2007 年 10 月 16 日 星期二 【晴】

"小學生既英語問題你會唔會答錯"

大家對上面個條問題點睇, 係唔係覺得明呀?咩問題都冇?

但係我覺得呢一類既問題其實係好大問題, 因為佢一早有個預設既語境去問人, 如果係0甘, 呢條問題唔中立, 有偏頗, 佢已經係預左有一定既答案, 即係佢根本就唔係一條問題! 我地宜家既生活就係俾呢類所謂既十九問題所沖激 ... ...

上面個條問題既本意係話小學生程度既英文你都唔識?! 0甘我又想問下係唔係小學生入面教既英文你都識曬?! 仲有引伸到係唔係小學生呢個程度係唔係就好低?! 係唔係你係問呢條問題之前你又完全精通所有既小學課程入面0的問題? 仲有你係基於咩層面去睇小學生程度既問題? 係唔係因為你係中學, 或者係大學既程度?

問呢類問題都係有一種情緒上既發洩, 有一種以大壓小既權力心態 ... ... 都係歸於精神亢奮個類 ... ...

待續 ... ...

>>October 16, 2007 at 10:28:56 AM GMT+8

2007 年 10 月 15 日 星期一 【晴】

0岩0岩十點半, 又係打日記既時候, 所以我成日0係度諗, 我係公司同係屋企其實都係一樣, 都係對住個電腦, 唔知做咩 ... ... 有時真係想檢討下自己既工作態度, 但係我諗諗下 ... ... 其實都係冇咩好檢討, 都係有野就做, 冇野就係度扮冇野 ... ...

我同大家講, 番左工0甘耐, 最難就係扮忙 ... .. 當係你真係一0的野都唔洗做既時候 ... ... 扮忙其實真係極之痛苦 ... ... 你一日八個鐘俾盡你, 你都係睇兩個鐘頭網, 之後真係咩都諗唔到仲有咩去做!

我宜家真係九點二先番到去, 跟著搞呢搞路, 沖下咖啡, 食兩個大包 ... ... 個陣已經係九點七! 跟著隔一排就去爆石! 個陣已經係十一點! 搞下搞下又到十二點! 真係唔到你唔信光陰似箭呢句說話!

跟著就係食飯!

食到十二點半就去打機! 今日玩頭文字D0係第二鋪個陣, 本來會再輸, 點知我用計, 俾我用左兩個好靚既彎, 接緊飄移! 就0甘win左!

打到一點就番公司 ... ...

之後就搵左0的十九資料 ... ...

搵到三點半, 然後就打日記, 等收工!

>>October 15, 2007 at 4:22:40 PM GMT+8

2007 年 10 月 13 日 星期六 【晴】

大學個陣, 因為識到個朋友, 佢係勁留心時事既人, 我就係因為0甘開始收聽網上節目.

以前人地係收音機講咩政制發展, 我真係唔知佢地講咩, 但係宜家我已經開始了解香港發生咩事 ... ...

>>October 13, 2007 at 10:14:08 AM GMT+8

2007 年 10 月 11 日 星期四 【晴】

琴日八點先返到去, 太晏啦! 下次都係叫呀大隻森早啲返去 ... ... 教完人, 十點鐘先玩野, 練野 ... ... 係教學經驗晚晚增長既同時, 自己既野就少左練 ... ...

我腦細今日又叫我搵埋0的十九資料, 搞到我宜家都唔記得0岩0岩想講0的咩 ... ...

他媽的!

>>October 11, 2007 at 1:15:46 PM GMT+8

2007 年 10 月 10 日 星期三 【晴】

今日係雙十節, 我地真係要為呢個真正既節日好好慶祝一下!

待續 ... ... 因為好x眼訓 ... ...

>>October 10, 2007 at 4:13:20 PM GMT+8

2007 年 10 月 5 日 星期五 【晴】

因為星期三體力超支, 導致星期四體力嚴重下降, 所以琴日係冇去舉鐵 ... ...

由於我腦細叫我去搵一0的我認為夠, 佢永遠認為唔夠既資料, 所以我一搭正十二點就熱飯, 到十二點半即離開, 閃! 行下街, 去左"大火雞"買左幾件衫. 好平, $69一件, 買左三件, 一件俾左細佬.

