2003 年 12 月 21 日 星期日 【颳風】

今日十點就起左身﹐諗住預多Ｄ時間比自己呀嘛~十點半已經搞掂晒﹐換晒衫。

見有咁多時間就開個電腦蘑下。再整個生麵王杯麵做早餐。又織下老母份聖誕禮物。

搞搞下就到左十一點半。呢個時候我先諗﹕ 咦~我唔係十二點要到佐敦咩？點解我仲起度既？

發瘟囉~原來自己當左今日係星期六補習個時間。補習係十一點尾先出門口架嘛~

跟住就拿拿臨發晒癲咁將Ｄ野‘憾扮難’掉晒入個袋度就飛奔出門口囉。

出到佐敦已經搭３﹐終於都到西西等返我轉頭喇~上到去寫名果度果個人叫我地下次唔好咁遲﹐

其實我地都遲慣架啦…都係第一次有人話。今堂Ｄ舞步有Ｄ難喎...又要練下先~

如果唔係﹐下堂成隻跳晒就唔得掂~跳完之後就搭地鐵返屋企。返到去得細佬起左身﹐

咪起屋企抄下野食呀﹑玩下電腦呀…咁等囉~等到３點幾﹐都係覺得要叫醒佢地。

之後一家人去新華記食飯。食左超級多野﹐超級飽呀！原本係打算落去做運動既﹐

因為遲下聖誕我就唔會去架啦嘛！但係亞媽尋晚返左黎﹐咁耐無陪佢﹐佢又想行下街﹐

咪陪佢行下囉~本來打算行太古城既...後來因為細佬想出銅鑼灣﹐所以出左去。

點知最大收穫係我。我亞媽今日唔知做咩對我極好﹐我話買咩就買咩﹐

有Ｄ野我只係話幾好睇﹐佢都買~概括一下我今日既收穫有﹕

ａ)ｃｈａｍｐｉｏｎ外套 ｂ)ｐｌａｙｂｏｙ袋 ｃ)ｐｕｍａ鞋

仲有好多濕濕碎碎既野﹐雖然唔係好多﹐但係淨係我都買左千幾蚊﹐仲未計細佬果Ｄ。

對於我呢Ｄ窮等人家黎講﹐一日之內洗千幾銀已經係過態。今日無得見佢﹐

不過咁多收穫﹐見少次都啦~而且見多次又唔會有幫助既。不如拎Ｄ時間去買野好過。

>>December 22, 2003 at 1:04:40 AM GMT+8

2003 年 12 月 19 日 星期五 【乍雨乍晴】

開心既時間過得真快﹐話咁快又一個禮拜。呢幾日都好凍...今日比前幾日仲凍﹐

所以今日著左件大樓返學。仲要戴埋頸巾﹐死未？但係其實都仍然係凍架~

今日唔知點解遲左出門口﹐所以ｍｉｓｓ左搭１果班車﹐仲要眼白白望住架２３號走。

人生最痛苦之事莫過於此。無助的我﹐帶住一雙急凍象腿站在街上等到搭２過Ｄ先有車~

返學校途中都不忘買包做早餐﹐仲撞到兜面添。我買完我既菠蘿包就走啦~

返到學校已經搭８﹐同學們都已經走晒。自己行上５樓既電腦房。

邊上堂邊食早餐(好彩有Ｄ電腦遮住~)然後就上左陣網﹐之後見無咩野好做咪聽下書囉~

平時上型爆ｂｅｎｓｏｎ堂已經覺得過得快架啦...今日ｓｈｏｒｔｅｎ﹐仲快。

之後係小息﹐食粉果。撞到隔離班既同學仔﹐大家一齊食粉果﹐正~

之後又上堂﹐上返一堂有點兒悶既ｅｃｏｎ堂﹐無咩特別。到ａ/ｃ堂。

雖然都係好眼訓﹐但係風趣既余太實在令呢堂生色不少。佢今日成日問我地﹐

起答案上面見唔見到佢剛講完果點﹐佢話...亞同學﹐你睇到唔睇到呀？

上次佢又問我地...:同學,如果我地收到張‘豬票’應該點做呀？每堂都會有Ｄ野笑下。

可愛得余太啊~你給我太多樂趣了﹗今日唔使開ｍｅｅｔ﹐但係要聽ｔａｌｋ。

一個關於毒品既講座﹐有Ｄ無聊。我同亞嘉仲起度睇雜誌添。見到ｅｚｏｎｅ裡面﹐

有一部手機又好似幾好﹐但係詳細唔清楚﹐不過都可能會轉汰﹐放棄ＧＸ２２﹐

轉投呢部韓國機既懷抱。等我了解多Ｄ部機﹐睇下有咩缺點同優點再平衡下先~哈哈~

午飯時間。本來佢地話食南方小廚﹐但係我話好似好耐無食ｐｉｚｚａ﹐

