2007 年 9 月 22 日 星期六 【晴】

呢排好多朋友請食飯, 因為我就黎生日啦! 哈哈!

首先我要多謝既係舉鐵加功夫既志同道合既友人強尼! 因為佢送左盒月餅俾我! 真係要多謝佢!

第二係呀珍妮同啊禧, 佢地琴日請左我去食葡國野, 好多肉 ... ... 0岩我!

我三就梗係要多謝啊偉, 國光, 啊芝, 木棍, Ivy ... ... 佢地係好耐之前請左我去打邊爐!

我同大家講由於本人長期浸淫功夫, 好耐都未試過今個月0甘去0甘x多街! 宜家仲舉x埋鐵, 所以根本上係練野都唔夠時間, 又點會鍾意去街 ... ... 除非要買野啦! 唔係都好少去街 ... ...

>>September 22, 2007 at 10:02:12 AM GMT+8

2007 年 9 月 18 日 星期二 【晴】

<舉鐵日>

琴日我又去左舉鐵, 今次係第十次去, 俾左九舊水, 玩多三個月, 本來想昆佢可唔可以俾著三百蚊一個月甘俾, 點知又昆佢唔度, 哈哈! 我個九舊水就甘俾左"勁力"呢位馬叔. 佢同我講:"等我睇下你, 你都玩左一個月, 都開始走橫 ... ... 你宜家要開始練多0的手, 係對手度落多0的功夫!"

照我宜家個進度, 我練多半年會變左0的大隻佬甘 ... ... 好可能會變左師父所講既猩猩玩拳, 哈哈! 其實琴日勁累, 勁唔想去, 不過最後都係去左玩 ... ... 仲玩多左一粒鐘 ... ... 沖埋涼, 冇打機, 即訓! 其實如果有沙包打仲好! 不過我仲未搵到一個好地方 ... ...

呢期我research好多有關詠春既資料 ... ... 考埋斬馬刀, 學埋套三節棍拆槍同單雙鞭 ... ...

我諗係時候學0的新野 ... ... 因為佢好窄同好埋身, 係屋企間房, 舉完鐵又玩得 ... ... 你同講你0係屋企點掃腿同打連環腳 ... ...

我剩係可以係我間房玩到三仔x ... ...

>>September 18, 2007 at 3:29:55 PM GMT+8

2007 年 9 月 15 日 星期六 【晴】

<玩大左>

今日係真真正正玩大左, 因為今日唔知醒起身, 起身個陣已經八點九 ... ... 沖克涼第一件事就係打俾腦細, 話俾佢聽我唔知醒, 可能要晏少少先返到公司 ... ...其實本來諗著九點半一定返到去, 不過都係得個諗字, 因為去到地鐵站入埋閘先知唔記得袋個眼鏡 ... ... 又返番屋企, 又諗著搭的返公司, 不過最尾都係搭地鐵 ... ... 十點先返到公司 ... ...

>>September 15, 2007 at 10:33:09 AM GMT+8

2007 年 9 月 14 日 星期五 【晴】

呢排都唔係日日寫日記, 可能冇咩特別野要記掛 ... ... 不過可以好肯定詰俾大家聽, 只有一個字係可以形容我, 就係累 ... ...

我八月十六號個陣去左0係佐敦一間叫"勁力"既健身中心玩下健身, 哈哈! 下個星期一就夠期俾第錢 ... ... 一俾就要俾三個月, 合共九百大元港銀現鈔, 我宜家考慮緊仲玩唔玩落去 ... ... 因為我去左九次, 已經0的衫開始唔岩著 ... ... 覺得緊! 有諗過keep著去玩, 但係又有諗過不如攞呢畢錢去玩第二門功夫, 因為我呢0的資金有限既人, 唔可以咩都去學, 一定要揀一樣, 仲有係個時間係幾耐, 可唔可以睇番我以前學過既野 ... ...

