~然後佢同為講「試下食其他飽嘛~都好好食架~」
然後我話好呀~聽日試啦~所以我今日既早餐唔係腸仔包而係一個腿蛋包。不過一Ｄ都唔好食。
係咪牛油大減價呢？個包有勁大舊牛油﹐好似唔使錢咁呀﹗食完個包就上去排隊ａｓｓｅｍｂｌｙ。
其實我都而家都唔知究竟係逢Ｄ３定係逢星期３要排隊。好無聊咁企左陣就可以返上課室。
頭２堂係ｅｃｏｎ堂。呢一堂有住催眠既作用﹐聽佢講書真係好眼訓。不過因為未做晒功課﹐
所以第一堂邊聽書邊做埋份功課。第二堂專心聽書﹐所以就比佢首催眠曲影響我既腦電波﹐
引致我眼皮體重增加而撐唔大隻眼﹐俗稱恰眼訓。釣住魚咁過左２堂。之後係小息。落去食好耐無食既粉果。
食野途中撞到ｎａｔａｌｉｅ。繼之前燒賣落沙律醬之後再一新款---燒賣落沙律醬+辣椒油~實在嘆為觀止。
接住既係２堂中文堂。今堂我要短講。我尋晚已經準備好﹐自己起屋企好認真咁練左２次。
起我出去既時候﹐同學們已經笑緊。都唔知笑乜﹐哈哈~我開始講~一路講﹐佢地一路笑。
究竟係我個樣好笑﹐定係我Ｄ內容好笑定抑或係我既表達方式有問題呢？有幾好笑呢？
但大家注意﹐我既題目係《那一次﹐我哭了》﹐係一個非常之感性＆傷感既題目。我ｅｘｐｅｃｔ講既時候係好認真架嘛~
Ｄ同學又要笑﹐搞到我自己又笑﹐於是陳老師比評語既時候就係話我起度傻笑囉~
跟住既時間就係作文同謄文囉~無咩特別野啦~
放學~~~同西＆Ｉｒｉｓ＆ｓｔｅｐ＆她的搖配落一起食麥記。食飽之後同佢地嗲到搭半我就走先喇~
事關我今日要返工。但係我等車等到搭八先有車囉~跟住架死佬巴士種要飛左個站囉~搞到我遲到﹐
不過只係遲左一個字姐。今日算係好盡責架啦~除左點唱比佢聽之外都無同公司電腦做自己野啦~
不過今日都讀唔到~失敗﹗無相干﹐反正我有的是時間﹐今日唔讀我聽日再點﹗今日終於都出糧啦~
我個ｗｅｓｔｗｏｏｄ袋有著落啦~如無意外應該星期五會去買~應該唔會咁快賣左掛......
好不容易捱到６點半放工。之後就去交電話費然後返屋企。我成日都唔記得交電話費﹐到我記得既時候﹐個電話已經比人ｃｕｔ左啦~
如果唔係上次亞嘉話我知我都仍然係唔記得交﹐好彩佢提一提。然後我訓晚終於記得同我亞媽講。
不過你睇住黎啦﹐呢個月尾我肯定又唔記得交~
＊嘩~估唔到有咁多朋友仔撐我呀~有你地既支持﹐幾ｈｕｒｔ我都唔怕啦﹗＊
《並沒什麼我愛上的不愛我 我已慣了不想哭太多 嘆息奈何
但亦高興我每當需要救助 良朋摯友總會ｌａｌａ救我》
ｔｈｘ ａ ｌｏｔ﹗
>>November 27, 2003 at 1:18:30 AM GMT+8
2003 年 11 月 23 日 星期日 【晴】
１１２３齊投票~你投左未呀？哈哈~
今日一早起身﹐十點度啦~因為我唔見左Ｄ中文ｎｏｔｅｓ﹐而聽日又要測驗﹐所以問豬西借左返黎打算抄返。
但係約左豬西１１點９起佐敦﹐所以搭３要出門口。都未抄晒~唯有打算影印啦~
