|
2004 年 1 月 15 日 星期四 【颳風】
而家已經係１６號凌晨既１２點幾...我已經疲憊不堪,但為免我既日記變成週記﹐我決定捱落去。
今日係ｗｒｉｔｔｅｎ ｅｘａｍ既最後一日。考埋今日就考晒--其實星期六仲有ＣＡ practical,
但相信大家都已經唔放在眼內﹐見大家今日放鬆晒人知啦。照常返學。今日考文化篇章同聆聽。
其實我今日成日都好眼訓。所以考文化 卷答緊第一題既時候﹐我係恰住眼訓咁做架囉~
最終我係做唔晒架~爭半題度啦~十分既題目我只夠時間寫六行﹐仲要唔知自己寫緊咩。
有點兒擔心呢份卷。其實都唔止呢份架啦。我直頭係要擔心自己會唔會考包尾…
眼見個個同學都好似好勁咁…亞嘉同呆Ｂ科ＣＡ有六十幾分﹐西西做卷永遠都快過我做完﹐
一早扒起度訓﹐骨就一向科科都好似幾好咁...我地果對都已經係成班成績最差果堆。
我仲要係最差之中既最差。唉~無眼睇！考完第一分卷之後﹐各位同學已經發現我個眼袋﹐
而且仲話我個樣真係好殘。都是那個考試害的！算啦~考完喇~我唔要再諗﹗
考完晒之後就返屋企。又係同呆Ｂ一齊搭車返歸。今日係呆Ｂ既大壽﹐我地一行大約１０人﹐
同佢一齊去唱Ｋ慶祝。我同骨同ｋｉｔｔｙ早左少少出去打算買禮物。
最後我地買左個銀包同一個散紙包比佢。其實我地掙扎左好耐究竟買袋好定買銀包好。
最後經過我地慎重咁衡量過之後﹐都係決定買銀包。因為佢個銀包已經就快多野到爆炸。
已經扣唔埋。送個新銀包﹐希望佢同個銀包會有新開始﹐執一執佢。之後我地就上左綠盒唱ｋ~
唱到４點幾我地先走。期間我地切蛋糕﹑唱生日歌同埋送禮物比﹐希望呆Ｂ會開心同鍾意啦~
再講一次﹕呆Ｂ﹐祝你１５號生日快樂呀~唱完之後﹐行到出房門發覺自己指公損左。
比ｗａｉｔｅｒ哥哥聽到﹐佢無啦啦搭訕﹐我就順便問佢拎膠布。呢間ｋ Ｄ人都幾搞笑。
走左之後就行左陣街。行到６點幾我就返左亞婆度﹐因為今晚團年。老媽唔起香港﹐
我同細佬兩個就代表出席。今日終於見到大舅父個女友。我對呢個女友無咩好感﹐
但係我仍然認為佢有一個可取之處﹐就係佢矮過我。嘩卡卡~~婆婆屋企無啦啦多左隻鸚鵡。
屙好多屎﹗食完飯之後﹐睇多陣電視就走啦~因為老豆黎車我地走。佢話想去行街。
我見都好似無乜試過同老豆細佬３個人行街﹐所以雖然好眼訓﹐但係都陪左佢出旺角女人街度行。
行到十一點幾﹐我真係頂唔順﹐就陪老豆食埋野然後就返屋企。老豆話買唔到野比我地唔得﹐
所以最後折現。就咁﹐老豆無啦啦就包左我今日用過既所有錢。真高興！
※下一個目標﹕學跳0拿0拿聲ＭＶ裡面﹐亞倫同克勤跳果隻舞﹗※
>>January 16, 2004 at 1:25:13 AM GMT+8
2004 年 1 月 13 日 星期二 【乍雨乍晴】
好冷的一個朝早。尋晚十一點幾就訓左﹐我話過今日要早Ｄ起身溫ａ/ｃ﹐講過就要做。
因為我深深感受到如果我起到身溫書我就有機會有３０分﹐如果我唔溫就１０分都唔知有無。
所以我最後５點鐘起左身溫書﹐我好叻地無恰過眼訓呀。不過咁樣並唔代表Ｄ乜。
叫老豆叫醒我。起身之後出廁所﹐一打開度門就已經感覺到寒風刺骨既感覺﹐
凍到即刻閂返度門﹐退返入房裡面。都唔想出去。但係我唔可以晒時間﹐所以著返件褸﹐
再一次勇闖冰冷既客廳。加速腳步入廁所。擦完牙洗完面之後搭２﹐開始溫書。
溫到搭３醒起要打比陳嘉嘉叫醒佢一齊溫。不過無人聽電話。放棄﹐打算搭半再打過。
但係搭５佢已經打黎﹐話我知佢決定訓到搭９先起身溫。其實佢有天才﹐其實唔溫都過到骨既~
溫到６點７開始換衫執袋﹐呢個時候我仲有３課未溫。但係都要出門口。天寒地凍﹐
