2007 年 5 月 14 日 星期一 【晴】

今朝比個電話嘈醒左...仲要發緊個夢夢見d狗仔!
係幾咁唔願意起身聽呢個電話...不過~ 呢個電話原來帶好消息比我!!
因為我又有job接la~ 以後星期三又有得教畫畫...好野!!>3<

今日補習兩隻衰仔係我面前食咖哩角同麥樂雞呀...=.=
好似好好味咁~~~ 食完繼續嗌肚餓wo....
同佢地溫左陣書之後, 我決定請佢地食多包麥樂雞~ 因為我都想試下..哈~
今日bio進展得幾好~ 雖然我d bio都係得中三程度........@@
林天瑋同學! 你一定要升到班呀.........

今晚有好多電視睇呀.....而家既生活真係幾輕鬆~~
不過而家首要既目標係賺取旅費!!! 一定要去得成呀!!!

>>May 15, 2007 at 11:39:48 AM GMT+8

2007 年 5 月 13 日 星期日 【晴】

今朝雖然起到身~ 不過見好似好晒咁都係無去swim~
劉曉曉下次丫~^^ 今日有件好白痴既事............=.=
就係msn以為一個叫terry既人係陳偉恆~ 我仲問佢係唔係hk~
佢答我番左hk....果個人又誤以為我係佢一個朋友~~
我以為陳偉恆番左黎, 就叫佢即刻比個電話我打比佢....
點知打到去...........=.="我同佢都認錯人~ 好瘀皮.......
最衰陳偉恆呀~~~~~~~~~~ 真係無人知佢幾時番黎law....=.="

今日兩點幾出去搵fung諗住去買飛...原來280已經無晒!!
=.=好失望呀.....又唔知恆man兩個人會唔會去~
都係算la...食埋個tea就番sch hea 陣~~ 又同林琪琪吹水...
原來佢都想睇"男人之虎"~ 可惜我陪唔到你tim.....
我地班AL前已經買左飛~=.="勁....不過我都想約你睇"一期一會"wo..
嘻!! 原來佢對音樂劇都幾有興趣.....諗左一陣就應承左我lu~
真的很開心~~~ 一於補完習去買飛.....今日幫佢地補習好hea呀~
又比隔離組感染tim....比左好多時間佢地休息~ 聽日唔準咁呀!
臨尾同個男仔傾計...睇黎考試之前要幫幫佢惡補下先得...
佢仲講起佢女朋友~ 我都未聽過有人拍左一年拖只係去左6次街...
f.3仔會咁既咩? 不過你都係比心機d讀書把la~~ 哈哈..
完左補習就去買飛lu....尾場無晒好位~ 400都要樓上..../.\
好la尾2果場都好la...個位都應該ok既~ 嘻嘻...實在是十分期待!!

>>May 14, 2007 at 1:35:16 PM GMT+8

2007 年 5 月 12 日 星期六 【晴】

mother's day~ 今朝諗住同媽咪飲茶ga..不過等左好耐位~
都係去第2度食算....維園都幾好~ 飲茶平日飲都得既ja....
今日買左本旅遊雜誌睇~ 好多野睇wo原來~~~
好想睇下legoland..仲有果d大英博物館同羅浮宮......
唔知幾時先有咁既機會?今日晏晝番到黎都係hea下hea下~~
同學錄果度又無乜進展....慢慢來吧.........
今晚都係等媽咪番黎~ 煮野比佢食...-.-還可以吧~
食好野都係後補la.....今晚d時間過得好慢咁~~
聽日唔知起唔起到身呢....我都想游下水不過又怕晒wo~~~~

