2007 年 3 月 25 日 星期日 【晴】

剎那間..我發現my903.com的封面與我的dairy很不match~
不過今日發現佢post左我send去既另一張相出黎呀!
係中六去camp果陣既....撐木伐的一張~ 幾有feel ga....
唔知過兩日佢會唔會用黎做封面呢??
鄭舜豪~ 無揀你果張阿蛋wo....

琴晚最慘~ 失眠三點幾仲未訓著...懷疑緊張掛~~
仲有幾日就考...-.-緊張下都應該既........
不過今日就慘d~ 精神好差咁....一唔夠訓就發脾氣ga la~
唔知幾時開始...媽咪好似接受左我呢d脾氣~=.=
最攪笑叫我睇電視/睇戲既人係佢...12點未夠就叫我訓既人又係佢~
-.-媽咪呀.....中七唔係咁ga~~ 剛才睇完"向世界出發", 佢又叫我訓la~
不過我一定頂得順既....仲有一個月之ma~
講番今日, 食完早餐等去自修室...
去三聯逛左陣....發現一本幾得意既書~ 叫"勇氣之書"
有d好簡單既插畫....每幅有短短兩三句說話~
有d說話好鐘意....有衝動想買左佢!
其中的一頁.....如下~

過去的　就把它留在原地
在你累的時間　可以回望
但　一定要繼續　向前行

買唔買好呢??都係再考慮下.....
又或者考完alevel 先~ 睇下到時係咪真係咁鐘意~
自修室有好友pauline陪伴~ 還有才"貌"雙全的黃上銘...
有時可以請教他們physics...真不錯~~
break的時候同pauline去左買d小吃~
也許因為早陣子喝了mc cafe的飛雪莫卡
現在甚麼也不想吃...但在東海堂發現有香蕉蛋糕仔
好像ok的...就買左黎食~~ 之後溫到差唔多就番屋企食飯~
今天很累很累...但也要做埋篇實用文~ 睇埋向世界出發
不過我仍很想打埋篇日記.........又很長很長的一篇
真的很謝謝有看我日記的朋友..........
內容有時很悶~ 但這些文字, 就如我的存在~

今日另一大發現...我好像輕了=.=
離奇的輕了2kg~ alevel 真的會令人瘦嗎??係就要keep住la..XD
你地唔準笑!! 我個磅無error law唔該!!!!

>>March 26, 2007 at 4:32:28 PM GMT+8

2007 年 3 月 24 日 星期六 【晴】

同媽咪出去食早餐...又去睇狗狗~~
d史立莎好得意呀............><
話時話..點解而家d狗店唔會有曲架出現??
仲未夠鐘去自修室...於是同媽咪行多陣~
又去左m記食雪糕~ 我請ga~~~~~~
之後去自修室lu......苦讀4小時~
5點去左搵友人們吃tea....好耐無見的云~><
唔該晒杰拎body shop野比我la~~~
呢間美都茶餐廳有"有氣利賓立"飲呀竟然!!
太好了.....其實有氣係好飲d! 唔知點解之前無左...
不過我都係仲未知呢度飲到既利賓立係咪加左七喜先有氣...
哈~ 仲有~ 呢度既豬扒包(多士夾豬扒) 幾好味......
又到左我同kiki 串杰杰既時間...呵~~ 係咪串下都唔得丫!XDDDD
唉~ 6點la..要番自修室~~ 本來想溫夜d ga ma~
不過8點都未夠...媽咪就打黎吹我番屋企食飯~
okok..-.-今晚又有大話妹睇~ 不過我一定要節制自己....
目標溫多1.5小時.....咁我今日就大大話話溫到7hrs la~
最近日日頂到最多都係溫得果6個鐘...成日都要睇電視~
聽聞d人平均溫成8,9個鐘....家下想追都追唔番....
=.=仲有ue....mock之後就無溫過~ 又無做past paper~
家下再唔理下ue就係pk死.......死.....死...."我唔想死我唔想死"~(陳奕迅的"怕死")