我覺得我地係好少對練, 我想, 但係第二個唔想, 所以係可以話冇得練, 功力宜家係不斷0甘增進緊, 好想去試下手, 但係唔好意思, 又係冇人同你去打, 同埋冇得去打沙包 ... ... 好多較正統同比較正規既打擊練習係十分少 ... ... 我又有諗過俾錢去買0的設備番黎俾個會, 所以我係要考慮勁多野, 然後先去學其他 ... ... 可以我都係得個諗字, 不過我都係以個會行先, 有咩都同啊師父傾下先, 不過係大前題下都係學埋師父0的野先! 哈哈!

啲腳真係要練 ... ... 係唔掂, 踢唔起個隻 ... ...

等我宜家諗下有咩programme係俾對腳先!

正!

練功夫太好玩了!

>>September 14, 2007 at 12:05:48 PM GMT+8

2007 年 9 月 11 日 星期二 【晴】

我琴日冇番工, 特登請左一日假去見個十九教授 ... ...

其實之前我都有講過, 係我個英文老師介紹我去俾我個中文老師, 跟著我個中文老師介紹我俾個教授, 我地就話星期四去見下 ... ...

好啦, 前事不提, 佢話俾多0的資料, 叫我星期一再見 ... ...

點知我其實已經早到左十五分鐘, 即係六點十五分已經係門口, 佢個陣仲見緊個人, 我心諗 ... ... 等下啦, 等到六點半, 佢地咩都搞掂啦!

點知我等到六點七, 佢先至出黎, 問我係唔係搵佢? 我梗係擺到明係搵佢啦! 唔通去佢門口打飛機咩? 你地話係唔係?

佢跟著就問我係唔係有0的資料俾佢, 我話係呀!

隔離個條友跟著就係度望下望下 ... ...

待續 ... ...

>>September 11, 2007 at 2:23:12 PM GMT+8

2007 年 9 月 8 日 星期六 【晴】

好耐冇寫日記, 因為有時好忙, 有時就唔記得, 有時就太難, 有時就太累 ... ... 你要寫仲係會有理由, 而唔寫都有好多理由 ... ... 總之宜家開始寫 ... ...

星期一去左舉鐵, 其實舉鐵真係幾好玩, 可能以前太過著重係太單一既訓練, 係0甘練, 係0甘練, 係0甘練 ... ... 好似唔知點0甘 ... ... 一舉完鐵已經超累, 冇練八卦棍啦 ... ... 同冇負重出拳練習 ... ...

星期二我都唔係幾記得自己有冇操野, 應該係冇既居多 ... ... 好似去左happy hour ... ...

星期三就一定有練, 因為係返城大 ... ... 不過又係練得唔多, 因為要教leo ...

星期四又係舉鐵之日, 今次有呀強尼加入, 佢話原來想玩大隻好耐, 不過冇人陪 ... ... 其實練好0的手力都好, 因為我好個會除左枝昆典, 0的兵器勁輕, 唔係太練到力, 所以去搵0的重量練習去幫助拳術, 我覺得係一件好事!

星期五因為太累同懶惰為由而休息一天.

p.s. 星期四個日, 以前係城大教我個珍龍居然打俾我, 話有份工好0岩我, 係做ra ... ... 跟住就交我俾教我中文既呀sir, 佢話啊吳宏一想請ra, 問我o唔ok, 梗係話ok啦! 唔通話唔好咩 ... ... 即日就去見 ... ... 佢問我有冇resume, 好彩有! 不過佢小我話我中文得e, 話唔掂 ... ... 佢叫我星期一再攞啲資料俾佢睇下, 即係second in ... ...

去試下 ... ...

>>September 8, 2007 at 11:17:44 AM GMT+8

2007 年 9 月 3 日 星期一 【晴】

話0甘快就九月啦! 我仲差一個月零十幾日就做滿一年, 即係有一年經驗 ... ... 0甘就代表可以搵過第二份 ... ... 不過唔知邊x個話呢個市好0左, 多左人搵工同埋又易左?! 係我唔夠經驗, 定係0的老細一直都唔想俾多0的人工你?! 真係唔知 ... ...

因此冇交上網費, 所以我已經好耐冇係屋企上網 ... ... 經過一0的好冇謂0既嗌交之後, 禮拜三有望可以上番網, 正呀!