於是就打算轉去食ｐｉｚｚａ。可惜無位﹐最後都係食老麥。食飽飽之後嗲多陣就返去~

返到班房﹐由於吳老師未到﹐於是我地就週圍走下嗲下計。我地嗲既題目﹐

其實都係圍繞住亞嘉同我地既班花---可愛極了的天使。我地一渣人走左去圍住佢。

令到佢有Ｄ驚。我地叫佢叫一次我地既花名﹐並且叫佢以後咁樣稱呼我地。

其實原意只係叫佢咁樣稱呼亞嘉。我地仲問佢最鍾意我地班邊個同學﹐

佢最後當然係揀亞嘉啦~哈哈~~呢個時候吳老師就到喇。呢堂ｅｃｏｎ堂派測驗。

奇跡地及格。好彩最後果條差唔多滿分咋...如果唔係肥硬。而且佢又比鬆左分呢...

放學之後出去灣仔補習。因為遲到﹐所以坐左起最後果行﹐燈光好暗好眼訓。

不過今日淨係到最後先恰著左陣咋...亞蕉原來都幾多同學仔一齊補架喎~

今日見到果個個樣仲ｏｋ添喎~唔知係咪星期五果班會多令仔Ｄ架呢？哈哈~

放補習之後就返屋企﹐抖左陣﹐食左Ｄ野﹐就執野落去做ｇｙｍ喇。

一落到去就見到佢啦~佢染金左中間果執頭髮...ｉｅ過氣碧咸頭。我就覺得唔多討好。

我問佢做咩無見兩個禮拜個頭都金埋﹐佢話"聖誕節...搞Ｄ新意呀嘛~

我當然唔會放過機會﹐繼續問佢聖誕有咩搞。佢答我無野做喎...真係？

真係人大左就唔會慶祝節日？定係其實佢只係唔想話我知佢會點過？

佢會唔會係同女朋友過一個浪漫既聖誕呢？我知我唔應該亦無資格去亂諗﹐

但係唔係應該諗定一個對自己黎講最壞既結果咩？


＊雖說癡情 只有傷心 我郤沉迷沉迷不願不願清醒

冷冷清清夜真的好想你 好想感覺你那溫熱的呼吸

愛你愛你並不需要你回應 我會數著每一個天明＊

>>December 20, 2003 at 1:22:23 AM GMT+8

2003 年 12 月 16 日 星期二 【乍雨乍晴】

前幾日都好忙...其實好多野要講架~不過真係無時間寫...但係我唔打算講返喇~

因為如果要打返前幾日既生活既話,打到一點都未得呀~都係講返今日算啦。

按照唔可信既天文台話﹐今日有１５度。但係我１Ｄ都唔覺。真係超凍。

我到而家都仲凍緊。企起條街度等巴士既時候﹐兩條象腿真係凍到震。

今日既早餐有一大突破﹐係食魚柳包。Ｄ同學又話好食﹐我覺得唔好食喎~

可能個包凍左﹐好腥。頭兩堂係白裡透黑既索爆女皇ｐｒａｋａｓｈ堂。

呢堂作文。作一篇「給編輯的信」。我有寫過下野架...抄低左題目同埋個地址囉~

然後寫左頭一段既ｐｌａｎ﹐佢就無啦啦派ｌｉｓｔｅｎｉｎｇ份卷。

然後用埋剩返既時間對埋Ｄ答案就落堂。呢份ｐａｐｅｒ有Ｄ意外。

原本估計自己都會及格既...僅僅咁囉~勢估唔到會係全班最高分。其實都唔高分﹐

同其他同學爭一兩分咋嘛...撞彩的我。如果考試都有咁好彩就好啦~哈哈~

女皇已經比我地訓練到好準時落堂。落去買野食﹐今日又食魚蛋。

接下來既係ａ/ｃ堂。講左好似２條「過去紙」。余太今日又大放笑蛋。

唔知做咩唔無啦啦話我地當佢係男人。當然不乏訓話啦~鬧左幾句咁啦~不過例牌堂堂都會講幾句架啦~

放學之後我地要測驗。余太比１５分鐘我地去廁所﹐叫我地洗滌心靈﹐預備測驗。

半個小時既測驗好快就過去。測完之後﹐佢即場對埋答案。一收到份ｍｏｄｅｌ ａｎｓ﹐

心裡不禁說了一句「呢鋪食晒屎喇~」。全部唔係放錯位﹐就係寫錯名再唔係就計錯數。

仲有喎~今日測ａ/ｃ﹐我竟然唔記得帶計數機。茄雲﹑ｒｕｂｙ同ｉｒｉｓ提議我問余太借..