>>March 25, 2007 at 1:40:47 PM GMT+8

2007 年 3 月 23 日 星期五 【晴】

食完早餐....媽咪始終都"褸"我睇戲~~
okok...戰狼300~ 睇la睇la....哈~ 早場ja......
仲有真係要唔該晒gladys係自修室幫我搵左位呀~
而家越黎越多人!! 以後真係要準時去呀...
今日我終於試下至尊漢堡~ 無乜特別~~
好~ 大約兩點去到自修室開始...
途中ip ka yan黎拎$$比我, 生日快樂丫!~
其實我都覺得個sms好正~~XD
之後我就去搵杰杰~ 唔該晒杰杰又幫我買野lu....
同佢兜左陣就番自修室lu..今日溫呀溫..溫到8點~~
要補償番睇戲既罪惡感...好~ 今晚我會再努力多兩粒鐘~
都唔錯...不過...就黎考....心情......總係唔知點算咁~

>>March 24, 2007 at 1:42:28 PM GMT+8

2007 年 3 月 22 日 星期四 【晴】

今日訓到超晏..真係想死!! 太過份~~~><
係屋企溫算la......今日集中力超低~ 無用!!!

考alevel~ 睇戲都要停一停, 諗一諗...
你地夠日日睇電視---"向世界出發"la~~~
考alevel 唔睇得戲既咩....../.\
"亞波卡獵逃", 極力推介!!!!!!
"再造人之戀"~ 有阿rain丫ma....
"戰狼300"都有d興趣~~
但係睇之前, 睇果陣, 睇完之後個心會唔安樂~
不過我真係好想睇wo....><其實唔睇都會唔安樂....
如果元朗有得睇"亞波卡獵逃", 我就即刻衝左去睇la!!

>>March 23, 2007 at 11:32:20 AM GMT+8

2007 年 3 月 21 日 星期三 【晴】

早上溫左1粒鐘書...lunch約左啤娜子食lunch~
壽司亭...share個餐, 有好多野食呀~
之後本來一齊去自修室, 最後佢決定番天水圍wo....
咁咪好似特登黎陪我食lunch咁~><我會唔好意思ga ma~
哈哈~ 又可以見到啤娜子真係好.......
晏晝我溫到夠鐘補習~ 今日有個杯送....物理升cup~=.="
仲記得今堂既金句:"昨日已逝, 明日是迷, 活在當下, 盡力而為"
咩事..........=.="不過又講得幾岩~~ 努力!!!!
晚上同betsy, 恆man食飯...好耐無見過恆man la~~~
去左果間咩咩日西餐廳..><我叫果個餐唔好食又貴......
真係慘~ 早知都係去食日本野~ 哈哈~~=.=
今晚講左好多野...尤其恆man講埋晒d唔好笑既笑話~
不過我都有講起"喪do男", 佢走去d電器鋪熄人地d電視真係好好笑wo~
唔係咩.....原來而家仲係無乜人識Leo~~
傾傾下心情又down了~ 因為alevel~ 仲講咩野去旅行丫....
食完飯我地去左買雪糕糯米滋食~ 哈哈..佢地仲送我搭車~
betsy真係好好...幫我手拎好重既notes~ 仲有恆man都好好...
恆man你係咪想引我笑ja??但係d笑話真係唔好笑......=.=
不過我都回左佢一個sms~ 可唔可以唔好打係xanga???


我也怕自己不懂珍惜
因為總有一日會失去
就像必然的定律

每到一個階段 就有一個轉變
不敢說那些朋友是"打風都打唔甩"
因為到了某年某日 就總會莫名其妙的與某些人疏遠
也莫名其妙與某些人走在一起
維繫是相對的 是永遠的便會永遠
想起小學同學 想起中五的友人 還有現在班中的
十年後 廿年後我們還會像現在走在一起嗎?
對於小學同學, 深信有萬老師的一天, 我們也不會有放棄這個團體的一天
希望將來她的一對子女長大後也歡迎我們吧
但日子久了 聚會也只限於大家見見面的飯局
或偶然的三五成群去飲杯野談談近況 又或許只餘下我和劉曉><
想著想著 還有現在的友人們
有時我也不敢說 真的對不起 就讓時間證明吧

