2005 年 11 月 17 日 星期四 【晴】

今朝仲以為會測諺語~好彩唔使測~唔記得溫~第一,二堂中文~作文~第六堂E.con~分組討論~李sir好搞鬼...偷拍我地討論果陣果樣~佢行埋黎其中一組~然後就扮晒野咁話 "唔.....d字幾靚...."其實不知不覺佢已經偷拍緊....lunch之後account~考test~跟著maths~我地好似冇咩人聽個代課啊sir講書~好想miss tai快d返黎~放學睇我地班女仔打班際~好險呀 ! 贏4比2~聶淇佢地都幫我地班打氣~睇完比賽之後就趕去練波~返到屋企已經腳軟la.....

聽日要測諺語同geog~又要溫書....放學去練波....
後日出去觀塘打比賽....
大後日去做義工....

期待星期六....

>>November 17, 2005 at 7:08:06 PM GMT+8

2005 年 11 月 16 日 星期三 【晴】

今日好凍...做野都慢d~第一堂去左禮堂~好悶~跟著兩堂Eng~考oral~小息之後maths~呢個代課啊sir好唔掂~淨係叫我地做數~跟著比個答案就算~祺叫佢教我地步驟~佢就話做左唔識就先教~miss戴要下星期先返得~跟著又係Eng~做grammer~跟著E.con~樂個頭成日都阻住我...lunch去飲茶~之後兩堂P.E.~踼波~換完衫出黎見到聶淇~真係好sorry~

>>November 16, 2005 at 7:34:30 PM GMT+8

2005 年 11 月 15 日 星期二 【晴】

今日天氣涼左好多.....一早就落雨~搞到更加凍~入到課堂就睇左個短片~原來係我地班ge同學配音架~第一堂係geog~今日ge geog堂係最長ge一堂~跟著maths~miss戴仲未返~所以自修....可能琴晚夜左訓~所以就訓左成堂~第三堂E.con~比人叫中左答問題...問到我口啞啞~小息後中文堂~miss張訓話~其實miss張真係幾緊張我地...跟著兩堂account~睇黎miss葉好歡迎學生問佢問題bo........ lunch之後兩堂Eng~Test Paper2~個個都好似好勁咁~差唔多滿分~放學睇班際籃球~跟著返屋企~

返到大厦門口~見到一條條警察果d膠帶~後來知道有d意外發生~果個人我仲識架...................雖然唔係好熟~但係出出入入都有打過招呼~願主保守佢ge家人唔好咁傷心...

>>November 15, 2005 at 6:31:43 PM GMT+8

2005 年 11 月 14 日 星期一 【晴】

今日等唔到俊~所以自己返學~有d唔慣~第二堂本來Eng~不過miss chan冇返~就變左地理堂~第六堂account~好悶~lunch之後maths~代課啊sir原來教埋今日~跟著中文堂~作文~miss張話未作晒唔準走~所以做得好快~放學之後有班際籃球~我地班打揭幕戰~最後贏左 ! 佢地好似贏得好易咁.....

>>November 14, 2005 at 6:34:07 PM GMT+8

2005 年 11 月 11 日 星期五 【晴】

今日第一堂中文堂~考諺語~乙部"畬矺但係唔知作句作成點~跟著兩堂電腦~做堂課~小息之後係ACCOUNT~上account堂一定要專心至得~唔係真係會唔識~跟著maths~有d o係度玩IQ題~有d o係度傾計~好糟 ! 但係啊sir都唔鬧~可能佢係代課...費時出聲la~跟著E.con~專心~但好似都唔係好明~lunch之後Eng~睇newspaper~跟著geog~miss chan著得好怪....miss chan要講test d野~所以遲左放學~放學之後趕去練波~點知咁好彩八達通負錢~見到駼同霞...諗住佢地有散銀~點知冇~無奈 ! 諗住增埴la~入左好多次都唔收張$50~霞整一整張錢就得左...thx ! 去到體育館....差d遲到~唉 ! 竟然今日要練返d基本野~跳繩~要跳到有風聲先合格~跳一千下有風聲先算練完 ! 不過如果不停做~十分鐘都做完~練完波果陣~d手腳好似唔係自己ge咁....19號要打比賽~但係返到屋企feel到條腰有d痛~次次比賽前都有唔如意ge事~上年打學屆又有少少病.....一定要快d好番呀 !

