2007 年 3 月 15 日 星期四 【晴】

今朝又係食過早餐就番學.........
等多陣練多次中化oral~ 今次無miss睇....
狀態好了點....我地lunch叫左外賣~
之後練多組, 不過今次就睇人地做.....
時間差不多, 同betsy起程~ 途中周情婷join埋一齊去~
因為同周情婷同一時間同一間sch考.....

考完了...灰極了........
小組討論果然對手們都爭住講野....
每人說話之間都沒有停多過半秒, 是真的~=.=
我點解唔同人地爭???太不進取><題目是關於...
開一個關注貧窮人小組, 討論宗旨和提議兩種活動~
並達成共識..........明明好想分兩part講~ 沒有插入去提出....
結果是有點亂, 但他們真的很勁, 很多話說=.=
但宗旨與活動都一齊講果陣, 最後真正focus活動係得3分鐘~
可惡的是那位說得最多話的男生..佢不停的說不停的說~
當時間餘下約十多秒.......佢問我:"呢位同學有咩意見呢"
好似施捨d時間比我講野咁.....="=呀~~~~~
不過又可能我要多謝佢無講埋果十幾秒,所以我先有得講~
結果計埋呢下, 我都只說了兩次話...死得下..........=.=
仲要每次都唔係講得好耐wo.........點解...點解會咁ga?
都唔知點解到了呢個時刻...都表現得如此不積極......
憤怒的是自己不夠人快....還有沒有那種邊想邊說的能力......

後來更灰的是, 事後先發現自己短講都好似有問題~
題目"25.5度"......唉~考官會否以為我沒常識???
原來政府是建議冷氣要開至25.5度
並不是建議25.5度時才開冷氣.....
剛才還滔滔不絕的說我的25.5度.....
但我只怕考官會認為我說錯了或不貼題~
點解我會記錯ga??????
還以為短講可以拉分..家下灰極了~~
我真係會諗...我會唔會拎f ga?

但周情婷總是不斷的安慰我...
如果同組的人都勁, 我都會被拉高分...
即使是最差的那位, 也不會給我不合格的分數........
......................乜真係咩.....?
之後我地搵番betsy~ 一齊去市中心食埋晚餐~~
終於可以一試劉曉介紹的那間東西.......
周情婷同betsy第1次見面都咁多野講......
雖然話題都在於大家都認識的人......
唉~ 我還是想著我的25.5度和很廢的小組討論~
真的很不開心......明明考之前都好有信心ga ma><
真係唔洗安慰我....因為...說真的,作用不大~=.=
不過的確很謝謝你們><

I will be okay

>>March 16, 2007 at 3:29:39 PM GMT+8

2007 年 3 月 14 日 星期三 【晴】

今日都盡量早起, 同媽咪食左難食既食餐...
就去自修室努力la~ 做pure都幾起勁~
唔知做咩~ 晏d溫溫下好似有d唔妥......
都係離開一下~ 果陣4點幾..其實都溫得差唔多la~
逛左陣...去m記買左魚柳包食~~
今日唔記得帶電話, 真係失蹤咁~~
不過獨行也是一種樂~ 只係無得睇時間果下麻煩d...
最攪笑係我行行下唔知夠鐘補習未, 係度裝人地隻錶~=.=
過埋今堂, 得番兩堂時間對住ken chan jar...
咦佢星期六黎元朗終於!!!...我係咪應該去問下野呢??
見下佢真人既最後一面.....=.="哈哈~~
或者叫佢係本capture A度簽番個名都好...XD

中化口試聽日就考la! 希望唔好出漫畫題......
仲有唔好有懶音....仲有...仲有要醒目d投入d爭取多d><
唔好淨係希望la............我真係要掂呀!
原來今日考左"夢"既短講題目..唉ya之前我諗過如果講夢境會點ga~
如果我講呢個既話....><咁就好la!!!!
話唔定聽到個考官喊tim呀...=.=話唔定~好似誇張左哈哈~
有人話今日咁易, 聽日會難...不過我唔會驚既!!!!!!!!!="=
仲有多謝呀~ 多謝dick既留言~~ 承你貴言呀!

原來梁家傑有寫blog...都係岩岩先知~ 真係有d o嘴~
好in咁....差唔多日日都有post野...又有相, 又倒數~~
今日佢同曾生既辯論我開頭都有睇~ 睇到佢握手果陣....
其實應該係"fing"手先岩...勁大力"fing"~ 哈哈..
講真要揀既我都會支持曾生~ 大家可以睇睇alan個blog-.-
http://hk.myblog.yahoo.com/alanleong-force/