>>March 22, 2007 at 3:14:11 PM GMT+8

2007 年 3 月 20 日 星期二 【晴】

今日我挑戰左自己賴床既極限......
亦測試下我部電話既響鬧功能~
我部電話響鬧鐘果陣有一段音樂, 之後5mins後就再響一次~
-.-呢排我都起碼響4,5次先肯起身~~
今日...我由得佢響~ 直至大約1小時後...我發現佢唔繼續響wo~
原來部電話係可以響1個鐘ga wo...=.="
今日賴床賴左成粒鐘呀......實在有點過份~~哈哈..

打了好幾個電話約人食lunch....都係約唔到~=.="
放棄把la~~ 又想飲仙跡岩d胚芽珍珠....自己一個人去也不錯~
之後去自修室溫書lu...遇見很多熟人~~ 霸左最長果行...
本來可以同my dear pauline坐ga..不過有位陌生人~
女仔黎...=.=佢對住我地用腳dum地, 好似好想坐果個位咁~
真係有d攪笑ga~ 於是我就比左佢坐......
唔緊要~~ 其實我都係鐘意自己一個坐開多d~=)

放break陪pauline,賢嫂買野食~ 本來真係好想試下m記果隻新包~
不過loka打黎話要食腸粉.....=.=最後我地都係去買腸粉~
不過我又真係唔想食腸粉wo.....都係唔食野lu~~
繼續溫...今次撞到文嘉麗tim~ 仲有ip ka yan..佢好攪笑~~
之後溫溫下都有d唔專心...杰杰又上黎搵我wo~=.=
同佢吹左陣水.....竟然有人讚我~~(唔知算唔算讚la...)
傾傾下媽咪又打黎話出街食飯...so我都差唔多走~
今日都總算溫左5個幾6個鐘丫~~

本來想同betsy聽晚去睇"再造人之戀"
竟然無得睇呀.....百老匯得4間戲院上左jar~~~=.=
又話聽日上!! 元朗呢d弱雞地方可能要等到4月wo.....
我4月30先考完晒......咁姐係5月先睇~ 到時都唔知落左未la.../.\

我有時都會諗...其實我會唔會已經行左我人生既1/3?
假設我有60歲命...不過其實可能會仲短~~
就算到時有多過60歲命~ 應該係有賺ga la....
世事無常~~ 你都唔會預自己有賺掛~
如果我只係得番2/3既人生, 甚至只係得1/2~
時間真係得番好少好少....家下仲係度渾渾噩噩~人生就係咁??
"向世界出發"都幾浮誇, 總統套房呢世都唔會有得住ga la...
你的人生還有多少??有限既能力之下...你既下半世仲有d咩想做???


我這個想法真的很離奇
"朋友",會有這樣的一天嗎?

>>March 21, 2007 at 3:39:15 PM GMT+8

2007 年 3 月 19 日 星期一 【晴】

家中溫書......今日不錯丫~
phy mc終於衝破岩25題大關......=.=
唉....幾時先可以做到岩夠30題??

明明諗住呢段時間都唔會聽歌....
但係eason唱"尼古丁"真係唱得好好聽呀~~~

嘩!! post左出黎呀!!
我send左3張相去[email protected]~
有一張post左出黎丫...=.=竟然係麥兜~
唔知遲幾日會唔會做封面呢??各位留意呀~~
無錯呀~ my903.com個封面就係我日記上面果個...
每日都會更新ga...咁我個日記就日日都有新封面~=)
見到鄭舜豪咁屎忽痕整左舊雞蛋人出黎......
我決定send埋去...睇黎好有potential 比人post出黎!~
haa....鄭舜豪你要留意呀~~

>>March 20, 2007 at 12:09:28 PM GMT+8

2007 年 3 月 18 日 星期日 【晴】

今日其實無野想記...
不過我有溫書放心~

我都有d想試下Coke Zero~
不過無端端買黎飲好似有d無聊wo~=.=

怎能想像還有10日便開始考A-Level?