咁遲先知"一期一會"有rerun...真係好out 呀我~
有d想睇....都幾想睇......要睇呀我要睇呀~~~

>>May 13, 2007 at 4:05:58 PM GMT+8

2007 年 5 月 11 日 星期五 【晴】

今朝去天水圍教畫...今堂得4個人~ 舒服好多........
下一堂收番正式人工~ 傾番都係得$65一堂~ 其實都唔差既如果少人~
都係想暑假有得繼續教ja~ 而家當熟習下先....唔好怕蝕底><
教完畫番元朗搵杰杰同kiki 食lunch~ 一見到kiki 就真係要串下佢先...哈~
行左陣街我地又走去mc cafe食雪糕~ 無耐後tommy學完車搵我地~
打左陣機~ 又成日包尾~ 打機都係唔岩我..=.=" 無端端即興打邊爐.....
本來有d唔想...不過其實都好既~ 好似好耐都無同你地打過邊爐~
地點當然係我屋企....約人約人~ 杰杰擺明姐為難我ja~~=.="
最後計埋媽咪都有7個人~ 唔知點解...我地好耐都無影過大合照lu~
其實有d想影, 不過最後都係無左件事.......
丫今日鄭舜豪表演左佢食粟米既絕技比我睇.....好叻wo你!!!!!!!=/
打完邊爐有西瓜食~ 媽咪見鄭舜豪唔食~ 就問我佢咩野名....
哈哈~ 媽咪聽完就話juno好猛wo....笑死我地~ 不過佢都係死都唔肯食~
juno話西瓜寒涼.....我突然諗起皇上有次話食芒果濕熱~=.="男人?
今晚佢地都係11點幾就走~~ hee...考完AL~ 終於大家可以一聚食餐飯la~

很令人討厭 或已經是煩厭

>>May 12, 2007 at 4:49:50 PM GMT+8

2007 年 5 月 10 日 星期四 【晴】

今日受到菁菁既邀請~ 去neway唱kkkkk!!!
如果無記錯對上一次唱k應該係上年生日果排...姐係10個月前~
我已經遲到ga la~ 點知kaman仲遲!果對情人真係唔應該叫我地兩個黎~
哈哈~~~ 唱完k..我同kaman去睇下買咩比萬老師~
真係好...終於都解決左呢個難題!! 好想快d約出黎見面~~~~
之後我去搵劉曉交低袋禮物比佢...then去果間補習社擺低d畫~
問埋佢d人工點計...果然佢真係未答到我住~要睇下收生點....
不過佢都話大約會5,5分脹~ 係就真係幾好....呀老細你唔好呃我~
夏日炎炎都係番屋企...又要攪同學錄~ 又要改改改改改......
又搵唔到新圖....真係想死.......不如全部用晒同一個background算la~=.=
聽日又要去教畫lu.........真係要早d 訓~~~

>>May 12, 2007 at 3:54:15 PM GMT+8

2007 年 5 月 9 日 星期三 【晴】

今日同媽咪去左生活知味食lunch~ 好耐無食過…
之後仲有三兩個鐘得閒都唔知點算好~ 好在劉曉收留我…
買左隻碟上佢度睇~ 穿prada的惡魔都幾好睇, 有好多靚衫….
佢夠鐘去幫人補習, 我都係時候番學校…不過果陣先3點~
上左library又搵下有冇書岩…..不過最後諗諗下終於都有d idea~
4點幾開始幫佢地補….今日又係得兩個男仔~~
不過肥佬仲得閒~基本上淨係幫個女仔補, 其他人黎都唔知做咩…
6點準時收工la…..番屋企~ 同學錄終於都有d進展….
不過呢6個鐘先整得4頁~ 用電腦整真係好好好好好麻煩!!!
真係命都無…..我可能要重新考慮係咪真係讀CM~@@"

>>May 12, 2007 at 3:33:28 PM GMT+8

2007 年 5 月 8 日 星期二 【晴】

好唔鐘意天后誕.....又封路~ 今朝11點去天水圍又見工....
黎到真係o晒嘴~ 應該有成10個人見.......不過我有信心!
做recept+間中要幫手教畫畫....好在帶埋d畫既影印本黎~~
佢見其他人平均見5mins一個~ 但見我就見左10mins.....
應該有機掛?? 如果做part time就淨係五六日, 真係岩晒!!
做呢邊好過做補習中心教畫果度~ 希望掂la!!
見完工番元朗搵媽咪飲茶...天氣真係好熱~ 頂唔順番屋企換件衫先~
hea左一陣又出番黎..番到學校library勁多班入面既人~
兩組人練oral.....本來想傾下同學錄~ 不過睇黎d公仔真係唔太得....-.-
唔覺唔覺又夠鐘補習....文sir叫我接手kitty果組~ kitty就去幫小研手..
原來呢組有個男仔係光明, 又係萬老師做過班主任, 仲要係kaman個表弟..
今日佢地都幾好...尤其係另外個男仔好唔鐘意數學都做左好多~
真係好好好好好........呢份補習d時間真係好易過~ 幾好!

24都好睇~ 睇到第3集...比較之下都係prison break好睇兩倍唔該!