有一陣子 停頓了的感覺
周遭的都變得很快很快
又好像拍子機的一下一下活動
但又好像適應不了那種速度
可怕的感覺 不懂如何形容

>>March 15, 2007 at 4:19:43 PM GMT+8

2007 年 3 月 13 日 星期二 【晴】

今日既堅持...終於成功7點半起身~
番學校練oral~~ 今次講得好左..起碼無咁多字唔識讀~
=.=阿sir叫我呃都要呃自己係掂...作埋篇短文就抖抖~
等練中化oral....又係琴日既考試題目:"視野"
都唔知講咩好.......不過估唔到自己會離左題~~
兩日後就考, 家下真大打擊...乜去旅行唔代表可以擴闊視野??/.\
但係始終覺得講例子會悶..講自己又未必夠突出~
呢類型既題目真係唔知點講好........
小組討論依然唔夠投入...我講得好少野~~
有時都好想插入去講番分層次, 但有時又唔肯定好唔好....
唉......真係有d唔開心既ja~ 不過而家錯都好過考試果陣錯~
到時一定要冷靜同埋努力爭取先至得呀!!!
今日練完之後去番library溫多陣書...之後兩點去搵kiki食lunch~
食仙跡岩丫~ 真係好la! 真係差d爆阿杰杰大穫呀真係!!XD
都坐左好耐....之後番屋企~ 晚上還是要努力的..........好努力果隻!!!!!!!!!!!!!!

有d想參加飢饉三十...但係....最快都要出年la~~
不過我驚我會頂唔順wo......話晒咁鐘意食野~=P


很不開心
不開心便火起來
脾氣真差
發脾氣也很傷身
聽聞女人發脾氣會比男人更大機會患心臟病的
唉
是否壓力來了?

>>March 14, 2007 at 3:47:33 PM GMT+8

2007 年 3 月 12 日 星期一 【晴】

同媽咪食過左早餐就番學校~ 今日要練中化oral....
係library溫左陣書....都有4粒鐘ga!! 事關無出去lunch~
3點幾, 終於都試...原來得train一個係A班, 其他都S班~
題目係琴日真正考試既題目...短講"石頭的願望"~
過份緊張既關係...講一句, 停兩秒~ 唔知做乜咁驚.....
"我, 係一粒石頭, 係一粒普通既石頭, 身處海邊,
每日都聽住海浪聲, 係度諗自己既願望....."
@@" 好似無乜表情咁.....又驚到手震~
聽埋後面d人, 覺得自己好似講得...ok丫都~=P
不過miss ma都覺得麻麻...話我好似讀詩~ 有6分都算了吧~
小組討論既題目真係唔知可以講咩好..................=.=
新年後輩可以做d咩表示對長輩既心意...黎黎去去都係果d~
都唔知點討論..........無乜點講野, 又講錯過野~ 點算><
好在無唔合格~=.=""""" 我深信真係考果陣會再好dd既...哈~~
琴晚無forward果個sms...會唔會真係到我果陣考漫畫題ga??@@
聽完miss ma 講一大論野.....即刻走人搵劉曉~~
有點肚餓~ 去食突然想食既m記....哈哈! 最衰劉曉引我~~=P
之後去自修室.....@@"嘩! 溫多兩個半鐘~~ 8點半走佬...
我屋企好遠ga ma....又要等車~ 所以先咁早走之ma...><
其實今日溫左好多ga la....haaaaa~~ 今晚有prison break 睇呀!!!!!!!!!!!

="=死野丫~ 唔比ga咩! 你先kai子.......呀!! 有咩咁好笑~~~~~~~~~
睇你個樣今日都係溫唔到7課ga la~~~ 傾電話都傾半粒鐘!XD

>>March 13, 2007 at 2:04:23 PM GMT+8

2007 年 3 月 11 日 星期日 【晴】

今日約了劉曉朝早10點就出發..搵學校~
屯門有兩間呀...期間我地經過d昆蟲館仲走入去睇~=.=
見到好多幼稚園細路...點解佢地咁細粒咁矮??
我明明記得自己細個果陣係無咁矮ga wo....哈哈~~
同劉曉傾下中化口試既野~ 佢仲講左d skills 比我知呀!!
又幾好ga wo....點解我未學要呢d野~
之後去三聖果陣就白痴左d...點解我地要行路?
番到元朗一齊lunch~ my favourite 壽司亭!!
好飽ya.......飽到好眼訓.......之後去自修室~
的確好眼訓.....溫左唔係好耐就番左屋企訓陣教~
我決定夜晚會勤力番ga la......@@
不過有"向世界出發"睇wo~~

溫書呀........唉~
總是不想溫不想溫........
但已經溫完又溫........
好似沒甚麼進步.........
這兩年都沒甚麼進步.........
還是..要再努力多一點點~
真係好睇埋呢個半月~
努力呀!!!!!!!!!!!!!!!!!!!!

雖然這裡不是我的天地.......
但好快之後, 過左呢個半月之後~
我會努力找我的天地........