話無野想記都打左咁多行野....=.=

>>March 19, 2007 at 10:45:41 AM GMT+8

2007 年 3 月 17 日 星期六 【晴】

今日同媽咪試下間新酒樓...呢度d小籠包仲好味d!!
仲有間酒樓好大又幾靚....好多部LCD電視~
最特別係個toilet 有"衡溫坐廁"~ 真係潮......@@
今日又無端端唔想去自修室溫...於是番屋企~
11點就番到屋企la....開始溫書~~~~
屋企始終會唔專心....我無開電腦同埋聽歌ga!!
都係唔太集中....真係晒時間~~><
好悶好悶....真係無晒心情果陣, 睇左陣get a life隻碟~
eason真係好正...真係希望快d再有機會睇佢既concert呀!
丫!!!!!!!!!原來夜晚 7點 903有得聽"凸"既轉播....
真要多謝長毛話聲我知~ 無得睇, 有得聽下都好.....哈哈~
eason繼續呀~~~~>0<還有edison同eric kwok的~
-.-唉.....夜晚還是要努力的~ 睇大話妹之前........
姐係話....其實今日我無咩溫過書...........@@

我不是一個很需要別人安慰的人
自己的想法才是最重要


存在價值?

人生存好像活得有價值才比較好
總有人想知道自己的存在價值到底值多少
後來有人發現 自己好像就是可有可無
但原來 世界上許多人也是這樣
因為事實上我們都只是身處世界上的一小處
我們就是這一小處裡面 千千萬萬人之中的一小個人
的確可有可無 還有甚麼存在價值?

其實價值呢回事 自己評價根本不能作準
別人也是吧 誰人有資格評價別人的價值?
更何況 每個人的存在價值 事實上就是很細很細
還是最悶的那句:在乎自己怎樣想

>>March 18, 2007 at 12:14:06 PM GMT+8

2007 年 3 月 16 日 星期五 【晴】

今日由於不大有心情溫書, 而且有d幾重要既野要買.....
於是約左betsy陪我出去行街~丫比左個籍口betsy行街tim~=.=
真係超耐無真正行過街~ 本來想去mk不過遲左落車就去尖咀~
一樣ja..只要買到想買既野就得ga la~~ 開心ga都~
今日有betsy陪我la, 又買到野, 又意外地見到好多好靚既snoopy卡~~
我都買左張~ 不過其實唔知買黎做咩.....又無人可以送~=.=
不過都希望終有一日可以將呢張卡送比一個一樣咁鐘意snoopy既人!
其實只係行左兩粒鐘多d jar~ 都已經好累lu...係時候番去~
betsy今日狂同我傾計...可能累既關係, 說話不多.....
不過其實我平時同人出街果陣, 都唔係好講野既人~
by the way 琴日考完口試既心情仍然有d放唔低...唉~~~
番到元朗搵一搵ling, 竟然未有幸見一見ling男友既盧山真面目...哈~
多謝betsy今日既陪伴...同埋太好地送埋我去等車呀~~><

想起昨天練中化的那個短講題目: 怎樣才不枉此生??
人是貪心, 還未實現的事情很多........
若要我說出暫時的想法.......
首要的是能看著媽媽安享晚年, 把幸福帶給她~
還有做到自己一直很想做的職業.......
即使只要很短暫也可以, 真的很想當當警察........
很想去旅行..起碼都去多廿次旅行la~ 最想去的是意大利~
還有要去日本的snoopy town買100個snoopy公仔番黎~
其實都唔洗100個既...50個la~~~廿個都好...XDDDD
還有要看看九寨溝的景色..這個地方似乎對我有一些意義~
當然希望找到一個好伴侶la..好似謝霆鋒咁有自己既家丫ma~
丫仲有中六合彩...唔想成世人都中唔到一次六合彩wo~ 廿蚊唔計....=.=
不過想中六合彩真係好無大志...! 我唔係d咁既人!!


期待某一天能與你暢所欲言

>>March 17, 2007 at 1:12:41 PM GMT+8