起條街度邊讀書邊等車﹐實在係人生一大悲劇。返到學校﹐同學們都持半放棄狀態﹐
入去開始考。我一開始竟然用左９個字去做一條短題目。之後既每一條都用左差唔多既時間。
所以呢份卷係注定死路一條。考完之後﹐我正式宣佈呢科ｃｅｒｔｉｆｉｅｄ﹗
死因係成條ｃｏｎｔｒａｌ既ｐａｒｔ Ｂ無做﹐座底無左２０分。
算啦~出左去個試場就唔好望返轉頭啦﹐唔老黎架~放學之後同一眾同學起老麥食午飯。
突然發覺原來收銀哥哥都幾令仔。食飯期間我終於鼓起勇氣﹐ｆｏｒｍａｔ我部ｍｐ３機。
經呆Ｂ一番搶救後﹐部機終於順利獲救。真高興。麻煩晒各位同學為我部機擔懮啦~
食完飯之後就同呆Ｂ一齊搭車返屋企。原本打算返到屋企訓一陣然後就出去補習。
不過返到黎開住部腦又掛住玩ｌｕ~~~到３點幾就出去銅鑼灣搵亞蕉。佢今日約左黃老船。
好耐無見過佢啦。其實都好掛住佢既......不過我為人又唔鍾意做出面﹐所以都係全程串住佢。
３個人起度互串。哈哈~不過以前都係咁架啦~而家唔同左學校﹐Ｄ時間好難ｍａｔｃｈ﹐
所以我已經好耐無見佢啦~有成３個月啦我諗~之後就上左去補習。好眼訓呀~
我開始左無幾耐就恰眼訓啦~今日仲要係講新野﹐ｍｉｓｓ晒都唔知點﹐唯有靠ｃａｒｏｌ啦~
補完習之後就返歸。我決定今晚落去做運動。我已經差唔多一個月無落啦~成個人肥晒。
落到去﹐無落咁耐﹐環境同人既變化唔大﹐最大既就係我唔會再周圍望佢起邊﹑
唔會再咁ｃａｒｅ佢有無返工。今日見佢唔到﹐佢應該返早﹐但係我已經再無特別既感覺…
我已經諗清諗楚架啦。而家既我最重視既唔再係佢﹐而係屋企人同朋友仔。
＊時光可變 世界可變 人情亦許多都變遷 友共情不變 那種真找不到缺點
你我再次相見 隨年和月 身心雖秏損 友共情從難扭轉 心內那熱暖 仍是純真未變 ＊
>>January 14, 2004 at 12:35:47 AM GMT+8
2004 年 1 月 12 日 星期一 【颳風】
嘩~比人話我好耐唔寫日記。無辦法啦~考試嘛﹗呢排都係出左圖書館溫書呀~少Ｄ誘惑嘛~
雖然唔上網都未必真係溫書。但係見唔到部腦就唔會上網﹐起碼少個唔尊心既機會先嘛~
因為一直都唔得閒﹐所以都差唔多半個月無寫過日記啦~其實有時得閒寫架﹐
不過溫左成日書(話就話成日啦下~)已經唔想再晒精神去打字。不過其實無打到果幾日都無咩特別姐~
雖然唔特別﹐但有樣野不得不提﹐就係我終於都換到手機啦。我亞媽終於得閒同我買。
之前考慮左好耐究竟買Ｇ５００好定係Ｇｘ２２好…最後我買左…ｉｎｎｏ９０。
又一韓國機。同西西個亞媽撞機。不過唔緊要呀﹐我都好少機會到ａｕｎｔｉｅ既~
我起初都唔算太鍾意呢部機架﹐但係賣電話既表舅父話好喎﹐咁我咪信佢囉。
但係拎到返屋企之後就越望越鍾意。多謝老媽~~好~講返今日先。今日考ｅｃｏｎ。
死路一條。完全唔掂呀~都唔識既~起我仍然做緊ｍｃ第３０題既時候﹐隔離既人已經開始ＬＱ。
眼見豚姐寫到好多野﹐而後面既糖姐同杰倫竟然要加紙﹐恐怖~仲有１５分鐘剩既時候﹐
我見到ｋａｔｈｌｅｅｎ已經做完﹐翹埋對手等收卷。可憐既我仲有２條長題目未做。
作埋唔識果Ｄ就夠鐘收卷。注定係死路一條。聽日考ａ/ｃ﹐同樣係等死。
所以豁左出去架啦﹐死就死啦~不過我又唔會唔溫既~而家就出去同Ｄ同學一齊溫﹐
不過一大班人會唔會溫到書…係一個ｐａｒａｄｏｘ…
２點３出門口。以為自己會遲到﹐結果我係第一個到佢地個個都搭九先到。等左佢地３個字﹐
上到去已經３點幾。起初個個都好尊心溫書﹐但係溫溫下就嗲下計呀﹑食下野呀…咁囉~
但係都算係溫到書既~起自修室可以點傾呀…對唔對呀？溫到七點幾﹐溫左一半都無﹐
大家就話要走﹐返屋企食飯喇！我都要出去同屋企人食飯。其實我仲有好多課未讀﹐