我一心諗著買條牛仔褲, 都行左幾日啦, 心思思, 日日都係掛著levis 501牛仔褲, 因為細細個睇電視個陣睇過個levis廣告, 我已經開始鍾意呢個品牌, 正呀! 最重要係我有一條褲要改褲腳, 但係就成日冇去搞, 又加上好耐冇洗, 諗著改完先洗, 就咁放左係膠袋 ... ... 仲有我呢排著個條已經有好長時間冇洗, 所以琴日去左買左條褲啦! levis 501! 正呀! 琴日就0甘洗左成千 ... ... 要慳0的 ... ...

有個牌子叫edwin都好正, 有個503既型號又係好正, 下個月要整番條, 不過要睇下夠唔夠錢先 ... ...

>>October 5, 2007 at 11:37:44 AM GMT+8

2007 年 10 月 3 日 星期三 【晴】

今日超正, 因為我公司入面個腦好細既人冇番, 即係腦細0番, 話唔舒服請病假喎! 但係佢把聲聽得出又係勁精神個隻, 佢話請, 唔通話你把聲好x精神, 即刻番! 哈哈!

所以我到十二點, 即刻走出去睇野, 目標係睇衫!

去左ice fire睇左見衫, 睇左有幾件, 有件係$100暗灰藍既皇冠衫, 另外一件係$120既魁男學校既tee! 兩件都ok, 不過冇買 ... ...

跟著去一左間好平既鋪頭睇衫, 真係好平, $30-$69, 睇中幾件, 又係冇買 ... ...

沿途有幾間好平既鋪頭, 都入左去睇0的恤衫, 真係好平, 又係$69, 不過又係冇買 ... ...

好x累 ... ...

宜家訓一陣先, 一陣再寫 ... ...

>>October 3, 2007 at 2:39:36 PM GMT+8

2007 年 10 月 2 日 星期二 【晴】

有時有好多野係個腦到, 到想去寫個陣, 又有另一個念頭產生, 可能我個日不嬲都好多野諗, 諗下個0的又諗下個0的, 就好似人地成日話: "咩你0甘多諗頭?"

如果搵到一份幾好既工, 我都想去讀下書, 因為我覺得有0的書讀下, 個人唔會0甘浮, 讀中文就為左興趣, 讀英文就為左搵食, 不過如果係讀都係讀語文, 哈哈! 佢始終都係我興趣!

>>October 2, 2007 at 12:59:20 PM GMT+8

2007 年 10 月 1 日 星期一 【晴】

鐵照舉, 功夫照玩! 詠春都係要諗下先 ... ...

>>October 1, 2007 at 6:13:03 PM GMT+8

2007 年 9 月 22 日 星期六 【晴】

仲有三首就學完, 我諗都要去計劃下我之後既路係點走 ... ...

0岩0岩去廁所時, 我有諗過去周遊全世界, 去學佢地唔同既武術, 去講手又或者交流下大家既心得, 仲有係希望通過今次交流去睇下一地既訓練模式! 不過最緊要係有一定同足夠既金錢! 冇錢你係李小龍都假, 所以我都係去諗下! 哈哈! 不過有時諗下都係一件好開心既事 ... ... 哈哈!

我其實好矛盾 ... ... 就算我學完師父0的野, 當我真係玩得好x好, 咁之前學個0的又點?

第二, 我學完0的野仲番唔番去? 因為又玩舉鐵, 又玩周家, 又玩第二門野, 0的時間又點分配?

第三, 我去學個樣野, 如果係俾我宜家玩緊個門仲正, 我又點選擇?

第四, 我係用一個新仔既心態去學, 定係用觀摩引證既心態去學?

第五, 我學完第二門0的野, 0的功夫係唔係會好左?

第六, 我俾幾多時間去睇人地0的野?

雖然我有好多好多問題, 不過一諗到學人地0的野, 我心情就好興奮!

有冇人可以答下我0的問題?

定係唔好學呢? 去一路安份守己呢?

我突然間覺得呢四個字好好笑, 因為我不嬲唔係一個安份守己既人, 哈哈!

不過話時話, 我係好珍惜我同師父既緣份!

>>September 22, 2007 at 11:56:13 AM GMT+8