2007 年 4 月 4 日 星期三 【晴】

訓到10點@@真係有d累~ 不過明明琴日都無做過乜....
同媽咪飲茶~ 竟然咁少人等位..係就係好~ 不過今日假期幾貴~
一碗碗仔翅都要13蚊...=0=仲有點解無冬菇既~~
飲完茶....d時間又唔拖唔水~ 不過我都有d野要攪掂~
晒番d相,同埋寄信....最唔想做既事都做左~ 寄左報ive封信~
報左唔代表我考得差, 就算考得差都唔代表我要讀既...
=.=......買個保險ja.............嗯...無事既~~
到左而家, 問心果句, 又唔覺得自己會考得好差既.......
有機會..有機會ga~~ 只要ue同phy掂既話.......
我phy家下爆緊ga la....爆緊.........感覺到~
其實都無必要係呢度交代d咩.........還是盡力而為~
今日去自修室專專心心溫足4粒鐘~ 杰杰約左kiki出黎...
去搵下佢地先~ 自己又有d想食雪糕...蔡啟峰竟然出現!! 真係世界變~
去m記食雪糕..仲要蔡生請~~ 咁我就唔怪你成半年唔見左影la~=P
嗯...不過我食完就走lu~~~ 原因....其實都唔係秘密不過唔想講ja~
哈哈....今晚我都爆左兩粒鐘~ 我仲諗緊用9日定10日溫pure好~
因為加埋今日我有19日...phy同pure各自9日~ 仲有1日溫邊科好呢?
諗諗下...=.=咁不如各自9日半la~~ 點解我會咁無聊.....
好! 我決定今日開始要溫到1點或1點半...而家要爆多一粒鐘~ 加油!

>>April 5, 2007 at 4:06:55 PM GMT+8

2007 年 4 月 3 日 星期二 【晴】

9點就起左身la~ 係屋企溫左陣書....
媽咪話想飲茶~ 不過出到去等左好耐都未有位~
最後決定唔等, 食下新開果間野~ 有飯有粥食...
食完我就去自修室....but..集中力超低丫~~~
可能因為有d焗~ 呢兩日都好凍呀...4月都仲著長袖~
唉溫左個半鐘la....就走左lu....=.=真係無用~~~
之後我去左買"送"~ 因為我今晚親自下廚呀......
要煮唔辣既咖哩雞薯仔!!! 想煮番果種味道~
好想好想好想再食..........結果..煮好出黎~~
個樣ok~ 不過d雞唔夠入味....唉~ 咁難gei........

今日才發現..廚櫃裡有一罐煮咖哩用的椰汁,已過期了
有效日期為2006年4月...看看新買的那一罐,有效日期:2009年11月
應該會係.......? 是無謂的想法嗎??但我真的....想哭........


mika既"grace kelly" 好聽!! 可能有聽903既人會知道邊首~

I could be brown
I could be blue
I could be violet sky
I could be hurtful
I could be purple
I could be anything you like
Gotta be green
Gotta be mean
Gotta be everything more
Why dont you like me?
Why dont you like me?
Why dont you walk out the door!

>>April 4, 2007 at 1:31:56 PM GMT+8

2007 年 4 月 2 日 星期一 【晴】

今日考listening...如常地~ 做得差........=.=
雖然我都覺得佢出得易..不過我唔識.......
聽唔切....唔識串.......但願唔會比呢份卷拉得太低分~

唉.......都係唔諗lu~~~ 今日同劉曉約左劉寶丫ma~~
不過我打比劉寶..佢竟然未起身~=.=" 劉曉以雄壯既聲音叫醒左佢~
哈哈.......之後等佢出黎果陣~ 上左劉曉屋企hea陣~
我地去左安娜食午飯...好多野傾ya~ 當然圍繞劉寶在英國的事~
可以去外國讀書真係好好呀......好多野都好驚訝~~
真係唔講都唔知.....傾傾下諗住走~ 唔知點解又去番劉曉屋企~
晏d我地就決定去影卡......先去千色la~ 仲食左雪糕...=P
之後唔知點解我地都係用番相機影~ 好在都醒目我帶定!
仲走入d貼紙相機入面影tim呀~~ 有d背景好靚......
劉寶好正....d動作好突出~~ 我同劉曉都學唔到..哈哈~~
真係好~又唔洗晒$$......去埋喜利走轉, 佢地有野想買~
不經不覺已經7點~ 係時候分別....原來大家都有d依依不捨~~
最後都送劉寶去輕鐵站...明明有架車可以上都無上到~ 等下一架..
劉曉仲賴我唔出聲.........=.=" 咩呀.....大家都依依不捨之ma~~
哈哈....劉寶~~ 暑假等你番黎呀....不過如果你呢幾日想搵人吃個lunch~
我都唔介意ga....不過劉曉肯唔肯就唔知lu~~ -.-(哈...)