嘩~問佢借實會比佢串既~唔製!唯有用小學式既直式計囉~呀~茄雲成日都叫我起度提下佢﹐就如下佢所願啦~

唉~有時真係覺得自己都唔係路架~根本都唔係讀書既。今次我估計唔會過十分。

測完驗之後就同同學Ｋ同埋同學Ｄ一齊行落去中環搭地鐵返屋企。

返到屋企見到老豆。佢叫我一齊飲茶。見今日係佢生日就陪下佢啦~

點知原來Ｄ姑媽都黎晒。起初都唔多想同佢地食﹐不過佢地請﹐無所謂啦~

時完飯之後急急腳返屋企換衫出去補習。遲左Ｄ...因為我揀衫揀左好耐。

補完習之後就行出銅鑼灣搵一搵好耐無見既ｃｅｌｉａ同埋肥肥人賴。

因為佢地七點要補習﹐所以只可以一齊去無印行左陣。無幾耐佢地就走啦~

其實我真係幾欣賞肥肥人。佢真係好長情呀...佢鍾意左個人３年啦...

果個人仲要２年前已經係ｐａｓｔ ｓｔｕｄｅｎｔ﹐而且有女朋友。

但係肥肥人到而家都仲鍾意佢。知道佢星期五返學校仲興奮無比。實在係佩服。

同佢地散左之後﹐因為蕉聽日要考ｅｃｏｎ﹐我都要測ｅｃｏｎ﹐所以都係返屋企。

但係你見我打到咁大篇日記就知我有幾咁勤力啦~又要睇電視喎 ~真忙。

本來尋晚無落去做運動應該今晚落架~但係聽日要測驗...無計啦~但我已經個幾星期無見佢啦~

＊心好亂　夜好長　寂寞想找人分攤　別以為感情　說喜歡 愛自自然然有人接管＊

>>December 16, 2003 at 11:34:18 PM GMT+8

2003 年 12 月 12 日 星期五 【乍雨乍晴】

今朝好準時六點半就起身啦﹐因為肚痛~.~"去完廁所擦埋牙洗埋面﹐以為有好多時間剩。

出到廳望下個鐘已經搭９。明明記得自己唔係搞左好耐架咋嘛...返入房換衫。嘩~除果野真惡頂。

兩分鐘內換好套校服就出門口。走既時候撞到老豆。佢買左好多包﹐我求其拎左個咖喱牛肉包就走。

終於有Ｄ新意﹐唔使日日唔係提子就係齋包。臨走既時候突然間個死佬肚又痛。但係已經７點。

我掙扎左一陣﹐究竟返到學校先去定係去埋先出門口﹐最後都係決定去埋先﹐

因為我相信我忍唔到５個字車程。就係因為咁﹐我搭一先出門口。答巴士返學。

點知架巴士去到灣仔無啦啦停低﹐燈都熄埋。好彩後尾只係無冷氣﹐架車仲行到唔使轉車...

大佬~我今日已經遲左出門口﹐再要轉車就肯定會ｌａｔｅ啦~返到學校已經搭八過ｄ。

話咁快今朝又要早會喇~仍然係一班未訓醒既豬嘜棟晒度唱歌祈禱。然後就返上班房。

頭２堂都係ｅｃｏｎ。開始既時候都有Ｄ心機聽架﹐不過例牌---聽聽下會訓著左~

不過今日只係釣下魚姐~好過亞嘉啦...直頭趴起度訓又起佢面前抄英文功課﹐佢又唔理先好野喎~

不過如果換轉係第二個﹐你話會唔會淨係細細聲同佢講句「唔好做住啦﹗」咁呀啦...？

２個鐘頭既ｅｃｏｎ堂之間﹐佢比左個十分鐘既ｂｒｅａｋ﹐當然把握時間訓覺。第二堂我係無恰過囉~

重申一次﹐長ｂｒｅａｋ是好的。之後係ｒｅｃｅｓｓ﹐今日得我同ｍｅｌｏｂｉｌｌ落去。

上返黎就係萬眾期待既令令豬陳堂。今堂派測驗卷呀~危險﹗剛剛及格咋~

放學之後同大家一齊過早餐鋪買左個豬扒包做午餐。本來今日早放可以返工架...

點知又有英文測驗﹐真係要問巴拉卡樹賠返我幾日既人工比我呀~１２點７就開始測。

我地就起ＵＧ食野。食完有時間剩就玩下誠實定大膽﹐迷人的天使都有同我地一齊玩呀~

仲好投入好開心添~玩到夠鐘就上去測驗。我唔夠時間做呀~不過我做既方法都唔太0岩。

測完驗之後就同豬兜西＆ｍｅｌｏｂｉｌｌ一齊行落中環。４點半先補習﹐

見有時間就同席去老麥食野。老麥全部都係包咁滯。今日已經食左２個包﹐

唔想再食包﹐最後食左杯雪糕。食下野嗲下計。言談間西話唔太識Ｄ ａ/ｃ,

但係我又解唔明比佢聽﹐於是比佢串我測驗得７分。係既﹐得７分﹐憑咩教人？

成績真係唔多掂...就快考試啦...都唔知點搞。余太話份試卷唔會淺架~會同ＡＬ差唔多。

之後出去灣仔ｊｏｉｎ埋亞蕉補習。仲見到黃老雞添~補完習之後就去左搵亞媽食飯。

其實我好趕﹐不過打算陪下亞媽咁囉~食扒王之王。終於都明白做咩一塊扒都賣過百銀啦...