今日係豬西第一日同我一起去ｏｎｅｓ ２ ｗａｔｃｈ跳舞。算係咁啦佢跳得~我第一堂果陣真係屎到唔屎~
佢跟到Ｄ已經算好啦~跳完舞之後去影印﹐點知影唔到佢用鉛筆寫果Ｄ字~又話加深色同縮細要另外加錢﹐咪唔影囉~
屋企人出黎北角飲茶。約左２點半。諗住有些少時間可以同西西出銅鑼灣抄埋Ｄ中文佢﹐
點知原來無人同三姨講２點半---->佢以為２點---->早到左---->發脾氣---->餐茶早左飲--->我要早Ｄ返去---->抄唔到。
唯有叫西西起電腦度打比我。跟住我就返左北角同大家飲茶。食到好飽。然後跟婆婆﹑老母同姨媽去行街。
注意﹐並唔係我想行我一日行到黑既北角﹐只係一來想做下運動﹐二來唔想起屋企對住班表弟妹姐~
行到６點幾﹐以為佢地走啦~點知無 啦啦決定今晚留低打埋邊爐做晚飯先走。我一早ｐｌａｎ左去做運動架嘛~
不過我最後都係去左做架~如果唔落﹐咪即係運動量↓＋食既野↑≡肥硬？所以我起佢地未開始之前落去。
費事自己忍唔住~哈哈~一落到去見唔到佢。呀~唔記得講。我決定唔放棄啦~其實佢講果Ｄ野都無說服力既~
佢話佢已經有女朋友﹐咁又點呀?難道佢無佢就會鍾意我咩?答案好明顯啦~所以有無女友對我無影響格~
佢話只當我係朋友﹐我從來都無奢望過同佢會發展成朋友以外既關係喎~可以做佢朋友﹐已經比我想像中好啦~
佢又話我仲後生﹐仲有大把機會。我係鍾意佢就鍾意佢架啦﹐我淨係想要佢比既機會唧~
ｇｏｔ ｉｔ？
況且如果講幾句就放棄﹐果ｄ就唔係鍾意啦~再講﹐從一開始我已經知佢唔會鍾意自己架啦~
既然呢ｄ結果根本就起原本既預計範圍之內﹐又點解要改變自己？好喇~講返頭先~
做左一陣運動就見到佢落黎啦~佢今日唔乜野做﹐勁係對住部電腦唔知做乜。我估入返客人既資料入電腦掛~
無幾耐見到佢行出黎同一個女人講野。都唔知係咪起我面前特登撩其他女人講野﹐
想話我知佢唔係淨係會特登同我講野﹐事關以前都有試過主動走埋黎撩我講野~好開心架~不過好耐無啦~
我一直起後面間唔中偷望佢﹐佢應該發現唔到既……原來佢條腰都幾幼﹐唔知有無２８吋呢？
不過咁幼但係又有腹肌咪好搞笑？哈哈~後來﹐突然間比佢見到我~大家戚左下眉打招呼(注意﹕我唔係扮ａｎｇｅｌ)
之後就無啦~原本有諗過撩下佢講野既﹐不過撞唔到佢自己一個﹐所以都係無講野~不過終於打返招呼都算係有進步呀~
自從收到佢果封野之後都無講過野﹐無打過招呼啦~
《一個女人 從無求過 你的愛護不等於要 那麼不愛護》
>>November 24, 2003 at 12:44:26 AM GMT+8
2003 年 11 月 22 日 星期六 【晴】
今個禮拜都無寫日記呀~事關剛過去既星期１-４都測驗﹐即係星期１-３都無時間寫啦~
星期４晚好多功課﹐又寫唔到ｗｏｒ﹗好啦~到我終於得閒寫喇﹐個網又比人搞。真麻煩~
Ｄ人真無聊﹐食完飯無屎屙﹐走黎做搞屎棍。不過唔係個網有事﹐我都唔知原來都有人咁比面睇呢個日記。
