2007 年 4 月 14 日 星期六 【晴】

溫習3小時後..午飯吃粥~~~
午飯過後溫了1小時, 發覺唔對路....好悶無乜心機~
決定眠一眠~ 人地話訓15-30分鐘係會精神d而且有益~
點知.........我訓左90分鐘~=.=
成日都禁熄鬧鐘繼續訓....到時考試真係千其唔好呀!!
起身繼續溫溫溫...不停做pure~~~
6pm有得聽饑饉30音樂會...容祖兒真係好有heart~
真係唔係講笑...令我想參加既心越黎越火熱!
夜晚又忍唔住睇下電影金像獎.....
今日溫左好耐下呀....應該坐底10粒鐘~=.=

仲有一日就考pure! 各位pure group既同學都要加油!!
倒數...仲有15日就考晒la~~~~~~~~~ 堅持埋呢半個月呀!!!!!!!

>>April 15, 2007 at 2:38:37 PM GMT+8

2007 年 4 月 13 日 星期五 【晴】

原來肥斌琴日不停係度唱果首歌係"月球上的人"
黃金少年season3主題曲...我都無聽黃金少年又點會知~=.="
不過又的確幾好聽~ 一個二個都唔肯講係咩歌就真係衰la~
又攪到我真係down 左黎聽....alevel 期間唔聽歌呢樣野真係好難堅持~
算了算了~ 我真係要忍下...呢排做數都係播住宮崎駿既音樂多~
回想當年會考, 溫書果陣又係聽住呢d 純音樂~~
這些輕輕的節奏...不知為何總會令人產生一份感動....長留心中~

今日溫得幾好~ 做左兩年pure...加油!
夜晚6點幾出左去搵媽咪食飯~~ 大排檔~
不過呢度唔同平時果d...因為呢度有炭燒蠔, 扇貝等等...係炭燒呀~
無乜地方有得食炭燒既海鮮~ d蠔仲要10蚊兩隻....好抵食~
好味呀d扇貝...d蠔都唔錯, 我鐘意食熟多過生既蠔~~
雖然10蚊兩隻, 不過都唔係好細隻果d黎........
要推介呀~ 就係安娜餐廳隔離~ 下次食大排檔一於黎呢度試下la~
番到屋企睇左一陣電視...食左好多山竹~ 仲有一粒橙...係一粒~
而家橙又貴又細隻呀...好無聊tim 今日篇日記~ 好la繼續溫書...

講番d有意義d既野...今日同聽日係饑饉三十~
參加左饑饉三十既人要加油呀!! 我諗好ga la....
出年如無意外...我應該會參加ga! 有無人有興趣呀~?

>>April 14, 2007 at 3:15:12 PM GMT+8

2007 年 4 月 12 日 星期四 【晴】

今日番學校拎番前兩日pure份卷....果然低分/.\
寶寶sir話份卷出得有d 怪既, 不過又唔係難.......
真係有d 擔心...大家又爭住問數, 又回復已前上堂既情景....
同學A: "跟隊呀寶sir",同學B:" 我都係呀寶sir",胡同學:"寶sir呢度有問題"
真係很攪笑~ 寶sir 都會笑笑口話要排隊~~
問完數我地去食飯~~ 估唔到pure group仲有呢個機會一齊食飯~
食pizza hut~ 其實真係諗過唔去, 因為自修室1點前要入去~
食pizza 一定食超過一粒鐘既......最後~ 我都係決定去~ 哈哈...
今次有13人~ pauline同kitty都無去呀>< 真係可惜...
呢餐飯少有地由男同學發板~ 佢地揀黎揀去好慢呀真係...
大家都係三五個自己傾計....無法la, 坐長檯~ 寶sir唔係坐中間~
不知不覺餐飯都食左兩粒鐘~ 其實我都諗過提出話走~
不過無人出聲wo.....=.=" 或者大家都唔捨得番屋企溫書~
哈哈~ 最後我地兩點幾先走~~ 本來想番屋企溫...
不過皇上問我去唔去mc cafe 溫....諗諗下又好~
溫到5點半就過番自修室溫lu....8點走人~~

約左杰杰同kiki 食晚飯~ 味千拉麵,
果度既鰻魚炒飯幾好味wo真係~
明明講左10點前要走, 最後都係無走到......=.="
食餐飯都食咁耐~ 真係有d罪惡感ga....
不過...忙裡總要偷閒, 只係同朋友聚一聚~~
又唔係hea左d時間.....都唔算浪費丫~=.=
同埋總會覺得, 就算我呢三粒鐘有溫書~
呢三粒鐘既成效都未至於令我升一個grade~
而且休息一會可以減壓丫ma...=.= 對考試都有幫助~
我真係一個太懂得減壓既人~ 哈哈.....
仲有, 可能溫書的日子太悶~ 今日見到你地幾開心!
好似有d natural high~ 傾下計已經情緒高漲, 塊面都紅晒~ 哈..
要回應楊千嬅果句:"世界上有一種朋友......" (自昨日的那篇日記)

>>April 14, 2007 at 6:26:53 AM GMT+8

2007 年 4 月 11 日 星期三 【晴】

HAPPY BIRTHDAY TO yinghaulau
祝高考成功!!!! 不過我諗唔洗祝la.....因為你實掂既!
同埋應該祝你快d搵番個就真...=P

今朝難得8點半起左身~ 媽咪話去飲茶~~
溫左一個鐘先出去飲...間稻香裝修好lu~
飲完茶之後番黎再繼續~ 似乎今日有d 慢...
希望今晚可以追番la~ 唉我琴晚好似發夢夢見d function...
似乎真係有d 壓力.....仲有4日~ 希望真係可以..........