真係好好食架~食到搭半﹐趕頭趕命咁趕返屋企。返到黎已經八點啦...拿拿臨仆落去ｇｙｍ。

一上到去見到史提夫﹐又叫我幫手填表﹐仲要我填真電話...真係有Ｄ懷疑~

不過大家朋友一場﹐算啦~信下佢啦~起我幫佢填緊既時候﹐佢抄我銀包。

我見無咩無咩唔見得人既野咪由得佢囉~醒唔起我放左鍾意既佢果張卡片起度﹐

仲要比佢搵到。佢話「做咩有佢卡片無我卡片架？」我咪求其話上次打比佢拎左出黎唔放返入去囉~

然後佢話「點可以無我卡片架...我高級過佢架喎」跟住就塞左自己張卡片入我銀包~.~"

好彩佢唔會亂諗唧~如果唔係比佢諗中就唔好啦~上去做運動~

遲左咁多上去﹐消少好多卡路里架...仲要ｍｉｓｓ左半集『西瓜大笑』添呀~

今日又見唔 到佢啦~不過佢今日好似要返架...可能返早掛...好耐無見佢啦......


＊明知痴戀多不智 如水眼波掩飾了暗示
仍會為你每日 琴畔奏出心曲 譜寫美麗際

這個夜為你暗中著迷 夜裡敲著琴 情懷沒法放低
真掛念是你笑得自然 怎知一切盡改變 ＊

>>December 13, 2003 at 12:38:17 AM GMT+8

2003 年 12 月 11 日 星期四 【颳風】

又到星期四啦......又差唔多一個星期~今朝起身好冷呀...所以戴頸巾返學。不過唔係自己織過條﹐

因為到而家都仲未織晒~仍然停留起果個長度﹐無Ｄ進步添~唯有求其搵條戴住先。

落巴士之後撞到亞嘉同林生﹐齊齊買早餐。今日既早餐又返返去提子包。

今日第一堂係ＣＡ﹐打算早些少上去班房﹐開定電腦﹐ｓｅｔ定ｍｐ３機。

點知吳老師無啦啦走入黎話調堂。第一堂無啦啦變左ｅｃｏｎ,因為吳老師要聽講座﹐

所以上左ｅｃｏｎ堂先。咦~一早ｓｅｔ好既架步用唔著添。再加上晨早流流要聽呢科﹐

仲要聽得入耳﹐真係有一定難度。勉強聽左一堂書﹐之後又要仆返過ＣＡ房。

其實都唔使用電腦﹐都唔知過去做乜﹗ＣＡ堂又教書。不過因為呢Ｄ野學過﹐所以好似易Ｄ。

有聽書架...間唔中。唔得呀...佢講野真係好悶呀~但係佢唔知做咩一直企起我隔離囉~

可能我地果行嘈﹐而且又成日上網做自己野掛......之後小息﹐落去食左包魚蛋就要返上去啦~

繼續係令仔ｂｅｎｓｏｎ﹐繼續係恰下恰下咁過。不過我間唔中都有答下問題架~

接下來既係ａ/ｃ堂。今堂講ｐ.ｐａｐｅｒ。因為而家仲起最ｂａｓｉｃ果度﹐所以都仲跟到﹐

仍然覺得唔太難。今日余太問問題﹐我終於都起佢望住我既時候答0岩問題啦~

真好彩~雖然只係答0岩半條﹐不過都夠囉...唔知點解得我一個答...相信其他同學都係訓晒覺~如果點會得我一個0岩呀？

今堂仲派果個災難性測驗。我原本預計自己最多得５分。點知比我預期中好呀......７分~.~"