事關都有好幾個同學朋友問我點解去唔到我個日記。有Ｄ驚訝既係原來林生﹑陳生＆海豚(驚串錯所以打中文,哈哈~)都有睇。
真比面呀下各位同學仔~好喇~講呀今日先~今日一早９點９起身,打算做左ａｍａｎｄａ比過Ｄ作文佢。
點知一打開連題目都唔明〉〉〉查字典。終於明條題目講咩﹐但係又唔知點作。所以最後我起上午十時四十五分放棄。
放棄之後由於有時間剩﹐所以就落樓下食左碗粉﹐食到好飽而且仲食左好耐﹐結果〉〉〉遲到。
搭半先到補習果度。佢未開始教﹐不過我同同學們就要分開坐﹐因為佢ＡＢ房都差唔多滿﹐
但係又塞得落人ｗｏｒ﹐所以佢唔開Ｃ房。而佢地叫我地入果間房又得返單位﹐所以唯有同西西分開坐。
補英文既時間一Ｄ都唔難過﹐比補ｅｃｏｎ好得多。補完習之後﹐就過左九龍塘聽講座。
果個統計學唔知咩比賽既講座。都算係有用既。起碼聽完之後我知知地呢個比賽係賽Ｄ咩同埋點賽法囉~
個ｔａｌｋ有一部分係叫舊年冠軍出黎分享心得。有個男仔講既時候好多“ｅｒ”﹐佢自己都知﹐
後尾仲話"係~我係講左好多"ｅｒ"架下~"超好笑。聽ｔａｌｋ既時候除左聽之外仲要望﹗
要周圍望下有無令仔。有發現架~不過望完就算~哈哈~其實呢個世界都唔係話無令仔﹐只係令仔通常已經比人訂晒啦~
就好似屋企樓下麵檔果２個男仔幾好樣架﹐不過２個都有女。佢地既女朋友一肥一瘦。
難就難在肥同瘦都係『超級大美人』﹗唉~呢個世界對我真殘酷~我果班大部份人都有人要啦...
上星期發現原來海豚姐都有個海豚哥﹐仲要已經２年。難為我已經１６年啦--->單身左１６年囉~
講起黎﹐我都覺得自己有Ｄ衰。海豚姐比海豚哥張相我睇﹐我傳晒比咁多人睇。哈哈~
講返今日先啦~本來應該今日做運動既﹐不過尋晚唔記得左﹐口快快應承左亞媽返亞婆度。
算啦~運動唔趕既﹐聽晚先去囉~就係咁﹐我聽完個ｔａｌｋ﹐同西＆迪比﹐後來撞埋杰倫＆ｋｉｔｔｙ﹐一齊行左陣又一城﹐
跟住就自己走先去搭車返金鐘再轉巴士返香港仔啦~~
>>November 23, 2003 at 2:01:40 AM GMT+8
2003 年 11 月 16 日 星期日 【晴】
又到左星期日喇~今日較左鬧鐘十點半起身。但係同樣地我都係聽唔到鬧鐘響。
好彩細佬起左身聽到鬧鐘響﹐搭７就入黎叫醒我。起身擦牙洗面換衫就出去跳舞。
本來西同ｈｉｄｙ都話一齊去架﹐但係最後２個都話唔得閒無去到。
講起黎﹐我都唔記得幫佢地問下堂先報名得唔得添~算啦~遲ｄ先打去問囉~
今日跳舞果班又有一渣未見過既人﹐唔知係調過黎既定係新學既呢？今次跳果Ｄ舞步有ｄ難﹐要練練先得啦！
跳完舞之後﹐就返屋企﹐等埋亞媽同細佬一齊去食飯。今日去左太古城中心食飯呀~食到好飽呀~
食飽飽之後就起果度行左陣。因為我今晚要做ｇｙｍ﹐所以行到６點幾就返屋企喇~
返到屋企就執野落去。當然要帶埋ｅｃｏｎ ｎｏｔｅｓ落去邊做運動邊溫書啦~不過到走既時候﹐
只係溫到一半﹐仲要係不斷係咁飛。基本上係無溫過既。今晚落去又係見到佢一眼。已經無心跳加速啦...