真係唔係好想出去架啦~不過老豆生日又無理由唔去架…咪唯有去囉！
雖然係好多野食又幾好味﹐但係搞到我１０點幾先返到屋企﹐沖埋個涼﹐１１點先開始再溫﹐
但係考ａ/ｃ要計數﹐又唔可以夜訓喎﹐所以溫到１１點９就去訓。聽日早Ｄ起身再溫囉~
>>January 13, 2004 at 1:36:20 PM GMT+8
2003 年 12 月 31 日 星期三 【微冷】
嘩~歡樂既時光過得特別快…咁又過左一年啦~不過０３年都唔係開心既一年﹐
過左咪由得佢囉~相信無咩人會留戀呢一年。真係唔掂喎呢年﹐咁多人死﹐
仲要有我最最最喜歡既哥哥。我真係４歲已經聽佢Ｄ歌啦...由細聽到大。
然後又有沙士喎。仲有呀,最重要既係,０３年...我放榜呀嘛~咁屎低分...呢年仲唔係悲哀既一年?
不過人要向前望既。所有唔好既野都會跟埋０３年走﹐所有好既﹑開心既野都會跟住０４年黎既~
好啦~講返今日先~大除夕呢一日﹐亦都係假期既第８日﹐我訓到１２點幾先起身。
起身之後又係返工。太遲出門口食唔切飯,所以去幸福樓買個＄１３.８既飯盒返公司邊做邊食。
返到公司食飯做野之余﹐當然係要聽收音機啦。做到５點咁上下﹐可能因為個總經理走左﹐
而且個個都有節目﹐所以佢地要走。而我無鑰匙﹐我唔走佢地無得走﹐可能因為咁﹐
我比人催我收工。打算ｓｃａｎ埋手上面果渣就走架啦~最後搭３先走。
放工之後﹐因為亞嘉起天后剪完頭髮之後要等西西剪﹐所以我去左陪亞嘉一齊等。
西西個頭佢自己好似唔多滿意﹐其實我覺得都可以接受啦~幾型呀...係大個左Ｄ咋嘛~
放返落黎好似比雷劈中咁咋嘛~少事啦~整完之後已經８點幾。我地３個行出銅鑼灣。
等埋ｍｅｌｏ之後我地就去左世貿打機。呢個時候已經好逼。機鋪又多人喎﹐
不過亞嘉又真係打鼓打得幾勁既...之後我地諗住食壽司架﹐不過條隊好長﹐
最後我地落左地下既超級三文治度食野。食到十點幾﹐亞嘉因為無車所以要早走﹐
而我地就出返去銅地度等亞丁丁。我地４個就行左陣銅地﹐然後就起下面等倒數。
其實今年係我第一次出去同人逼住黎倒數﹐以前都係去ｆｄ屋企數。
等左好耐﹐９個字咁上下啦﹐先到１２點。今年最開心既係同我偶像阮少祥一齊倒數﹐哈哈哈~
倒數過後﹐我地好辛苦咁逼到去維園果邊。我邊行邊ｓｅｎｄ ｓｍｓ比Ｄ朋友仔﹐
祝佢地新年快樂。起度同果Ｄ尋晚無打黎﹐而我又ｓｅｎｄ漏左比佢既人講聲新年快樂。
我地買左Ｄ野飲同野食然後就去維園度坐﹑玩＆嗲計。後尾龜屎都黎埋。
我地又玩誠實定大膽。我ｍｉｓｓ左２次ｍｅｌｏ同龜屎嘴５秒既情景﹐真失敗。
後來亞凱哥仔打比我話原來佢都起銅鑼灣﹐佢話佢同好大班人一齊﹐問我一唔齊玩﹐
大家都覺得無所謂﹐咁咪ｊｏｉｎ埋一齊囉~同一大班人﹐有男有女咁﹐仍然係玩誠實定大膽。
但係無得揀誠實...所以應該叫左大膽定大膽。我都唔係成日中姐...不過都４次。
一次要比人錫面﹐一次要ｌａｍ人塊面﹐一次同西撞胸﹐一次比人咩住跑圈。
玩到３點幾﹐因為佢地去食野打機=無興趣,所以我地就返去維園﹐
打擾ｍｅｌｏ同龜屎既二人世界。西西見到有個男仔個Ｙ３袋之後﹐成晚都未能忘懷。
去到維園都一直起度講。講到我地都唔多想理佢。同佢地嗲到４點半鬆Ｄ﹐
就比亞媽夾左返屋企喇。未返到之前都唔眼訓架。返到屋企洗完個頭就見啦~
啦啦臨吹埋個頭就去訓啦﹐但係都成６點先有得訓。唉又係無溫過書既一日。
今日我發覺到一樣好重要既事﹐就係我諗我真係放低左﹐唔再鍾意佢啦~
但係我仍然唔否認佢係一個好吸引既人﹐不過我對佢已經唔再係果仲鍾意。
或者只係當佢係偶像果種鍾意。唔再想佢鍾意自己lu...