午飯時間又黎啦~今日我地上兩點幾﹐所以有好多時間。但係因為毛毛點半要上堂﹐

所以都係近近地去南方小廚食炒飯。又平又多又好味﹐唔錯。又值得推介~

去７-１１買埋雪糕就返學校等上堂喇~等既時候我地一大班人起Ｇ樓度聽歌同研究ｍｐ３機。

到左差唔多時候就上去上堂。又係ｅｃｏｎ。真係教得好慢呀...成堂淨係教左２個ｐｔｓ。

佢上上下堂又講下其他野。我地又嘈佢又要用Ｄ時間黎鬧下我地﹐所以咪拖慢左囉~

呢堂我都有答0岩問題呀~其實我係識個答案既...不過又唔肯定﹐而且我答親都錯既﹐咪唔講囉~

不過見擾讓左咁耐﹐咪試下囉~今日唔知係咩好日子呢？成日都答到...但係我係無料架喎~

放學之後就返屋企啦~好耐無試過啦~途中仲撞到史提夫。不過見佢講緊電話又有朋友一齊﹐

而且我著住校服﹐都無謂叫佢啦......返到屋企見到老豆﹐就同佢一齊落街食ｄ野。

然後買埋本雜誌就返歸啦~今晚有好多野做呀...聽日又測驗喎~唉~相信今晚都會好忙。

>>December 11, 2003 at 8:51:41 PM GMT+8

2003 年 12 月 10 日 星期三 【颳風】

星期二想寫日記既時候有Ｄ阻滯﹐所以又要暫停一日~不過都無咩特別姐~

最特別咪我們的肥豬豬無返﹐下晝唔使上堂﹐所以我可以返工﹐賺返一夜夫妻返黎囉~

真係要感謝佢﹐雖然我都唔想佢病﹐但係都不得不講句﹕「佢發燒發得真好~」

好喇...講返今日喇~同樣係咁返學﹐而今日既早餐係芝麻包﹐又名齋包。此包乃我的心頭好。

味道好﹐價錢平﹐只售＄２。繼提子包後又一推介。返到學校先發現原來今日要交ａ/ｃ測驗改正。

同ｒｕｂｙ一齊快步走上５樓﹐打算拿拿臨做返佢﹐點知上到去先發覺無紙。

千呼萬喚先得到蘇怡同學借張紙比我。不過都係做唔切﹐好彩佢無ｃｈｅｃｋ/收唧~

頭兩堂ａ/ｃ堂。今堂開始教ｃｏｎｔｒｏｌ。應該都明明地既﹐起碼返屋企做功課我都識識地呀...

余太話我地個ｅｒｒｏｒ測驗簡直係一個災難。我一早都認為係架啦...肯定唔過５分呀嘛...

不過勢估唔到成班得一個人及格姐。相信又係隔離班個ｅｍｉｌｙ啦~

佢Ｄ ａ/ｃ勁到傻~相信如果余太無返﹐佢可以教住先添......(好似有點兒誇張...)

呢２堂唔算難過既﹐我係到最後先釣下魚咋嘛~~成堂都好認真架~佢問Ｄ問題我間唔中都識答架。

不過唔知點解﹐每次佢問問題﹐佢望親我﹐我都答錯架喎。但係如果佢唔望呢﹐就條條中...~.~"

落堂之後係ｒｅｃｅｓｓ。見隔離班未放就企起門口等。然後入去放低書包先落去買野食。

點知連全宇宙最索既ｐｒａｋａｓｈ都黎埋﹐佢地都未放。原來李太以為放學所以唔放人囉~

你話佢幾懶呀...返學已經諗住放學...ＵＥ堂。佢話要即堂交ＰＳ頭四課。所以我成堂就起度起勢咁抄。

我做左ｃｈ.１＆３+第二課一半。唔知點解抄黎抄去都仲起第二課﹐都死唔斷氣架~

抄左２堂都未抄晒第二課。無他既﹐我地又傾計﹐又影相﹐又聽收音機同歌﹐係忙Ｄ架啦~

索女ｐｒａｋａｓｈ見我地傾計佢無啦啦同我講要我調位囉~

仲有﹐各位同學﹐我要重申一次﹐印度索女郎並唔係我契媽﹐你地唔好自己想做人契女就屈我係呀下...

落堂既時候﹐只有班花天使做完﹐所以索女郎再一次就範﹐淨係要我地星期五前交。

ｌｕｎｃｈ啦...大家都因為無左個ｒｅｃｅｓｓ而變成餓狼。今日既午餐係粟米火腿雞絲飯。

唔錯﹐幾好。新嘗試,。其實都唔可以話新。我地去我買開早餐果間度買﹐但係我都係第一次食呢間野既午餐。

食完就返上去上我地親愛既豬豬堂。今堂全部都係短講。首先由於佢尋日無返﹐

所以個人短講人數累積至５個。用左大半堂黎講。佢本來想作新聞稿﹐但係無人做左個大綱﹐

所以佢只好放棄。轉做小組討論。我同林先生﹑陳先生﹑西小姐同埋特別嘉賓天使小姐一組。

成個過程天使小姐照舊係戚住眉﹑面帶笑容＆重複我地講既野然後自己起度笑。

佢仲串左林生一野添。但係我覺得佢地既感情已經邁進左一大步﹐因為天使小姐已經稱呼林生既暱稱。

一個我識佢咁耐都唔會叫既暱稱。相信佢以後多會咁稱呼林生。林生得到呢位知己﹐真幸運~

好快就放學。放學後我同西小姐一齊出銅鑼灣行。行下食下到五點幾就散喇...

因為佢要見醫師﹐我今晚要做運動所以要早走返去做功課。返到屋企做完份ａ/ｃ功課就落去啦。

一早知道佢今日放假所以見唔到佢都無咩特別感覺。難得放假﹐一定會見女友啦...

唔知佢地今日會做咩呢呵？唔知佢女友係咪好靚架呢呵？唉......


