2003 年 10 月 4 日 星期六 【晴】

星期六!今日做既野同之前ｐｌａｎ既無一樣相同~

今日原本係朝早同林吉,陳嘉&肥波去飲茶﹐然後去ｃｉｔｙ-ｓｕｐｅｒ買野上肥波屋企整"Te呢咩傻"﹐

整完呢,就出去同舊生會班ｆｄ睇無間道2﹐Ｄ時間幾ｐｅｒｆｅｃｔ呀~然而,最後係一樣都無做過既~

我呢個星期六係咁過既~首先１２點幾起身,擦呀洗面換衫,跟住同亞媽出灣仔食飯,

跟住佢去打牌我返屋企。返到黎,我就打算ｏｎ住９等班ｆｄ電話﹐但係等到5點幾都無打黎,

我又突然間醒起我聽晚要同屋企人食飯落唔到去做ｇｙｍ wor,所以就打比個ｆｄ問佢點,

同埋話佢知如果出黎我要１０點幾先得,但因為有幾個ｆｄ話太夜唔得,所以最後係無出到去既~

係咪完全唔一樣呢...?不過都唔係話唔好,因為落ｇｙｍ又見到靚仔教練呀嘛~嘩卡卡~

雖然又係得一個眼色 ,不過都夠囉~我見到佢同個男客傾得好開心呀,細聲講大聲笑~

聽聞話大隻佬好容易變基佬,真的嗎?咁佢......唔會掛~哈哈~

>>October 5, 2003 at 11:14:20 AM GMT+8

2003 年 10 月 2 日 星期四 【晴】

又有半個月無寫喇~唔知呢本日記有無長期讀者架呢?如果有﹐咁你地咪好掛住我囉?哈哈~

開左學唔覺唔覺已經一個月啦~所有野都開始習慣,包括新同學,新老師,新學校......

起無寫日記既呢2個禮拜裡面其實我都做左好多野~例如同而家D同學唱左幾次K,去韓燒,行街,睇戲...

死啦~我發覺好耐無見過以前既同學咁呀好似~得閒要聚返下先~

唉~不過開左學一個月之後,同D同學熟左~我覺得開始變返以前學校咁啦﹗---成日比人串同比人玩﹗>.<

過左既一個禮拜,我測左2次驗,做左唔知幾多樣功課,忙到8彩,所以先寫唔到日記咋嘛~

我亞媽又飛左啦~今次去做星加波,今晚返架啦~不過唔知點解佢走左既呢4日裡面特別多錢交,

又無問佢拎定錢~唯有自己出左先~加埋加埋,我自己出左成千二蚊呀~好彩佢今晚返,比返我~

同時我就當然有照舊隔日去做gym啦~如果唔係好唔抵架嘛...咁當然,望佢都係去得咁頻密既原因之一啦~

其實上2個禮拜都無乜特別野發生過~佢依然係好型地用眼神同我打招呼就算~野都唔講一句~

前幾日我仲見到佢撩其他女仔客講野呀~搞到我down晒~~不過臨走前竟然有奇跡發生﹗

平時走係永遠都見唔到佢架~但剛過左既星期一竟然見到~我深呼吸一下,然後本住“死就死啦﹗”既念頭hi佢~

然後同佢嗲左陣~佢仲叫我得閒send下e-mail比佢呀~雖然我知佢成日叫人send野比佢(唔知佢係咪好鍾意收email呢﹖)

但都開心啦~十年都唔講一次野~今次講到幾分鐘,都夠囉~我已經比佢train到我好容易心足架啦~

>>October 2, 2003 at 1:59:02 PM GMT+8

2003 年 9 月 18 日 星期四 【晴】

好耐無寫日記啦wor又......其實好多野要講架~話晒都新學年呀嘛點會無野講呀~~係咪先?