＊然後我抹掉你 突然世界極美 心靈不需充饑 這夜毋用有你
誰在昨晚多麼卑微 我要壯闊地 我終於懂得放下你 ＊
>>January 1, 2004 at 3:39:09 PM GMT+8
2003 年 12 月 30 日 星期二 【炎熱】
尋晚３點幾先訓﹐今朝９點幾就起身返工。唉~放假都唔夠訓。書又無溫﹐真失敗﹗
因為太趕﹐無食早餐。十點半準時返到公司﹐開始做野。做下正經野又做下自己野咁啦...
１２點９﹐午飯時間。我都算係遲出去食飯架啦。因為無鑰匙嘛~Ｄ人出晒去食飯﹐
如果我早返過佢地﹐位就會無門口入。最後我係點４先出去食飯。
求起去樓下吉野家買個飯返上公司食。食完飯就繼續做野。直到４點幾就放工﹐過去補習。
今日唔知係咪亞ｃｃ蔡講野好笑左定係課彈性唔掂﹐今日都無乜恰眼訓﹐仲明佢講咩添~
但係今日有個好搞笑既現象﹐就係全場都係女仔。今日仲收到蕉比我既聖誕禮物。
係ａｎｎａ既ｃｒｅａｍ一支。補完個習之後﹐就返屋企換衫。
今晚係公司既ａｎｎｕａｌ ｄｉｎｎｅｒ﹐去Ｅｘｃｅｌｓｉｏｒ食飯。
一去到未開飯之前大家坐晒起出面飲酒嗲計。個個飲無理由我唔飲野﹐
唯有揀杯最少酒精既黎飲。一杯其實已經幾大杯﹐點知佢話果時係「歡樂時光」﹐買一送一﹐
搞到我無啦啦要飲多杯。到８點鬆Ｄ﹐就入去埋位食飯。個頭盤已經好豐富。
有菜沙律+ｐｉｚｚａ仔+壽司+春卷。食完個頭盤已經飽飽地。無幾耐之後又上主菜。
係鴨胸。味道係唔錯﹐不過好大碟﹐起碼６-７塊﹐仲要大大塊。最後當然係食唔晒啦。
之後仲要有甜品喎。飽到暈~跟住係玩游戲。佢地叫我提議ｄ游戲﹐
我咪講返我自己玩開果Ｄ囉~大電視呀...誠實定大膽呀咁囉~不過同Ｄ大人玩真係唔好玩。
又係個個都揀誠實既。問Ｄ問題又無聊喎~我見無人揀大膽﹐後尾轉中我咪揀囉。
點知比人ｄａｒｅ左我出出面跳舞﹐仲要係好多人坐起度望﹐但係無人會跳果種。
唉~真樣衰~之後傾多陣計就散lu~亞ｂｅｎ都住北角﹐所以順路送埋我返黎。
十二點幾﹐都唔係好夜姐﹐但係唔知點解我又成３點先打日記呢？
已經十一日無見你啦...唔知你聽日會點過呢？又係同女友嗎？
剛才睇梅艷芳既時候發現既歌詞﹕
＊願盡力忘掉卻再想 未淡忘熱浪留在我心上 他的眼光似夢樣 不禁令我想 他的臂彎散魅力 不禁又再想＊
梅艷芳真係死左呀...唔開心添~我覺得梅媽媽好慘呀...希望佢唔好咁唔開心啦~
>>December 31, 2003 at 2:56:14 AM GMT+8
2003 年 12 月 29 日 星期一 【陰晴不定】
尋晚訓得極差。臨訓既時候已經覺得唔舒服﹐所以好醒咁放定個膠袋起床頭。
１２點幾訓落床﹐到３點幾都仲係好辛苦﹐頂住頂住咁﹐最後真的嘔了...