《為何沒意思我都妒忌 為何沒意思我偏偏說起......》

其實我理解 共你不相襯 個性相差一千里
是已經成習慣 不願分離 一天天想有轉機
從未好好珍惜有自我空間 因你歡笑傷悲......

>>December 11, 2003 at 12:15:44 AM GMT+8

2003 年 12 月 8 日 星期一 【晴】

星期一﹐又係一個新開始呀~又有一個禮拜捱啦~其實返學就唔辛苦既﹐不過早起身果下頂唔順呀嘛~

今朝都係唔想起身﹐事關前兩日訓得咁夠﹐而家又要早返起身。今日早餐仍然係提子包﹐

又好味又抵食﹐再一次誠意推介。不過食左咁多日都有點兒悶﹐聽日轉個款先。

死啦~突然間覺得我家下食野既習慣真係唔多掂。等我識下少食多餐呢個方法先。

不過我覺得對我裡講有Ｄ難度呀~事關比我見到好多野食﹐我會不其然地食到好飽先會停手。

不過唔得呀...一定要逼自己試。而家唔做運動就即刻肥啦~但係我唔可以成日依靠ｇｙｍ架嘛~

一定要由飲食反面著一著手先得~繼續講今日。今日３樓咋~可以起我未索氣之前到﹐真好~

今日蘇怡無返--->佢肚屙呀~唔知佢會唔會好似呆Ｂ咁﹐反左肚呢？

今日第一堂就係ｕｅ。一開始就對住世紀大美人ｐｒａｋａｓｈ﹐真唔老黎。

不過今日派卷呀﹐我及格呀~幾驚呀~尋完睇佢個ｅｍａｉｌ﹐話得９個人及格。

諗住一定無自己份﹐真好彩喇~其實佢做野都幾快手架喎...星期五先測﹐今日就可以派卷。

除左派卷﹐就係做ｌｉｓｔｅｎｉｎｇ喇~對架啦~話晒聽日測呢份ｐａｐｅｒ﹐

今日練一練就對架啦~對唔對呀？佢死要對埋答案﹐搞到我地遲放ｒｅｃｅｓｓ﹐

引起民憤>>>比人0虛架啦佢~佢唯有就範﹐將剩返未對既又用ｅｍａｉｌ比我地﹐叫我地自己對。

相信唔會有人理佢。雖然得１０分鐘﹐但係我都食左包好耐無食＆好Ｑ大包既燒賣。

事關上完２堂ａ/ｃ之後要繼續測驗﹐無２點都無飯開﹐咪而家食定先囉~

ａ/ｃ堂﹐今日唔知發咩癲﹐一上堂無耐就開始恰眼訓。西西拍醒過我一次架啦﹐

醒過一陣之後又黎。成堂就咁樣恰下恰下咁過。落堂之後就落３０３測驗。

本來今日可以返工架﹐我以為測完就可以走﹐咁測到點７﹐都仲趕得切呀。

點知佢測完仲即時講埋個答案。一見到個答案我可以肯定地講句--唔會高過５分(３０滿分)。

我覺得好深囉份卷...不過唔知係咪因為我無溫書所以先咁覺得姐......總知就食晒屎啦呢份野~

無得返工又唯有返歸。唉~又賺少百二。同同學ｋ一齊行落中環搭地鐵。返到屋企問下ｄ同學仔有無功課﹐

豚姐同杰倫都話無﹐咁我見無野做﹐就唯有上網啦~去睇好朋友們既日記。

見到以前學校既好朋友話覺得而家７個已經散晒。其實朋友呢家野係咁化學架啦~

不過我可以講﹐就算點散﹐老套Ｄ講句﹐我同你既ｆｄｓｈｉｐ係唔會ｂｒｅａｋ既~

我地永遠都會係好朋友~~哈哈~~玩完一倫之後﹐訓左陣﹐就落去做運動喇~

一落去換完衫開始做運動就見到佢啦~佢戴左ｃａｐ帽﹐唔太討好既一個樣ｌｏｏｋ。

不過仍然係令仔。今日又係眼神接觸咋...夠架啦~~之後做左一輪運動之後﹐

同史提夫嗲左幾句﹐睇埋ｖｉｎｃｅｎｔ死就入去沖涼。

嘩~爭Ｄ好樣衰咁起果度喊。真係好慘呀...我唔要馬德鐘死呀...佢咁令仔...

佢尋日果套先死完咋...今日又死啦...成日都死...


