2007 年 12 月 18 日 星期二 【晴】

條女唔去! 突然覺得非常興奮!

>>December 18, 2007 at 2:35:12 PM GMT+8

2007 年 12 月 17 日 星期一 【晴】

仲有四日就係公司既annual dinner啦! 我真係十分之 期待! 因為有酒飲! 可以話係嘆酒! 唔知係唔係遺傳我老豆呢? 不過佢話叫我千其唔好飲啦! 佢話會好傷身! 佢因為後生個陣飲太多, 當水飲! 所以就有好多病痛! 不過偶然飲一兩杯應該冇咩所謂 ... ... 哈哈! 不過最好就唔好飲啦!

我之前咪話去買左個皮帶扣既, 因為想買番條比較靚既皮帶襯下佢, 點知去左TOUGH買左條, 一心以為0岩啦, 點知太粗! 入到個扣, 但係就過唔到條皮帶, 所以係又唔見左三舊幾水 ... ... 琴日剪完頭髮之後就去搵下, 點知俾我搵度! 七十蚊咋! 0的質數仲係唔錯! 你如果去TOUGH度睇下, 起碼要二百五! 宜家我買呢條係全白爆裂羊皮! 個扣穿左落去真係好正! 如果係黑色都係三十九蚊! 不過我0岩0岩諗度可以殺落去廟街睇下, 哈哈! 不過車錢都係番度啦! 所以都係要度下!

>>December 17, 2007 at 1:16:15 PM GMT+8

2007 年 12 月 15 日 星期六 【晴】

有三日冇寫過日記, 追開我個日記既朋友加讀者加網上來歷不明既人士, 肯定好心急啦! 宜家等我逐一講解!

琴日又去左洗錢啦! 唔知呢排仲咩成日洗錢, 不過我琴日都係貪佢平, 有七折! 先去買! 買左條頸鏈! 同埋一個扣! 又洗左好x多啦!

一陣又要買野!

我瘋了!

>>December 15, 2007 at 12:19:27 PM GMT+8

2007 年 12 月 12 日 星期三 【晴】

琴日又去駛左0的冇謂錢, 搞到自己個心勁唔舒服, 由琴日開始已經開始左"豬仔包計劃"!

豬仔包計劃就係每日早餐只可以食兩個豬仔包, 都係$6!

仲有我係lunch個陣都係飲左一枝益力多! $2!

今日既支出都係十蚊以內!

不過唔計搭車啦 ... ...

冇錢冇自信! 呢個係我個朋友既金句!

我覺得有錢剩先有安全感!

一定要唔可以再亂駛錢!

>>December 12, 2007 at 3:07:08 PM GMT+8

2007 年 12 月 11 日 星期二 【晴】

今日又係晨0甘早開始練打字! 即係寫日記!

自從出黎做野後, 個人諗野有好多唔同既諗法, 比起讀書個陣或者係細路個時既思維模式有唔同既修正, 就係人地宜家好興講既新思維!

千其唔好認叻! 寧願佢覺得你煩都好過做錯! 問多佢幾次! 雖然我內心都諗左好耐, 再問佢會唔會佢覺得好蠢 ... ... 不過我真係唔係好肯定 ... ... 所以我打左好多次俾我個大腦細, 本人既短暫記憶真係非常之弱 ... ... 個腦唔可以係短時間消化好x多野, 又有呢個不知名既焦慮症 ... ... 我如果係唔知頭,唔知路既情況下, 叫我去教野, 我真係好易出錯, 所以我都係覺得創作類既野較為0岩我! 哈哈!

事例一: 琴日一點個陣, 我腦細叫我去銅鑼灣攞野俾我大腦細, 大家估下係咩? 就係六大盒既面紙巾! 你話係唔係浪費緊人力! 佢個邊都有得訂啦! 有時真係唔太明 ... ... 不過我覺得呢個係我腦細既一0的手段, 不過都係唔好諗太多! 扮傻係我既處世哲學! 梗係話: 好呀! 咩都話好啦! 係唔係先?

上到去總部, 我放低0的野之後就攞左三個信封, 勁似去玩game! 跟著就打電話俾我大腦細!

有個信封係寫我個名, 有個係寫我腦細個名 ... ...

我個信封有三張野, 一張係攞cheque既地址, 一張係invoice要俾個條友, 一張係入數既戶口影印本.

待續 ... ...

>>December 11, 2007 at 10:59:24 AM GMT+8

2007 年 12 月 8 日 星期六 【晴】

今日星期六啦! 話0甘快又過一個禮拜! 不能我0係三號請左日病假, 所以就覺得時間好x快過 ... ... 琴日有去玩x叔0的野, 即刻覺得條氣順番!

為身體健康真係要操下!

>>December 8, 2007 at 12:27:59 PM GMT+8

2007 年 12 月 6 日 星期四 【晴】

琴日又出左街啦! 呢排真係日日出街, 好少係屋企食飯 ... ...

我同啊細佬主要出去睇衫!

佢睇仲左條"你塊屎"! 即係levis!

係新出既503黎架, 都好靚呀!