嘔完之後先有得好訓。都唔知做乜野無啦啦病。成４點先有覺好訓﹐
但係今日１０點就要返到學校﹐因為今日約左ｍｉｓｓ ｎｇ﹐叫佢再講解下課ＩＣ。
一返到去見到Ｄ同學﹐大家都比我個新髮型嚇親。陳生仲要話我係假既……
開始既時候大家都好留心咁聽吳老師講解課書﹐唔知點解講講下變左傾閒計。
仲比我地知道原來吳老師剛剛戀愛了。吳老師係ＥＣ班既一份子黎架嘛﹐
即係話ＥＣ班既單身成員又少一個﹐我地又招攬唔到佢入我地個會喇。之後都無再講書﹐
變左做傾計喇。到１２點幾﹐係時候散啦~我地去老麥食午飯﹐今日買九件送九件﹐抵呀~
不過我真係好唔舒服﹐無胃口。蝕左啦~邊食野邊嗲計﹐嗲到點零鐘﹐我地就散啦~
搭巴士去返工。可能因為唔舒服﹐所以覺得今日果４個半鐘特別難捱。
好唔容易先捱到放工。當然就搭地鐵返屋企啦。返到黎﹐睇返周星馳Ｄ舊戲﹐
然後又睇下我偶像阮少祥。起我睇睇下"花樣"既時候﹐我訓著左。差唔多做完既時候我就醒喇~
正打算去沖涼既時候﹐亞凱哥仔打黎話今晚出得成去睇戲﹐咁咪ｈｏｌｄ住個沖涼計劃先﹐
出返去換衫囉。等佢地差唔多出到去就打比我叫我出去。出到去十一點七。我地睇１２點。
起紐約﹑同凱哥仔﹑黎景＆思蘭﹐睇『安娜與武林』。都幾好既…比我想像中好囉。
因為有又南啦﹐又有何ＣＣ喎﹐ 最重要係有劉以達呀嘛...簡直係套戲既精粹呀。
不過無左凱哥仔﹐我真係唔可以同其餘果Ｄ人出去呀...我成晚同佢地２個講既野﹐
加埋都好似講左唔夠５句。其實黎景都幾好呀...個樣又唔差﹐又乖仔。
可惜...佢已經鍾意左靚靚地但女交到震既思蘭。唉~莫講話無個咁好既人鍾意自己﹐
就算求起搵個人黎鍾意下自己都無。悲哀...睇完戲之後見無野做就返屋企lu...
不過都成２點...好ｔｉｒｅｄ……
>>December 30, 2003 at 3:15:57 AM GMT+8
2003 年 12 月 27 日 星期六 【颳風】
假期既第４日。今日又開始凍返。星期６﹐又要補習。好想交到份作文功課﹐
所以特登提早２個鐘起身作左佢。鬧鐘就較左９點半架啦...不過最後十點幾先起身。
話左要作就一定要作。作到１１點半都未作完﹐但係都要換衫執袋架...用１０分鐘搞掂。
然後作埋個尾就出門口喇。差個心靈地圖未畫。起搭地鐵既時候畫埋。不過我最後都係無交到~
其實我係可以交架啦~不過一來見到個櫃裡面Ｄ人交果Ｄ功課都唔同我果份既。
二來西同ｍｅｌｏ都無得交﹐三來都未到ｄｕｅ ｄａｔｅ﹐所以最後決定等埋佢地先一齊交。
今日無講金句﹐一上堂就直接教技巧﹐今堂教做ＰＳ既技巧。非常好~考試前﹐
當然需要補一補最弱既一份ｐａｐｅｒ啦~靠西施女王就真係死得啦...
補完之後就同西＆ｍｅｌｏ一齊搭丁丁走。無他既~西西約左ｙ先生起銅鑼灣﹐
為既就係ｙ先生鍾意既女仔唔理佢﹐佢唔開心﹐西去陪下佢﹑安慰下佢囉﹗
咁唔知邊個去安慰西呢？而ｍｅｌｏ就只係去剪頭髮…而我都係要去剪頭髮,
只係要返屋企等埋亞媽一齊先去。同全家人一齊去食飯。食臘味飯。
之後就行過去剪頭髮。終於整返直把頭髮﹐而且仲作左個新嘗試---剪齊陰。
自己暫時都仲未接受到﹐相信朋友們都未必接受到。一返到去﹐亞賓一開門就淨係擘大個口﹐
然後唔開門比我...~.~"返到入屋﹐準備沖涼之際﹐細佬就返黎﹐問我「你做咩剪個蓋返黎？」
仲話我核突...家下都唔係好差姐...下話？我會比時間大家接受我個蓋。
剪完頭髮就返歸lu...剪完頭髮﹐起碼一排唔可以去做運動望你lu......
