2007 年 5 月 24 日 星期四 【晴】

努力賺錢..
嘻!! 我既旅費有希望la~~^^

白痴到死...........................呀真係=.=


今日終於去交左果75蚊改choice~ 唔係劉曉一齊交我都可能唔改..
之後有時間上左旅行社睇團~~ 真係唔知點好....
我都好想去長隆新開果個水上樂園呀!!
lunch林琪琪約我去食kfc~ 好耐無食過.....越黎越貴呀~
之後行番學校果陣...佢先同我講其實如果升唔到都會揀HD同Asso
不過佢個傻人無報ive, jupas又無擺到....真係比佢激死~~
我叫佢而家即刻去交番果75蚊改choice~ 佢仲要諗一陣....
星期一就deadline la 係咪傻ga!! 快d去la..之後陪埋佢去交$先番sch~
林琪琪...好在我話你知jar~~ 真係丫.........哈哈~

今日對住兩個f.3真係有d無奈同唔開心....
最無奈係比林天瑋話我唔夠惡! o晒嘴~ 其實你地想點?
呢排的確比得太多自由...不過我都有叫你地做野丫..
成日叫你地做數學英文作業又話唔想做住.....
次次問你地想溫咩就淨係話溫bio~=.="
連本notes都比埋你地la~ 影印佢睇睇好唔好...
明知數學得十幾分~ 叫你拎本數學書出黎教你又唔肯..
成日都話肚餓要食野..又話星期六番黎溫書又推去下個星期~
仲有兩個星期多d就考試la...你地係咪唔想升呀.........="=
今日一時不爽地話左佢地兩句....你地真係想我對你地惡d?

>>May 25, 2007 at 12:01:08 PM GMT+8

2007 年 5 月 23 日 星期三 【晴】

今日起身都係覺得累...-.-踩冰呢d玩意真係無氣力玩la~
不過光明又有gathering~ 好吸引!! 劉曉仲約左10點~ 我話我遲d入去.....
同媽咪食左d野~ 不過我叫左碗麵勁難食呀!!! 唔開心~~
之後入錦繡兆允屋企! 咦隻狗仲係度?!
仲記得6年級去兆允屋企玩~ 又係呢隻狗狗..原來而家10歲la!
我黎到佢地都玩左一段時間...仲叫左pizza~
我地之後玩"boomboom嘭"...好好好玩呀!!
輸7次要罰~ 初頭sam同譚揚都輸夠ga la..之後李家榮同我都輸左5次!
勁驚呀!! =.="佢地勁攻我law....乜我個動作真係咁易做咩??="=
衰人李家榮...最後也逃不出佢地既圍攻~ 輸左3個要踩單車去買野飲..
咁遠既...7號站踩到去3號站!!! 好熱呀.....陰公~~~~~~~
買完番黎累死我....@@"番到黎玩killer~ 我第1次玩唔開眼呢隻..
要呃人好高超ga~ 玩到尾我都做左一次killer!!! 嘩哈哈..
我竟然呃到人...無笑出黎~~ 真係少有呀....好玩!
見個天太陽落左山...我地就出去玩閃避球同糖黐豆~
今日玩到都好癲...出晒汗~ 7點幾都係走人先~ 佢地有d人留低食飯~
我就唔留la..因為約媽咪去食千之壽~ 行到去新果間先有位~
好味呀...百佳掃完貨打的番黎~~ 買左好多野飲呀....gd!

點解約小學同學仲多過約中學同學?
因為中學同學時時都有得見...小學同學既聚會就顯得難得law!



>>May 24, 2007 at 5:30:42 PM GMT+8

2007 年 5 月 22 日 星期二 【晴】

好眼訓~ 其實呢兩晚都訓得唔好......
去天水圍教畫呀~ 以後星期三去天盛教..得兩個小朋友~ gd!!
今日仲要有一個無番....不過原來佢地兩個都學左成年幾~
姐係唔可以再教d低b野~~~ 其實最費氣力係要哄佢....
教完畫呢~ 好在呀長毛都算有d人性...陪我食飯~
雖然有波打但係食食"一番" 係咪吸引d先!!=.="
魷魚翼係好食過魷魚筒...真係蝕左~~~
食完飯仲有大把時間~ 去過旅行社睇下資料....
仲撞到陳淑婷!! 我諗左一陣先諗清楚係佢..佢而家係永安做~
旅行社又去完..3點仲係gap左好多時間~ 番學校...途中買左雪糕呵呵~
不過d傻仔無買...番到學校先想食哩?? 熱到嘔呀今日...
今日tpk社際競技~ 我果組有兩個去玩, 淨低果個去左睇~~
真係坐左成粒鐘~ 差d我都想走....之後落左i.t.幫手~~
一夠6點就走佬...趕住番屋企煲湯呀~~~~~~


都係miss ma同寶sir既感想有意思....
尤其係miss ma, 教中化姐係教中化~ 果然唔同d..