佢入到去, 我勁叫佢去試, 佢係都唔肯去試 ... ... 終於佢去試左, 佢著得幾好睇, 0岩晒佢個style!

我知佢冇錢, 所以就唔多想去試啦!

0甘我就送左條牛仔褲俾佢啦!

我地都係要對屋企人好0的 ... ...

你洗錢落條女到, 佢唔多謝你之餘, 仲會好似一定要買俾佢0甘, 仲要俾氣你受, 所以買野俾屋企人係最好!

你買野俾女, 即係幫人養女, 呢個責任你係唔需要負, 仲有都冇益既!

又唔見佢買番0的野俾你!

你會好side錢0甘去買野俾佢, 佢只係會好求其0甘買俾你, 所以真係唔好太side錢!

錢係十分之應該洗係自己同屋企人先!

因為佢地到最後都係係屋企人!

兄弟如手足!

屋企人都係最重要的!

大家係有唔同意見, 希望大家多方忍讓, 大家都係屋企人!

我終於諗通左!

>>December 6, 2007 at 2:02:58 PM GMT+8

2007 年 12 月 5 日 星期三 【晴】

講下呢幾日做過0的咩先 ... ...

琴日都係番工加收工, 不過同啊健0係msn傾0左兩句, 佢宜家有工番啦! 佢做記者! 0係星島! 勁呀! 不過番工既時間比較晏 ... ... 係呢度唔係0甘好, 其他我就覺得非常好啦! 佢話佢宜家後生想搏下! 睇見佢0甘有鬥志, 我都幾慚愧啦! 哈哈! 因為我宜家真係極頹 ... ... 成日唔知做咩好 ... ... 係叫有工番下 ... ... 前途就唔想多講啦 ... ... 因為我都唔知自己0岩做0的咩 ... ... 我遲下要約下啊健食下飯!

不過我以前0個0的同學仔宜家唔知做成點? 係以開心既指數去計算? 定係以k($1000)既數目去睇0個0個人有幾成功? 我以前究竟有幾多係14k既成員? 我識得有3個 ... ... 但好似未有人係15k ... ... 我希望出年有10k!

講番星期一, 我係冇番工既 ! 點解? 因為我再次享用員工福利, 就係請病假!

當日行程:

1. 一早就去睇醫生!

2. 然後去食一個好正既無敵早餐, 廿一蚊! 有個麵, 有杯野飲, 有塊多士, 有個火腿x烈 ... ... 我次次睇完醫生都係食佢! 太正啦!

3. 然後去打機! 係去機鋪! 打左都有七十幾蚊! 最後去左食飯 ... ...

4. 番屋企睇左唔知幾多分鐘既電視, 直落又打機!

5. 最後又殺落去旺角睇槍!

>>December 5, 2007 at 10:39:06 AM GMT+8

2007 年 11 月 30 日 星期五 【晴】

今日出左糧啦! 不過出糧又等如冇糧 ... ... 今個月又唔知點捱啦 ... ...

每次0係xanga搵佢既日記, 個心都係有一種酸溜溜既感覺 ... ... 好多年都係0甘 ... ... 個種係純幻想既感覺 ... ... 成日0係度諗, 同佢一齊會點呀? 以前0係我個腦都只係得想像既畫面, 成個世界剩係得我地兩個, 不過當我大個仔, 做左一陣野, 有0的錢, 同埋拍過一次拖 ... ... 我覺得同佢一齊pk既機會一定好大, 因為有一個好重要既因素 ... ...

李小龍話最大既敵人係自己, 而我話最大既敵人係錢 ... ...

錢唔係萬能, 呢個大家都知, 不過錢係可以解決好多問題 ... ...

我有個好朋友, 佢話冇錢冇自信, 冇興趣, 我初頭當笑話聽, 跟住我就覺得佢講得好有道理!

有個錢, 你講句野都大聲好多! 人地話你寸, 話打你, 佢真係打你, 你俾佢打, 你去驗傷, 請律師告佢, 你有錢, 可以拖住玩, 佢打你一拳你一早唔痛, 你宜家計下邊個傷0的? 所以真係唔好係又打, 唔係又大 ... ...

有錢你有煩惱有人同係解決, 冇錢有煩惱自己解決!

有錢可以請人同你打日記, 冇錢自己打 (本人就係)!

有錢可以出好多氣, 冇錢要谷埋好多氣 ... ... 有次有個阿拉伯油王去到一間香港酒店, 服務員見佢0甘既x樣, 借意留難佢, 又話冇房冇物, 呢個油王谷x氣, 轉頭就走左, 第二日個集團易左手 ... ... 俾佢買左易 ... ...

有錢可能週遊列國, 冇錢就望住身邊幾隻角 ... ...

仲有好多 ... ... 不可盡錄, 希望大家有錢 ... ...

同心中快樂!

>>November 30, 2007 at 4:25:28 PM GMT+8

2007 年 11 月 29 日 星期四 【晴】

呢排冇咩特別野煩, 剩係有樣野煩 ... ...

>>November 29, 2007 at 10:16:04 AM GMT+8