＊試過了 沒結果 不管怎樣出錯 我只想今後好過 ＊
>>December 28, 2003 at 2:25:21 AM GMT+8
2003 年 12 月 26 日 星期五 【微冷】
話咁快就黎到假期既第３日。一樣係訓到１２點幾﹐起身之後就咪又ｐｌａｎ下個假期點用囉~
又係得個ｐｌａｎ字﹐做唔做係另一回事。到３點幾既時候﹐又過去叫醒我亞媽~
今日原本約左西同ｍｅｌｏｂｉｌｌ去冬季嘉年華。但係難得今日我同亞媽都放假﹐
而且佢又無街去﹐咁咪推左西西佢地﹐去整頭髮囉﹗搞下搞下﹐又搞到５點先出門口。
落去樓下Ｄ茶餐廳食午飯。食飽飯之後就施施然行過去整頭髮。點知去到﹐
幫我整開果個師父放假。唯有走啦~同亞媽行左陣。順便一路搵下睇下有無第二間整。
後來搵到一間﹐入到去之後﹐個師父話我Ｄ頭髮整唔返直~我當堂比佢嚇暈。
佢話因為我Ｄ頭髮之前染既時候漂過,而且後尾染過藍色﹐所以把頭髮已經好差。
如果夾硬要做既話﹐就會仲孿過而家﹐所以咪唔整囉~但係我要澄清:我係染黑色,唔係藍色。
聽日去返整開果間度問下個師父點算。無得整頭髮﹐就同亞媽行下。佢打算買返部錄影機。
因為佢同老豆成日都唔起屋企 睇唔到Ｄ電視劇﹐所以要買黎錄電視。
咁咪同佢上左豐澤囉~買左錄影機之後﹐見到Ｄ ｐｒｉｎｔｅｒ平﹐就叫亞媽買返個返去。
咁就唔使成日叫人幫我ｐｒｉｎｔ功課啦嘛~拎住一手野就返屋企啦~
唉~好擔心把頭髮...如果整唔返好咪弊?無幾耐之前﹐同學Ｃ鍾意果個人同佢傾訴佢既煩惱。
暫且叫佢鍾意果個做ｙ仔。ｙ仔話自己鍾意果個人唔理佢﹐好唔開心。
其實佢係知同學Ｃ鍾意自己架喎~完全都唔理同學Ｃ既感受。我頭先安慰緊同學Ｃ既時候﹐
曾經想話「你都好啦...起碼佢唔開心既時候會諗起你,好過我﹐佢從來唔會同我講佢Ｄ野﹐
ｓｅｎｄ親比我既ｅｍａｉｌ全部都係ｆｏｒｗａｒｄ既。唯一一封自己打既﹐
就係ｈｕｒｔ我果封。」但係我最後都無咁講到。如果佢成日主動同我講野﹐
但係次次都係傷害自己既...我寧願佢唔同我講野。
唉~我地呢Ｄ...真正既'ｌoｒｌｙ ｊｅａｎ'----玀黎賤。
講起佢﹐我都好耐無見佢啦...都成個禮拜lu~~唔同真係咁無緣?
＊我試過提及到他時心會軟 要去到手拖手 差太遠
說我暗戀太肉麻 我愛那種感覺吧 與他都生疏了 為何仍會掛念他 ＊
>>December 27, 2003 at 2:32:27 AM GMT+8
2003 年 12 月 25 日 星期四 【炎熱】
假期第二日﹐同樣係訓到１２點幾。算係早左架啦~事關尋晚睇電視睇到３點幾先訓。
原本預計今日會點幾都唔願起身果種﹐連鬧鐘都較左１點。起身之後就又搞呢搞路。
同埋仲要執下間屋﹐因為今晚Ｄ同學仔會上黎打邊爐。搞到點幾就過去 叫醒亞媽。
問佢一唔一齊食飯。如果佢唔食﹐我就求其落樓下茶餐廳食Ｄ野就算。但係佢話一齊食﹐
於是我就等埋佢﹐點知一等就等到３點。都唔知搞咩要搞個幾鐘。唔怪得佢返工返９點﹐
但係要７點幾起身囉~我ｐｌａｎ左３點要落去做ｇｙｍ架嘛...最後竟然等到３點先可以出門口。
今日又去食麵。好趕急咁用半個鐘頭食完Ｄ野。由於今日係公眾假期﹐亞媽話驚街市會收早﹐
所以叫我買埋野先。其實我已經好趕時間﹐不過都要買左先。而且而家買左等等唔使晒時間嘛~
佢地可以一黎到就有得食。買完之後就急急腳落去做運動。其實點解咁趕都要落去做呢...