給中七S班同學：
　　人生就像中國畫的卷軸那樣，要觀賞就要展開畫卷。有些人才看了幾眼，便掩起長嘆，
不敢開卷。有些人卻愛細意觀看，不放過畫上的任何細節---看到愜意的，開懷大笑；看到感
傷的，低迴頓首。
　　我認為觀賞人生的畫卷最重要的是不要錯過。同學們如能以曠達的心情，把握每個機遇
，樂對人生的高低起伏，人生還有什麼不完美呢？
　　祝願你們各有不同的完美人生。

馬慧嫻老師

>>May 23, 2007 at 1:47:50 PM GMT+8

2007 年 5 月 21 日 星期一 【晴】

考完AL到而家, 成日都話要做下運動~ 到左今日終於都有機會...
劉曉約左我la,樂嘉同何蚊去打羽毛球........gd!!!
不過今朝先知去朗屏打!! 夠薑!!!="= 無冷氣ga wo大佬.......
出面又落大雨~ 真係好想唔去ga其實...=.=最後都去左~
遲左半粒鐘先出現~ 佢地book左一個鐘~ 不過夠鐘都無人清場~
打多左成9個字呀..不過我全程都只係玩左半粒鐘~
打完波~ 我地一齊食埋lunch...去千之壽~ 呢排成日都想食三文魚~
今日既話題係減肥! 仲有劉曉講左d野真係好堅wo!!
劉曉..今日我話"假"既意思係"假象"~ 你唔好咁傻以為我真係假~=.="
唉ya其實今日約左pauline~ 不過都要佢等完我食野先搵佢...
真係唔好意思呀....之後陪佢去生活知味~ 我都飲左杯野~
行左一陣元朗廣場~ 時間過得勁快!! 又要番學校補習lu...
亦都係比大家睇下我個頭既時刻...=.=哈哈~~
好在都無人話唔好睇ja....係law~ 我都話就係"ok law"~
今日補習兩隻野都無乜心情咁.....你地比心機好唔好....
完左之後羊女搵我一齊走~ 沿路撞到深tim~~~
之後番屋企lu...今晚煮完送果陣發覺唔記得煲飯=.="真大意!
好在呢排都唔係好大食ja.....咦我發覺我真係識得煮番幾味la wo!

恭喜kiki!!!!^^
poly收左佢la....叻女呀~~~

>>May 22, 2007 at 2:34:54 PM GMT+8

2007 年 5 月 20 日 星期日 【晴】

今朝同杰杰,kiki食早餐~ 特登11點出到旺角間ESPRIT~
想快d電完個頭可以番sch丫ma...點知等到12點先有得開始~
100蚊jar!! 仲要ESPRIT!!!!! 嘩哈哈...唔該晒BU~~~
我同kiki 電...都係曲~ 幫我整果個人好忙呀..成日整整下要去第2度幫手~
結果5點半先攪掂~ 都ok la...雖然唔係整到我想像中既咁~~
kiki 就整到7點呀...我都未試過一日照咁耐鏡ga~@@"
過程都幾辛苦!! 不過呢度有汽水飲, 又有餅食, 又有杯麵食law(free的)XDDD
攪到我番唔到學校補習tim....不過100蚊ESPRIT電就無所謂la~ kaka!!!!!

>>May 21, 2007 at 3:21:52 PM GMT+8

2007 年 5 月 19 日 星期六 【晴】

今日搵李渙鈴食tea~ 咦又會撞到陳建業~~
又係我地3個一齊去"新森林"食~ 之後過去元朗廣場搵佢地~
起程去演藝~ 頭3行...其實都睇得幾辛苦~
下次都係由第4行開始買好d~ 成套劇都唔知同男人之虎有咩關係~
有d角色都扮得唔似....最重要係唔好笑!!!!=.="
好多位都呆晒....不過後面d人係咁笑~ 點解我地會唔笑?
成日repeat同講粗口..."快樂無罪"仲好睇好多!
唉.....=.=其實都係因為大班人一齊去先會去~ 點知會咁~~
大家出到黎都唔知講咩好...都係番元朗食野先~~ 好肚餓....
大排檔食牛腩河~ 12點幾快d番屋企.....唔想成日咁夜訓~

>>May 21, 2007 at 1:56:18 PM GMT+8

2007 年 5 月 18 日 星期五 【晴】

今朝去教畫, 又多番兩個人~ 然後正苦惱緊lunch點算.....
搵左幾個人都唔得閒陪我食wo...就諗住番元朗仙跡岩自己食算~
bella 原來星期6早放工!! 太好了~ 不過早知係天水圍間仙跡岩食la...
要佢特登過番黎元朗~ 真係唔好意思...哈哈~ 多謝bella!!
一齊睇雜誌~ 又行左陣街~~~ 我買左人一件衫一條褲呀.....
又洗$$$$...不過睇岩野真開心!! ESPRIT撞到兩個光明人...
kaman與jerry~ 仲有菁菁陪伴之下..bella就功成身退~~