不過真係好忙呀﹐只係剛開學姐﹐就已經咁忙﹐都唔知點挨落去~

有D擔心~都唔知邊個話中6係蜜月期......講果個都傻既~

忙到我傻﹐我都係夾硬必D時間出黎寫日記咋~

仲要係收到email話14日內唔寫就刪除戶籍先拿拿臨寫返咋~寫完就要off9做功課~

我覺得新學校D先生教得仲好過原校D先生呀。好多野我以前唔明或者誤解左既野﹐

而家先知道係咩既一回事~我以前都以為而家間學校好差﹐

以為自己入到黎成積都應該唔會好差掛......但係我發覺原來有D人真係好勁﹐

有D人會考有成16分﹐又有D人會考a/c有B添呀...都傻架~

我而家清楚知道自己起呢間學校係好弱果渣黎﹐仲要係一踢就跌果種~

開左學唔覺唔覺已經差唔多3個星期啦~已經開始同D新同學熟啦~

原本仲以為佢地好串﹐好討厭果種﹐但原來係幾玩得幾好果D人黎架...

相信呢2年都會幾開心既~我地已經一齊出街﹐唱K﹐打邊爐﹐仲plan左好多節目添~

>>September 18, 2003 at 6:12:49 PM GMT+8

2003 年 8 月 23 日 星期六 【晴】

呢個星期六既朝早大致上同平時既星期六無咩分別﹐都係10點幾起身準備去跳舞。

今堂學既舞步唔算太難﹐suki講幾講幾次就明喇﹗

學完之後就約左小學同學sogo一齊去買今晚舊生會聚餐既禮物。

我約佢1點9﹐佢竟然2點4先出現﹗我足足等左半粒鐘﹐爭D想走架啦~等果時真係興架﹗

電話又唔開﹐又唔打比我﹐仲以為有意外添呀~不過佢黎到之後係咁意媽左2句就繼續行街lu~~

我地買既野其實好多都好無聊﹐不過無計啦~比$300我地買30份禮物﹐算係咁啦~

賣完禮物其實已經4點半啦~主席要我地5點3到囉~我又未換衫﹐又未執袋﹐仲要包禮物wor...

最後搭9未包晒D禮物都落去lu~因為個聚餐6點半開始﹐落去拖馬幫手包都好。

開始就當然要循例上叫D大粒佬講下野啦。講完就可以食野﹗不過唔算太好食囉~

跟住玩下游戲抽下獎就完啦~我都抽到D野架~原本係中一個cuusion既~

不過後尾同梁主任交換左塊鏡﹐因為塊鏡好重架﹐佢由北角搬返南區好辛苦架~

完左之後﹐我做左一D從來都未做過既野﹐就係同舊生會其他member一齊去飲野。

我同佢地平時係好唔熟架~直頭唔妥對方添呀~不過唔知點解,可能尋晚佢地果班人少人呀﹐

所以比較好人少少。反而幾nice添~我地玩到點幾2點就散lu~~

>>August 25, 2003 at 1:40:24 PM GMT+8

2003 年 8 月 18 日 星期一 【晴】

今日又好似平時咁﹐好眼訓地爬起身返工。

但係因為今晚有節目,所以申請早走。其實唔使申請既﹐求其講聲就得架啦~

不過最多都係早一個鐘架咋~今日lunch同平時一樣起公司叫外賣﹐費事出去熱啦﹗

食完飯因為要出去拎D野,所以遲左返黎。講起黎都有D唔好意思食飯又遲返又要早走。

亦都係同平時一樣﹐返黎之後就上電台個網度點唱比有型教練聽~嘩卡卡...

亞郭偉安日日都有讀架,仲好關心我地既進展添~不過老實講,邊會有進展架...