差d唔記得今日有我至愛既prison break....而家要睇la!!!!

　
　
劉寶的正pose...個backgound又型~ 貼士紙都影唔到咁既效果呀..

>>April 3, 2007 at 2:36:42 PM GMT+8

2007 年 4 月 1 日 星期日 【晴】

到了最應該害怕的ue,
察考員係鬼佬, 佢講d英文好好聽!! 樣子又善良~ 哈哈..

作文的時候, 我又用左jackie chan做例子
上年retake英文果陣我又係用左佢
希望阿成龍大哥會好似上次咁..帶"hit"我拎到好成績la下
例子還有我喜愛的eason chan和sammy leung(森美)
可能係考試關係, 作到大約550字~ 平時一定唔得既~
仲有昨晚背的生字用到了!! 實在滿意~
pens down的時候, 真的要thank god

然後的section c~ 時間控制的不好......
開頭唔應該做咁慢! 不過算了....
其實有點擔心~~ 不過.....應該無事既~
落大雨~ 點食飯呀??不過我帶左"姐"
周情婷陪我去買野食番黎~ 幫埋琪琪同小玉買~
到了section e.....又係做得慢~~=.=
信中的語氣一點也不polite...救命~~~
呢份一定考得不好.....><

番到屋企~ 劉寶寶打黎:"啤梨"....丫呢個係邊個呢??
我緊係唔會唔認得la.....番左黎hk la>3<
最攪笑係佢無晒我地d 電話...不過淨係記得我電話
劉曉! 佢記得我個電話都唔記得你呀...嘩哈哈XDD
聽日考完listening應該可以見面~ 實在是興奮!

>>April 2, 2007 at 11:06:56 AM GMT+8

2007 年 3 月 31 日 星期六 【晴】

同媽咪食過午飯, 就去自修室
做左section e+section c
一次過背左好多生字
唔知點解今日既記憶力特別強
定係以前我唔願背呢??
作戰至8點, 離開, 同媽咪食陸記
番屋企, 都係背下生字咁
睇左半集大話妹, 然後早d訓~
未來兩日真係要加油加油!!!
其實內心是擔心的, 但係都係考完先算
我有一個信念..就係: 我會行好運ga!! 哈哈.......

>>April 1, 2007 at 3:09:10 PM GMT+8

2007 年 3 月 30 日 星期五 【晴】

考完中化, 真係要講聲: 多謝miss ma
今日既中化listening的確令人聽到頭都大埋~
不熟悉的曹操劉備...還有那些歷史故事??
最高難度應該係最尾果part..綜合幾段錄音~~
最後..我feel 到自己...都考得ok既~~~=)

5-1=4, 仲有4科!!!
真的很快...很快...........

同周情婷食lunch~ 試下間新開既味千拉麵~
味道ok~~ 不過間野好似細左d~
食完野見有時間, 周情婷竟然提議影貼士相!!!
仲要係10蚊果隻!!! 哈哈.....不過好好玩~
好耐未玩過呢d 10蚊既貼士相機~
雖然質素麻麻~ 不過其實幾抵~~XD

去自修室溫下ue先~ 點知3點幾冷氣突然停左!!
好焗...比左個籍口我走~ 其實果陣溫溫下都無乜心情~
於是.....去搵kiki & kit~~ 原來有人叫我做車侖子...哈~~
生活知味小聚一下~ 吃左個tea....-.-死la又食野~~
仲食得好xx下...=.="呢d醜態只有你地先睇到ga jar~
之後行左一陣元朗廣場...等ling黎搵我~~
要比body shop野佢...終於都可以見下佢男友la~ 呵!

為左升大學, 盡埋最後一分力係科ue度都好應該呀!!
唔可以放棄ga~~~~~~~~

>>March 31, 2007 at 12:14:57 PM GMT+8

2007 年 3 月 29 日 星期四 【晴】

真係好~ 考試都可以見到咁多人~~
周情婷又係你???仲有劉曉曉...
琪琪與小玉, 仲有班中的菁菁,林威迅~
考中化同ue既日子, 同一間學校裡面, 我地一齊努力呀!