等到5點...得9個人到左~ 上萬老師屋企lu!! 好開心~~~
之後遲黎多3人~ 可惜迦暉同李家榮都唔黎食飯~
不過朱子,hehe,譚揚同sam補上.....夜晚餐飯都氣氛幾好!
萬老師竟然話有意比佢個仔跟我學畫! 如果真係就好lu!! 哈哈...=D
食完餐飯, 萬老師就回家去...14個人係度行黎行去~~=.=
王婉婷竟然話番屋企睇波...我地班男仔都無人好似佢咁熱愛~
莫生又走左~ 我都考慮緊走唔走因為實在好眼訓.......
不過始終都一齊上左間樓上cafe~ O字頭果間....
用crocodile牙機玩truth or dare~ 我堅持唔玩dare=.="
因為要鍚人...呀陳卓你有女朋友ga wo~ 岩岩仲同人傾完電話~
我發現呀sam好想鍚人..不過係鍚男人~=.="
dare玩左兩三次都cut左~~其實true先好玩~
講secret...其實最有興趣都係hehe果d~ 唔係佢親口講都唔信!!
大家玩到一點幾...就番屋企~ 又兩點幾先訓la...
次次去親光明聚會都咁夜番既~~ 開心的一天!


醒目又乖的城城
　
李家榮成個金魚佬咁..嚇親bb女~ 大家睇下bb女難受的樣子....
　
大家影張大合照先走丫唔該....(唔好意思劉曉,得有你"ar"果張先影得最好)


>>May 20, 2007 at 3:32:47 AM GMT+8

2007 年 5 月 17 日 星期四 【晴】

終於都諗到個封面點整好...不過就唔知咁樣好唔好~
當然有抄橋先諗到~ 個人認為ok ga....不過其他人點睇就??
之後有時間仲打晒d老師感想~ 都算係咁...
今日真係好熱......熱到好焗黎形容~~
番到去補習~ 得番一個人~=.="不過都好ga~ 勁舒服!!
有冇攪錯呀份EPA功課幫你做左一半都有呀真係~=.=
大約5點~ 無端端落大雨...個天黑晒!!
不過好在走果陣細雨d...撞到羊女, 佢話我做壞規矩~
哈哈...邊有咁誇張~ 我只係間中請佢地食糖.....
同埋叫佢地下星期六開始要番黎溫書之ma~ 真係希望佢地升到班..

補完習去搵kiki~ 真係好呀...kiki屯門出黎陪我食飯!>3<
好想食三文魚呀....去左千之壽~~ 叫左好多野......
好飽!! 埋單都幾平~~ 散步散左好耐~ 仲行番去新元中送佢~


未really好~
總不能時時刻刻維持最佳狀態
面對人也需費氣力
更何況.......

>>May 18, 2007 at 3:36:09 PM GMT+8

2007 年 5 月 16 日 星期三 【晴】

今朝同媽咪飲茶....之後無野做~ 等betsy同pauline出黎~
之後又食tea.....差唔多時間番學校補習~~~

心情本來還好的
一下之間就很火
火..................
難以發洩

>>May 17, 2007 at 1:53:14 PM GMT+8

2007 年 5 月 15 日 星期二 【晴】

今日去poly 做果個design既aptitude test....
起左身之後~ 差唔多出門口打比bella~ 點知佢唔知醒...
之後發現我地搭車既路線有d問題~ 一時話搭巴士, 一時又想西鐵轉車~
都係快d出門口...不過未出到元朗果陣~ 我發現我無帶封信~><"
bella 睇清楚原來封信一定要帶~=.="見佢仲未出到黎元朗我就打的番屋企拎~
來回用左40蚊呀....T.T之後太衝忙唔記得買全日通~
原來元朗去美孚要成$13.6.....今日搭車都搭左大半日人工呀真係~
上西鐵果陣已經8:45am, 勁驚遲到...明明我今朝好早就起左身ga ma~=.="
最後我地都係決定轉火車去紅磡~ 實驗證明由元朗去poly~
搭西鐵轉地鐵轉東鐵係最快ga..剛好9:45到~ 真係勁多人黎考.....
要考入黎既機會真係好微~ 我同bella一齊考到入黎既機係微上加微~
有兩份卷要考...一睇到份卷已經有d想走~=0="
其實都估到某d問題會問...例如:你鐘意邊個designer?請介紹一本書(non-design)
不過就係無準備.....=.="仲有d問題都幾難答~what is "idea"?
另一份卷主要考畫下圖...唉~ 考完之後真係有d灰...design真係唔岩我~

lunch可以同bella食~ 我地行番去尖咀果邊....經過starbucks 好香好香呀....
心思思就走左入去~ 我地豪一次! 仲可以share舊cake同三文治好好味...
呢個lunch真係貴左d...同埋肥左d~~ 點算???
同bella 談天一番....3點真係要走lu~ 其實都好想陪bella 行街~
不過有$賺無理由唔賺ga ma...都係番學校補習~~
今日終於可以同佢地溫一溫英文.....乖乖地默埋書~~
幫佢地入左二次方程條式...會唔會累左佢地~=.="
教左佢地一星期~ 其實都幾鐘意佢地~ 你地一定一定要比心機!

今日經過尖咀間Charlie Brown Cafe..真係好想好想好想入去~~~><
不過已經食左lunch~ 同埋無帶相機.....我真係好想入去食一次野呀!!!

>>May 16, 2007 at 3:31:56 PM GMT+8