暗戀呢家野呢我就經常做既,不過無一次係得既~只好怪自己樣衰囉﹗

我頭先上D論壇果度見到D人話,D過左20歲既男仔會prefer一個老自己10年既女人﹐

都唔揀一個細自己3年既女仔呀﹗咁大獲啦...我仲要細佢咁多,無行啦~

不過是但啦,都無想過佢會鍾意自己。真係lum下都唔敢架﹗

4點鐘---放工﹗放工之後即刻返屋企拎野落去做gym﹐一落去就已經見到佢啦﹗仲有同我hi添~

佢就坐起女更衣室門口對出果個教練counter度。所以我一出去就見到佢。

佢仲撩我講野添呀﹗又有野講啦~已經覺得夠架啦~一日聽到一次佢把聲,一次已經夠晒架啦~

點知大約做左一個鐘之後,起我玩緊跑步機既時候,佢又行埋黎企起隔離果部機度同我傾計呀﹗

仲傾左成半個鐘呀﹗雖然只係閒話家常,套唔到佢D料﹐不過無所謂啦,

有得聽佢把聲同埋咁近距離傾左咁耐都心足啦~本來佢仲應承同我影相架~不過時間唔夾﹐無計﹗

不過都唔緊要,我地仲有大把機會啦~應該會影到掛...

做多一陣就走啦~因為趕住去嚴依嘉度﹐因為有D人就黎走,所以就要聚多聚。

有D唔捨得啦已經~雖然平時同佢地唔係真係好熟,但係我真係會記得佢地架﹗

eunice個妹都黎左呀﹐好可愛呀~eunice都好可愛~哈哈~食左小小野之後就玩下游戲。

jennifer個細佬好錫jennifer呀~玩UNO既時候﹐佢成日幫佢家姐﹐jennifer比人draw牌佢又同佢分,

雖然咁樣唔0岩規矩,不過由得佢啦~唔知換轉係我細佬﹐佢會唔會咁對我呢...?

玩玩食食到11點幾我就走啦﹐因為尾班小巴係11點9同埋第二日要返工嘛。真開心呀今日~

呀~仲有呀~原來呢本日記都幾多人留意到~之前已經有fd同我講話有睇開﹐

估唔到平時唔係好熟既tina都有睇。

To Tina :真係多謝你咁留意我呀﹗雖然出年我地唔再係同學,不過我地仲係朋友呀~

>>August 19, 2003 at 2:03:28 PM GMT+8

2003 年 8 月 16 日 星期六 【雨】

今個星期6有D特別,因為唔使一早起身去跳舞。D導師去晒表演,我就可以起屋企訓到12點先起身。

其實12點幾都係朋友打比我先識醒。哈哈~2點鐘要返到小學開會。所以12點幾起身之後,

就換衫落樓下茶餐廳食飯。因為全家都未起身既關係,所以我係自己一個食既~

食左碟飯,未食晒已經飽到上心口,想唔浪費都唔得﹗跟住就過巴士站搭車返去。

今次返去係傾舊生會週年聚餐既野,其實我都未知去唔去好。

點解要去呢?因為﹕

1.大嬸就走,橫掂都要聚一聚,不如順便啦~
2.順便可以見下D先生嘛~
3.舊生會個主席不斷叫我地去。
4.果晚好多地方要幫手。
5.傾既時候我地比左好多有用既意見,唔去好似好唔抵

但係點解唔去呢?