星期日之一

我琴日係黃金買左個新喇叭, 正呀! 有bass, 0的音好正呀! 一套係賣三百二十八! 我覺得都唔係好貴, 相比起有0的hi fi友買十幾萬一套, 我覺得我set野已經好x平同好抵玩, 因為都好少買野俾自己去享受下, 人一世, 物一世, 真係要買黎玩下, 唔係貴, 負擔到, 哈哈! 不過係國產野 ... ... 不過0的音 色真係正 ... ...

星期日之二

琴日我又走左去練野, 今次個課題主要係去練對腳, 不過未可始練對腳之前, 我去左跑步, 可路跑, 一路負重出拳, 跑左四百米場 既四個圈之後, 我已經流左勁多汗, 開頭一路跑, 一路出拳個陣已經好想放棄唔跑, 不過點都要完成佢! 宜家0的天氣真係攞命, 成十點幾, 仲要二七度!

跟著就勁練左右掃腿, 同大掃, 個運動場宜家有好多我對腳所做成既"啊力cool"印, 哈哈!

話時話, 我個陣有諗過學下泰拳, 學下佢0的腳, 點知周家有好多腳我都冇練好, 又係自己一種偏見, 係自己練得唔好, 唔好話人 ... ...

呢獲真係玩腳多, 睇黎要操腳練氣反而進境會大0的.

可唔可以再諗四組動作係去練腳而唔係練手?

諗諗下, 係時候要練一字馬 ... ...

>>September 3, 2007 at 3:43:18 PM GMT+8

2007 年 9 月 3 日 星期一 【晴】

分手by Tao Kit

大 學 一 年 級 ， 是 許 多 女 孩 子 摔 掉 舊 男 友 的 時 候 。
一 般 發 生 在 剛 進 去 之 後 的 一 個 月 內 。 人 生 的 新 階 段 ， 大 家 都 該 冷 靜 地 想 一 想 。 你 的 高 考 成 績 竟 然 比 他 好 ， 自 從 八 月 放 榜 以 來 ， 你 們 已 經 心 有 靈 犀 ， 你 進 了 大 學 讀 法 律 ， 他 只 報 讀 了 副 學 士 。 彼 此 心 中 有 一 根 刺 ， 這 是 攤 牌 的 時 候 。

「 我 沒 有 嫌 棄 你 ， 真 的 ， 不 要 那 麼 。 」 你 鼓 起 勇 氣 ， 在 皇 后 碼 頭 圍 板 之 外 ， 吹 涼 涼 的 海 風 ， 你 告 訴 他 你 的 感 受 ： 「 我 覺 得 我 們 的 志 趣 畢 竟 有 點 不 同 。 不 ， 讀 酒 店 管 理 也 很 好 的 ， 你 的 那 一 系 ， 兩 年 之 後 還 是 可 以 跟 一 個 Degree 銜 接 的 ， 希 望 你 振 作 好 好 唸 下 去 。 」

你 沒 有 告 訴 他 全 部 真 話 。 因 為 你 忍 受 不 了 他 目 前 的 地 位 ， 有 一 個 「 副 」 字 。 繼 續 跟 他 發 展 下 去 ， 周 圍 的 朋 友 是 會 笑 你 們 的 。 他 沒 有 說 話 ， 頭 別 過 一 邊 ， 凝 望 維 港 兩 岸 的 一 片 燈 海 。 剛 下 過 幾 天 雨 ， 海 港 的 夜 景 洗 滌 得 一 片 澄 澈 ， 該 是 雨 過 青 天 的 時 節 ， 很 奇 怪 ， 這 時 候 卻 是 一 對 戀 情 的 終 結 ， 你 開 始 意 會 讀 英 國 文 學 的 那 一 科 ， 老 師 所 說 的 戲 劇 境 況 的 反 諷 （ Irony ） ， 到 底 是 何 所 指 。