仲諗住唔好食咁飽~ 不過最後我早餐同午餐都食得豐富wo~
考完之後....無言~ 至少沒有失敗感~ 應該發揮到平時既水準~
miss ma真係貼中左wo....不過我都係揀建議書~
考果陣先發現自己原來好需要改錯帶~
開頭緊張, 每行都有塗改液.....=.=不過考完都覺得自己ok既~
閱讀理解算難~ 未試過要睇3篇野一齊答~~ 又要控制時間~
lunch同周情婷去食千之壽...原來琪琪同小玉等左我一陣~ sorry呀><

番黎考文化篇章...........=0=好似3題都難難地..........
不過答左最有信心果題.......也算言之有理掛..希望哈哈~
餘下的藝術和政治....真係好難揀........兩題都唔係好知點答咁~
藝術好似熟悉d...就藝術la~ 評論現代建築物能否體現中國傳統藝術...
如果答部份體現, 部份有違....應該最安全掛~~
都唔知自己答得好唔好....=.="我知道自己寫得有d亂咁~
有冇人話我知"風水"算唔算中國傳統藝術????

考完之後, 沒有擔心的感覺
是信心的表現嗎?
更緊張既應該係聽日既listening
只要可以好似平時咁就得ga la!!! ><加油

>>March 30, 2007 at 11:10:49 AM GMT+8

2007 年 3 月 28 日 星期三 【晴】

中化最後衝刺...補課做listening~
成績ok~ 應該無問題!!
晏晝同pauline去食博多~ 好耐無食過焗烏東~
自修室~ 今日淨係溫中化同埋ue~~
唔同連個天都想安慰我??
琴日做左section c 成績比平時好~
仲有今日做d 練習都係咁.....
希望到時考都係可以咁la.........><
今日補最後一堂既ken chan~~~
我一定要努力埋佢呀....................!

聽日就考~~ 大家都要加油呀~~~~~~
記得帶準考證呀!

>>March 29, 2007 at 1:29:07 PM GMT+8

2007 年 3 月 27 日 星期二 【晴】

中化補課做閱讀理解
同pauline去食生活知味
去埋自修室, 好累
出左黎成日, 但係實際上只係溫左5粒鐘
眼睛很容易疲累~><
今天失了約, sorry呀kiki~

親愛的劉曉, 我並唔同意你既講法
我一定唔係一個悶人
無左我, 你地一定少左好多歡樂
唔係咩??哈哈哈.........


愛　似是一間屋　一張卡
一齊擔一把遮　陽光空氣一架車
愛　似是一個人　一直搵
一直等果一個人　一世一齊訓
愛　似是一間屋　一張卡
一齊擔一把遮　陽光空氣一架車
愛（似是陽光空氣）

>>March 28, 2007 at 4:13:17 PM GMT+8

2007 年 3 月 26 日 星期一 【晴】

差d唔想打日記.....今朝9點番學校補課~
最受歡迎的中化堂.....講講實用文~
嗯....keep住同埋到時有心情d作~ 應該無咩問題既~
miss ma 真攪笑~ 佢話: "唔洗番黎話我知我貼中題目, 我實貼中ga wo~"
哈哈~ 仲有佢講起篇文點先拎到A係有幾 "望塵莫及"

今朝食左個好好味既包...不過補完課未夠12點又去食lunch~
與賢嫂和pauline去生活知味~~ 身穿校服仍可享用學生優惠=)
屎忽痕的我想試試咖啡珍珠~ 誰不知苦到呢......
賢嫂好飲得苦wo..仲話好好味~ 咁就交換la....
不過最後都係"痴"pauline 果杯奇異果綠茶....XP
蠻溫馨的...然後又去自修室齊齊努力了~
本來想戰鬥到底...結果8:45還是徹退了~ 真的累死了.........
其實今日唔係溫得好好~ 尤其夜晚果陣......
對住份section e...睇唔到date file d 字...@@"
只做了一半便放棄.......我好似唔記得講~
我夜晚無食到正餐...到左而家開始肚餓la~~=.="
不過算la...好忙呀!! 要看不能不看的prison break!!!!!!!!!
還有今日果集花師奶都睇埋...幾攪笑~

那份堅持好像回來了.......

雖然好像很苦 但這幾天
也有令我微笑的事情

>>March 27, 2007 at 4:52:33 PM GMT+8