係因為一黎如果唔做﹐今日就會肥死啦~下晝食完今晚又食。二黎......都想聖誕節可以見到佢﹐
當面同佢講句聖誕快樂既...可惜...無緣-見唔到﹗又係既﹐聖誕係應該放個假﹐陪女友既...
做完運動﹐換緊衫既時候ｓｔｅｐ已經打黎話到齊。咁咪落去ｊｏｉｎ佢地囉。
帶晒佢地返上樓。‘佢地’係包括西﹑骨﹑ｍｅｌｏｂｉｌｌ﹑ｋｉｔｔｙ＆中基。
然後就開始將Ｄ野食解凍呀...預備個爐呀...大家又週圍行下呀...ｅｔｃ啦~~
與此同時﹐我將尋日倒水咁用錢買返黎既聖誕禮物派比佢地﹐佢地大家都好鐘意﹐
咁都好Ｄ。Ｄ錢都無白用﹐起碼佢地開心﹐咁就夠啦~就算今個月變「窮窿頂」都無所謂啦~
之後就開始食野。食到１０點幾我就換衫同佢地出去。本來諗住出尖咀﹐
但係ｓｔｅｐ話今年尖咀無野行ｗｏｒ﹐咁咪轉行銅鑼灣囉~其實都係無咩野行。
走既時候ｋｉｔｔｙ既男友黎接佢﹐佢又唔介意一齊玩﹐咁咪一齊出去囉~
我地搭丁丁出去。ｓｔｅｐ無啦啦起條街度'丁'起聖誕歌來。'丁丁丁 丁丁丁'仲要加埋手勢。
令我地想唔幫佢叫巴士黎都唔得。從此﹐佢再唔叫骨骨﹐而係叫做丁丁。
我地第一個目的地係去影貼紙相。期間既白痴野同'ｌｏｒ'野我已經唔想再提。
我地影左一張歷史上最失敗既貼紙相。而成功果張就唔夠分﹐ｓｔｅｐ又玩杰倫﹐
比左４張超級細既佢。後尾西見佢咁慘就比左佢果張大既佢﹐點知杰倫以為佢搞到西唔開心,
於是走左去。其實西一直都無任何唔開心既表現﹐杰倫點解可以 諗咁多野架呢？
之後得返４個人﹐我地上左ｒｂｔ飲野＆嗲左陣計。之後就週圍閒逛左陣﹐
到十二點幾就返歸啦。雖然係早左Ｄ﹐不過銅鑼灣都無野好行﹐可以行既都行晒喇~
唯有返黎打日記囉~今日其實好多好笑野架~不過唔記得晒啦~
今日適用﹕
＊你待我好好友好 戀也戀不到 但你什麼都知道 願我不奪人所好快將我 平靜送到荒島更好＊
奪人所好？你得咩...？
>>December 26, 2003 at 2:10:31 AM GMT+8
2003 年 12 月 24 日 星期三 【乍暖還寒】
今日係平安夜。亦都係聖誕假既第一日。訓到十二點幾先起身﹐非常滿足。
好耐無試過訓咁耐﹐好耐無試過夠訓既感覺啦~起身之後其實都無咩野做。
咪又係上下網食下野咁囉。到２點幾﹐亞蕉打比我﹐問我今日點。
本來今日係預左同以前同學一齊過﹐但係佢地一個話亞公生日﹐一個話平安夜要溫書﹐
一個返上大陸﹐一個要返工…即係無人去啦﹗朋友就係呢Ｄ囉﹗用各式各樣既籍口推你。
唔通所有野﹐包括友情﹐都真係要ｌeｔ bｙgｏnｅs ｂe ｂyｇoｎeｓ？
過左去既野真係留唔住？有陣時唔係我想亂諗野﹐但係事實真係咁呀嘛~
之前朋友Ｂ話７個朋友已經散晒﹐我開頭都覺得係佢亂諗野﹐但係到今時今日﹐
自己竟然有同感……朋友~可唔可以做Ｄ野﹐去令呢種感覺消除呀…？
到最後我淨係同亞蕉出去買聖誕禮物比各位朋友仔﹐有禮收既包括﹕
蕉﹑西﹑骨﹑迪比同埋我亞媽。都用左千幾銀架~銀行無晒錢ｌｕ……
財散人安樂之後就返屋企。返到黎屋企得返亞賓﹐仲要無幾耐之後連佢都走埋。
就咁樣﹐我既平安夜就起屋企﹐睇住電視﹐玩住ＩＣＱ咁過左去喇﹗
＊發夢也估不到 能成熟有多好 大家過多個學年 各自上路 回頭仍做朋友 我們原來做不到 ＊
>>December 25, 2003 at 1:29:44 PM GMT+8
|
![]()
莫泊桑說:
愛情的花朵不會突然綻開
所以一見鐘情是靠不住的。
|
|
廣告 |
|
|
讀者留言 |
| 路人留言
|
 hello
<br>nice t
>>January 21, 2006 at 3:26:30 AM GMT+8
Hihi~你好呀
<br>我係響
>>December 4, 2005 at 6:04:43 PM GMT+8
美人,你有做了一些惹人討厭的事嗎
>>November 29, 2005 at 11:28:22 AM GMT+8
我發覺我同你諗d野都幾似=)
<
>>October 29, 2005 at 12:24:06 AM GMT+8
下?你係邊個呀?