雖然都仲係想偷偷望佢﹐但係都總算成功左一半啦~係咪先？哈哈~不過見到佢一眼之後就無再見過佢啦~
之後入廁所經過見到教練既時間表。原來佢今日係７點放工。我見到佢既時候係７點半。算係有緣嗎？
但係有緣係咪一件好事呢？唔知呀~其實都唔知自己係咪仲鍾意佢...
>>November 16, 2003 at 11:41:35 PM GMT+8
|
![]()
莫泊桑說:
愛情的花朵不會突然綻開
所以一見鐘情是靠不住的。
|
|
廣告 |
|
|
讀者留言 |
| 路人留言
|
 hello
<br>nice t
>>January 21, 2006 at 3:26:30 AM GMT+8
Hihi~你好呀
<br>我係響
>>December 4, 2005 at 6:04:43 PM GMT+8
美人,你有做了一些惹人討厭的事嗎
>>November 29, 2005 at 11:28:22 AM GMT+8
我發覺我同你諗d野都幾似=)
<
>>October 29, 2005 at 12:24:06 AM GMT+8
下?你係邊個呀?
>>October 5, 2005 at 3:33:56 PM GMT+8
你可唔可以話我聽吳漪琪嘅icq
>>October 4, 2005 at 9:11:09 PM GMT+8
halo..
<br>我係個bb
>>February 12, 2005 at 9:21:11 PM GMT+8
也許我真的太無聊吧，剛才在你的X
>>January 5, 2005 at 7:03:29 PM GMT+8
hey/... po kei__
>>September 21, 2004 at 7:30:47 PM GMT+8
我都話準ga la 死o野
<b
>>February 4, 2004 at 8:29:22 PM GMT+8
好掛住你呀!!!
<br>幾時出
>>January 14, 2004 at 6:19:10 PM GMT+8
你終於都打返日記喇 呀..唔係
>>January 13, 2004 at 11:19:56 PM GMT+8
新一年 新年快樂!!!
<br>
>>January 2, 2004 at 2:13:47 AM GMT+8
wahaha
<br>happy
>>January 1, 2004 at 11:16:17 AM GMT+8
Prakash 之形容
<br>
>>December 10, 2003 at 6:30:45 PM GMT+8
我係路痴西。hahahahaha
>>November 30, 2003 at 10:44:17 PM GMT+8
kung hei!!!
<br>
>>November 26, 2003 at 4:23:12 PM GMT+8
我終於明你今日上堂講咩喇!
<b
>>November 24, 2003 at 10:46:45 PM GMT+8
ha>>見阿嬸留__我又要留
<
>>November 24, 2003 at 8:07:38 PM GMT+8
雖然暗戀係好辛苦,但係自己開心咪
>>November 24, 2003 at 1:12:44 AM GMT+8
ngo gok duc ngo
>>November 19, 2003 at 9:25:09 PM GMT+8
我知架!你同我成日扮有緣!我知你
>>November 17, 2003 at 11:15:46 PM GMT+8
我塊面好痛呀..........
>>November 12, 2003 at 3:11:55 PM GMT+8
darling*送俾你架...
>>November 4, 2003 at 11:13:17 PM GMT+8
唔使多謝我wor!我唔開心o個陣
>>October 22, 2003 at 8:36:06 PM GMT+8
回頭當那天的我永遠未叫座~~
<
>>October 21, 2003 at 11:23:12 PM GMT+8
我整的tiramisu當然好味啦
>>October 16, 2003 at 10:20:40 PM GMT+8
darling
<br>我堅持我
>>October 13, 2003 at 10:44:53 PM GMT+8
你當然重要啦~梅姐~
<br>
>>October 10, 2003 at 10:34:41 PM GMT+8
hello ar!我都係今日先第
>>September 22, 2002 at 5:29:06 AM GMT+8
|
|
人氣: 17897
Design & Scripting by ShowHappy.Net
|
嘩~呢幾日都寫唔切日記添~你望下寫既時間...呢篇都係星期五返緊工寫既時候蛇王寫架咋~
１１２３齊投票~你投左未呀？哈哈~
又到左星期日喇~今日較左鬧鐘十點半起身。但係同樣地我都係聽唔到鬧鐘響。