ｆｄｚ﹕
《當我最消沈墮落是你罵醒我的錯 你對我的信心比我自己還足夠

你讓我沒有理由不向前走 最真心最窩心 總是陳年的老友

世界再冷好友讓人暖得不怕風 越知心越交心 擠在一個夢裡頭 渴望一起擁有快樂有成就》

>>December 9, 2003 at 12:58:26 AM GMT+8

2003 年 12 月 7 日 星期日 【晴】

妖~打好左一大篇野﹐好詳細咁講左今日做左D咩架嘛...唔知發咩神經咁錯制﹐一下子就無晒~

真係把幾火...本來唔想寫﹐但係今日有開心野﹐就係終於實現左我個ｍｐ３大計﹐

所以唔可以唔寫。唯有以一個流程圖講一講解今日做過既野。

起身 → 落街搵位飲茶 → 跳舞 →買ｍｐ３機 →ｊｏｉｎ亞媽亞婆同姨媽行花園街 →
↑ ↑ ↑ ↑ ↑
十點 十一點三 十二點二 兩-三點半 四-七點

行左一陣銅鑼灣 →返歸 →睇馬德鐘 →沖涼 →執ａ/ｃ ｆｉｌｅ →太難執 →
↑ ↑ ↑ ↑ ↑ ↑
八-九點 九點三 九點半 十一點半 十二點 十二點(ie一開始就難 )

放棄＆執書包＆上網 → 搞呢搞路 →訓覺→完﹗
↑ ↑ ↑
十二點三-九 十二點九-一點 一點


其實原來呢個流程圖都唔係簡單架下~

《如痴似醉 多麼愛你 遺憾我怎愛你都不等於可擁有你
彷彿我注定心醉 有緣而無份的愛侶 應該惦記還是決絕忘記》

>>December 8, 2003 at 11:55:14 PM GMT+8

2003 年 12 月 6 日 星期六 【晴】

我尋晚好早訓呀...十二點就訓左啦~今朝十點九先起身﹐訓左十個鐘﹐好滿足呀~~

起身之後就執袋﹐準備去補習。約左西１２點３起金鐘等。我搭４到﹐但係西西無打黎吹我﹐

好明顯佢係未到。佢搭５打比我﹐我話我已經到左﹐但佢話佢先剛行緊過去油麻地地鐵站。

我同佢講住電話咁等。最後等到搭７佢就出現啦~上到去ｍｉｓｓ Ｔａｎｎ已經開始講緊野。

都唔知佢講緊邊﹐所以ｍｉｓｓ左佢一星期金句。今堂教ｗｒｉｔｉｎｇ﹐真係幾有用。

果隻咁既ｐｒａｋａｓｈ﹐都唔教人作文既~一開波就叫人寫。好似知道我地實識咁。

今日派返個測驗。唉~第一次就唔及格~雖然係預左...但咁低分始終有Ｄ失望。

補完之後就同ｓｔｅｐ﹑佢個屎露脾﹑新相識既任氏伉儷同埋西一齊去太古廣場食飯。

我發覺自己真係唔識同人混熟。成程除左介紹之外我都無同佢地講過野。

之後同西走先﹐陪佢去ａｇｎｉｓ ｂ拎裙。拎完之後周圍行多陣。物色下我地部ｍｐ３機﹐

仲有西既另外一個ｔａｒｇｅｔ---數碼相機。佢本來想買ｓｏｎｙ﹐但聽完我地意見﹐

再行埋之後﹐佢就決定買ｃａｎｏｎ。其實我都有Ｄ想買﹐因為真係好細部﹐但細得黎又有４００萬象素﹐

確實係唔錯。不過我無西咁有錢﹐都係遲Ｄ先啦~~由於果度得２間電器鋪唔夠行﹐

所以我地打算搭叮叮出灣仔行﹐點知到站既時候太多人﹐落唔到車﹐唯有去左銅鑼灣行。

我地去ｔｉｍｅｓ行左陣﹐應該都係買返１３８０啦掛~聽日去買﹐聽日先算啦~~

行完之後就返左屋企附近果間ｓｕｎｄａｙ搵我亞媽﹐順便轉埋個ｐｌａｎ。

然後跟老豆車入亞婆度。去到之後落街行。其實都唔可以話行﹐因為淨係去左眼鏡鋪拎同整眼鏡。

之後就返上亞婆度啦~今晚好齊人~婆婆６個仔女８個孫全部都返晒黎。好多人好熱鬧。

十點幾老豆就黎車返屋企啦~


其實如果今日唔返亞婆度我會去做運動架...不過一黎好耐無返﹐二來今日果度聖誕聯歡會收早(真早~.~")﹐

所以都係費事去。唔知你玩得開唔開心呢...?