1.好貴---$188
2.其他同學都嫌貴,唔係好想去。
3.自己出去玩仲平,而且可以去邊都得﹐又唔使著得咁grand。

咁點呀?去唔去好呀﹖下個星期6就係啦...要快D決定啦~

開完會之後就返屋企執野準備落去做gym。落到去做左差唔多一個鐘﹐我就見到個有型健身教練﹗

佢應該係自己剛做完運動,著住件背心,加上一個超掂既眼神起我面前經過。

真型﹗轉個頭,佢就已經換返套衫,好型地去裝水飲,因為我玩緊飲水機隔離果部機,

所以好近距離地望佢,突然佢轉身望到我。咁我當然扮剛剛見到佢咁打個招呼啦~

點知佢行埋黎同我講野呀﹗仲講左好耐呀~差唔多有成4個字呀~知道佢好多野~

如果唔係另一個staff過黎都未必會停呀~雖然只係因為佢今日得閒先同我傾咁耐﹐

但我都已經心滿意足架啦~~希望有下一次啦﹗超開心的一日~

>>August 18, 2003 at 1:25:39 PM GMT+8

2003 年 8 月 12 日 星期二 【雨】

我發覺我而家每次寫日記都係今日寫尋日架wor~哈哈~

12號呢日我又要照常地返工,終於知道點解D大人覺得返工辛苦~

又要早起身,日日都係做同一樣野,我之前一晚掛住睇周星馳,搞到點幾先訓~

真係超勁眼訓呀~正因為咁,我今日碎紙既時候特登慢慢碎,逐張逐張黎,

同一時間我就bung起牆度恰眼訓,所以果渣紙我碎左個幾鍾都未碎完~

好不容易先挨到放工。我約左細佬,叫佢陪我去太古城買野,點知無~唯有返歸啦~

跟住去做gym~可惜靚仔健身教練今日返早﹐所以我夜晚去佢唔起度~

不過唔緊要﹐因為我細佬幫我問左佢拎卡片,我而家知佢電話同埋姓周~

仲幫我問埋原來佢住柴灣~估唔到柴灣都有D咁優質既product~哈哈~~

>>August 13, 2003 at 12:56:39 PM GMT+8

2003 年 8 月 10 日 星期日 【晴】

今朝早一起身既時候係10點幾~一起身我就見我亞媽已經執緊行李~

無錯﹗佢又要飛新加波喇~其實如果唔係我放榜佢上次去會直頭留2個禮拜。

我本來打算送佢去機場架~不過佢話我一星期得一日可以遲起身﹐叫我訓耐D,死都唔比我送,

所以我最後只係送左佢出屋企門口。老豆車亞媽去機場,亞媽出門口無耐,細佬又出埋街﹐

剩返我一個人。我既消遣就係睇我起書展既戰利品~首先開波既係無雙既【尋找苜蓿咖啡店】。

其實無雙咁多本書我都睇過,佢D野確實係唔錯~跟住見肚餓就出廚房抄野食﹐

但抄暈晒都只係得上次打邊爐用剩既野,於是我就把心一橫,落街買包餃子,自己打邊爐﹗

嘩卡卡﹗拎個爐仔,邊睇周星馳邊打邊爐,實在寫意~

吃完午飯之後,我興之所至,拎返kelly D舊歌出黎聽。佢有D舊歌真係百聽不厭架~

聽完舊CD,就聽下D舊MD。聽到Cookies既Forever fds﹐突然想拆Auto。

唔睇由自可,一睇就忍唔住﹗再加埋首歌,實在收唔到聲﹗

一lum到自己唔會再上St Clare's 個hall﹐D班房,無得再同黃雞一路上堂一路笑,

無得同黃筠筠上完PA堂猜M記枚,無得同6個best fd一齊笑到食唔到飯......

