2005 年 11 月 4 日 星期五 【晴】

今日第一堂中文堂~無幾耐就過左~第二堂geog~佳樂個頭成日阻著我視線~不過我都冇同佢講~我知佢一定串番我ge...跟著電腦堂~又係好快就過左~小息之後mmlc~睇M.J~跟著又係geog~跟著account~我覺得miss葉係咁多個教我ge老師講野最悶果個~lunch去左飲茶~返到學校係maths~明明地~跟著中文堂~放學去蝴蝶練波~

聽日去謝sir婚禮~一定好開心!

生日快樂bo....小朋友

>>November 4, 2005 at 9:16:25 PM GMT+8

2005 年 11 月 3 日 星期四 【晴】

今日調左位~個位好好!附近都係老友~中文堂test~估唔到佢咁測~我剩係溫解釋~冇溫諺語~好似錯左兩個~第二,三堂電腦~又係test~考左差唔多兩堂~小息之後Account~派卷~好唔滿意~可以架話~我好想重測~好似小學生咁衰大意~跟著maths~miss戴唔舒服~請左個新老師~我都唔係好記得性咩lu...剩係覺得佢個樣好似一個同學,同一個網球球星~哈!跟著E.con~啊sir教完書就比相我地睇~當我見到自己個樣~都唔知可以有咩反應好~哈 ! lunch之後兩堂Eng~睇newspaper~我地都唔係睇ge...係咁o係度傾計~放學之後o係禮堂練波~5點幾就走lu...

>>November 3, 2005 at 6:58:55 PM GMT+8

2005 年 11 月 1 日 星期二 【晴】

今日係大旅行~朝早就返到學校~同人影下相..跟著就上車lu~去到之後跟左李sir行山~好靚呀d景~夠鐘就去集合玩遊戲~幾好玩!!不過有d人受傷~希望佢地冇咩事~回程果陣d人有d訓覺~有d o係度玩~返到學校~d人決定再玩遊戲~係咁跑.....好似考體能咁....跟著又同埋5C一齊玩~好好玩~玩左好耐~跟著同4c同學影相~哈!影左好耐~好似7點幾先走~返到屋企沖完梁再落街同鋒佢地食飯~

聽日要做功課同溫書~好多野做~

>>November 1, 2005 at 10:14:49 PM GMT+8

2005 年 10 月 31 日 星期一 【晴】

今日好凍呀!一早就上左俊屋企打機~咁早打機好似有d過份~跟著夠鐘就返學~返到去就開始練歌~練到夠鐘比賽~隊隊都好勁咁~搞到我好緊張~好彩都過得去~唔使出醜~最後都領唔到獎~放學之後又上左俊屋企~7點度就走lu~

聽日就係大旅行~

>>October 31, 2005 at 8:19:58 PM GMT+8

2005 年 10 月 30 日 星期日 【晴】

今日返教會~牧師講d野好似話緊我咁......食完lunch就上左俊屋企打機~冇幾耐祺都上左黎~六點幾就一齊走~聽日就比賽la~只要唔好出醜就夠架la~

>>October 30, 2005 at 7:34:06 PM GMT+8

2005 年 10 月 29 日 星期六 【晴】

一早就返學校補課....唔經唔覺就過左兩個鐘~放學之後返屋企食lunch~之後又再出去~去尖沙咀陪啊嫲買野~跟著食下午茶~之後啊嫲話比錢我去買衫~哈!我知道一定有收穫ge....去左一間展銷店~門口大大隻字寫住全部名牌一折~未入去睇下囉~入到去~係就係買名牌~但係好多貨品都唔係一折~賣一折果d全部都係舊貨~仲係好舊果d~走果陣仲聽到好多人o係度話果間店呃人....算la~跟著啊嫲話返屋企~比左錢我就走lu....佢仲叫我唔好同人講添~哈!啊嫲實在太偏心la~

>>October 29, 2005 at 6:34:08 PM GMT+8

2005 年 10 月 28 日 星期五 【晴】

今日第一堂中文~miss張話下個禮拜四調位~原來我要坐最後~附近全部都係fd~我驚坐最後聽唔到老師講野添~第二堂E.con~默書~琴晚唔記得溫~返到去先知~所以錯左兩個字....跟著Geog~miss chan今日教書好悶~小息之後兩堂Eng~miss chan太好人la~跟著maths堂有test~應該好差......太心恢意冷la~溫左等於冇溫咁.......放學同miss fong傾左陣計~跟著去食lunch~食完之後佢地去打機~我就返屋企~經過老人院~就上左去探婆婆~唉~啊婆真係成個細路咁~鐘意食糖~冇幾耐就走lu~返到屋企執埋d野去打波~打完就返屋企食飯~

原來禮拜日開始轉涼~

>>October 28, 2005 at 10:04:21 PM GMT+8

2005 年 10 月 27 日 星期四 【晴】

第一,二堂係中文堂~仲以為會調位....第一堂做練習~第二堂練歌~幾好la練得~第三堂geog~miss chan返左黎~小息之後聖經堂~好似比開學果陣多左人信耶穌~好事黎ge~跟著Eng~做paper1~跟著E.con~派卷~成績普普通通~4B班考得好過我地~李sir講果陣搞到我地好慚愧~lunch o係課室食~跟著本來係account~轉左E.con堂~繼續對卷~跟著maths~明明地.....

>>October 27, 2005 at 8:11:14 PM GMT+8

2005 年 10 月 23 日 星期日 【晴】

今朝凍醒左....溫左陣書~跟著落街食lunch~撞到小學ge陳sir~佢個樣好似愈黎愈後生咁~跟著返屋企~成日就係咁過.....我諗我好病....屋企盒廁紙給我用晒~

幸福傷風素都冇用ge....

>>October 23, 2005 at 6:10:42 PM GMT+8

2005 年 10 月 22 日 星期六 【晴】

今日返學校補maths~然後去食lunch~跟著上鋒屋企打機~樂今日好勁~打親都贏~唉~我隊祖記未贏過~失望~五點幾就走~返到屋企~都唔知點解佢可以咁偏心~初頭都算~費時糟~去沖梁~跟著諗住用電腦~佢又話我霸住陪腦~唔比人地用~下~咁都要比人鬧?跟著未入房做功課lo~好彩屋企仲有一個明白事理ge人~後未無野lu~下個禮拜一至四都有test~又要溫書~今日成日都傷風~不過都好過喉嚨痛~唔講野好悶架~


(我比你ge意見就係信自己)

>>October 22, 2005 at 8:48:13 PM GMT+8