琴晚千嬅上"架勢堂"做嘉賓, 講左一句說話:
"世界上有一種朋友, 唔洗成日見到, 可能隔左成十年無見,
但係一坐低食飯見番面, 大家就好似無分開過咁~"

>>April 12, 2007 at 12:44:18 PM GMT+8

2007 年 4 月 10 日 星期二 【晴】

今日除左溫書之外, 亦做左件好有意義既事...
就係煮番幾味! 今晚既晚餐全部都由我買同煮ga.....
有湯有肉有菜...仲有整左兜沙津~~
因為見到有罐荔枝就黎過期, 屋企又好多生果~
就不如整沙津la~~ 雖然成餐飯攪左2粒幾鐘...=.=
好似好浪費時間......不過真係幾滿足~~
仲有試下整呢個碎肉茄子, 估唔到炒得幾好味.....
媽咪都話好香...哈哈~ 今次可以正正式式話比人知我真係識煮野食la~
雖然我d時間應該用黎溫書...不過其實都無乜大礙~
都幾好玩...當係玩煮飯仔丫ma~ 要調劑下...=.="my god....
今日都叫算係做左兩年pure....不過只係section A咁解~
前兩日都早訓...今晚開始要keep 番溫到1點半先可以!!!
我會盡量睇下section B ga la.....如果未來呢5日每日做兩年,
10年都叫做對得住自己既數字丫.....不過應該無可能~=.=
做一年都6粒鐘la...好la....或者都係做5年睇5年丫...


夢
每次都係好多野想講
最後都係無講到

>>April 11, 2007 at 3:41:20 PM GMT+8

2007 年 4 月 9 日 星期一 【晴】

寶sir......點解份卷咁ga??
一邊做, 都覺得自己浪費緊時間同埋浪費緊d 紙.....
=.="好難呀.......點解寶sir 你要打擊我地既自信??
唔記得左寶sir今晚先番, 所以佢淨係留左兩份咁既卷比我地~
感覺上paper 2 識多過 paper 1~ 不過feel 到paper 1會極低分~
雖然今年syl cut 晒d難野...不過原來我地讀緊既野係可以出到咁難~
寶sir~ 好在你唔係d 出卷員jar....如果唔係就真係死la~~

心情不太好....除左受到寶sir份卷既打擊外.........
還有一些東西, 但不知道是甚麼.........
算了算了, 今晚有得睇prison break 是值得高興的事.........
忘記背後努力面前.....pure還有6日時間, 繼續努力!!!!!!

很想看電影

>>April 10, 2007 at 11:35:11 AM GMT+8

2007 年 4 月 8 日 星期日 【晴】

聽日pure post-mock
唔知著校服定便服, 睇下手冊放完假未先~
做左咁多年學生都係而家先發覺~
原來復活節假係放咁耐ga.......=.="
考緊alevel, 最好唔好提放假........
唔知寶sir有冇買手信比我地呢......T.T

>>April 10, 2007 at 4:30:11 PM GMT+8

2007 年 4 月 7 日 星期六 【晴】

真係feel 到自己好需要做下運動出身汗.....
溫書的日子真不健康............
一日到黑就坐係度...坐到腳都痺埋~~
今日出面又有人係度鋸樹....好嘈呀~~~
本來想留係屋企溫都出左去~~
自己一個坐開雖然可以專心d...
不過如果遇著隔離位有d人係咁傾計..就麻煩d la~
今日溫到4點半就走..............

阿諾舒華新力加同埋成龍果個反盜版廣告.....i like it!!
不過好似一日先播得一次.....仲未試過完完整整睇晒成段~
其實我好鐘意佢兩個ga.....=.="哈哈~~
搵日真係要睇多次未來戰士.....已經唔記得左第1集講咩~
仲有呀...我細個真係同過成龍影相ga...終於都比到證據大家睇~
=.=你地覺得呢個細路女似唔似我呀?


很喜歡看舊相片..........

>>April 8, 2007 at 11:50:04 AM GMT+8

2007 年 4 月 6 日 星期五 【晴】

為何有人會在清晨10點在屋外伐木??
給我一點寧靜好不好??="=
又好似琴日咁, 早上溫左陣書, 出去食完飯就去自修室....
夜晚都溫埋~ 溫到8點...弊la~ 今日係自修室食左好多朱古力..
仲有...差d唔記得今日呀wing生日~
無同佢地去食飯tim~ 不過都祝佢生日快樂!
番到屋企先知, 今晚做大話妹大結局!
攪到我又要睇....-.-不過睇完會繼續溫書既~

其實我都唔知應該點, 先可以make a big difference?

>>April 7, 2007 at 2:04:26 PM GMT+8

2007 年 4 月 5 日 星期四 【晴】

今日午餐係同媽咪食上海麵既...之後自修室~~~
再同pauline去mc cafe繼續溫..食左麥旋風~=P
晚上...看過電視後就繼續溫書~ 果然守到承諾, 溫到1點~
睇睇今日既成績先...
home(in the morning): 1.5hrs
study room: 3hrs
mc cafe: 1 hrs
home(at night):3hrs
total: 7.5hrs....但係我又唔覺自己溫左好多野.../.\"
唉......點解我溫得咁慢...................?

今日有少少既鼓勵, 就係m記見到陳鴻鎮同菁菁果陣....
陳鎮鴻話我地勤力...仲對我講左句:你實得既,比心機d~
感動也............>< 我係咪過大反應?不過有人鼓勵下係開心既~
而家我除左想考好個alevel 之外, 都無咩野想做..........
好......我相信我可以..............


即使其他人也以為我已經沒希望
但始終最不想的是令你失望
願你知道

我是忘不了
忘不了
忘不了
說多少次對不起也是忘不了
怎樣也忘不了
我就是忘不了
對不起
你聽到嗎?

>>April 6, 2007 at 5:19:24 PM GMT+8