《我愛你　可是我說不出口　因為不該攪亂你的夢 你已經　有了你　幸福歸宿　憑什麼　我還在　這裡奢求》

>>December 7, 2003 at 1:49:35 AM GMT+8

2003 年 12 月 5 日 星期五 【晴】

好~返到屋企﹐到今日既日記喇~

一個星期咁就過去啦~時間過得真快......今個星期最後一日早起身但都係一樣咁辛苦。

今日好似暖返Ｄ﹐但係我都係著一樣既裝束返學﹐都係黑色襪褲加外套。呢排大家都係咁著架啦~

天氣冷嘛~是日早餐為提子包。美味可口﹐價錢適中﹐實在是早餐的好介紹。誠意推薦。

今日既第一堂又係ｅｃｏｎ﹐唔知佢有無見悶呢教到...相信我地班既同學一個有半班訓左。

好彩只係一堂。然後係ａ/ｃ﹐唔知點解呢堂好似過得好快咁喎~講左一條ｐａｓｔｐａｐｅｒ就落堂啦~

小息啦~~~今日食粉果。正點~不過次次食完之後都覺得有陣粉果味起個口裡面。要飲好多水去沖淡佢~

今日最後兩堂係ＣＡ堂。ＣＡ係咁多科最易上既一科。今日又教整ｐｏｗｅｒｐｔ。

我有跟住做架~只係間唔中上下網咁咋嘛~同學們越來越放肆啦~開住喇叭聽歌...仲要開到好大聲。

落堂之後要開ｃｌｕｂ ｍｅｅｔ。好無聊﹐後悔入左呢個ｃｌｕｂ。今日教餐桌禮儀。

都算係有聽佢講野架~不過佢阻住我既食飯時間囉~我今日要返工﹐２點要到﹐佢點３先放人。

搭埋車出灣仔已經搭７。唯有買個飯盒上公司用２０分鐘食晒佢。之後就照常做野啦~

都係ｓｃａｎ野同點唱囉~呀~今日仲打埋尋日篇日記囉~~然後就搭地鐵返屋企啦~~

>>December 5, 2003 at 9:07:33 PM GMT+8

莫泊桑說: 愛情的花朵不會突然綻開 所以一見鐘情是靠不住的。 ＊把我喜歡的跟你分享＊ You're Part Of Me 戀愛最初回 Just For You@周渝民 1+1 喜歡戀愛 他不準我哭 Do Somethin' 懶醒 煩你 我想一個人 嫁衣裳 望星打掛 我不怕輸 我太難被感動 老鼠愛大米 又到聖誕 痴心絕對 廣告 讀者留言 |  路人留言   | hello <br>nice t >>January 21, 2006 at 3:26:30 AM GMT+8 Hihi~你好呀 <br>我係響 >>December 4, 2005 at 6:04:43 PM GMT+8 美人,你有做了一些惹人討厭的事嗎 >>November 29, 2005 at 11:28:22 AM GMT+8 我發覺我同你諗d野都幾似=) < >>October 29, 2005 at 12:24:06 AM GMT+8 下?你係邊個呀? >>October 5, 2005 at 3:33:56 PM GMT+8 你可唔可以話我聽吳漪琪嘅icq >>October 4, 2005 at 9:11:09 PM GMT+8 halo.. <br>我係個bb >>February 12, 2005 at 9:21:11 PM GMT+8 也許我真的太無聊吧，剛才在你的X >>January 5, 2005 at 7:03:29 PM GMT+8 hey/... po kei__ >>September 21, 2004 at 7:30:47 PM GMT+8 我都話準ga la 死o野 <b >>February 4, 2004 at 8:29:22 PM GMT+8 好掛住你呀!!! <br>幾時出 >>January 14, 2004 at 6:19:10 PM GMT+8 你終於都打返日記喇 呀..唔係 >>January 13, 2004 at 11:19:56 PM GMT+8 新一年 新年快樂!!! <br> >>January 2, 2004 at 2:13:47 AM GMT+8 wahaha <br>happy >>January 1, 2004 at 11:16:17 AM GMT+8 Prakash 之形容 <br> >>December 10, 2003 at 6:30:45 PM GMT+8 我係路痴西。hahahahaha >>November 30, 2003 at 10:44:17 PM GMT+8 kung hei!!! <br> >>November 26, 2003 at 4:23:12 PM GMT+8 我終於明你今日上堂講咩喇! <b >>November 24, 2003 at 10:46:45 PM GMT+8 ha>>見阿嬸留__我又要留 < >>November 24, 2003 at 8:07:38 PM GMT+8 雖然暗戀係好辛苦,但係自己開心咪 >>November 24, 2003 at 1:12:44 AM GMT+8 ngo gok duc ngo >>November 19, 2003 at 9:25:09 PM GMT+8 我知架!你同我成日扮有緣!我知你 >>November 17, 2003 at 11:15:46 PM GMT+8 我塊面好痛呀.......... >>November 12, 2003 at 3:11:55 PM GMT+8 darling*送俾你架... >>November 4, 2003 at 11:13:17 PM GMT+8 唔使多謝我wor!我唔開心o個陣 >>October 22, 2003 at 8:36:06 PM GMT+8 回頭當那天的我永遠未叫座~~ < >>October 21, 2003 at 11:23:12 PM GMT+8 我整的tiramisu當然好味啦 >>October 16, 2003 at 10:20:40 PM GMT+8 darling <br>我堅持我 >>October 13, 2003 at 10:44:53 PM GMT+8 你當然重要啦~梅姐~ <br> >>October 10, 2003 at 10:34:41 PM GMT+8 hello ar!我都係今日先第 >>September 22, 2002 at 5:29:06 AM GMT+8

人氣: 17904

Design & Scripting by ShowHappy.Net