以下係睇完本野之後既特別回應﹕

To 蕉&船﹕我地雖然3個分開晒,但我相信我地係唔會變既~

To 黃雞﹕雖然你包得好核突,但睇完之後同埋6號果日收到你個電話問候,我就知﹐我無識錯你~

To 李潔儀﹕我一見到你副相就喊得更厲害~唔係你個樣嚇人,只係已經開始有D掛住你姐~~

To Eunice:原來我唱歌都ok bor~都有你呢個fans仔~哈哈~我一定會記得你架---一個超容易喊既可愛妹~哈~

To 黃筠筠:你去外國要自己小心呀~返黎記住搵我猜返兩版~哈哈~

To Ceci:估唔到唔只你睇我寫比你D野喊,我睇你寫比我D野都喊wor~~^^

To Celia﹕07年果個約定係咪真架先...那~唔准唔到架﹗^^

仲有其他無寫我本auto既同學仔﹐

去外國讀書果D呀,自己小心保重呀~返黎都要記住搵我呀~

其他起香港讀F.6既同學們,大家一齊努力,希望大學可以做返同學﹗哈哈~

我一定會記得你地,希望你地都一樣啦~

講完D傷感野,講返D開心野先~我喊完之後就落去做gym﹐

一去到就見到果個有型健身教練呀~佢真係好掂呀~我成日都玩見到教練counter既machine﹐

佢都留意唔到我,不過唔緊要,反正都無預過佢會留意到我~望到佢就已經夠啦~

玩完之後,就去沖涼局桑拿沖涼換衫走~點知走既時候佢同我bye-bye 呀~

雖然佢講緊電話,但都同我揮手bye呀~哈哈~真興奮﹗

>>August 11, 2003 at 4:23:30 PM GMT+8

2003 年 8 月 6 日 星期三 【陰】

呢日終於都黎啦﹗放榜啦~今朝全家一早6點幾就起身陪我返學校。

返到學校等左陣就上hall頒D cert比D超勁人~我地學校有人7A﹐又有4個6A~

你估我夠唔夠分呀﹖﹖﹖﹖5D 3E﹐係唔夠既﹗~.~"得11分咋~

入唔返原校~好多科都比我預期中低左﹐好似中文我預有D﹐點知得個E﹗

英文,ECON,CS我預計有C﹐點知全部都係D~

唉~收到張野D眼淚當堂噤都噤唔住~自己溜出黎囉~

我地7個﹐得3個入得返~我同蕉,吳漪琪&張希汶都入唔返~所以我地就即刻走左啦~

我地去左小西灣2間學校度問,一間就話要跟程序,星期五先開始收D唔夠分既~

另一間就仲寸,話我地唔夠資格讀~於是我地就繼續行~我後尾搭車經過堅道聖心,

呢間野就係讀D咩秘書文憑呀,管理人員既文憑呀等等啦~

咁我亞媽就話不如入去拎定張Form啦,如果最後搵唔到,連呢D野都要讀架啦~

入到去先知原來舊年開始有F.6讀呀~而且佢係中文,英文,CA,PA係必讀再選修ECON or Business Study~

咁咪就係exactly我要揀既科囉~所以我亞媽就話不如報埋啦~

我開頭都唔係好想,因為佢舊年先開中6班,即係今年先係第一次考A-level,又唔知入U率。

好難access0係度讀完之後有幾大機會讀大學架嘛~之但係我最後都係決定唔理啦~

以我自己既興趣為大前提,就算我出去讀都係會揀修ECON&PA,所以呢度都好~

而且又有吉﹐ruby,rita,vera同ivy一齊讀~咁就最好喇﹗其實我同亞吉都幾有緣架~

我F.1入去SCGS就同佢一班,一直同班到F.5﹐而家一齊入唔返原校,分別出去搵﹐

竟然都可以繼續一齊讀~仲要大家都係選修ECON。

其實我都幾鍾意呢間學校既,不過學費好貴,同埋套校服核突左D囉~

不過是但啦~希望9月係一個好既新開始啦~

拜拜聖嘉勒,迎接聖心~

>>August 7, 2003 at 10:13:03 AM GMT+8

2003 年 8 月 5 日 星期二 【晴】

今日已經係5號啦﹗﹗﹗聽日就係放榜既大日子啦~

雖然我已經有晒心裡準備﹐但始終都係好緊張呀~

我原本對自己都有D信心架~覺得自己都應該可以入返原校。但自從知道得2萬幾人有資格讀F.6,

又知道自己學校年年都係得差唔多一半人入得返,我就即刻被打沉左~.~"