>>October 5, 2005 at 3:33:56 PM GMT+8
你可唔可以話我聽吳漪琪嘅icq
>>October 4, 2005 at 9:11:09 PM GMT+8
halo..
<br>我係個bb
>>February 12, 2005 at 9:21:11 PM GMT+8
也許我真的太無聊吧，剛才在你的X
>>January 5, 2005 at 7:03:29 PM GMT+8
hey/... po kei__
>>September 21, 2004 at 7:30:47 PM GMT+8
我都話準ga la 死o野
<b
>>February 4, 2004 at 8:29:22 PM GMT+8
好掛住你呀!!!
<br>幾時出
>>January 14, 2004 at 6:19:10 PM GMT+8
你終於都打返日記喇 呀..唔係
>>January 13, 2004 at 11:19:56 PM GMT+8
新一年 新年快樂!!!
<br>
>>January 2, 2004 at 2:13:47 AM GMT+8
wahaha
<br>happy
>>January 1, 2004 at 11:16:17 AM GMT+8
Prakash 之形容
<br>
>>December 10, 2003 at 6:30:45 PM GMT+8
我係路痴西。hahahahaha
>>November 30, 2003 at 10:44:17 PM GMT+8
kung hei!!!
<br>
>>November 26, 2003 at 4:23:12 PM GMT+8
我終於明你今日上堂講咩喇!
<b
>>November 24, 2003 at 10:46:45 PM GMT+8
ha>>見阿嬸留__我又要留
<
>>November 24, 2003 at 8:07:38 PM GMT+8
雖然暗戀係好辛苦,但係自己開心咪
>>November 24, 2003 at 1:12:44 AM GMT+8
ngo gok duc ngo
>>November 19, 2003 at 9:25:09 PM GMT+8
我知架!你同我成日扮有緣!我知你
>>November 17, 2003 at 11:15:46 PM GMT+8
我塊面好痛呀..........
>>November 12, 2003 at 3:11:55 PM GMT+8
darling*送俾你架...
>>November 4, 2003 at 11:13:17 PM GMT+8
唔使多謝我wor!我唔開心o個陣
>>October 22, 2003 at 8:36:06 PM GMT+8
回頭當那天的我永遠未叫座~~
<
>>October 21, 2003 at 11:23:12 PM GMT+8
我整的tiramisu當然好味啦
>>October 16, 2003 at 10:20:40 PM GMT+8
darling
<br>我堅持我
>>October 13, 2003 at 10:44:53 PM GMT+8
你當然重要啦~梅姐~
<br>
>>October 10, 2003 at 10:34:41 PM GMT+8
hello ar!我都係今日先第
>>September 22, 2002 at 5:29:06 AM GMT+8
|
|
人氣: 17898
Design & Scripting by ShowHappy.Net
|
而家已經係１６號凌晨既１２點幾...我已經疲憊不堪,但為免我既日記變成週記﹐我決定捱落去。
好冷的一個朝早。尋晚十一點幾就訓左﹐我話過今日要早Ｄ起身溫ａ/ｃ﹐講過就要做。
嘩~比人話我好耐唔寫日記。無辦法啦~考試嘛﹗呢排都係出左圖書館溫書呀~少Ｄ誘惑嘛~
話咁快就黎到假期既第３日。一樣係訓到１２點幾﹐起身之後就咪又ｐｌａｎ下個假期點用囉~