>>March 12, 2007 at 11:33:20 AM GMT+8

2007 年 3 月 10 日 星期六 【晴】

又好眼訓la...已經好早訓ga la........
星期日, 又係飲茶, 之後去自修室..........
溫書期間, 隔離果個男仔!!! 佢去左兩次廁所....
兩次番黎都帶有陣陣煙味...........="=
好心你要做食煙既壞學生, 就唔好黎自修室扮乖學生la....
我又唔可以調位...呢兩日自修室都勁多人~
d職員又惡, 又收人野.....不過d煙味真係令我頂唔順了~
丫菁菁佢地仲係台灣麵, 又未開始食wo....
咁我都係過去la....hee~ 而且又有d肚餓~~
阿長毛生日....5個女仔陪佢食野~=.="真係....丫~
之後去影卡~ 唉都成廿歲人...又lee又路~~
終於推左佢入部機度影......哈哈~~~


我仲要下幾多努力, 先可以升到大學呀????

好想養狗狗狗狗狗呀.....................

>>March 11, 2007 at 11:05:51 AM GMT+8

2007 年 3 月 9 日 星期五 【晴】

訓極都唔夠....-.-今日11點約左bella去仙跡岩食lunch ya~
原來bella前排唔見左銀包...好慘.......
咁不如夾份申請多張會員證~ 事關d 現金卷我都就黎用晒~
真係好~~ 咁姐係話我未來既日子又會成日食仙跡岩ga la...=.=
再次閒談夢想.......仲有讀書方面..=.="唉~~
咁我地都要努力溫書la....晏晝一齊去埋自修室~~
勁多人呀今日~ d職員仲收野tim呀~~~
自修室仲有菁菁, pauline. gla同tommy....皇上黎埋~~
帶埋燒章魚丸黎...不過呢間無元朗廣場果邊果間咁好食~
溫到4點幾都有d無心機....不過都捱到5點先走~~
點解我屋企咁早食飯....其實我都想溫晏d~=.=

>>March 10, 2007 at 10:20:49 AM GMT+8

2007 年 3 月 8 日 星期四 【晴】

今日番去練oral~-.-"真係.....present讀錯好多字~
discussion又無乜講野, 真係唔知講咩好.....
死la~~ 我再係咁樣....點去考alevel????唉~~
約左周情婷食飯~ 佢今日生日呀~ 生日快樂!!
又係食生活知味~~ 佢又遲到law....真係丫~~
一黎到講埋晒d屙屙聲既野........="=食緊野ga大佬~~
之後番屋企溫書lu........慢得很...............
仲有兩個星期多就係la.........點算~><

"寫意人生"用左"千與千尋"首歌真係....
好似...唔係好得!>< 真係有dd唔開心gei ja~
做咩用左呢首歌wo....唔match呀~~~~! (以拍檯姿勢)

>>March 9, 2007 at 11:36:23 AM GMT+8

2007 年 3 月 7 日 星期三 【晴】

今朝同媽咪飲茶...之後去自修室努力努力~~
遇見tommy同埋文家麗~~ 仲有必到既gladys~~
彭樂謙又黎左wo...溫到大約5點, 我同佢去食tea~
勁肚餓呀....食完我就要去補習~ capture A~~~
真係最後一期la~~~ 不過今日好眼訓......

邊個踩中左50000唔出聲呀??><

>>March 8, 2007 at 1:45:16 PM GMT+8

2007 年 3 月 6 日 星期二 【晴】

今日在家溫習....phy mc都只係做左兩年~
我都唔明點解自己要做咁耐既.....-.-
我又無聽歌, 又無睇電視...除左睇一陣花師奶之ma~
哈哈~ 7點la出去搵恆man~ 好快就揀到對好襯betsy既cons~
真係好~~~~ 仲有好多時間於是又去左仙跡岩飲野~
之後去元朗廣場等埋d人就去千之壽食飯~~
張檯好長好長....我地好似有16人??
叫野食~ 廿客壽司丫唔該! 呢間新千之壽都幾好味...
哈哈~~ 食飽飽拆禮物~ betsy都話cons隻色岩佢~~
本來好地地...點知d男人送左樣唔知咩物體比betsy...
應該係某兩三位男人既好事??="= 有冇攪錯呀?!!!
betsy真係好大方....實在係太大方~~~~
=.=唉~ 都唔明點解佢地咁無聊~ 真係好好笑好好玩咩?
真係有一刻想鬧佢地ga.......我係咪太大驚小怪??
食飽之後我地去左差館隔離個公園度切蛋糕...
試過有警察經過, 不過唔知點解我地咁嘈, 佢地都無理我地..哈~
食完蛋糕等呀等....終於都過12點~~ 同betsy講生日快樂!!!
之後就走lu....今晚超凍~ 真係唔該晒阿泰件褸~~
仲有呀...估唔到betsy生日, 反而我都有禮物收....haha~
其實係遲來的情人節禮物~~ 真係超感動呀...好多snoopy!!!
多謝betsy呀好多謝呀真係好好好好~~~~>3<



>>March 8, 2007 at 1:39:53 PM GMT+8