即刻連gym都唔去左,同D FD一齊傾下如果唔夠分會點,夠分又會揀邊科黎讀。

唉~好多野要lum定~而家心情又驚,又緊張,求神拜佛都要希望自己夠分同埋中英數及格呀~

>>August 5, 2003 at 2:00:54 PM GMT+8

莫泊桑說: 愛情的花朵不會突然綻開 所以一見鐘情是靠不住的。 ＊把我喜歡的跟你分享＊ You're Part Of Me 戀愛最初回 Just For You@周渝民 1+1 喜歡戀愛 他不準我哭 Do Somethin' 懶醒 煩你 我想一個人 嫁衣裳 望星打掛 我不怕輸 我太難被感動 老鼠愛大米 又到聖誕 痴心絕對 廣告 讀者留言 |  路人留言   | hello <br>nice t >>January 21, 2006 at 3:26:30 AM GMT+8 Hihi~你好呀 <br>我係響 >>December 4, 2005 at 6:04:43 PM GMT+8 美人,你有做了一些惹人討厭的事嗎 >>November 29, 2005 at 11:28:22 AM GMT+8 我發覺我同你諗d野都幾似=) < >>October 29, 2005 at 12:24:06 AM GMT+8 下?你係邊個呀? >>October 5, 2005 at 3:33:56 PM GMT+8 你可唔可以話我聽吳漪琪嘅icq >>October 4, 2005 at 9:11:09 PM GMT+8 halo.. <br>我係個bb >>February 12, 2005 at 9:21:11 PM GMT+8 也許我真的太無聊吧，剛才在你的X >>January 5, 2005 at 7:03:29 PM GMT+8 hey/... po kei__ >>September 21, 2004 at 7:30:47 PM GMT+8 我都話準ga la 死o野 <b >>February 4, 2004 at 8:29:22 PM GMT+8 好掛住你呀!!! <br>幾時出 >>January 14, 2004 at 6:19:10 PM GMT+8 你終於都打返日記喇 呀..唔係 >>January 13, 2004 at 11:19:56 PM GMT+8 新一年 新年快樂!!! <br> >>January 2, 2004 at 2:13:47 AM GMT+8 wahaha <br>happy >>January 1, 2004 at 11:16:17 AM GMT+8 Prakash 之形容 <br> >>December 10, 2003 at 6:30:45 PM GMT+8 我係路痴西。hahahahaha >>November 30, 2003 at 10:44:17 PM GMT+8 kung hei!!! <br> >>November 26, 2003 at 4:23:12 PM GMT+8 我終於明你今日上堂講咩喇! <b >>November 24, 2003 at 10:46:45 PM GMT+8 ha>>見阿嬸留__我又要留 < >>November 24, 2003 at 8:07:38 PM GMT+8 雖然暗戀係好辛苦,但係自己開心咪 >>November 24, 2003 at 1:12:44 AM GMT+8 ngo gok duc ngo >>November 19, 2003 at 9:25:09 PM GMT+8 我知架!你同我成日扮有緣!我知你 >>November 17, 2003 at 11:15:46 PM GMT+8 我塊面好痛呀.......... >>November 12, 2003 at 3:11:55 PM GMT+8 darling*送俾你架... >>November 4, 2003 at 11:13:17 PM GMT+8 唔使多謝我wor!我唔開心o個陣 >>October 22, 2003 at 8:36:06 PM GMT+8 回頭當那天的我永遠未叫座~~ < >>October 21, 2003 at 11:23:12 PM GMT+8 我整的tiramisu當然好味啦 >>October 16, 2003 at 10:20:40 PM GMT+8 darling <br>我堅持我 >>October 13, 2003 at 10:44:53 PM GMT+8 你當然重要啦~梅姐~ <br> >>October 10, 2003 at 10:34:41 PM GMT+8 hello ar!我都係今日先第 >>September 22, 2002 at 5:29:06 AM GMT+8

人氣: 17902

Design & Scripting by ShowHappy.Net