同學錄, 還有我的燒碟機..........
那麼廢!!! 唔開心呀..........

>>May 9, 2007 at 5:14:49 PM GMT+8

2007 年 5 月 7 日 星期一 【晴】

今朝畫左幅貝多芬....竟然都幾似!! 哈..炭枝真係好好玩~~
hea成成朝都未肚餓~ 仲等到3點幾先出去.....
去in間補習社既教畫~ 點知......原來果隻之前未開過畫班~
佢想keep我d畫貼出黎招生~ 有人報名先有得教.......
到時多唔多人學又唔知...人工又無講點計~
真係要諗諗.....我又怕如果到時開到班la~ 人工低就可能唔教~
無理由同佢傾人工ga ma...-.-點好呢??不過放d畫係度應該無壞掛??
之後番學校補習...文sir叫我幫kitty果組~ 不過d f.3未放....
我見林琪琪果度咁多人就幫下手...有個細路好鬼麻煩~
最無奈係對我地講粗口...講左都唔知有冇廿句~
佢咩都唔肯做...真係辛苦晒呀琪琪~~ 好慘......=.=
我就同其他人一邊吹水一邊教少少英文...而家d f.1都好純下~
到5點上去幫kitty果組lu...佢地都肯做野~ 用心d教佢地就肯學....
都幾有成功感~ 教兩粒鐘就走得都真係算唔錯.....
聽日又有份工interview...做咩無端端咁多工比我揀~ 不過都係請我先算...


我應該係日記度講左十次都有~ prison break 真係好好好好睇...!!

>>May 8, 2007 at 3:51:32 PM GMT+8

2007 年 5 月 6 日 星期日 【晴】

終於考oral~~ 今朝11點番學校練...仲練左兩次先食lunch~
william都算係咁....食完lunch番黎自己練左轉~~~
呢次好緊張...佢地都叫我be confident...=.="okok...加油~
同陳鎮鴻&周情婷一齊去屯門~ 又同周情婷同一間sch...
不過始終都撞唔到同一組...我仲要等到第3組~~~
同組既人都同我差唔多level~ 總知就無勁人....
不過我無做最勁又無做最差果個.....都多point~ pass到既應該!!><
番元朗搵媽咪食飯....收到劉曉曉個電話~ 叫我聽日去in教畫~
好野好野好野....in得成請你食飯呀下~~ 真係唔該晒!
我決定左做番學校份補習la....真係要張就下~-.-教埋畫應該差唔多既...
最好broadway請埋我做part time~ 咁d時間就fit 晒!!

琴晚我發夢置身於侏羅紀公園...但係又好似學校裡面咁~
=.=比d恐龍追........真係夢境如電影~ 仲真過電影....幾嚇親~~~

>>May 7, 2007 at 3:03:28 PM GMT+8

2007 年 5 月 5 日 星期六 【晴】

朝早同媽咪去飲茶..試下間新野~ 不過好難食...=.=
行左陣, 又去睇狗仔....又見到史立莎BB狗~ 好想好想要呀!!
原來要$3500一隻...咁貴ga原來~~=.=
當年我隻狗狗係daddy既同事送, 不過都封番500蚊利是過佢~
曲架黎, 仲要只係一星期大~ 真係好抵..........
不過真係好可惜只係養左兩年多d~/.\

晏晝搵杰杰出黎, 問佢拎body shop 野la又...唔該唔該晒~
行左陣街...買左兩件T呀~><真係忍唔住.......
最衰肥斌借左張會員卡比我......哈哈~ 杰杰又買左一件.....
真係最衰無野做......一無野做得閒就行街就買野ga la~~

買左一盒仔炭枝番屋企試下畫...好平jar wo原來~ 10蚊有幾支~~
畫完呢幅畫~~ 我就知道....應該唔洗去學lu~
哈哈...第1次畫算係唔錯唔錯~~ 用番平時素描既技巧.....
用炭枝感覺有d似用粉彩....d色好出! 好鐘意呀~~~~
而且快畫完.....真係岩晒~~~~~~~~ 有d新野寄託la~
等我畫得再好d, 大家就唔洗比幾十蚊出面畫人像la...搵我la搵我la~
第時流浪都可以畫畫搵食呀.....((發夢中))


菁菁=.=...想我點應你先??

>>May 6, 2007 at 3:16:57 PM GMT+8