>>November 11, 2005 at 9:59:27 PM GMT+8

2005 年 11 月 10 日 星期四 【晴】

今日第一,二堂去禮堂聽福音.....開頭都幾好ge...不過睇得耐就覺得悶~跟著係Eng~傾下計又一堂~小息之後maths~代課啊sir都教得我幾明~跟著又Eng~無幾耐又過左~跟著Account~miss葉好遲先入黎~跟著又搞唔掂部電腦~所以開始教果陣教已經冇左半堂~lunch之後閱讀堂~跟著兩堂p.e.~咁多個教我ge老師之中~最唔鐘意就係張sir~今日佢好遲先黎~搞到我地少左時間踢波~換完衫出到黎又o係度扮晒野~又話我地嘈要我地跑多兩個圈~我就覺得唔係好嘈姐...唔通全班一句聲都唔出先叫唔嘈牙?我地嘈就罰跑圈,佢遲左成十五鐘先上堂就連解釋都冇就算~我地都無咩說話好講 ! 後未又o係度扮好人話唔洗跑多兩個圈~我就寧願跑多兩個圈聽你解釋點解咁遲黎la~跟著教踢波~搵人出黎做示範~係咁講自己以前點勁點勁.....唉 ! 都唔知佢想點~做示範果陣啊霆唔小心射中左佢~我地未o係度笑囉~跟著佢就o係度話啊霆~人地都係唔小心姐.....你咁叻,又唔見你控定個波傳返比啊霆~又話自己點勁點勁...放學同俊一齊走~搭車果陣俊比人搞到好無奈~如果我係佢~我都唔知有咩反應好~

>>November 10, 2005 at 5:38:52 PM GMT+8

2005 年 11 月 9 日 星期三 【晴】

第一堂中文~以為要測諺語~琴晚就溫左...點知唔洗測~第二,三堂Account~明明地~小息之後geog~快就過左...跟著maths~晴話我o係咁畫圖....抄筆記姐~跟著E.con~無特別事....今日lunch多左三個女仔~所以成班人去左飲茶~返到黎閱讀堂之後兩堂Eng~miss chan真係好人~d人o係度訓覺~佢就好言相勸咁講"Are you ok?"佢叫我去領部CD機~又唔該前唔該後咁....放學果陣......無奈 !

>>November 9, 2005 at 4:56:50 PM GMT+8

2005 年 11 月 8 日 星期二 【晴】

今朝有d少少頭痛~第一堂中文堂~做番琴日份卷~跟著E.con~李sir叫我幫佢搵野~佢仲話搵唔到就由佢~我心諗 : 除非佢d野唔係放o係張枱~唔係我點會搵唔到呢?點知去到佢張枱~真係好亂 ! d紙周圍都係~相機,滑鼠,筆,仲有銀包~銀包又會唔跟身ge佢 ? 最後真係搵唔到 ! 太亂la~佢話搵唔到就領個滑鼠比佢~但係張枱有兩個滑鼠~我未是但領一個囉~點知佢話呢個唔係佢..............第三堂Geog~好快就過左 ! 小息之後兩堂英文~miss chan而家仲要返工...太唔放便 ! 派左卷~滿意 ! 跟著maths~仲以為miss tai返左黎~點知原來佢仲要請多一個禮拜病假~所以果個啊sir就要代多一個禮拜~佢今日唔知搞咩~無端端出d怪聲出黎~lunch之後兩堂電腦~我同鋒都訓左陣~放學去4D課室考geog~好難~

>>November 8, 2005 at 6:05:12 PM GMT+8

2005 年 11 月 7 日 星期一 【晴】

一早就知道左車仔輸波~好想佢繼續輸落去~返到學校~李sir今日分享信息~無論佢講得好唔好~我都係咁支持佢~第一,二堂中文堂~派卷~算la~跟著無端端話有test~唔夠時間做~miss張話聽日再做~跟著Geog~miss chan叫我答問題~好彩有聽書~俊就慘lu...佢咁"硠平屭骻iss chan問咩~我諗住話佢知條問題~點知佢以為係答案~所以就答錯左喇 ! 小息之後聖經堂~miss蘇叫人角色扮演~我要扮耶穌ge同鄉~老實講~我覺得咁ge教學方式唔work...仲有d無聊 ! 跟著Eng~考test~比我想像中容易~但係都有d唔識~跟著E.con~專心~lunch之後Account~好多堂課未做~要做番晒先得~跟著maths~代課啊sir考埋今日~聽日Miss Tai返lu....放學有活動o係操場~好想睇一場師生籃球賽~有就好la~

>>November 7, 2005 at 7:35:52 PM GMT+8

2005 年 11 月 6 日 星期日 【晴】

11月6日香港消息，在剛剛結束的香港羽毛球公開賽混雙決賽中，世錦賽亞軍謝中博/張亞雯以2比0完勝雅典奧運亞軍前世界排名第一的英格蘭組合羅伯森/埃姆斯，首度奪得六星級公開賽冠軍，這也是他們首次戰勝羅伯森/埃姆斯。

謝中博真係好勁~

>>November 6, 2005 at 7:10:03 PM GMT+8