但 你 不 想 再 拖 沓 下 去 。 與 其 搬 進 宿 舍 之 後 ， 跟 他 漸 行 漸 遠 ， 慢 慢 令 他 知 道 你 的 立 場 ， 不 如 脆 一 些 。 在 生 物 世 界 ， 所 有 雌 性 動 物 只 仰 慕 比 自 己 強 的 追 求 者 ， 而 不 是 相 反 。 他 已 盡 了 最 大 的 努 力 ， 你 知 道 ， 但 第 一 次 戀 愛 ， 男 女 都 同 年 ， 由 一 起 讀 F4 開 始 ， 最 終 都 要 面 對 這 樣 的 考 驗 。

對 他 的 愛 ， 一 切 毋 可 置 疑 。 他 由 於 對 你 神 魂 顛 倒 ， 會 考 溫 習 時 才 無 法 專 心 。 媽 咪 的 態 度 反 倒 很 開 明 ： 這 個 男 仔 也 不 錯 嗎 ， 至 少 他 很 老 實 。 他 唸 副 學 士 ， 我 和 爸 爸 商 量 過 ， 認 為 不 是 一 個 障 礙 ， 不 過 ， 一 切 隨 你 喜 歡 ─ ─
只 因 為 帶 過 他 到 羅 便 臣 道 的 家 中 晚 飯 過 一 次 ， 他 很 狡 獪 地 討 了 你 父 母 的 歡 心 。 但 不 ， 不 可 以 的 。 一 顆 心 變 了 ， 主 意 已 經 拿 定 ， 一 切 不 可 以 再 回 頭 。

一 艘 貨 輪 在 港 海 緩 緩 駛 過 ， 響 起 一 聲 啞 啞 的 汽 笛 聲 。 不 知 何 故 ， 你 的 眼 眶 也 噙 滿 淚 水 ， 他 伏 在 欄 杆 上 ， 嚶 嚶 地 啜 泣 起 來 。 你 的 手 機 響 起 了 ， 是 「 他 」 打 來 的 電 話 ， 那 個 三 年 級 的 醫 科 生 。 你 走 到 一 旁 ， 打 開 電 話 ， 低 聲 說 ： 「 我 已 經 告 訴 他 了 ， 回 頭 我 再 Call 你 。 」 他 的 背 部 在 痛 苦 地 抽 搐 。 你 悲 哀 地 走 上 前 去 。 這 一 夜 的 港 海 為 什 麼 如 此 明 麗 ？ 你 憐 憫 他 ， 有 一 點 點 憎 恨 這 樣 的 Situation 。

貨 輪 去 遠 了 ， 依 依 又 傳 來 另 一 響 笛 聲 。

>>September 3, 2007 at 9:46:42 AM GMT+8

2007 年 9 月 1 日 星期六 【晴】

話呢幾日都冇打日記, 原因係番工忙0的, 同埋唔記得去堅持每日都去寫下, 仲有就係個人有0的惰性 ... ... 一個字, 就係懶, 哈哈!

"星期四"

講番星期四, 我又去舉鐵, 不過今次係第五次去舉, 啲身型開始有小小唔同, 可能開間0野個條友有過0的料俾我, 我係覺得個膊頭實左, 同埋個背係橫左, 不過呢0的都係輔助性質, 唔係主打. 因為前個幾日冇練八卦棍, 覺得未達到自己心目中個目標而心有不甘, 我十二點幾再走落去我樓下去練棍 ... ...

首先係左右手負重六鎊下大八卦 x 1,

然後再練撥草尋蛇 x 5,

再練棍廊 x 1 ... ...

玩左十五分鐘到就番屋企啦 ... ... 哈哈!

星期五就因為太累所以透左一日 ... ...

今日係要打下啦!

>>September 1, 2007 at 12:06:09 PM GMT+8

2007 年 8 月 29 日 星期三 【晴】

0岩0岩又對多杯咖啡飲, 以前我一家落糖加奶, 但係0甘飲法一定好唔健康 ... ... 所以我宜家係飲純咖啡 ... ... 太眼訓, 定多一陣得一陣 ... ...

琴日因天雨同呢個眼訓既關係, 剩係0係屋企練習出拳同埋踢下腿, 不過話時話, 我0的腳唔係踢得好好, 要好好0甘去練 ... ...

>>August 29, 2007 at 5:48:48 PM GMT+8